ဒီနေ့မွေး ရင်သွေးငယ်များဟာ ရာဇဖွား၊ အဿလိကနက္ခတ်နဲ့စန်းယှဉ်မွေးသူ၊ ကရကဋ်စန်း နေ့စက်(12)နာရီ (15)မိနစ် လွန် စန်းသိဟ်ရာသီသို့ ပြောင်းသည်။ မကာရရာသီဖွားဖြစ်ပါသည်။ ယနေ့မွေးဖွားသူများသည် ထင်သာ မြင်သာရှိ၍ လူ အများကြားတွင်ထင်ပေါ်လိမ့်မယ်။ ရိပ်စားမိလွယ်သော၊ အကင်းပါးသောသူတွေဖြစ်ကြသလိုနွေးထွေးမှုနှင့် ဆွဲဆောင်မှု ရှိသော အရည်အသွေးများလဲရှိကြပါတယ်။ လူအများရဲ့ ကောင်းစွာသဘောကျနှစ်ခြိုက်ခြင်းကိုခံရတတ်ပါတယ်။ မိမိ သည် အလွန်အခြေခံကျပြီး မိမိဘဝ၏အောင်မြင်မှုနှင့် စီမံခန့်ခွဲမှုကို လိုက်ရှာရာတွင် လက်တွေ့ကျပြီး အလေး အနက်ထားဆောင်ရွက်နိုင်သည်။ မိမိပုံသဏ္ဌာန်သည် မိမိအတွက် အလွန်အရေးကြီးပြီး အမြဲတမ်း ဂျင်ဆော့ခြင်းများကို ဆောင်ရွက်သင့်တဲ့သူတွေဖြစ်ပါတယ်။မိမိကိုယ်ကို ပေါ့ပါးသော စနစ်တစ်ခုပေါ်တွင်သာ အမြဲထားရန် ကြိုးစားနေပါ လိမ့် မည်။
မိမိရဲ့ခံနိုင်ရည်နဲ့ စွမ်းဆောင်နိုင်ရည်က အထူးပင် လေးစားမှတ်သားလောက်စရာဖြစ်ပါတယ်။ မိမိရဲ့အသက် မွေးဝမ်း ကြောင်းအလုပ်က မိမိရဲ့ဖန်တီးနိုင်စွမ်းကို လွတ်လွတ်လပ်လပ်ဖော်ပြခွင့်ပြုရင် အောင်မြင်နိုင်ခြေပိုများပါတယ်။ နိမ့်ကျ သော လူပုဂ္ဂိုလ်များက မိမိအပေါ် အခွင့် ကောင်းယူခြင်းခံရနိုင်သည်။သက်လတ်ပိုင်းမှာ ထင်ရှားစွာအောင်မြင်နိုင်သူ အဖြစ်တွေ့ရတယ်။အိမ်ထောင်ရေး သောက ဒုက္ခတွေကြုံရတတ်ပြီး အချိန်တန်သောအခါ တစ်ကိုယ်တည်းနေရတာကို ပိုမိုနှစ်သက်တတ်ပါတယ်။ကျန်းမာရေးအားကောင်းသူဖြစ်ပြီးတော်ရုံအဖျားအနားကင်းကြသူတွေပဲဖြစ်ပါတယ်။ အသက် ၁၉နှစ်ထိ အနည်းငယ် အတက် အကျ ဖြစ်တတ်ပေမဲ့ အသက် ၂၀ကစလို့ အောင်မြင်မှုရဲ့ ပထမခြေလှမ်းကို လှမ်းသွား နိုင်ပါလိမ့်မယ်။ ငွေကြေး အင်အား ကောင်းသူဖြစ်ပြီး လက်ကားစီးပွားရေးတွေနဲ့ အောင်မြင်တတ်ပါတယ်။ ခရီးသွားလုပ် ငန်း၊ကားလုပ်ငန်းတွေနဲ့ တစ်သက်တာအကျိုးမပေးတာကိုတွေ့ရပါတယ်။
လူများအပေါ်တွင် စိုးမိုးအုပ်ချုပ်တာဝန်ခံရသော အဆင့်အတန်း သို့ တက်လှမ်းနိုင်သည့်အခြေအနေများနှင့် ကံကြမ္မာများပေါ်ထွက်လာ နိုင်ပါသည်။ တချိန်တည်းမှာပင် အိမ်တွင်းရေး၊ဆွေမျိုးရေးတို့ကြောင့် စိတ်ပျက်ဝမ်းနည်း ဘွယ်ရာ ကောင်းသော ဘဝလမ်းခရီးမျိုးကိုလည်း ကြုံတွေ့ကောင်းကြုံတွေ့ရပေလိမ့်မည်။ဆွေမျိုးတွေနဲ့ အစေးမကပ် ၊အဆင်မပြေတာတွေ့ရတယ်။ အိမ်ထောင်ကျပြီးရင် နေရာသစ်မှာ အခြေချနေထိုင်တာမျိုး ဒီလိုဇာတာတွေကို အများအပြားတွေ့ရလေ့ရှိပါတယ်။ထက်မြက်ခြင်း၊ စိတ်ကူးစိတ်သန်းကောင်းခြင်း၊ စိတ်အလွန်ကောက်တတ်ခြင်း များ နဲ့ ကျော့ကျော့မော့မော နေတတ်ခြင်းများ ဒွန်တွဲနေမယ့် ကလေးမျိုးလို့ ဆိုနိုင်ပါတယ်။
သင်ရောက်နေသည့်အဆင့်အတန်းက သင်၏ကျော်ကြားမှုကို ဖန် တီးပေးနေတတ်သော်လည်း လက်ထဲတွင်ငွေကြေး ဥစ္စာ မတည်မြဲတတ် ချေ။ ကောင်းမွန်စွာအိမ်ထောင် ကျသော်လည်း အိမ်ထောင်ရေးဘဝ ကို မကြာခဏ အစမ်း သပ်ခံရတတ်သဖြင့် ကြံ့ကြံ့ ခံနိုင်အောင် သတိ ရှိရပေလိမ့်မည်။ သီရိဂြိုဟ် အင်အားနဲတာကြောင့် မိန်းကလေးရင်သွေး ငယ်များကတော့ အရွယ်ရောက်လာချိန်နဲ့ မယူရသေးခင်ချစ်သူနဲ့ official တွဲတာမျိုးတွေ၊ ခရီးအတူတူသွားတာမျိုး တွေအထူးရှောင်သင့်ပါတယ်။
စိတ်ပိုင်းဆိုင်ရာခံစားချက်များကို အသားပေးလျက် ကိုယ်ပိုင်စိတ်ကူးယဉ်ကမ္ဘာကို တည်ဆောက်နေတတ်သူမျိုး လည်း ဖြစ်သည်။ ခရီးသွားလိုစိတ် အမြဲရှိတတ်၍ အထူးသဖြင့် ပင်လယ်ခရီးကို နှစ်သက်တတ်ပါသည်။
လက်တွေ့ဘဝနှင့် စီးပွားရေးဘဝတို့က မိမိ၏ စိတ်ပိုင်းဆိုင်ရာ အယူအဆပိုင်းကို အနှောက် အယှက် ပေးသလို ဖြစ် နေတတ်သည်။ အခြေအနေပေးပါက ဘဝတလျှောက်လုံး တနေရာထဲတွင် အခြေ မချဘဲ ပြောင်းရွှေ့နေထိုင်တတ် သူမျိုးလည်းဖြစ်ပါသည်။ ဇာတိ ချက်ကြွေမွေးရပ်မြေမှ အခြားသော ရေခြား မြေခြား တိုင်းတပါးတွင် အခြေကျပြီး အောင်မြင်နိုင်သည့်အလားအလာရှိနေပေသည်။ လူမျိုး ပေါင်းစုံနှင့်လည်း ဆက်ဆံပေါင်းသင်းရတတ်ပါသေးသည်။
အလိုရှိရာကို ပြတ်သားစွာ ရည်ရွယ်ချက်ထားတတ်ပြီး လက်တွေ့အကောင်အထည်ဖော်တတ်သော သဘာဝစရိုက်ပါ ရှိလာတဲ့ကလေးငယ် မျိုးတွေဖြစ်တာကြောင့် အနာဂတ်အတွက် ထူးကဲစွာ ပူစရာမလိုတဲ့ ကလေးငယ်မျိုး လို့ ပြောနိုင်ပါတယ်။ နာမည်ပေးသာ မတိမ်းစောင်းခဲ့ဘူးဆိုရင် တစ်မိပေါက်တစ်ယောက်ထွန်း ဆိုသလို …မိသားစုရဲ့ လူနေမှုဘဝကို ပါ တိုးတက်မြင့်မားသွားအောင် …ရှေ့ဆောင် ဖောက်ထွက် လုပ်ကိုင်မယ့် ရင်သွေးငယ်မျိုးဖြစ်လာပါ လိမ့်မယ်။
အရေးပါသောဂဏန်းများမှာ ခုနစ်နှင့် နှစ်ဂဏန်းများနှင့် ၎င်း တို့ကို ဖြစ်ပေါ်စေသည့် ဂဏန်းအတွဲများဖြစ်သည်။ ထို ့ကြောင့် ၂၊၇၊ ၁၁၊၁၆၊၂ ဝ၊၂၅နှင့် ၂ ၉ရက်များတွင် သင့်ဘဝအတွက် အရေးကြီး သောကိစ္စများကို ဆောင်ရွက် သင့်ပါ သည်။
လေးနှင့် ရှစ်ဂဏန်းများကို ဖြစ်ပေါ်စေသော ၊ဂ၊၁၃၊၁၇၊၂၂၊ ၂၆နှင့် ၃၁ရက်နေ့များကား သင့်အတွက် အကျိုးမပေး တတ်သဖြင့် ရှောင်သင့်လှပေသည်။
ညှို့ဓါတ်စွမ်းအားတိုးတက်ထက်မြက်လာစေရန်နှင့် ပိုမိုကံကောင်း လာစေရန် အောက်ဖော်ပြပါအရောင် အသွေး များပါသော အဝတ် အစားအသုံးအဆောင်များကို သုံးဆောင်ထားသင့်ပါသည်။ ၎င်းတို့ မှာ မီးခိုးရောင်၊ အဖြူသွေး ပါသော အရောင်များ၊ ရောင်ပြေးများ၊ အစိမ်းရောင်အသွေးအမျိုးမျိုး၊နို့ နှစ်ရောင်အဖြူ၊ စသည်တို့ ဖြစ်ကြပါ သည်။သင့် ကို ကံကောင်းစေမည့်ရတနာများမှာ ကျောက်စိမ်းနှင့်ပုလဲတို့ ဖြစ်ပါသည်။
ဘဝတလျှောက်လုံး အရေးကြီးသော အသက်ပိုင်းများမှာ ၂၊၇၁၁၊၁၆၊၂၀၊၂၅၊၂၉၊၃၄၊၃၇၊၄၃၊၄၇၊၅၂၊၅၆၊၆၁၊၆၅နှင့် ၇ဝ တို့ဖြစ်ကြပါသည်။တနှစ်တာအတွင်း မည်သည့်လ၌မဆို ၂၊၁၁၁၆၂၀၊နှင့် ၂ ၉ရက်နေ့ဖွားသောသူများသည် သင်နှင့် ရေစက်ဆုံသူများဖြစ် ကြပေသည်။
ဒီနေ့မွေးရင်သွေးငယ်များအားလုံး ကျန်းမာချမ်းသာ၊အသက်ရှည်ပြီး၊ဥာဏ်ပညာနှင့်ပြည့်စုံသော သားသားမီးမီးများဖြစ် ကြပါစေ။မိဘကအားကိုးရသော၊တိုင်းပြည်က အားကိုးရသော ရတနာလေးတွေ ဖြစ်ပါစေလို့ ဆုမွန်ကောင်းတောင်း အပ်ပါတယ်။
#ဩဘာမိုး -ရင်သွေးအမည်ပေးသီးသန့်
09775555695