ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ တန်ဆောင်မုန်းလဆန်း(၅)ရက်၊ သောကြာနေ့ဖြစ်ပါတယ်။
ခရစ်နှစ် ၂၀၂၂ခုနှစ်၊အောက်တိုဘာလ(၂၈)ရက်နေ့လဲ ဖြစ်ပါတယ်။
ဒီနေ့နံနက်(၅း၃၈)နာရီမှာ အရုဏ်တတ်ပါတယ်။ နေထွက်ချိန်နံနက်(၆း၂၆)နာရီဖြစ်ပြီး ၊ ညနေ(၅း၄၄)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အရှေ့အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက်အရပ် ဖြစ်ပါတယ်။ စန်းပွင့်ရာအရပ်ကအရပ် မြောက်ဖြစ်ပါတယ်။
တီထိမြေခံ အရ မနက် ၁၁း၃၀မိနစ်ထိ မြေခံကောင်းတာဖြစ်တဲ့အတွက် အိုးအိမ်တိုက်တာ၊အဆောက်အဦးတွေကို စတင်ဆောက်လုပ်၊တိုင်ထူ၊ပန္နက်ရိုက်ခြင်းများဆောင်ရွက်နိုင်ပါတယ်။ထိုအချိန်ကျော်သွားပါကတနင်္ဂနွေမြေခံတဲ့နေ့ဖြစ်ပါတယ်။ တနင်္ဂနွေ မြေခံတဲ့နေ့ဖြစ်တာကြောင့် ဒီနေ့မှာ ဘာလုပ်လုပ် အထူးသတိထားလုပ်ကိုင်သင့်သော အချိန် ကာလမျို;ဖြစ်တာမို့ ခိုင်ခန့်တဲ့အဆောက်အဦး တွေ၊ကျောင်း တွေသိမ်တွေ၊ လမ်း တံတား တွေ၊ အထပ်မြင့် အဆောက်အဦးတွေ စတင် ဆောက်လုပ်တာ တိုင်ထူတာ ပန္နက်ရိုက်တာမျိုး တွေ အထူးရှောင်သင့်ပါ တယ်။
ဒီနေ့ဟာ ရှမ်းရက် ကျရောက်နေတာြဖစ်ပါတယ်။
ဒီနေ့ဟာ တီထိအရတော့ မနက် ၁၁း၃၀ကျော်ရင် လဆန်းတီထိ ၄လုံးကိုကူးပြောင်းပြီးတော့ ဆင်းရဲခြင်းကိုဖြစ်စေ နိုင်တဲ့ ရိတ္တာတီထိကျရောက်တဲ့နေ့ရက်ပဲဖြစ်ပါတယ်။ဒီနေ့ဟာတီထိအရတော့ အနိဋ္ဌသဘောကိုဆောင်တဲ့တီထိလဲ ဖြစ်ပါ တယ်။ အိုးအိမ်ချဲ့ထွင်ခြင်း၊ အိမ်ခန်းဖွဲ့ခြင်း၊အဖီးချခြင်းများဆောင်ရွက်လို့ကောင်းပါတယ်။ လှောင်ကုန်များ ပြန် လည် ရောင်းချနိုင်ပါလိမ့်မယ်။ ကုန်သွယ်ရေးကိစ္စများဆောင်ရွက်လို့အထူးအဆင်ပြေပါလိမ့်မယ်။ ငွေကြေး အပေး အယူ ကြောင့်ဖြစ်လာတဲ့ ပြဿနာတွေရှိခဲ့ရင်တော့ ဒီနေ့မှာ ကောင်းစွာဖြေရှင်းပြီး ပြေလည်မှုရပါလိမ့်မယ်။
ခဲယမ်းမီးကျောက်ထုတ်လုပ်ခြင်း၊ ဓားလှံလက်နက်ပြုလုပ်ခြင်းတွေ၊ အရက်သေစာထုတ်လုပ်ဖြန့်ချီခြင်းတွေ ဆောင် ရွက်နိုင်တဲ့နေ့ရက်ပါပဲ။ရန်သူစခန်းအားသိမ်းပိုက်ခြင်း၊တရားခံအားဖမ်းဆီးခြင်းများဆောင်ရွက်နိုင်တဲ့နေ့ ရက် ပါပဲ။ အခက်အခဲအကြပ် အတည်းတွေကြားကနေလဲ လွတ်မြောက်အောက်စွမ်းဆောင်နိုင်မဲ့နေ့ရက်ပါပဲ။ သတ္ထုထုတ် လုပ်ရေး လုပ်ငန်း များ မိုင်းခွဲခြင်းတွေ အထူးဆောင်ရွက်နိုင်ပါတယ်။
ငွေကြေးနဲ့ပတ်သက်ပြီး ရဖို့ကြန့်ကြာနေတဲ့ ကိစ္စတွေ၊အကြွေးရစရာရှိတာတွေကို ဒီနေ့မှာပြန်တောင်းခံလို့အထူး ကောင်းပါတယ်။ အထားမှားပြီး ပျောက်ဆုံးနေတဲ့ ပစ္စည်းများ ပြန်ရှာတွေ့တတ်ပါတယ်။ အနုစိပ်အသေး စိပ် လုပ်ကိုင်ရသောအလုပ်များ အထူးအဆင်ပြေပါတယ်။ ဖုန်းပြင်တာ၊ ကွန်ပြုတာပြင်တာ၊ စတဲ့အလုပ်တွေကို ဆို လိုတာပါ။
အိမ်ပြောင်းနေရာပြောင်း၊ အလုပ်ရုံးခန်းပြောင်းရွှေ့ခြင်းများ အထူးကောင်းပါတယ်။ အိမ်အသစ်စတင်နေထိုင်ခြင်း၊ အိမ်တတ်ကျင်းပခြင်းတွေလဲ အထူးကောင်းပါတယ်။ ကျန်းမာရေးနဲ့ပတ်သက်ပြီး ရောဂါဝေဒနာတွေကို အရှင်း ပျောက်မဲ့နေ့မျိုးပါပဲ။ ဆရာကောင်းသမားကောင်းနဲ့ တွေ့ရတတ်ပါတယ်။အရောင်းအဝယ်ပဲပတ်သက်သော စာချုပ် မှန်သမျှချုပ်ဆိုလို့ အလွန်ပဲကောင်းပါတယ်။ အလုပ်နဲ့ပတ်သက်ပြီး မည်သည့်အလုပ်ကိုမဆိုရဲရဲ တင်းတင်း ပြောဆိုလုပ်ကိုင်မှပဲအဆင်ပြေပါလိမ့်မယ်။
ဒီနေ့ဟာ ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ည(၁၈း၅၇)နာရီမှ (၁၉း၄၉)နာရီအတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများကြုံလာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ရှမ်းရက်ကျတဲ့နေ့ဖြစ်တာကြောင့် မင်္ဂလာနှင့်ဆိုင်သောကိစ္စများအထူး ရှောင်သင့်ပါတယ်။ လက်ထပ်ထိမ်းမြားခြင်း၊ စေ့စပ်ခြင်း၊ မင်္ဂလာစကားပြောဆိုခြင်းများလဲ ရှောင်သင့်ပါတယ်။ ဒီနေ့ဟာခရီးကိစ္စတွေမှာတော့တောင်တတ် ခရီးများ၊တောတောင်ထဲကိုသွားရတဲ့ခရီးမျာကိုအထူးရှောင်လိုက်စေ ချင်ပါတယ်။
ဒီနေ့မွေး ရင်သွေးငယ်များဟာ ပုတိဖွား၊ ဗြိစ္ဆာစန်း၊ တူရာသီဖွားဖြစ်ပါသည်။
ဒီနေ့အတွက် ရာဟုကာလအမှောင်ချိန်တွေကတော့ မနက်(၁၀း၂၂) နာရီမှ နေ့လယ်(၁၁း၄၉)နာရီအတွင်း ကျရောက်နေပါတယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ် ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူး ကောင်းပါတယ်။
ကံကောင်းသောနေ့သားများကတော့ စနေ၊ အင်္ဂါ၊ ဗုဒ္ဓဟူး သားသမီးများပဲ ဖြစ်ပါတယ်။
ကံညံ့သော နေ့သားများကတော့ တနင်္ဂနွေ၊ ကြာသပတေး သားသမီးများပဲ ဖြစ်ပါတယ်။
ကံသင့်သောနေ့သားများကတော့ တနင်္လာ၊ ရာဟု၊ စနေ သားသမီးများပဲ ဖြစ်ပါတယ်။
ဒီနေ့မှာ ရွှေရောင် နှင့် နို့နှစ်ရောင် များများပါသော အဝတ်အစား၊ အသုံးအဆောင်ပစ္စည်း တွေ ကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၈၊ ၅) ဂဏန်းတွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့Marker pen ဆောင် သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ မုန့်တီ ဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လိုအင်ဆန္ဒတွေပြည့်ဝကြပါစေ။
၇ရက်သားသမီးအတွက် တစ်နေ့တာဟောစာတမ်းအကျဉ်း
တနင်္ဂနွေ
ကံကြမ္မာက လမ်းကြမ်းမှာဖိနပ်မပါဘဲလမ်းလျှောက်ရသလိုပါပဲ။ မြေပြင်ကြမ်းခင်းမှာ ငုတ်တွေရှိနေမလား၊ ပုလင်း ကွဲတွေရှိနေမလား မသိလို့ စမ်းလျှောက်နေသလို စမ်းတဝါးဝါးဖြစ်နေမဲ့ နေ့ရက်ပါပဲ။ သေးမွှားသော အမှားတွေ ကနေ ကြီးမားသောပြဿနာတွေကို ဖြစ်ပေါ်စေပါတယ်။ သင့်ကိုဒုက္ခများ အောင်လုပ်မဲ့သူတွေနဲ့ကြုံရတတ်ပါ တယ်။ ဝန်ထမ်းများ၊ လခစားများ စွမ်းစွမ်းတမံ စွမ်းဆောင်နိုင်မှသာ နေရာရမဲ့ နေ့ရက်ပါပဲ။ဥစ္စာဓနကံက အားရ စရာမရှိတဲ့နေ့ရက်ပါပဲ။ လာဘ်ပိတ်နေတတ်ပါတယ်။ သင့်ရဲချစ်သူနဲ့ သင့်မြတ် အောင်နေထိုင်ပါ။ ချစ်သူနဲ့ စကားအကြီး အကျယ်များတတ်ပါတယ်။
တနင်္လာ
ဒီနေ့ကတော့ခရောင်းလမ်းကိုဖြတ်သန်းရမဲ့နေ့ရက်လဲဖြစ်ပါတယ်။ တတ်နိုင်သမျှမည်သည့်ရင်းနှီးမြုပ်နှံမှုကိုမှ ဒီနေ့ မှာမစသင့် ပါဘူး။ ပေါ်ပင်အလုပ်တွေလုပ်မိရင်လဲ မှန်းချက်နဲ့ နှမ်း ထွက်မကိုက်သလိုဖြစ်ရတတ်ပါတယ်။ ကြိုးစားရမယ်။ ဇွဲရှိရမယ်။သည်းခံရမယ်။ဒါမှပဲအဆင်ပြေပါလိမ့်မယ်။ ဘယ် သူကိုမှယုံကြည်မှုမလွန်ကဲပါစေနဲ့။ မျက်မြင်မဟုတ်ဘဲ မည်သည့်ကိစ္စကိုမှမယုံသင့်ပါဘူး။ ကျန်းမာရေးကတော့ဆီး မျက်စိနဲ့ပတ်သက်ပြီးအားနည်း တတ်ပါတယ်။ မီးပြင်ခြင်း၊ လျှပ်စစ်ကိုင်တွယ်ခြင်းများသတိနဲ့ဆောင်ရွက်ပါလို့မှာ ချင်ပါတယ်။ ပညာရှာနေသူများ ပညာရေးအပေါ်စိတ်နှစ်လို့မရနိုင် ဖြစ်ရတတ်ပါတယ်။
အင်္ဂါ
မိမိဖြစ်ချင်တာတွေကိုလဲဖြစ်အောင်လုပ်သွားနိုင်ပါလိမ့်မယ်။ ကုသိုလ်ကံအင်အားကောင်းနေတတ်ပါတယ်။ အေးချမ်း တည်ငြိမ် သောဘဝနေထိုင်မှုတွေကိုလဲ ရနိုင်သလို၊မှန်ကန် သောအတွေးအမြင်တွေကိုလဲ ရလာတတ်ပါ တယ်။အခြားသူတွေနဲ့ ဆက်ဆံရေးပိုကောင်းအောင်စွမ်းဆောင်နိုင်ပါ လိမ့်မယ်။ ဒါကြောင့်မိတ်ဆွေတိုးမဲ့နေ့ရက်လဲ ဖြစ်ပါတယ်။ အသုံးအစွဲကျစ်လစ် သူတွေအတွက် ငွေစတင်စုဆောင်း နိုင်ပါလိမ့်မယ်။ အလုပ်ခွင်အတွင်းနေရာရ လာတတ်ပါတယ်။ မိမိသြဇာညောင်းမဲ့နေ့ရက်မျိုး လဲဖြစ်ပါတယ်။ မိမိဝယ် ချင်တဲ့စက်ပစ္စည်းတွေ၊ဖုန်းတွေ၊ ကွန်ပျူတာတွေဝယ်ချင်တယ်ဆိုရင်ဒီနေ့ဝယ်စေချင်ပါတယ်။
ဗုဒ္ဓဟူး၊ရာဟု
အလုပ်ခွင်အတွင်းလူချစ်လူခင်များနိုင်ပါတယ်။ မိမိဆိုင် လဲအရောင်းအဝယ်တိုးလာတတ်ပါတယ်။ မိတ်ဆွေသူငယ်ချင်းတွေ ဆီကအကြံဉာဏ်ကောင်းတွေရလာတတ်ပါ တယ်။ အလှူကိစ္စများ၊ ပရဟိတကိစ္စများလဲ ကြုံရတတ်ပါတယ်။ အကျိုးအမြတ်ကြီးမဲ့နေ့ဆိုပေမဲ့ စိတ်ကြီးဝင်ပြီး ဘဝင်မြင့်နေရင်အဆင်ပြေမည်မဟုတ်ပါ။ ပင်မဝင်ငွေလမ်းကြောင်းအပြင် အခြားချဲ့ထားတဲ့အလုပ်တွေကနေငွေ တွေဝင်လာတတ်ပါတယ်။ လောင်းကစားနှင့် လောဘဇောတိုက်ပြီး စီးပွားရှာငွေရှာ ခြင်းမျိုးကိုတော့ရှောင်လိုက်စေ ချင်ပါတယ်။ ကျန်းမာရေးအညံ့နည်းပါတယ်။ အိမ်ထောင်ဘက်ရဲ့ငြိုငြင်ခြင်းကိုတော့ ခံရတတ်ပါတယ်။
ကြာသပတေး
မုန်တိုင်းထန်နေတဲ့ကာလပါပဲ။စီးပွားရေးလုပ်ငန်းများအ အနှောက်အယှက်ကြုံရတတ်ပါတယ်။ အလုပ် ကိုခဏနားထားပြီးတော့ အပန်းဖြေအနားယူတာမျိုးကိုအလေးပေး ဆောင်ရွက်စေချင်ပါတယ်။ ကျန်းမာရေး ကတော့ ဒီနေ့အတွက်အားနည်းချက်များတာ မျိုးတွေကြုံရတတ်ပါတယ်။ အထူးသဖြင့်အရက်ရှောင်ပါ။ ကူးစက် ရောဂါဖြစ်တတ်၍ နာမကျန်းသူနဲ့ကင်းကင်းနေလိုက်ပါ။ လူငယ်တွေဆို အကျိုးရှိတဲ့ကိစ္စတွေကိုပဲဦးစားပေး လိုက်ပါ။ လူမှုရေးနယ်ပယ်မှာလူသိများအောင်လုပ်စေချင်ပါတယ်။ အချစ်ရေးမှာ စန်းအားကောင်းနေ တဲ့နေ့ရက် လို့မြင်ပါတယ်ဗျ။ ဝန်ထမ်းများအလုပ်တာဝန်တွေပိုလာမဲ့နေ့ပါပဲ။
သောကြာ
စပ်တူအလုပ်များ၊ဖက်စပ်ရှယ်ယာအလုပ်များစတင်လို့ မကောင်းသေးပါဘူး။ လူငယ်များ မိခင်ရဲ့ ကန့်ကွက် မှုကြောင့် ဖြစ်ချင်တာတွေလုပ်ခွင့်မရတာမျိုးတွေကြုံရ တတ်ပါ တယ်။ အပျော်အပါးလောင်းကစား ရှောင်ပါ။ လောင်းကစား လုပ်မိရင်ငွေအစုလိုက်ကုန်သွားပါလိမ့်မယ်။ ဘာလုပ် လုပ်မလောပါနဲ့။ အလျင်လိုလေ အနှေးဖြစ်ရလေပါပဲ။ မိမိရဲ့ အပြောအဆို ကြောင့်အောက်လက်ငယ်သားတွေရဲ့ အထင်လွဲတာခံရတတ်ပါတယ်။ ကျန်းမာရေးကိုတော့ စိတ်ပူစရာမလိုပါဘူး။ ဒါပေမဲ့ထိခိုက်ရှနာ၊သွေးထွက်သံယို ဖြစ်လွယ်ပါတယ်။ လျှပ်စစ်ကိုင် တွယ်ခြင်းများသတိနဲ့ ကိုင်တွယ်လုပ်ကိုင်ပါ။
စနေ
အသင်းအဖွဲ့များတွေနေရာပေးခံရတတ်ပါတယ်။ အိမ် ထောင်ရေးနဲ့ပတ်သက်ပြီး စိတ်ချမ်းသာရပါလိမ့်မယ်။ မိသားစု အဆင်မပြေတာတွေရှိရင်လဲ ညှိနှိုင်းဆောင်ရွက် နိုင်ပါလိမ့် မယ်။လူမျိုးခြား၊ဘာသာခြားတွေဆီက အကူ အညီကောင်းတွေ ရလာပါလိမ့်မယ်။ ကံကောင်းခြင်းတွေ၊ အဆင်ပြေခြင်းတွေကြုံရပါလိမ့်မယ်။ အလုပ်အကိုင်တွေ အဆင် ပြေမယ်။ အလုပ်အော်ဒါတွေရလိမ့်မယ်။ အလုပ် ကြီးကြီးမားမားတွေလက်ခံရရှိတတ်ပါတယ်။ မိမိရင်းနှီး မြုပ်နှံထားတဲ့ ကုန်ပစ္စည်းတွေ ကနေဈေးကောင်းရလာ တတ်ပါတယ်။ အလှူအတန်းနဲ့ပတ်သက်ပြီး တော့လဲမိမိ လှူချင် တာကိုလှူရတန်းရတတ်ပါတယ်။
ဆရာငြိမ်းအေးလူ(ဗေဒင်သုတေသီ)
09775555695
