ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ သီတင်းကျွတ်လဆုတ်(၁)ရက်၊ တနင်္လာနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊အောက်တိုဘာလ(၁၀)ရက်နေ့ ဖြစ်ပါတယ်။
ဒီနေ့နံနက်(၀၅း၂၈)နာရီမှာ အရုဏ်တတ်ပါတယ်။ နေထွက်ချိန်နံနက်(၀၆း၁၆)နာရီဖြစ်ပြီး ၊ ညနေ(၀၅း၅၄)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အနောက်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အရှေ့အရပ် ဖြစ်ပါတယ်။ စန်းပွင့်ရာအရပ်ကမြောက်အရပ် ဖြစ်ပါတယ်။
လက်သမားမြေခံ ကတော့ ကညာ မြေခံဖြစ်၍ မင်းစိုးရာဇာများ ပူဇော်တဲ့ နေ့မျိုးဖြစ်တာကြောင့် ပျဉ်ထောင် အိမ်တွေ၊ တဲတွေ၊ ဆိုင်ခန်း၊ လိုင်းခန်းတည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာ တွေ ၊ မင်း၊ အစိုးရနှင့် ပတ်သက်ဆက်နွယ်သော လုပ်ငန်းဆောင်တာများလည်း ဆောင်ရွက်လို့ အထူးကောင်းပါ တယ်။
ဒီနေ့ဟာတီထိမြေခံအရ ကိတ်မြေခံတဲ့နေ့ဖြစ်ပါတယ်။ ကိတ်မြေခံအရ အလုံးစုံသော စည်းစိမ်ဉစ္စာ၊ ရတာနာတို့ကို အလွယ်တကူ ရရှိပိုင်ဆိုင်ခွင့်များ ရရှိစေသောကြောင့် ခိုင်ခန့်သောအဆောက်အဦးတွေ၊ ကျောင်းတွေ၊ သိမ်တွေ၊ လမ်းတံတားတွေ၊ အထပ်မြင့် အဆောက်အဦးတွေ စတင်ဆောက်လုပ်တာ၊ တိုင်ထူတာ၊ ပန္နက်ရိုက်တာမျိုးတွေ ဆောင်ရွက်လို့အထူးကောင်းပါတယ်။
ဒီနေ့ဟာ လူ့ပြည်ပြဿဒါး ရက်ကျရောက်နေတာဖြစ်ပါတယ်။
ဒီနေ့ဟာ တီထိအရတော့ လဆုတ်တီထိ တစ်လုံး အောင်မြင်ခြင်းတွေ၊ပျော်ရွှင်ခြင်းတွေကိုပေးတဲ့ နန္ဒတီထိကျ ရောက်တဲ့ နေ့ရက်လဲဖြစ်ပါတယ်။ ဒီနေ့ဟာ ကတိပေးခြင်း၊စာချုပ်ချုပ်ဆိုခြင်းများဆောင်ရွက်လို့မကောင်းသေးပါ ဘူး။ငွေကြေးအပေးအယူကိစ္စများအငြင်းပွားဖွယ်ရာကြုံရတတ်ပါတယ်။ ပြဿနာဖြစ်ပါက ဖြေရှင်းရန်ခက်ခဲတဲ့ နေ့ရက်ဖြစ်ပါတယ်။ယနေ့ဆောင်ရွက်သောကိစ္စမှန်သမျှ တကြိမ်မက လုပ်ကိုင်ရတတ်သည်။
ခေါင်းဆေးခြင်း၊ခေါင်းလျှော်ခြင်းများပြုလုပ်ခြင်းဖြင့် ကျန်းမာရေးနဲ့ပတ်သက်ပြီးတော့အနာ ရောဂါကင်းပါ လိမ့် မယ်။ အထက်လူကြီးများ၊ ဌာနဆိုင်ရာလူကြီးများနှင့် တွေ့ဆုံဆွေးနွေးလို့အထူးကောင်းတဲ့ကာလ ပါပဲ။ ဒီလိုနေ့ရက် မှာ တော့ အနုပညာလုပ်ငန်းများ၊ဂီတ၊သီချင်းကိစ္စများ အထူးအဆင်ပြေပါလိမ့်မယ်။ ပန်းချီ၊ပန်းပု လုပ်ငန်းများ၊ ဥယျာဉ်ခြံလုပ်ငန်းများ အထူးအဆင်ပြေအောင်မြင်မှုတွေရလာတတ်ပါတယ်။
ဒီလိုနေ့ရက်တွေမှာ ခန်းဝင်ပစ္စည်းဝယ်တာမျိုးတွေ၊အိမ်ထောင်ပရိဘောဂအသစ်တွေလဲလှယ်တာမျိုးတွေ အထူးပဲ ဆောင်ရွက်နိုင်ပါတယ်။အိမ်ပြုပြင်ခြင်း၊ အိမ်ခန်းဖွဲ့ မလွတ်ကင်းတဲ့သစ်ပင်များကိုခုတ်လှဲခြင်းမျိုးတွေ ဆောင်ရွက် လို့အထူးကောင်းပါတယ်။ လယ်ယာစိုက်ပျိုးရေးနှင့်ပတ်သက်သောအလုပ်တွေ အထူးပဲအဆင်ပြေပါ လိမ့်မယ်။
ရှင်ပြုခြင်း၊နားသခြင်း၊ပဉ္ဖင်းခံခြင်းများလဲ ဆောင်ရွက်နိုင်ပါလိမ့်မယ်။ မိမိချစ်ရသူကို ချစ်ကြောင်း၊ ကြိုက်ကြောင်း မေတ္တာစကားပြောဆိုခြင်းများ အထူးဆောင်ရွက်လို့ကောင်းတဲ့ နေ့ရက်ပါပဲ။ ဈေးများ၊ စူပါမားကတ်များ၊ အထည် ဆိုင်များ၊ အလှပြင်ဆိုင်များ ရောင်းအားတိုးတတ်မှုတွေရှိလာနိုင်တဲ့ နေ့ရက်မျိုးပါပဲ။ နည်းပညာအသစ်အဆန်းများ ကို စူးစမ်းလေ့လာခြင်း၊တီထွင်ကြံဆခြင်းများအထူးဆောင်ရွက်နိုင်ပါလိမ့်မယ်။
အရည်နှင့်ပတ်သက်သောစားသောက်ကုန်လုပ်ငန်းများ၊ လူသုံးကုန်ပစ္စည်းများ၊ အလှကုန်ပစ္စည်းးများထုတ်လုပ် ခြင်း၊ဖြန့်ဖြူးခြင်း၊ရောင်းချခြင်းများအထူးဆောင်ရွက်နိုင်ပါတယ်။ အိုးသစ်၊အိမ်သစ်နေရာသစ်မှာနေထိုင်တာမျိုး တွေဒီနေ့မှာစတင်သင့်ပါတယ်။
ရှောင်စေချင်တာကတော့ ခရီးကိစ္စတွေရှောင်လိုက်စေချင်ပါတယ်။ မည်သည့်ခရီးမဆို ကြန့်ကြာမှု၊အဆင်မပြေမှု တွေအထူးပဲကြုံရတတ်ပါတယ်။ စတော့ရှယ်ယာလုပ်ငန်းများ ၊ကုမ္ပဏီအစုရှယ်ယာလုပ်ငန်းများလဲ တတ်နိုင်သမျှ ရှောင်လိုက်စေချင်ပါတယ်။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ည(၂၀◌း၀၈)နာရီမှ ည(၂၁း၀၀)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်း များ ကြုံ လာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွား တာမျိုး မရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
လူ့ပြည်ပြဿဒါးကျရောက်တဲ့နေ့ရက်ဖြစ်တာကြောင့် မင်္ဂလာကိစ္စတွေမှန်သမျှရှောင် သင့်ပါတယ်။ လက်ထပ်ခြင်း ၊ရုံးတတ်လက်မှတ်ထိုးခြင်း၊စေ့စပ်ခြင်း၊မင်္ဂလာစကားပြောခြင်းများလဲအထူးရှောင် သင့်ပါတယ်။အရေးကြီးတဲ့ ကိစ္စတွေ ကိုရှောင်သင့်ပါတယ်။
ဒီနေ့မွေး ရင်သွေးငယ်များဟာ အဓိပတိဖွား၊ မိန်စန်း၊ ညနေ ၆နာရီကျော်ရင်စန်း မိဿရာသီပြောင်းပါတယ်။ ကန် ရာသီ ဖွားဖြစ်ပါသည်။ဒီနေ့မွေးသူများဟာ အများအားဖြင့် ငယ်ရွယ်စဉ်ကာလတွေမှာ အဆင်ပြေကြတာများတာ တွေ့ရပါတယ်။ မွေးချိန်တွေအရ ကွာဟနိုင်ပေမဲ့ အသက်၂၅နှစ်ဝန်းကျင်မှာအောင်မြင်မှုတွေကိုစတင်ထိတွေ့ခွင့်ရ လာနိုင်မဲ့ကာလတွေပဲဖြစ်ပါတယ်။
ဒီနေ့အတွက် ရာဟုကာလအမှောင်ချိန်တွေကတော့ နံနက်(၀၇◌း၂၆) နာရီမှ နံနက်(၀၈း၅၅)နာရီအတွင်း ကျရောက် နေပါတယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါ တယ်။
ကံကောင်းသောနေ့သားများ အင်္ဂါ၊ သောကြာ၊ စနေ သားသမီးများပဲဖြစ်ပါတယ်။
ကံညံ့သော နေ့သား ဗုဒ္ဓဟူး၊ ရာဟု၊ တနင်္ဂနွေ သားသမီးများပဲဖြစ်ပါတယ်။
ကံသင့်သောနေ့သားများ တနင်္လာ၊ ကြာသပတေး သားသမီးများပဲဖြစ်ပါတယ်။
ဒီနေ့မှာ အညိုရောင်၊ အနီရောင် နှင့် သွေးနီရောင် များများပါသော အဝတ်အစားအသုံးအဆောင်တွေ ကို အထူး အလေးထား ဝတ်ဆင်သုံးစွဲခြင်းဖြင့် ကံကြမ္မာရဲ့မျက်နှာသာပေးမှုကို အထူးပဲရရှိပါလိမ့်မယ်။
ဒီနေ့၇ရက်သားသမီးများအားလုံးအတွက် lucky number တွေကတော့ (၅၊ ၇၊ ၉)တွေပါပဲ။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့လက်ကနာရီကို သန့်ရှင်း ရေးလုပ်ပြီးမှသွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ နွားနို့ ဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လို အင်ဆန္ဒတွေပြည့်ဝကြပါစေ။
၇ရက်သားသမီးအတွက် တစ်နေ့တာဟောစာတမ်းအကျဉ်း
တနင်္ဂနွေ
ငွေကြေးနဲ့ပတ်သက်ပြီးတော့လဲ အကြပ် အတည်းလေး တွေအနည်းငယ်ရှိပေမဲ့အဆင်ပြေသွားတတ်ပါတယ်။ မိမိ ဖြစ်ချင်တာတွေကိုဖြစ်အောင်လုပ်သွားနိုင် ပါလိမ့်မယ်။ အချစ်ရေးကိစ္စတွေမှာတော့ အဆင်မပြေတာတွေကို အချိန် ယူညှိနှိုင်းမှအဆင်ပြေပါလိမ့်မယ်။ငွေလွယ်လွယ်ပေးလိုက်တာမျိုးတွေတော့ ဒီနေ့မှာရှောင်ရှားစေချင်ပါတယ်။ လူငယ်တွေအနေနဲ့ စိတ်ကူးထားတာလေးတွေကို လက်တွေ့လုပ်ကြည့်ပါ။ လူငယ်တွေစုပေါင်းထားတဲ့အလုပ်တွေ က ပိုအောင်မြင်တတ်တဲ့နေ့ရက်ပါပဲ။စိတ်ကူးအကြံ ဉာဏ်ကောင်းတွေကနေတဆင့်ရလဒ်ကောင်းတွေကိုရ လာ တတ် ပါတယ်။
တနင်္လာ
လူချစ်လူခင်ပိုများပါလိမ့်မယ်။ လူငယ်များလိုင်း ပေါ်ကနေ ချစ်သူရတတ်တဲ့နေ့ရက်ပါပဲ။သူတစ်ပါးရဲ့ အကူအညီ မပါဘဲ ကိုယ်စွမ်းကိုယ်စနဲ့ထွန်းပေါက်အောင်စွမ်း ဆောင်နိုင်ပါ လိမ့်မယ်။ ပျော်စရာခရီးစဉ်လေးတွေရှိ တတ် ပါတယ်။ မိမိတို့ရဲ့ နှုတ်၏ဆောင်မမှုကြောင့် တစ်ဦးတစ် ယောက် အဆင်ပြေတိုးတတ်သွားပါလိမ့်မယ်။ စိတ်ကူး ထား တာလေးတွ ေပြည့်မြောက်အောင်မြင်တတ်ပါတယ်။ မိမိရဲ့ ကြိုးစားမှုကို ကံတရားရဲ့ဖေးမမှုနဲ့ ပေါင်းစပ် လိုက်ပါက အတိုင်းထက်အလွန် အဆင်ပြေသွားပါလိမ့်မယ်။ နှုတ်ကနေ မိမိရွတ်နေကြဂါထာတစ်ပုဒ်ကို မပြတ်ရွတ် နေလိုက်ပါ။
အင်္ဂါ
ပညာရေးနဲ့ပတ်သက်ပြီးတော့လဲ အခွင့်အလမ်းကောင်းတွေရ လာတတ်ပါတယ်။ကျန်းမာရေးအတွက် စိတ်ချမ်းသာ ရပါလိမ့်မယ်။ငွေရှာလို့လဲအဆင်ပြေပါလိမ့်မယ်။ ဖြစ်လာတဲ့ ပြဿနာတွေကိုထိပ်တိုက်ရင်မဆိုင်ဘဲ ကြားလူကနေ တဆင့် ဆွေးနွေးညှိနှိုင်းခြင်းဖြင့်ပိုမိုအောင်မြင်တတ်ပါတယ်။ အလုပ်နဲ့ပတ်သက်ပြီးတော့လဲ အထူးကောင်းပါတယ်။ အလုပ် နဲ့ပတ်သက်ပြီးတော့ခရီးတွေလဲသွားရတတ်ပါတယ်။ အလုပ်သစ်စဖို့အကြံကောင်းဉာဏ်ကောင်း တွေရလာ တတ်ပါ တယ်။ အလုပ်အတွက်ပဲတွေးကြည့်ပါ။ လက်ရှိလုပ် နေတာတွေထက်ပိုကောင်းအောင်လုပ်နိုင် သွားပါ လိမ့်မယ်။
ဗုဒ္ဓဟူး၊ရာဟု
လိုချင်တာတွေက တန်ဖိုး ကြီးနေတာကြောင့် စုထားတာ လေးတွေထုတ်သုံးရတတ်ပါတယ်။မိမိနဲ့အတူ ဆိုးတူ ကောင်းဖက် မိတ်ဆွေတွေကို လဲတွေ့ရှိရပါလိမ့်မယ်။ ကျန်းမာ ရေးအတွက် ထိခိုက်ရှနာကိုအထူးသတိထား လိုက်ပါ။ ကိုယ်ပိုင်အလုပ်ပဲ ဖြစ်ဖြစ်၊အများဝန်ထမ်းပဲဖြစ်ဖြစ် လုပ်စရာ အလုပ်တွေပုံနေတတ်ပါတယ်။ ပတ်ဝန်း ကျင်နဲ့ဆန့်ကျင်ဘက်တွေ ဖြစ်ရတတ်ပါတယ်။ ငွေကုန်ကြေးကျတွေလဲများ နေရတတ်ပါတယ်။ အိမ်နီးနားချင်း တွေ နဲ့ ပြဿနာဖြစ်ရတတ်တာကြောင့် သည်းခံမှ အဆင်ပြေပါလိမ့်မယ်။ လမ်းသွားရင်းချော်လဲတာမျိုးတွေဖြစ် တတ် ပါတယ်။ သတိထားပါ။
ကြာသပတေး
ကျန်းမာရေးကတော့ အကောင်းဘက်ကိုအလေးသာ ပါတယ်။ အစားအသောက်တော့သတိထားပါ။မတည့်တာတွေ စားမိပြီးတော့အရေပြားယားယံတာတွေဖြစ်ရတတ် ပါတယ်။ ဒီနေ့ရက်မှာလုပ်တာကိုင်တာတွေက နှေးကွေး လေး လံနေတတ်ပါတယ်။ အတွေးတွေများနေပြီး အချိန် ကုန် သွားတတ်ပါတယ်။ အများဝန်ထမ်းရတတ်ပါတယ်။ သူများ တွေရဲ့အရှုပ်တွေ ကိုလက်လွှဲယူသလိုဖြစ်ရ တတ်ပါတယ်။ နားလည်မှုရှိတဲ့ချစ်သူတောင် မိမိကိုပြဿနာ ရှာတတ်ပါ တယ်။ ငွေကြေးနဲ့ ပတ်သက်ပြီးတော့လဲ ဝင်ငွေကောင်းပေမဲ့ငွေကြေးရင်းနှီးမြုပ်နှံမယ်ဆိုရင်တော့ ပြန်ဖော်ရခက်ခဲ နေတတ်ပါတယ်။
သောကြာ
မိမိလိုချင် တာတွေကိုလဲရအောင်လုပ်သွားနိုင်ပါ လိမ့်မယ်။ ခရီးတိုလေးတွေလဲသွားရတတ်ပါတယ်။ စိတ်ကူးထား တာ လေး တွေဖြစ်မြောက်အောင်လုပ်သွားနိုင်ပါ လိမ့်မယ်။မိမိအတွက်ကောင်းသောအကျိုးဆက်တွေကို ရလာပါ လိမ့်မယ်။ အချစ်တွေမှာ လူကြီးမိဘတွေရဲ့ကန့် ကွက် မှုတွေကြောင့် အဆင်မပြေဖြစ်ရတတ်ပါတယ်။ အလုပ်တွေ ကို စိတ်မနှစ်နိုင်ဖြစ်ရတတ်ပါတယ်။ သူတစ်ပါး တွေအကူအညီတောင်းတဲ့ကိစ္စတွေကိုလဲ ဆောင်ရွက်ပေးရ ပါလိမ့်မယ်။ ကျန်းမာရေးကတော့ အထူးကောင်းပါတယ်။ အကြံဉာဏ်ကောင်းတွေရတတ်ပါ တယ်။ငွေကံကောင်း နေရတာလေတွေဖြစ်ရတတ်ပါတယ်။
စနေ
အလှူအတန်းတွေ ပြုရတတ်ပါတယ်။ လိုချင်တဲ့တောင်းဆု တွေလဲပြည့်ဝတတ်ပါတယ်။ မိဘတွေ၊ဆရာသမား အထက်လူကြီးတွေကို မသိတာမေးပါ။ ပြောချင်တာတွေ၊ တောင်းဆိုချင်တာတွေကိုဖွင့်ပြောတောင်းဆိုလိုက်ပါ။ ပညာရေးနဲ့ပတ်သက်ပြီး တော့ ပညာတစ်ခုစတင်သင်ခြင်း များ၊ သင်တန်းစတင်တတ်ရောက်ခြင်းများ ဆောင်ရွက် သင့်တဲ့နေ့ရက်ပါပဲ။ ဘာသာရေးအလုပ်၊ကုသိုလ်ရေး အလုပ်တွေ စိတ်နှစ်ပြီး လုပ်ထားသူတွေ သိသိသာသာ ကံကောင်းတတ်ပါတယ်။ အနာဂတ်အတွက်အကောင်း ဆုံးပုံဖော်ဖို့ နည်းလမ်းတွေ ရလာတတ်ပါတယ်။ ပိတ်နေတဲ့ လာဘ်တွေပွင့်လာတတ်ပါတယ်။ငွေအစုလိုက်ဝင် တတ်ပါတယ်။
ဆရာငြိမ်းအေးလူ(ဗေဒင်သုတေသီ)
09775555695
