ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ တော်သလင်းလဆုတ်(၂)ရက်၊ တနင်္ဂနွေနေ့ဖြစ်ပါတယ်။
ခရစ်နှစ် ၂၀၂၂ခုနှစ်၊စက်တင်ဘာလ(၁၁)ရက်နေ့လဲ ဖြစ်ပါတယ်။
ဒီနေ့နံနက်(၀၅း၁၀)နာရီမှာ အရုဏ်တတ်ပါတယ်။ နေထွက်ချိန်နံနက်(၀၅း၅၈)နာရီဖြစ်ပြီး ၊ ညနေ(၆း၁၂)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အရှေ့မြောက်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက်တောင်အရပ် ဖြစ်ပါတယ်။ စန်းပွင့်ရာအရပ်က မြောက်အရပ် ဖြစ်ပါတယ်။
လက်သမားမြေခံ ကျားမြေခံတဲ့နေ့ရက်ဖြစ်ပါတယ်။ ပျက်စီးခြင်းကို ပေးတဲ့နေ့ဖြစ်တာကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်းတည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ဆောင်ရွက်ရန် အထူးရှောင်ကျဉ်သင့်တဲ့ နေ့ရက်ဖြစ်ပါတယ်။
တီထိမြေခံ အရ မွန်းလွဲ ၂နာရီထိ ကိတ်မြေခံဖြစ်ပါတယ်။ ထိုအချိန်ကာလအတွင်း အလုံးစုံသော စည်းစိမ်ဉစ္စာ၊ ရတနာ တို့ကို အလွယ်တကူ ရရှိပိုင်ဆိုင်ခွင့်များ ရရှိစေသောကြောင့် ခိုင်ခန့်သောအဆောက်အဦးတွေ၊ ကျောင်းတွေ၊ သိမ်တွေ၊ လမ်းတံတားတွေ၊ အထပ်မြင့် အဆောက်အဦးတွေ စတင်ဆောက်လုပ်တာ၊ တိုင်ထူတာ၊ ပန္နက်ရိုက် တာမျိုး တွေ ဆောင်ရွက်လို့အထူးကောင်းပါတယ်။
ဒီနေ့ဟာ မဟာရက်ကြမ်း၊ သမားဖြူ ရက်ကျရောက်နေတာဖြစ်ပါတယ်။
ဒီနေ့ဟာ တီထိအရတော့ မွန်းလွဲ ၂နာရီအထိက လဆုတ်တီထိတစ်လုံးကျော်ရင်တော့လဆုတ်တီထိ၂လုံးကိုကူး ပြောင်းပါတယ်။ကောင်းမြတ်ခြင်း၊ကြွယ်ဝခြင်းကိုပေးတဲ့ နန္ဒတီထိကျ ရောက်တဲ့နေ့ရက်ပဲဖြစ်ပါတယ်။မြေထဲနက္ခတ် နဲ့ကြုံပေရာ အခက်အခဲတွေကိုကောင်းစွာကျော်လွှားသွားနိုင်ပါလိမ့် မယ်။ငွေကြေးနဲ့ပတ်သက်သောကိစ္စအ၀၀များ ဆောင်ရွက်နိုင်ပါတယ်။ ငွေကြေးမြုပ်နှံထားတဲ့အလုပ်တွေကအကျိုး အမြတ်တွေရလာပါလိမ့်မယ်။ လူမှုရေး ကိစ္စ၊အိမ်တွင်းရေးကိစ္စများတွင် ကြုံတွေ့နေရတဲ့ ရှုပ်ထွေးမှုများဖြေရှင်းနိုင်ပါ လိမ့်မယ်။
ကျန်းမာရေးကတော့အထူးကောင်းပါတယ်။ ဒီနေ့မှာနေကောင်းကျန်းမာနေတတ်ပါတယ်။ အလုပ်တွေနဲ့ ပတ်သက်ပြီးတော့ ခံစားချက်ကိုဦးစားပေးတဲ့အလုပ်တွေကပိုမိုအောင်မြင်အဆင်ပြေတတ်ပါတယ်။ သစ်ပင်စိုက်ပျိုး ခြင်း၊ပျိုကြဲခြင်းများစတင်လို့အထူးကောင်းပါတယ်။ဘာသာရေးနှင့်ပတ်သက်သောကိစ္စများ၊ပရဟိတအလှူအတန်းနှင့်ဆိုင်သောကိစ္စများ ဆောင်ရွက်နိုင်ပါတယ်။ဘယ်နယ်ပယ်တွင်မဆိုအသစ်တီထွင်ခြင်း၊မူလလက်ဟောင်းကို modifine ပြုလုပ်ခြင်းများလဲဆောင်ရွက်နိုင်ပါ တယ်။ အိမ်အလှဆင်လုပ်ငန်းများ တိုးတတ်အောင်မြင်တတ်ပါတယ်။
အနုပညာနှင့်ပတ်သက်သောအလုပ်များ၊ဖျော်ဖြေရေးနဲ့ပတ်သက်သောအလုပ်များ တိုးတတ်ပါလိမ့်မယ်။ ပါတီပွဲများ ကျင်းပခြင်း၊ ပျော်ပွဲရွှင်ပွဲများကျင်းပခြင်းများလဲ ပြုလုပ်နိုင်ပါတယ်။ အားကစားရုံများစတင်ဖွင့်လှစ်ခြင်း၊ဘောလုံး ကွင်းများ၊GYM ခန်းမများစတင်ဖွင့်လှစ်ခြင်းများအထူးကောင်းပါတယ်။ ဆည်မြောင်းတာတမံများတူးဖော်ခြင်း၊ ရေတွင်း၊ရေကန်၊အဝီစိတွင်းများ တူးဖော်ခြင်းတွေဆောင်ရွက်နိုင်ပါတယ်။ညနေ ၆နာရီခွဲကနေ ည၈နာရီအတွင်း အရာရာကို သတိနဲ့ချိန်ဆလုပ်ကိုင်သင့်တဲ့ကာလပဲဖြစ်ပါတယ်။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ည(၂၂း၀၂)နာရီမှ ည(၂၂း၅၅)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများကြုံ လာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုး မရှိ ခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
မဟာရက်ကြမ်းကျရောက်တဲ့နေ့မျိုးတွေမှာ အရေးကြီးတဲ့ လုပ်ငန်းဆောင်တာတွေကို မလုပ်သင့်ပါဘူး။ ဒီနေ့မှာ ခရီး ကိစ္စတွေ တတ်နိုင်သရွေ့ရှောင်သင့်ပါတယ်။ အထူးသဖြင့် ရေလမ်းခရီးများ၊ မသွားဖူးတဲ့အရပ် ဒေသများ၊ တောတောင် များ သွားရောက်ခြင်းမျိုးကို အထူးပဲရှောင်စေချင် ပါတယ်။မင်္ဂလာကိစ္စများလဲ အလုံးစုံရှောင်လိုက် စေချင်ပါတယ်။ လက်ထပ်ထိမ်းမြားခြင်း၊စေ့စပ်ခြင်း၊မင်္ဂလာစကားပြောခြင်း၊ ရုံးတတ်လက်မှတ် ထိုးခြင်းများလဲ အထူးရှောင်အပ်ပါ တယ်။
ဒီနေ့ဟာသမားဖြူရက်ဖြစ်တာကြောင့် အရောင်းအဝယ်ကိစ္စတွေမှာ ရောင်းမှာဝယ်မှားဖြစ်တတ်တယ်။ လူလိမ်ခံရ တတ်ပါတယ်။ဘဝအတွက်အရေးကြီးတဲ့အလုပ်များ၊ ဆုံးဖြတ်ချက်များကိုဒီနေ့မှာလုပ်ဆောင်ချမှတ်လို့မကောင်း ပါဘူး။
ဒီနေ့မှာ မြောက်အရပ်ကို ခရီးသွားရမည်ဆိုပါက ကားကိုဖြေးဖြေးမှန်မှန်နဲ့သတ်မှတ်မိုင်နှုန်းနဲ့သာ မောင်းနှင်ပါ။ ဗုဒ္ဓဟူး ဂြိုဟ်ဟာ ကန်ရာသီမှာ ဝကြသွားခြင်းစတင်ပါတယ်။ သတင်းနည်းပညာနှင့် အင်တာနက်အဆင်မပြေခြင်းများ၊ အချိတ်အဆက် ပြတ်တောက်ခြင်းများ၊ ကြားဝင်စေ့စပ်ခြင်းကိစ္စတွေများတွင် အဆင်မပြေခြင်းများ နောက်ပြန်သွား နေစဉ်အတွင်း အထူးကြုံရတတ်ပါတယ်။
ဒီနေ့မွေး ရင်သွေးငယ်များဟာ မရဏဖွား၊ မိန်စန်း၊ သိဟ်ရာသီဖွားဖြစ်ပါသည်။ဒီနေ့မွေးသူများဟာအများမတူ ထူးခြားတဲ့စွမ်းရည်ရှိကြသူတွေပါပဲ။ ပညာရပ်တစ်ခုခုအပေါ်အလေးအနက်ထား လိုက်စားပြီးတစ်ဖက်ကမ်းခတ်တတ် မြောက်ပါလိမ့်မယ်။ ထိုပညာနဲ့ပဲ ဘဝမှာ အကောင်းဆုံးရပ်တည်သွားနိုင်တာမျိုးကြုံရတတ်ပါတယ်။အသက်၂၉ထိက ဘဝက နိမ့်လိုက်မြင့်လိုက်နဲ့ လှိုင်းပမာဖြစ်နေပေမဲ့ အသက်၃၀ကစလို့ ဘဝကတိုးတတ်မှုတွေအရှိန်အဟုန်နဲ့ ရလာ တတ်တဲ့ကာလပဲဖြစ်ပါတယ်။ အားနည်းချက်က အပူအောင်းလွယ်ပြီး ရေချိုးမပျင်းဖို့လိုပါတယ်။ မိမိဇာတိထက် အရမ်းအေးလွန်းတဲ့ နေရာတွေကိုသွားရင် သတိထားရပါလိမ့်မယ်။
ဒီနေ့အတွက် ရာဟုကာလအမှောင်ချိန်တွေကတော့ ညနေ(၀၄း၃၉) နာရီမှ ညနေ(၀၆း၁၁)နာရီအတွင်း ကျရောက်နေပါ တယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ် ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါတယ်။
ဒီနေ့မှာ ကံကောင်းသောနေ့သားများ စနေ၊ တနင်္လာ၊ ကြာသပတေး သားသမီးများပဲဖြစ်ပါတယ်။
ကံညံ့သော နေ့သားများကတော့ အင်္ဂါ၊ ဗုဒ္ဓဟူး သားသမီးများပဲဖြစ်ပါတယ်။
ကံသင့်သောနေ့သားများကတော့ တနင်္ဂနွေ၊ ရာဟု၊ သောကြာ သားသမီးများပဲဖြစ်ပါတယ်။
ဒီနေ့မှာ အဖြူရောင်၊ ခရမ်းရောင် များများပါသော အဝတ်အစားအသုံးအဆောင်ပစ္စည်းတွေကို အထူး အလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ၇ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၉၊၆၊၂)ဂဏန်း တွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ငါးမုန့်ကြော် စား သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ဂွေးသီး ဘုရားကပ်လှူပြီး လိုရာဆု တောင်း ပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသောလို အင်ဆန္ဒတွေပြည့်ဝကြပါစေ။
၇ရက်သားသမီးအတွက် တစ်နေ့တာဟောစာတမ်းအကျဉ်း
တနင်္ဂနွေ
အလုပ်နဲ့ပတ်သက်ပြီးတော့အားကောင်းအောင်စွမ်းဆောင် နိုင်ပါလိမ့်မယ်။ ဒါပေမဲ့ မိမိရဲ့ဆရာသမားတွေကို ဘောင်ကျော်ပြီးမလုပ်သင့်ပါဘူး။ လူကြီးတွေမျက်စီစပါးမွှေးစူးစေမဲ့ ကိစ္စမှန်သမျှရှောင်လိုက်ပါ။ လူမှုရေးကိစ္စ တွေနဲ့ပတ်သက်ပြီးတော့လဲ အားနည်းချက်များတဲ့နေ့ရက်ဆိုတာသိထား စေချင်ပါတယ်။ အလောင်းအစား လုပ်တတ် သူများ ဒီနေ့ရက်မှာလက်မကြီးဖို့လိုပါတယ်။မိမိအတွက် ဆုံးရှုံးနစ်နာ စရာတွေများနေတတ်ပါတယ်။ အလုပ်အကိုင် စီးပွားရေးများ ပုံမှန်လည်ပတ်နိုင်ပါလိမ့်မယ်။ ငွေကြေးနဲ့ပက်သက်ပြီး တော့လဲ ရှာလို့ဖွေလို့မလွယ်သလိုဖြစ်ရ တတ်ပါ တယ်။ လုပ်သလောက်အကျိုးမခံစားရတတ်ပါဘူး။
တနင်္လာ
ကံကောင်းမှုတွေပြည့်ပြည့်၀၀ရှိပါလိမ့်မယ်။ လုပ်လိုသမျှ အခက်အခဲမရှိလုပ်သွားနိုင်သလို ကြံစည်သမျှအဆင်ပြေ အောင်မြင်ဖို့လွယ်ကူနေပါလိမ့်မယ်။ အလုပ်နဲ့ပတ်သက် ပြီးတော့လဲ ပေါ့ပေ့ါပါးပါးနဲ့လုပ်ကိုင်ဆောင်ရွက် သွားနိုင်ပါ လိမ့်မယ်။ ကိုယ်ချင်းစာစိတ်နဲ့လူအများအပေါ်ခံစားနား လည်နိုင်တဲ့စိတ်တွေ မိမိရင်မှာပေါ်ထွန်း နေတတ်ပါတယ်။ များနေတဲ့ငွေထွက်ပေါက်တွေကိုကောင်းစွာပိတ်သွား နိုင်ပါလိမ့်မယ်။ စပ်တူရှယ်ယာအလုပ်များ ပိုမိုတိုးတတ်ပါ လိမ့် မယ်။ လူများများနဲ့ လက်တွဲညီညီလုပ်ရတဲ့ အလုပ်မှန် သမျှတိုးတတ်ပါလိမ့်မယ်။ ငွေအစုအလိုက်ဝင်တဲ့ကံမျိုးတွေလဲ အထူးကြုံရတတ်ပါတယ်။
အင်္ဂါ
အပြောင်းအလဲတွေကို ဦးစားမပေးစေချင်ပါတယ်။ တစ်နေ့ တာကို လုပ်စရာရှိတဲ့ လုပ်လက်စအလုပ်တွေနဲ့ အချိန်ယူ လုပ်ကိုင်သွားစေချင်ပါတယ်။ အလုပ်သစ်စမယ်ဆိုရင် တော့ ဒီနေ့ဟာအခက်အခဲများစေနိုင်ပါတယ်။ ပတ်ဝန်းကျင် နဲ့က မိမိကိုကောင်းတာပြောတာလား၊ချောက်ချနေတာ မျိုးတွေ သိနိုင်ဖို့လိုပါတယ်။ မိတ်ဆွေတွေနဲ့စပ်တူ လုပ်ထား တယ်ဆိုရင်တော့ ဒီနေ့မှာငွေကြေးအရှုပ်အရှင်းကြောင့် ပြဿနာဖြစ်လွယ်ပါလိမ့်မယ်။ ပညာအမွေ ခံပြီး စတင်ပညာ ယူလို့အလွန်ကောင်းပါတယ်။ ကျန်းမာရေးကတော့ ဝမ်းဗိုက်နဲ့ပတ်သက်သော ရောဂါတွေဖြစ်လွယ်ပါတယ်။
ဗုဒ္ဓဟူး၊ရာဟု
မိမိရဲ့စွမ်းဆောင်ရည်တွေကိုအလဟဿမသုံးဖြစ်ဖို့လိုပါတယ်။ ဂိမ်းဆော့တာ၊ ဇာတ်ကားစီးရီးတွေ အချိန်အကြာ ကြီးကြည့်ပြီး အချိန်ကုန်တာမျိုးတွေရှောင်လိုက်စေချင်ပါတယ်။ အမှုကိစ္စတစ်ခုပြုလုပ်ရန် စီစဉ်တာမျိုးတွေ၊ တစ်ဦး တစ်ယောက်ရန်ရှာ၊ပြဿနာရှာတာမျိုးမလုပ်ပါနဲ့။ အမှုအခင်း ပြဿနာလုပ်မိရင် ရေရှည်အတွက် အငြိုးအတေး ဖြစ်သွား စေနိုင်လို့ပါပဲ။ အိမ်ထောင်ရေးကိစ္စတွေမှာဒေါသနဲ့ မဖြေ ရှင်းလိုက်ပါနဲ့။ အိမ်ထောင်ဘက်ကတစ်သက်လုံး မိမိကိုစိတ်ကွက်သွားတတ်ပါတယ်။ ရပ်ဝေးကမိတ်ဆွေဧည့်သည် တွေလဲ မိမိဆီလာရောက်လည်ပတ်တာ မျိုးတွေကြုံ နေရတတ်ပါတယ်။
ကြာသပတေး
အလုပ်တွေကိုထူးချွန်ပြောင်မြောက်စွာလုပ်နိုင်ပါလိမ့် မယ်။ မိမိခိုင်းထားတဲ့အလုပ်တွေ၊ မိမိproject ကို အောင်မြင် အောင်စွမ်းဆောင်နိုင်ပါလိမ့်မယ်။ အလုပ်နဲ့ပတ်သက် ပြီးတော့လဲ အထူးကောင်းပါတယ်။ အလုပ်မှာ လိုအပ်နေတဲ့ ငွေကြေးအကူအညီတွေကိုရလာတတ်ပါတယ်။ လူချစ် လူခင်များနေပါလိမ့်မယ်။ ချစ်သူသစ်တွေ ရနိုင်သလို ချစ်ရသူကိုချစ်ခွင့်ပန်လို့လဲအလွန်ကောင်းပါတယ်။ ကိုယ်ပိုင်စီး ပွားများ အထူးတိုးတတ် အောင်မြင်ပါလိမ့်မယ်။ အထိုင်အလုပ်တွေ၊ခိုင်မာတည်တံ့သောအလုပ်တွေအထူး တိုးတတ် ပါလိမ့်မယ်။ ကျန်းမာရေးအညံ့မရှိသလောက် နည်းပါတယ်။
သောကြာ
စီးပွားရေးဆန်ဆန်တွေးတတ်ဖို့လိုပါတယ်။ အလုပ်တွေ ကိုရေရှည်ချိန်ဆပြီးလုပ်စေချင်ပါတယ်။ ကံကောင်းနေတဲ့ အတွက်ဒီနေ့မှာခပ်ပေါ့ပေ့ါနေပြီး အပျော်အပါးနဲ့အချိန် ကုန်မခံသင့်ပါဘူး။ စီးပွားရေးနဲ့ပတ်သက်ပြီးတော့လဲ အောက်လက်ငယ်သားတွေကိုကောင်းစွာစီမံခန့်ခွဲနိုင်ပါလိမ့် မယ်။ ဖောက်သည်တိုးပြီးစီးပွားရေး ကံကောင်း လာတတ်ပါတယ်။ သွားလိုတဲ့ခရီးတွေကိုလဲ စိတ်လက်ချမ်းသာစွာ သွားလာလုပ်ကိုင်နိုင်ပါလိမ့်မယ်။ ခက်ခဲနေတဲ့ ကိစ္စတော်တော်များများပြေလည်အောင်ဖြေရှင်းနိုင်မဲ့နေ့ရက်ပါပဲ။ ကုန်ပစ္စည်းများကို ဖြန့်ချီခြင်း၊ ကိုယ်စားလှယ်ယူခြင်း များလဲအဆင်ပြေပါလိမ့်မယ်။
စနေ
အလုပ်တွေနဲ့ပတ်သက်ပြီး အပြောင်းအလဲတွေဖြစ်ပေါ်လာ တတ်ပါတယ်။ မိမိမကျွမ်းကျင်တဲ့အလုပ်တွေကို ဦးစီး လုပ်ကိုင်ဆောင်ရွက်နေရတတ်ပါတယ်။ မိတ်ဆွေနဲ့ပတ်သက် ပြီး အကြွင်းမဲ့မယုံကြည်မပုံအပ်သင့်ပါဘူး။ အခက် အခဲ တွေကိုရင်ဆိုင်လိုက်ရင်တော့အထူးပဲကောင်းပါတယ်။ အခက်အခဲတွေကိုရှောင်နေရင်တော့ ပိုဆိုး ပါတယ်။ ကျန်းမာ ရေးက စိတ်ပမ်းလို့ ကိုယ်နွမ်းဆိုတာ မျိုးတွေဖြစ်ရတတ်ပါတယ်။ အိမ်တွင်းရေးကိစ္စ တွေမှာကိုင် တွယ် တတ်ဖို့ လိုပါတယ်။ငွေကြေးနဲ့ပက်သက်ပြီး ချက်ချင်း ငွေပေါ်နိုင်တာမျိုးတွေကိုပဲ ဆောင်ရွက်ပါ။ ငွေမြုပ်နှံတာ မျိုး တွေကိုလဲ အထူးရှောင်စေချင်ပါတယ်။
ဆရာငြိမ်းအေးလူ(ဗေဒင်သုတေသီ)
09775555695
