23.August.2022 တစ်နေ့တာလမ်းညွှန်ချက်၊ဆောင်ရန်ရှောင်ရန် သိစရာများနှင့် ၇ရက်သားသမီးဟောစာတမ်းအကျဉ်း
ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ ဝါခေါင်လဆုတ်(၁၂)ရက်၊ အင်္ဂါနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊ဩဂုတ်လ(၂၃)ရက်နေ့လဲ ဖြစ်ပါတယ်။
ဒီနေ့နံနက်(၄း၅၈)နာရီမှာ အရုဏ်တတ်ပါတယ်။ နေထွက်ချိန်နံနက်(၅း၄၆)နာရီဖြစ်ပြီး၊ ညနေ(၆း၂၄)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အရှေ့တောင်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက်မြောက်အရပ် ဖြစ်ပါတယ်။ စန်းပွင့်ရာအရပ်က အနောက်အရပ် ဖြစ်ပါတယ်။
လက်သမားမြေခံ သိကြား မြေခံဖြစ်၍ ချမ်းသာသုခကို ပေးတဲ့နေ့ ဖြစ်တာကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်း တည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ဆောင်ရွက်လို့ ကောင်းပါတယ်။
ဒီနေ့ဟာတီထိမြေခံအရ ရာဟုမြေခံတဲ့နေ့ဖြစ်ပါတယ်။ ရာဟုမြေခံအရ ရန်အနှောက်အယှက်များပေါများခြင်း၊ ခိုက်ရန်ဖြစ်ခြင်း၊ အချုပ်အနှောင်ခံရတတ်ခြင်း စသောအကျိုးကို ရရှိစေသောကြောင့် ခိုင်ခန့်သော အဆောက်အဦးတွေ၊ ကျောင်းတွေ၊ သိမ်တွေ၊ လမ်းတံတားတွေ၊ အထပ်မြင့်အဆောက်အဦးတွေ စတင်ဆောက်လုပ် တာ၊ တိုင်ထူတာ၊ ပန္နက်ရိုက်တာမျိုးတွေ အထူးရှောင်သင့်ပါသည်။
ဒီနေ့ဟာ တီထိအရတော့ လဆုတ်တီထိ ၁၂လုံးဖြစ်ပြီးတော့ကံကောင်းခြင်းတွေကိုပေးတဲ့ ဘဒြာတီထိကျရောက်တဲ့ နေ့ရက်ပါပဲ။ဒီနေ့ဟာမိမိအတွက်အိမ်သစ် တတ်ခြင်း၊ နေရာသစ်မှာနေခြင်း၊အလုပ်သစ်စခြင်းတွေအထူးဆောင်ရွက် လို့ကောင်းပါတယ်။တစ်ကိုယ်ရည်သန့်ရှင်းရေးလုပ်ခြင်း၊အလှအပဆင်ယင်ခြင်း၊ အဝတ်အစားဖက်ရှင်ဒီဇိုင်း ချုပ်လုပ်ခြင်းတွေဆောင်ရွက်ရန်သင့်ပါတယ်။ကျန်းမာရေးနဲ့ပက်သက်ပြီးတော့ လဲဒီနေ့မှာ ၇ရက်သားသမီးများ ကျန်းမာရေးခြူခြာနိုင်ပါတယ်။
ရပ်ဝေးနှင့်ဆက်စပ်လုပ်ကိုင်ရသောအလုပ်များ အကျိုးများပါလိမ့်မယ်။ကျောက်မျက်ရတနာများ ဝတ်ဆင် ခြင်းတွေ၊စတင်ဝယ်ယူခြင်းတွေအထူးဆောင်ရွက်နိုင်ပါတယ်။အိုးအိမ်၊နေရာထိုင်ခင်းကိစ္စများဆောင်ရွက်လို့အထူးအဆင်ပြေတတ်ပါတယ်။ စက်ကားယန္တရားနဲ့ပက်သက်သော အလုပ်များအဆင်ပြေတတ်ပါတယ်။
ပညာရေးနဲ့ပတ်သက်သောဟောပြောပွဲများ၊ ပညာရှာခြင်း၊ ပညာသင်ခြင်းများဆောင်ရွက်လို့အထူးကောင်းနေ တတ်ပါတယ်။ ကျောက်မျက်ရတနာများတူးဖော်ခြင်းများ၊ ဓာတ်သတ္တုတူးဖော်ခြင်းများလဲအထူးပဲ ဆောင်ရွက် လို့ကောင်းပါတယ်။ ယနေ့သည် ဖြန့်ချီရေး ရက်ကောင်းဖြစ်သည်။ ကုန်ပစ္စည်းသစ်များ စတင်မိတ်ဆက်ဖြန့်ချီရောင်းချနိုင်မည်။ ရန်ပဋိပက္ခများ ငြိမ်းချမ်းအောင် စီစဉ်နိုင်သည်။ ရှေးဟောင်းပစ္စည်းများ၊ လက်မှုပစ္စည်းများ၊ အရောင်းအဝယ် စီးပွားပြုရန် ရက်ကောင်းဖြစ်သည်။
မိမိအိမ်မှာရှိတဲ့ဘုရားဆင်းတုတော်ကို ရေသပ္ပယ်ခြင်းများ၊ ဘုရားကျောင်းဆောင်တွေကိုသန့်ရှင်းရေးလုပ်ခြင်းများ လဲ အထူးပဲဆောင်ရွက်နိုင်ပါတယ်။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ ည(၂၃း၁၇)နာရီမှ ည(ဝဝး၁၂)နာရီအတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်း များကြုံလာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ် လပ်သွားတာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့မွေး ရင်သွေးငယ်များဟာ ရာဇဖွား၊ မေထုန်စန်း၊ သိဟ်ရာသီဖွားဖြစ်ပါသည်။ဒီနေ့မွေးသူများဟာ စိတ်ကူးကောင်းတွေရှိတယ်။ မိမိအိုင်ဒီယာက တကယ်လက်တွေ့အလုပ်ဖြစ်တယ်။ ဒါကြောင့်မိမိကအကြံပေးတာ ကိုယုံကြည့်ပြီးလိုက်လုပ်သူတွေအောင်မြင်ကြတယ်။ အခက်အခဲတွေအများအပြားကိုလဲ တွေ့ရကြုံရပေမဲ့ သင်ခန်း စာယူတတ်ပြီး အကောင်းဆုံးတွေကိုဖန်တီးနိုင်ကြပါလိမ်မယ်။တကယ်လဲ အသက် ၂၉လောက်ကစပြီးဘဝကို အအောင်မြင်ဆုံးတည်ဆောက်နိုင်ကြတဲ့သူတွေအဖြစ်တွေ့ရလေ့ရှိပါတယ်။
ဒီနေ့အတွက် ရာဟုကာလအမှောင်ချိန်တွေကတော့ ညနေ(၀၃း၁၇) နာရီမှ ညနေ(၄း၅၁)နာရီအတွင်း ကျရောက် နေပါတယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်း ပါတယ်။
ဒီနေ့မှာ ကံကောင်းသောနေ့သားများ တနင်္ဂနွေ၊ ကြာသပတေး၊ သောကြာ သားသမီးများပဲဖြစ်ပါတယ်။
ကံညံ့သော နေ့သားများကတော့ တနင်္လာ၊ ရာဟု၊ အင်္ဂါ သားသမီးများပဲဖြစ်ပါတယ်။
ကံသင့်သောနေ့သားများကတော့ ဗုဒ္ဓဟူး၊ စနေ သားသမီးများပဲဖြစ်ပါတယ်။
ဒီနေ့မှာ အစိမ်းရောင် နှင့် မီးခိုးရောင်(သို့)ခဲရောင် များများပါသောအဝတ်အစားအသုံးအဆောင်ပစ္စည်းတွေကို အထူး အလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ၇ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၄၊ ၃)ဂဏန်း တွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့အုန်းနို့ပါသော မုန့်တစ်ခုခုစား သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ လက်ဖက်သုပ် ဘုရားကပ်လှူပြီး လိုရာဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသောလိုအင်ဆန္ဒတွေပြည့်ဝကြပါစေ။
၇ရက်သားသမီးအတွက် တစ်နေ့တာဟောစာတမ်းအကျဉ်း
တနင်္ဂနွေ
မိမိကိုယ်တိုင်အားထုတ်လုပ်ကိုင်ထားသမျှအဆင်ပြေ အောင်မြင်မှုတွေရရှိပါလိမ့်မယ်။ ခေါင်းဆောင်စိတ်၊တာဝန် ယူလိုစိတ်ရှိသူများ ဒီနေ့မှာနေရာပေးခံရတတ်တဲ့နေ့ရက် ပါပဲ။ အလုပ်နဲ့ပတ်သက်ပြီး ကိုယ်ပိုင်စီးပွားများ အထူးအားကောင်းနေတတ်ပါတယ်။ မိသားစုဆွေမျိုးသားချင်းတွေ စပ်တူရှယ်ယာပါတဲ့အလုပ်တွေကတော့ အခက် အခဲများနေနိုင်တာကိုတွေ့ရပါတယ်။ အကြံအစည်သစ်တွေ အ ကောင်အထည်ဖော်ချင်ပါက မိတ်ဆွေကောင်း တွေနဲ့တိုင်ပင်အကြံဉာဏ်ယူလိုက်ပါ။ အထိုင်အလုပ်တွေထက် သွား လာလှုပ်ရှားရတဲ့အလုပ်မျိုးတွေက ပိုမို အဆင် ပြေ အားကောင်းတာတွေ့ရပါတယ်။
တနင်္လာ
စကားများများမပြောတာပိုကောင်းပါတယ်။ စကားတွေကနေ အမှားတွေကိုပြောမိတတ်လို့ပါပဲ။ မိမိရဲ့လျှို့ ဝှက်ချက်တွေကို ဘယ်သူကိုမှထုတ်ပြောခြင်းမပြုပါနဲ့။ အသံကြောင့် ဖားသေဆိုတာမျိုးဖြစ်ရတတ်ပါတယ်။ acc hack ခံရတာမျိုးတွေ၊ မိမိdata တွေပေါက်ကြားတာမျိုးတွေဖြစ်လွယ် ပါတယ်။ အလုပ်နဲ့ပတ်သက်ပြီး တစ်ဦးတစ်ယောက်ထဲ လုပ်ရတဲ့အလုပ်တွေကအဆင်ပြေပေမဲ့ အများနဲ့တွဲလုပ်ရပြီ ဆိုရင်တော့ အခက်အခဲများပြီး အပေးအယူမတည့်တာမျိုးဖြစ်ရတတ်ပါတယ်။ ကျန်းမာရေးကိုတော့ ကောင်းစွာ စောင့်ရှောက်နိုင်ပါလိမ့်မယ်။ စီစဉ်ထားတဲ့အတိုင်းမဖြစ်ဘဲ ကြုံသလိုအဆင်ပြေရာလုပ်နေရတတ်ပါတယ်။
အင်္ဂါ
စိတ်ပူရတာတွေများနေတတ်ပါတယ်။ မိမိလိုချင်တာတွေကို လဲ လက်လွှတ်ဆုံးရှုံးရတတ်ပါတယ်။ စက်ပစ္စည်းတွေ အဟောင်းထွက်ပြီး အသစ်ဝင်ရတတ်ပါတယ်။ လက်ဝယ်ရှိ တဲ့စက်ပစ္စည်းတွေကိုလဲ ပြုပြင်ထိန်းသိမ်းဖို့လိုပါတယ် ။မိမိခန္ဓာကိုယ်လဲ ပြုပြင်ထိန်းသိမ်းပါ။ ဒီနေ့ဟာအနေအထိုင် အစားအသောက် မဆင်ခြင်လို့ ရောဂါတိုးရတဲ့ သဘောမျိုးတွေတွေ့နေရလို့ပါပဲ။ ဒီနေ့ဟာ အရောင်းအဝယ်ကိစ္စတွေ အဆင်ပြေတတ်ပါတယ်။ ရောင်းပန်းဝယ်ပန်း ပွင့်ပါလိမ့်မယ်။ ဝန်ထမ်းကတော့နားချိန်နည်းပါးပြီးတော့ အလုပ်ချိန် များနေလိမ့်မယ်။ အချစ်ရေးမှာတော့ ပြဿနာ မဖြစ်အောင်နေတတ်ဖို့လိုပါတယ်။
ဗုဒ္ဓဟူး၊ရာဟု
ခရီးလမ်းကြောင်းပေါ်လာရင် သတိယှဉ်ပြီးသွားပါ။ ခရီး သွားပြီးဆောင်ရွက်ရတဲ့ကိစ္စတွေအဆင်မပြေတာ များ တတ် ပါ တယ်။ အများငွေများ လက်ခံထားတာမျိုးရှောင်ပါ။ ငွေလက်မလွယ်ဖို့လဲ သတိပေးချင်ပါတယ်။ အောက် လက်ငယ်သားတွေ ဝန်ထမ်းတွေကျန်းမာရေးညံ့တတ်ပါ တယ်။ ကျန်းမာရေးနဲ့ပတ်သက်ပြီး အညံ့အဆိုးတော့သိပ် မတွေ့ရ ပါဘူး။ အိမ်တွင်းရေး အိမ်ထောင်ရေးအပူတွေက တော့ဒီနေ့ရက်မှာ ဖြစ်ပေါ်တတ်ပါတယ်။ လုပ်ချင်တဲ့ကိစ္စ တွေ ကို မိမိစိတ်ကူးထက် အများနဲ့တိုင်ပင်လုပ် ကိုင်လိုက် ပါ။ ပိုမိုအောင်မြင်ပါလိမ့်မယ်။ ငွေဝင်လာရင် အဖတ် တင်အောင်တစ်ခုခုလုပ်ထားပါ။
ကြာသပတေး
မိမိအတွက်ကောင်းသောလိုအင်ဆန္ဒတွေပြည့်ဝရတတ်ပါ တယ်။ မိမိအတွက်ရော၊အများအတွက်ပါ အကျိုးရှိစေမဲ့ အလုပ်တွေကတော့ ပိုမိုအဆင်ပြေနိုင်တာကိုတွေ့ရပါ တယ်။ သားသမီးတွေနိုင်ငံခြားမှာရှိရင် ငွေကြေးထောက် ပံ့တာမျိုး ဒီနေ့မှာကြုံတတ်ပါတယ်။အလုပ်မှာဖြစ်စေ၊ အသင်းအဖွဲ့တွေမှာဖြစ်စေ မိမိကိုဦးဆောင်ခိုင်း တာမျိုးတွေ ကြုံရတတ်ပါတယ်။ မိမိအလှူဒါမှမဟုတ် ဆွေမျိုးတွေ ရဲ့အလှူတွေကိုလဲကြုံကြိုက် လုပ်ကိုင်ပေးရ တတ်ပါတယ်။ အလှကုန်ပစ္စည်း၊လူသုံးကုန်ပစ္စည်းရောင်းဝယ်ရေးလုပ်ငန်းများ၊အထူးတိုးတတ်ပါလိမ့်မယ်။ပညာရေးအတွက်စိတ်ချမ်းသာရမည်။
သောကြာ
မိမိကဘာမှမလုပ်တတ်ရင်တောင် ကူညီပေးမဲ့သူတွေ ကြောင့် မိမိလုပ်ချင်တာတွေအဆင်ပြေသွားတတ်ပါတယ်။ ဒါအပြင်အရေးကြီးတဲ့အလုပ်များ၊ အရေးကြီးတဲ့ဆုံးဖြတ် ချက်များဒီနေ့မှာချမှတ်လို့ကောင်းပါတယ်။ စာမေးပွဲ ကိစ္စများ၊ ကျောင်းအပ်၊သင်တန်းအပ်ကိစ္စများ လိုက်ပါဆောင် ရွက်လို့အထူးကောင်းပါတယ်။ တန်းခွဲသစ်များ ဒီနေ့မှာစတင်သင်ကြားလို့အထူးကောင်းပါတယ်။ စိတ်ကူးထားတာ လေးတွေ အကောင်အထည် ဖော်လို့အထူး ကောင်းတဲ့နေ့မျိုးပါပဲ။ အချစ်ရေးမှာအောင်သွယ်ကောင်းမှုကြောင့် စိတ် ချမ်းသာရပါလိမ့်မယ်။ ငွေကြေးနဲ့ပတ် သက်သော ရပိုင်ခွင့်များရလာတတ်ပါတယ်။
စနေ
အရသာရှိတဲ့ အစားအသောက်တွေစားခွင့်ရပါလိမ့်မယ်။ မသွားဖူး သေးတဲ့ဒေသခရီးတွေကိုလဲ သွားခွင့်ကြုံ နေရတတ်ပါတယ်။ နေကောင်းကျန်းမာနေတာမျိုးလဲ ကြုံရတတ်ပါတယ်။ စိတ်သွားတိုင်းကိုယ်ပါမဲ့နေရက်ပါပဲ။ သူတစ်ပါးတွေရဲ့ ယုံကြည်လက်ခံမှုတွေရလာအောင် စွမ်းဆောင်နိုင်မဲ့နေ့ရက် ပါပဲ။ အလုပ်တွေကြိုးစားသလောက် ပြန်ရမဲ့ အကျိုးရလဒ်တွေလဲ ကြီးပါလိမ့်မယ်။ မိမိသိထားတဲ့ ပညာတွေကို ဖြန့် ဝေပေးလို့အကောင်းဆုံး နေ့ရက် တွေပါပဲ။ ကာလ ရှည်ကြာ မအောင်မြင်ဘဲ လုပ်ကိုင်ဆောင် ရွက်ထားတဲ့ကိစ္စ တွေရှိရင်တော့ ပြန်အဆင်ပြေ တတ် တဲ့နေ့ရက်ပါ။
ဆရာငြိမ်းအေးလူ(ဗေဒင်သုတေသီ)
09775555695
