ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ နတ်တော်လဆန်း(၁၃)ရက်၊ တနင်္လာနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊ဒီဇင်ဘာလ(၅)ရက်နေ့လဲ ဖြစ်ပါတယ်။
ဒီနေ့နံနက်(၅း၅၅)နာရီမှာ အရုဏ်တတ်ပါတယ်။ နေထွက်ချိန်နံနက်(၆း၄၃)နာရီဖြစ်ပြီး ၊ညနေ(၅း၂၇)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အနောက်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အရှေ့အရပ် ဖြစ်ပါတယ်။ စန်းပွင့်ရာအရပ်က အရှေ့အရပ် ဖြစ်ပါတယ်။
လက်သမားမြေခံ ကတော့ ဗြဟ္မာ မြေခံဖြစ်၍ လာဘ်လာဘကိုပေးတဲ့နေ့ဖြစ်တာကြောင့် ပျဉ်ထောင်အိမ်တွေ၊ တဲတွေ၊ဆိုင်ခန်းလိုင်းခန်းတည်ဆောက်ခြင်းတွေ၊အိမ်ခန်းဖွဲ့တာတွေ အိမ်ပြင်တာတွေ၊မြေတူးဆွတာတွေ ဆောင်ရွက် လို့ကောင်းပါတယ်။
ဒီနေ့ဟာတီထိမြေခံအရ တနင်္လာမြေခံတဲ့နေ့ဖြစ်ပါတယ်။ တနင်္လာမြေခံ ဖြစ်တဲ့အတွက် ဒီနေ့မှာ လုပ်ကိုင် လိုက်သော လုပ်ငန်းများမှန်သမျှ အကျိုးအမြက်ကြီးကြီးမားမားရရှိကြွယ်ခြင်း၊ ချမ်းသာခြင်း၊ စည်းစိမ်ဉစ္စာ တိုးပွား ခြင်းများ အထူးပင်ရရှိစေနိုင်တာကြောင့် ခိုင်ခန့်တဲ့အဆောက်အဦးတွေ၊ကျောင်းတွေသိမ်တွေ၊ လမ်း တံတား တွေ၊ အထပ်မြင့် အဆောက်အဦးတွေ စတင် ဆောက်လုပ်တာ တိုင်ထူတာပန္နက်ရိုက်တာမျိုး တွေ အထူးဆောင်ရွက် သင့်ပါတယ်။
ဒီနေ့ဟာ တီထိအရတော့ လဆန်းတီထိ ၁၃လုံးဖြစ်ပြီးတော့အောင်မြင်မှုတွေ၊စွမ်းအားတွေကိုပေးတဲ့ ဇယျာတီထိကျ ရောက်တဲ့နေ့ရက်ပဲဖြစ်ပါတယ်။ ဒါကြောင့်ဒီလိုနေ့မျိုးမှာတော့ အမှုအခင်းတွေဖြေရှင်းနိုင်ပါလိမ့်မယ်။ ပြဿနာတွေ ကိုကျော်လွှားသွားနိုင်ပါလိမ့်မယ်။သိလိုသောသတင်းအချက်အလက်များကို စုဆောင်းနိုင်ပါလိမ့်မယ်။
စေတီပြုပြင်ခြင်း၊ထီးတင်ခြင်း၊ ရှင်ပြုနားသခြင်းများကိုလဲ အလေးပေးဆောင်ရွက်နိုင်ပါတယ်။ ရတနာရောင်းဝယ် ခြင်း၊ စာပေရေးသားခြင်းများ အချစ်စကာ းပြောဆိုခြင်းများအထူးဆောင်ရွက်နိုင်ပါတယ်။ အသင်းအဖွဲ့တွေမှာ ဝင်ရောက်တာမျိုးတွေအထူးကောင်းပါတယ်။ စာပေနှင့်စာနယ်ဇင်းလုပ်ငန်းများကိုလဲ ဦးစားပေး ဆောင်ရွက် သင့် ပါတယ်။ အောင်မြင်ခြင်းကိုပေးစွမ်းတဲ့တီထိဖြစ်တာကြောင့် အရာရာနောက်တွန့်နေတာမျိုးမလုပ် ဘဲရဲရဲရှေး တိုး ဆောင် ရွက်ပါ။
အရောင်းအဝယ်အလုပ်များ၊ကုန်သွယ်မှုလုပ်ငန်းများ အထူးကောင်းပါတယ်။ အထိုင်မဟုတ်ဘဲ လှုပ်ရှားနေရတဲ့ အငြိမ်မနေရတဲ့အလုပ်တွေပိုမိုတိုးတတ်မဲ့နေ့ရက်ပါပဲ။ ကုမ္ပဏီများ မိမိဝန်ထမ်းတွေကို စွမ်းရည်မြင့်အောင် သင်တန်း တွေပေးသင့်တဲ့နေ့ရက်ပါပဲ။
ဘုရားနေကဇာတင်ခြင်း၊အိမ်တတ်ခြင်းများလဲ အထူးဆောင်ရွက်လို့ကောင်းတဲ့နေ့ရက် အိမ်သစ်၊နေရာသစ်၊ ရုံးခန်းသစ်၊ ဆိုင်သစ်စတင်ဖွင့်လှစ်လုပ်ကိုင်လို့အထူးကောင်းပါတယ်။
ထီဝါသနာပါသူများထီကံစမ်းသင့်တဲ့နေ့ရက်လဲဖြစ်ပါတယ်။7/9/0 များများပါသောထီလက်မှတ်ကိုရွေးချယ်ကံစမ်း လိုက်ပါ။မိမိကုန်ပစ္စည်းကို ပြည်တွင်းပြည်ပသို့ ထိုးဖောက်ခြင်းတွေ၊ ကုန်ပစ္စည်းသစ်ကို ဈေးကွက်မှာထိုးဖောက်ခြ င်းတွေစတင်လို့အထူးကောင်းတဲ့နေ့ရက်ပါပဲ။
ဒီနေ့မှာရှောင်သင့်တာတွေကတော့ သစ်ပင်စတင်စိုက်ပျိုးလို့မကောင်းပါဘူး။ အဆုံးအရှုံးများနိုင်ပါတယ်။ ဆောက်လုပ်ရေး ကိစ္စတွေကို သတိထားပြီးဆောင်ရွက်ပါ။ တည်ဆောက်ဆဲ အဆောက်အဦးတွေရှိရင် ဝါယာရှော့ အန္တရာယ်ကိုသတိထားဆောင်ရွက်ပါ။
ယနေ့တွင် အလုံးစုံသော မင်္ဂလာကိစ္စများ ဆောင်ရွက်ရန် အခါသင့်သည်။ လုပ်ငန်းသစ်များ စတင်ခြင်း၊ ဈေးကွက်သစ်များ ဖန်တီးခြင်းများ လုပ်ကိုင်နိုင်မည်။ ပြဿနာအခက်အခဲများ ဖြေရှင်းနိုင်မည်။ လှောင်ကုန်ပစ္စည်း များ ပြန်လည် ရောင်းချနိုင်မည်။ အရောင်းထိုင်းသော ပစ္စည်းများ ဈေးကွက်တွင် ပြန်လည်ရောင်ချ၍ အကျိုးအမြက် ကောင်းစွာ ရရှိမည်။
ယနေ့ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ညနေ(၄း၂၈)နာရီမှ ညနေ(၅း၁၉)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာ များရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာ ခြင်း များကြုံလာ ရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ် သွားတာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့မွေး ရင်သွေးငယ်များဟာ အဓိပတိဖွား၊ မိဿစန်း၊ ဗြိစ္ဆာရာသီဖွားဖြစ်ပါသည်။ဒီနေ့မွေးသူများဟာ စိတ်ကူး ကောင်းကြသူတွေဖြစ်တယ်။ အရာရာကိုစိတ်မြန်လက်မြန်ဆောင်ရွက်လေ့ရှိပြီး ဒေါသကြီးတတ်ကြသူတွေလဲဖြစ်ပါ တယ်။ ငွေကြေးကို စနစ်တကျရှာဖွေတတ်သူ၊ ငွေကြေးကိုစွန့်စွန့်စားစားရှာဖွေတတ်ကြသူတွေဖြစ်ပါတယ်။ သတိထား ရမှာက တစ်သက်တာအနေနဲ့ ရင်းနှီးမြုပ်နှံမှုဆိုင်ရာ ရေရှည်လုပ်ငန်းတွေကတော့ မလုပ်သင့်ပါ။ နှစ်အကြာကြီး ငွေရင်းထားရတဲ့အလုပ်တွေ၊ငွေပြန်ပေါ်တာ ကြာတဲ့အလုပ်တွေနဲ့ အဆင်မပြေပါ။ သတိထားရမှာက အစိုးရအာဏာ ပိုင်းတွေနဲ့ ပြဿနာတတ်နိုင်တဲ့ဇာတာမို့ ဥပဒေနဲ့မလွတ်ကင်းတဲ့အလုပ်အကိုင်စီးပွားရေးကိုရှောင်ပြီး သမ္မာအာဇီဝ ကျကျအသက်မွေးသူဆို ကြီးပွားတိုးတတ်မဲ့ဇာတာရှင်ပဲဖြစ်ပါလိမ့်မယ်။
ဒီနေ့အတွက် ရာဟုကာလအမှောင်ချိန်တွေကတော့ နံနက်(၇း၄၅)နာရီမှ နံနက်(၉း၀၈)နာရီအတွင်း ကျရောက်နေတာ ဖြစ်ပါတယ်။ ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ် ချုပ်ဆိုတာတွေ၊ ရင်သွေးငယ်ခွဲစိတ်မွေးဖွားတာကစပြီး ရှောင်နိုင်ရင် အထူးကောင်းပါတယ်။
ဒီနေ့မှာ ကံကောင်းသောနေ့သားများကတော့ တနင်္ဂနွေ၊ ဗုဒ္ဓဟူး၊ ရာဟု၊ ကြာသပတေး၊ သောကြာ သားသမီးများပဲ ဖြစ်ပါတယ်။
ကံညံ့သော နေ့သားကတော့ တနင်္လာ သားသမီးပဲ ဖြစ်ပါတယ်။
ကံသင့်သောနေ့သားများကတော့ အင်္ဂါ၊ စနေ သားသမီးများပဲ ဖြစ်ပါတယ်။
ဒီနေ့မှာ အနီရောင် နှင့် ခရမ်းရောင် များများပါသော အဝတ်အစား၊ အသုံးအဆောင်ပစ္စည်းများကို အထူးအလေးထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းများကို ရရှိခံစားနိုင်ပါလိမ့်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၇၊ ၉) ဂဏန်းများပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့သစ်သီးတစ်မျိုးမျိုးစား သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ စပျစ်သီး ဘုရားကပ်လှူပြီး လိုရာဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသောလိုအင်ဆန္ဒတွေပြည့်ဝကြပါစေ။
#၇ရက်သားသမီးအတွက် တစ်နေ့တာဟောစာတမ်းအကျယ်ကို နားဆင်လိုသောဗေဒင်ချစ်ပရိသတ်များ အတွက် သတင်းစကားပါးခြင်း
နေ့စဥ် ၇ ရက်သားသမီးများအတွက် နေ့နံအလိုက် …
☯️တစ်နေ့တာကံကြမ္မာ အဆိုးအကောင်း…
☯️တစ်နေ့တာ စီးပွားရေးအလုပ်အကိုင်အခြေအနေ…
☯️တစ်နေ့တာ ကျန်းမာရေးဆိုင်ရာ သိစရာတွေ…
☯️တစ်နေ့တာ အချစ်ရေး ကံတရားများ…..
☯️တစ်နေ့တာ အိမ်ထောင်ရေး အဆိုး/အကောင်းများ…
☯️တစ်နေ့တာ ပညာရေး ရလဒ်အကြောင်းတွေ….
#ဒါအပြင်…
.🧿တစ်နေ့တာ အကျိုးပေးအရောင်များ
🧿တစ်နေ့တာ အကျိုးပေးဂဏန်းများ
🧿အရေးကြီးကိစ္စတွေဆောင်ရွက်ရမယ်ဆို ပြုဖွယ်အစီအရင်များ
🧿တစ်နေ့တာအညံ့အဆိုးတွေလျော့ပါးသက်သာစေမဲ့ကုသိုလ်ယတြာ စသည်ဖြင့်စုံစုံလင်လင်ကို …… နေ့စဉ် နား ဆင် နိုင်မယ့် အစီအစဉ်ဖြစ်ပါတယ်။
နေ့စဉ်ဗေဒင်ဟောစာတမ်းများကို နားဆင်လိုပါက …
ATOM ဆင်းကဒ်များဖြင့် (3049) ကို ဖုန်းခေါ်ဆိုပြီး နားဆင်နိုင်ပါတယ်…။ ( တစ်ပတ်လျှင် ၃၁၅ ကျပ်သာကျသင့် မှာဖြစ်ပါတယ်။)
🙏🙏🙏အားပေးကြသူတစ်ယောက်ချင်းဆီတိုင်းကို ကျေးဇူးအထူးတင်ရှိပါတယ်။
👌👍ကောင်းသောလိုအင်ဆန္ဒတွေပြည့်ဝနိုင် ကြပါစေ။
✍️ငြိမ်းအေးလူ(ဗေဒင်သုတေသီ)
09775555695
