Category: Daily Consult

26.August.2022 တစ်နေ့တာလမ်းညွှန်ချက်၊ဆောင်ရန်ရှောင်ရန် သိစရာများနှင့် ၇ရက်သားသမီးဟောစာတမ်းအကျဉ်း

ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ တော်သလင်းလဆန်း(၁)ရက်၊ သောကြာနေ့ ဖြစ်ပါတယ်။

ခရစ်နှစ် ၂၀၂၂ခုနှစ်၊ဩဂုတ်လ(၂၆)ရက်နေ့လဲ ဖြစ်ပါတယ်။

ဒီနေ့နံနက်(၅း၀၀)နာရီမှာ အရုဏ်တတ်ပါတယ်။ နေထွက်ချိန်နံနက်(၅း၄၈)နာရီဖြစ်ပြီး၊ ညနေ(၆း၂၂)နာရီမှာ နေဝင်ပါတယ်။

ဒီနေ့မှာ ဆောင်သင့်တဲ့လာဘ်နေအရပ်က အရှေ့အရပ် ဖြစ်ပါတယ်။ ရှောင်သင့်တဲ့ နတ်နေအရပ်က တောင်အရပ် ဖြစ်ပါတယ်။ စန်းပွင့်ရာအရပ်က မြောက်အရပ် ဖြစ်ပါတယ်။

လက်သမားမြေခံ ကတော့ နတ်မြေခံဖြစ်ပါ၍ ဘေးသင့်တတ်သဖြင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်း တည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ မြေတူးဆွတာတွေ လုပ်ကိုင်ဆောင်ရွက်ခြင်းငှာ မသင့်သေးပါ။

ဒီနေ့ဟာတီထိမြေခံအရ  ကြာသပတေးမြေခံတဲ့နေ့ဖြစ်ပါတယ်။ ကြာသပတေးမြေခံအရ မိမိကြံစည်စိတ်ကူး ထားသော အရာမှန်သမျှ အချိန်မရွှေ့ဆိုင်းပဲ ချက်ချင်းလက်ငင်း အကောင်အထည်ဖေါ် ဆောင်ရွက်သင့်ချိန်ဖြစ်၍       ခိုင်ခန့်တဲ့ အဆောက်အဦးတွေ၊ကျောင်းတွေသိမ်တွေ၊ လမ်း တံတား တွေ၊ အထပ်မြင့်အဆောက်အဦးတွေ စတင် ဆောက်လုပ်တာ တိုင်ထူတာပန္နက်ရိုက်တာမျိုးတွေအထူး ဆောင်ရွက်လို့ရပါတယ်။

ဒီနေ့ဟာ အမြိတ္တစုတ်၊ နဂါးပြည်ပြဿဒါး ရက်ကျရောက်နေတာဖြစ်ပါတယ်။

ဒီနေ့ဟာ တီထိအရတော့  မွန်းလွဲ ၁နာရီခွဲထိ လဆုတ်တီထိ ၁၄လုံးဖြစ်ပြီးကျော်သွားပါက လကွယ်တီထိဖြစ်ပါ တယ်။ ဒီလိုနေ့မျိုးမှာတော့ ပြဿနာများကိုချက်ချင်းဖြေရှင်းခြင်းဖြင့် အဆင် ပြေမှုတွေကိုရရှိပါလိမ့်မယ်။ အမှုတစ်ခုဖြစ်လို့ အချိန်ဆွဲ နေရင် အမှုကြီးသွားတတ်ပါတယ်။

နေကောင်းကျန်းမာနေတဲ့နေ့ရက်ဖြစ်တာကြောင့်လဲ ကျန်းမာရေးအတွက်အညံ့တွေရှိရင်လျော့ပါးသွားပါ လိမ့်မယ်။ ငွေကြေးပဲဖြစ်ဖြစ်၊ပစ္စည်းပဲဖြစ်ဖြစ်လွဲပြောင်းယူရတဲ့ကိစ္စတွေကို စစ်ဆေးပြီးမှလက်ခံဆောင်ရွက်သင့်တဲ့ နေ့ရက်ပါပဲ။

အလုပ်နဲ့ပတ်သက်ပြီးတော့ အထိုင်အလုပ်ပဲဖြစ်ဖြစ်၊လှုပ်ရှားလုပ်ကိုင်ရသောအလုပ်ပဲဖြစ်ဖြစ် အဆင်ပြေ အောင်မြင် တတ်ပါတယ်။ မိမိစိုက်ပျိုးထားတဲ့သစ်ပင်ပန်းမန်တွေကိုဓာတ်မြေသြဇာကျွေးခြင်း၊  စိုက်ပျိုးမဲ့မြေကို မြေဆီကျွေး ခြင်း များအထူးပဲဆောင်ရွက်နိုင်ပါတယ်။

ပညာအမွေခံခြင်း၊ပညာသင်ခြင်းမျိုး အထူးပဲကောင်းပါတယ်။ ရေတွင်း၊ရေကန်တူးခြင်း၊အဝီစီတွင်းတူးခြင်း များ အထူးပဲဆောင်ရွက်နိုင်ပါလိမ့်မယ်။ အင်တာဗျူးဖြေခြင်း၊အလုပ်သစ်ရှာခြင်းများအထူးပဲဆောင်ရွက်နိုင်ပါတယ်။

ရှင်ပြုနားသခြင်း၊ပဉ္ဇင်းခံခြင်းများစတဲ့အလှူနဲ့ပက်သက်သောကိစ္စများဆောင်ရွက်နိုင်ပါတယ်။ကျောက်သွေးခြင်း၊ကျောက်ဖြတ်ခြင်း၊ကျောက်မျက်ရတနာများရောင်းဝယ်ခြင်းတွေ ဒီနေ့မှာဆောင်ရွက်နိုင်ပါတယ်။

မေတ္တာရေးကံကောင်းတဲ့နေ့ဖြစ်တာကြောင့်မေတ္တာတောင်းခံခြင်းတွေ၊ချစ်ရေးဆိုခြင်း၊အချစ်ရေးနဲ့ပတ်သက်ပြီး အရေးကြီးတဲ့ကိစ္စများကို ဆောင်ရွက်နိုင်ခြင်းတွေအထူးကောင်းပါတယ်

            ယနေ့ တော်သလင်းလဆန်း(၁)ရက်နေ့သည်ကား သောကြာနေ့ဖြစ်ပေရာ သောကြာနှင့်ဆန်းသောလဟူ၍ သက်မှတ်သည်။ သောကြာနံ(သ၊ ဟ) အက္ခရာနှင့် စသော ပန်း၊ အညွန့်နှင့်တကွ လှူဖွယ်ပစ္စည်းအစုစုကို အလှူ အတန်း ပြုခြင်းဖြင့်  ဤကာလအတွင်း ကံပွင့် ၊ လာဘ်ပွင့်ခြင်း၊ လိုရာပြည့်ခြင်းရှိမည်။ သပြေညွန့်၊ သီဟိုဠ်ညွန့်၊ သစ္စာပန်း ရောင်စုံ၊ သစ်ခွပန်းရောင်စုံ၊ သီးညွန့်၊သရက်သီး၊သင်္ဘောသီး၊သံ၊သစ်၊သွပ်အစရှိသည်တို့ကို တက် အား သမျှ အလှူဒါန ပြုပါ။

ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့(၂၃း၀၅)နာရီမှ (၂၃း၅၇)နာရီအတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်း များကြုံလာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွား တာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။

ဒီနေ့ဟာအမြိတ္တစုတ်ရက်ကျရောက်တဲ့နေ့ရက်ဖြစ်တာကြောင့် ဒီနေ့မှာစတင်လိုက်တဲ့ စီးပွားရေး၊လူမှုရေး၊ကျန်းမာ ရေး၊ ပညာရေးနှင့်အလုပ်ကိစ္စ ရေးရာအဖြာဖြာတွေမှာ ရေရှည်အောင်မြင်မှုတွေကိုရရှိပါလိမ့်မယ်။ လောကီ အစီအရင် လုပ်ခြင်း၊ သိဒ္ဓိတင်ခြင်း၊အင်းဆွဲခြင်းများကို အလေးပေးဆောင်ရွက်နိုင်ပါလိမ့်မယ်။ ဂမ္ဘီရဆန်တဲ့ ကိစ္စတွေအတွက် ဆောင်ရွက်လို့အလွန်ကောင်းပါတယ်။

နဂါးပြည်ပြဿဒါးကျရောက်နေတဲ့နေ့ရက်ဖြစ်တာကြောင့်အိမ်၊ခြံမြေ၊တိုက်တာ၊ဆိုင်ခန်း၊အလုပ်ခန်းများ ရောင်းချ ခြင်း၊ ဝယ်ယူခြင်းမျိုးတွေရှောင်လိုက်စေချင်ပါတယ်။အရောင်းအဝယ်ကိစ္စတွေနဲ့ပက်သက်ပြီးတော့ စာချုပ်ချူပ်ဆို မယ်ဆိုရင်တော့ ဒီနေ့မှာ ပိုင်ဆိုင်တဲ့စာရွက်စာ တမ်းတွေက အစစ်လား၊အတုလားသေချာစစ်ဆေး ပြီးမှ ဆောင်ရွက်လိုက်ပါ။

ဒီနေ့မွေး ရင်သွေးငယ်များဟာ  ပုတိဖွား၊  ကရကဋ်စန်း၊ ည၈နာရီခွဲကျော်ရင် စန်းက သိဟ်ရာသီကူးပြောင်းသည်။ သိဟ်ရာသီဖွားဖြစ်ပါသည်။ဒီနေ့မွေးသူများဟာ စိတ်ကူးကောင်းတွေရှိတယ်။ အိုင်ဒီယာအသစ်တွေရှိနေတတ်ပါ တယ်။ အားနည်းချက်က လက်တွေ့အကောင်အထည်ဖော်ဖို့ပျင်းနေတတ်ပါတယ်။ အထောက်အပံ့ကောင်းတွေရ လွယ်ပြီး အရင်းအနှီးထုတ်ပေမဲ့သူတွေပေါများတတ်ပါတယ်။ ငွေကံအားကောင်းပြီးတော့ ကိုယ်တိုင်ကလဲ သုံးချင် ဖြုန်းချင်သူမို့ အကြိုက်တွေ့နေတတ်ပါတယ်။ အသက် ၄၂ထိ အတိတ်ကံအထောက်အပံ့ကြောင့် အဆင်ပြေနိုင်တာ မို့ မျောလိုက်နေကြသူတွေ၊ဝေလေလေလုပ်နေမိသူဆို အိုဇာတာညံ့သွားနိုင်တာမို့ ဒီနေ့မွေးရင်သွေးမိဘတွေအနေနဲ့ သေချာသွန်သင်ဖို့လိုပါတယ်။

ဒီနေ့အတွက် ရာဟုကာလအမှောင်ချိန်တွေကတော့ နံနက်(၁၀◌း၃၃) နာရီမှ မွန်းလွဲ(၁၂း၀၇)နာရီအတွင်း ကျရောက် နေပါ တယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ် ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်း ပါတယ်။

ဒီနေ့မှာ ကံကောင်းသောနေ့သားများ အင်္ဂါ၊ စနေ၊ ဗုဒ္ဓဟူး သားသမီးများပဲဖြစ်ပါတယ်။

ကံညံ့သော နေ့သားများကတော့ တနင်္ဂနွေ၊ ကြာသပတေး၊ ရာဟု သားသမီးများပဲဖြစ်ပါတယ်။

ကံသင့်သောနေ့သားများကတော့ တနင်္လာ၊ သောကြာ သားသမီးများပဲဖြစ်ပါတယ်။

ဒီနေ့မှာ မီးခိုးရောင်(သို့)ခဲရောင်၊ ဆင်စွယ်ရောင် နှင့် နို့နှစ်ရောင်  များများပါသော အဝတ်အစားအသုံး အဆောင် ပစ္စည်းတွေကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင် ပါလိမ့်မည်။     

ဒီနေ့မှာ၇ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့  (၄၊ ၈)ဂဏန်း တွေပဲ ဖြစ်ပါတယ်။

ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့နှမ်းအနည်းငယ်စား သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။

အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ဇီးဖျော်ရည် ဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်း သောလိုအင်ဆန္ဒတွေပြည့်ဝကြပါစေ။

၇ရက်သားသမီးအတွက် တစ်နေ့တာဟောစာတမ်းအကျဉ်း

တနင်္ဂနွေ

အနည်းငယ်အလုပ်တွေများနေရတတ်ပါတယ်။ အရွယ် ရောက်ပြီးတဲ့ သားသမီးတွေရှိရင် မိမိအလုပ်တွေကိုဝိုင်း ကူ ခိုင်းပါ တယ်။အချိန်အတော်ကြာ ဝေးကွာနေတဲ့သူ ငယ်ချင်းတွေနဲ့ပြန်ဆုံရတတ်ပါတယ်။ စပ်တူအ လုပ်တွေ ကတော့ ပြဿနာနဲ့ မကင်းတဲ့သဘောလေးတွေ တွေ့နေရ ပါတယ်။ အမွေကိစ္စတွေနဲ့ပတ် သက်ပြီးပြဿနာ ဖြစ်ရ တတ်ပါတယ်။ အလုပ်ပြောင်းခြင်း၊ နယ်ပြောင်းခြင်း၊ အိမ်နေ ရာပြောင်းခြင်းတွေကို ဒီနေ့မှာတတ်နိုင်သ လောက် ရှောင်သင့်ပါတယ်။ကြက်ခွေးကြောင်ငှက်စတဲ့ တနင်္လာနံ သတ္တဝါ များ စတင်မွေးလို့ လုံးဝမ ကောင်း သေး ပါဘူး။ ငွေပေးငွေယူအလွန်သတိရှိပါ။

တနင်္လာ

ခက်ခဲနေတဲ့ ပြဿနာကြီးကြီးမားမားတွေရှိရင် အပြီးသတ် ဖြေရှင်းနိုင်ပါလိမ့်မယ်။ အလုပ်တွေနဲ့ပတ်သက်ပြီး အကောင် အထည်ဖော်ဆောင်ရွက်သွားနိုင်ပါလိမ့်မယ်။ ကျန်းမာ ရေးကတော့ အပြီးသတ်ကောင်းသွားပါလိမ့်မယ်။ လူမမာ တွေနလန်ထစပြုတဲ့နေ့ရက်ပါပဲ။ အလုပ်အကိုင်အခွင့် အလမ်းတွေပေါ်လာတတ်ပါတယ်။ လျှောက်ထားတဲ့ အလုပ် ကနေ အလုပ်ခေါ်စာတွေကျလာတတ်ပါတယ်။ မိမိသင် လိုတဲ့ပညာတွေကိုစတင်သင်ယူ လို့အထူးကောင်း တဲ့နေ့ရက်ပါပဲ။ ဘဏ်လုပ်ငန်းများ ၊ငွေကြေးဝန်ဆောင်မှုလုပ် ငန်းများအထူးကောင်းပါတယ်။ online စီးပွား ရေးများအရောင်းအဝယ်တိုးတတ်ပါလိမ့်မယ်။

အင်္ဂါ

စိတ်ထဲရည်မှန်းထားတာလေးတွေအကောင်အထည်ဖော် ဆောင်ရွက်နိုင်လိမ့်မယ်။ အလုပ်တွေပြီးမြောက်လို့စိတ် ချမ်းသာဂုဏ်ယူရပါလိမ့်မယ်။ ကျန်းမာရေးနဲ့ပက်သက်ပြီးအညံ့အဆိုးကင်းနေမဲ့နေ့ရက်ပါပဲ။ လိုချင်တဲ့ငွေကြေးဥစ္စာ တွေရလွယ်တဲ့နေ့ရက်မျိုးပါပဲ။ ကာလရှည်ကြာအဓိဋ္ဌာန် ဝင်ရောက်ခြင်းတွေကိုဒီနေ့မှာစနိုင်ရင်ပို ကောင်းပါ တယ်။ အလုပ်နဲ့ပတ်သက်ပြီး အားရစရာအချက်ကတော့ မိမိလုပ် သမျှ အကောင်းဆုံးရလဒ်တွေနဲ့ကြုံရနိုင် ပါတယ်။စက် ပစ္စည်းဝယ်လို့ အထူးကောင်းတဲ့နေ့ပါပဲ။ ဒီနေ့ဝယ်လိုက်တဲ့ စက်ပစ္စည်းဟာမိမိလက်ထဲမှာ အကျိုး ပေးပါလိမ့်မယ်။

ဗုဒ္ဓဟူး၊ရာဟု

စိတ်ချမ်းသာရတတ်ပါတယ်။ မိတ်ဆွေလုပ်ဖော်ကိုင်ဖက်တွေ နဲ့အဆင်ပြေပြေလက်တွဲလုပ်နိုင်မဲ့နေ့ရက်ပါပဲ။ အလုပ်ခွင်အတွင်း စိတ်ကူးအကြံအစည်တွေကို အထက်လူကြီးကို အသိပေးပြီးအကောင်အထည်ဖော်လိုက်ပါ။ ကိုယ်ပိုင်အလုပ်များ ဝန်ထမ်းသစ်ခန့်အပ်ခြင်းတွေ၊ မိမိဆိုင်ခန်းအ တွင်းဆေးသုတ်ခြင်းတွေကိုဒီနေ့မှာဆောင်ရွက် လို့ကောင်းပါတယ်။စက်ပြုပြင်ထိန်းသိမ်းတဲ့လုပ်ငန်းတွေ၊ဆေးပညာ နဲ့ပတ်သက်ဆက်နွယ်သောအလုပ်တွေ တိုးတတ် နိုင်ပါတယ်။ ချစ်ရသူကိုချစ်စကားပြောနိုင်သလို မိမိကို purpose လုပ်ထားတဲ့သူကိုလဲအဖြေပြန်ပေး လို့ကောင်းတဲ့ နေ့ရက်ပါပဲ။

ကြာသပတေး

အခြားအကြောင်းအရာထက်ကျန်းမာရေးကိုပိုမိုဂရုစိုက်စေ ချင်ပါတယ်။မိမိအတွက်သောက်နေကျ ဆေးလေးတွေ ဆောင်ထားလိုက်ပါ။ ပညာသင်ကြားရာမှအဖုအထစ်လေး တွေများမဲ့နေ့ရက်ပါပဲ။ အလုပ်တွေမှာ တွဲဖက် လုပ် ကိုင်ရတဲ့လုပ်ဖော်ကိုင်ဖက်တွေက သဘောတရားနားမလည် တာကြောင့် မိမိပဲ အလွန်မှပင်ပန်းရတတ်ပါတယ်။ ကိုယ်ပိုင်အလုပ်များကတော့ မိမိရဲ့ဝန်ထမ်းတွေကိုအားကိုးရမဲ့ နေ့ရက်ပါပဲ။ ရင်းနှီးမြုပ်နှံမှုတွေမစသင့်သေးပါဘူး။ အလုပ်တွေကများ၊ စိတ်ပင်ပန်းလူပင်ပန်းရပေမဲ့ အစစ အရာရာကူ ညီပေးမဲ့မိတ်ဆွေတွေရှိပါတယ်။

သောကြာ

အချီကြီးလုပ်ချင်တာမျိုး ၊အပွကြံချင်တာမျိုးတွေစိတ်ထဲဖြစ် ပေါ်နေတတ်ပါတယ်။ ကိုယ်ပိုင်စီးပွားများ ရောင်းမှား ဝယ်မှားဖြစ်တတ်ပါတယ်။ ဆရာအလုပ်နဲ့အသက်မွေးဝမ်း ကြောင်းပြုသူများ မဟုတ်တာမလုပ်မိပါစေနဲ့။ ပုပ် ရင်ပေါ်ဆိုသလိုပဲ မကောင်းသတင်းပြန့်နှံသွားနိုင်ပါတယ်။ လိုတာ ထက်ပိုပြီး ငွေကြေးချွေတာသုံးစွဲလိုက်ပါ။ လောင်းကစားအလုပ်များရှောင်ပါ။ ရှုံးမဲမဲပြီး လုပ်လေအကုန်အကျများလေပါပဲ။ ဝန်ထမ်းအလုပ်များ အဆင် ပြေပြေနဲ့ ကြိုးစားနိုင်ပါလိမ့်မယ်။ဆရာတု ဆရာယောင်၊ဘိုးတော်တု၊ နတ်ကတော်အတုဆိုတာမျိုး တွေနဲ့ကြုံရ တတ် တဲ့အတွက် သတိထားပြီးတော့ နေထိုင်လုပ်ကိုင်ပါ။

စနေ

အခက်အခဲတွေကျော်လွှားနိုင်ပါလိမ့်မယ်။ လုပ်သမျှ အဆင်ပြေခြင်း၊ကြံစည်သမျှအောင်မြင်ခြင်းတွေကို ဖြစ်ပေါ် စေလိမ့်မယ်။ အလုပ်အကိုင်အခွင့်အလမ်းတွေကိုလဲ ရလာတတ်ပါတယ်။ စီးပွားရေးနဲ့ပတ်သက်ပြီး အားစိုက်ထား သမျှအဆင်ပြေတိုးတတ်မှုတွေရှိလာပါလိမ့်မယ်။ အရောင်းထိုင်းနေတဲ့အလုပ်တွေ ရောင်းပန်းဝယ်ပန်းပွင့်ပါ လိမ့်မယ်။ လူမျိုးခြား၊တစိမ်းတွေနဲ့ဆက်စပ်လုပ်ကိုင်တဲ့ အလုပ်တွေက တိုးတတ်မှုတွေပိုမိုရရှိပါလိမ့်မယ်။ ရပ်ဝေး ရောက်နေတဲ့ မိတ်ဆွေတွေဆီက  လက်ဆောင်များလဲ ရလွယ်ပါတယ်။ မြုပ်နေသောငွေများ ပြန်ပေါ်လာပါ လိမ့် မယ်။

ဆရာငြိမ်းအေးလူ(ဗေဒင်သုတေသီ)

09775555695

25.August .2022 တစ်နေ့တာလမ်းညွှန်ချက်၊ဆောင်ရန်ရှောင်ရန် သိစရာများနှင့် ၇ရက်သားသမီး ဟောစာတမ်း အကျဉ်း

ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ ဝါခေါင်လကွယ်နေ့ရက်၊ ကြာသပတေးနေ့ ဖြစ်ပါတယ်။

ခရစ်နှစ် ၂၀၂၂ခုနှစ်၊ဩဂုတ်လ(၂၅)ရက်နေ့လဲ ဖြစ်ပါတယ်။

ဒီနေ့နံနက်(၅း၀၀)နာရီမှာ အရုဏ်တတ်ပါတယ်။ နေထွက်ချိန်နံနက်(၅း၄၈)နာရီဖြစ်ပြီး၊ ညနေ(၆း၂၃)နာရီမှာ နေဝင်ပါတယ်။

ဒီနေ့မှာ ဆောင်သင့်တဲ့လာဘ်နေအရပ်က မြောက်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က တောင်အရပ် ဖြစ်ပါတယ်။ စန်းပွင့်ရာအရပ်က မြောက်အရပ် ဖြစ်ပါတယ်။

လက်သမားမြေခံ ကတော့ ဗြဟ္မာ မြေခံဖြစ်၍ လာဘ်လာဘကိုပေးတဲ့နေ့ဖြစ်တာကြောင့် ပျဉ်ထောင်အိမ်တွေ၊ တဲတွေ၊ဆိုင်ခန်းလိုင်းခန်းတည်ဆောက်ခြင်းတွေ၊အိမ်ခန်းဖွဲ့တာတွေ အိမ်ပြင်တာတွေ၊မြေတူးဆွတာတွေ ဆောင်ရွက် လို့ကောင်းပါတယ်။

တီထိမြေခံ အရတော့ မွန်းတည့် ၁၂နာရီထိ စနေမြေခံတာမို့  အိုးအိမ်တိုက်တာများ ဆောက်လုပ်ခြင်းများမပြုရပါ။ မီးလောင်ပျက်စီးတတ်သည်။မွန်းလွဲပါက တီထိ မြေခံအရ သောကြာမြေခံဖြစ်တာကြောင့် ဥစ္စာပစ္စည်းရရှိခြင်း၊ ချစ်သူ၊ မိတ်ဆွေပေါများခြင်းအကျိုးကိုရရှိစေသောကြောင့် ခိုင်ခန့်တဲ့အဆောက်အဦးတွေ၊ကျောင်းတွေသိမ်တွေ၊ လမ်း တံတား တွေ၊ အထပ်မြင့်အဆောက်အဦးတွေစတင်ဆောက်လုပ်တာ တိုင်ထူတာပန္နက်ရိုက်တာမျိုးတွေအထူး ဆောင်ရွက်လို့ရပါတယ်။

ဒီနေ့ဟာ သိကြားပြည်ပြဿဒါး ရက်ကျရောက်နေတာဖြစ်ပါတယ်။

ဒီနေ့ဟာ တီထိအရတော့  လဆုတ်တီထိ ၁၄လုံးဖြစ်ပြီးတော့ ဆင်းရဲခြင်းသဘောကိုဆောင်တဲ့ ရိတ္တာတီထိ ကျရောက် တဲ့နေ့ရက်ပဲဖြစ်ပါတယ်။ ဒီလိုနေ့မျိုးဟာဆေးကုသရန် ရက်ကောင်းဖြစ်ပါတယ်။ ဆရာကောင်း ၊ဆေးစွမ်းကောင်းနှင့်ဆုံရပါလိမ့်မယ်။  ဒီနေ့ဟာ မျိုးစေ့စိုက်ပျိုးတာပဲဖြစ်ဖြစ်၊ရိတ်သိမ်းတာပဲဖြစ်ဖြစ် ဆောင်ရွက် နိုင်ပါတယ်။ အိမ်မွေးတိရိစ္ဆာန်များရောင်း ခြင်း၊ဝယ်ခြင်းတွေကိုလဲ အထူးအလေးပေးဆောင်ရွက်နိုင်ပါလိမ့်မယ်။

            အမှုဟောင်း၊ပြဿနာဟောင်းတွေကို ထိပ်တိုက်ရင်ဆိုင်ဖြေရှင်းလိုက်ပါ။ ပြေလည်မှုတွေရလာပါလိမ့်မယ်။ အနုစိပ်အသေးစိပ်လုပ်ငန်းများ၊  ပြုပြင်ထိန်းသိမ်းရသောအလုပ်များ၊အကျိုးပေးအောင်မြင်နေတတ်ပါတယ်။  ဖုန်း၊ကွန်ပြုတာ၊ပြင်ဆင်ခြင်းလုပ်များ အထူးအဆင်ပြေတတ်ပါတယ်။  နိုင်ငံခြားသွင်းကုန်ထုတ်ကုန်လုပ်ငန်းများ၊ နိုင်ငံခြားသွားဖို့အင်တာဗျူးခြင်းများ၊ နိုင်ငံခြားသား၊လူမျိုးခြားနဲ့ဆက်စပ် လုပ်ကိုင်ခြင်းများ၊ အထူးအောင်မြင် တတ်ပါတယ်။ 

အထည်၊ထီး၊ဖိနပ်၊တွင်ခုံလုပ်ငန်းများစတဲ့စနေနံလုပ်ငန်းများလဲ မူလအခြေအနေထက်ပိုမိုအဆင့်မြင့် အောင်မြင် သွားတတ်တဲ့နေ့ပါပဲ။ လုပ်လက်စအလုပ်များ၊ အပြီးမသတ်ရသေးတဲ့အလုပ်တွေကို ဒီနေ့မှာ အပြီးသတ်ပြီးစီး အောင်လုပ်နိုင်မှာပါ။လက်လွန်ထားတဲ့ငွေကြေးတွေဒီနေ့မှာပြန်လည်တောင်းခံလို့အလွန်ကောင်းနေ တတ်ပါတယ်။

            ယနေ့တွင် ဆေးဝါးဖေါ်စပ်ခြင်း၊ သမားပြသခြင်း၊ ဆေးဝါးကုသခြင်းများအတွက် ရက်ကောင်း ရက်မြက် ဖြစ်သည်။ ဘာသာရေးဆိုင်ရာ မြင့်မြက်သောကိစ္စများ ဆောင်ရွက်ရန် မသင့်ပါ။

ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့(၂၃း၀၉)နာရီမှ (၂၄းဝဝ)နာရီအတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်း များကြုံလာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွား တာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။

ရှောင်သင့်တာတွေကတော့ သိကြားပြည်ပြဿဒါးဖြစ်တာကြောင့်  လောကုတ္တရာ မင်္ဂလာနဲ့ပက်သက်သော ရှင်ပြုခြင်း၊နားသခြင်း၊ ပဉ္ဇှင်းခံခြင်း၊ ဘုရားထီးတင်ခြင်း၊ စတဲ့ကိစ္စတွေတတ်နိုင်သလောက်  ရှောင်သင့်ပါတယ်။ စာရွက်စာတမ်းလက်မှတ်ထိုးခြင်းများ၊ ကတိကဝတ်ပြုခြင်းများတွင်အမှားအယွင်းတွေရှိတတ်ပါတယ်။ ဘယ်သူပဲ ကျန်းမာရေးအညံ့ကြုံပါက နာတာရှည်ဖြစ်သွားတတ်ပါတယ်။

ဒီနေ့မွေး ရင်သွေးငယ်များဟာ  ဘင်္ဂဖွား၊  ကရကဋ်စန်း၊  သိဟ်ရာသီဖွားဖြစ်ပါသည်။ဒီနေ့မွေးသူများဟာ မိမိအတွေး အခေါ်တွေက အလှမ်းကျယ်ပြီး အလယ်လပ် နေတတ်ပါတယ်။ ဘဝမှာ ကြီးမားတဲ့အကြံအစည်တွေကို အကောင် အထည်ဖော်ချင်ကြသူတွေပါပဲ။ ချမ်းသာတဲ့မိဘက ပေါက်ဖွားသူဆိုရင်တော့ မိဘအကူအညီတွေဖြစ်ချင်တာတွေ ဖြစ်ခွင့်ရနိုင်ပေမဲ့ သာမန်မိသားစုက ပေါက်ဖွားလာကြသူတွေကတော့ ဝေလေလေ ဖြစ်သွားတတ်ပါတယ်။ ပညာကို ချစ်မြတ်နိုးတွေဖြစ်ပြီး သင်တန်းတွေ၊ ကျောင်းတွေနဲ့ လုံးထွေးယှက်တင်အမြဲရှိနေတတ်တဲ့သူတွေဖြစ်ပါတယ်။

ဒီနေ့အတွက် ရာဟုကာလအမှောင်ချိန်တွေကတော့ မွန်းလွဲ(၀၁း၄၂) နာရီမှ ညနေ(၀၃း၁၆)နာရီအတွင်း ကျရောက် နေပါတယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်း ပါတယ်။

ဒီနေ့မှာ ကံကောင်းသောနေ့သားများ အင်္ဂါ၊ ဗုဒ္ဓဟူး၊ ရာဟု၊ သောကြာ သားသမီးများပဲဖြစ်ပါတယ်။

ကံညံ့သော နေ့သားများကတော့ တနင်္ဂနွေ၊ စနေ သားသမီးများပဲဖြစ်ပါတယ်။

ကံသင့်သောနေ့သားများကတော့ တနင်္လာ၊ ကြာသပတေး သားသမီးများပဲဖြစ်ပါတယ်။

ဒီနေ့မှာ နီညိုရောင်၊အဖြူရောင် များများပါသော အဝတ်အစားအသုံးအဆောင်ပစ္စည်းတွေကို အထူး  အလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။        

ဒီနေ့မှာ၇ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့  (၂၊ ၅)ဂဏန်း တွေပဲ ဖြစ်ပါတယ်။

ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့သရဏဂုံသုံးပါးကို သက်စေ့ရွတ်သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။

အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ စမူဆာ ဘုရားကပ်လှူပြီး လိုရာဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသောလိုအင်ဆန္ဒတွေပြည့်ဝကြပါစေ။

၇ရက်သားသမီးအတွက် တစ်နေ့တာဟောစာတမ်းအကျဉ်း

တနင်္ဂနွေ

စိတ်တူသဘောတူမိတ်ဆွေတွေအနားမှာရှားနေတတ်ပါ တယ်။ မြှောက်စားမဲ့ ခြောက်စားမဲ့မိတ်ဆွေတုတွေများ နေတတ်ပါတယ်။ လိုအပ်တဲ့အကူအညီတွေတောင်းခံရခက် ခဲမဲ့နေ့ရက်ပါပဲ။ အလုပ်တွေကိုတော့ အားတတ်သရော လုပ်နေမိတတ်ပါတယ်။ ဝန်ထမ်းတွေဆိုရင်တော့ အလုပ် တွေပိနေရတတ်ပါတယ်။ ပစ္စည်းပျောက်ရှတာ၊ သူခိုးခိုး ခံရတာမျိုးတွေကြုံနေရတတ်ပါတယ်။ အလုပ်တွေကို တာဝန်သိသိလုပ်တတ်တဲ့ ဝန်ထမ်းတွေအား တာဝန်ခွဲဝေ ခိုင်းစေ တတ်ဖို့လိုပါတယ်။ ကျန်းမာရေးကို ဂရုစိုက်ပါ။ ပင်ပန်းပြီး ကိုယ်လက် မအီမသာဖြစ်တာ ၊သွေးအားနည်း တာမျိုးတွေဖြစ်ရတတ်ပါတယ်။

တနင်္လာ

မိမိအတွက်အကောင်းဆုံးတွေးခေါ်နိုင်ဖို့လိုပါတယ်။ အနှစ်မရှိတဲ့ကိစ္စတွေကိုလုပ်ရင်းနဲ့အချိန်ကုန်ရတတ်ပါ တယ်။ ပညာရှာနေသူများ ပညာရေးအပေါ်စိတ်ဝင်စားမှုအား နည်းနေတတ်ပါတယ်။ အိမ်တွင်းရေးကိစ္စတွေမှာ မိမိဦး ဆောင်လုပ်ကိုင်ပေးနေရတတ်ပါတယ်။ စပ်တူအလုပ်များ တတ်နိုင်သ၍ ငွေကြေးကိစ္စများရှင်းရှင်း လင်းလင်း လုပ် ထားပါ။ ဆရာသမား လူကြီးတွေရဲ့ ခိုင်းစေထား တဲ့အလုပ်တွေလဲ လုပ်ပေးနေရတတ်ပါတယ်။ အခက်အခဲတွေ ကိုရဲရဲရင်ဆိုင်တတ်ဖို့လိုပါတယ်။ စိတ်ဓာတ် ပျော့ညံ့သူများလဲ ပိုမိုစိတ်ညစ်နေရတတ်ပါတယ်။

အင်္ဂါ

ရည်ရွယ်ချက်အတိုင်းလျှောက်လှမ်းနိုင်ပါလိမ့်မယ်။ မိမိကို လမ်းကြောင်းပေါ်ရောက်အောင်ကူညီပေးမဲ့သူမျိုးနဲ့လဲ ကြုံဆုံရတတ်ပါတယ်။ အရသာရှိတဲ့အစားအသောက်တွေ ကိုစားခွင့်သောက်ခွင့်ကြုံရတတ်ပါတယ်။ ခေါင်းဆေး၊ ဆံသ၊ခေါင်းလျှော်ခြင်းပြုပါကလာဘ်ရွှင်မှုတွေကိုကြုံရနိုင်တဲ့ နေ့ရက်ပဲဖြစ်ပါတယ်။စိတ်ထဲ လိုချင်တာတွေကိုလဲ တိုက်တိုက်ဆိုင်ဆိုင်မိမိရှေ့ရောက်လာတတ်ပါတယ်။ကျန်းမာ ရေးအတွက်အားရစိတ်ကျေ နပ်ရပါလိမ့်မယ်။ အလုပ် နဲ့ပတ်သက်ပြီး မိမိရဲ့အစွမ်းအစတွေကိုထုတ်ပြခွင့်ရလာ မဲ့နေ့ပါ။ အချစ်ရေးမှာ တော့ချစ်သူနဲ့ ပျော်စရာအချိန် တွေကိုဖန်တီးနိုင်ပါလိမ့်မယ်။

ဗုဒ္ဓဟူး၊ရာဟု

အလုပ်တွေအားကောင်းပါလိမ့်မယ်။ စီးပွားရေးနဲ့ပတ် သက်ပြီး အခွင့်အလမ်းကောင်းတွေရလာ တတ်ပါ တယ်။ လိုချင်တာတွေကိုဖန်တီးယူနိုင်ပါလိမ့်မယ်။ စပ်တူအလုပ် များတိုးတတ်အဆင်ပြေပါလိမ့်မယ်။ အလုပ်ခွင် အတွင်း လုပ်ဖော်ကိုင်ဖက်တွေနဲ့တက်ညီလက်ညီကြိုးစားနိုင်ပါလိမ့် မယ်။ မိမိလိုချင်တဲ့ နည်းပညာနှင့်ပတ်သက် သော ပစ္စည်းများ ရရှိတတ်ပါတယ်။အိမ်တွင်းရေး အိမ်ထောင်ရေး အထူးသာယာပျော်ရွှင်ရလိမ့်မယ်။ရပ်ဝေးက အလုပ် တွေ အကျိုးပေးလိမ့်မယ်။အလုပ်လျှောက်ထားရင်အလုပ်ခေါ်စာ တွေရောက်လာပါလိမ့်မယ်။ မိတ်ဆွေသစ် သူငယ်ချင်း သစ်တွေလဲ တိုးပွားမဲ့နေ့ရက်ပါပဲ။

ကြာသပတေး

စိတ်ထွက်ပေါက်ရှာနေမိတတ်ပါတယ်။ စိတ်ညစ်လို့ အရက်သောက်တယ်ဆိုတာမျိုးစတဲ့ ယုတ္တိမရှိတာတွေကို လုပ်မိနေတတ်ပါတယ်။ စည်းကမ်းတွေ၊ဘောင်တွေကို ကြောက်တဲ့သူတွေအတွက်ကတော့ ဒီနေ့ဟာစိတ်ညစ် ရတတ်ပါတယ်။ အတူနေတဲ့ ညီအကိုမောင်နှမတွေရှိရင် တော့အနည်းငယ်စိတ်ရှုပ်ရတတ်ပါတယ်။ သူတို့နဲ့စကား များရတတ်ပါတယ်။ ကျန်းမာရေးကိုတော့ သိပ်မကြိုက်ပါ ဘူး ။ အနီးအနားနေထိုင်သူတွေဆီကနေ အဖျား ကူးစက်တတ်ပါတယ်။ သားသမီးလက်အောက်ငယ်သား တွေရဲ့ အကူအညီအထောက်အပံ့တွေ အများ ကြီးရ လာမဲ့နေ့ရက်ပါပဲ။

သောကြာ

အနာရောဂါတွေကင်းစင်နေတတ်ပါတယ်။ ဆေးကောင်း၊ သမားကောင်းတွေနဲ့ကုသခွင့်တွေရလာတတ်ပါတယ်။ အဘက်ဘက်တိုးတတ်ပါလိမ့်မယ်။ ဝန်ထမ်းများနာမည် ကောင်းရရှိမဲ့နေ့ရက်ပါပဲ။ လုပ်ချင်တာတွေကိုလုပ်နိုင်ခွင့် တွေရတတ်ပါတယ်။ အလုပ်အကြွေးတွေရှိရင်အပြီးသတ် ဆောင်ရွက်နိုင်ပါလိမ့်မယ်။ ထီကံစမ်းလို့အလွန် ကောင်းတဲ့နေ့ရက်ပါပဲ။ မိမိဖူးချင်တဲ့ဘုရားတွေကိုဖူးမျှော်ခွင့်ရလာ တတ်ပါတယ်။ အဓိဋ္ဌာန်စတင်ဝင်ရောက် လို့ကောင်းတဲ့နေ့ရက်ပါပဲ။ အဝေးရောက်နေတဲ့ သားသမီးတွေဆီက အထောက်အပံ့တွေရလာ တတ်ပါတယ်။ ငွေကံလဲမြင့်မားနေတဲ့နေ့ရက်ပါပဲ။

စနေ

စိတ်ထဲ တွေဝေဒွိဟဖြစ်စရာတွေများနေတတ်ပါတယ်။ ဟိုဟာ လုပ်ရနိုး၊ဒီဟာလုပ်ရနိုးနဲ့ အဆင်မပြေကြုံ ရတတ်ပါတယ်။ လက်ရှိအလုပ်အပေါ်မှာငြီးငွေ့နေရတတ်ပါတယ်။ ယာဉ် စည်းကမ်းတွေ၊ လမ်းစည်းတွေဖောက် ဖျက်တာကြောင့် ဒဏ်ရိုက်ခံရတာမျိုးလဲ ကြုံရတတ်ပါတယ်။ လက်ဝယ်ရှိတဲ့ စက်ပစ္စည်းတွေအပျက် အစီးများနေရတတ်ပါတယ်။ငွေကုန်ကျရတာမျိုးတွေကြုံရတတ်ပါတယ်။မိမိလိုချင်တဲ့ ငွေ ကြေးတွေရဖို့ ကြန့်ကြာ နေတတ်ပါတယ်။ ခရီးကိစ္စတွေ၊ လူမှုရေးကိစ္စတွေလဲများတတ်တဲ့ နေ့ရက်ပါပဲ။ စက်ပစ္စည်းနဲ့ပတ်သက်ပြီး ရောင်းမှားဝယ်မှားတွေဖြစ်ရတတ်ပါ တယ်။

ဆရာငြိမ်းအေးလူ(ဗေဒင်သုတေသီ)

09775555695

24.August .2022 တစ်နေ့တာလမ်းညွှန်ချက်၊ဆောင်ရန်ရှောင်ရန် သိစရာများနှင့် ၇ရက်သားသမီး ဟောစာတမ်း အကျဉ်း

ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ ဝါခေါင်လဆုတ်(၁၃)ရက်၊ ဗုဒ္ဓဟူးနေ့ ဖြစ်ပါတယ်။

ခရစ်နှစ် ၂၀၂၂ခုနှစ်၊ဩဂုတ်လ(၂၄)ရက်နေ့လဲ ဖြစ်ပါတယ်။

ဒီနေ့နံနက်(၄း၅၉)နာရီမှာ အရုဏ်တတ်ပါတယ်။ နေထွက်ချိန်နံနက်(၅း၄၇)နာရီဖြစ်ပြီး၊ ညနေ(၆း၂၃)နာရီမှာ နေဝင်ပါတယ်။

ဒီနေ့မှာ ဆောင်သင့်တဲ့လာဘ်နေအရပ်က တောင်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က မြောက်အရပ် ဖြစ်ပါတယ်။ စန်းပွင့်ရာအရပ်က အနောက်နှင့်မြောက်အရပ် ဖြစ်ပါတယ်။

လက်သမားမြေခံ ဝက် မြေခံဖြစ်၍ ဘေးသင့်ခြင်းကို ပေးတဲ့နေ့ဖြစ်တာကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်းတည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ဆောင်ရွက်ရန် အထူးရှောင်ကျဉ်သင့်တဲ့ နေ့ရက်ဖြစ်ပါတယ်။  

ဒီနေ့ဟာတီထိမြေခံအရ  စနေမြေခံတဲ့နေ့ဖြစ်ပါတယ်။ စနေမြေခံအရ မီးဘေးနှင့်ပတ်သက်သော အပူသောကများ အထူးဂရုစိုက်သင့်ပါသည်။ မီးဘေးကြောင့် ပျက်စီးဆုံးရှုံးရခြင်းများ၊ စိတ်ပူးပင်သောကနှင့် ဆုံးရှုံးနစ်နာရခြင်းများ ရရီစေသောကြောင့် ခိုင်ခန့်သော အဆောက်အဦးတွေ၊ ကျောင်းတွေ၊ သိမ်တွေ၊ လမ်းတံတားတွေ၊ အထပ်မြင့် အဆောက်အဦးတွေ စတင်ဆောက်လုပ်တာ၊ တိုင်ထူတာ၊ ပန္နက်ရိုက်တာမျိုးတွေ အထူးရှောင့်သင့်ပါတယ်။  

ဒီနေ့ဟာ ရက်ရာဇာ ရက်ကန်းရက်ကျရောက်နေတာဖြစ်ပါတယ်။

ဒီနေ့ဟာ တီထိအရတော့ လဆုတ်တီထိ ၁၃လုံးဖြစ်ပြီးတော့ အောင်မြင်မှုတွေ၊စွမ်းအားတွေကိုပေးတဲ့ ဇယျာတီထိကျ ရောက်တဲ့နေ့ရက်ပဲဖြစ်ပါတယ်။ကုန်ပစ္စည်းများ စတင်ဖြန့်ချီရန်ကောင်းသောနေ့ရက်ဖြစ်ပါတယ်။ ကုန်ပစ္စည်းသစ် မိတ်ဆက်ခြင်းတွေ၊ စတင်ကြော်ငြာခြင်းတွေကိုလဲ ဆောင်ရွက်ရန်သင့်ပါတယ်။ ငွေကြေးအပေး အယူကြောင့်ဖြစ် ပေါ်လာတဲ့ပြဿနာတွေရှိခဲ့ရင်တော့ ကောင်းစွာဖြေရှင်းနိုင်ပါလိမ့်မယ်။ခရီးသွားလို့ အကျိုးယုတ် တာမျိုးမတွေ့ရ ပါ ဘူး။ငွေကြေးရပိုင်ခွင့်တွေရှိရင်ပြန်လည်တောင်းခံနိုင်ပါလိမ့်မယ်။ ရန်ပဋိပက္ခတွေကို ထိပ်တိုက် ရင်ဆိုင်ဖြေရှင်းရန် ကောင်းသောနေ့ရက်လဲဖြစ်ပါတယ်။

            အနုပညာသရုပ်ဆောင်ခြင်းလုပ်ငန်း၊ စာပေရေးသားခြင်းလုပ်ငန်း၊ပန်းချီလုပ်ငန်းများ တိုးတတ် အောင်စွမ်း ဆောင်နိုင်ပါလိမ့်မယ်။ငွေကြေးဝန်ဆောင်မှုလုပ်ငန်းများ တိုးတတ်အောင်မြင်မှုတွေကိုပေးစွမ်းပါ လိမ့်မယ်။ဒီလို နေ့ရက် တွေ မှာ အားကစားပွဲများကျင်းပခြင်းတွေ၊gymဆော့ခြင်းတွေ ၊စစ်ရေးလေ့ကျင့်ခြင်းတွေ စတဲ့ ချွေးထွက် မဲ့အလုပ်တွေကို အထူးပဲဆောင်ရွက်စေချင်ပါတယ်။ ဆေးစစ်ခြင်း၊ဆေးကုသမှုခံယူခြင်းများလဲဒီနေ့မှာ အဆင်ပြေ ပါ လိမ့်မယ်။ 

မိမိလက်အောက်ငယ်သားတွေကို trainning ပေးတာ၊  သင်တန်းပေးတာမျိုးတွေအထူးပဲဆောင်ရွက်စေ ချင်ပါတယ်။ ခရီးသွားခြင်း၊ကုန်သွယ်ခြင်း၊ကုန်ကူးခြင်းတွေအထူးကောင်းပါတယ်။ မိမိလုပ်ငန်းအတွက်ဆိုင်းဘုတ် ထောင်ခြင်းများ၊ကြေငြာခြင်းများ၊လက်ကမ်းစာစောင်များဝေခြင်းတွေ၊ ပန်းဖလက်များဝေခြင်းတွေအထူးပဲ ဆောင် ရွက်နိုင်ပါလိမ့်မယ်။

            ယနေ့တွင် အရာရာကို အထူးသတိရှိရမည်။ နေ့လည်(၁၂း၀၀)နာရီမှ (၁း၃၀)နာရီအတွင်း အရာရာကို သတိနှင့် ဆောင်ရွက်လုပ်ကိုင်ပါ။ အနီကပ်လူယုံမထားရပါ။ ရှောင်သင့်တာတွေကတော့ ဒီနေ့မှာအချိုတွေလျှော့ စားပါ။ အရက်သေစာလျှော့သောက်ပါ။ ဆရာသမားတွေ အပေါ်မှာပြစ်မှားကျူးလွန်တာမျိုးမဖြစ်အောင် သတိနဲ့ထိန်းပါ။ အလုပ်နဲ့ပတ်သက်ပြီး အထက်လူကြီးကခိုင်းစေတဲ့ ကိစ္စတွေကို ငြင်းဆန်ရာကနေပြဿနာ ဖြစ်ပွား နိုင်ပါတယ်။

ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့(၂၃း၁၃)နာရီမှ (ဝဝး၀၈)နာရီအတွင်း အတွင်း ဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများ ရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများကြုံလာရ ပါလိမ့် မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။

ဒီနေ့ဟာရက်ရာဇာကျတဲ့နေ့ရက်ဖြစ်ပေမဲ့ ရက်ကန်းဖြစ်တာကြောင့်် မင်္ဂလာယူပြီးလုပ်ရမဲ့ကိစ္စမှန်သမျှ ရှောင်နိုင်ရင် အကောင်း ဆုံး ပါပဲ။ လက်ထပ် ထိမ်းမြားခြင်း၊ စေ့စပ်ခြင်း၊ ဆောင်ရွက်လို့ မကောင်းသေးပါဘူး။ မျက်မြင် ကိုယ်တွေ့မဟုတ်ဘဲ တပါးသူပြောစကား နားဝင်ပြီးဆောင်ရွက်ပါက ဆုံးရှုံးခြင်းတွေကိုဖြစ်ပေါ်စေနိုင်ပါတယ်။

ဒီနေ့မွေး ရင်သွေးငယ်များဟာ  အထွန်းဖွား၊  မေထုန်စန်း၊မနက် ၉း၁၅မိနစ်ကျော်ရင် စန်းက ကရဏဋ်ရာသီကူး ပြောင်းပြီး၊  သိဟ်ရာသီဖွားဖြစ်ပါသည်။ဒီနေ့မွေးသူများဟာ မိဘတွေသာ ပညာအတွက် ငွေကုန်ခံပြီးကျောင်း ကောင်းကောင်းထားမယ်ဆို နိုင်ငံရပ်ခြားထိ ပညာရေးထွန်းပေါက်ပြီး ပညာတော်သင်သွားရသည်အထိ ပညာရေး အားကောင်းပါတယ်။ ငွေကြေးကံအားကောင်းပြီး အလုပ်မရှိသူတောင်ငွေပြတ်လပ်တာမရှိဘဲ ကူညီမဲ့သူတွေပေါ် လာတတ်တဲ့ဇာတာပါပဲ။ အချစ်ရေး အိမ်ထောင်ရေးအားနည်းချက်ရှိပြီး ကိုယ့်ကိုလက်ထပ်သူကလဲ ငွေကြေး တောင့်တင်းလို့ ဘဝအာမခံချက်ကြောင့် လက်ထပ်ကြတာများပါလိမ့်မယ်။

ဒီနေ့အတွက် ရာဟုကာလအမှောင်ချိန်တွေကတော့ မွန်းလွဲ(၁၂း၀၈) နာရီမှ မွန်းလွဲ(၁း၄၂)နာရီအတွင်း ကျရောက် နေပါတယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်း ပါတယ်။

ဒီနေ့မှာ ကံကောင်းသောနေ့သားများ ဗုဒ္ဓဟူး၊ ရာဟု၊ ကြာသပတေး၊ စနေ သားသမီးများပဲဖြစ်ပါတယ်။

ကံညံ့သော နေ့သားများကတော့ အင်္ဂါ၊ သောကြာ သားသမီးများပဲဖြစ်ပါတယ်။

ကံသင့်သောနေ့သားများကတော့ တနင်္ဂနွေ၊ တနင်္လာ သားသမီးများပဲဖြစ်ပါတယ်။

ဒီနေ့မှာ မီးခိုးရောင်(သို့)ခဲရောင်၊ အနက်ရောင်နှင့် အနီရောင် များများပါသော အဝတ်အစားအသုံးအဆောင် ပစ္စည်းတွေကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံ စားနိုင်ပါလိမ့်မည်။       

ဒီနေ့မှာ၇ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့  (၃၊ ၈)ဂဏန်း တွေပဲ ဖြစ်ပါတယ်။

ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့လက်ဖက်ရည်သောက် သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။

အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ဒူးရင်းမလိုင် ဘုရားကပ်လှူပြီး လိုရာဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်း သောလိုအင်ဆန္ဒတွေပြည့်ဝကြပါစေ။

၇ရက်သားသမီးအတွက်တစ်နေ့တာဟောစာတမ်းအကျဉ်း
တနင်္ဂနွေ

စိတ်လက်ကြည်သာနေပါလိမ့်မယ်။ဒါကြောင့်လဲ အရေးကြီး တဲ့ကိစ္စတွေကိုအမှားအယွင်းနည်းတာ မျိုးတွေကြုံ ရတတ်ပါတယ်။ကံကောင်းနေသလို အချစ်ရေးကိစ္စတွေမှာလဲ ကြည်နူးပျော်စရာမျိုးတွေကြုံရတတ် ပါတယ်။ လုပ်ချင်တဲ့အလုပ်တွေကိုလဲ မိမိအောက်လက်ငယ်သားတွေ၊ ဝန် ထမ်းတွေကိုတိုင်ပင်ပြီး လုပ်ကိုင်သွားခြင်းဖြင့် ပိုမိုအောင်မြင်မှုတွေရလာတတ်ပါတယ်။အလုပ်တွေကို ပေါ့ပေါ့ပါးပါး နဲ့ အောင်မြင်အောင် လုပ်နိုင်ပါလိမ့်မယ်။ လူမှုရေးပြဿနာတွေရှိခဲ့ရင်ပြေလည်အောင်ဖြေရှင်းနိုင်ပါလိမ့်မယ်။ လိုတာ ထက်ပိုပြီးတော့ အကူအညီတွေရ လွယ်ပါ တယ်။ ကျန်းမာရေးအားကောင်းမှာပါ။

တနင်္လာ

အရာရာမိမိစိတ်ကူးအတိုင်းလုပ်လေအမှားများလေပါပဲ။ တတ် နိုင်သမျှလူကြီးမိဘတွေဆီကနေ အကြံဉာဏ် ယူပါ။ လူမှုရေးပြဿနာတွေဖြစ်ရတတ်ပါတယ်။ အိမ်ထောင်ရှိလျက်နဲ့ လိုင်းပေါ်ကနေ အီစီကလီလုပ်သူများ ပြဿနာများ ရတတ်ပါတယ်။ မိဘတွေရဲ့ကျန်းမာရေးကိုဂရုစိုက် သင့်တဲ့ နေ့ရက်ပါပဲ။ ဆရာသမားတွေရဲ့ အကူအညီတောင်းမှု ကြောင့် အလုပ်ပျက်အကိုင်ပျက်ဖြစ်ရသည်ထိကြုံနိုင်ပါတယ်။ ဆိုဆုံးမခက်တဲ့သားသမီး တွေကြောင့် စိတ်ပင်ပန်းရ တာ လေးတွေဖြစ်တတ်ပါတယ်။လှုပ်လှုပ်ရှားရှား အလုပ်တွေ ထက် အထိုင်အလုပ်တွေကပိုမိုအဆင်ပြေမှု တွေရှိပါလိမ့်မယ်။

အင်္ဂါ

. ဝန်ထမ်းဆိုလုပ်ငန်းခွင်အတွင်းဖိအားတွေနဲ့လုပ်ကိုင်နေရတတ်ပါ တယ်။ အလုပ်ခွင်မှာစာရင်းစစ်ဝင်တာ ပဲ ဖြစ်ဖြစ်၊ အရေးပေါ်ကိစ္စပေါ်လာလို့ပဲဖြစ်ဖြစ် စိတ်ပန်းလူပန်းနဲ့လုပ်ကိုင်နေရ တတ်ပါတယ်။ နေရာသစ်၊အိုးအိမ် သစ်မှာ နေထိုင်တာမျိုးတွေကိုလဲ ရှောင်စေချင်ပါတယ်။ အိမ်ရောင်းဖို့ စီစဉ်ထား သူများ ဝယ်လက်နဲ့ ဆုံတွေ့ပြီး အဆင်ပြေသွားတတ်ပါတယ်။ ကျန်းမာရေးကတော့ဒီနေ့အားနည်းပါတယ်။ ဦးနှောက်အာရုံကြောအားနည်း နေတာ မျိုးတွေ့ရပါတယ်။ ခေါင်းကြည်အောင်နေထိုင်စားသောက်ပါ။ ဒီနေ့မှာ အိမ်နီး နားချင်းတွေနဲ့လဲ စကားများပြဿနာ ကြုံရတတ်ပါတယ်။

ဗုဒ္ဓဟူး၊ရာဟု

စိတ်ချမ်းသာကိုယ်ကျန်းမာရတတ်ပါတယ်။ မိဘတွေရဲ့ လိုအပ်ချက်တွေကိုလဲ ဖြည့်ဆည်းနိုင်ပါလိမ့် မယ်။အလုပ်နဲ့ ပတ်သက်ပြီးတော့လဲ အားရစရာကောင်းတဲ့ရလဒ်တွေ ကိုရရှိပါလိမ့်မယ်။ ငွေကြေးတွေကတော့ အဘက်ဘက် ကရစရာရှိတာတွေအကုန်ရတတ်ပါတယ်။ ကံစမ်းမဲပေါက် တာမျိုးတွေလဲ ကြုံရတတ်ပါတယ်။ ကျက်သရေမင်္ဂလာ ရှိသောကိစ္စမှန်သမျှအချိန်ပေးဆောင်ရွက်လို့အထူးကောင်း ပါတယ်။ လူငယ်များ မိဘတွေဆီက မုန့်ဖိုးများများရ လွယ်တဲ့နေ့ရက်ပါပဲ။ချစ်သူရည်းစား ဆိုတာမျိုးလဲရလွယ်နေ တတ်ပါတယ်။ချစ် သူဆီက အဖြေပြန်တောင်းလို့ အကောင်းဆုံးနေ့ ရက်ပါပဲ။

ကြာသပတေး

စိတ်ချမ်းသာစရာတွေများနေရတတ်ပါတယ်။ အလုပ်နဲ့ ပတ်သက်ပြီးတိုးတတ်နိုင်ပါတယ်။ အားနည်းချက်တစ် ခုက စာရင်းတွေလုပ်တာမျိုးတွေကိုတော့သတိထားလုပ်ပါ။ စာရင်းတွေမှားပြီးပြဿနာတတ်တာ၊စို က်လျော်ပေးရ တာမျိုးတွေဖြစ်ရတတ်ပါတယ်။ ချစ်သူရဲ့ပူဆာမှုကြောင့် ငွေထွက်ရတတ်ပါတယ်။ နယ်ဘက်သွားရောက် လုပ်ကိုင် ရတဲ့အလုပ်တွေက အားနည်းချက်တွေများနေဆဲပါပဲ။ အလုပ်ထဲမှာတော့ စိတ်နှစ်ထားတာ အကောင်းဆုံးပါပဲ။ အလုပ်များနေသလို အလုပ်စီးပွားတွေလဲ တိုးတတ် အောင်မြင်တတ်ပါတယ်။ အချစ်ရေးကံလဲကောင်း နေမဲ့ နေ့ရက်ပါပဲ။

သောကြာ

လမ်းအိုလမ်းဟောင်း အတိုင်း မလိုက်ဘဲ ဖြစ်လမ်းလိုက်လေ အမှားများလေပါပဲ။ စိတ်လိုက်မာန်ပါလုပ်ကိုင် ဆောင် ရွက်ခြင်းမျိုး ရှောင် လိုက်စေချင်ပါတယ်။ တစ်ဦးတစ်‌ယောက်နဲ့ငြင်းခုံခြင်းမျိုးဒီနေ့မှာမလုပ်ပါနဲ့။ ငြင်းခုံရာကနေရန် ဖြစ်သည်ထိ ပြဿနာများရတတ်ပါတယ်။ အောက် လက် ငယ်သားတွေရဲ့လုပ်ဆောင်မှုအမှား တွေကို မိမိက ပြင်ဆင် လုပ်ကိုင် ပေးနေရ တတ်ပါတယ်။ကျန်းမာရေး ဂရုစိုက်အပ်တဲ့နေ့ရက်ဖြစ်တာကြောင့် သောက်နေကျ ဆေးလေးတွေ ဆောင်ထားစေချင်ပါတယ်။ အိမ်ထောင်ရေး မှာ အိမ်ထောင်ဘက်နဲ့ စိတ်သဘောထားကွဲစရာများ ကြုံရတတ်ပါတယ်။

စနေ

မိမိကိုယ်တိုင်က အပြင်ပန်းကိုကြည့်ပြီးဆုံးဖြတ်နေမိ တတ်ပါတယ်။ အထဲကအနှစ်သာရကိုကြည့်နိုင်မှအ ဘက် ဘက်ကအဆင်ပြေနိုင်တာကိုတွေ့ရပါတယ်။ ချင့်ချိန်တာ ၊ချိန်ဆနေတာတွေများတာကြောင့် အခွင့်အရေး ကိုလက် လွတ်ရတတ်ပါတယ်။ မူလအခြေအနေကနေပြောင်းလဲ လုပ်ကိုင်ရတဲ့ကိစ္စမှန်သမျှအဆင်ပြေဖို့ထက် ခက်ခဲဖို့ကပို များ တယ်ဆိုတာကိုသိထားစေချင်ပါတယ်။ အလုပ်တွေကို လုပ်ကိုင်ရမှာလဲ မလိုအပ်တဲ့နေ့ရာတွေ မှာအားစိုက်နေ မိတတ်ပါတယ်။ အမှုအခင်းပြဿနာဖြစ်စေမဲ့ကိစ္စတွေရှောင် ပါ။ မိမိကဘက်ကမှန်နေရင်တောင် ပြဿနာကြီး အောင် မလုပ်သင့်ပါဘူး။

ဆရာငြိမ်းအေးလူ(ဗေဒင်သုတေသီ)

09775555695

22.August.2022 တစ်နေ့တာလမ်းညွှန်ချက်၊ဆောင်ရန်ရှောင်ရန် သိစရာများနှင့် ၇ရက်သားသမီးဟောစာတမ်းအကျဉ်း

ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ ဝါခေါင်လဆုတ်(၁၁)ရက်၊ တနင်္လာနေ့ ဖြစ်ပါတယ်။

ခရစ်နှစ် ၂၀၂၂ခုနှစ်၊ဩဂုတ်လ(၂၂)ရက်နေ့လဲ ဖြစ်ပါတယ်။

ဒီနေ့နံနက်(၄း၅၈)နာရီမှာ အရုဏ်တတ်ပါတယ်။ နေထွက်ချိန်နံနက်(၅း၄၆)နာရီဖြစ်ပြီး၊ ညနေ(၆း၂၄)နာရီမှာ နေဝင်ပါတယ်။

ဒီနေ့မှာ ဆောင်သင့်တဲ့လာဘ်နေအရပ်က အနောက်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အရှေ့အရပ် ဖြစ်ပါတယ်။ စန်းပွင့်ရာအရပ်က အနောက်အရပ် ဖြစ်ပါတယ်။

လက်သမားမြေခံ နဂါး မြေခံဖြစ်၍ ပျက်စီးဆုံးရှုံးရတတ်သော နေ့ဖြစ်တာကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်းတည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ဆောင်ရွက်ရန် မသင့်ပါ။

ဒီနေ့ဟာတီထိမြေခံအရ  ကိတ်မြေခံတဲ့နေ့ဖြစ်ပါတယ်။ ကိတ်မြေခံအရ အလုံးစုံသော စည်းစိမ်ဉစ္စာ၊ ရတာနာတို့ကို အလွယ်တကူ ရရှိပိုင်ဆိုင်ခွင့်များ ရရှိစေသောကြောင့် ခိုင်ခန့်သောအဆောက်အဦးတွေ၊ ကျောင်းတွေ၊ သိမ်တွေ၊ လမ်းတံတားတွေ၊ အထပ်မြင့် အဆောက်အဦးတွေ စတင်ဆောက်လုပ်တာ၊ တိုင်ထူတာ၊ ပန္နက်ရိုက်တာမျိုးတွေ ဆောင်ရွက်လို့အထူးကောင်းပါတယ်။ ဒါပေမဲ့ သမားညိုရက်နဲ့ တိုက်ဆိုင်နေ တာမို့ ရှောင်လိုက်တာကပိုကောင်းပါ တယ်။

ဒီနေ့ဟာ သမားညို၊ သမားဖြူ၊ ဝါရမိတ္တုငယ် ရက်ကျရောက်နေတာဖြစ်ပါတယ်။

ဒီနေ့ဟာ တီထိအရတော့  လဆုတ်တီထိ ၁၁လုံးဖြစ်ပြီးတော့ ပျော်ရွှင်မှုတွေ၊ ကြွယ်ဝမှုတွေကိုပေးတဲ့ နန္ဒတီထိကျ ရောက်တဲ့ နေ့ရက်ပဲဖြစ်ပါတယ်။ မိမိအတွက်လိုအပ်သောအိမ်ထောင်ပရိဘောဂပစ္စည်းတွေဝယ်ယူလို့ အထူး ကောင်းတဲ့နေ့ ရက်ပဲဖြစ်ပါတယ်။ မိမိမီးဖိုးချောင်သုံးပစ္စည်းများ၊ လိုအပ်တဲ့စားနပ်ရိက္ခာများကိုလဲ ဝယ်ယူထား မယ်ဆို ဒီနေ့ကသင့် တော်ပါတယ်။ခရီးကိစ္စများ၊အလုပ်ကိစ္စများ စီစဉ်ရန်ကောင်းမွန်တဲ့နေ့ရက်ပဲဖြစ်ပါတယ်။ ဋ္ဌာနဆိုင်ရာတွေနှင့်ပြော ဆိုဆက်ဆံလုပ်ကိုင်ရသောအလုပ်တွေကအဆင်ပြေတိုးတတ်မှုတွေရှိပါလိမ့်မယ်။ လက်မှု ပညာဖြင့် ပြုလုပ်ထား သောပစ္စည်းများအရောင်းအဝယ်သွက်ပါလိမ့်မယ်။

            ဒီနေ့ဟာအလှကုန်ပစ္စည်းဖြန့်ချီခြင်းတွေ၊ငွေကြေးချေးငှားခြင်းတွေ၊ကုမ္ပဏီထူထောင်ခြင်းတွေအထူးပဲစတင် လို့ကောင်းတဲ့နေ့ရက်ပါပဲ။ လှေကားတင်ခြင်းကိစ္စတွေကိုလဲ ဒီနေ့မှာဆောင်ရွက်နိုင်ပါလိမ့်မယ်။ အလုပ်နဲ့ပတ်သက် တဲ့ခရီးစဉ်ပဲဖြစ်ဖြစ်၊ အခြားအပျော်ခရီးတွေပဲဖြစ်ဖြစ် ခရီးကိစ္စတွေစတင်လို့ အထူးကောင်းနေပါပြီ။

စက်ယန္တရားပြုပြင်ခြင်းအလုပ်များ၊ဝပ်ရှော့များအဆင်ပြေအောင်မြင်မှုတွေရတတ်ပါတယ်။ သယ်ယူ ပို့ဆောင်ရေး အလုပ်တွေ၊ ချောပို့အလုပ်တွေအောင်မြင်မှုတွေရတတ်ပါတယ်။ အတိုက်အခိုက်တွေကို မျက်ကွယ်ပြုတတ်သူတွေ ဆိုရင်တော့ အောင်မြင်မှုတွေကိုပိုမိုရရှိတတ်ပါတယ်။ ရာဂနဲ့ပတ်သက်သောအရှုပ် အထွေး တွေမရှိအောင် ထိန်းသိမ်းသင့်တဲ့နေ့ရက်ပါပဲ။

            ယနေ့တွင် မင်္ဂလာကိစ္စများကို ဆောင်ရွက်ရန်မသင့်ပါ။ ပြဿနာအခက်အခဲများကို ဖြေရှင်းရန် ရက်ကောင်း ဖြစ်သည်။ ရသင့်ရထိုက်သော ငွေကြေးများ ပြန်လည်တောင်းခံရန် ရက်ကောင်းဖြစ်သည်။ ရပ်ဝေးနှင့် ဆက်စပ် သော လုပ်ငန်းတို့မှ ထူးခြားသော အကျိုးဆက်ကောင်းများ ရရှိမည်။ ကျန်းမာရေးအညံ့ကြုံက မပေါ့ဆအပ်ပါ။

ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့(၂၃း၂၁)နာရီမှ (ဝဝး၁၆)နာရီအတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများ ကြုံလာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုး မရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။

သမားညိုရက်ဖြစ်တာကြောင့် အိမ်ပြောင်းရွှေ့တာ၊ အလုပ်ဆိုင် ပြောင်းတာ၊ အလုပ်ရုံးခန်းပြောင်းတာ မျိုးတွေရှောင် အပ်ပါတယ်။ပညာစပြီးသင်ယူလို့မကောင်းသေးပါဘူး။ ခိုင်ခန့်သော၊ရေရှည်တည်တံ့သော အဆောက်အဦးတွေကို စတင်ဆောက်လုပ်တာ ၊တိုင်ထူတာ၊ပန္နက်ရိုက်တာ၊ မျိုးတွေလုပ်မိရင် အဆုံးမသတ် ဘဲတစ်ပိုင်းတစ ဖြစ်လွယ်ပါတယ်။

ဒီနေ့ဟာသမားဖြူရက်ဖြစ်တာကြောင့် အရောင်းအဝယ်ကိစ္စတွေမှာ ရောင်းမှာဝယ်မှားဖြစ်တတ်တယ်။ လူလိမ်ခံရ တတ်ပါတယ်။ဘဝအတွက်အရေးကြီးတဲ့အလုပ်များ၊ ဆုံးဖြတ်ချက်များကိုဒီနေ့မှာလုပ်ဆောင်ချမှတ်လို့မကောင်း ပါဘူး။

ဝါရမိတ္တုငယ်ကျရောက်တဲ့နေ့ရက်လဲဖြစ်တာကြောင့် မင်္ဂလာကိစ္စများ  အလုံးစုံရှောင်သင့်ပါတယ်။ လက်ထပ် ထိမ်းမြားခြင်း၊စေ့စပ်ခြင်း၊မင်္ဂလာစကားပြောခြင်းများရှောင်သင့်ပါတယ်။ ဒီနေ့ မှာပေါ်ပင်အလုပ်များ၊ အဆင်ပြေမ လားထင်ပြီးတော့ မြေစမ်းခရမ်းပျိုးလုပ်ကိုင်ခြင်းများလဲ အထူးပဲရှောင်ပါတယ်။  လုပ်မိရင်မှန်းချက်နဲ့ နှမ်းထွက်မ ကိုက်ဆိုတာမျိုးလဲဖြစ်နေရတတ်ပါတယ်။

ဒီနေ့မွေး ရင်သွေးငယ်များဟာ  အဓိပတိဖွား၊ မေထုန် စန်း၊  သိဟ်ရာသီဖွားဖြစ်ပါသည်။ဒီနေ့မွေးသူများဟာအတွေး အခေါ်အလွန်ကောင်းတယ်။စူးစိုက်မှုတွေအားကောင်းတယ်။ အနာဂတ်ကိုခိုင်ခန့်လှပအောင် တည်ဆောက်မှုတွေ လုပ်ဆောင်နိုင်တဲ့ဇာတာရှင်ဖြစ်လိမ့်မယ်။ မိဘလက်ငုတ်ထက် ခေတ်မီဆန်းသစ်တဲ့ အသက်မွေးဝမ်းကျောင်းကိုသာ ဆောင်ရွက်လိုတာမို့ မိဘလက်ငုတ်ကို လက်ဆင့်ကမ်းမယ်ဆို ဒီကလေးအတွက်ခက်ခဲတတ်ပါတယ်။

ဒီနေ့အတွက် ရာဟုကာလအမှောင်ချိန်တွေကတော့ မနက်(၇း၂၅) နာရီမှ မနက်(၈း၅၉)နာရီအတွင်း ကျရောက် နေပါတယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါ တယ်။

ဒီနေ့မှာ ကံကောင်းသောနေ့သားများ တနင်္လာ၊ သောကြာ၊ စနေ သားသမီးများပဲဖြစ်ပါတယ်။

ကံညံ့သော နေ့သားများကတော့ တနင်္ဂနွေ၊ ဗုဒ္ဓဟူး၊ ရာဟု သားသမီးများပဲဖြစ်ပါတယ်။

ကံသင့်သောနေ့သားများကတော့ အင်္ဂါ၊ ကြာသပတေး သားသမီးများပဲဖြစ်ပါတယ်။

ဒီနေ့မှာ ကြက်သွေးရောင် နှင့် ရွှေအိုရောင်များများပါသောအဝတ်အစားအသုံးအဆောင် ပစ္စည်းတွေကိုအထူး အလေးထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။           

ဒီနေ့မှာ၇ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့  (၅၊၈၊၄)ဂဏန်း တွေပဲ ဖြစ်ပါတယ်။

ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ ဖိနပ်ကိုသေချာစွာ သန့်ရှင်းရေး လုပ်ပြီးမှ သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။

အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ဆန်ခေါက်ဆွဲ ဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လိုအင်ဆန္ဒတွေပြည့်ဝကြပါစေ။

၇ရက်သားသမီးအတွက် တစ်နေ့တာဟောစာတမ်းအကျဉ်း

တနင်္ဂနွေ

ပင်ပန်းတာမျိုး၊စိတ်ညစ်တာမျိုးတွေကိုကြုံရတတ်ပါတယ် ။သူများတွေကိုအားကိုးလို့မရဘဲ ကိုယ့်ဒူးကိုယ်ချွန် ကြိုး စားရ တတ်ပါတယ်။ မှန်ကန်တဲ့စကားကိုပြောတာတောင်မှ အချိန်အခါကြည့်ပြီးမှပြောသင့်တဲ့နေ့ရက်ပါပဲ။ ဥပဒေ နှင့်မလွတ်ကင်းတွေကိစ္စတွေဒီနေ့လုပ်မိရင် ဒီနေ့ဟာချက်ချင်း ဒုက္ခရောက်ရတတ်ပါတယ်။ အထက်လူကြီးအတိုက် အခံမလုပ်မိဖို့လိုအပ်ပါတယ်။ ဒီနေ့ဟာမိမိရဲ့ ဉာဏ်ဝီရိယကို စိုက်ထုတ်ပြီး လုပ်ကိုင်စေချင်ပါတယ်။မိမိလုပ်ငန်း အတွက်လုပ်ချင်တဲ့ကိစ္စတွေကိုလက်တွေ့ အကောင်အထည်ေ ဖာ်ဖို့ နှောင့်နှေး ကြန့်ကြာမှု တွေဖြစ်ရတတ်တဲ့ ကာလပါပဲ။

တနင်္လာ

စီးပွားရေးကတော့အဆင်ပြေပါလိမ့်မယ်။ မိမိစိတ်ထဲက အတိုင်းဖြစ်လာပါလိမ့်မယ်။ အလုပ်တွေအဆင်ပြေနေတာ ကြောင့် စုတ်ကိစ္စနဲ့ပတ်သက်ပြီး သတိထားရှောင်ပါ။ မိမိ ကိုယ်အရောဝင်ချူစားမဲ့သူမျိုးနဲ့ ကြုံရတတ်ပါတယ်။ မိတ်ဆွေကောင်း၊သူငယ်ချင်းကောင်းတွေထံကအကူအညီတွေ အလွန်မှရလိမ့်မယ်။ ဈေးရောင်းသူများ ရောင်းပန်း ဝယ်ပန်းတွေပွင့်လာပါလိမ့်မယ်။ ပညာရေးကတော့ အားနည်း ချက်တွေရှိနေတတ်ပါတယ်။ ဆရာသင်ပြတာ တွေနား မလည်နိုင်ဖြစ်ရပါလိမ့်မယ်။ ကျန်းမာရေးဂရုစိုက်အပ်တဲ့ နေ့ရက်များပါပဲ။ ဒိတ်လွန်နေတဲ့အစားအသောက် များ နဲ့ ယင်နားစာများမစားမိ စေဖို့သတိရှိပါ။

အင်္ဂါ

လမ်းများများလျှောက်ပေးပါ။ အထိုင်များရာကနေမိမိ အတွက်ဆီးချုပ်ဝမ်းချုပ်ဖြစ်ရတတ်ပါတယ်။ အလုပ်စီးပွား နဲ့ပတ်သက်ပြီးချဲ့ထွင်လုပ်ကိုင်တာမျိုးတွေ မလုပ်သင့် သေးပါဘူး။ မိမိသားသမီးတစ်ဦးအဝေးထွက်ပြီးအ လုပ်လုပ် တာမျိုးတွေကြုံနေရတတ်ပါတယ်။ အလှအပနဲ့ပတ် သက်ပြီးငွေကုန်ရပါလိမ့်မယ်။ ပညာပေးဝေလို့မကောင်းသေး တဲ့နေ့ရက်ပါပဲ။ တန်းခွဲသစ်များစတင်ဖွင့်ခြင်း၊တပည့် လက်ခံခြင်းမျိုးတွေဒီနေ့မှာရှောင်ပါ။ အိမ်ထောင်ရေး ပြဿ နာကို အကြမ်းနည်းနဲ့ မရှင်းဘဲစိတ်ရှည်ရှည်ထားပြီး ရှင်းမှ အဆင်ပြေအောင်မြင်ပါလိမ့်မယ်။

ဗုဒ္ဓဟူး၊ရာဟု 

စိတ်ကူးအယူအဆတွေကတစ်ဖက်စွန်းရောက်နေတတ်ပါ တယ်။မိမိအတွက်အဆင်ပြေပြီးတစ်ပါးသူတွေဒုက္ခ ရောက်ရမဲ့စိတ်ကူးတွေဖြစ်နေတတ်ပါတယ်။အိမ်ထောင်ရေးမှာ တစ်ကွဲတစ်ပြားစီဖြစ်နေတတ်ပါတယ်။အလုပ် တွေ က တော့ အလုပ်သစ်ကိုအားမပေးပါဘူး။ အလုပ်သစ်စရင်အဆင် ပြေဖို့မလွယ်သေးတဲ့နေ့ရက်ပါပဲ။ ချစ်သူအပေါ် စိတ် ကုန်နေမိတတ်ပါတယ်။ ငွေကြေးနဲ့ပတ်သက်ပြီး ရိုးရိုးသားသား ရှာဖွေသူတွေငွေအထူးဝင်ပါလိမ့်မယ်။ ကျန်းမာရေး ကတော့ ဒီနေ့မှာအထူး ကောင်းပါတယ်။ လူကျန်းမာပေမဲ့ စိတ်ပင်ပန်းရတတ်ပါတယ်။မိဘတွေနဲ့ ဆန့်ကျင်ဘက် အလုပ်တွေ လုပ်နေမိတတ်ပါတယ်။

ကြာသပတေး

မိမိအတွက်အနည်းငယ်စိတ်ပင်ပန်းရတတ်ပါတယ်။ အလုပ်နဲ့ ပတ်သက်ပြီး တဖက်ကအာဏာပါဝါရှိသူတွေနဲ့ ဆက်ဆံရတတ်ပါတယ်။ ဌာနဆိုင်ရာပက်သက်ပြီး ဝင်ထွက်လုပ် ကိုင်ရတတ်ပါတယ်။ လုပ်ငန်းခွင်အတွင်း စည်း ကမ်း ဖောက်ဖျက်မှုကြောင့် အပြစ်ပေးခံရတာမျိုးလဲ ကြုံရတတ်ပါ တယ်။ မိမိစိတ်ကူးခံစားချက်နဲ့လုပ်ရတဲ့ အနုပညာ အလုပ်များကတော့ ဒီနေ့မှာအဆင်ပြေတိုးတတ်နိုင်ပါလိမ့်မယ်။ ကျန်းမာရေးနဲ့ပတ်သက်ပြီး ခြူခြာ နိုင်ပါတယ်။ ဗိုက်အောက်ဗိုက်နာဖြစ်လွယ်ပါတယ်။ အများနဲ့စုပေါင်းလုပ် ကိုင်မှု တွေက အောင်မြင်မှုတွေကို ရရှိပါလိမ့်မယ်။

သောကြာ

လုပ်သမျှအဆင်ပြေခြင်း၊ကြံစည်သမျှအောင်မြင်ခြင်းတွေကို ဖြစ်ပေါ်စေပါလိမ့်မယ်။ တွေးထားသမျှလက်တွေ့အ ကောင်အထည်ဖော်နိုင်ပါလိမ့်မယ်။ အလုပ်နဲ့ပတ်သက်ပြီးမိမိ စွမ်းဆောင်ရည်ကြောင့်အသိအမှတ် ပြုခြင်း ခံရပါ လိမ့်မယ်။ ကိုယ်ပိုင်စီးပွားများတိုးတတ်နိုင်သလို ဆိုင်အတွက်လို အပ်တဲ့ကုန်တွေဝယ်ယူခြင်း၊သိုလှောင်ခြင်း များ စတင်လို့ကောင်းတဲ့နေ့ရက်ပါပဲ။အကြိမ်ကြိမ်အားစိုက်လုပ်ခဲ့တဲ့အလုပ်တွေကနေဝင်ငွေရလာတတ်ပါတယ်။ ဝေးနေ ကြတဲ့ မိသားစုဝင်တွေပြန်ဆုံရတတ်ပါတယ်။ ခေါင်းအေးအေး ဖြင့် အနာဂတ်အတွက်ကြံစည်စဉ်းစားခြင်းဖြင့် ရ လဒ် ကောင်းတွေရလာမဲ့နေ့ပါပဲ။

စနေ

ကံကောင်းနေတယ်လို့ခံစားရမဲ့နေ့မျိုးပါပဲ။ မိမိဖြစ်ချင်တာ လေးတွေဖြစ်လာတတ်ပါတယ်။ မိမိနဲ့ထိုက်တန်တဲ့ အခွင့် အရေးတွေရလာတတ်ပါတယ်။ အချစ်ရေးမှာတော့ ဇွဲဆု ရပြီး ချစ်ရသူဆီမှမိမိလိုချင်တဲ့အဖြေရလာ တတ်ပါ တယ်။ ခရီးကိစ္စများအဆင်ပြေတတ်ပါတယ်။ အွန်လိုင်းဖွင့်ထား တဲ့အလုပ်စီးပွားတွေကနေ ငွေအထူးဝင်လာတတ် ပါတယ်။ရန်လိုသူတွေ၊ အထင်လွဲနေသူတွေဆီက နားလည်မှု တွေပြန်ရပါလိမ့်မယ်။ ရပ်တန့်နေတဲ့အလုပ်တွေ ပြန်လည် လည်ပတ်ခွင့်တွေကြုံရတတ်ပါတယ်။ ထီဝါသနာပါသူများ ထီကံစမ်းလို့အထူး ကောာင်းတဲ့နေ့ရက်ပါပဲ။

ဆရာငြိမ်းအေးလူ(ဗေဒင်သုတေသီ)

09775555695