ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ တော်သလင်းလဆုတ်(၉)ရက်၊ တနင်္ဂနွေနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊စက်တင်ဘာလ(၁၈)ရက်နေ့ ဖြစ်ပါတယ်။
ဒီနေ့နံနက်(၀၅း၁၄)နာရီမှာ အရုဏ်တတ်ပါတယ်။ နေထွက်ချိနိနံနက်(၀၆း၀၂)နာရီဖြစ်ပြီး ၊ ညနေ(၀၆း၀၈)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အရှေ့မြောက်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက်တောင်အရပ် ဖြစ်ပါတယ်။ စန်းပွင့်ရာအရပ်ကအနောက်အရပ် ဖြစ်ပါတယ်။
လက်သမားမြေခံ ကတော့ ဗြဟ္မာ မြေခံဖြစ်၍ လာဘ်လာဘကိုပေးတဲ့နေ့ဖြစ်တာကြောင့် ပျဉ်ထောင်အိမ်တွေ၊ တဲတွေ၊ဆိုင်ခန်းလိုင်းခန်းတည်ဆောက်ခြင်းတွေ၊အိမ်ခန်းဖွဲ့တာတွေ အိမ်ပြင်တာတွေ၊မြေတူးဆွတာတွေ ဆောင်ရွက် လို့ကောင်းပါတယ်။
ဒီနေ့ဟာတီထိမြေခံအရ တနင်္လာမြေခံတဲ့နေ့ဖြစ်ပါတယ်။ တနင်္လာမြေခံ ဖြစ်တဲ့အတွက် ဒီနေ့မှာ လုပ်ကိုင် လိုက်သော လုပ်ငန်းများမှန်သမျှ အကျိုးအမြက်ကြီးကြီးမားမားရရှိကြွယ်ခြင်း၊ ချမ်းသာခြင်း၊ စည်းစိမ်ဉစ္စာ တိုးပွား ခြင်းများ အထူးပင်ရရှိစေနိုင်တာကြောင့် ခိုင်ခန့်တဲ့အဆောက်အဦးတွေ၊ကျောင်းတွေသိမ်တွေ၊ လမ်း တံတား တွေ၊ အထပ်မြင့်အဆောက်အဦးတွေ စတင် ဆောက်လုပ်တာ တိုင်ထူတာပန္နက်ရိုက်တာမျိုး တွေ အထူးဆောင်ရွက် သင့်ပါတယ်။
ဒီနေ့ဟာ တီထိအရတော့ ယနေ့ညနေ ၅နာရီအထိက လဆုပ်တီထိ ၈လုံးအောင်မြင်မှုတွေ၊ စွမ်းအားတွေကိုပေးတဲ့ ဇယျာတီထိ ကျရောက်တဲ့နေ့ရက်ပဲဖြစ်ပါတယ်။ ဒီလိုနေ့ရက်တွေမှာတော့ မိမိလုပ်ငန်းသစ်များဆောင်ရွက် လုပ်ကိုင် ခြင်းမျိုး မသင့်ပါဘူး။ လုပ်လက်စအလုပ်တွေကိုပဲ တိုးတတ်အောင်ဆောင်ရွက်သင့်တဲ့နေ့ရက်ပါ ရှေးဟောင်း ပစ္စည်း များ ၊ ကြန့်ကြာနေတဲ့ပစ္စည်းများလဲ အလွန်မှရောင်းအားတတ်ပါလိမ့်မယ်။ စူးစမ်းခြင်း၊လေ့လာခြင်း၊သုတေသနပြုခြင်း စတဲ့ကိစ္စတွေကိုတော့ ဆောင်ရွက်လို့ကောင်းပါတယ်။ လုပ်ကိုင်ဆောင်ရွက်ချင်တဲ့ကိစ္စတွေကိုတော့ အားကြိုးမာန် တတ်လုပ်မှပဲအဆင်ပြေပါလိမ့်မယ်။
တနင်္ဂနွေဂြိုဟ်ဟာ ကန်ရာသီစတင်ကူးပြောင်းပါတယ်။တနင်္ဂနွေဂြိုဟ်ကန်ရာသီရှိစဉ်အတွင်း စစ်မက်ရေးရာကြီးထွား လာခြင်း၊ရန်အားကြီးခြင်း၊ သံတမန်ဆက်ဆံရေးအားနည်းခြင်း၊ လူအများ မကောင်းသော ဘေးဒဏ်ရန်မာန်တိုးပွား ခံစားရခြင်းများကြုံရတတ်ပါတယ်။
ငွေကြေးကိစ္စများဆောင်ရွက်လို့ကောင်းပါတယ်။ ဒါပေမဲ့ စာရွက်ပေါ်မှသေချာဆောင်ရွက်ဖို့ လိုပါတယ်။ အလုပ်ကိုကြိုးစားပါ။ မလောပါနဲ့။ အလျင်လိုလေ အနှေးဖြစ်ရလေပါပဲ။ မိမိကိုယ်ပိုင်စက်ကားနဲ့ခရီးသွားတော့မယ် ဆိုရင်တော့ စစ်ဆေးပြီးမှသွားပါ။ လမ်းမှာပျက်တတ်ပါတယ်။
စစ်ရေးလေ့ကျင့်ခြင်း၊ စစ်လက်နက်စုဆောင်းခြင်းများအထူးကောင်းမွန်နေတာကိုတွေ့ရပါတယ်။မိမိအိမ် ကိုဆေးခြယ်တာ၊ ပရိဘောဂတွေကို ပေါ်လစ်တင်တာမျိုးတွေဆောင်ရွက်နိုင်ပါတယ်။ ပစ္စည်းတစ်ခုကိုတီထွင်ခြင်း၊ အနုပညာနဲ့ပတ်သက်ပြီးတော့ လဲ အသစ်များကိုဖန်တီးခြင်းများ ဆောင်ရွက်နိုင်ပါတယ်။ ရန်များပြဿနာ များ အထူးပဲဖြေရှင်းလို့ကောင်းတဲ့နေ့ပါပဲ။စက်ပစ္စည်းများ၊လျှပ်စစ်ပစ္စည်းများရောင်းဝယ်ဖောက်ကားခြင်းများအထူးကောင်းပါတယ်။ လူမှုရေးနဲ့ပတ်သက် သောစကားများကြားကနေစေ့စပ်ညှိနှိုင်းပေးသောစကားများ ဒီနေ့မှာပြောဆိုလို့ အလွန်ပဲကောင်းပါတယ်။
ဒီနေ့မွေး ရင်သွေးငယ်များဟာ မရဏဖွား၊ မေထုန်စန်း၊ ကန်ရာသီဖွားဖြစ်ပါသည်။ဒီနေ့မွေးသူများဟာ အလုပ်များ၊ ကိစ္စများနေသူတွေဖြစ်ပါတယ်။ လူမှုရေးကိစ္စတွေများကြသူတွေဖြစ်ပါတယ်။ မြတ်နိုးဖွယ်နှလုံးသားရှိပြီးတော့လူအများ ကိုကူညီနိုင်ကြသူတွေဖြစ်ပါတယ်။ ငွေကြေးကံအားကောင်းပြီးတော့ အဝင်များ အထွက်များကြသူတွေဖြစ်ပါတယ်။ မရှိမရှားဖွားဇာတာတွေဖြစ်ပြီးတော့ အောင်မြင်မှုအတွက်အထောက်အပံ့များတဲ့ဇာတာဖြစ်ပါတယ်။လူဝင်စားဇာတာ ဖြစ်ပြီးတော့ ဒီနေ့မွေးသူများဟာ မြင်အပ်မမြင်အပ်အစောင့်အရှောက်ပုဂ္ဂိုလ်တွေရှိတတ်ပါတယ်။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့(၂၁း၃၄)နာရီမှ (၂၂း၂၆)နာရီအတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရ ဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်း များကြုံ လာရ ပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုး မရှိ ခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့အတွက် ရာဟုကာလအမှောင်ချိန်တွေကတော့ ညနေ(၀၄း၃၄) နာရီမှ (၀၆း၀၅)နာရီအတွင်း ကျရောက်နေပါ တယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ် ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါ တယ်။
ကံကောင်းသောနေ့သားများ အင်္ဂါ၊ ကြာသပတေး၊ သောကြာ၊ စနေ သားသမီးများပဲဖြစ်ပါတယ်။
ကံညံ့သော နေ့သား ဗုဒ္ဓဟူး၊ ရာဟု သားသမီးများပဲဖြစ်ပါတယ်။
ကံသင့်သောနေ့သားများ တနင်္ဂနွေ၊ တနင်္လာ သားသမီးများပဲဖြစ်ပါတယ်။
ဒီနေ့မှာ မီးခိုးရောင် နှင့် အစိမ်းရောင် များများပါသော အဝတ်အစားအသုံးအဆောင်ပစ္စည်းတွေကို အထူး အလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ၇ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၉၊ ၄)ဂဏန်း တွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ခရမ်းချဉ်သီးသုပ်စား သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ဖက်ထုပ်ကြော် ဘုရားကပ်လှူပြီး လိုရာဆုတောင်းပါ။ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လိုအင်ဆန္ဒတွေပြည့်ဝကြပါစေ။
၇ရက်သားသမီးအတွက် တစ်နေ့တာဟောစာတမ်းအကျဉ်း
တနင်္ဂနွေ
နိစ္စဓူဝလုပ်ရမဲ့အလုပ်တွေအပေါ်ပဲအာရုံနှစ်ပြီးလုပ်ပါ။ အခြားကိစ္စပိုတွေလုပ်မိရင်တော့ အဆင်မပြေတဲ့ အပြင် ပြဿနာ ပါများ သွားနိုင်ပါတယ်။ ငွေလာချေးတာပဲဖြစ်ဖြစ်၊ စပ်တူလုပ်ဖို့လာဆွယ်တာပဲဖြစ်ဖြစ် ဒီနေ့မှာ သတိထား လိုက်ပါ။ လက်ထဲရှိတဲ့ငွေ ဘာကြောင့်ထွက်ထွက်ပြန်မဝင် တာမျိုးဖြစ်ပါလိမ့်မယ်။ မိမိကိုယ်တိုင် အတွေးအချော်၊ စိတ်ကူးလွဲနေတတ်တဲ့အတွက် ဘာလုပ်လုပ်အလွဲလွဲဖြစ်ရ တတ်ပါတယ်။ ဆုံးဖြတ်ချက်ကြီး ကြီးမားမားတွေ မချသင့်ဘူးပေါ့ဗျာ။ ခြေနှစ်ချောင်းဝင်လာရင်ကံညံ့ တတ်ပါ တယ်။ ညအိပ်ဧည့်သည်လာရင် မိဘဆရာ သမားမှ လွဲ၍ဘုရားခန်းမှာ မအိပ်ပါစေနဲ့။
တနင်္လာ
အလုပ်ကံအထူးကောင်းနေတတ်ပါတယ်။ ကိုယ်ပိုင်စီးပွား များအော်ဒါတွေများနေတတ်ပါတယ်။ ကုန်သည်များ မနားရဘဲ ပင်ပန်းရမဲ့နေ့ရက်ပါပဲ။ ပရိဘောဂပစ္စည်းများ အရောင်းသွက်နိုင်ပါတယ်။ ကျန်းမာရေးကတော့ အားနည်း နေလိမ့်မယ်။ အပူများပြီး လည်ချောင်းနာတတ်ပါတယ်။ မိန်းကလေးများသွေးအားနည်းတာ မျိုးဖြစ်တတ်ပါတယ်။ အလုပ်နဲ့ ပတ်သက်တဲ့ခရီးတွေသွားရတာမျိုးတွေကြုံ လွယ်ပါတယ်။ အောက်လက် ငယ်သားတွေကို ဆူပူတာမျိုး လျော့ ချသင့်တဲ့နေ့ပါ။ မိမိအပေါင်းအသင်းတွေထဲက စရိုက်ကြမ်းတဲ့သူတွေ ရှိရင် သွားအတူစားအတူမနေမိပါစေပါနဲ့။
အင်္ဂါ
နေကောင်းကျန်းမာနေတတ်ပါတယ်။ဒါကြောင့်ဘာကိစ္စ လုပ်လုပ်စိတ်ကြည်ကြည် လင်လင်နဲ့လုပ်ကိုင် နိုင်ပါလိမ့်မယ်။ မိမိချစ်ရသူတွေကလဲ မိမိကိုအလေးထားတာကြောင့် ပျော်ရွှင်ရတတ်ပါတယ်။ ချစ်ရသူကိုပြန်အဖြေပေး ဖို့စဉ်း စားနေရင်တော့ ဒီလိုနေ့ရက်ကအလွန်ကောင်းပါတယ်။ အိမ်တွင်းရေးမှာတော့ အရွယ်ရောက်ပြီးတဲ့သားသမီး တွေ ရှိရင် သူတို့တွေကိုဆိုဆုံးမရခက်ခဲနေတတ်ပါတယ်။ အလုပ်သစ်တစ်ခုကို ချိတ်ဆက်လုပ်ကိုင်ခြင်းများ အထူးဆောင် ရွက်လို့ကောင်းပါတယ်။ မနာလိုသူတွေ ရန်အတိုက် အခိုက်လေးတွေ ရှိနေတတ်ပေမဲ့ အားလုံးကိုကျော်လွှားသွား နိုင်ပါလိမ့်မယ်။
ဗုဒ္ဓဟူး၊ရာဟု
ငွေကြေးနဲ့ပတ်သက်ပြီး မြုပ်နေတဲ့ငွေတွေပြန်ပေါ်လာ နိုင်ပါလိမ့်မယ်။ရောင်းမစွံတဲ့ ပစ္စည်းတွေရှိရင်ဒီနေ့ ရောင်းထွက် တတ်ပါတယ်။အတွေးကောင်းစိတ်ကူး ကောင်းတွေရှိ နေတာကြောင့် လက်တွေ့အကောင် အထည်ဖော်နိုင်ဖို့ ပဲလို ပါတယ်။ ထီဝါသနာပါသူများ မိမိအိမ်နဲ့ အနီးဆုံး ထီဆိုင် မှာထီကံစမ်းလိုက်ပါ။ မိသားစုစီးပွားရေးများ ၊အိမ်နဲ့တွဲဖွင့် ထားတဲ့စီးပွားရေးများတိုးတတ် အောင်မြင်တတ်ပါ တယ်။ ကျန်းမာရေးကလဲ အကောင်းများနေပါလိမ့်မယ်။ ဝန်ထမ်း များ အထက်လူကြီးတွေရဲ့ အကူအညီတွေကိုရလာ တတ်ပါတယ်။ လူမျိုးခြား တစ်စိမ်းတစ်ရံတွေရဲ့အကူအညီတွေလဲ ရလာတတ်ပါတယ်။
ကြာသပတေး
အလုပ်အကိုင်နဲ့ပတ်သက်ပြီးတော့လဲ ရပိုင်ခွင့်တွေကို ကောင်းစွာရရှိပါလိမ့်မယ်။ အထက်လူကြီး ကူညီတတ်ပါတယ်။ မိမိကိုစောင့်ရှောက်နေတဲ့ မိဆိုင်ဖဆိုင်နတ်တွေရှိ ရင်ဒီနေ့မှာသူတို့ကိုရည်မှန်းပြီး မေတ္တာအထူးပို့ပေးပါ။ လူငယ် တွေ၊ချုပ်ချယ်တာ၊ဖိအားပေးတာမကြိုက်တဲ့သူတွေ ကတော့ဒီနေ့မှာစိတ်ရှုပ် ရတတ်ပါတယ်။ ဘာလုပ်လုပ် ဖိအား တွေနဲ့ ပူပူလောင်လောင်လုပ်ရတတ်လို့ပါပဲ။ စိတ်ထင် ရာကိုဇွတ်မလုပ်မိဖို့လိုပါတယ်။ လူငယ်များ မိဘတွေ မသိအောင် ရေသွားမကူးသင့်တဲ့နေ့ရက်ပါ။ ဝေးကွာနေတဲ့ မိတ်ဆွေသူငယ် ချင်းတွေနဲ့ပြန်လည်ဆုံဆည်း ရတတ်ပါ တယ်။
သောကြာ
လုပ်ငန်းခွင်အတွင်းနာမည်ကောင်းရမဲ့နေ့ရက်ပါပဲ။ မိမိ ဉာဏ်ဝီရိယထည့်ပြီးလုပ်ကိုင်နိုင်မှုကြောင့် ထင်ထားသည် ထက် ပိုမိုတိုးတတ်စေနိုင်ပါတယ်။ ကိုယ်ပိုင်စီးပွားများ ဖောက်သည်တွေရလာတတ်ပါတယ်။ မိတ်ဟောင်းတွေကနေ တဆင့် မိတ်သစ်တွေတိုးလာတတ်ပါတယ်။ ပရဟိတ ကိစ္စတွေ၊ လူမှုရေးကိစ္စတွေကိုလဲ ကောင်းစွာကူညီပေးနိုင် ပါလိမ့်မယ်။ မိမိလိုအပ်တဲ့အကူအညီတွေကိုလဲ မိတ်ဆွေ တွေဆီကရလွယ်ပါတယ်။ အလုပ်ကြွေးတွေရှိရင် ဒီနေ့ပြီးစီး အောင်လုပ်နိုင်ပါလိမ့်မယ်။ မိမိချစ်သူအပေါ်စိတ်ပျက် စိတ်ကုန်နေမိ တတ်ပါတယ်။ အိမ်တွင်းရေးသာယာ ချမ်းမြေ့ မဲ့နေပါပဲ။
စနေ
အငြိမ်မနေရတတ်ပါ။ မရည်ရွယ်ဘဲခရီးထွက်ရတတ်ပါ တယ်။ အထက်လူကြီး၊ဆရာသမားတွေခေါ်လို့ သွားရတာမျိုး လဲ ကြုံရတတ်ပါတယ်။ ပညာရေးနဲ့ပက်သက်ပြီးတော့ လဲ online ကနေနည်းပညာအသစ်တွေသင်ယူခွင့်ရလာ တတ်ပါတယ်။စိတ်ပင်ပန်းစရာတွေလျှော့ချသွားနိုင်ပါလိမ့် မယ်။ ဈေးဆိုင်များ ပစ္စည်းအထားအသို ပုံစံပြောင်းလိုက် ခြင်းဖြင့် ရောင်းအားတတ်လာနိုင်ပါတယ်။ ငွေကြေးရင်းနှီး မြုပ်နှံမှုအကြီးကြီးတွေကိုတော့ ဒီနေ့မှာမလုပ်သင့်ပါဘူး။ ကိုယ်ကျိုးထက် အများအကျိုးပရဟိတအကျိုးတွေကို ပိုမိုလုပ်ကိုင် ပေးနေရတတ် ပါတယ်။ ဝေယျဝစ္စကုသိုလ်များလဲ လုပ်သင့်တဲ့နေ့ပါ။
ဆရာငြိမ်းအေးလူ(ဗေဒင်သုတေသီ)
09775555695
