ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ သီတင်းကျွတ်လဆုတ်(၉)ရက်၊ အင်္ဂါနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊အောက်တိုဘာလ(၁၈)ရက်နေ့လဲ ဖြစ်ပါတယ်။
ဒီနေ့နံနက်(၅း၃၃)နာရီမှာ အရုဏ်တတ်ပါတယ်။ နေထွက်ချိန်နံနက်(၆း၂၁)နာရီဖြစ်ပြီး၊ ညနေ(၅း၅၀)နာရီမှာ နေဝင် ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အရှေ့တောင်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက်မြောက်အရပ် ဖြစ်ပါတယ်။ စန်းပွင့်ရာအရပ်က မြောက်အရပ် ဖြစ်ပါတယ်။
တီထိမြေခံအရတော့ မွန်းတည့် ၁၂နာရီထိ တနင်္လာမြေခံဖြစ်တာမို့ အိုးအိမ်တိုက်တာအဆောက်အဦးတွေဆောက်လုပ် ခြင်း၊တိုင်ထူခြင်း၊ပန္နက်ရိုက်ခြင်းများဆောင်ရွက်နိုင်ပါတယ်။မွန်းလွဲသွားရင်တော့ တနင်္ဂနွေ မြေခံတဲ့နေ့ဖြစ်တာကြောင့် ဒီနေ့မှာ ဘာလုပ်လုပ် အထူးသတိထားလုပ်ကိုင်သင့်သော အချိန်ကာလမျို;ဖြစ်တာမို့ ခိုင်ခန့်တဲ့အဆောက်အဦး တွေ၊ကျောင်း တွေသိမ်တွေ၊ လမ်း တံတား တွေ၊ အထပ်မြင့်အဆောက်အဦးတွေ စတင် ဆောက်လုပ်တာ တိုင်ထူတာ ပန္နက်ရိုက်တာမျိုး တွေ အထူးရှောင်သင့်ပါတယ်။
ဒီနေ့ဟာ ရက်ရာဇာ ရက်တံခွန်၊ရသေ့ကျော် ရက်ကျရောက်နေတာဖြစ်ပါတယ်။
ဒီနေ့ဟာ တီထိအရတော့ နေ့လယ်အထိက လဆုတ်တီထိ ၈လုံး၊ကျော်ရင်လဆုတ်တီထိ ၉လုံးကိုကူးပြောင်းပါ တယ်။ ဒီနေ့မှာလောင်ကစားဆန်ဆန်ကိစ္စများ၊ အရက်ချက်ခြင်း ၊မွေးမြူရေးလုပ်ငန်းများစတဲ့ အနိဋ္ဌနှင့်ဆိုင်သောအလုပ်များ ဆောင်ရွက်နိုင်တဲ့နေ့ရက်ပါပဲ။ဒီနေ့မှာ ဦးတည်ချက်၊ရည်မှန်းချက်တွေကိုအကောင် အထည်ဖော်လို့ကောင်းပါတယ်။ စက်ကားတွေကို အရှိန်ပြင်းပြင်းမောင်းနှင်ခြင်းများရှောင်လိုက်ပါ။ စက်ပစ္စည်းများကို သေချာစစ်ဆေးပြီးမှအလုပ်လုပ် သင့်တဲ့နေ့ရက်ပါပဲ။ ခရီးဝေးသွားဖို့ အိမ်ကိုသော့ပိတ်ထားမယ်ဆိုမီးလိုင်းတွေကိုသေချာစစ်ဆေး မိန်းချပြီးမှသွားပါ။
ငွေကြေးချေးငှားခြင်းများအတွက် သတိပြုဖွယ်နေ့ရက်လဲဖြစ်ပါတယ်။ငွေလာချေးရင် တတ်နိုင်သမျှစကားလှအောင် ပြောပြီး ရှောင်ထွက်စေချင်ပါတယ်။ မိမငွေကြေးသူများလက်ထဲရောက်ရင်ပြန်ရဖို့ခဲယဉ်းတဲ့နေ့ရက်ဖြစ်ပါတယ်။
မပြေလည်တဲ့ကိစ္စတွေကို ထိပ်တိုက်ဖြေရှင်းခြင်း၊လေချိုမသွေးဘဲ လူမိုက်ဆန်ဆန်ဖြေရှင်းခြင်းဖြင့် အောင် မြင်မှု တွေကိုရလာတတ်ပါတယ်။ လက်နက်ကိုင်စွဲ သုံးစွဲခြင်း၊ ရန်သူအားဖမ်းဆီးခြင်းတွေကို ဒီနေ့မှာဆောင်ရွက် နိုင်ပါ လိမ့်မယ်။
ဆေးဝါးကုသခြင်း၊ ဆေးစစ်ခြင်း၊သမားတော်နဲ့ပြသခြင်းမျိုးဒီနေ့မှာဆောင်ရွက်လို့အထူးကောင်းပါတယ်။ ကျန်းမာရေး နှင့် ပတ်သက်ပြီးတော့ အနာနဲ့ဆေးတွေ့မဲ့နေ့ရက်ပါပဲ။ဒီနေ့ဟာ အချစ်ရေးနဲ့ပတ်သက်ပြီး ချစ်ရသူကို purpose လုပ်ဖို့ စဉ်းစားနေတယ်ဆိုရင်တော့ ဒီနေ့မှာဖွင့်ပြောလိုက်ပါ။ ရလဒ်တွေကောင်းတတ်ပါတယ်။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ည(၁၉း၃၇)နာရီမှ (၂၀း၂၈)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများကြုံ လာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုး မရှိ ခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
တနင်္ဂနွေဂြိုဟ် တူရာသီကိုစတင်ကူးပြောင်းပါတယ်။ တူရာသီမှာတနင်္ဂနွေတည်ဆဲ ကာလတွေမှာတော့ လုံခြုံ ရေး နဲ့ဆိုင်သောကိစ္စများ၊ အလှအပနှင့်ဆိုင်သောကိစ္စများ၊တရားမျှတမှုနှင့်သက်ဆိုင်သောကိ စ္စများ အကောင်းအဆိုး တစ်မျိုးမျိုး တွေ့ရကြုံရတတ်ပါတယ်။
ဒီနေ့ဟာရက်ရာဇာကျတဲ့နေ့ရက်ဖြစ်တာကြောင့်လောကီမင်္ဂလာကိစ္စတွေဖြစ်တဲ့လက်မှတ်ထိုးခြင်း၊ စေ့စပ် ခြင်း၊ မင်္ဂလာ စကားပြောခြင်းများအထူးဆောင်ရွက်နိုင်ပါတယ်။ကြီးကျယ်စွာမင်္ဂလာအခမ်းအနားကျင်းပခြင်းတွေကိုလဲ ဆောင်ရွက်နိုင်ပါလိမ့်မယ်။
ဒီနေ့ဟာရသေ့ကျော်၊ရက်တံခွန်ရက်ကျရောက်တဲ့နေ့ရက်ဖြစ်တာကြောင့် ဒီနေ့မှာစတင်လိုက်တဲ့ စီးပွားရေး၊လူမှု ရေး၊ ကျန်းမာရေး၊ ပညာရေးနှင့်အလုပ်ကိစ္စ ရေးရာအဖြာဖြာတွေမှာရေရှည်အောင်မြင်မှုတွေကိုရရှိပါလိမ့်မယ်။
ဒီနေ့မွေး ရင်သွေးငယ်များဟာ ရာဇဖွား၊ ကရကဋ်စန်း၊ တူရာသီဖွားဖြစ်ပါသည်။ဒီနေ့မွေးသူများဟာ အားနာ တတ်သူတွေ၊သနားတတ်သူတွေ၊ဂရုဏာအားကြီးသူတွေ ဖြစ်ပါတယ်။ ထိုအားနည်းချက်ကို နင်းပြီး မိမိကို ဒုက္ခပေးသွားရင်တော့ ရေဆုံးမြေဆုံးလိုက်ပြီး ကလဲ့စားပြန်ချေလို စိတ်ရှိကြပါတယ်။ ကူညီတတ်သူတွေဖြစ်တယ်။ ငယ်ငယ်ကတည်းက အမိအဘတွေအားကိုးရမဲ့သူတွေဖြစ်သလို ကြီးလာရင်လဲမိဘတွေကို အိမ်ဦးခန်းမှာထားမဲ့ သူတွေဖြစ်ပါတယ်။ ကိုယ်ချင်းစာစိတ်ရှိပြီးတစ်ဖက်အခက်အခဲကို ကူညီဖြေရှင်းပေးကြသူတွေ၊တစ်ပါးသူကိုကောင်းစွာ အကြံပေးနိုင်ကြသူတွေဖြစ်ပါတယ်။
ဒီနေ့အတွက် ရာဟုကာလအမှောင်ချိန်တွေကတော့ မွန်းလွဲ(၂း၄၇) နာရီမှ (၄း၁၅)နာရီအတွင်း ကျရောက်နေပါ တယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ် ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါတယ်။
ကံကောင်းသောနေ့သားများကတော့ တနင်္လာ၊ ဗုဒ္ဓဟူး၊ ရာဟု၊ ကြာသပတေး သားသမီးများပဲဖြစ်ပါတယ်။
ကံညံ့သော နေ့သားများကတော့ သောကြာ၊ အင်္ဂါ သားသမီးများပဲဖြစ်ပါတယ်။
ကံသင့်သောနေ့သားများကတော့ တနင်္ဂနွေ၊ စနေ သားသမီးများပဲဖြစ်ပါတယ်။
ဒီနေ့မှာ မီးခိုးရောင်(သို့)ခဲရောင်၊ အနက်ရောင် နှင့် အနီရောင် များများပါသော အဝတ်အစား၊ အသုံးအဆောင်ပစ္စည်း တွေ ကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါ လိမ့်မည်။
ဒီနေ့မှာ(၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၃၊ ၈) ဂဏန်း တွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ပလာတာစား သွားပါ။ပိုမို အဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ မုန့်ဟင်းခါး ဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လိုအင်ဆန္ဒတွေပြည့်ဝကြပါစေ။
၇ရက်သားသမီးအတွက် တစ်နေ့တာဟောစာတမ်းအကျဉ်း
တနင်္ဂနွေ
မိမိကိုယ်တိုင်က ပါးနပ်လိမ္မာဖို့တော့လိုပါတယ်။ မိမိ အတွက် ဒုက္ခရောက်စေတဲ့တာဝန်မျိုးကို လာရောက်ထိုးပေးတာ မျိုးတွေကြုံရတတ်ပါတယ်။ အုပ်စုဖွဲ့ချောက်ချတာ မျိုးတွေကြုံရတတ်ပါတယ်။ ရိုးလွန်းသူတွေ၊ အားနာတတ်သူတွေ ဆိုရင်တော့အလွန်မှပဲဒုက္ခများရနိုင်ပါတယ်။ သူ တစ်ပါးဆီက အကူအညီတောင်းဖို့ခက်ခဲနေတဲ့ နေ့ရက်မျိုးလဲဖြစ်ပါ တယ်။ ကိုယ်ပိုင်စီးပွားများ လုပ်ငန်းပြိုင်တွေကို စောင့်ကြည့်ထားဖို့လိုပါတယ်။ ပညာရေးနဲ့ပတ်သက်ပြီးတော့ ရွေးချယ် ရခက်ခဲနေတဲ့အနေအထား ကိုရောက်နေ တတ်ပါတယ်။ ရေရည်ကိုကြည့်ပြီးတော့ ဆုံးဖြတ်စေချင်ပါတယ်။
တနင်္လာ
စိတ်ကူးတွေအယူအဆတွေက လက်တွေ့မှာလဲ အသုံး ချလို့အလွန်မှအကျိုးများပါတယ်။ ဒီနေ့အတွက်ပြောချင်တာက ချီတုံချတုံမဖြစ်ပါနဲ့။ လုပ်စရာရှိတာရဲရဲလုပ်လိုက်ပါ။ အောင်မြင်ပါလိမ့်မယ်။ ခရီးသွားပြီးလုပ်ကိုင်ဆောင်ရွက်ရတဲ့ ကိစ္စ မှန်သမျှအောင်မြင်ထွန်းပေါက်ပါလိမ့်မယ်။ အရင် ကတည်းက ဇွဲကြီးသူတွေ၊ စိတ်ရှည်သူတွေအတွက် ဒီနေ့မှာ အခွင့်အလမ်းပေါ်လာပါလိမ့်မယ်။ ကိုယ်ပိုင်စီးပွားများ အထူးတိုးတတ်ပါလိမ့်မယ်။ အဆင်မပြေတဲ့အိမ်ထောင်ရေး ကိစ္စတွေကိုတော့ဒီနေ့မှာပြေလည်အောင် စွမ်းဆောင် နိုင်ပါလိမ့်မယ်။ ဆိုင်အသစ် စဖွင့်တာမျိုးတွေအထူး ကောင်း ပါတယ်။
အင်္ဂါ
မိမိအတွေးအခေါ်ကလွဲမှားနေတတ်ပါတယ်။ လက်ရှိအဆင် ပြေနေတာကိုစွန့်ခွာနေချင်တတ်ပါတယ်။ ဘာလုပ်လုပ် ပစ္စုပ္ပန်တည့်တည့်ကြည့်လုပ်ပါ။ ကံကိုယုံပြီးဆူးပုံမနင်းသင့် တဲ့နေ့ရက်ပါပဲ။ စွန့်စားလုပ်ကိုင်ရမဲ့ ကိစ္စတွေကို သေချာ ပိုင်နိုင်မှလုပ်စေချင်ပါတယ်။ ငွေများများလိုချင်စိတ်က မိမိကိုဒုက္ခပေးတတ်ပါတယ်။ ရသင့်တာထက်ပိုလိုချင်လေ ပြဿနာများလေပါပဲ။ခရီးသွားပြီး လုပ်ရတဲ့အလုပ်မှန် သမျှအောင်မြင်တာကိုတွေ့ရပါတယ်။ ကျန်းမာရေး အတွက် စိတ်ပူစရာမလိုဘူးလို့လဲမြင်ပါ တယ်ဗျ။ လူငယ်များ ဖခင်ရဲ့စေတနာကိုမမြင်ဘဲ အတိုက်အခံလုပ်မိနေတတ် ပါတယ်။
ဗုဒ္ဓဟူး၊ရာဟု
မိမိအတွက်လိုအပ်နေတဲ့ အလုပ်အကိုင်တွေရလာတတ်ပါ တယ်။ အင်တာဗျူးဖြေထားသူများ အလုပ်ရလွယ်ပါလိမ့် မယ်။ အဘက်ဘက်ကကံကောင်းနေချိန်ဖြစ်တဲ့အတွက် လုပ်သမျှအဆင်ပြေခြင်း ကြံစည်သမျှအောင်မြင်ခြင်း တွေကို ကြုံရ တတ်ပါတယ်။ပွဲစားအလုပ်များ ၊စကားဖြင့်ရင်းနှီး လုပ်ကိုင်ရတဲ့အလုပ်များ အဆင်ပြေတိုးတတ်လာပါလိမ့်မယ်။ စိတ်ထဲမတင်မကျဖြစ်နေတာလေးတွေကိုဒီနေ့မှာ ရှင်းလင်းသွားပါလိမ့်မယ်။ ငွေကြေးနဲ့ပတ်သက်ပြီး စုဆောင်းမယ်ဆို ဒီနေ့စစုလို့အထူးကောင်းပါ တယ်။ကျန်းမာ ရေးကတော့ အကောင်းဘက်ကိုအလေးသာနေပါလိမ့်မယ်။
ကြာသပတေး
ကြာနေတဲ့ကိစ္စတွေ၊ ကြန့်ကြာနေတဲ့ကိစ္စတွေမှန်သမျှပြေ လည်မှုတွေရသွားပါလိမ့်မယ်။ ထီကံစမ်းမယ်ဆိုဒီနေ့က အလွန် ကံစမ်းလို့ကောင်းတဲ့နေ့ရက်ပါပဲ။ လူမျိုးခြား၊ဘာသာ ခြားတွေဆီက အကူအညီရလွယ်နေတတ်ပါတယ်။ ရပ်ဝေးနှင့် ချိတ်ဆက်လုပ်ကိုင်သောအလုပ်များအဆင်ပြေတိုး တတ်မည်။ စန်းပွင့်နေတဲ့အတွက်အချစ်ရေး ကိစ္စတွေ မှာ ထူးထူးခြားခြား တိုးတတ်ပါလိမ့်မယ်။တစ်ကိုယ်တည်း အေးအေးဆေးဆေးလုပ်ရတဲ့ အလုပ်မျိုးတွေက အကျိုး ပေးပါလိမ့်မယ်။ အနုပညာအလုပ်များ၊ခံစားပြီးမှလုပ်လို့ရတဲ့ အလုပ်အကိုင်များ တိုးတတ် နိုင်ပါတယ်။ ရင်းနှီးမြုပ်နှံ ထားတဲ့ အလုပ်စီးပွားတွေက နေငွေပြန်ပေါ်ပါလိမ့်မယ်။
သောကြာ
မလိုအပ်ဘဲ အချိန်ကုန်မခံပါနဲ့ ။အလေမလိုက်နဲ့လို့ ပြော ချင်တာပါ။ လုပ်စရာရှိတာကို အာရုံစိုက်လုပ်ပါ။ အထက် လူကြီးမိဘတွေက မိမိစောင့်ကြည့်ပြီး အကဲဖြတ်နေတဲ့ နေ့ရက်မို့ပါပဲ။ အိမ်ထောင်ရှင်အမျိုးသမီးများ သားသမီးရဲ့ အမှားကို လင်ယောကျာ်းမသိအောင်ဖုံးဖိတာမျိုးမလုပ်မိ စေနဲ့။ ပြဿနာကြီးသွားနိုင်လို့ပါ။ နားကပ်ပန်ထားသူများ နောက်ပိတ် ချောင်ပြီး ပျောက်ရှတတ်ပါတယ်။ အလိုတူ ဆန္ဒတူတဲ့မိတ်ဆွေတွေနဲ့ပေါင်းပါ။ အလုပ်သစ်၊ ဆိုင် သစ်ဖွင့်တာ မျိုးတွေဒီနေ့မကောင်းပါဘူး။ သားသမီးတွေအ တွက် လိုအပ်တာဝယ်ပေးနေရတာကြောင့် ငွေကုန်ကြေး ကျ များနေ ရတတ်ပါတယ်။
စနေ
အလုပ်တွေများနေတတ်ပါတယ်။ မိမိလုပ်ချင်တာရော၊မဖြစ် မနေလုပ်ရမဲ့ဟာတွေရောရှိနေတတ်ပါတယ်။ ပညာရေးမှာ လဲကျောင်းပြောင်း၊အခန်းပြောင်း၊သင်တန်းပြောင်းဆိုတာ မျိုးတွေလဲကြုံ ရနိုင်ပါတယ်။ ကျန်းမာရေး ကတော့ အားနည်းချက်များပါတယ်။ အရေပြားရောဂါ၊အစာအိမ်ရောဂါ များဖြစ်လွယ်တာ မျိုးတွေ့ရပါတယ်။ ငွေကြေးရင်းနှီးမြုပ်နှံခြင်း မျိုးကိုဒီနေ့မှာမစသင့်သေးပါဘူး။ အလုပ်နဲ့ပတ်သက် ရင်ဒီအတိုင်းမှေးထားပါ။ ထပ်ချဲ့ပြီး လုပ်တာမျိုးတွေကိုတော့ ဒီနေ့မှာအားမပေးပါဘူး။ ငွေရှာရလွယ်သလောက် ငွေကုန်တာလဲမြန်တတ်ပါတယ်။ အချစ် ရေး ကံကောင်းတတ်ပါတယ်။
ဆရာငြိမ်းအေးလူ(ဗေဒင်သုတေသီ)
09775555695
