၁၃၈၆ခုနှစ်အတွင်း ကြာသပတေးသားသမီးတွေဟာ မူလဖွားဇာတာအရ အားနည်းချက်ရှိတဲ့သူမှအပ ကံဇာတာမြင့်မားခြင်းနှင့် လိုအင်ဆန္ဒပြည့်ဝခြင်းတွေကို အပြည့်အဝကြုံရတတ်တဲ့ကာလပါပဲ။ စိတ်ချမ်းသာစရာလေး တွေများနေတတ်သလို တဆင့်မြင့်တဲ့ ဘဝအခြေအနေကိုရောက်ရှိသွားတတ်ပါတယ်။ မိသားစုတွေကို ကောင်းစွာ ထောက်ပံ့နိုင်တဲ့အနေအထားမျိုးကြုံရတတ်သလို၊ အရာရာကိုလျှို့ဝှက်လုပ်ချင်စိတ်တွေမြင့်မားနေပြီး ကိုယ့်အနေ အထားကို ဘယ်သူကိုမှမပြော နေထိုင်လိုစိတ်ရှိနေတတ်ပါတယ်။ အသက် ၂၀ကနေ အသက်၃၁နှစ်အတွင်းရောက်ရှိ နေတဲ့ လူငယ်စီးပွားရေးသမားတွေအနေနဲ့ အောင်မြင်မှုတွေကိုထိတွေ့ခွင့်ရလာနိုင်တာကို မြင်ရပါတယ်။ ဒါအပြင် အသက်အားဖြင့် ၂၂နှစ်၊၂၉နှစ်၊၃၆နှစ်၊၄၃နှစ်၊၅၀နှစ်၊၅၇နှစ်၊၆၄နှစ်တွေနဲ့တိုက်ဆိုင်နေတဲ့ ကြာသပတေးသားသမီးတွေ ကတော့ အောင်မြင်မှုအပွင့်လန်းဆုံးအသက်အပိုင်းအခြားတွေဖြစ်နေတတ်ပါတယ်။
ကြာသပတေးသားသမီးအနေနဲ့ မိတ်အိမ်မှာ ရပ်တည်နေတဲ့နှစ်အပိုင်းအခြားဖြစ်တာမို့ စီးပွားရေးအခွင့်အလမ်း တွေက မိမိဆီကိုတံခါးလာခေါက်လာလိမ့်မယ်။ မိမိက ရလာတဲ့အခွင့်အရေးတွေကို ဖမ်းဆုပ်လုပ်ကိုင်နိုင်ဖို့လိုပါတယ်။ မိတ်အိမ်ရဲ့သဘောက ကောင်းသောမိတ်ဆွေကောင်းတွေ ရလာခြင်း ၊မိမိရဲ့ကြိုးစားမှုကို အသိအမှတ်ပြုခံလာရခြင်း၊ အမိအဘတွေရဲ့ အားပေးမှု ၊ကူညီထောက်ပံ့မှုတွေကိုရလာတတ်ပါတယ်။
အသင်းအဖွဲ့တွေမှာ အကြီးအမှူးအဖြစ်ဆောင်ရွက်ပေးရခြင်း၊ပရဟိတကိစ္စတွေမှာ ပါဝင်ပတ်သက်လာရခြင်း မျိုးတွေကြုံရတတ်သလို၊မိမိကြီးကြီးမားမားကြံစည်ထားတဲ့အလုပ်အကိုင်အစီအစဉ်တွေလဲ အကောင်အထည်ဖော်လာ ဖို့ လမ်းစမြင်ရနိုင်တာကိုအထူးတွေ့ရပါတယ်။ ကံပေးတုန်း မပျင်းနဲ့။မဖျင်းနဲ့။ပါးပါးနပ်နပ်နဲ့ အောင်မြင်မှုကိုရယူပါလို့ တိုက်တွန်းလိုက်ရပါတယ်။
🧑🏭အလုပ်အကိုင်နှင့်စီးပွားရေး
ဒီကာလအတွင်းကောင်းသောအကူအညီတွေရလာတတ်ပါတယ်။လုပ်ငန်းပိုင်းဆိုင်ရာ တိုးတတ်ခြင်းတွေကိုမြင် လာရတတ်ပါတယ်။ဝန်ထမ်းလခစားတွေအနေနဲ့ ကောင်းသောနေရာပေးခြင်းကိုခံစားရနိုင်တာကိုတွေ့ရပါတယ်။ လုပ် ဖော်ကိုင်ဖက်တွေရဲ့ ထောက်ခံမှုကြောင့် ခေါင်းဆောင်အတင်ခံရခြင်း၊ရာထူးတိုးခြင်းမျိုးတွေရှိလာနိုင်ပါတယ်။ တစ်ခု တော့သတိထားရမယ်…။တနင်္ဂနွေဂြိုဟ်ရဲ့ လွှမ်းမိုးခြင်းကိုခံနေရတဲ့ အတွက် သူတစ်ပါးကို ဆရာလုပ်မိတာ၊ဩဇာပေး မိတာမျိုးတွေကိုတော့ မဖြစ်အောင် သတိထားဖို့လိုပါတယ်။ အရင်ကတည်းက အခြေမခိုင်သူဆိုရင် အောက်ခြေလွတ် သွားတာ၊ဘဝင်ရူးသွားတာမျိုးတွေဖြစ်တတ်တာမို့ ကံကောင်းနေပေမဲ့ အကျနာတတ််ပါတယ်။ ဒါလေးတွေသတိထားနိုင် မယ်ဆိုရင် လုပ်ငန်းခွင်နယ်ပယ်မှာ အဆင်ပြေတိုးတတ်မှုကို အထင်အရှားမြင်လာရတတ်ပါတယ်။
ကိုယ်ပိုင်စီးပွားရေးတွေနဲ့ပတ်သက်ပြီးတော့လဲ ဒီနှစ်အတွင်းမှာ မိမိတို့ထင်မထားတဲ့ ပြောင်းလဲတိုးတတ်မှုတွေ ကြုံရတတ်ပါတယ်။ လုပ်ငန်းပိုင်းမှာ ကြိုးစားတည်ဆောက်ပြီး ထင်သလိုအဆင်မပြေတာမျိုးတွေရှိရင်လဲ ဒီလိုနှစ်ပိုင်း မှာ ပြန်လည်ပြီး လည်ပတ်သွားနိုင်ပါလိမ့်မယ်။ ဦးဆောင်ပြီးလုပ်ရမယ်ဆိုတဲ့ ကိစ္စရှိလာရင် မိမိကသာဦးဆောင်လုပ်ပါ။ ဒီနှစ်က နောက်ကွယ်ကနေ ကြိုးကိုင်တာထက် ရှေ့ထွက်စစ်သူကြီးလို ရှေ့ဆုံးကနေ ကြိုစားရပါလိမ့်မယ်။ ခေတ်ရေးစီး ကြောင်းအရ လိုအပ်ချက်ရှိလာတဲ့ စွန့်ဦးတီထွင်အလုပ်တွေကို လေ့လာပါ။ဆောင်ရွက်ကြိုးစားကြည့်ပါ။ တစ်ခုထက် မကသော အလုပ်တွေကို ကိုင်တွယ်လုပ်ကိုင်ရပေမဲ့ နိုင်နင်းပါတယ်။ ဆိုင်ခွဲတွေဖွင့်ချင်တာမျိုးတွေအထူးကောင်းပါ တယ်။သွင်းကုန်ထုတ်ကုန်အလုပ်တွေ၊ ကုန်ထုတ်လုပ်မှုလုပ်ငန်းတွေ၊ဈေးကွက်ထိုးဖောက်ခြင်းတွေကို အလေးထား ဆောင်ရွက်ခြင်းဖြင့် ပိုမိုအောင်မြင်တတ်ပါတယ်။
💰ငွေကြေး ကံကြမ္မာ
ငွေကံက ဒီနှစ်မှာ လက်ထဲထားလို့မရဘူးဗျ…နားလည်အောင်ပြောရရင် အလုပ်အဆင်ပြေလို့ ငွေရလာရင် ငွေအခြားနည်းနဲ့ဖလှယ်ပြီး ငွေစုပါ။ အလွယ်ဆုံးကတော့ ရွှေဝယ်ထားတာမျိုးပေါ့ဗျ။ အရင်လက်ထဲရှိတဲ့ငွေမဟုတ်ဘဲ ဒီနှစ်ထဲ ငွေများများဝင်လာပြီး လက်ထဲကိုင်ထားရင်ကို အဟောသိကံ အဖတ်မတင်ဘဲကုန်သွားတတ်ပါတယ်ဗျ။ ဒါ ကြောင့် အိမ်ရှင်မတွေအနေနဲ့လဲ ဈေးအသုံးစရိတ်နဲ့ ကျန်းမာရေးအတွက် ချက်ချင်းလွယ်ကူအောင်ငွေကိုင်ထားတာ ကလွဲရင် ဘဏ်စုတာ၊ရွှေစုတာမျိုးသာ လုပ်သင့်ပါတယ်။ ငွေကလက်ထဲရှိနေလို့ကတော့ ရကုန်ပဲဗျ။ ငွေကံညံ့နေတာ မျိုး မဟုတ်ဘူးဗျ။ ငွေမမြဲတာ…။ ငွေကံကတော့ကောင်းနေတာမို့ အမွေရခြင်း၊ကံစမ်းမဲပေါက်ခြင်း၊ အဘက်ဘက်က ငွေဝင်လာတတ်ခြင်း၊ ရာထူးလစာတိုးခြင်း၊ လုပ်ငန်းအဆင်ပြေလို့ ငွေတိုးပွားလာခြင်းတွေကြုံရတတ်ပါတယ်။ လူငယ် တွေအနေနဲ့တော့ ငွေကြေးစီမံမှုအားနည်းသူဆို မလိုအပ်တာတွေဝယ်မိပြီး တိုးပွားမှုထက် ငွေကြောင့်ပဲ ဆုတ်ယုတ်မှု တွေဖြစ်စေပါတယ်။ အထူးသဖြင့်ငွေကို ကားဝယ်ပြီးရင်းနှီးမြုပ်နှံမယ်ဆိုသတိထားပါ။ဒီနှစ်က ကားလုပ်ငန်းတွေက လုပ်လက်စသူတွေ၊ ပွဲစားတွေလောက်အကျိုးပေးပေမဲ့ ..ကားစထောင်ပြီးစီးပွားလုပ်မယ်ဆိုရင်တော့ သတိထားပါ။ နီးစပ်တဲ့ဆရာတွေဆီမှာ လက်ရှိသက်ရောက်ကံနဲ့ အဆင်ပြေမပြေစစ်ဆေးပြီးမှသာ ကားနဲ့အလုပ်လုပ်ပါ။
❤️အချစ်ရေးနှင့် အိမ်ထောင်ရေး
အချစ်ရေးကတော့ မြီးကောင်ပေါက်အရွယ်တွေကို အရင်စပြောချင်တယ်…။ သစ်ရွက်လှုပ်ရင်တောင် ရင်ခုန် တတ်တဲ့အရွယ်တွေအနေနဲ့ မဖြစ်သင့်တာတွေဖြစ်သွားတတ်ပါတယ်။ အနေနီးရာကနေ အသက်အရွယ်ကွာဟသူနဲ့ ချစ်ကြိုးသွယ်မိတာတွေ….၊လိုင်းပေါ်ကနေ နောက်ကြောင်းမရှင်းသူတွေနဲ့ချစ်ကြိုက်မိပြီး ပြဿနာရှင်းရတာတွေ ဖြစ် လာတတ်ပါတယ်။ အုပ်ထိန်းသူမိဘတွေအနေနဲ့ သားသမီးကိုဖုန်းပေးပြီးလွှတ်ထားမိရင် အချစ်နဲ့ပတ်သက်ပြီးအရှက် တကွဲဖြစ်နိုင်တာမို့ …ကြာသပတေးသားသမီး လူပျိုပေါက်၊အပျိုပေါက်တွေအိမ်မှာရှိရင် သတိထားပါ။ ချစ်သူရည်းစား ရှိပြီးသူများကြတော့ ချစ်သူနဲ့ အနေဝေးရတာမျိုးတွေ၊ချစ်သူက နိုင်ငံရပ်ခြားထွက်သွားတာမျိုးတွေ၊ ချစ်သူကအလုပ် ကြောင့်မြို့ပြောင်းသွားတာမျိုးတွေကြုံရတတ်ပါတယ်။ အရင်ကတည်းက LDRS ဖြစ်နေကြတဲ့ ချစ်သူစုံတွဲတွေကတော့ အပြီးအပိုင် ပြတ်ဆဲသွားဖို့ထိ ကြုံရလွယ်ကူသောနှစ်အပိုင်းအခြားဖြစ်တတ်ပါတယ်။ အသက်အားဖြင့် ၁၇နှစ်၊၂၄နှစ်၊ ၃၁နှစ်၊၃၈နှစ်၊၄၅နှစ် စသောအသက်အပိုင်းအခြားကိုရောက်နေတဲ့ ကြာသပတေးသားသမီးတွေ အချစ်ရေး ပိုမိုကံခေ တတ်တာကိုတွေ့ရပါတယ်။
အိမ်ထောင်ရေးအခြေအနေကတော့ အေးခဲနေတဲ့ အနေအထားပါပဲ။ သိပ်နွေးထွေးမှုမရှိဘဲ မှန်တန်းပုံံစံမျိုး ဖြစ်နေတတ်ပါတယ်။ တစ်ဦးပေါ်တစ်ဦးစိတ်တိုင်းမကျစရာလေးတွေရှိပေမဲ့ ပြဿနာကြီးမှာဆိုလို့ မျိုသိပ်ပြီးနေရ တတ်တဲ့ကာလပဲဖြစ်ပါတယ်။ ဒီနှစ်ထဲ လက်ထပ်ထားတဲ့ ကြင်ဦးစ ဇနီးမောင်နှံတွေကတော ..လက်တွဲဖော်က မိဘအိမ် နေမယ်…ကိုယ်က ခွဲနေချင်တယ်…စသော ကိစ္စတွေကို အကြောင်းပြုပြီး ပြဿနာဖြစ်ရတတ်သလို…မိမိတာဝန်ထမ်း ရတဲ့ နေရာကို အိမ်ထောင်ဘက်က လာလိုက်မနေလို့ ပြဿနာဖြစ်ရတာလေးတွေလဲ ရှိနေတတ်ပါတယ်။
🧑⚕️ကျန်းမာရေး
ကျန်းမာရေးကတော့ ဓာတ်ဂြိုဟ်တွေနဲ့ ပက္ခမိနေချိန်မို့ ခန္ဓကိုယ်မှာ ဓာတ်ကြီးလေးပါး…မမျှတသလိုဖြစ်ပြီး ရောဂါပေါ်လာတတ်ပါတယ်။ ဒါကြောင့် ဓာတ်လေးပါး မျှတအောင်ဘယ်လိုနေထိုင်စားသောက်ရမယ်ဆိုတာလေ့လာ ပါ။ ရာသီအလိုက် စားသင့်တဲ့ ဆေးဝါးဓာတ်စာတွေကို မှီဝဲစားသောက်ပါ။ သွေးကြောင့်ဖြစ်သော ဆီးချို၊သွေးတိုး၊မီးယပ် ရောဂါတွေကို မပေါ့သင့်သလို၊ အရည်ကြောင့် ဖြစ်သော ဆီးနဲ့ပတ်သက်သောရောဂါများနှင့် အဆုတ်ထဲ ရေဝင်ခြင်းမျိုး ၊ရေဖျဉ်းဆွဲခြင်းမျိုးတွေကိုလဲ သတိပြုရမှာဖြစ်ပါတယ်။ ဒီလိုနှစ်ပိုင်းတွေမှာ ခွဲစိပ်ကုသရတာမျိုးတွေလဲ ဖြစ်ရကြုံရ တတ်ပါတယ်။ ကိုယ်ဝန်ဆောင် ကြာသပတေးသမီးများ အိမ်မှာပဲ လွယ်လွယ်မွေးမယ်ဆိုပြီး ပေါ့ပေါ့တန်တန်မနေပါနဲ့..။ ဒီလိုနှစ်ပိုင်းတွေမှာ ရေမွှာစောပေါက်ပြီး လမစေ့သေးဘဲ အရေးပေါ်မွေးလိုက်ရတာမျိုးတွေလဲ အချို့သော ကြာသပ တေးသမီးတွေမှာ ဖြစ်တတ်တာမို့ ကြိုတင်သတိပေးခြင်းဖြစ်ပါတယ်။ အစိုးရိမ်မလွန်ပါနှင့်။ ဖြစ်တတ်တဲ့သဘောကို ပြောပြတာပါ။ ယောင်္ကျားလေး ကြာသပတေး သားတွေကတော့အရက် အသောက်လျော့ပါ။ အသောက်မလျော့ ရင် သက်တမ်းလျော့သွားနိုင်တဲ့နှစ်ဖြစ်ပါတယ်။
🫱🏼🫲🏾လူမှုဆက်ဆံရေး
မထင်မှတ်ထားတဲ့အခြေအနေလေးတွေကြုံရတတ်ပါတယ်။ အဲတာကတော့ ရန်သူတစ်ဝက်၊မိတ်ဆွေတစ်ဝက် ရှိနေတဲ့နှစ်ပါ။ မိမိကိုချစ်ခင်ကူညီမဲ့သူတွေဝိုင်းရံနေခြင်း၊ မိမိကိုအားကိုးပြီး ဆရာတင်ခြင်း၊နေရာပေးခြင်းတွေကြုံရ တတ်သလို၊ မိမိတဆင့်မြင့် အောင်မြင်လာတာကို မနာလို မရှုစိမ့်သူများလဲ ကြုံတွေ့နေရတတ်ပါတယ်။ ဒါကြောင့် ကိုယ် တိုင်က ရန်သူမိတ်ဆွေခွဲခြားမသိရင် ဘယ်သူကိုမဆို သတိထားပေါင်းစေချင်ပါတယ်။ ဆွေမျိုးသွေးသားပဲဆိုပြီးအကြွင်း မဲ့ မယုံလိုက်ပါနဲ့။ အဲဒီအနီးကပ်ဆွေမျိုးတွေကလဲ ကိုယ့်ကို ဒုက္ခပေးသွားတတ်ပါတယ်။ ဆွေမျိုးသားချင်းတွေကို အာမခံ ပြီး အလုပ်သွင်းပေးတာမျိုးတွေရှောင်ပါဗျ။ ဆွေမျိုး၊မိတ်ဆွေတွေကို အာမခံပေးတာမျိုးကဒီနှစ်ကိုယ့်လည်ပင်းကိုယ် ကြိုးကွင်းစွပ်မိသလိုဖြစ်သွားတတ်ပါတယ်။ အထူးသဖြင့် ငွေကြေးအာမခံခြင်းမျိုးကိုတော့ အထူးရှောင်ပါ။
👌ပညာရေး
ပညာရေးကဏ္ဍတွေမှာတော့ အမှားနဲ့ အမှန်ကိုခွဲခြားသိနိုင်ဖို့လိုပါတယ်။ အလယ်တန်း အထက်တန်းအဆင့် ပညာသင်ကြားနေတဲ့ ကျောင်းသားလူငယ်များကတော့ ဆရာသမားတွေ၊မိဘတွေရဲ့ ကူညီပံ့ပိုးမှုလေးတွေ အထိုက် အလျောက်ရတတ်တာကိုတွေ့ရပေမဲ့ မထင်ထားဘဲ ကျောင်းပြောင်းရတာမျိုး၊ အခန်းပြောင်းရတာမျိုးလေးတွေကြုံရ တတ်ပါတယ်။ ၁၂တန်းပြီးလို့ တက္ကသိုလ်ပညာအပြင် အခြား သင်တန်းတွေတတ်မဲ့သူတွေကတော့ သတိထားပါ။ အပေါင်းအသင်းမှားတတ်ခြင်း၊ ကိုယ့်အတွက် အသုံးသိပ်မလိုတဲ့သင်တန်းတတ်မိခြင်း၊သင်တန်းကြေးများပြီး တကယ် မသင်တဲ့ ဂျင်းသင်တန်းတွေ သင်ယူမိခြင်းဆိုတဲ့ကံကိုတွေ့ရပါတယ်။ တရားဓမ္မနဲ့ ပတ်သက်သော အဘိဓမ္မာသင်တန်း တွေ ၊တရားရှုမှတ်ခြင်းတွေ လေ့လာသူတွေကတော့ တကယ်တတ်မြောက်လွယ်တဲ့ နှစ်အပိုင်းအခြားပဲဖြစ်ပါလိမ့်မယ်။
☯️ဆောင်ရန်၊ရှောင်ရန် ယတြာများ
👉ကံကောင်းတဲ့နှစ်ဖြစ်ပေမဲ့ နေရာလိုချင်စိတ်ကို မမွေးပါနဲ့။
💥ရာထူးနေရာ ရလာတာနဲ့ နည်းတူ တာဝန်တွေလဲများလာတတ်တဲ့နှစ်မို့ အချိန်ကိုစီမံခန့်ခွဲတတ်ဖို့လိုတဲ့နှစ်ပါ။
💥ကားကိုအရှိန်ပြင်းပြင်းမမောင်းပါနှင့်။မူးနေချိန်တွေမှာ လုံးဝမမောင်းသင့်ပါဘူး။
💥အရှေ့အရပ်စူးစူးသွားရောက်လုပ်ကိုင်ရမယ်ဆိုသတိနဲ့ဆောင်ရွက်ပါ။ အဖြူရောင်ကို အရေးကြီးတဲ့ကိစ္စတွေ ဆောင်ရွက်တဲ့အခါ သိပ်မဝတ်ပါနဲ့။
💥ပေါက်သားပုတီးနဲ့ ဘဂဝါဂုဏ်တော်ကို နိုင်သလောက်ပုတီးစိပ်ပါ။
💥အိမ်က ဘုရားမှာ မကြာခဏ ပေါက်ဆီကပ်လှူပြီး လိုရာဆုတောင်းပါ။
✅နေ့စဉ်ဗေဒင်ဟောစာတမ်းများကို နားဆင်လိုပါက …
ATOM ဆင်းကဒ်များဖြင့် (3049) ကို ဖုန်းခေါ်ဆိုပြီး နားဆင်နိုင်ပါတယ်…။ ( တစ်ပတ်လျှင် ၃၁၅ ကျပ်သာကျသင့် မှာဖြစ်ပါတယ်။)ကျွန်တော့်ကို support ပေးလိုသူများ နားဆင်နိုင်ပါပြီ။
ဆရာငြိမ်းအေးလူ(ဗေဒင်သုတေသီ)
၀၉၇၇ ၅၅၅၅ ၆၉၅
ကူးယူဖော်ပြခွင့် မပြုပါ။ shareလိုက shareနိုင်ပါတယ်။
