Category: မဟာဘုတ်ဟောကိန်း

    မိမိရဲ့ မြန်မာမွေးသက္ကရာဇ်ကို ၇နဲ့စားလို့ ၆ကြွင်းကြသူတွေရဲ့အချစ်ရေး အိမ်ထောင်ရေးအကြောင်းလေးတွေ ပြောပြပေးမှာပါ။ ၆ကြွင်းဖွားတွေတိုင်း ယေဘုယျအနေနဲ့ ကြုံတွေ့ရမဲ့ အချစ်ရေး၊ အိမ်ထောင်ရေးကံကြမ္မာနဲ့ အချစ်ရေး ၊အိမ်ထောင်ရေးအပေါ် ထားရှိတဲ့သူတို့ရဲ့ စိတ်အခြေအနေလေးတွေကို ဒီကနေ တင်ပြသွားမှာပါ။ 

    ၆ ကြွင်းဖွားတွေတိုင်း ဒီကံကြမ္မာအတိုင်းကြုံ လာရမယ်လို့တော့ မဆိုလိုပါဘူး။ နေ့သားတစ်ဦးချင်းစီအလိုက် ကံအနေအထားကွာခြားမှုလေးတွေ ရှိနိုင်သလို ပေးထားတဲ့နာမည်အရလဲ ကံကြမ္မာအပြောင်းအလဲ ၊စိတ်ဓာတ်အပြောင်းအလဲလေးတွေလဲရှိနေအုံးမှာပါ။ ကဲစကြပါစို့ဗျာ။

   မိမိရဲ့ မြန်မာမွေးသက္ကရာဇ်ဟာ အောက်ပါခုနှစ်တွေထဲမှာ ပါမယ်ဆိုရင်တော့ မိမိဟာ ၆ကြွင်းဖွားတွေလို့ မှတ်ယူလိုက်ပါ။ 

    ၁၃၂၂ခု၊ ၁၃၂၉ခု၊ ၁၃၃၆ခု၊ ၁၃၄၃ခု၊ ၁၃၅၀ခု၊ ၁၃၅၇ခု၊ ၁၃၆၄ခု၊ ၁၃၇၁ ခု၊ ၁၃၇၈ ခု တွေမှာ မွေးဖွားကြသူတွေကတော့ ၆ကြွင်းဖွားတွေပါပဲ။  

   အကြွင်းဖွားတွေအားလုံးထဲမှာ ၆ကြွင်းဖွားတွေရဲ့ အချစ်ရေးအိမ်ထောင်ရေး ကံကြမ္မာက ကမောက်ကမအဖြစ်ဆုံးပါပဲ။ ငယ်ရွယ်စဉ်မှာလဲ မိဘမောင်ဖွား မိသားစုဝင်တွေရဲ့ မေတ္တာငတ်မွတ်ကြတဲ့သူတွေများပါတယ်။ ၅၂၈မေတ္တာမျိုးကို မိသားစုထက် တစ်စိမ်းတစ်ရံတွေဆီကပိုရတတ်ပါတယ်။ အချစ်ရေးကံကြမ္မာကလဲ မိမိချစ်တဲ့သူကတစ်ယောက် တစ်ကယ်ညားတဲ့သူကတစ်ယောက်ဆိုတာမျိုး ကြုံရတတ်သူပါပဲ။ ၆ကြွင်းဖွားတွေဟာ ကတိလွယ်လွယ်ပေးတတ်ပါတယ်။  ပြီးရင်မတည်တာများပါတယ်။  

   ဒါကြောင့်ချစ်သူရဲ့ငြိုငြင်တာမျိုးခံရမှာပါ။ ၆ကြွင်းဖွားတွေဟာအပျော်အပါးမက်ပါတယ်။ အသုံးအဖြုန်းလဲကြီးကြပါတယ်။ ဒီအချက်တွေက အချစ်ရေးကို အနည်းနဲ့အများတော့ ဒုက္ခဖြစ်စေမှာပါ။ နောက်ပြီး ၆ကြွင်းဖွားတွေဟာ ချစ်သူကောင်းရဖို့ခဲယဉ်းတဲ့သူတွေပါပဲ။ ချစ်မိလျှင် အရူးအမူးချစ်တတ်သလောက်၊မုန်းမိလျှင် လုးံဝ လှည့်မကြည့်တတ်တဲ့သူတွေပါပဲ။ အချစ်ဦး ရည်းစားဦးဆိုတာမျိုးနဲ့ လွဲချော်တတ်တဲ့သူတွေပါပဲ။ 

     ဆန်းကြယ်တဲ့ မေတ္တာရေးကံကြမ္မာရှိသူတွေဖြစ်ကြတဲ့အတွက် အိမ်ထောင်ဘက်က အရမ်းအသက်ငယ်လွန်းခြင်း ၊အရမ်းအသက်ကြီးလွန်းခြင်းတွေကြုံရတတ်ပါတယ်။ အပျိုကြီးအဖြစ် သိက္ခာထိန်းလာပြီးမှ အရွယ်လွန်မှ ကောင်လေးငယ်ငယ်နဲ့ ယူလိုက်တာမျိုးတွေ  တွေ့မြင်ရသလို ဦးနဲ့သမီးဇာတ်လမ်းတော်တော်များများကလဲ ၆ကြွင်းဖွားတွေမှာ အဖြစ်များပါတယ်။ online ကနေ နိုင်ငံခြားကဗေဒင်မေးကြသူတွေ ကျွန်တော့်ဆီမှာနေစဉ်လိုလိုရှိပါတယ်။ 

      ပြောလိုတာက နိုင်ငံခြားသားနဲ့ လက်ထပ်ထားပြီး နိုင်ငံခြားမှာအခြေချနေထိုင်ကြသူတွေထဲမှာ ၆ကြွင်းဖွားတွေဟာ ရာခိုင်နှုန်းအတော်များတာ တွေ့ရပါတယ်။ ၆ကြွင်းဖွားတွေဟာ ဇာတိမတူ ၊လူမျိုးမတူ၊ဘာသာမတူ၊ နိုင်ငံမတူ တဲ့သူတွေနဲ့ ဖူးစာဆုံလွယ်တာမျိုးတွေ့ရပါတယ်။ မိမိဒေသနဲ့ ဝေးလံခေါင်းဖျားမှာနေထိုင်သူတွေနဲ့ မေတ္တာရေးကံရော အခြားစီးပွားရေးကံရောအကျိုးပေးပါတယ်။ 

      ၃ကြွင်းဖွားတုန်းကပြောခဲ့ဖူးပါတယ်။ အကြွင်းဖွားအားလုံးထဲမှာ ၃ကြွင်းဖွားတွေနဲ့ ၆ကြွင်းဖွားတွေဟာ အိမ်ထောင်ရေးကံအညံ့ဆုံးပါပဲ။ ၆ကြွင်းဖွားယောကျာ်းလေးတွေဟာ အေးဆေးတည်ငြိမ်တဲ့ အိမ်ထောင်ဘက်ကိုရပေမဲ့ မိမိကိုယ်တိုင်ကအိမ်ထောင်ရေးရှုပ်ထွေးချင်တဲ့စိတ်အခံလေးရှိကြပါတယ်။ ကံကြောင့်မဟုတ်ဘဲ လူကြောင့်အိမ်ထောင်ရေးကံမကောင်းတာပါ။ ဒါကြောင့် ၆ကြွင်းဖွား ယောကျာ်းလေးတွေဟာ အိမ်ထောင်ရေးအပေါ်မှာသာ သစ္စာရှိမယ်ဆိုရင် သာယာတဲ့အိမ်ထောင်တစ်ခုကိုဖန်တီးနိုင်ပါလိမ့်မယ်။ 

        ၆ကြွင်းဖွားမိန်းကလေးတွေအနေနဲ့ အိမ်ထောင်ရေးကံ အညံ့ဘက်မှာရှိနေတာပါ။ ဒါပေမဲ့ ၆ကြွင်းဖွားမိန်းကလေးတွေဟာ အိမ်ထောင်ဘက်ကို နှလုံးသားထက် ဦးနှောက်ကိုဦးစားပေးပြီးရွေးချယ်ကြသူတွေပါ။ ဘယ်လိုပဲရွေးရွေး အိမ်ထောင်ဘက်ဟာ မိမိထက် အသက်အရွယ်အနည်းငယ်ကြီးသူကို ရွေးချယ်မယ်ဆိုရင်ရင်တော့ ၆ကြွင်းဖွားမိန်းကလေးတွေအနေနဲ့ အိမ်ထောင်ရေးအညံ့အဆိုး လျော့ပါးသက်သာပါလိမ့်မယ်ဗျာ။ 

      ၆ကြွင်းဖွားတွေတိုင်းရှောင်ရှားသင့်တဲ့ အိမ်ထောင်ဘက်နေ့နံတွေကတော့ သောကြာသားသမီးနဲ့ စနေသားသမီးကို ရှောင်နိုင်ရင်တော့အကောင်းဆုံးပါပဲဗျာ။ 

၇ရက်သားသမီးအပေါင်း 

       ကောင်းသောလိုအင်ဆန္ဒတွေပြည့်ဝကြပါစေ။

               ငြိမ်းအေးလူ (ဗေဒင်သုတေသီ)

              Viber Only( 09775555695)

မိမိရဲ့ မြန်မာမွေးသက္ကရာဇ်ကို ၇နဲ့စားလို့ ၄ကြွင်းကြသူတွေရဲ့အချစ်ရေး အိမ်ထောင်ရေးအကြောင်းလေးတွေ ပြောပြပေးမှာပါ။ ၄ကြွင်းဖွားတွေတိုင်း ယေဘုယျအနေနဲ့ ကြုံတွေ့ရမဲ့ အချစ်ရေး၊ အိမ်ထောင်ရေးကံကြမ္မာနဲ့ အချစ်ရေး ၊အိမ်ထောင်ရေးအပေါ် ထားရှိတဲ့သူတို့ရဲ့ စိတ်အခြေအနေလေးတွေကို ဒီကနေ တင်ပြသွားမှာပါ။

၄ကြွင်းဖွားတွေတိုင်း ဒီကံကြမ္မာအတိုင်းကြုံ လာရမယ်လို့တော့ မဆိုလိုပါဘူး။ နေ့သားတစ်ဦးချင်းစီအလိုက် ကံအနေအထားကွာခြားမှုလေးတွေ ရှိနိုင်သလို ပေးထားတဲ့နာမည်အရလဲ ကံကြမ္မာအပြောင်းအလဲ ၊စိတ်ဓာတ်အပြောင်းအလဲလေးတွေလဲရှိနေအုံးမှာပါ။ ကဲစကြပါစို့ဗျာ။

မိမိရဲ့ မြန်မာမွေးသက္ကရာဇ်ဟာ အောက်ပါခုနှစ်တွေထဲမှာ ပါမယ်ဆိုရင်တော့ မိမိဟာ ၄ကြွင်းဖွားတွေလို့ မှတ်ယူလိုက်ပါ။

၁၃၂၀ခု၊ ၁၃၂၇ခု၊ ၁၃၃၄ခု၊ ၁၃၄၁ခု၊ ၁၃၄၈ခု၊ ၁၃၅၅ခု၊ ၁၃၆၂ခု၊ ၁၃၆၉ခု၊ ၁၃၇၆ခု တွေမှာ မွေးဖွားကြသူတွေကတော့ ၄ကြွင်းဖွားတွေပါပဲ။

———————————————————-

လေးကြွင်းဖွားတွေရဲ့အချစ်ရေးဟာ ရှုပ်ထွေးလွန်းလှပါတယ်။ ဘဝပေးအခြေအနေအရ အချစ်ရေးကို လုံးဝဦးစားမပေးတဲ့သူကလွဲရင် ချစ်သူရည်းစားများတတ်တဲ့သူတွေပါပဲ။ တစ်ပြိုင်နက် ချစ်သူရည်းစား ၂ယောက်/၃ယောက် ပြိုင်ထားတာမျိုးလဲ ခဏခဏတွေ့ရပါတယ်။ ဒီအကြွင်းဖွားတွေဟာအချစ်ရေးမှာ စိတ်အလိုကို ဦးစားပေးကြပါတယ်။ စိတ်ချမ်းသာမှု စိတ်စေရာကိုဦးစားပေးတတ်သူပါ။ ဒါကြောင့်ပဲ ချစ်သူဘဝစိတ်ညစ်စိတ်ဆင်းရဲလာပြီဆိုရင်လဲချစ်သူကိုလမ်းခွဲဖို့ ဝန်မလေးပါဘူး။ ဒါကြောင့်ပဲ ချစ်သူများသွားတတ်ပါတယ်။

လေးကြွင်းဖွားတွေလူရည်တော့လည်ပါတယ်။

ဘာလုပ်ရင်ဘာဖြစ်မယ်ဆိုတဲ့ အကျိုးဆက်ကိုတော့သိပါတယ်။ တစ်ခုအားနည်းတာကငွေကြေး ဂုဏ် ပကာသနကို မက်မောတဲ့သူများပါတယ်။ လောဘကို အတောမသတ်နိုင်ဖြစ်တတ်ပါတယ်။ ဘယ်လောက်ချမ်းသာချမ်းသာ မရောင်ရဲနိုင်ပါဘူး။ ငွေကြေးမက်မောမှုကြောင့်ပဲ ၄ကြွင်းသမားတွေဟာ တိတ်တိတ်ပုန်းမယားတွေ / ယောကျာ်းပိုင်းလုံးတွေ ဖြစ်လွယ်တတ်ပါတယ်။ ဒါကြောင့်ပဲ လေးကြွင်းဖွားတွေမှာ ရွှေရှိမှလူရာဝင်တယ်လို့ တွေးနေမိတဲ့သူတိုင်း အမှားများနေအုံးမှာပါပဲ။

လက်မထပ်ရသေးဘဲ တိတ်တိတ်ပုန်းအခြေအနေမျိုးလဲ ဖြစ်ရတတ်ပါတယ်။ လေးကြွင်းဖွားတိုင်းဒီလိုကြီးဖြစ်မယ်မဆိုလိုပါဘူး။ ရောင်ရဲနိုင်တဲ့ လေးကြွင်းဖွားတွေအနေနဲ့ သာယာတဲ့ အချစ်ရေးအိမ်ထောင်ရေးကို ဖန်တီးနိုင်တာအများအပြားတွေရပါတယ်။ ချစ်သူကို အပေါ်ယံကြည့်ပြီးမချစ်ပါနဲ့။ စိတ်ထဲနှစ်နှစ်ကာကာချစ်မှလက်တွဲပါ။ အဲလိုမှမဟုတ်ရင် ချစ်သူကလဲမိမိကိုထားသွားပါလိမ့်မယ်။

အိမ်ထောင်ရေးကံကတော့ လေးကြွင်းဖွား မိန်းကလေးတွေအနေနဲ့ မိမိထက် ဂုဏ်၊ငွေကြေး၊ပညာ မြင့်မားတဲ့သူမျိုးနဲ့ လက်ဆက်ရတတ်ပါတယ်။ ပြည့်စုံထက်မြက်တဲ့အိမ်ထောင်ဘက်ကိုရပေမဲ့ အိမ်ထောင်ဘက်ဟာ ရှုပ်ထွေးဖောက်ပြန်တဲ့သူမျိုးနဲ့ကြုံရတတ်ပါတယ်။ ” သူတောင်ဖောက်ပြန်တာပဲ ငါလဲ အိမ်ထောင်ရေးအပေါ်သစ္စာမရှိနိုင်ဘူး” ဆိုတဲ့ အတွေးမျိုးတွေးမိ လုပ်မိတတ်ပါတယ်။ လေးကြွင်းဖွား ယောကျာ်းလေးတွေအနေနဲ့ အေးဆေးတည်ငြိမ်တဲ့ အိမ်ထောင်ဘက်မျိုးနဲ့ လက်ဆက်ရတတ်ပါတယ်။ ဒါပေမဲ့ မိမိရဲ့ အသုံးအဖြုန်းကြီးခြင်း ငွေကြေးလက်ဖွာခြင်းတွေကြောင့် အိမ်ထောင်ဘက်က မိမိအပေါ် စိတ်ပျက်စိတ်ကုန်လွယ်ပါတယ်။

လေးကြွင်းဖွားတွေအနေနဲ့ ငယ်ငယ်ရွယ်ရွယ်နဲ့ အိမ်ထောင်ကျတတ်ပါတယ်။ မထင်မှတ်ဘဲ မရည်ရွယ်ဘဲ ကျတတ်ပါတယ်။ အိမ်ထောင်ရေးမှာ အိမ်ထောင်ပြုခါနီး မိမိရှုပ်ခဲ့ထားဖူးမျိုး အရင်ကအမှားမျိုးရှိခဲ့ရင် မိမိရဲ့လက်တွဲဖော်ကို တစ်ခါထဲပြောပြထားပါ။ ယူပြီးမှ ပြဿ နာဟောင်းတွေရှင်းရတတ်လို့ပါ။ လေးကြွင်းဖွားတွေ စိတ်ညစ်တဲ့ဒဏ် ၊စိတ်ဆင်းရဲတဲ့ ဒဏ်ကို လုံးဝမခံနိုင်တဲ့သူတွေပါပဲ။

ဒါကြောင့်ပဲ အိမ်ထောင်ရေးမှာ စိတ်ညစ်စရာကြုံလာပြီဆိုရင် ထွက်ပေါက်ရှာလေ့ရှိတဲ့ အကြွင်းဖွားတွေပါပဲ။

လေးကြွင်းဖွားတွေဟာ ဗုဒ္ဓဟူးသားသမီး

ကြာသပတေးသားသမီးတွေကို အိမ်ထောင်ဘက်အဖြစ်မရွေးချယ်ပါနဲ့။

လေးကြွင်းဖွားတွေသတိထားရမဲ့ အချက်တွေက နာမည်အပျက်မခံပါနဲ့ ။နာမည်ပျက်ရင်အဖတ်ဆယ်လို့မရဖြစ်ရလိမ့်မယ်။

အရာရာတိုင်းကို ငွေကြေးရလိုမှုတစ်ခုထဲအတွက် ဦးစားပေးပြီးမကြည့်ပါနဲ့ ။

သစ္စာတရားကိုလက်ကိုင်ထားပါ။ သီလရှိအောင်နေပါ။

၇ရက်သားသမီးအပေါင်း

ကောင်းသောလိုအင်ဆန္ဒတွေပြည့်ဝကြပါစေ။

ငြိမ်းအေးလူ (ဗေဒင်သုတေသီ)

မိမိရဲ့ မြန်မာမွေးသက္ကရာဇ်ကို ၇နဲ့စားလို့ ၃ကြွင်းကြသူတွေရဲ့အချစ်ရေး အိမ်ထောင်ရေးအကြောင်းလေးတွေ ပြောပြပေးမှာပါ။ ၃ကြွင်းဖွားတွေတိုင်း ယေဘုယျအနေနဲ့ ကြုံတွေ့ရမဲ့ အချစ်ရေး၊ အိမ်ထောင်ရေးကံကြမ္မာနဲ့ အချစ်ရေး ၊အိမ်ထောင်ရေးအပေါ် ထားရှိတဲ့သူတို့ရဲ့ စိတ်အခြေအနေလေးတွေကို ဒီကနေ တင်ပြသွားမှာပါ။

၂ကြွင်းဖွားတွေတိုင်း ဒီကံကြမ္မာအတိုင်းကြုံ လာရမယ်လို့တော့ မဆိုလိုပါဘူး။ နေ့သားတစ်ဦးချင်းစီအလိုက် ကံအနေအထားကွာခြားမှုလေးတွေ ရှိနိုင်သလို ပေးထားတဲ့နာမည်အရလဲ ကံကြမ္မာအပြောင်းအလဲ ၊စိတ်ဓာတ်အပြောင်းအလဲလေးတွေလဲရှိနေအုံးမှာပါ။ ကဲစကြပါစို့ဗျာ။

မိမိရဲ့ မြန်မာမွေးသက္ကရာဇ်ဟာ အောက်ပါခုနှစ်တွေထဲမှာ ပါမယ်ဆိုရင်တော့ မိမိဟာ ၂ကြွင်းဖွားတွေလို့ မှတ်ယူလိုက်ပါ။

၁၃၁၈ခု၊ ၁၃၂၅ခု၊ ၁၃၃၂ခု၊ ၁၃၃၉ခု၊ ၁၃၄၆ခု၊ ၁၃၅၃ခု၊ ၁၃၆၀ခု၊ ၁၃၆၇ခု၊ ၁၃၇၄ခု တွေမှာ မွေးဖွားကြသူတွေကတော့ ၂ကြွင်းဖွားတွေပါပဲ။

၂ကြွင်းဖွားတွေရဲ့ အချစ်ရေးကံကြမ္မာက အကောင်းအဆိုးတွေ ဒွန်တွဲနေပါတယ်။ ချစ်သူရည်းစား ထားတတ်တဲ့ အရွယ်ရောက်ရင်တော့ ၂ကြွင်းဖွားယောကျာ်းလေးတွေအနေနဲ့ အချစ်ရေးကိုသိပ်ပြီးဦးစားမပေးတာမျိုးတွေရပါတယ်။စီးပွားရေးလမ်းကြောင်းပေါ်ရောက်သွားတဲ့ ၂ကြွင်းဖွားတွေအနေနဲ့လဲ အချစ်ရေးကိုဒုတိယ နေရာမှာပဲထားတတ်ကြတဲ့သူတွေပါ။ ချစ်သူနဲ့ချိန်းထားပြီး အလုပ်ကိစ္စ၊ ငွေကြေးကိစ္စ၊ မိသားစုကိစ္စပေါ်လာရင် ချိန်းတဲ့နေရာကိုလာဖို့ ဦးစားပေးတော့မဲ့သူတွေမဟုတ်ပါဘူး။

ဒါ့ကြောင့်ပဲ ချစ်သူက ငွေမက်တယ် ၊လျစ်လျူ ရှုတယ်၊ ဂရုမစိုက်ဘူး၊ ကတိမတည်ဘူး ဆိုတဲ့ စွပ်စွဲချက်တွေနဲ့ အပြစ်တင်ခြင်းခဏခဏ ခံရမဲ့သူတွေပါ။ ချစ်သူရှေမှာတစ်မျိုး၊ ကွယ်ရာမှာဆိုရင်တော့ မိမိစိတ်ထင်ရာလုပ်တက်သူတွေပါ။ အချစ်ရေးမှာ ချစ်သူနဲ့ တိုင်ပင်လုပ်ကိုင်ရမဲ့ ကိစ္စတွေကို မိမိသဘောနဲ့သူမသိအောင်လုပ်မိခြင်းကလဲ ချစ်သူဘဝအတွက် လမ်းခွဲရဖို့အကြောင်း အချင်းအရာတစ်ခုထဲမှာပါဝင်ပါတယ်။

၂ကြွင်းဖွားတွေအနေနဲ့က အလွန်အားနာတတ်သူတွေပါပဲ။ ဒီလိုအားနာတတ်တာတွေကလဲမကောင်းပါဘူး။ ဇွဲဇွဲရှိရှိနဲ့ မိမိကိုချဉ်းကပ်လာသူတွေ၊ မိမိအပေါ်အနွံတာခံသူတွေကို အားနာမှုအခြေခံတဲ့ စိတ်နဲ့ ပြန်အဖြေပေးမိတတ်ပါတယ်။

၂ကြွင်းဖွားတွေဟာ စိတ်ကူးယဉ်ဆန်တဲ့သူတွေပါပဲ။ အချစ်ရေးကို အရင်ဦးစွာ စိတ်ကူးနဲ့ ပုံဖော်တည်ဆောက်ကြသူတွေပါ။ သတိပေးချင်တာက စိတ်ကူးနဲ့လက်တွေ့ကွာခြားတဲ့အခါ မိမိအနေနဲ့ ပိုခံစားရတတ်ပါတယ်။ စိတ်အပြောင်းအလဲမမြန်ပါနဲ့။ အခုချစ်တယ်၊ အခုမုန်းတယ် ဆိုတာမျိုးမလုပ်မိစေဖို့ပါပဲ။

အိမ်ထောင်ရေးကဏ္ဍမှာတော့ ၂ကြွင်းဖွားတွေဟာ အိမ်ထောင်ဘက်ကို စီစစ်ရွးချယ်တတ်ဖို့လိုပါတယ်။ မိန်းကလေးတွေအနေနဲ့ မိန်းမထမိန်နား ခိုစားတဲ့ ယောကျာ်းမျိုးရတတ်သလို ယောကျာ်းလေးတွေအနေနဲ့ စီမံခန့်ခွဲမှုညံ့ဖျင်းသော အိမ်မှုကိစ္စမနိုင်နင်းသော မိန်းမမျိုးရတတ်ပါတယ်။ အိမ်ထောင်ပြုမှားတတ်တဲ့အကြွင်းဖွားလ့ိုပဲ ယေဘုယျပြောရမှာပါ။ အိမ်ထောင်ပြု ပြီး၆လအတွင်းမှာပဲ အိမ်ထောင်ဘက်ရွေးတာမှားသွားပြီလို့ခံစားရမဲ့ဇာတာမျိုးပါ။ အိမ်ထောင်ဘက်ကောင်းကိုလက်ဆက် ရသည့်တိုင်အောင် အိမ်ထောင်ဘက် အပေါ် အမြဲစိတ်တိုင်းမကျ ဖြစ်နေရတတ်ပါတယ်။

အိမ်ထောင်ဆက်တော့ သိပ်မများတဲ့ ဇာတာရှင်ပါပဲ။ အိမ်ထောင်ဘက်နဲ့သဘောထားမတိုက်ဆိုင်ပေမဲ့ အိမ်ထောင်ကွဲတာ၊ အိမ်ထောင်ဆက်များတာမျိုးသိပ်မတွေ့ရပါဘူး။ နောက်ပြီး ဒီဇာတာရှင်တွေဟာ အိမ်ထောင်ရေးနောက်ကျတတ်တဲ့ ကံမျိုးလဲတွေ့ရပါတယ်။ စဉ်းစားလွန်းအားကြီးတာ၊ မိသားစုကိုငဲ့တာတွေကြောင့် လဲပါတာပေါ့ဗျာ။

အိမ်ထောင်ဘက်ကိုအသိမပေးဘဲ မိမိမှန်တယ်ထင်ရင် တစ်ယောက်ထဲကြိတ်လုပ်တတ်တာမျိုး ကိုလဲရှောင်သင့်ပါတယ်။ ၂ကြွင်းဖွားတွေအနေနဲ့ အိမ်ထောင်ဘက်ကိုရွေးချယ်ရာမှာတော့ တနလ်ာသား၊ အင်္ဂံါသား တွေကိုအထူး ရှောင်ကြဉ် ပြီးရွေးချယ်သင့်ပါတာဗျာ။ သည်းခံမှုတရားကိုလက်ကိုင်ထားခြင်း၊ တစ်ဦးနဲ့တစ်ဦးတိုင်တိုင်ပင်ပင် လုပ်ကိုင်ခြင်း၊ အိမ်ထောင်ဘက်ရဲ့ ဆိုးကွက်တွေချည်းပဲမကြည့်ဘဲ ကောင်းကွက်တွေပါကြည့်ပြီး နားလည်မှုတွေနဲ့ တည်ဆောက်မယ်ဆို သာယာတဲ့ အိမ်ထောင်ရေးဖြစ်ပါလိမ့်မယ်ဗျ။

၇ရက်သားသမီးအပေါင်း

ကောင်းသောလိုအင်ဆန္ဒတွေပြည့်ဝကြပါစေ။

ငြိမ်းအေးလူ (ဗေဒင်သုတေသီ)

၁ကြွင်းဖွားတွေတိုင်း ဒီကံကြမ္မာအတိုင်းကြုံ လာရမယ်လို့တော့ မဆိုလိုပါဘူး။ နေ့သားတစ်ဦးချင်းစီအလိုက် ကံအနေအထားကွာခြားမှုလေးတွေ ရှိနိုင်သလို ပေးထားတဲ့နာမည်အရလဲ ကံကြမ္မာအပြောင်းအလဲ ၊စိတ်ဓာတ်အပြောင်းအလဲလေးတွေလဲရှိနေအုံးမှာပါ။

ကဲစကြပါစို့ဗျာ။

မိမိရဲ့ မြန်မာမွေးသက္ကရာဇ်ဟာ အောက်ပါခုနှစ်တွေထဲမှာ ပါမယ်ဆိုရင်တော့ မိမိဟာ၁ကြွင်းဖွားတွေလို့ မှတ်ယူလိုက်ပါ။

၁၃၁၇ခု၊ ၁၃၂၄ခု၊ ၁၃၃၁ခု၊၁၃၃၈ခု၊ ၁၃၄၅ခု၊ ၁၃၅၂ခု၊ ၁၃၅၉ခု၊ ၁၃၆၆ခု၊ ၁၃၇၃ခု၊ ၁၃၈၀ခု တွေမှာမွေးဖွားကြသူတွေကတော့ ၁ကြွင်းဖွားတွေပါပဲ။

၁ကြွင်းဖွားတွေရဲ့ ငယ်ရွယ်စဉ်အချစ်ရေးကံကြမ္မာကအလွန်ပဲ အားနည်းပါတယ်။ ဒါကြောင့်ပဲ အသက်၁၈နှစ်ဝန်းကျင်၊ အသက်၂၀ဝန်းကျင် ကာလတွေမှာ အချစ်ကိုစတင်တွေ့ရှိပြီဆိုရင်တော့ ဒီအချစ်ခရီးလမ်းဟာ သာယာဖြောင့်ဖြူ းဖို့မလွယ်ပါဘူး။ အချစ်ဦး၊ရည်စားဦး ဆိုသူတွေနဲ့ ဆုံဆည်းရဖို့ အလွန်ပဲခက်ခဲတဲ့ဇာတာရှင်ပါ။

ဒါအပြင် ငယ်စဉ်မှာ အိမ်ထောင်ပြုမယ်ဆိုရင်လဲ အိမ်ထောင်ရေးကံခေတတ်ပါတယ်။ အိမ်ထောင်ရေးကံကောင်းဖို့မလွယ်ပါဘူး။ ဒါကြောင့်ပဲ တစ်ကြွင်းဖွားတွေ ဗေဒင်လာမေးရင် “အချစ်ရေး အိမ်ထောင်ရေး မစဉ်းစားနဲအုံး အသက်၂၅ကျော်မှ အချစ်ရေး အိမ်ထောင်ရေးကို စတင်စဉ်းစားပါ”လို့ကျွန်တော်တိုက်တွန်းလေ့ရှိပါတယ်။ နောက်ပြီး ဒီတစ်ကြွင်းဖွား ဇာတာရှင်တွေဟာ စကားလုံးကိုလှအောင်မပြောတတ်ပါဘူး။ အမှန်တိုင်း ဘွင်းဘွင်းရှင်းရှင်း ပြောတက်သူတွေပါ။

‘ မှန်တာပြောဆဲသလို’ ဆိုတဲ့စကားအတိုင်းပဲ….သူများနားထဲ ကန့်လန့်ဝင်သွားအောင် ပြောတတ်သူပါ။ ဒီလိုပြောတတ်တာကလဲ အချစ်ရေးအိမ်ထောင်ရေးကို အဖုအထစ်လေးတွေ ဖြစ်စေတာပါပဲ။ နောက်ပြီး ဒီဇာတာရှင်ဟာ မိမိရဲ့ချစ်သူကို အင်္ကံျ ီအဖြူ ထည်လေးလို ရှင်းသန့်နေတာလိုပဲ လိုချင်တဲ့သူပါ။ ကိုယ့်ချစ်သူက ရည်းစားတစ်ခါမှမထားဘူးတဲ့ သူလိုဖြူစင်စေချင်တဲ့သူမျိုးပါ။ အကြွင်းဖွားအားလုံးထဲမှာ သဝန်အတိုဆုံး အကြွင်းဖွားလို့ပြောရင် လွန်မယ်မထင်ပါဘူး။

မိမိချစ်သူက အခြားတစိမ်းတစ်ယောက်နဲ့ အရမ်းရင်းနှီးစွာ ပြောဆိုနေထိုင်နေတာကိုပင် လက်မခံနိုင်တဲ့သူပါ။ ဒါကြောင့်ပဲ တစ်အကြွင်းဖွားတွေကို ချစ်မိတဲ့ အခြားအကြွင်းဖွားတွေအနေနဲ့ အနေအထိုင်ဆင်ခြင်ဖို့လိုပါတယ်။ တစ်အကြွင်းဖွားတွေဟာ ကိုယ်တိုင်ကရှုပ်ခဲ့ချင်ရှုပ်ခဲ့မယ် ချစ်သူကိုတော့ ယုန်သူငယ်လေးလို ဖြူစင်နေတာကိုပဲလိုလားကြသူတွေပါ။

သတိရှိဖို့က အရမ်းကြီးသဝန်မတိုပါနဲ့။ ဦးနှောက်နဲ့ဆင်ခြင်ဆုံးဖြတ်ပါ။ သဝန်တို၊စကာ းနာထိုး၊ပြဿ နာရှာတာတွေကြောင့် ချစ်သူကမိမိကိုစိတ်ပျက်သွားတတ်ပါတယ်။ တစ်ခုကောင်းတာက ဒီဇာတာရှင်ဟာ တကယ်ချစ်မိပြီဆိုရင်တော့ ဘယ်သူမှမယှဉ်နိုင်တဲ့ အချစ်မျိုးနဲ့ ချစ်တဲ့သူပါ။ တိုက်တာ၊ဂုဏ်၊ပညာ၊ငွေကြေး စတာတွေကို မကြည့်ဘဲ အချစ်တစ်ခုထဲနဲ့ အရာရာကို ရင်ဆိုင်ကျော်ဖြတ်ဖို့ အဆင်သင့်ရှိ နေသူတွေပါပဲ။

ဒီ ၁ကြွင်းဖွားဇာတာရှင်တွေရဲ့ အိမ်ထောင်ရေးကဏ္ဍမှာတော့ ငယ်ရွယ်စဉ်မှာ လက်ထက်ဖို့ ကြံရွယ်ထားသူတွေ ဆိုရင်တော့ အမိအဘ အကြီးအကဲတွေရဲ့ သဘောမတူခြင်း၊ လက်မခံနိုင်ခြင်း မျိုးတွေကြုံရတတ်တဲ့ ဇာတာပါ။ အိမ်ထောင်ပြုပြီးသွားရင်လဲ အိမ်ထောင်ဘက်အပေါ် အရမ်းစိုးမိုး လိုစိတ်ရှိတဲ့သူတွေပါပဲ။ အရာရာမိမိကသာ ဦးဆောင်ချင်သူပါ။ မျှမတွေးဘဲ တစ်ဖက်သက်တွေးတတ် ပြောတတ် လုပ်တတ်ပါတယ်။ အိမ်ထောင်ဘက်က လက်ညိုးထောင်၊ ခေါင်းညိတ်တဲ့သူဆို အကြောင်မဟုတ်ပေမဲ့ ငြိမ်ခံမနေတက်တဲ့သူဆို အိမ်ထောင်ရေးပြဿ နာ ပေါ်ပေါက်လာပါလိမ့်မယ်။

ဒီတစ်ကြွင်းဖွားတွေဟာ ယေဘုယျ အနေနဲ့ ကြည့်ရင်တော့ အိမ်ထောင်ရေး ကံကောင်းကြသူတွေများပါတယ်။ပျမ်းမျှအနေနဲ့ ၇၀%လောက်က အိမ်ထောင်ရေး ကံကောင်းကြပါတယ်။

ဒါပေမဲ့ အိမ်ထောင်ဘက်က မိမိကို အထင်သေးတာ၊ ရှုပ်ချတာ၊ သူများနဲ့ခိုင်းနှိုင်းပြောတာမျိုးတော့ ခံရတတ်ပါတယ်။

ဥပမာအနေနဲ့ “ရှင့်သူငယ်ချင်းဆို အခုတိုက်ခန်းတောင်ဝယ်လိုက်ပြီ ရှင်လဲ ဒီလိုပဲနေတော့မှာလား?”ဆိုတာမျိုး။

“သူများမိန်းမတွေ ပိုက်ဆံရှာပြီး အိမ်စရိတ် ကာမိအောင်လုပ်နေတယ်။ မင်းကတော့ အိမ်မှာနေပြီးထိုင်ဖြုန်းနေတယ်” ဆိုတာမျိုးစတဲ့

အပြောမျိုးတွေအပြောခံရတတ်ပါတယ်။

တစ်ကြွင်းဖွားတွေရဲ့ အဓိကအားနည်းချက်က ငွေမရှိခင် အိမ်ထောင်ရေးအပေါ် သစ္စာရှိပေမဲ့ ငွေရှိလာရင်တော့ အိမ်ထောင်ရေး ဖောက်ပြန်ချင်ကြပါတယ်။ လူတိုင်းတော့ မဆိုလိုပါဘူး။ ဘာလို့ဖောက်ပြန်ချင်ကြတာလဲဆိုရင်တော့ အိမ်ထောင်ဘက်အပေါ် စိတ်ကုန်တာမြန်တဲ့ ကံအနေအထားတစ်ခုကြောင့်ပါပဲ။

၁ကြွင်းနှစ်မှာ မွေးဖွားလာကြတဲ့ ဘယ်နေ့သားသမီးမဆို တနင်္ဂနွေသားသမီး နဲ့ တနင်္လာသားသမီးကို ချစ်သူ၊အိမ်ထောင်ဘက်အဖြစ် လုံးဝမရွေးချယ်မိပါစေနဲ့ဗျ။ ထိုနေ့သားတွေကို လက်ထပ်မိရင် အိမ်ထောင်ရေးသုခထက် ဒုက္ခကပိုများနိုင်လို့ပါပဲ။ ကဲ..ဒီလောက်နဲ့ပဲ ကျေနပ်ကြပါလို့ပြောပါရစေ။

၇ရက်သားသမီးအပေါင်း

ကောင်းသောလိုအင်ဆန္ဒတွေပြည့်ဝကြပါစေ။

ငြိမ်းအေးလူ (ဗေဒင်သုတေသီ)

            အောက်ပါဟောကိန်းတွေက ၂၀၁၆လောက်ကတည်းကကျွန်တော့် page မှာတင်ပေးဖူးပါတယ်။ အခုလိုထပ် တင်ပေးရတာကတော့ #အတုအပဆင်တူရိုးမှားတွေ သိပ်များလာလို့ပါ။

ဗေဒင်ပညာကို စတင်ရင်းနှီးခွင့်ရသောအချိန်က  ၁၁နှစ်သားအရွယ် ၅တန်း ကျောင်းသားဘဝ။ ဗေဒင်အချုပ် မဟာဘုတ်ဆိုတဲ့အတိုင်း မဟာဘုတ်ပညာကို စတင်သင်ခဲ့ရသည်။ အဲဒီကစလို့ မြန်မာမွေးသက္ကရာဇ်ကိုတည် ၇နဲ့စားအကြွင်းကိုဘင်္ဂအိမ်ကနေစပြီး ”အောင် လံ ထူ စစ် သူ ကြီး ပွဲ ” လင်္ကာအတိုင်မဟာဘုတ်တိုင် ထူရမှန်း သိခဲ့သည်။ ကျောင်းသားဘဝကစလို့ သူငယ်ချင်းတွေကို မွေးသက္ကရာဇ်မေးပြီး ဘာဖွားဆိုတာတွက်ပေးနေကြပင်။

ဒါပေမဲ့ ငယ်ရွယ်စဉ်ကာလဆိုတော့ မတွေးတတ် မစဉ်းစားတတ်သေးပေ။ “လှတောမြို့သား အကြွားဆင့် “ဆိုပြီး အိမ်ပိုင်ဂြိုဟ်တွေ သိပေမဲ့ အသုံးမချတတ်ပေ ။ ကျောင်းပညာပြီးဆုံးလို့ ဗေဒင်ပညာလိုက်စားခဲ့ပေမဲ့ မဟာဘုတ် ပညာကို မေ့ထားခဲ့မိတာတော့ ဝန်ခံရမည်သာ။

ဒါပေမဲ့ မဟာဘုတ်ပညာဟာမေ့ထားလို့မရဘူးဆိုတာ အသက်အရွယ်ရလာမှ သိလာခဲ့သည်။ အမေကျော်ပြီး ဒွေးတော်လွမ်းခဲ့မိသည်။အခုမှမဟာဘုတ်ကို “က,ခ” စလို့ပြန်လေ့လာနရသည်။ သိပ်ချစ်စရာကောင်းတဲ့ ပညာ ရပ်ပင်။မဟာဘုတ်ပညာကို လူအများကိုလဲသိစေချင်သည်။ ကိုယ်ကလဲ မဟာဘုတ်ပညာနဲ့ပက်သက်ပြီး တော့ က…သူငယ်တန်းအဆင့်သာသာ။ ဒါပေမဲ့မဟာဘုတ်ပညာကို ပြန်လည်ဖော်ထုတ်ချင်တာနဲ့ အကြွင်းဖွားအဟောတွေ ကို အကျဉ်းချုပ်လောက်ရေးပေးချင်မိသည်။

ဒါကလဲ ယေဘုယျသဘောတွေလောက်ပဲ ရေးလို့ရမယ်ဆိုတာသိသည်။နေ့သားအလိုက်၊နာမည်အလိုက်၊ မဟာဘုတ် အကြွင်းအလိုက်အဟောတွေကအသေးစိပ်ကွဲပြားသွားမည်သာ။ အဖွားအဟောတွေ ရေးမည်ဆိုရင်တောင် တော်တော်များများက မိမိဖွားဇာတာကိုသိသူကနည်းသည်။ပုတိ၊ ဘင်္ဂ၊ မရဏအထွန်း၊သိုက်၊ရာဇ၊အဓိပတိ ဆိုတာသိပေမဲ့ မိမိဘာဖွားဆိုတာတော့ သိသူနည်းကြသည်။ ဘယ်လိုတွက်ရမလဲမေးလိုက်ရင်ပိုဆိုးသွားတတ်သည်။

တွက်နည်းရေးပြရရင်လဲကိုကစာအရေးမတတ်တာနဲ့တော့ သိုက်စာဖတ်ရသလိုဖြစ်နေမှာလဲစိုးရသေးသည်။ မြန်မာ မွေးသက္ကရာဇ်ကို ၇နဲ့စား ရလာတဲ့အကြွင်းကိုကြည့်ပြီး ဘာနေ့သားဆိုဘာဖွားလဲဆိုတာရေးပေးထားလိုက်သည်။

ဥပမာ တွက်ပြရရင် မိမိဟာ ၁၃၅၀မွေးတယ်ဆိုပါတော့။ ၁၃၅၀ကို ၇နဲ့စားရင် ၆ကြွင်းတယ်(၁၃၅၀ ÷၇=၆ )

၆ကြွင်းကို ကြည့်လိုက်ပေါ့။

၆ခုကြွင်း တနင်္ဂနွေ ဖြစ်လျှင်သိုက်ဖွား

၆ခုကြွင်း တနင်္လာ ဖြစ်လျှင် မရဏဖွားဆိုတာ တွေ့ရပါလိမ့်မယ်။

မိမိ၏ မြန်မာမွေးသက္ကရာဇ်ကိုတည်၍ ၇ နှင့်စားပါ

၀ ခုကြွင်းလျှင်

ဝခုကြွင်း တနင်္ဂနွေ ဖြစ်လျှင် ပုတိဖွား

ဝခုကြွင်းတနင်္လာ ဖြစ်လျှင် သိုက်ဖွား

ဝခုကြွင်းအင်္ဂါ ဖြစ်လျှင် မရဏဖွား

ဝခုကြွင်းဗုဒ္ဓဟူး ဖြစ်လျှင်အဓိပတိဖွား

ဝခုကြွင်းကြာသပတေး ဖြစ်လျှင် ရာဇဖွား

ဝခုကြွင်းသောကြာ ဖြစ်လျှင် အထွန်းဖွား

ဝခုကြွင်းစနေ ဖြစ်လျှင် ဘင်္ဂဖွား

မိမိ၏ မြန်မာမွေးသက္ကရာဇ်ကိုတည်၍ ၇ နှင့်စားပါ

၁ခုကြွင်းလျှင်

၁ ခုကြွင်း တနင်္ဂနွေသား ဖြစ်လျှင် ဘင်္ဂဖွား

၁ ခုကြွင်းတနင်္လာသား ဖြစ်လျှင် ပုတိဖွား

၁ ခုကြွင်းအင်္ဂါသား ဖြစ်လျှင် သိုက်ဖွား

၁ ခုကြွင်းဗုဒ္ဓဟူးသား ဖြစ်လျှင် မရဏဖွား

၁ ခုကြွင်းကြာသပတေးသား ဖြစ်လျှင် အဓိပတိဖွား

၁ ခုကြွင်းသောကြာသား ဖြစ်လျှင် ရာဇဖွား

၁ ခုကြွင်းစနေသား ဖြစ်လျှင် အထွန်းဖွား

မိမိ၏ မြန်မာမွေးသက္ကရာဇ်ကိုတည်၍ ၇ နှင့်စားပါ

၂ ခုကြွင်းလျှင်

၂ ခုကြွင်း တနင်္ဂနွေ ဖြစ်ခဲ့လျှင် အထွန်းဖွား

၂ ခုကြွင်းတနင်္လာ ဖြစ်ခဲ့လျှင် ဘင်္ဂဖွား

၂ ခုကြွင်းအင်္ဂါ ဖြစ်ခဲ့လျှင် ပုတိဖွား

၂ ခုကြွင်းဗုဒ္ဓဟူး ဖြစ်ခဲ့လျှင်သိုက်ဖွား

၂ ခုကြွင်းကြာသပတေး ဖြစ်ခဲ့လျှင်မရဏဖွား

၂ ခုကြွင်းသောကြာ ဖြစ်ခဲ့လျှင်အဓိပတိဖွား

၂ ခုကြွင်းစနေ ဖြစ်ခဲ့လျှင်ရာဇဖွား

မိမိ၏ မြန်မာမွေးသက္ကရာဇ်ကိုတည် ၇ နှင့်စားပါ

၃ ခုကြွင်းလျှင်

၃ခုကြွင်း တနင်္ဂနွေသားဖြစ်လျှင် ရာဇဖွား

၃ခုကြွင်း တနင်္လာ ဖြစ်လျှင်အထွန်းဖွား

၃ခုကြွင်း အင်္ဂါ ဖြစ်လျှင်ဘင်္ဂဖွား

၃ခုကြွင်း ဗုဒ္ဓဟူး ဖြစ်လျှင် ပုတိဖွား

၃ခုကြွင်း ကြာသပတေးဖြစ်လျှင်သိုက်ဖွား

၃ခုကြွင်း သောကြာဖြစ်လျှင် မရဏဖွား

၃ခုကြွင်းစနေ ဖြစ်လျှင် အဓိပတိဖွား

မိမိ၏ မြန်မာမွေးသက္ကရာဇ်ကိုတည် ၇ နှင့်စားပါ

၄ ခုကြွင်းလျှင်

၄ခုကြွင်း တနင်္ဂနွေဖြစ်လျှင် အဓိပတိဖွား

၄ခုကြွင်းတနင်္လာ ဖြစ်လျှင် ရာဇဖွား

၄ခုကြွင်း အင်္ဂါ ဖြစ်လျှင် အထွန်းဖွား

၄ခုကြွင်း ဗုဒ္ဓဟူး ဖြစ်လျှင် ဘင်္ဂဖွား

၄ခုကြွင်း ကြာသပတေး ဖြစ်လျှင် ပုတိဖွား

၄ခုကြွင်း သောကြာ ဖြစ်လျှင် သိုက်ဖွား

၄ခုကြွင် းစနေ ဖြစ်လျှင် မရဏဖွား

မိမိ၏ မြန်မာမွေးသက္ကရာဇ်ကိုတည်၍ ၇ နှင့်စားပါ

၅ခုကြွင်းလျှင်

၅ခုကြွင်း တနင်္ဂနွေ ဖြစ်လျှင် မရဏဖွား

၅ခုကြွင်းတနင်္လာ ဖြစ်လျှင် အဓိပတိဖွား

၅ခုကြွင်းအင်္ဂါ ဖြစ်လျှင် ရာဇဖွား

၅ခုကြွင်းဗုဒ္ဓဟူး ဖြစ်လျှင် အထွန်းဖွား

၅ခုကြွင်းကြာသပတေး ဖြစ်လျှင် ဘင်္ဂဖွား

၅ခုကြွင်းသောကြာ ဖြစ်လျှင် ပုတိဖွား

၅ခုကြွင်းစနေ ဖြစ်လျှင် သိုက်ဖွား

မိမိ၏ မြန်မာမွေးသက္ကရာဇ်ကိုတည် ၇ နှင့်စားပါ

၆ခုကြွင်းလျှင်

၆ခုကြွင်း တနင်္ဂနွေ ဖြစ်လျှင်သိုက်ဖွား

၆ခုကြွင်း တနင်္လာ ဖြစ်လျှင် မရဏဖွား

၆ခုကြွင်း အင်္ဂါ ဖြစ်လျှင် အဓိပတိဖွား

၆ခုကြွင်း ဗုဒ္ဓဟူး ဖြစ်လျှင်ရာဇဖွား

၆ခုကြွင်း ကြာသပတေး ဖြစ်လျှင်အထွန်းဖွား

၆ခုကြွင်း သောကြာ ဖြစ်လျှင် ဘင်္ဂဖွား

၆ခုကြွင်းစနေ ဖြစ်လျှင်ပုတိဖွား

#ဘင်္ဂဖွား ဟောကိန်း

စေတနာကောင်း၊စိတ်ရင်းကောင်းသူပါပဲ။ ဇွဲလုံ့လဝီရိယနဲ့ပြည့်စုံပြီး ထက်သန်တဲ့စိတ် ၊ပြင်းပြသောဆန္ဒ၊ ကြိုးစား ချင်သောစိတ်တွေရှိကြတယ်။ မဆုတ်မနစ်သော ဇွဲက လမ်းကြောင်းမှန်ပါက အောင်မြင်မှုပန်းတိုင်ကိုရောက်မည်။ ဆုံးဖြတ်ချက်ချပြီးရင် သိကြားမင်းဆင်း၍ဖျက်တာတောင်မရပေ။ မိမိဆုံးဖြတ်ချက်သည် မှားနေရင်မှ လမ်းဆုံး ရောက်အောင်လျှောက်တတ်သည်။ နောင်တတရားကလဲ မိမိသန္တန်မှာ ခဏသာခိုဝင်တတ်သည်။နောင်တရလဲ ခဏပင် ။အမှတ်သည်းခြေမရှိ ။ခေါင်းမာသည်။ တယူသန်သည်။

ပြောစရာရှိလျှင် လုပ်စရာရှိလျှင် ဘွင်ဘွင်ရှင်းရှင်းအားမနာတမ်းပြောတတ်ခြင်းကြောင့် လူမုန်းများတတ်သည်။ မိမိသည် စကားပြောမတတ်ခြင်းကြောင့်ပေါင်းသင်းဆက်ဆံရေးညံ့သည်ဟုထင်ကြသည်။ မဟုတ်ပါ။ အတွင်းစိတ် ရင်း အရမ်းကောင်းသူဆိုတာမိမိနဲ့ ရေရှည်ပေါင်းသင်းသူသာသိသည်။ သူဘာပြောပြော စေတနာဒေါသနဲ့ ပြောသည် ဆိုတာနားလည်လာကြသည်။

ဒါကြောင့်ပဲ မိမိကိုယ်ခင်မိသူတွေက မိမိကိုယ် မိတ်ဆွေအဖြစ်ကနေ လက်လွတ်မခံချင်ကြပါ။ မိမိနဲ့ခင်မင်ဖူးသူ တွေက မိမိအကြောင်းတသသပြောနေတတ်ကြသည်။ မိမိသည် တစိမ်းတရံတွေကိုခင်မိပြီဆိုရင် ဆွေမျိုးထက်ပို ခင်တတ် သည်။ ဒါကြောင့်ပဲမိမိကအခြားသူတွေကို မိမိလိုစိတ်ဖြူ သည်ထင်၍ အတွင်းရေးကိစ္စတွေ ပြောပြ တိုင်ပင် အကြံဉာဏ်တောင်းမိသည်။ ထိုသို့ပြုမူခြင်းသည် အကျိုးမရှိသည့်အပြင် မိမိလျှို့ဝှက်ချက်ကို သိသွား၍မိမိအပေါ် အထင်မြင်သေး ဟားတိုက်စရာဖြစ်လိမ့်မည်။

ဘင်္ဂဖွားများဟာ ကိုယ့်ဒူးကိုယ်ချွန်ကြိုးစာလိုစိတ်ရှိကြတယ်။ ဘယ်သူ့ကိုယ်မှ မမှီခိုလိုဘူး။ သူတစ်ပါးရဲ့လောင်းရိပ်မိ နေတာမျိုးကိုလဲမလိုလားကြပါဘူး။ သူများကို အားကိုးလို့လဲ မရပါဘူး။ ဘယ်အလုပ်ကိစ္စမဆိုလဲ မိမိက ဦးဆောင် ဦးရွက်လုပ်ရမှလဲကျေနပ်ကြတယ်။ စီးပွားရေး ဘယ်လိုလုပ်မယ်။ ငွေကိုဘယ်လိုရှာလိုက်မယ်လို့ စိတ်ထဲတွေးနေ တတ် ပေမဲ့အပြင်ပန်း လက်တွေ့မှာတော့ရသမျှနှင့်တင်းတမ်ရောင်ရဲတတ်သူပါ။

အမှန်တရားကိုမြတ်နိုးတတ်သူ၊တန်ဖိုးထားတတ်သူဖြစ်ပြီး ဘယ်အလုပ်ကိုပဲလုပ်လုပ် စေတနာပါပါနဲ့လုပ်တတ် သူ ပါပဲ။ စေတနာကောင်းရင် ကံကောင်းတယ်လို့ ခံယူထားသူပါ။လူအများက မိမိကို အထင်ကြီးလေးစားပေမဲ့ မိမိက သူတစ်ပါးအထင်ကြီးအောင် ဟိတ်ဟန်မထုတ်တတ်ပါ။ ပတ်ဝန်းကျင်ကို ဂရုမစိုက်တတ်ပေမဲ့ ပတ်ဝန်ကျင်းမှာ အခက်အခဲတခုခုဖြစ်ရင်တော့ စိတ်ပါလက်ပါ ကူညီတတ်သူပါပဲ။ မိမိကအငြင်းသန်ပါတယ်။ မှန်တယ်ထင်ရင်တော့ ငြင်းလို့ဆုံးမည်မဟုတ်ပေ။ ဖော်လံဖားမလုပ်တတ်ခြင်း ၊ မိမိကြိုးစားမှုကို ဂုဏ်ဖော်၍မပြောတတ်ခြင်းတွေကြောင့် မိမိဟာ အသိအမှတ်ပြုမခံရခြင်း ချောင်ထိုးခံရခြင်းတွေ ခဏခဏကြုံရတတ်ပါတယ်။

ဘင်္ဂဖွားတွေဟာ မည်သူ့ကိုမဆိုအဆင့်အတန်းခွဲခြားပြီးဆက်ဆံလေ့မရှိပါဘူး။ သူဌေးနဲ့ ဆက်ဆံလဲဒီအတိုင်းဆိုရင် ဆင်းရဲသားနဲ့ဆက်ဆံလဲ ဒီအတိုင်းပါပဲ။ ဘာမှပြောင်းလဲခြင်းမရှိဘဲ အားလုံးကိုတစ်သားထဲဆက်ဆံတတ်တယ်။ အခွင့်ထူးခံရဖို့ မျက်နှာသာပေးခံရဖို့ဆိုတဲ့စိတ်နဲ့ အလုပ်မလုပ်တတ်ပါ။ ပေးအပ်တဲ့တာဝန်နဲ့ ဝတ္တရားကို ကျေပွန်လို တဲ့စိတ်နဲ့သာ လုပ်တတ်သူပါ။ငယ်ရွယ်စဉ်ကာလ အဘက်ဘက်ကကံအားနည်းတယ်။ ခြူခြာလွယ်တယ်။မိမိကို မွေးပြီးတော့ မိဘတွေလုပ်ငန်းစီးပွားတိုးတတ်နိုင်သလို အကုန် အကျတွေလဲ အလွန်များတတ်ပါတယ်။ ပထမ အရွယ်ကံ အားနည်းတတ်ပြီး ဒုတိယအရွယ်၊ တတိယအရွယ်ကံမြင့်တတ်ပါတယ်။ မွေးစကနေအသက်၁၂ထိ နေအိမ် အပြောင်းအရွေ့ မြို့အပြောင်းအရွေ့ ကျောင်းအပြောင်းအရွေ့ဆိုတာတွေကြုံ ရတတ်ပါ။ ဘင်္ဂဖွားတွေဟာ ကံအတတ် အကျများလွန်းတဲ့သူတွေပါပဲ။

သူတစ်ပါးကို အားကိုးပြီး စပ်တူလုပ်ငန်းမလုပ်ပါနဲ့။အမှီအခိုကင်းပြီး သူတစ်ပါးလာင်းရိပ်မမိတဲ့ဘဝနေထိုင်မှုမျိုးက မိမိဘဝကိုအောင်မြင်အောင်တွန်းပို့မှာပါ။ကိုယ်စွမ်းကိုယ်စကိုသိပြီး ဝီရိယရှိရှိကြိုးစားရင် အောင်မြင်မဲ့ ဖွား ဇာတာပါပဲဗျာ ။ ။

#မရဏဖွားဟောကိန်း

မရဏဖွားတွေရဲ့စိတ်ကကြောက်စရာကောင်းသည်။ အမြဲတမ်း အစွန်းနှစ်ဖက်ရောက်နေတတ်တတ်သည်။ အချို့နေရာတွေမှာ ခြေသုတ်ပုဆိုးမြွေဆွယ်ကျိုးလို သည်းခံတတ်ပေမဲ့ ရက်စက်ပြီဆိုရင်လဲ သူများလိုက်မမှီအောင် ရက်စက်တတ်သူပါ။ မြွေပွေးတစ်ကောင်နှင့်အလားသဏ္ဍာန်တူသည်။ မထိသ၍ဘာမှရန်မပြုပေမဲ့ ထိမိလိုက်ရင် တော့ အန္တရာယ်အလွန်ရှိတတ်ကြသည်။ ထက်မြက်တယ်။ စိတ်ဓာတ်ပြင်းထန်ကြတယ်။ သမာသမတ်ကျတယ်။ အမှန်တရားကိုမြတ်နိုးသည်။ ရှေ့နေရှေ့ရပ်ကိစ္စ၊ ကြားဝင်ညှိနှိုင်းဆောင်ရွက်ရာမှာ ထူးချွန်တတ်သည်။ဆွေမျိုးထက် တစိမ်းကပိုအကျိုးပေးသည်။ ဆွေမျိုးတွေ ဒုက္ခပေးတတ်သည်။ တစိမ်းတရံကြားမှာအခြေချနေထိုင်ရတတ်သလို ဇာတိရဲ့အဝေးမှာ ထွန်းပေါက်အောင်မြင်တတ်တယ်။ တစ်ခါ တရံဇွတ်တရွတ်လုပ်တတ်တာမျိုးရှောင်ပါ။ ကိုယ်က အလုပ်အပေါ် သေချာဂရုစိုက်လုပ်ရင်တောင် သူများတွေက ပေါ့တယ် ဂရုမစိုက်ဘူး အလုပ်အပေါ်အလေးမထားဘူး လို့အပြောခံရတတ်တာမျိုးပါ။ မိမိကလဲ အလုပ်တစ်ခုကိုအစပိုင်းမှာစိတ်ပါဝင်စားတတ်သော်လည်း နောက်ပိုင်း မှာ ပျင်းရိသွားတတ်သူပါ။ကောက်ရိုးမီးလိုပါပဲ။ အစကတော့ ဟုန်းခနဲပေါ့။ နောက်ပိုင်းတော့ မီးစပင်ရှာလို့မရတတ် ဘူး။အဲဒါကြောင့်ပဲ အလုပ်ခဏ ခဏပြောင်းမိနေတတ်တယ်။မရဏဖွားတွေလဲ နှစ်ရှည်လုပ်ရတဲ့အလုပ် ၊ ကြာရှည် လုပ်ကိုင်ရတဲ့အလုပ်မျိုးတွေနဲ့ မသင့်လျော်ဘူး။

ဥပမာ ပေးရရင် နှစ်ရှည်ပင်စိုက်ပျိုးခြင်း၊ ဥယျာဉ်ခြံ ၊ Hotel လုပ်ငန်းမျိုးတွေပေါ့။ အခုလုပ်အခုအကျိုးအမြတ်ရတဲ့ ပေါ်ပင်အလုပ်မျိုးတွေနဲ့ပဲသင့်လျော်ပါတယ်။ မိမိကစိတ်မြန်လက်မြန်ရှိပြီး မြန်မြန်သွက်သွက် နဲ့ လက်တွေ့ ကျကျ လုပ်ရသောအလုပ်တွေကို သဘောတွေ့တတ်ကြပါတယ်။ မရဏဖွားတွေ လောကဓံကို ကြံ့ကြံ့ခံ ရင်ဆိုင်နိုင်သူပါ။ ဒုက္ခလောကဓံကိုခါးစည်းခံနိုင်သလို သုခလောကဓံကိုလဲ ခံနိုင်သူပါ။ “ငရဲဆိုတာ ငါ့အတွက်တော့ ချွေးထုတ်ခန်း ဝင်သလောက်ပါပဲ“လို့ ပြောမဲ့သူတွေပါ။

မရဏဖွားတွေက အပြင်ပန်းကကြည့်ရင်တော့ လျှင်မြန်တယ် ဉာဏ်ပြေးတယ် သွက်လတ်တယ်လို့ ထင်ရပေမဲ့ လက်တွေ့မှာတော့ ကိစ္စတစ်ခုကို ဆုံးဖြတ်ချက်ချရာမှာ ချိတုံချတုံအလွန်ဖြစ်တတ်ပါတယ်။ငါလုပ်လိုက်တာမှားသွား လားဆိုပြီး စိုးရိမ်စိတ်ကလေး အမြဲဝင်တတ်ပါတယ်။အားနည်းချက်က အလွန်မေ့တတ်တာပါ။ ပြောထားပြီး မေ့ နေပြန်ရော။ အသက်ကြီးလာရင် အလွန်မေ့တတ်ကြတယ်။

သူတစ်ပါးအလုပ်ပင်ဖြစ်ပါစေ စေတနာပါပါနဲ့လုပ်ကိုင်ပေးတတ်သူပါပဲ။မိမိကိုယ် အားကိုးပြီးခိုင်းရင် အားကိုး သလောက် ပြန် လုပ်ပေးတတ်တယ်။ စကားကြီးစကားကျယ်ပြောတာအမှန်အတိုင်းသာပြောတတ်တာ တွေက လူမုန်းများသွားတတ်ပါတယ်။ ဘဝတည်ငြိမ်မှုအားနည်းတယ်။ လှိုင်းတပိုးတွေလို ဘဝကအတတ်အကျများတယ်။ အပယိကရောဂါလေးတွေ ခဏခဏဖြစ်လွယ်တယ်။ ငယ်ဇာတာမကောင်းပါ။ ပင်ပန်းရတတ်တယ်။ စိတ်ဆင်းရဲ ကိုယ်ဆင်းရဲဖြစ်လွယ်တယ် ။ အိုဇာတာကတော့ ပထမတန်းစားကောင်းသူပါ။ မရဏဖွားတွေဟာ မိမိအပူသော  က တွေကို သူများတွေကို လက်ဆင့်မကမ်းတတ်သူပါ။ ဒုက္ခတွေကို တစ်ယောက်ထဲခါးစည်းခံမဲ့သူတွေပါ။ ရောဂါဖြစ်ရင် တောင် အိမ်သားတွေမပြောဘဲ တစ်ယောက်ထဲကြိတ်ခံ တတ်တာမျိုးပါ။

ဘဝကိုအရှုံးမပေးတတ်သူတွေပါပဲ။ဘယ်လိုအခက်အခဲကြုံကြုံရင်ဆိုင်သွားတတ်သူပါ။ ကံကြမ္မာကလဲ အခွင့်အရေး ကောင်းတွေ မကြာခဏပေးတတ်ပါတယ်။ မိမိကဖမ်းဆုပ်တတ်ဖို့ပဲလိုပါတယ်။ ကိုယ့်ကိုယ်ကို ဖျက် သံချေးတတ် ဆိုတာမျိုးမဖြစ်အောင် ဂရုစိုက်ပါ။ ကံက အတိုက်အခံတွေ့လေ အောင်မြင်လေပါပဲ။ မင်္ဂလာတရားတော်ထဲက ‘အတ္တသမ္မာ ပဏိဓိ စ” ဆိုတဲ့ မင်္ဂလာတရားတော်နဲ့အညီ မိမိကိုယ်ကိုစောင့်ထိန်းနိုင်မယ်ဆိုရင်တော့ အောင်မြင်မှုဆို တာကို မလွဲမသွေ ခံစားရမှာပါ……။ ။

#အထွန်းဖွား ဟောကိန်း

ဖွားဇာတာတွေထဲမှာ အထွန်းဖွားတွေက အလွန်ပဲ တည်ကြည်တဲ့သူတွေပါ။ ကိုယ်ကျင့်သိက္ခာကျစေမဲ့ ကိစ္စ ၊ လူများလက်ညိုးထိုးမဲ့ ကိစ္စမျိုး တတ်နိုင်သ၍ရှောင်ကြ သူတွေပါပဲ။ အစိုးရဝန်ထမ်းပဲလုပ်လုပ် ၊အပြင်အလုပ် တွေပဲလုပ်လုပ် သူများအလုပ်တိုင်းကို မိမိအလုပ်လိုသဘောထားပြီး လုပ်ပေးတတ်သူပါ။ မိမိကိုယ်ကျင့်သိက္ခာကို ထိပါးပြောဆိုလာမယ်ဆိုရင်လဲ အချိန်မဆိုင်းဘဲ ဖြေရှင်းတတ်သူပါ၊အလွန်ပဲစေ့စပ်သေချာတဲ့သူတွေပါ။ စနစ် ကောင်း တယ်။ အလုပ်ကိုတန်ဖိုးထားမြတ်နိုးတယ်။အလုပ်နဲ့လက်နဲ့ပြတ် နေရင် မနေတတ်ဘဲ တစ်ခုခုရှာပြီးလုပ်နေ တတ်သူပါ။

လုပ်စရာမရှိရင် ပျင်းနေတတ်ပြီး တစ်ခုခုလုပ်နေရမှာ ကျေနပ်နေသူတွေပါ။ မည်သည့်အလုပ်ကိုမဆို လွယ်လွယ်နဲ့ လက်မလျော့တတ်ဘဲ ဖြစ်မြောက်အောင် လုပ်တတ်သူပါ။ အလုပ်ကံကောင်းတတ်ကြတယ်။မည်သည်အလုပ်ကို မဆို ရေရှည်ဇောက်ချပြီး လုပ်ပါကထွန်းပေါက်ပါလိမ့်မယ်။ လက်ရှိဘဝနဲ့ မတင်းတိမ်ဘဲ အမြဲတမ်း ဘဝတတ် လမ်းကို ရှာနေတတ်တဲ့ အတွက် ဖြည်းဖြည်းချင်းအောင်မြင်မှုတွေရလာမှာပါ။ မည်သည့် ပညာရပ်ကိုမဆို သိ လွယ်တတ်လွယ်သူတွေပါ။ မိဘတွေကသာ ပညာရေးကို ထောက်ပံ့ပေးနိုင်မယ်ဆို အလွန်ထူးချွန်ပါ လိမ့်မယ်။ စိတ်ရှည်ကြတယ်။ အပင်ပန်းလဲ ခံနိုင်ကြတယ်။ဘာလုပ်လုပ် ဂရုတစိုက်ရှိတယ်။ လုပ်သလောက်အကျိုးဖြစ်ထွန်း ပင်ပေမဲ့ အောင်မြင်မှုအသီးအပွင့်တွေ အခွင့်အရေးတွေကို အခြားလူတွေကရသွားကြတာများပါတယ်။ မိမိကအခွင့် အရေးကို ဂရုမစိုက်ပါ။ တာဝန်ကျေပွန်ရင်ကျေနပ်နေတတ်သူပါ။ လုပ်ချင်တာလုပ်ရရင် ပျော်နေတတ်သူပါ။

သူများအကျိုးစီးပွားကိုတောင်မှ အကူအညီတောင်းရင်မငြင်းတတ်သူပါ။ စိတ်ကောင်း စေတနာကောင်း သည်၊ရိုးသားတယ်။ ဒါပေမဲ့ ပွင့်ပွင့်လင်းလင်းပြောတတ်ကြတယ်။ အပြစ်လုပ်ထားရင်လဲ အားမနာတမ်းပြောတတ် ကြပါတယ်။ ပြောပြီးရင်လဲ မေ့မေ့ပျောက်ပျောက်နဲ့ နေတတ်သူ တွေပါ။ ရန်ညှိုးမထားတတ်ဘူး။ မိမိကအေးဆေး တည် ငြိမ်စွာနေတတ်တဲ့ အတွက် လူအများက ဘဝင်မြင့်တယ်။ မာနကြီးတယ်လို့ထင်တတ်ကြပါတယ်။ကိုယ်ကလဲ ခင်မင်သူများနဲ့ သာလိုက်ရောညီထွေ နေတတ်ပြီး မခင်မင်သူတွေနဲ့ကတော့ ခပ်ကင်းကင်းနေတတ်ပါတယ်။

ဒါပေမဲ့မိမိကံက အပေါင်းအသင်းကံညံ့ပါတယ်။ မိမိကစေတနာနဲ့ပြောဆိုရင်တောင် မိတ်ဆွေတွေကအကောင်း မထင် တတ်ပါ။ မိမိကပဲ အနစ်နာခံပေါင်းသင်းနေရတတ်ပါတယ်။ မိမိက ကကျွေးလဲကျွေးရ အဆဲလဲခံရမဲ့ဇာတာပါ။ မိမိကလဲအဖော်ခင်တယ်။ အပေါင်းအသင်းမက်တယ်။ အပျော်အပါး ပွဲလမ်းသဘင် ဝါသနာထုံတယ်။ ခရီးထွက် ရတာ ဝါသနာပါတယ်။

မိမိဇာတာက သားသမီးအကျိုးပေးကံအားနည်းတယ်၊အနည်းဆုံး မိဘကို ဒုက္ခပေးမဲ့ စုန်းပြူးတစ်ယောက် လောက်တော့ပါလာတတ်တယ်။ ကိုယ်ကလဲ သားသမီးတွေ ဘာလုပ်လုပ်မျက်စိစပါးမွှေးစူးနေတတ်တယ်။ ဘာပဲ လုပ်လုပ် အစမှာတော့ မိမိကအလွန်ပဲစိုးရိမ်တတ်ကြတယ်။ တကယ်လုပ်ကြည့်တဲ့အခါ မိမိအတွက်အခက်အခဲမရှိ အဆင်ပြေသွားတတ်ပါတယ်။ ဇွတ်လုပ်တတ်ပြီး ဝီရိယရှိတဲ့အတွက် အောင်မြင်မှုလမ်းပေါ်ရောက်ပါလိမ့်မယ်။

#သိုက်ဖွားဟောကိန်း

စိတ်ကူးတွေနဲ့ ဖန်တီးလို့မရ၊ အမြဲတမ်းလက်တွေ့ကျကျပဲအဆင်ပြေမည်။ စိတ်ကူးစိတ်သန်းတွေနဲ့ ရေရှည် ရည်မှန်းပြီးလုပ်သမျှ အဆင်ပြေဖို့မလွယ်။ ဘဝကိုလက်တွေကျကျ အကောင်အထည်ဖော်နိုင်မှရမည်။ အလုပ်ကိုလဲ အပင်ပန်းခံပြီးလုပ်ရမဲ့ ဇာတာပေါ့။ သူများတွေ တစ်နှစ်ထဲကြိုးစားပြီးအောင်မြင်တဲ့အလုပ်ကို ကိုယ်က သုံးနှစ် လောက်ကြိုးစားရမည်။ အလုပ်နှင့် လက်နဲ့မပြတ် လုပ်တတ်ပေမဲ့ မကြာခဏ ကြွေးတင်နေတတ် သည်။ လက်ထဲ ငွေပြတ်နေတယ်။ မိမိကစည်းကမ်းရှိသည်။ ငွေကိုစနစ်တကျသုံး တတ်သော်လည်း မိသားစုကြောင့် ကျန်းမာရေး ကြောင့် ငွေသုံးရတတ်သည်။

မိမိကိုယ်တိုင်ကလဲ အလုပ်မရှိရင်မနေတတ်။ တစ်ခုခုအမြဲလုပ်နေတတ်သည်။ လုပ်သလောက် အလုပ် အကျိုး မခံစားရတတ်ပေ။ အလုပ်ကံညံ့သည်။ နှစ်ပေါင်းများစွာလုပ်ပြီး ရာထူးမတိုးတာ လစာမတိုးတာမျိုးကြုံ ရတတ်တယ်။ ဘယ်လောက်လုပ်လုပ်အကောင်းပြောမခံရတတ်။ မကြာခဏ စေတနာဝန်ထမ်း လုပ်နေရမည်။ အိတ်စိုက်လုပ်ရမည်။တာဝန်ကျေပွန်အောင်လုပ်ပေးပေမဲ့ နောက်ကွယ်မှာအပြစ်ပြောခြင်းခံရမည်၊

မိမိကစိတ်ကောင်းရှိသည်။ သည်းခံစိတ်ရှိသည်။ လူအများကိုလဲ ခင်တွယ်စိတ်ရှိတယ်။ မိမိက ဘာမဟုတ်တဲ့ ကိစ္စလေးတွေနဲ့ စိတ်ဆိုးနေတတ်သည်။ ကလေးတစ်ယောက်လို စိတ်ကောက်လိုက် စိတ်ပြေလိုက် မကြာခဏဖြစ် တတ်သည်။ မိမိသည် အပေါင်းအသင်းများသည်။ ဒါပေမဲ့ ရေရှည်လက်မတွဲတတ်။ အပေါင်းအသင်းသစ်တွေနဲ့ လဲ အမြဲတွေ့နေတတ်တဲ့အဖွားတွေပါပဲ။ အပျိုကြီး လူပျိုကြီးတွေလဲ ဖြစ်လွယ်ကြတယ်။ မိမိသည် လူအပင်ပန်းခံနိုင် ပေမဲ့ စိတ်အပင်ပန်းမခံနိုင်ကြပါ။ ဒါပေမဲ့ကံကလဲ စိတ်ပင်ပန်းအမြဲခံရမည်။ တစ်ယောက်ထဲဆို အားငယ်နေတတ် သည်။ ဝမ်းနည်းနေတတ်သည်။ မိမိကိုယ်ကို အားမလိုအားမရဖြစ်နေတတ်သည်။ အလုပ်တစ်ခု ကိုယ်လဲမိမိဆုံးဖြတ် ချက်ဖြင့်မဆုံးဖြတ်နိုင်ပါ။ အမြဲသူများဆီက အကြံဉာဏ်တောင်းနေရတတ်သည်။

မိမိက ပေါင်းသင်းဆက်ဆံရေးကောင်းပါတယ်။ ခင်မင်အောင်နေတတ်တယ်။ မိမိက တစ်ပါးသူကို အထင်ကြီးပြီး အယုံလွယ်တတ်တဲ့ အတွက်အလိမ်ခံရတတ်တယ်။မိမိကစိတ်အပြောင်းအလဲမြန်တယ်။ တစ်ခုမပြီးသေးခင်နောက် အသစ် တစ်ခုလုပ်တတ် တယ်။ မိမိကကံကိုယ်ယုံကြည်သည်။ ကောင်းတာလုပ်ရင် ကောင်းတာဖြစ်မယ်လို့ခံယူ ထားသည်။ စိတ်ရှည်ပြီး မည်သည့်အလုပ်ကိုယ်မဆို သေသပ်စွာ လုပ်တတ်သည်။ မိမိကလဲ အများအထင်ကြီး အောင်လဲနေတတ်ကြသည်။

နှုတ်မှုရေးရာ ၊ အနုပညာ အလုပ်တွေ နဲ့အောင်မြင်တတ်သည်။ သိပ်မရင်းနှီးတဲ့သူဆို မိမိက စကားနည်းတဲ့သူလို ထင်ရပေမဲ့ မိမိကအရမ်းရင်းနှီးရင်တော့ စကားကိုကရားရေလွှတ်ပြောတတ်သူပါ။ စကားကိုအတုံးအလိုက်ပြော တတ်သည်။ ချီးကျူးစရာရှိလျှင် အလွန်အကျူး ချီးကျူးတတ်သလို အပြစ်တွေ့ရင်လဲ အာမနားတမ်းပြောတတ်တဲ့ အကျင့်ရှိသူပါ။ ဘွင်ဘွင်ရှင်းရှင်းပြောတတ်သည်။ မသွယ်ဝိုက်တတ်ပေ။

မိမိသည် စိတ်ကူးအလွန်ယဉ်သည်။ စိတ်ကူးနဲ့ လေထဲတိုက်အိမ်ဆောက်နေတတ်သည်။ စိတ်ကူးထားတာ ဖြစ် မလာရင်လဲ လွန်စွာ စိတ်ဓာတ်ကျတတ်သည်။ မိမိကထိုသို့ စိတ်ကူးနဲ့လုပ်မရပါ။ လက်တွေ့လုပ်ပါ။ အလုပ်ထဲကမှ ဘဝအတွက်အဆီအနှစ်တွေထုတ်ယူပါ။ လက်တွေဘဝကနေ အောင်မြင်မှုရှာပါ။ ။

#ရာဇာဖွားဟောကိန်း

စိတ်ထားကောင်းသည်။ စေတနာကောင်းသည်။ သနားငဲ့ညှာစိတ်ကြီးမားသည်။ သူများတွေကို အမြဲ တွန်းတွန်းတိုက်တိုက်အားပေးတတ်သည်။ သူများတွေကိုလဲ အားရှိစေမည့်စကားတွေနဲ့အမြဲအားပေးတတ်သည်။ ပင်ကိုယ်သဘာဝအရ ရိုးသားသည်၊တည်ကြည်သည်။ သို့သော်ပျင်းရိတတ်သည်။ လုပ်မည်ဟု ဆုံးဖြတ်ထားပြီး အချိန်ဆွဲနေတတ်သည်။ တော်တော်နဲ့ မစဖြစ်ပေ။ လုပ်ပြီဆိုရင်လဲ နေ့မအိပ် ညမအိပ်လုပ်နိုင်တဲ့သူပါပဲ။ အလွန် ပင်ပန်းခံနိုင်သည်။ ထိုသိုအပင်ပန်း ခံသည့်အလုပ်တွေကလဲ မိမိစိတ်ပျော်မဲ့အလုပ်တွေသာရွေးလုပ်တာပါ။ စိတ်ချမ်း သာ မှုကို အလွန်မြတ်နိုး အလေးထားသည်။ စထားပြီး အဆုံးမသတ်ဖြစ်တဲ့ အလုပ်တွေလဲ မိမိဆီမှာ အများကြီးပင်။ မိမိသည် စိတ်ညစ်တာ စိတ်ရှုပ်တာမခံနိုင်ပါ။

မိမိသည်အားနာတတ်သည်။ အားနာလွန်းတာက မိမိအတွက်မကောင်းပါ။ မိမိသည် အားနည်းချက်များစွာ ရှိနေ တတ်သည်။ ပေါ့ဆပြီး ပြီးစလွယ်လုပ်မည်၊ တစ်ခုခု လုပ်နေရင်း နောက်အသစ်တစ်ခုကိုစိတ်ပါသွားတတ်သည်။ စိတ် မငြိမ်။ အယူသည်းသည်။ ဇီဇာကြောင်တတ်သည်။ အငြင်းအခုန်သန်သည်။ မိမိသည် သူများတွေအတွက် အလွန် လွယ်ကူသောအလုပ်တွေကမိမိအတွက်ခက်ခဲနေတတ်သလိုသူများတွေမလုပ်နိုင်သောလက်လျှော့ထားသော အလုပ် တွေကိုလဲမိမိကအောင်မြင်အောင်လုပ်နိုင်သည်။ မိမိသည် ငြိမ်းငြိမ်းချမ်းချမ်းနေလိုသည်။ ကာယဝိဝေက စိတ္တဝိဝေက ဖြစ်သော နေရာမှာနေလိုသည်။ တစ်ယောက်ထဲလဲနေတတ်သည်။ အဖော်အပေါင်းအသင်းမမက်ပေ။ ဘဝင်မမြင့်တတ်ပေမဲ့ အလွန်မာနကြီးသည်။ ပညာမာန အလုပ်မာနရှိသည်။ သူများဆီက တစ်ပြားသားမှအလကား မလိုချင်သလို ကိုယ်ကလဲ တစ်ပြားသားမှမပေးချင်ပါ။ မိမိအားနှိမ့်ချဆက်ဆံထားသူအား မမေ့တတ်။ အခါအခွင့် ကြုံရင် ပြန်ကလဲ့စားခြေဖို့ စောင့်နေတတ်သည်။

ဆင်းရဲတဲ့မိဘက ပေါက်ဖွားပါစေ လူနေခြုံကြား စိတ်နေဘုံဖျား စိတ်မျိုးရှိသည်။ မတရားမှုများကိုလက်မခံတတ်ပေ။ မိမိဇာတာဟာ ကံအလွန်ကောင်းသည် မဟုတ် သော်လဲ ရည်မှန်းချက်ထားပြီးကြိုးစားတဲ့အတွက် အောင်မြင်လိမ့် မည်။ ရည်မှန်းချက်မရှိတဲ့ ရာဇဖွားတွေအတွက် အနာဂတ်မကောင်းနိုင်။ မိမိသည် သမိုင်းကိုစိတ်ဝင်စားသည်။ သူရဲကောင်းများ လူစွမ်းကောင်းများအား ကျတတ်ပြီး သူတို့လို ဖြစ်ချင်စိတ်ရှိမည်၊ ဂမ္ဘီရပစ္စည်းတွေစိတ်ဝင်စားသည်၊ ရှေ့ရိုးဆန်သည်။  ရိုးရာဓလေ့ထုံးစံကို လိုက်နာကျင့်သုံးသည်။ အမျိုးဘာသာ သာသနာကို ချစ်မြတ်နိုးသည်။မိမိသည် ထူးဆန်းသော ဂမ္ဘီရနှင့်နွယ်သော ကိစ္စများ ကိုလေ့လာလိုက်စားလိုသည်။ ငွေကြေးကို စည်းနှင့်ကမ်းနှင့်သုံးသည်။ နှမြောတတ်သည်။ ဒါပေမဲ့ မိမိလိုချင်တဲ့ပစ္စည်းဆိုရင် မတန်တဆနှင့်ရောင်းလဲ ဝယ်သည်။ မနှမြောတော့ပေ။ ဘဝတစ်ဝက်လောက်ထိ ငွေစုဆောင်းလို့မရတတ်ပေ။ စုလိုက်ကုန်လိုက်ဖြစ်နေ မည်။ ငွေနှင့်အလွန်နီးသော ဇာတာပါတယ်။ စိတ်ထဲမှာလောဘကြီးပေမဲ့ လက်တွေ့မှာ ရသမျှနှင့်ရောင်ရဲ လွယ်သည်။

မိမိသတိထားရမည်က အိမ်ထောင်ရေးပါ။ သနားလို့အားနာလို့ မယူမိစေနဲ့။ လွယ်လွယ်ဆုံးဖြတ်ပြီး အိမ်ထောင် မပြုသင့်ပေ။ အိမ်ထောင်ရေးကံညံ့လွယ်သည်။ မိမိချစ်မြတ်နိုးရင်တောင် သူ့အကြောင်းသေချာလေ့လာပြီး မှယူ သင့်သည်။ မိဘ လူကြီးတွေကပါ သဘောတူသည့်အိမ်ထောင်ဘက်ဆို အလွန်ကောင်းသည်။မိမိသည် ဒုက္ခကိုပဲ ဖြစ်ဖြစ် သုခကိုပဲဖြစ်ဖြစ် မည်သူ့ကိုမှထုတ်ဖော်မပြောတတ်ပါ။ သူများကိုဒုက္ခမပေးပါ၊ ပြဿ နာတွေကို မိမိ တစ် ယောက်ထဲသာ ခါးစည်းခံလိုသည်၊ ဒါကြောင့်လဲ မိမိကိုကြည့်ရုံနှင့် ပျော်နေလား စိတ်ဆင်းရဲနေလား မခန့်မှန်း နိုင်ကြပါ။ မိန်းမတွေနဲ့ ပက်သက်ပြီးအကူအညီတွေရနိုင်သည်၊ စပ်တူရှယ်ယာ လွန်စွာအကျိုးပေးသည်၊၊ ။

#ပုတိဖွားဟောကိန်း

အရာရာတိုင်းကို လက်တွေ့မှ ယုံကြည်တတ်ကြသည်။ယထာဘူတကျမှ လက်ခံတတ်သည်။ သူများက မြှောက်ပြောတိုင်းလဲ ဘဝင်မမြင့်တတ်သလို ခြောက်ပြောတိုင်းလဲ မကြောက်တတ်ပေ။ စည်းနဲ့ကမ်းနဲ့နေတတ်သည်။ အောက်သက်ကြေသည်။ ပေးပြီးသားကတိကို တည်အောင်ထိန်းသည်။ မည်သည့်အလုပ်ကိုမဆို လေးလေး စားစားလုပ်တတ်သည်။ လူအများ၏ အထင်ကြီးခြင်း လေးစားခြင်းခံရမည်။ စည်းရုံးရေးကောင်းသည်။ဒါပေမဲ့ မိမိ၏ ကိုယ်စွမ်းကိုယ်စများကို မထုတ်ဖော်နိုင်တဲ့ ပုတိဖွားတွေ မအောင်မြင်တတ်ပေ။ မိမိအောင်မြင်ဖို့ ပတ်ဝန်း ကျင်ကောင်း အသိုင်းအဝိုင်းကောင်းမှရသည်။ဘဝတစ်လျှောက်လုံး ရုန်းကန်လုှပ်ရှားနေရတတ်သည်။ အတတ် အကျ များသည်။ တုန်လှုပ်ဖွယ်ရာ ဘေးဆိုးများ မမျှော်လင့်တာသော ပြဿ နာများးလဲ မကြာခဏကြုံရတတ်သည်။ ဒါပေမဲ့ ဒုက္ခတွေကြားက သီသီလေးလွတ်မြောက်တတ်သည်။ အမြဲတမ်းအလကားမနေတတ်။ တစ်ခုခုလုပ်နေရ မှကျေနပ်ကြသည်။ အပြင်ပန်းအမြင်မှာ အေးဆေးတည်ငြိမ်တယ် ထင်ရပေမဲ့ စိတ်တိုဒေါသထွက်လျှင် အမှန်အမှား မခွဲခြားတတ်တော့ပေ။ ထိန်းသိမ်းနိုင်စွမ်းနည်းကြသည်။ ဘဝတိုက်ပွဲအမြဲ ဆင်နွဲနေရမှ ကျေနပ်နေတတ်ကြတယ်။

အရာရာ ပြတ်ပြတ်သားသား ဆောင်ရွက်သည်။ တစ်ခါတလေအားနာတတ်သော်လဲ အားမနာတာကများတယ်။ ရဲတင်းလွန်ခြင်း ဦဆောင်ရဲခြင်းက လူအများရဲ့သြဘာ ပေးခြင်းခံရတတ်သည်။ မိမိသည်စိတ်ကောင်းစိတ်ဆိုး တစ်လှည့်ဆီဖြစ်မည်။ သူတော်ကောင်းစိတ် ဝင်နေရင်သူများထက် သူများထက်ကောင်းတတ်ပြီး စိတ်ဆိုး စိတ် ယုတ်ဝင်လာရင် ဘီလူးထက်မိုက်ပြတတ်သည်။

ပုတိဖွားတွေဟာ ငယ်ငယ်ကဖတ်ဖူးတဲ့ ကျေးညီနောင်ပုံပြင်လိုပါပဲ။သူတော်ကောင်းနဲ့နီးရင် သူတော်ကောင်း ဖြစ်သွားတတ်သလို သူယုတ်မာနဲ့ နီးရင် သူယုတ်မာဖြစ်သွားတတ်ပါတယ်။ ဒါကြောင့် အောင်မြင်နေတဲ့ပုတိဖွား တွေကိုသုတေသနပြုကြည့်တဲ့အခါမှာ ပတ်ဝန်းကျင်ကောင်းမှာ နေခဲ့ရတာကို တွေ့ရပါတယ်။မိမိသည် အခွင့် အရေးတွေကို လက်လွတ်မခံတတ်ဘဲရအောင်ယူတတ်သူပါပဲ။ ဖြောင့်မတ်ရိုးသားသူတွေပါပဲ။ စိတ်အခန့်မသင်လျှင် ဒေါသထွက်လွယ်သည်။ ဒေါသကြီးတာ ဒေါသထွက်လွယ်တာကို ရှောင်သင့်တယ်၊အောင်မြင်မှုအတွက် အတား အဆီး ဖြစ်နိုင်လို့ပါပဲ။ နာမည်ကျော်ကြားလွယ်တဲ့ဇာတာပါပဲ။ ကောင်းတာလုပ်ရင် နာမည်ကောင်းနဲ့ကျော်ကြားသလို ဆိုးတာလုပ်ရင်လဲ နာမည်ဆိုးကို ဖုံးဖိထားလို့မရပါဘူး။

မိမိသည်ငွေနှင့်နီးတဲ့ ဇာတာပါပဲ။ မကြာခဏငွေရတတ်သည်။ ငွေကို စည်းနဲ့ကမ်းနဲ့ သုံးမယ်လို့ ရည်မှန်းထား သော်လည်း လက်တွေ့မှာတော့လက်ဖွာတတ်သူပါပဲ။ ရှိရင်ရှိသလိုသုံးတတ်ပြီး မရှိရင်ရေသောက်ဗိုက်မှောက်နေ တတ် သူပါပဲ။ စုလိုက်ကုန်လိုက်ပါပဲ။ ဘဝမှာ ဒုတိယအရွယ်ကအလွန်ကောင်းမည်။အောင်မြင်မည်။ ကျော်ကြား မည်။ လူအထင်ကြီးခြင်းခံရမည်။ မိမိဘဝဟာ မကြာခဏအပြောင်းအလဲကြုံရ တတ်သည်။ အလုပ်မှာလဲ လက်ငါး ချောင်းထက်မနည်းပြောင်းလဲလုပ်ကိုင်နေရတတ်သည်။ ပုတိဖွားတွေဟာ မူရင်း စိတ်ထားဖြူစင်ပေမဲ့ ပတ်ဝန်းကျင် ကြောင့် အရောင်ပြောင်းသွားတတ်သည်။ အိမ်ထောင်ဘက်ကောင်းရတတ်သည်။ သားသမီးအကျိုးမခံစားရ တတ် ပေ။

#အဓိပတိဖွား ဟောကိန်း

အဓိပတိဆိုတဲ့အတိုင်းပဲ သူ့တို့တွေဟာ ခေါင်းဆောင်လုပ်လိုကြတယ်။ သြဇာပေးလို့ကြတယ်။အကြံပေး ချင်ကြတယ်။ သူများနောက်လိုက်မလုပ်လို။ လူ့အောက်ကျို့ သိပ်မခံချင်ကြဘူး။ မိမိသာဘယ်အရာကိုမဆို စိတ်ပါ လက်ပါလုပ်မယ်ဆို ထိပ်ဆုံးရောက်နိုင်တဲ့ သူတွေပါ။ လက်တွေ့မှာတော့ စိတ်ကူးများနေတတ်တယ်၊လေထဲတိုက် အိမ်ဆောက်နေတတ်ကြတယ်။ စီမံကိန်းတွေချ ၊ planတွေချပြီး လက်တွေမလုပ်ဖြစ်တတ်ပါ။

မိမိ ဉာဏ်ရည်ထက်မြက်သည်။ အတွေးအခေါ်ကောင်းသည်။ သင်ပြရလွယ်သည်။ သူများတစ်နှစ်လောက် သင်ရတဲ့ ပညာကို မိမိက တစ်လလောက်သင်တာနဲ့ တတ်မြောက်သည်။ ထီထွင်ဖန်တီးလိုစိတ် ပြင်းထန်သည်။ မိမိက ကာယ အားမကိုးချင်။ ဉာဏ်နသာ စိုက်ထုတ်လုပ်ချင်သည်။ ကျောပူမခံနိုင်ပေမဲ့ ခေါင်းပူခံနိုင်ကြတယ်။မိမိက အရာရာ စိတ်ဝင် တစား လေ့လာလိုက်စားတတ်သည်။ အလုပ်တစ်ခုကိုလဲ ဇောက်ချမလုပ်ချင်ကြပေ။ ပညာရပ်တွေကိုလဲ နည်းနည်းစီလိုက်စားထားသည်။ ဒါကြောင့် သူ့တို့မသိတဲ့ ကဏ္ဍမရှိ ၊ အတွင်းကျကျသိသည်လဲမဟုတ်ပေ။ အပေါ်ယံ သာသိသည်။အဓိပတိဖွားတွေဟာ စကားပြောကောင်းကြသည်၊ကိုယ့်ဘက်ပါအောင်စည်းရုံးတတ်သည်။ ပီယဝါစာ စကားတွေနဲ့ လူအများကို ဆွဲဆောင်နိုင်ကြတယ်။ အဓိပတိ ဖွားတွေဟာ အနုပညာဗီဇပါကြသည်။ စန်းရှိသည်။     အနုပညာ လက်မှုပညာတွေနဲ့ အောင်မြင်တတ်သည်။စိတ်ရှည်ဇွဲသန်ဖို့တော့ လိုတာပေါ့။ အဓိပတိဖွားတွေက ငွေနဲ့ဝေးတဲ့ဇာတာပါတယ်။ လိုက်လေဝေးလေဖြစ်နေတတ်တယ်။ ငွေအစုလိုက်ရမယ်ဆိုပြီး မရဘဲဖြစ်နေ တတ် တယ်။ အမွေရရင်တောင် မိမိခွဲတမ်းကနည်းနေတတ်တယ်။ ထီပေါက်ရင် အဖတ်မတင်ဘဲကုန်သွားတတ်တယ်၊

မိမိရဲ့ ပြင်ရမဲ့အချက်တွေထဲမှာ သနားတတ်တာရောအားနာတတ်တာရောပါတယ်။ သနားလို့ ငွေချေးရင် ဆုံးမှာပဲ။ အားနာလို့ ချေးလိုက်ရင်လဲ လှူလိုက်တယ်လို့ပဲ သဘောထားရလိမ့်မယ်။ မိမိက သူများငိုပြရင် လွန်စွာသနား တတ်သည်။ ရှိတာလေးထုတ်ပေးတတ်တယ်။ ငွေအချေးအဌားကြောင့် ဘဝမှာ ခဏခဏစိတ်ဆင်းရဲရ မည်။ အကြွေးပြန်မရလို့ အကူအညီလာတောင်းတဲ့ သူတွေဟာအဓိပတိဖွားတွေ အများဆုံးဖြစ်နေတာတွေ့ရတတ်တယ်။

မိမိကံဇာတာအောက်လက်ငယ်သားတော်လှန်မဲ့ ဇာတာပါ၊တပည့်မွေးလို့မရဘူး၊ ကိုယ်ကစေတနာနဲ့ တပည့်ကို လိုက်လိုက်ရောရောနေပြီး ပညာကုန်သင်ပေးရင် မိမိကိုအာခံလိမ့်မယ်၊ ကိုယ်မွေးတဲ့မျောက်က ကိုယ့်ကိုပြန်ခြောက် တတ်တယ်။ မိမိစေတနာကိုနားမလည်ဘူး၊ မိမိကိုပမာမခန့် လုပ်တတ်တယ်။ မိမိစေတနာကိုစော်ကားတတ်တယ်။ မိမိဟာ အေးအေးချမ်းချမ်းနေတတ်ကြတယ်။ ရိုးရိုးသားသားနေမယ်။ ဒါကြောင်ပဲ မိမိကိုယ် ပတ်ဝန်းကျင်က ငွေရှိ တယ်။ ချမ်းသာတယ်ဟုထင်တတ်ကြသည်။ လက်တွ့မှာတော့ အမြဲတမ်းဘိုင်ကျနေမည်။ငွေမကြာခဏပြတ်နေ တတ်သည်။

မိမိက လူမှုရေး နိုင်ငံရေး စိတ်ဝင်စားမည်။ ဒါကြောင့်ပဲ ရပ်ကွက်ကောင်းစားရေးက စပြီး လုပ်နေမိတတ်သည်။ အများအတွက် စေတနာဝန်ထမ်းလုပ်နေရတတ်သည်။မိမိသည် ငွေအစုလိုက်ဝင်သည်။ လူမှုရေး ပရဟိတရပ်ရွာ ကောင်းစားရေးအတွက်နဲ့ပဲ ထိုငွေပြန်ကုန်တတ်သည်။ မိမိဘဝမှာအောင်မြင်လိုရင် ကြိုးစားပါ။ အတ္တနဲ့ပရမျှတစွာ လုပ်ပါ။ ဇွဲရှိပါ။ ကံဉာဏ်ဝီရိယ သုံးပါးမှာ မိမိကကံကောင်း ဉာဏ်ကောင်းပြီး ဝီရိယနည်းနေပါလိမ့်မည်။

၇ရက်သားသမီးအပေါင်း ရန်သူမျိုးငါးပါးဘေးနှင့် ကပ်၃ပါးဘေးမှ ကင်းဝေးနိုင်ကြပါစေ                                                                                                                                             ဆရာငြိမ်းအေးလူ(ဗေဒင်သုတေသီ)

                                                                                                            0977 5555 695

                                                                                                            09 44 5555 695