Uncategorized – Page 16 – Sayar Nyein Aye Lu

ငွေကြေးအကြပ်အတည်း ကြုံနေသူများအတွက် ယတြာလက်ဆောင်

       တပေါင်းလ…။ ရွက်ဟောင်းတွေကြွေ ရွက်သစ်တွေဝေပြီ။ ခြံရှေ့ ကြွေလွင့်နေတဲ့ ရွက်ခြောက်တွေကိုတံမြက်စည်းနဲ့ ညင်ညင်သာသာ လှည်းကျင်းနေမိသည်။ နံနက်စောစောဖြစ်တာကြောင့် လမ်းတစ်လျှောက်လူရှင်းနေသည်။ နံနက်ခင်းလေနုအေးနဲ့အတူ ကံ့ကော်ပန်းရနံ့တွေရမိသည်။ 

   “သြော် နွေဦးကံ့ကော်တွေတောင် ပွင့်နေပါလား”
ဟုစိတ်ထဲပြောနေမိသည်။

  “ဆရာလေး …ဘာတွေစဉ်းစားနေတာတုန်း “

တစ်လမ်းထဲနေတဲ့ ကိုကျော်ဆန်းရဲ့အမေးစကား..။

 “စဉ်းစားနေတာမဟုတ်ပါဘူးဗျာ…ကံ့ကော်ပန်းရနံ့လေးရလို့ ရှူရှိုက်နေတာပါ”

“ဟုတ်တယ်ဆရာလေး …ရှေ့လမ်းဆုံက ကံ့ကော်ပင်ကြီး ပွင့်နေတာလေ…ဆရာလေး တံမြက်စည်းလှည်းလို့ ပြီးပြီမဟုတ်လား …ကော်ဖီဆိုင်သွားရအောင်လေ..”

   “ဟုတ်ပါပြီဗျ..ခဏလေးစောင့်”

တံမြက်စည်းကို ခြံထဲထည့်လက်ဆေးပြီး ထွက်လာခဲ့သည်။  

 “ဆရာလေးရဲ့ကျေးဇူးတွေကတော့ ကျွန်တော့်အပေါ်များနေပြီဗျ..ဟိုနေကတောင် ဦးဂျမ်းတစ်ထည်လာကန်တော့ သေးတယ်..ဆရာလေးရန်ကုန်သွားတယ်ဆိုလို့ ပေးထားခဲ့တာ”

   “ရတယ်ဗျ အဲဒီပုဆိုးလေး …အကွက်လေးလဲလှတယ်”

  စကားတပြောပြောနဲ့လမ်းလျှောက်လာလိုက်တာ 
ကော်ဖီဆိုင်ကိုတောင်ရောက်လာခဲ့လေပြီ…။သောက်နေကျ အတိုင်း ပေါ့ဆိမ့်တစ်ခွက်နှင့် တိုရှည်တစ်ပွဲမှာလိုက်သည်။ ကိုကျော်ဆန်းက နန်းကြီးသုပ်မှာစားသည်။

  “ဘယ်လိုလဲ ကိုကျော်ဆန်း..အစစအရာရာအဆင်ပြေရဲ့လား…”

  “အဲဒါပဲပြောမလို့ ဆရာရေ…ဆရာလေးခိုင်းတာလုပ်ပြီးကတည်းက အလုပ်တွေကောင်း၊ငွေရွှင်ပြီး ၊
ရစရာရှိတဲ့ အကြွေးတွေလဲ ရတယ်ဗျ” 

အားရဝမ်းသာဖြင့် ကိုကျော်ဆန်းပြောရှာသည်။ 

“အစကတော့ သိပ်မယုံဘူးဆရာလေးရေ …ရက်နှစ်ဆယ်ကျော်လောက်ရောက်တော့ စပြီးထူးခြားတာပါပဲ…အခုကတော့ အမြဲတမ်းလုပ်ဖြစ်တယ်” 

ကိုကျော်ဆန်း လာတဲ့ နေ့ကို ပြန်အမှတ်ရမိသည်။

အုတ် သဲ ကျောက် ရောင်းဝယ်ရေးလုပ်ပြီး စီးပွားရှာသူတစ်ယောက်။ ရောင်းထားတဲ့ အုတ်သဲကျောက်ဖိုး ငွေတွေကမရ …သားအကြီးက accidentဖြစ်ပြီး လျှောကြေးပေးရ၊ အိမ်မှာရှိတဲ့ စက်ကားတွေကပျက်နဲ့ အတော်လေး ဒုက္ခတွေများပြီး ရောက်လာခဲ့သူ။ 

   ” ကဲ …ကိုကျော်ဆန်းရေ …ခင်ဗျားရဲ့ ဒုက္ခတွေကလဲများတယ်ဗျ….ဒီလိုလုပ်ဗျ…
ခင်ဗျားပုတီးတော့ စိပ်ရလိမ့်မယ်…”

“စိပ်ပါ့မယ်ဆရာလေး …နေ့တိုင်းမစိပ်ဖြစ်ပေမဲ့ တစ်ခါတစ်လေတော့ စိပ်ဖြစ်ပါတယ်..”

 အဲဒါဆို “အရဟံ  သိဒ္ဓိ ဘဂဝါ “လို့ ရွတ်ဆိုပြီး ပုတီးတစ်လုံးချ ဗျ။  ၁၀၈လုံးပုတီးနဲ့ တစ်နေ့ကို ကိုးပတ်စိပ်ဗျ။ စိပ်မယ်ဆိုရင်တော့ တစ်ထိုင်ထဲကိုးပတ်ရအောင်စိပ်ဗျ။ မနက် လေးပတ် စိပ်ပြီး ညငါးပတ်စိပ်မယ်ဆိုတာမျိုးတော့ မလုပ်နဲ့ပေါ့ဗျ.. စိပ်နေစဉ် အရဟံဂုဏ်တော်ရဲ့ အနက်အဓိပါ္ပယ်တွေ ဘဂဝါဂုဏ်တော်ရဲ့ အနက်အဓိပါ္ပယ်တွေကိုတော့ နှလုံးသွင်းဆင်ခြင်ပေါ့ဗျာ “

 ” သဘောပေါက်ပြီ…ဆရာလေး နေ့တိုင်းစိပ်မယ်ဗျ …ဒါနဲ့ ဘာထပ်လုပ်ဖို့ လိုသေးလဲ…”

” ဒါဆိုရပြီဗျ…မြန်မြန်အကျိုးထူးစေချင်ရင်တော့ အင်္ဂါနေ့၊ သောကြာနေ့၊စနေနေ့တွေမှာ …လမ်းဘေးခွေးတွေကို အာဟာရဒါန တစ်ခုခုကျွေးဗျ…အဆင်ပြေရာ လက်လှမ်းမီတဲ့ အစားအစာပေါ့လေ..မနက်ပိုင်းတော့ မကျွေးနဲ့ဗျ..ညနေပိုင်းပဲကျွေး ..ဒီလောက်တော့ လုပ်နိုင်မယ် ..မဟုတ်လား” 

 “လုပ်နိုင်ပါတယ်..ဆရာလေးရာ ဘာအပန်းကြီးတာမဟုတ်ဘူးလေ…” 

  “ဟုတ်ပါပြီဗျ…အခက်အခဲတွေ အဆင်ပြေပြီလို့သာ မှတ်လိုက်တော့ ကိုကျော်ဆန်းရေ….”

~~~~~~~~~~~~~~~~~~~~~~~~~~~~~~

 “ဆရာလေး..ဘာတွေစဉ်းစားနေတာတုန်းဗျ..ကော်ဖီတွေအေးကုန်မယ်..သောက်ဦးလေ…”

 “အေးဗျ…အတွေးလွန်သွားလို့…ကိုကျော်ဆန်းလာမေးတုန်းကအကြောင်းကို ပြန်တွေးမိနေတာ…
ထားပါတော့ …နေပူလာအုံးမယ်..သွားကြရအောင်
…”

နွေနေ့ရဲ့ အပူကို ထီးကိုယ်စီနဲ့ ငြိမ်းအေးစေနိုင်သလို..လူတွေရဲ့ ရင်ထဲအပူကို တတ်နိုင်သ၍ငြိမ်းအေးစေနိုင်မယ်ဆိုရင်ဖြင့်…

၇ရက်သားသမီးအပေါင်း 
      ကောင်းသောလိုအင်ဆန္ဒတွေပြည့်ဝကြပါစေ။

                       ငြိမ်းအေးလူ (ဗေဒင်သုတေသီ)

Viber Only( 09775555695)

ဘုန်းကံ ကြီးမားကြစေဖို့

By Nyein Aye Lu 0 Comments

  နှစ်အတန်ကြာခဲ့လေပြီ။

   ပဲခူးမြို့….ရွှေမောဓောဘုရားရင်ပြင်တော်။ အချိန်ကညနေစောင်း  ညီအကို မသိတသိအချိန်…။ 
အင်္ဂါထောင့်မှာ အသက် ၂၅နှစ်အရွယ်လောက်ရှိမဲ့ လူငယ်လေးတစ်ဦး ပုတီးစိပ်နေလေသည်။  ထိုသူငယ်က ပုတီးမစိပ်ခင် အင်္ဂါထောင့်မှာ ရေသပ္ပာယ် ပန်းဟောင်းစွန့်  သန့်ရှင်းရေးတွေလုပ်ပြီးမှ
ဘုရားရှစ်ခိုးပုတီးစိပ်လေ့ရှိသည်။  ဒါဟာလူငယ်လေးရဲ့ နိစ္စဓူဝ ကုသိုလ်အလုပ်။

   ထိုအချင်းအရာကို အမြဲသတိထားမိတာက အသက်၆၅နှစ်ဝန်းကျင်လောက် ရှိမည်ထင်ရတဲ့ အဘိုးအိုတစ်ဦး။ ဒီနေ့ အဘိုးအိုက ဘာစိတ်ကူးပေါက်သည်မသိ။ လူငယ်လေးပုတီးစိပ်နေတဲ့ အနားမှာထိုင်ပြီး ပုတီးစိပ်အပြီးကို ထိုင်စောင့်နေလေသည်။  နာရီဝက်ခန့်ကြာပြီးနောက် … ။ 
လူငယ်လေးပုတီးစိပ်ပြီး မေတ္တာပို့နေလေသည်။ 
    မေတ္တာပို့ပြီးအမျှဝေနေချိန်မှာ ထိုလူငယ်လေးနဲ့အတူ အဘိုးအိုပါ သာဓု သုံးကြိမ်ခေါ်လေသည်။ 

” သာဓု² ..သာဓု²…သာဓု²”

 လူငယ်လေးက အဘိုးအိုဘက်ကို လှည့်ပြီး 

 “အဘ..ဘာလို့ သာဓု လိုက်ခေါ်တာလဲ…”

  “ရှင်းရှင်းလေးပါ…ငါ့တူရယ် ဒီအသက်အရွယ်နဲ့ သမထဘာဝနာပွားများတဲ့သူက အတော့်ကိုရှားသွားပြီလေ..လေးစားလို့ သာဓုအတူတူလိုက်ခေါ်တာပေါ့ကွာ…

  “အခုလိုချီးကျူ းတာကျေးဇူးပါ …အဘ”

အဘိုးအိုက စကားမဆိုသေးဘဲ လွယ်အိတ်ထဲက ကွမ်းရွက်ကို ဖြန့်ခင်း ထုံး ကွမ်းသီး နဲ့ ဆေးရွက်ကြီးထည့်ပြီး ဝါးနေလေသည်။ 

   “ငါတူရေ …မင်းကိုသတိထားမိတာကြာပြီကွာ …နေ့တိုင်းနီးပါး ..ဒီအင်္ဂါထောင့်မှာ ပရိတ်ရွတ် ပုတီးစိပ်နေတာတွေ့ရတယ်.. ဒီနေတော့ စကားစမြည်လေးပြောချင်တာနဲ့ မင်းနားမှာ ထိုင်စောင့်နေတာပဲ…”

“ပြောလို့ရပါတယ်…အဘကျွန်တော်လဲ အချိန်ရပါတယ်”

 လူငယ်လေးကတော့ အဘိုးအို အသက်ကြီးလို့ စကားပြောဖော်မရှိလို့ မိမိအားစကားလာပြောသည်ဟုထင်မိလေသည်။  

   “ငါ့တူက  အင်္ဂါထောင့်မှာပဲ ပုတီးစိပ်တာဆိုတော့ အင်္ဂါသားလား” 

 “ဟုတ္ပါတယ္အဘ…အဂၤါသားပါ”

 အဘိုးအိုက လူငယ်လေးကို စူးစိုက်ကြည့်ပြီး 

“ဒါဆိုငါ့တူက လျှို့ဝှက်နက်နဲတဲ့ ပညာတွေကို သင်ကြားနေတာပဲ..ကြိုးစားကွ…အောင်မြင်လိမ့်မည်…
ဒါပေမဲ့ ငါ့တူက ဆရာတွေ အနီးကပ်ပညာယူရမဲ့ကံကတော့ နည်းရှာသားပဲ…”

“ဟုတ်ပါတယ်..အဘ ၊ ကျွန်တော်ဗေဒင်ပညာလေ့လာသင်ယူနေပါတယ်…အလုပ်တစ်ဖက်နဲ့ဆိုတော့ 
ဆရာတွေနဲ့ အနီးကပ်သင်ကြားခွင့်တော့မရပါဘူး.”

 အဘိုးအို ခေါင်းတညိတ်ညိတ်လုပ်ပြီး … 

 ” ငါ့တူရဲ့ ကံကအောင်မြင်မှုရဖို့ အချိန်ပေးရတတ်သလို အောင်မြင်မှုလမ်းကြောင်းပေါ်ရောက်ပြီဆိုရင်လဲ ဘဝနေဝင်ချိန်ထိ အောင်မြင်မှုတွေရှည်ကြာလိမ့်မယ်၊ “

(သောကြာနေ ညနေ ၆နာရီဝန်းကျင်ဆိုတော့ အင်္ဂဝိဇ္ဇာအရ သောကြာအခါပါပဲ…သောကြာအခါကိုတိုင်ထူပြီး ပြောပြသွားခြင်း…အင်္ဂဝိဇ္ဇာကို မဟာဘုတ်ပြောင်းထူပြီး ပြောခြင်းဖြစ်ကြောင်း အဘနောက်မှရှင်းပြသည် …ဤကား စကားချပ်)

  “အခုလိုပြောပြပေးတာ ကျေးဇူးပါ..အဘရယ်”

 “ဗေဒင်ပညာနဲ့ အသက်မွေးပြီး ၇ရက်သားသမီးကို 
ကယ်တင်မဲ့သူဟာ ..ဘုန်းကံကြီးမားဖို့ လိုတယ်…ငါ့တူ ၊ ကံမြင့်နေဖို့လဲ လိုတယ်လေ…အဘပြောတာ …နားလည်ရဲ့လား..”

“နားလည္ပါတယ္…အဘ “

” အချို့ ဗေဒင်ဆရာတွေဆို မိမိခိုက်နေတဲ့နေမျိုးကို ပိတ်ရက်အဖြစ်သတ်မှတ်ပြီး ဗေဒင်မဟောကြဘူး..
ကံညံ့တဲ့နေ့ ဆိုပြီးတော့လေ..အဲဒီအယူအဆကိုရော ငါတူကြားဖူးလား..”

“ၾကားဖူးပါတယ္…အဘ”

“အေးအေး… ဗေဒင်ဆရာပဲဖြစ်ဖြစ်၊ စီးပွားရေးလုပ်ငန်းလုပ်ကြသူတွေပဲဖြစ်ဖြစ် ၊ လခစားဝန်ထမ်းပဲဖြစ်ဖြစ် .. အနုပညာရှင် အတတ်ပညာရှင်ပဲဖြစ်ဖြစ်
နယ်ပယ်အသီးသီးမှာ အောင်မြင်ချင်တဲ့သူတွေဟာ ဘုန်းကံမြင့်မားဖို့လိုတယ် ငါ့တူ…ငါ့တူရော ဘုန်းမကြီးချင်ဘူးလား…”

 “ဘုန်းကြီးချင်တာပေါ့ အဘရယ်…”

  ” အဘအခုပြောတာကို လေးလေးနက်နက်လိုက်နာဖို့တော့လိုလိမ့်မယ်။ လိုက်နာနိုင်မယ်ဆိုရင်တော့ ဘုန်းကံကြီးမားခြင်းအကျိုးကိုခံစားရလိမ့်မယ်..
ငါ့တူ ဗေဒင်လေ့လာနေသူဆိုတော့ ငါ့တူရဲ့ တေဇအရပ်ကို သိတယ်မဟုတ်လား….”

 “သိပါတယ္..အဘ ..အဂၤါရဲ႕ေတဇအရပ္က 
သောကြာထောင့် မြောက်အရပ်ပါအဘ…..”

 အဘိုးအိုက ပြုံးပြီးခေါင်းညိတ်သည်။ 

 ” ဟုတ်တယ်…ငါ့တူရေ … အင်္ဂါသားတစ်ယောက်က ဘုန်းကံကြီးမားချင်တယ်ဆိုရင်တော့ နီးစပ်ရာစေတီရဲ့ သောကြာထောင့်မှာ တံမြက်စည်းလှဲမယ်၊ ပန်းဟောင်းတွေ အမှိုက်တွေစွန့်မယ်၊ ပန်းဆီမီးရေချမ်းတွေ ကပ်လှူမယ်၊ ဘုရားရှစ်ခိုး ပရိတ်ပဌာန်းတွေရွတ် ပုတီးစိပ်တာမျိုးလုပ်ပေးမယ် ဆိုရင် ထူးထူးခြားခြား ဘုန်းကံတွေမြင့်မားလာလိမ့်မယ်…. “

   “ဟုတ္နားလည္ပါၿပီ…အဘ “

 ” အေး ကျန်တဲ့ နေ့သားတွေရဲ့ တေဇအရပ်တွေကိုတော့ ငါ့တူလဲ သိပြီးသားပဲလေ… တေဇအရပ်မျက်နှာထောင့်တွေမှာ အခုလို ကုသိုလ်တရားတွေလုပ်ပေးခြင်းဖြင့် ကံတွေမြင့်လာပြီး ဘုန်းကြီးလိမ့်မယ်…”

   “ဟုတ်ကဲ့ပါအဘ …ကျွန်တော် ကြိုးစားပြီး လိုက်နာကျင့်သုံးပါ့မယ်…”

လူငယ်လေးက အဘိုးအိုအား ဦးသုံးကြိမ်ချကန်တော့လိုက်လေသည်။ 

 “အေး…အေး ..သာဓု ..သာဓု…သာဓု…ဆင်းရဲနဲ့ ငရဲကင်းပါစေကွယ်..” 

  “အဘလဲ မှောင်ပြီဆိုတော့ ပြန်တော့မယ်ငါ့တူရေ..”

 ” လိုက်ပို့ပေးမယ်လေ…အဘ ..အဘကိုလဲ တစ်ခု
ခုကျွေးချင်လို့ပါ..”

  “လိုက်မပို့နဲ့ ငါ့တူရေ… အဘအိမ်က ဒီနားလေးတင်ပါပဲ…အဘရှစ်ပါးသီလယူထားတာကြာပြီဆိုတော့ ..ဘာမှမစားတော့ပါဘူး…အဘနဲ့ငါတူနဲ့ ရေစက်မကုန်သေးပါဘူး…ဆုံကြအုံးမှာပါ”

  “ဟုတ်ပါပြီ…အဘ…အဘရဲ့နာမည်လေးပြောခဲ့ပါအုံး…အဘ”

  “အဘနာမည် အဘမင်းသိုက်လို့ပဲ ငါ့တူမှတ်သားထားပေါ့”

 အဘိုးအိုက လူငယ်လေးရှေ့ကနေတစ်ရွေ့ရွေ့ထွက်ခွာသွားလေပြီ..

လူငယ်လေးလဲ အဘပြောထားတဲ့ အတိုင်းမွေးနံဂြိုဟ်ထောင့်အပြင်… တေဇအရပ်ဖြစ်တဲ့ သောကြာထောင့်မှာလဲ ပုတီးစိပ် အဓိဋ္ဌာန်ဝင်လေသည်။ ဘုန်းကံကြီးမားခြင်း နာမည်ကျော်ဇောခြင်း လူတွေယုံကြည်လာခြင်း စတဲ့ အကျိုးတွေခံစားရပြီး ၇ရက်သားသမီးကို ဝေဒပညာဖြင့် တတ်အားသ၍ကူညီနိုင်တဲ့ သူတစ်ဦးဖြစ်လာလေတော့သည်။ 

*************************************

   ဘုန်းကံကြီးမားချင်ကြတဲ့ ၇ရက်သားသမီးအပေါင်းလဲ မိမိတို့ရဲ့ တေဇအရပ်မှာ ကုသိုလ်တွေပြုပြီး ဘုန်းကံကြီးမား အောင်မြင်သူတွေ ဖြစ်နိုင်ကြပါစေ..

နေ့သားသမီး                          တေဇအရပ်

တနင်္ဂနွေ                       ကြာသပတေးထောင့်

တနင်္လာ                        ရာဟုထောင့်                   

အင်္ဂါ                             သောကြာထောင့်

ရာဟု                          ဗုဒ္ဓဟူးထောင့်

ဗုဒ္ဓဟူး                          တနင်္ဂနွေထောင့်

ကြာသပတေး                အင်္ဂါထောင့် 

သောကြာ                     စနေထောင့်

စနေ.                           တနင်္လာထောင့်

၇ရက်သားသမီးအပေါင်း 
       ကောင်းသောလိုအင်ဆန္ဒတွေပြည့်ဝကြပါစေ။

               ငြိမ်းအေးလူ (ဗေဒင်သုတေသီ)
              Viber Only( 09775555695)

မဟာဘုတ် အကြွင်းဖွားအသီးသီး၏ ဖြစ်ပွားတတ်သော ရောဂါလက္ခဏာများ

By Nyein Aye Lu 0 Comments

   မြန်မာ မွေးသက္ကရာဇ်ကို ၇နဲ့စားလိုက်ပါက ရလာတဲ့အကြွင်းတွေကို တွက်ချက်ပြီးဟောပေးထားတာမျိုးပါပဲ။ ယေဘုယျသဘောလောက်လို့ပဲ ဆိုရမှာပါ။ ဥပါဒါန်ကြီး စွဲနေဖို့ မလိုပါဘူး၊  ဘာဖြစ်လို့လဲဆို
တော့တစ်ဦးချင်းစီရဲ့ မွေးလ မွေးရက် မွေးချိန် အပြင် ..ပေးထားတဲ့ နာမည်တွေမတူညီတာကြောင့်အနုစိပ်ကွဲပြားမှုတွေ ရှိနေလို့ပါပဲ။

 တွက်နည်းလေး ဥပမာပြောပြရအောင်….

ကိုယ်က မြန်မာခုနှစ် ၁၃၅၃ခုနှစ်မှာမွေးဖွားလာသူဆိုပါစို့။
၁၃၅၃÷၇=၂ ကြွင်းပါတယ်ဗျ။ ဒါဆို ၂ကြွင်းအဟောကိုကြည့်ရုံပါပဲ။ နားလည်မယ်ထင်ပါတယ်။
ဖြစ်တတ်တာတွေ သိထားတော့ ရှောင်နိုင်အောင်လို့ စေတနာရှေ့ထားပြီးဟောပေးထားတာပါ။

၁ကြွင်း

      ၁ကြွင်းသမားတွေကတော့ ယေဘုယျအနေနဲ့သုံးသပ်ရရင်တော့ ကျန်းမာရေးအားကောင်း
သူတွေပါပဲ။မဖြစ်ရင်လဲ ဘာမှမဖြစ်ဘူးဖြစ်ပြီဆိုရင်လဲ အသည်းအသန်ဆိုတာမျိုးဖြစ်တတ်ပါတယ်။
ဖြစ်တတ်တဲ့ ရောဂါတွေကတော့ လေရောဂါ၊ ဝမ်းဗိုက်နဲ့ပက်သက်သောရောဂါများ၊ ဝမ်းကိုက်
ရောဂါ၊ လိပ်ခေါင်းရောဂါ၊ ပန်းနာရင်ကြပ်ရောဂါ၊အစာအိမ်ရောဂါ၊ အူအတတ်ပေါက်ခြင်း၊ ကျောက်
တည်ခြင်း၊ ကင်ဆာဖြစ်လွယ်သော အဖုအကြိတ်များ၊ အဆုတ်ရောင် အဆုတ်ပွလွယ်ခြင်း၊ လေဖြတ်တတ်ခြင်း၊အာရုံကြောနဲ့ပက်သက်သောရောဂါများ၊ချော်လဲခြင်း၊ခွေးကိုက်ခံရခြင်း ၊ခလုတ်တိုက်ခြင်းစတဲ့အသေးစားထိခိုက်မှုလေးတွေလဲဖြစ်တတ်ကြောင်းပါဗျာ၊

၂ကြွင်း

      ၂ကြွင်းဖွားတွေကို ယေဘုယျသုံးသပ်ရရင်တော့ ကျန်းမာရေးအားပျော့ကြသူတွေများပါတယ်။ တရှောင်ရှောင်ဖြစ်လွယ်သူတွေပါပဲ။အရေးအကြီးဆုံးကတော့ နှလုံးရောဂါတွေပါပဲ။
နှလုံးသွေးကြောကျဉ်းခြင်း ကျယ်ခြင်း၊ Heart attack ဖြစ်ခြင်း မျိုးတွေကြုံရတတ်ပါတယ်။ ဒီအကြွင်းဖွားတွေဟာအင်မတန်မှသတိမေ့လွယ်ပါတယ်။ သက်လတ်ပိုင်း သက်ကြီးပိုင်းတွေမှာ
အထူးမေ့လွယ်ကြသူတွေပါပဲ။အသည်းနဲ့ပက်သက်သောရောဂါများ ၊ ဦနှောက် အာရုံကြောနဲ့ပက်သက်သောရောဂါများ၊ ကင်ဆာရောဂါစတဲ့ ရောဂါဗေဒတွေပါပဲ။ နောက်ပြီးလက်နက်ခဲယမ်း
ထိမိခိုက်မိတာမျိုးလဲ အချို့သော ၂ကြွင်းဖွားတွေကြုံရတွေ့ရတတ်ပါတယ်။

၃ကြွင်း

     ၃ကြွင်းဖွားတွေဟာအထူးသဖြင့် ကျန်းမာရေးနဲ့ပက်သက်ရင်အထူးပဲ ဇီဇာကြောင်ကြသူတွေ
ပါပဲ။ သွားနှင့်ခံတွင်းပိုင်းဆိုင်ရာ ရောဂါများအထူးဂရုစိုက်အပ်ပါတယ်။ မိန်းကလေးများ ဓမ္မတာ
သွေးလေမမှန်ခြင်း၊ မီးယပ်သွေးဆုံးကိုင်ခြင်းများသတိထားပါ။ ခြေလက်ထိခိုက်လွယ်ပါတယ်။
ဒါကြောင့် accident ဆိုတာမျိုး မဖြစ်အောင်ဂရုစိုက်ပါ။အစားအသောက် အရမ်းရှောင်တာမျိုး
ကလဲ လိုအပ်တာအာဟာရ မရနိုင်တာမျိုးကို ဖြစ်စေပါတယ်။နောက်ပြီး မျက်စိထိခိုက်မိရင် 
တိမ်စွဲတတ်တဲ့အတွက် အထူးဂရုစိုက်ပါ။ အချို့ ၃ကြွင်းဖွားတွေဟာ လိင်ကိစ္စ ရှုပ်ထွေးတတ်ခြင်း
ကြောင့် လိင်နဲ့ပက်သက်သောရောဂါတွေ အထူးဂရုစိုက်ပါ။

၄ကြွင်း 

      ၄ကြွင်းဖွားတွေဟာ လူအတော်များများ မဖြစ်ဘူးတဲ့ ရောဂါမျိုးတွေဖြစ်လွယ်ပါတယ်။ သွေးနဲ့ပက်သက်သောရောဂါများ ၊အသည်းခြောက်ခြင်း ၊သွေးတိုးရောဂါ၊ သားအိမ်အားနည်းခြင်း၊ ကိုယ်ဝန်ပျက်လွယ်ခြင်း၊ သားအိမ်ခေါင်းကင်ဆာ၊ ဓမ္မတာမမှန်ခြင်း ၊အဖြူ ဆင်းခြင်းမျိုးတွေဖြစ်လွယ်ပါတယ်။ ရောဂါဟောင်း ဝေဒနာဟောင်းတွေ ခဏခဏပြန်ပေါ်တတ်ပါတယ်။ ဘယ်ရောဂါဖြစ်ဖြစ် အမြစ်ပြတ်အောင်ကုသပါ။ အရိုးပွခြင်းမျိုး အထူးသတိထားပါ။ နှာခေါင်းသွေးယိုခြင်းမျိုးလဲ ခဏခဏဖြစ်တတ်ပါတယ်။ ခေါင်းခဏခဏကိုက်ခြင်းနဲ့ ကြီးမားတဲ့ ခွဲစိပ်ရခြင်းမျိုးလဲ တွေ့ရကြုံရတတ်ပါတယ်။

၅ကြွင်း 

     ၅ကြွင်းဖွားတွေဟာ ငယ်ရွယ်စဉ်မှာ ကျန်းမာရေးကောင်းကြတာများပါတယ်။ အဲလို ငယ်ရွယ်စဉ်ကျန်းမာရေးကောင်းသူတွေဟာလဲ အသက်ကြီးပိုင်း
စုဖြစ်တတ်ပါတယ်။ သွေးတိုးရောဂါအထူးသတိထားပါ။ ခေါင်းခဏခဏကိုက်တာမျိုးလဲ ဖြစ်တတ်ပါတယ်။ မျက်စိအားနည်းတတ်တဲ့အတွက် သတိထားပါ။ ဆီးရောဂါ တွေဖြစ်ရတတ်ပါတယ်။ ကျောက်ကပ်လဲ အားနည်းကြသူတွေပါ။ သက်ကြီးပိုင်အဝလွန်ရောဂါမဖြစ်အောင်လဲ သတိထားဖို့လိုပါတယ်။ လိင်အင်္ဂါနဲ့ပက်သက်သော ရောဂါတွေဂရုစိုက်ပါ။ အရက်လုံးဝမသောက်ပါနဲ့ ။ အခြားအကြွင်းဖွားတွေအတွက်မသိသာပေမဲ့ ၅ကြွင်းဖွားတွေသာ အရက်သောက်မယ်ဆို သေချာပေါက် အသက်တိုပါတယ်။

၆ကြွင်း 

     ဒီအကြွင်းဖွား အများစုဟာ ကျန်းမာရေးက အိမ်မှာထိုင်နေရင်ရောဂါများရတတ်ပြီး သွားလာလှုပ်ရှားပြီး ခရီးများနေရင်တော့ ကျန်းမာရေးကောင်းနေတတ်သူပါပဲ။ အထူးသဖြင့် သွေးအားနည်းရောဂါများလဲ အဖြစ်များတတ်ပါတယ်။ ဆီးလမ်းကြောင်း ကျောက်တည်ခြင်း ၊သည်းခြေကျောက်တည်ခြင်းမျိုးတွေလဲ ဖြစ်ရတတ်သူပါပဲ။ အဆစ်အမြစ်ရောင်ရမ်းကိုက်ခဲခြင်း ၊ကိုယ်လက်ကိုက်ခဲခြင်းတွေလဲ ဖြစ်လွယ်တဲ့သူတွေပါ။ အစာမကြေတာ ရင်ပြည့်ရင်ကယ်ဖြစ်တာမျိုးလဲ ခဏခဏဖြစ်ရတတ်ပါတယ်။ ချောင်းဆိုးတာ အဆုတ်ပွတာမျိုးလဲ ဖြစ်ရတတ်သူတွေပါပဲ။ အူလမ်းကြောင်းနဲ့ ပက်သက်သောရောဂါမျိုးလဲ ဂရုစိုက်အပ်ပါတယ်ဗျ

၀ကြွင်း

  ၀ကြွင်းဖွားသူတွေဟာ မူလဇာတာအရ ကျန်းမာရေးအားနည်းသူတွေပါပဲ။ နည်းနည်းလေးအပင်ပန်းခံလိုက်တာနဲ့ ဖျားတတ်နာတတ်သူတွေများပါတယ်။
ကျန်းမာရေးကတော့ လေးဘက်နာရောဂါများ၊ လိပ်ခေါင်းရောဂါများ ဂရုစိုက်ဖို့ လိုပါတယ်။ ဝမ်းပျက်လွယ်သူတစ်ယောက်ပါပဲ။ ဆီးချို ၊သွေးချို ဖြစ်လွယ်ကြပါတယ်။ ရေဖျဉ်းစွဲခြင်း နှင့် ကင်ဆာရောဂါတွေလဲ ဖြစ်ပွားလွယ်ပါတယ်။ စက်ပစ္စည်းများနဲ့ ကိုင်တွယ်အသုံးပြုရသူများကလဲ ထိခိုက်လွယ်တဲ့ အကြွင်းဖွားတွေဖြစ်တာကြောင့် ဂရုစိုက်အပ်ပါတယ်။ သားအိမ်ကျခြင်း အူကျခြင်းမျိုးတွေ ဖြစ်လွယ်ပါတယ်။ အသည်းအဆီဖုံးခြင်း ၊နှလုံးအဆီဖုံးခြင်းမျိုး မဖြစ်အောင် လေ့ကျင့်ခန်းများများလုပ်ပေးကြပါ။ 

၇ရက်သားသမီးအပေါင်း 
       ကောင်းသောလိုအင်ဆန္ဒတွေပြည့်ဝကြပါစေ။

               ငြိမ်းအေးလူ (ဗေဒင်သုတေသီ)
              Viber Only( 09775555695 )

လွန်ခဲ့သော နှစ်ပေါင်းများစွာခန့်က…။ အခုလိုသင်္ကြန်ကာလပါပဲ။ သင်္ကြန်ပြီးလို့ နှစ်ဆန်းတစ်ရက်နေ့ မနက်ခင်း…။ မိဘတွေကို ကန်တော့ပြီးလို့ ဗေဒင်ပညာသင်ပေးသော အဘမင်းသိုက်ဆီကို ဂါရဝပြုရန်ရောက်ခဲ့သည်။ ထိုခေတ်အခါက ဆိုင်ကယ်အလွန်ရှားသေးသည်။ လူတိုင်းနီးပါး စက်ဘီးကိုပဲ အားထားကြသည်။ ကျွန်တော်ကိုယ်တိုင်လဲ စက်ဘီးလေးစီးပြီး အဘဆီကို လာရသည်။

အဘက စွပ်ကျယ်လက်ပြတ်နှင့် ပုဆိုးအကွက်ကျဲကြီးကို ခပ်တိုတို ဝတ်ထားလေသည်။ လက်ထဲတွင် ငါးဂါလံလောက်ဆံ့မည့် ရေပုံးကြီးထဲက ရေတွေကို ရေခွက်လေးနှင့် ခပ်ပြီး တစ်အိမ်လုံးပက်ဖျန်းနေကြလေသည်။

“အဘ ဘာတွေလုပ်နေတာလဲ…ပျဉ်တွေပူလို့ ရေဖြန်းနေတာလား ….ကျွန်တော်ဝိုင်းကူမယ်လေ..”

အဘက စကားမဆိုသေးဘဲ ခေါင်းရင်းရေအိုးစင်က ရေတစ်ကျိုက် မော့သောက်နေလေသည်။

“ဒါက ရေမဟုတ်ဘူး..ငါ့တူရေ…ဆားကိုရေဖျော်ထားတဲ့ ဆားငန်ရေတွေပဲ …”

“သြော်…ဘာအတွက် သုံးတာလဲ အဘ..”

” လိုရင်းတိုရှင်း ပြောရရင် ‘အိမ်သန့်’ တယ်လို့ ခေါ်

တယ္ကြ”

ကျွန်တော် ခေါင်းကုပ်ပြီးစဉ်းစားနေမိသည်။

“ငါ့တူကြည့်ရတာ အဘပြောတာနားမရှင်းဘူးနဲ့ တူတယ်…”

“ဟုတ္…အဘ သိပ္နားမလည္ဘူး”

” ဒီလိုကွ…အခုလို နှစ်ဆန်းတစ်ရက်နေ့မှာ ရပ်ကွက်တွေထဲမှာ ရဟန်းသံဃာတွေ ပရိတ်ရွတ် ကမ္မဝါ

ဖတ်ပြီး မကောင်းဆိုးဝါးတွေကို နှင်ထုတ်တာမျိုး တွေ့ဖူးတယ်မဟုတ်လား…

နေ့ ၇နေ့ ပန်းတွေ ၊ ဆန်၊ဆနွင်း၊ ချည်မန်းကွင်း၊ ရေဘူးတွေကို ယူသွားပြီး ရဟန်းသံဃာတွေရှေ့မှာ

ပရိတ်အမွမ်းခံပစ္စည်းအဖြစ်ထားကြတယ်… အဲဒီပစ္စည်းတွေကို အိမ်မှာ အတားအဆီးအဖြစ်ပြန်သုံးကြတယ်လေ..”

“ဟုတ္အဘ …ျမင္ဖူးပါတယ္”

“အဲဒါက ရတနာ သုံးပါးရဲ့ အစွမ်းသတ္တိတွေပေါ့ကွ ..”

အဘက ပြောလက်စ စကားကို ခဏနားပြီး ကွမ်းအစ်ထဲမှာ ကွမ်းယာပြီး စားနေလေသည်။

” အခုလို ဆားငန်ရေကို အိမ်တွေ ခြံတွေထဲ ပက်ဖြန်းတာမျိုးကတော့ ဒီလိုနေ့မျိုး နှစ်ဆန်းတစ်ရက်မှ မဟုတ်ဘူး… မိမိတို့ ကြိုက်တဲ့နေ့လုပ်နိုင်တယ်…

အိမ်သစ်မှာ စပြီးနေတာမျိုး ၊ အစိုးရလိုင်းခန်းတွေ ၊အဆောင်တွေ ၊ သူများအိမ်ဝယ်ပြီး နေမဲ့သူတွေလဲ မနေခင်မှာ အခုလို ဆားငန်ရေနဲ့ ပက်ဖြန်းသင့်တယ်..ငါ့တူရ… ကောင်းကျိုးကတော့ မကောင်းတဲ့ အောက်လမ်းအနှောက်အယှက်တွေ၊ အင်းမြှပ်ထားတာတွေ၊ မိမိကိုမနာလိုပြီး မကောင်းဆိုးဝါးတွေနဲ့ တိုက်ထားတာတွေ၊ အိမ်မှာ စွဲလမ်းကပ်ငြိနေတဲ့ နာနာဘာဝတွေရဲ့ အခြောက်အလှန့်တွေ စတဲ့ ရန်တွေက လွတ်ကင်းနိုင်တယ်ကွ… “

“ဟုတ်ကဲ့အဘ …အခုမှပဲ နားလည်သွားတော့တယ်… နောက်ထပ်ရော ဘာတွေထပ်လုပ်ဖို့ လိုသေးလဲအဘ… ”

အဘကရေအိုးစင်အောက်ကို လက်ညှိုးညွှန်ပြလေသည်။ ရေအိုးစဉ်အောက်တွင် ဒန်ခွက်လေးထဲ သံပုရာသီး ၅ လုံးခန့် ရေစိမ်ထားလေသည်။

” အဲဒီ သံပုရာသီးတွေကို အိမ်ရဲ့ ဧည့်ခန်းရယ်၊ အိပ်ခန်းတွေရယ် မှာ ပစ်ထားလိုက်ကွာ၊ တစ်နေရာမှာအထူးတလည်ထားရတာမျိုး မဟုတ်ဘူးနော် …

ဧည့်ခန်းဆို ခုံအောက်ပဲ ရောက်ရောက် ဗီဒိုအောက်ပဲ ရောက်ရောက် ပစ်သာထားလိုက်ကွာ…

အိပ်ခန်းဆို ကုတင်အောက်ထဲ ပစ်ထားလိုက်လဲ ရတယ်… ပုပ်သွားမှပဲ သံပုရာသီးအသစ်စျေးကဝယ်ပြီးလဲပေးလိုက်ကွာ…

သံပုရာသီးကအရမ်းစွမ်းတယ်ကွ …အိမ်အေးချမ်း

တယ်.. အိမ်တွင်းအပူ မိသားစုအပူမတွေ့ဘူး…

ဘေးလူရဲ့ အတိုက်အခိုက်အောက်လမ်းတွေနဲ့ လုပ်လို့မရဘူး..”

” ဟုတ်ကဲ့…အဘ …နားလည်ပါပြီ..အဘကိုဂါရဝပြု ကန်တော့ဖို့လာရင်းနဲ့ အခုတော့ ပညာတစ်ခုတိုးသွားပြီ…”

စက်ဘီးခြင်းလေးထဲမှ အဘအတွက် လှူ ဖွယ်ပစ္စည်းတွေထုတ်ယူပြီး အဘရှေ့ချ ဦးသုံးကြိမ်ကန်တော့လိုက်လေသည်…။

“သာဓု..သာဓု…သာဓု နှစ်သစ်ကစပြီး ကောင်းတဲ့ လိုအင်ဆန္ဒတွေပြည့်ဝပါစေကွာ… ၇ရက်သားသမီးကို တစ်ထောင့်တစ်နေရာက ကူညီနိုင်တဲ့ ဗေဒင်ဆရာကောင်းတစ်ယောက်ဖြစ်ပါစေ….”

“ပေးတဲ့ဆုနဲ့ ပြည့်ပါစေ…အဘ”

” နေလဲမြင့်ပြီ…ငါ့တူလဲပြန်တော့ …နှစ်သစ်မှာ ကုသိုလ်စိတ်လေးနဲ့ အချိန်ပြည့်နေနိုင်အောင်ကြိုးစား..”

“ဟုတ်ကဲ့အဘ …. အဲဒါဆို ကျွန်နော်ပြန်လိုက်ပါအုံးမယ်… “

အဘမင်းသိုက်ရှေ့မှ စက်ဘီးလေးနင်းပြီး ထွက်လာခဲ့သည်။ နွေနေပူပြင်းပေမဲ့ ကျွန်ုပ်ရင်ထဲ အေးမြလို့နေသည်။ ဗေဒင်ဆရာအဖြစ် အသက်မွေးရပ်တည်တဲ့အခါ ဒီနည်းလေး (၇)ရက်သားသမီးတွေကို

ပေးလိုက်အုံးမှပဲလို့ စိတ်ထဲမှာမှတ်သားရင်းနဲ့……

၇ရက်သားသမီးအပေါင်း

ကောင်းသောလိုအင်ဆန္ဒတွေပြည့်ဝကြပါစေ။

ငြိမ်းအေးလူ (ဗေဒင်သုတေသီ)

Viber Only( 09775555695 )

နိုင်ငံရပ်ခြား အမြန်သွားလိုသူများအတွက် ယတြာလက်ဆောင်

By Nyein Aye Lu 0 Comments

ကျွန်တော်ငယ်စဉ်ကာလ နိုင်ငံခြားသွားပြီးအလုပ်လုပ်တာဆိုလို့ နိုင်ငံခြားသင်္ဘောလိုက်တာ လောက်ပဲကြား ဖူး ခဲ့သည်။ နိုင်ငံခြားသွားတဲ့ ဦးလေးတစ်ယောက်ကို လေဆိပ်လိုက်ပို့တုန်းက ကိုယ်က ကလေးသာသာ။ အင်ဂျင်သံအကျယ်ကြီးကြားရတာကိုလန့်မိပေမဲ့ လေယာဉ်ပျံကြီးစီးပြီး နိုင်ငံခြားသွားချင်တာတော့ အမှန်ပင်။ နိုင်ငံခြားအတွေ့အကြုံကို အာပေါင်အာရင်းနဲ့ ပြောနေတဲ့ စကားဝိုင်းတွေကြား ငေးမောနားထောင်ခဲ့ရဖူးသည်။

“အဆောက်အဦးတွေက မိုးမြင့်အဆောက်အဦးတွေကွ။ အထပ်တွေက မရေတွက်နိုင်ဘူး။ မော့ကြည့်လိုက်မယ်ဆို ခေါင်းမှာဆောင်းထားတဲ့ ဦးထုပ်တောင်ကျွတ်ကျတယ်”

လူကြီးတွေရဲ့ပြောစကား….ကိုယ်အတွက်တော့ညဘက်ထည့်မက်ရတဲ့ အိပ်မက်တစ်ခုလို။

ဒီလိုနဲ့ အရွယ်ရောက်လာ….ဘွဲ့ရ… ….လုပ်ငန်းခွင်ဝင်နေချိန်မှ နိုင်ငံခြားလုပ်ငန်းတွေ အခွင့်အလမ်းပေါ်လာကြသည်။ ထိုင်း၊ မလေးရှား ၊ စင်ကာပူကစလို့ အာရှဥရောပ တခွင် မြန်မာတွေ လှည့်လည် လုပ်ကိုင်လာကြသည်။ တောရော မြို့ပါမကျန် နိုင်ငံခြားသွားပြီး အလုပ်လုပ်လာကြသည်။

ကိုယ်ကတော့ ပြည်တွင်းအလုပ်တွေပဲ တခုတ်တရလုပ်နေမိသည်။

အလုပ်တစ်ဖက်နဲ့ ဗေဒင်ပညာသင်ယူ တတ်မြောက်ထားမှန်း သိကြသူအချို့နိုင်ငံခြားသွားဖို့ အကူအညီလာတောင်းတဲ့အခါ မိမိအတွက် ကြီးလေးတဲ့ကိစ္စကြီးလိုသဘောထားပြီးတွက်ရချက်ရသည်။

ယတြာစီရင်ရသည်။

အမြန်အဆင်ပြေသွားသူတွေရှိသလို ကြန့်ကြာနေသူတွေလဲရှိခဲ့ဖူးသည်။

ဒီလိုနဲ့ ဗေဒင်ဟောသက်ကြာလာတဲ့အခါ ဘယ်ဇာတာတွေက နိုင်ငံခြားကံအကျိုးပေးတယ် ။ ဘယ်ဇာတာတွေကတော့ နိုင်ငံ ခြားကံအားနည်းတယ် ဆိုတာတွေက အစ ရိပ်မိလာခဲ့ သည်။ ဘယ်ယတြာက နိုင်ငံသွားဖို့အထိရောက်ဆုံးလဲဆိုတာကိုလဲ သုံးသပ်မိခဲ့ သည်။

နေ့သားတစ်ဦးချင်းဆီရဲ့အသက်အပိုင်းအခြားအလိုက်လဲ နိုင်ငံခြားကံ အားနည်းမှုတွေရှိနေကြပါသေးသည်။

ဒီနေရာကနေ ယေဘုယျသဘောလေးပြောပြပါ့မယ်။ အားလုံးနားလည်လွယ်ဖို့ဆိုတာက ယေဘုယျပြောမှပဲ အဆင်ပြေမှာမို့ပါ။

မိမိမြန်မာမွေးသက္ကရာဇ်ကို ၇နဲ့စားလိုက်လို့ ရလာတဲ့အကြွင်းက. ၃ကြွင်း/၆ကြွင်း ဖြစ်ခဲ့မယ် ဆိုရင်တော့

*နိုင်ငံခြားကံကောင်းခြင်း

*နိုင်ငံခြားမှ နှစ်ရှည်လများနေဖြစ်ခြင်း

* နိုင်ငံခြားမှာ နိုင်ငံသားခံယူ၍ ဘဝဆုံးပါးသည်အထိနေထိုင်ဖြစ်ခြင်း

*လူမျိုးမတူ ၊ ဘာသာမတူ ၊ ဇာတိမတူ ၊ နိုင်ငံခြားသားနဲ့လက်ထပ်ဖြစ်ခြင်း

*နိုင်ငံခြားဘာသာစကားကိုသင်ယူတတ်မြောက်လွယ်ကူခြင်း

စတဲ့ကံအကျိုးပေးလေးတွေ အနည်းနဲ့အများဆိုသလို ပါလာတတ်ပါတယ်။

နောက်တစ်ခုက မရဏဖွားဇာတာရှင်တွေဟာ နိုင်ငံခြားကံအခွင့်အရေးများသလို မရဏဖွားမဟုတ်ပေမဲ့ နာမည်အရင်းစာလုံးဟာ မရဏအိမ်မှာ စတင်မှည့်ခေါ်ထားကြတဲ့နာမည်ရှင်တွေကလဲ ထို့အတူပါပဲ။

“ငြိမ်းအေးလူရေ .. ငါကမရဏဖွားကွ… ၃ကြွင်း အခုထိ နိုင်ငံခြားနဲ့အဆက်အစပ်မရှိဘူးလို့ ပြောရင်လဲ ကျွန်တော်ခေါင်းညိတ်မှာပါပဲ…. ” နိုင်ငံခြားနဲ့ပက်သက်ဆက်ဆံလာသူတွေမှသာ ကြုံလာရမဲ့ ကံသဘောလေးတွေပါ။ ယေဘုယျအနေအထားလို့လဲ ကျွန်တော်စကား ခံထားပါတယ်။

ကဲ ဆက်ရအောင် နေ့သားတဦးချင်းစီရဲ့ နိုင်ငံခြားကံအားနည်းတဲ့

အသက်အပိုင်းအခြားတွေကို ပြောပြရရင်

တနဂၤေႏြ သားသမီး

အသက် ၂၀/၂၁/၂၈/၂၉/၃၆/၃၇

တနလၤာ သားသမီး

အသက် ၁၉/၂၀/၂၇/၂၈/၃၅/၃၆

အဂၤါ သားသမီး

အသက် ၁၈/၁၉/၂၆/၂၇/၃၄/၃၅

ဗုဒၶဟူး သားသမီး

အသက် ၂၅/၂၆/၃၃/၃၄

ၾကာသပေတး သားသမီး

အသက် ၂၃/၂၄/၃၁/၃၂

ေသာၾကာ သားသမီး

အသက် ၂၁/၂၂/၂၉/၃၀/၃၇/၃၈

စေန သားသမီး

အသက် ၂၄/၂၅/၃၂/၃၃

ရာဟု သားသမီး

အသက် ၂၂/၂၃/၃၀/၃၁/၃၈/၃၉

စတဲ့အသက်အပိုင်းအခြားတွေရောက်တဲ့အခါ

နိုင်ငံခြားသွားဖို့ကြန့်ကြာခြင်း

ငွေလိမ်ခံရခြင်း

နိုင်ငံခြားသွားရပြီး တိုင်းတပါးမှာ အဆင်မပြေဖြစ်ပြီးပြန်လာရခြင်း

ကျန်းမာရေး ဆေးစစ်ရာတွင် မအောင်ခြင်း

စတဲ့အချက်တွေကြုံရတတ်တဲ့ကာလပါ။ ဒါပေမဲ့ အသေးစိပ်သိချင်ရင်တော့ နီးစပ်ရာဆရာဆီမှာ ဇာတာစစ်ဆေးတာအကောင်းဆုံးပါပဲ။

ကျွန်တော်အနေနဲ့ ဗေဒင်တတ်တဲ့သူရော မတတ်တဲ့သူရော ဖတ်နိုင်ဖို့ ယေဘုယျသဘောတွေပဲ ရေးရတာကိုနားလည်ပေးစေချင်ပါတယ်။

ကဲယတြာကဏ္ဍလေးဆက်ကြရအောင် …ရေးတာလဲများနေပြီးဆိုတော့ ခပ်မြန်မြန်ပဲသွားလိုက်ရအောင်ဗျာ …

နိုင်ငံခြားအမြန်သွားရဖို့ဆိုတာသောကြာဂြိုဟ်၊ စနေဂြိုဟ်အားကောင်းဖို့လိုတယ်။ အပါဒါနကာရကအားကောင်းဖို့လိုပါတယ် (ဗေဒင်အခြေခံရှိသူတွေ အတွက် ရည်ရွယ်ပြီးပြောတာပါ)

ပထမဦးစွာ ၇ရက်သားသမီးတွေ နိုင်ငံခြားအမြန်သွားရဖို့ ခရီးကံကောင်းဖို့ တညီတညွှတ်ထဲလုပ်ရမဲ့ယတြာတွေက.

*ဆွံအနေသူ/ခန္ဓာကိုယ်အောက်ပိုင်းမကောင်းသူကို အာဟာရဒါနပြုပါ

*သမင်/သိုး တွေကို အစာကျွေးပါ

(အဆင်ပြေလွယ်ကူမှလုပ်ရန်)

*နီးစပ်ရာအဝေးပြေးကားဂိတ်ကိုသွားပြီး ခရီးသွားမဲ့ ရဟန်းသံဃာကို ခရီးစရိတ်တတ်နိုင်သလောက်လှူဒါန်းပါ။

*ဘုရားခြေတော်ရာ ကို ရွှေချပါ။

ဒါတွေက ၇ရက်သားသမီးတိုင်းပြုလုပ်ရမဲ့ယတြာတွေပါ။

နေ့သားတစ်ဦးချင်းစီရဲ့ ပြုလုပ်ရမဲ့ယတြာတွေကတော့

တနဂၤေႏြ

ကြာသာပတေးနံဘွဲ့အမည်ရှိသော ဘုရားတစ်ဆူဆူမှာ ပန်းပေါင်းစုံ ၅မျိုးကပ်လှူပါ။ ဘုရားတွင် အမှိုက်ကောက်၊ ပန်းဟောင်းစွန့် ၊ တံမြက်စည်းလှည်း ခြင်းများပြုလုပ်ပါ။

တစ်ပတ်တိတိအထက်ပါအတိုင်းကုသိုလ်ပြုပါ။ တစ်လမှာ နှစ်ကြိမ်လောက်ပြုလုပ်သင့်ပါသည်။

ကြာသပတေးနံဘွဲ့အမည်ဘုရားများ- ဗိုလ်တစ်ထောင်၊ မယ်လမုဘုရား၊မိုးကောင်းဘုရား၊မဟာဝိဇယဘုရား

တနလၤာ

ရာဟုနံဘွဲ့အမည်ရှိသော ဘုရားတစ်ဆူဆူမှာ

ရေသပ္ပယ်ခြင်း ၊ သောက်တော်ရေကပ်လှူခြင်း၊ ရွှေသင်္ကန်းကပ်ခြင်း စတဲ့ကုသိုလ်တွေပြုပါ။

ဘုရားတွင် အမှိုက်ကောက်၊ ပန်းဟောင်းစွန့် ၊ တံမြက်စည်းလှည်း ခြင်းများပြုလုပ်ပါ။

ရာဟုနံဘွဲ့အမည်ဘုရား -ရွှေတိဂုံ ဘုရား၊ရွှေဘုန်းပွင့် ဘုရား

အဂၤါ

သောကြာနံဘွဲ့အမည်ရှိသော ဘုရားတစ်ဆူဆူမှာ သစ်သီးခြောက်မျိုးကပ်လှူပူဇော်ပါ။ ဘုရားတွင် အမှိုက်ကောက်၊ ပန်းဟောင်းစွန့် ၊ တံမြက်စည်းလှည်း ခြင်းများပြုလုပ်ပါ။

သောကြာနံဘွဲအမည်ဘုရား – သိဒ္ဓိအောင်ဘုရား ၊ သီဟိုရှင်ဘုရား

ဗုဒၶဟူး

တနင်္ဂနွေနံဘွဲအမည်ရှိသော ဘုရားတစ်ဆူဆူမှာ အုန်းပန်း ၊ အုန်းညွှန့် ၊အုန်းထမင်း လှူဒါန်းပေးပါ။

တနင်္ဂနွေနံဘွဲ့အမည်ဘုရား- အောင်တော်မူဘုရား၊ အေးစေတီဘုရား ၊ဥက္ကလာပဘုရား

ၾကာသပေတး

အင်္ဂါနံဘွဲအမည်ရှိသော ဘုရားတစ်ဆူဆူမှာ ညလုံးပေါက်လျှပ်စစ်မီး လှူဒါန်းခြင်း၊ မီးလုံး၊မီးချောင်း ၊မီးကြိုးလှူဒါန်းခြင်းများပြုလုပ်ပေးပါ။

အဂါင်္နံဘွဲ့အမည်ဘုရား- ဆူးလေဘုရား၊ဇေယျာမုနိဘုရား ၊ဇိနမာန်အောင်ဘုရား ၊ စွယ်တော်ဘုရား

ေသာၾကာ

စနေနံဘွဲအမည်ရှိသော ဘုရားတစ်ဆူဆူမှာ ထီးဖြူလှူဒါန်းပါ။ ဂြိုဟ်တိုင်အသီးသီးမှာလှူဒါန်းပေးနိုင်ရင်

ပိုကောင်းပါတယ်။

စေနနံဘြဲ႕အမည္ဘုရား -တဝဂူဘုရား၊ ႏွီးဘုရား ၊နဂါးရံုဘုရား

စေန

တနင်္လာနံဘွဲ့အမည်ရှိသော ဘုရားတစ်ဆူဆူမှာ ခေါင်းလောင်းလေးတွေဝယ်လှူပါ။ ကျောက်ကျောကပ်လှူပါ။ကြံရည်ကပ်လှူပါ။

တနင်္လာနံဘွဲ့အမည်ဘုရား-ကျိုက္ကဆံဘုရား၊

ကမ္ဘာအေး ဘုရား၊ကျိုက်ခေါက် ဘုရား

ရာဟု

ဗုဒ္ဓဟူးနံဘွဲ့အမည်ရှိသော ဘုရားတစ်ဆူဆူမှာ

ရွှေသင်္ကန်းကပ်လှူခြင်း ၊ လက်ဖက်ရည်ကပ်လှူခြင်း၊ လိမ္မော်ရည် ကပ်လှူခြင်း များပြုလုပ်ပါ။

ဗုဒ္ဓဟူးနံဘွဲ့အမည်ဘုရား -ဝဋ်ကြွေးတော်ပြေဘုရား၊ လောကမာန်အောင်ဘုရား

ကဲ ဒီလောက်ဆို အားလုံးနားလည်ကြမယ်လို့ထင်ပါတယ်။ ကျွန်တော့်အနေနဲ့ အကောင်းဆုံးဆိုတဲ့ယတြာတွေကိုပဲရွေးထုတ်ပေးလေ့ရှိသလို လက်တွေ့အောင်မြင်တဲ့ယတြာကိုပဲ ဦးစားပေးရေးလေ့ ရှိတာကြောင့် နိုင်ငံရပ်ခြားအမြန်သွားချင်သူ

အဆင်ပြေကြမယ်လို့ယုံကြည်ပါတယ်။

မိမိနေထိုင်ရာဒေသမှာ အထက်ကပေးထားတဲ့ ဘုရားဘွဲ့တွေထဲ အချို့ဘုရားတွေမရှိတာမျိုးလဲ ပါကောင်းပါလိမ့်မယ်လို့ထင်ပါတယ်။ ဆိုကြပါစို့ ..”သောကြာနံဘွဲအမည်ရှိတဲ့ ဘုရားကတော့ ကျွန်တော်တို့ မြို့မှာမရှိဘူးဆိုခဲ့ရင် နီးစပ်ရာ တန်ခိုးကြီးဘုရားတစ်ဆူဆူရဲ့ သောကြာထောင့်မှာ ကုသိုလ်ပြု စီရင်လို့ရနိုင်ကြောင်း တင်ပြရင်း နိဂုံးချုပ်အပ်ပါတယ်။

၇ရက်သားသမီးအပေါင်း

ကောင်းသောလိုအင်ဆန္ဒတွေပြည့်ဝကြပါစေ။

ငြိမ်းအေးလူ (ဗေဒင်သုတေသီ)

Viber Only( 09775555695)

အိမ်ထောင်တစ်ခုတည်ဆောက်ခြင်းနှင့် ဘဝလက်တွဲဖော် ရွေးချယ်ခြင်း

By Nyein Aye Lu 0 Comments

    အိမ်ထောင်တစ်ခုစတင်တည်ဆောက်ရာတွင် မိမိဘဝတစ်လျှောက်လုံးဆိုးတူကောင်းဘက် လက်တွဲသွားမဲ့ ဘဝလက်တွဲဖော်ရရှိဖို့ လွန်စွာမှအရေးကြီးလေသည်။ အခုပြောမဲ့ကဏ္ဍမှာ အိမ်ထောင်ရေးကိုအပျော်အပျက်သဘောထားသူတွေအတွက်တော့ အသုံးဝင်မည်မဟုတ်ပါ။ 

    အိမ်ထောင်ရေးအပေါ်သစ္စာကြီးမားသူတွေ၊ ပျော်ရွှင်တဲ့မိသားစုဘဝလေးကို ပိုင်ဆိုင်ချင်ကြသူတွေအတွက်တော့ အသုံးဝင်ပါလိမ့်မယ်။ 

     အိမ်ထောင်ရေးငြိမ်းချမ်းပြီး သားတွေ သမီးတွေနဲ့ ပျော်ရွှင်စွာနေထိုင်သွားချင်တဲ့စိတ်ကတော့ လူတိုင်းနီးပါးရင်မှာ ရှိမည်ထင်ပါတယ်။  အိမ်ထောင်ပြုတာ၊ ဘုရားတည်တာ၊ ဆေးမင်ကြောင်ထိုးတာတွေဟာ ပြန်လည်ပြင်ဆင်ဖို့ခက်ခဲတယ်လို့ ရှေးလူကြီးတွေဆုံးမခဲ့ကြသည်။ အထူးဂရုစိုက်သင့်တာကတော့ မိန်းကလေးတွေပေါ့။ လင်ဆိုးမယား တဖားဖား မဖြစ်လို့လိုသည်။ 

     အချို့ရှိကြသည်။ စရိုက်မကောင်းမှန်းသိလျက်နဲ့ လက်ထပ်ပြီးရင်ရအောင်ပြုပြင်မယ်ဆိုတဲ့စိတ်နဲ့ ဘဝလက်တွဲဖော်အဖြစ်ရွေးချယ်လိုက်ကြသည်။ လက်မထပ်ခင် ခြေရှုပ်သည်။ အလုပ်ကိုလက်ကြောတင်းအောင်မလုပ်၊၊အရက်သောက်သည်။ ဖဲ လောင်းကစား၊၊ ၁လုံး ၊၂လုံး၊၃လုံး ကလဲဝါသနာထုံသေးသည်။ 

     “သူက ယူပြီးရင်အကုန် စွန့်လွှတ်မယ်ပြောတယ်ဆရာသူက သမီးကိုအရမ်းချစ်တာ သမီးစကားနားထောင်မှာပါ”

  စတဲ့အပြောလေးတွေနဲ့ ကျွန်ုပ်ထံပြောလာကြသူတွေ မကြာခဏတွေ့ရသည်။ နောက်တော့လဲ ဒူးနဲ့မျက်ရည်သုတ်ရသည်သာ။ ခွေးအမြီးကို ကျဉ်တောက်စွပ်လဲ ချွတ်ရင်ကောက်သွားတာပဲမဟုတ်
လား။ မသေမချင်းမှတ်ထားပါ။ ပင်ကိုယ်စရိုက်မကောင်းသူတွေလက်ထပ်ပြီးရင်လိမ္မာသွားတယ်ဆိုတာ ၁၀၀၀မှာ တစ်ယောက်လောက်ပဲရှိတာပါ။ မယုံရင်စမ်းကြည့်ပါ။ ဗီဇဆိုတာဖျောက်ရခက်ပါတယ်။

   ဘဝတစ်သက်စာ သေတပန်သက်တဆုံးလက်တွဲသွားမဲ့အိမ်ထောင်ဖက်ကို အထူးသတိထားရွေးချယ်ဖို့လိုသည်။ ငယ်ရွယ်စဉ်တုန်းက လူကြီးသူမတွေအိမ်ထောင်ဘက်ရွေးချယ်ရမဲ့ စံတွေကိုပြောပြခဲ့တာမှတ်မိသေးသည်။ ကျွန်တော် မိတ်ဆွေများအတွက်တင်ပြလိုက်ပါအုံးမည်။ 
ရှေးလူကြီးတွေ အိမ်ထောင်ဘက်ရွေးနည်းပေါ့။

  မိန်းကလေးဘက်က ယောကျ်ားလေးနှင့်ပက်သက်၍ အောက်ပါအချက်များကို အဓါကထားစဉ်းစားပြီး ရွေးချယ်လေ့ ရှိကြပါသည် ။
– အရက်မသောက် ၊ ဖဲမရိုက် ၊ အပျော်အပါးမလိုက်စားတတ်သူ
– အမြော်အမြင်ကြီးမားပြီး အဆင်အခြင်တရားနှင့်ပြည့်စုံသူ
– မျိုးရိုးဇာတိ မြင့်မား၍ ရုပ်ရည်ရူပကာယ တင့်တယ်ခံ့ညားသူ
– ပစ္စည်းဥစ္စာမကြွယ်ဝသော်လည်း သားမယားကို ရှာဖွေကျွေးမွေးနိုင်သော အရည်အချင်းရှိသူ
– စကားအရာ ချိုသာနူးညံ့သိမ်မွေ့ပြီး ကိုယ်ချင်းစာတရား ထားတတ်သူ
– အနာရောဂါကင်းစင်သူ
– သက်မွေးဝမ်းကျောင်းအတတ်ပညာ တစ်ခုခုတတ်သူ
– သားမယားအပေါ်၌ လင်ဝတ္တရားနှင့် ညီနိုင်သူ
– မိမိထက်အသက်အရွယ် ( ၅ ) နှစ်ထက်မကြီး ( ၃ ) နှစ်ထက်မငယ်သူ
– အမျိုးဘာသာတူ၍ အချစ်စစ်အချစ်မှန်ရှိကာ သာယာသောအိမ်ထောင်ရေးကို ဖန်တီးတတ်သူ 

ထိုနည်းတူ ယောကျ်ားလေးကလည်း မိန်းကလေးနှင့်ပက်သက်၍ အောက်ပါအချက်များကို
အဓိကထားပြီး ရွေးချယ်လေ့ရှိကြပါသည် ။
– အနာရောဂါကင်းစင်သူ
– မျိုးရိုးဇာတိကောင်းပြီး ရုပ်ရည်ရူပကာယ တင့်တယ်လှပသူ
– သိမ်မွေ့နူးညံ့သော ဣန္ဒြေသိက္ခာရှိသူ
– စကားအရာချိုသော သာယာသူ
– မယားဝတ္တရားနှင့်အညီ လင်ပေါ်၌ ပြုစုလုပ်ကျွေးနိုင်သူ
– အိမ်တွင်းမှုအတတ်ပညာကို ပြည့်စုံစွာတတ်မြောက်သူ
– ပညာအမြော်အမြင်ရှိပြီး အကြင်နာတရားထားတတ်သူ
– အမျိုးဘာသာတူကာ အချစ်စစ်အချစ်မှန်ရှိပြီး သာယာသောအိမ်ထောင်ရေးကို ဖန်တီးတည်ဆောက်နိုင်သူ
– အပျော်အပါးကင်း၍ စီးသောရေဆည်သောကန်ဇင်းဖြစ်ပြီး အိမ်ထောင်ရေးကိုလုံခြုံစွာ ထိန်းသိမ်းတတ်သူ
– လော်လီမှု လျှပ်ပေါ်မှု ကင်းသူ
– လင်နှင့်သားသမီးတို့ကို မိခင်ပမာ ပြုစုလုပ်ကျွေးနိုင်သူ
စသော အင်္ဂါအရည်အချင်းများကို ကြည့်၍ ရွေးချယ်ကြလေ့ရှိသည် ။

 ဒါတွေကရှေးလူကြီးတွေဆုံးမခဲ့ကြသော စကားတွေပင်။လိုက်နာကျင့်သုံးလို့ အလွန်ကောင်းတဲ့ဆုံးမစကားတွေပါ။ 

 ကျွန်တော်  ဗေဒင်ပညာစတင်လေ့လာခဲ့တာ ကျောင်းသားဘဝအရွယ်ကတည်းကပင်။ လူငယ်ဆိုတော့  အချစ်ရေး အိမ်ထောင်ရေးနဲ့ပက်သက်ပြီး မိတ်ဆွေအပေါင်းအသင်းတွေက မေးကြမြန်းကြသည်။

 ဒါကြောင့်ပဲ အချစ်ရေးအိမ်ထောင်ရေးအဟောတွေက ငယ်စဉ်ကတည်းက မိမိနှင့်လက်ပွန်းတသီးရှိနေသည်။ တက္ကသိုလ်ကျောင်းသားဘဝ သူငယ်ချင်းတွေရဲ့ အချစ်ရေးကမိမိအတွက်တော့ လေ့လာစရာပညာရပ်တွေဖြစ်နေခဲ့တယ်။ အဲဒီကနေ အရွယ်ရောက်လာတော့ အချစ်ရေး အိမ်ထောင်ရေးသောကအပူတွေက ဗေဒင်ဆရာဆီကူးစက်လာတော့တာပါပဲ။ 

 မီးဆိုတာ မလောင်ခင်တားသင့်သလို အိမ်ထောင်ရေးသောက အပူတွေကလဲ လက်မထပ်ခင်ကတည်းကစဉ်းစားသင့်သည် မဟုတ်လား။ ကွဲကွာကြ ၊လမ်းခွဲကြ၊ ပြတ်ဆဲကြ၊ ဖောက်ပြန်ကြပြီဆိုတော့မှ ဗေဒင်ဆရာဆီ ငိုကြီးချက်မနှင့် ပြေးလာကြသည်။ ဗေဒင်ဆရာတွေကလဲ ဥုံဖွ ဆရာတွေမဟုတ်…။ ဗေဒင်ပညာနှင့် ကူညီလို့ရတာရှိသလို ၊မရတော့တာလဲရှိသည်။ 

ရောဂါကျွမ်းမှ လာပြတဲ့ လူနာကို
ဆရာဝန်က ခေါင်းခါပြီး လူနာကို စားချင်တာကျွေး ၊ စိတ်ချမ်းသာအောင်ထားပါလို့ ပြောပြီး ပြန်လွှတ်လိုက်ကြသလိုပေါ့။ ကျွန်တော်ကလဲ ကူညီပေးလို့ မရတဲ့ ဇာတာတွေကို “ဝဋ်ကြွေးရှိတယ်လို့ သဘောထားပါဗျ… ရေစက်ကဒီလောက်ပဲပါလို့နေမှာပါ”
လို့နှစ်သိမ့်ပေးလိုက်ရတာတွေလဲရှိသည်။ 

   မယူခင်တွေဇာတာတွေတိုက်စစ်၊ မတိုက်ဆိုင်လို့ရှိရင် အိမ်ထောင်ရေးအေးချမ်းစေမဲ့  ယတြာတွေစီရင်ရသည်။ ဒါမှလဲခံသာမည်။ 

      ဇာတာတိုက်စစ်ရာတွင်လဲ ဇာတာနှစ်ခုရဲ့ မူလမဟာဘုတ် အဖွားတွေရဲ့အနေအထား၊ ပက္ခသဘော၊အင်္ဂဝိဇ္ဇာ အနေအထား၊ ကာရကသဘော၊နာမည်အရ နာမက္ခရဆန်းအနေအထားတွေချိန်ဆ ရသည်။ လက်ရိုးအရ ပတနီဘာဝ (၇တန့်)မှာ ရပ်တည်နေတဲ့ ဂြိုဟ်တွေ ကိုလေ့လာရပြန်သည်။ သေချာစွာအကြံပေးနိုင်ဖို့အချိန်ယူရသည်။လိုအပ်တာတွေ ပြောပေးလမ်းညွှန်ပေးရသည်။ 

        ဒါကြောင့်ကိုယ်ယူမဲ့အိမ်ထောင်ဘက်ဟာသင့်တော်ရဲ့လား၊ ဘဝကြင်ဖော်ကောင်းဟုတ်ရဲ့လားဆိုတာကို သိသင့်သည်။ ကျွန်တော်စဉ်းစားမိတာက ဗေဒင်နားမလည်သူတွေ မိမိအိမ်ထောင်ဘက်ကမိမိနဲ့သင့်မသင့်ကို အကြမ်းဖျင်းလေးသိရဖို့  ပြောပြပေးချင်သည်။ 

    ဒီနေရာကနေ ကျွန်တော့်မိတ်ဆွေတွေကို မိမိတို့ဘာသာအိမ်ထောင်ဘက်ကိုရွေးချယ်နိုင်မဲ့ ယေဘုယျသဘောလေးတစ်ခုကို တင်ပြပေးပါ့
မယ်။ အနီးစပ်ဆုံး မိမိလက်မတွဲသင့်တဲ နေ့နံတွေကဘာနေ့ဆိုတာသိရတာပေါ့။ လေ့လာကြည့်ပါ။ နှစ်ပေါင်းများစွာ ဟောခဲ့ ပြောခဲ့ သုတေသနလုပ်ခဲ့တဲ့ အတွေ့အကြုံအရ Noteထုတ်ပေးထားတာပါ။ ဗေဒင်နားမလည်သူတွေအတွက် အဆင်ပြေစေဖို့ မဟာဘုတ်နည်းအရ 
အိမ်ထောင်ဘက်ရွေးနည်းလေးပါပဲ။

ကိုယ့်ရဲ မြန်မာမွေးသက္ကရာဇ်ကို တည်ပြီး  ၇နဲ့စားကြည့်လိုက်ပါ။
ရလာတဲ့အကြွင်းက ၁ကြွင်းပါက
   တနင်္ဂနွေ၊ တနင်္လာ၊ ကြာသပတေး သားသမီးတွေကို အိမ်ထောင်ဘက်အဖြစ်မရွေးချယ်သင့်ပါဘူး။

ကိုယ့်ရဲ မြန်မာမွေးသက္ကရာဇ်ကို တည်ပြီး ၇နဲ့စားကြည့်လိုက်ပါ။
ရလာတဲ့အကြွင်းက ၂ ကြွင်းပါက
   တနင်္လာ၊အင်္ဂါ၊သောကြာ သားသမီးတွေကို အိမ်ထောင်ဘက်အဖြစ် မရွေးချယ်သင့်ပါဘူး။

ကိုယ့်ရဲ မြန်မာမွေးသက္ကရာဇ်ကို တည်ပြီး ၇နဲ့စားကြည့်လိုက်ပါ။
ရလာတဲ့အကြွင်းက ၃ ကြွင်းပါက
   အင်္ဂါ၊ ဗုဒ္ဓဟူး၊စနေသားသမီးတွေကို အိမ်ထောင်ဘက်အဖြစ် မရွေးချယ်သင့်ပါဘူး။

ကိုယ့်ရဲ မြန်မာမွေးသက္ကရာဇ်ကို တည်ပြီးရနဲ့စားကြည့်လိုက်ပါ။
ရလာတဲ့အကြွင်းက ၄ ကြွင်းပါက
   ဗုဒ္ဓဟူး၊ကြာသပတေးနှင့် တနင်္ဂနွေသားသမီးတွေကို အိမ်ထောင်ဘက်အဖြစ် မရွေးချယ်သင့်ပါဘူး။

ကိုယ့်ရဲ မြန်မာမွေးသက္ကရာဇ်ကို တည်ပြီးရနဲ့စားကြည့်လိုက်ပါ။
ရလာတဲ့အကြွင်းက ၅ ကြွင်းပါက
   ကြာသပတေး ၊သောကြာနှင့် တနင်္လာသားသမီးတွေကို အိမ်ထောင်ဘက်အဖြစ်မရွေးချယ်သင့်ပါဘူး။

ကိုယ့်ရဲ မြန်မာမွေးသက္ကရာဇ်ကို တည်ပြီး ၇နဲ့စားကြည့်လိုက်ပါ။
ရလာတဲ့အကြွင်းက ၆ ကြွင်းပါက
    သောကြာ၊စနေနှင့် အင်္ဂါသားသမီးတွေကို အိမ်ထောင်ဘက်အဖြစ်မရွေးချယ်သင့်ပါဘူး။

ကိုယ့်ရဲ မြန်မာမွေးသက္ကရာဇ်ကို တည်ပြီး ၇နဲ့စားကြည့်လိုက်ပါ။
ရလာတဲ့အကြွင်းက ၀ ကြွင်းပါက
   စနေ၊ တနင်္ဂနွေနှင့် ဗုဒ္ဓဟူးသားသမီးတွေကို အိမ်ထောင်ဘက်အဖြစ် မရွေးချယ်သင့်ပါဘူး၊

 ဒီလောက်ဆိုရင်တော့ အိမ်ထောင်ဘက်အဖြစ်မရွေးချယ်သင့်တဲ့နေ့သားတွေကို သိလောက်ပြီထင်ပါတယ်။  ဒီနေ့သားတွေကို ယတိပြတ်မယူရဘူးလို့ မဆိုလိုပါဘူး။ ဘဝလက်တွဲဖော်အဖြစ်လက်တွဲမယ်ဆိုရင်တော့ သတိထားရမဲ့ နေ့နံတွေပါ။  အခက်အခဲပြဿ     နာများနိုင်တယ်။ 

         ဒါကြောင့် ကိုယ်ချစ်တဲ့သူ၊ ဘဝကြင်ဖော်အဖြစ်ရွေးချယ်မဲ့ သူတွေဟာရှောင်ရမဲ့နေနံတွေထဲပါနေတယ်ဆိုရင်တော့ နီးစပ်ရာဆရာဆီမှာအကြံဉာဏ်ယူပါ။ ရှောင်ရန်ဆောင်ရန်တွေမေးပါ။ လိုအပ်သော အိမ်ထောင်ရေးငြိမ်းချမ်းစေမဲ့ ယတြာတွေစီရင်ပါလို့ အမှာစကားပါးလိုက်ရပါတယ်ဗျာ။ 

   ချစ်သူတိုင်းညားပြီး ညားသူတိုင်းအဆင်ပြေကြပါစေဗျ….။       ။

၇ရက်သားသမီးအပေါင်း 
       ကောင်းသောလိုအင်ဆန္ဒတွေပြည့်ဝကြပါစေ။

               ငြိမ်းအေးလူ (ဗေဒင်သုတေသီ)
              Viber Only( 09775555695)

သိသင့် သိထိုက်သော အဆောင်ရတနာများအကြောင်း

By Nyein Aye Lu 0 Comments

     တစ်နေ့တွင် အားလပ်ရက်ဖြစ်တာကြောင့် စာအုပ်ဆိုင်တွေဘက်ကို ခြေဦးလှည့်ဖြစ်သည်။ ဆိုင်ထဲကောင်းရာနိုးနိုး စာအုပ်လေးတွေရွေးနေတုန်းမှာပဲ ဖုန်းဝင်လာသည်။ 

   ” ဟဲလို မဂၤလာပါ
              ကျွန်တော်ငြိမ်းအေးလူပါ”

   ” အေး ..ညီလေး …အကိုအောင်သန်းပါ “

    “ေျပာ….အကို”

  ” အကိုအခုရွှေဆိုင်တန်းဘက်ရောက်နေတယ်၊ အကိုလက်စွပ်လေးတစ်ကွင်းလောက် ဝယ်ချင်လို့။ ရှင်းရှင်းပြောရရင် စိန်လက်စွပ်လေးတစ်ကွင်းလောက် ဝယ်ချင်တာ…. ဒာဲဒါအကိုနဲ့သင့်တော်ရဲ့လာလို့……”

  ” သင့်တော်တယ်အကို…. ဟိုတစ်ခါအကိုဗေဒင်လာမေးကတည်းက စိန်ကိုအဆောင်အဖြစ်ဝတ်ဆင်သင့်တယ်လို့ ကျွန်တော်ပြောဖူးပါတယ်။ ရွှေနဲ့ပဲဖြစ်ဖြစ် ၊ ပလက်တီနမ်နဲ့ပဲဖြစ်ဖြစ်ကွင်းဝတ်လို့ရတယ်။ ညာဖက် လက်ခလယ်မှာ ဆင်မြန်း
ရမယ်လို့ ကျွန်တော်ပြောခဲ့ဖူးပါတယ်….”

  ” ငါ့ညီပြောတာအကို မှတ်မိပါတယ်၊ အချို့ကပြောကြတယ်၊ စိန်ကလူခိုက်တယ်ဆိုလို့ “

    “မဟုတ်ပါဘူးအကိုရာ …ကျွန်တော်တို့ ဗုဒ္ဓဘာသာမှာ စိန်ကိုအထွဋ်အမြတ်ထားကြတယ်လေ
 စေတီပုထိုးတွေမှာ စိန်ဖူးတော်ဆိုပြီး အလေးအမြတ်ထားကြတယ်မဟုတ်လား 
ဒါကြောင့်ပဲ စိန်ကိုဝတ်ဆင်တဲ့သူတွေဟာ သီလမြဲရင်အလွန်အကျိုးပေးပါတယ်…..အကိုကသီလရှိပြီးသားပဲ ..အမြဲတမ်းခါးဝတ်ပုဆိုးလိုမြဲအောင်ကြိုးစားပေါ့”

  “.    စိတ်ချပါ…ကွာ အကိုလဲသီလရှိအောင်နေပါတယ်  ဒါနဲ့စကားမစပ် စေတီတွေမှာစိန်ဖူးတော်ကို ဘာလိုအထွဋ်အမြတ်ထားတာလဲ…ငါ့ညီသိရင် ပြောပြပါလား…”
     “ကျွန်တော်သိသလောက်ပြောရရင်တော့ စိန်က ကာဗွန်ဒိုင်အောင်ဆိုက်ဒ်ကင်းတယ်။ သူရဲ့ hardness powerကလဲ အမြင့်ဆုံးရှိတယ်။ သူ့ကို ရွှံနွံထဲမှာပဲထားထား အညစ်အကြေးထဲမှာပဲထားထား သူရဲ့ဓာတုဗေဒ ဂုဏ်သတ္တိတွေကပြောင်းလဲသွားတာမျိုးမရှိဘူး…..  
  အဲလိုပဲဗုဒ္ဓဟောကြားခဲ့တဲ့ တရားတော်တွေကို
   ဆင်းရဲသားပဲကျင့်ကျင့်
   သူဌေးပဲကျင့်ကျင့်
   ဘုရင်ပဲကျင့်ကျင့်
   သူတောင်းစားပဲကျင့်ကျင့် ..ရရှိလာတဲ့ ဓမ္မချမ်းသာ၊ နိဗ္ဗာန်ချမ်းသာဟာလဲ ပြောင်းလဲခြင်းမရှိဘူး 
အဲဒါကြောင့်ပဲ ဓမ္မကို စိန်နဲ့ နှိုင်းယှဉ်ပြီး စေတီတွေမှာ စိန်ဖူးတော်အဖြစ်အထွဋ်အမြတ်ထားတယ်လို့ကြားဖူးတာပဲ..”

  “အခုလိုရှင်းပြတာ ကျေးဇူးပါပဲ…..ငါ့ညီရာ 
   အဲဒါဆို အကိုဝယ်လိုက်တော့မယ်….”

 ” ဝယ္သာ ဝယ္လိုက္ပါ အကို…..”

*************************************

   အဲဒီလိုမျိုး အဆောင်ကျောက်တွေနဲ့ ပက်သက်ပြီး တော့မေးမြန်ကြသူတွေ အပြင်မှာရော လိုင်းပေါ်မှာပါအရမ်းများကြပါတယ်။ အဆောင်ကျောက်မျက်ရတနာတွေနဲ့ ပက်သက်ပြီးရေးပေးဖို့ တိုက်တွန်းကြသူတွေလဲရှိကြပါတယ်။ 

     အဆောင်ကျောက်မျက်ရတနာတွေက လူသားတွေအပေါ် အကျိုးသက်ရောက်မှုတွေရှိစေတာ
တော့အမှန်ပါပဲ၊ အချို့က အထွန့်တက်ကြသည်။ မြေအောက်ကနေထွက်ပြီး လူသားတွေက တန်ဖိုးထားစရာလို့သတ်မှတ်လိုက်လို့ ရတနာဖြစ်လာတဲ့ သတ္ထုတွေက လူသားတွေရဲ့ အောင်မြင်မှု၊ ချမ်းသာမှု ၊ပျော်ရွှင်မှု ၊ကျန်းမာမှုတွေအတွက် အထောက်အပံ့တွေ၊ကောင်းကျိုးတွေ ဖြစ်စေပါ့မလားလို့ အမေးခံရဖူးပါတယ်။

     ဒီမှာတင်အဖြေကပါပြီးသားပါ။ လူတွေတန်ဖိုးထားစရာလို့သတ်မှတ်ထားခဲ့ကြတာဟာ ဘယ်အချိန်ဘယ်ကာလကတည်းကဆိုတာ 
မသိနိုင်အောင် ကြာမြင့်ခဲ့ပါပြီ။ ဒီရတနာတွေကို
လူတွေကမြတ်နိုးခဲ့ကြတာဟာ လူသားစဉ်ဆက်နှစ်ပရိစ္ဆေတရှိနေပါပြီ။ အဲဒီလိုမြတ်နိုး တန်ဖိုးထားကြတဲ့ ရတနာတွေကို မိမိရဲ့ ခန္ဓာကိုယ်မှာဆင်မြန်းထားပြီဆိုကတည်းကထိုရတနာရဲ့ဟိတ်တွေ မိမိဆီကို ဝင်လာတာမဆန်းပါဘူး။

    သဘာဝတရားကြီးက လွန်စွာဆန်းကြယ်သည်။ မိမိဉာဏ်တစ်ထွာတစ်မိုက်လောက်နှင့် ဉာဏ်မှီဖို့မလွယ်ပေ။မိမိဉာဏ်မမှီတာနဲ့ပဲ လက်မခံဘူးဆိုရင် အရမ်းရယ်စရာကောင်းနေမည်သာ။  
    နေ၊လ၊ရေ၊မြေ၊လေ၊သစ်ပင်တောတောင် စတဲ့သဘာဝအကြောင်းတရားတွေရှိလို့သာ သက်ရှိတွေရှင်သန်နိုင်သည် မဟုတ်လား။ ဒီသဘာဝတရားကြီးကမွေးဖွားပေးလိုက်တဲ့ မြေပေါ်မြေအောက် ရတနာတွေကလဲလူသားတွေအပေါ် သက်ရောက်မှုတွေရှိ သည်သာ။ ဒါကြောင့်ပဲသစ်ရွက်သစ်ဖုတွေဟာ လူသားတွေရဲ့  ဆေးဝါးဖြစ်လာခဲ့ကြသည်။ 

     သဘာဝတရားကြီးမှာ သူ့အာနိသင်နှင့်သူရှိကြသည်။ဒီလိုပဲကျောက်မျက်ရတနာတွေမှာ သူ့အမျိုးအစားအလိုက်အကျိုးအာနိသင်တွေရှိကြစမြဲပင်။ 
အနည်းငယ်ပြောပြရရင်….

ပတၱျမား

     ပတ္တမြားဟာ ရန်ကိုအောင်စေတဲ့နေရာမှာအထူး
ကောင်းတယ်။ရဲရင့်မှု ၊ ထက်မြက်မှု၊ စိတ်အားထက်သန်မှုတွေကိုလဲပေးစွမ်းတယ်။

ပုလဲ

    ပုလဲက မျက်နှာပွင့်တယ်။ စန်းပွင့်တယ်။ ငွေရွှင်တယ်။ငွေမြဲတယ်။လာဘ်လာဘကိုပေးစွမ်းတယ်။

စိန်

      စိန်ကတော့ ဘုန်းကံမြင့်မားစေပါတယ်။အောင်မြင်မှုတန်ခိုးသြဇာထက်မြက်မှုကို ပေးစွမ်းတယ်။

နီလာ

     နီလာကတော့ လုပ်ငန်းကိုတိုးတတ်စေတယ်။ အောင်မြင်စေတယ်။စီးပွားရေးကံကောင်းစေတယ်။ ရန်ငြိုးတွေပြေငြိမ်မှုကိုပေးစွမ်းပါတယ်။

သန္တာနီ 

      အချစ်ရေး၊အိမ်ထောင်ရေး ပျော်ရွှင်ချမ်းမြေ့စေတယ်အချစ်ရေးကံကောင်းစေတယ်။ ပီယဓာတ်ကိုပေးစွမ်းပါတယ်။

ဥႆ     ဖယား

   ဥဿ     ဖယားက ကံဆိုးခြင်းတွေလျော့ပါးသက်သာတယ် ဘဝအခြေခိုင်မာစေတယ်။ တည်ငြိမ်မှုကိုပေးစွမ်းတယ်။

ပယင်း

    ပယင်းကမှတ်ဉာဏ်ကိုကောင်းစေတယ်။ဒေါသကိုထိန်းချုပ်နိုင်တယ်။မေတ္တာတရား ခွင့်လွှတ်ခြင်းကိုပေးစွမ်းတယ်

ကြောင်

    ကြောင်ကျောက်က စွန့်စားမှုကိုဖြစ်ပေါ်စေတယ်။ ကံညံ့တာတွေပျောက်စေတယ်။ အနာဂတ်ကြိုတင်ခန့်မှန်းနိုင်မှုကိုပေးစွမ်းတယ်။

ျမ

  မြကတော့ ပေါများကြွယ်ဝစေတယ်။ မိသားစုရဲ့ပျော်ရွှင်မှုငြိမ်းချမ်းမှုကိုပေးစွမ်းတယ် 

ဂေါ်မုတ်

     ဂေါ်မုတ်က ကိုယ်ခံအားကိုကောင်းစေတယ်။ သန်မာခြင်းနဲ့ ခွန်အားကိုပေးစွမ်းတယ်။ 

မဟူရာ

     မဟူရာက သူများမပြုစားနိုင်ဘူး။ အတွေးအခေါ် ကောင်းစေတယ်။ ရန်အောင်ခြင်းကိုပေးစွမ်းတယ်။

  ဒါကတော့ ကျောက်မျက်ရတနာအချို့ရဲ့ အစွမ်းအာနိသင်ကိုအနည်းအကျဉ်းဖော်ပြတာပါ။ အဲဒီမှာ
ရွှေကတော့ ကျန်းမာခြင်း ၊ ယုံကြည်ခြင်း ၊ ရဲရင့်ခြင်းတွေကို ပေးစွမ်းသလို လူ အများနဲ့လဲသဟဇာတ  
ဖြစ်စေတဲ့ရတနာပါပဲ။

     တစ်ဦးတစ်ယောက်ဆီအတွက်သင့်တော်တဲ့ အဆောင်ကျောက်တွေကို ပြောရမယ်ဆိုရင် အယူအဆတွေကအရမ်းများတာတွေရတယ်။ နေ့သားအလိုက် ၊မဟာဘုတ်အကြွင်းအလိုက်၊ အင်္ဂဝိဇ္ဇာအလိုက် အဆောင်ကျောက်တွေ ကွဲပြားနေသေးပါတယ်။ ထိုနောက်ရာသီအလိုက် ၊ ဂဏန်းဗေဒင်အလိုက်လဲ ထပ်မံကွဲပြားမှုကရှိနေပါသေးတယ်။ အရှေ့တိုင်းနည်းအရရော အနောက်တိုင်းနည်းအရပါ မူတွေအမျိုးမျိုးကွဲနေပါသေးတယ်။ အဲဒီတော့ အဆောင်ကျောက်တွေအကြောင်းသာ အစုံရေးပြရမယ်ဆိုရင်  ခေါင်းအုံးအိပ်လို့ရမဲ့ အထူလောက်စာအုပ်တစ်အုပ် ဖြစ်လာနိုင်စရာရှိပါတယ်။

   အဲဒီတော့ ကျွန်တော်လက်ရှိအသုံးပြုနေပြီး ၇ရက်သားသမီးကို လက်ဆင့်ကမ်းနေတဲ့ အဆောင်ကျောက်မျက်ရတနာ ဆောင်နည်းကတော့  မိမိတို့မွေးတဲ့ အင်္ဂလိပ်မွေးရက်အရ  ဆောင်ရတဲ့ နည်းပါပဲ။ ဒီနည်းလေးကို လွန်ခဲ့သော ဆယ်စုနှစ်က ဆရာ
သက်နှင်းဆွေ(ပုပ္ပါး)ဆီကရခဲ့သည်။ 

  လက်တွေ့အသုံးပြုခဲ့တာကြာပြီ။ တကယ်လဲအစွမ်းထက်မြက်ပြီးအကျိုးထူးတာများစွာတွေ့ရသည်။ 
*************************************

မိမိဟာခရစ်နှစ်  မည်သည့်နှစ်၊မည်သည့်လတွင်မဆို
  ၁ရက်၊ ၁၀ရက်၊ ၁၉ရက်၊ ၂၈ရက်တွေမှာမွေးဖွားခဲ့တယ်ဆိုရင်တော့

           စိန်၊ပယင်းနှင့် အဝါရောင်ကျောက်တွေကို အဆောင်ကျောက်အဖြစ် ဘဝတစ်သက်စာ ရွေးချယ်ဆင်မြန်းနိုင်ပါတယ်၊၊

မိမိဟာခရစ်နှစ်  မည်သည့်နှစ်၊မည်သည့်လတွင် မဆို
၂ရက်၊ ၁၁ရက်၊ ၂၀ရက်၊ ၂၉ရက်တွေမှာမွေးဖွားခဲ့တယ်
ဆိုရင်တော့….
       ပုလဲ၊ကျောက်စိမ်းနှင့် အစိမ်းနုရောင်ကျောက်တွေကို  အဆောင်ကျောက်အဖြစ် ဘဝတစ်သက်စာ ရွေးချယ်
ဆင်မြန်းနိုင်ပါတယ်၊၊

မိမိဟာ ခရစ်နှစ်  မည်သည့်နှစ်၊ မည်သည့်လတွင် မဆို
၃ရက်၊ ၁၂ရက်၊ ၂၁ရက်၊ ၃၀ရက်တွေမှာမွေးဖွားခဲ့တယ်ဆိုရင်တော့….
           ငွေသားလက်စွပ်နှင့် ဂေါ်မုတ်ကျောက်တွေကို အဆောင်ကျောက်အဖြစ် ဘဝတစ်သက်စာ ရွေးချယ်ဆင်မြန်းနိုင်ပါတယ်၊၊

မိမိဟာ ခရစ်နှစ်  မည်သည့်နှစ်၊ မည်သည့်လတွင် မဆို
၄ရက်၊ ၁၃ရက်၊ ၂၂ရက်၊ ၃၁ရက်တွေမှာမွေးဖွားခဲ့တယ်ဆိုရင်တော့….
           ရွှေကိုတတ်သစ်စနေဝန်းပုံဖော်ပြီး လက်စွပ်ကွင်း ဝတ်ကာ  အဆောင်ရတနာအဖြစ် ဘဝတစ်သက်စာ ရွေးချယ်ဆင်မြန်းနိုင်ပါတယ်၊၊

မိမိဟာ ခရစ်နှစ်  မည်သည့်နှစ်၊ မည်သည့်လတွင် မဆို
၅ရက်၊ ၁၄ရက်၊ ၂၃ရက်တွေမှာမွေးဖွားခဲ့တယ်
ဆိုရင်တော့….
           စိန်၊ငွေနှင့် ပြဒါးလုံး ကျောက်တွေကို အဆောင်ကျောက်အဖြစ် ဘဝတစ်သက်စာ ရွေးချယ်ဆင်မြန်းနိုင်ပါတယ်၊၊

မိမိဟာ ခရစ်နှစ်  မည်သည့်နှစ်၊ မည်သည့်လတွင် မဆို
 ၆ရက်၊ ၁၅ရက်၊ ၂၄ရက်တွေမှာမွေးဖွားခဲ့တယ်
ဆိုရင်တော့….
           မြကျောက်နှင့် အပြာရောင်ကျောက်တွေကို အဆောင်ကျောက်အဖြစ် ဘဝတစ်သက်စာ ရွေးချယ်ဆင်မြန်းနိုင်ပါတယ်၊၊

မိမိဟာ ခရစ်နှစ်  မည်သည့်နှစ်၊ မည်သည့်လတွင် မဆို
၇ရက်၊ ၁၆ရက်၊ ၂၅ရက်တွေမှာမွေးဖွားခဲ့တယ်
ဆိုရင်တော့….
           ပုလဲ၊ကြောင်ကျောက်နှင့် အရောင် ဖျော့ သော ကျောက်တွေကို အဆောင်ကျောက်အဖြစ် ဘဝတစ်သက်စာ ရွေးချယ်ဆင်မြန်းနိုင်ပါတယ်၊၊

မိမိဟာ ခရစ်နှစ်  မည်သည့်နှစ်၊ မည်သည့်လတွင် မဆို
၈ရက်၊ ၁၇ရက်၊ ၂၆ရက်တွေမှာမွေးဖွားခဲ့တယ်
ဆိုရင်တော့….
           ပုလဲနက်၊ရေသံနှင့် မဟူရာကျောက်တွေကို အဆောင်ကျောက်အဖြစ် ဘဝတစ်သက်စာ ရွေးချယ်ဆင်မြန်းနိုင်ပါတယ်၊၊

မိမိဟာ ခရစ်နှစ်  မည်သည့်နှစ်၊ မည်သည့်လတွင် မဆို
   ၉ရက်၊ ၁၈ရက်၊ ၂၇ရက်တွေမှာမွေးဖွားခဲ့တယ်
ဆိုရင်တော့….
           ပတ္တမြားနှင့် အနီရောင်ကျောက်တွေကို အဆောင်ကျောက်အဖြစ် ဘဝတစ်သက်စာ ရွေးချယ်
ဆင်မြန်းနိုင်ပါတယ်၊၊

   မိမိကအဆောင်အဖြစ်နဲ့ ဝတ်ဆင်မဲ့ရတနာကို မဝတ်ဆင်ခင် ပထမဦးစွာ နွားနို့နဲ့ အရင်စိမ်လိုက်ပါ။ ပြီးရင် ရေသန့်နဲ့ ၂၁ကြိမ်တိတိ 
ဆေးကြောပါ။ 
  ရေဆေးပြီးတာနဲ့ အမွှေးနံ့သာ တစ်ခုနဲ့ ပက်ဖြန်းပါ။ မိမိကိုယ်တိုင်ကလဲ ရေမိုးချိုး ကိုယ်လက်သန့်စင်ပါ၊ ဘုရားမှာ ပန်းဆီမီးရေချမ်း ကပ်လှူပူဇော်ပါ။ဘုရားရှိခိုး ပရိတ်ပဋ္ဌာန်း ရွတ်ဆိုပြီးမှ ဝတ်ဆင်ပါ။ 
အဆောင်ကို လက်စွပ်အဖြစ်ဝတ်ဆင်မယ်ဆိုရင်တော့ ညာလက်မှာပဲ
ဝတ်သင့်ပါတယ်။ လက်ခလယ် (သို့)လက်သူကြွယ်မှာ ဝတ်ဆင်ပါ။

   ထူးထူးခြားခြားကံကောင်းခြင်း၊ လာဘ်ရွှင်ခြင်း၊ ဘေးရန်ကင်းခြင်း၊
 မျက်နှာပွင့်ခြင်း၊ ပြောစကားအောင်မြင်ခြင်း၊  မိသားစုအိမ်ထောင်ရေး ချမ်းမြေ့ခြင်း၊ သူတစ်ပါးဒုက္ခမပေးနိုင်ခြင်း  ငွေမြဲခြင်း ၊ကျန်းမာခြင်း၊
 စတဲ့ကောင်းကျိုးတွေရရှိစေပါတယ်။ ကျောက်မျက်ရတနာဟာ လှပရုံဆင်မြန်းထားဖို့မဟုတ်ဘဲ စနစ်တကျဆောင်ထားခြင်းဖြင့် ကောင်းကျိုးအနန္တတွေ ဖြစ်ပေါ်စေကြောင်း တင်ပြလိုက်ရပါတယ်ဗျာ

   ၇ရက်သားသမီးအပေါင်း 
       ကောင်းသောလိုအင်ဆန္ဒတွေပြည့်ဝကြပါစေ။

                ငြိမ်းအေးလူ (ဗေဒင်သုတေသီ)
                Viber Only( 09775555695)

ချစ်တဲ့သူတိုင်း ညားကြပါစေ

By Nyein Aye Lu 0 Comments

အချစ်အကြောင်းပြောမယ်ဆိုရင် အခြားသူများထက်မိမိက ပိုပြီးသိတယ်လို့ ပြောရမလိုပင်။ အချစ်ရေးနယ်ပယ်မှာ ခံစားအလွယ်ဆုံးဖြစ်တဲ့ ကရကဋ်ရာသီဖွားက မိမိကိုယ်တိုင်ပင် မဟုတ်လား။ တက္ကသိုလ်ကျောင်းသားဘဝ အချစ်ဆိုတာနဲ့ စတင်ရင်းနှီးခွင့်ရခဲ့သည်။

ချစ်ခင်မြတ်နိုးခြင်း လွမ်းဆွတ်သတိရခြင်း ခွဲခွာပူဆွေးခြင်း အသည်းကွဲခြင်းစတဲ့ ဝေဒနာတွေအမျိုးမျိုးခံစား ခဲ့ရတယ်။ ကျောင်းပြီးလို့ လုပ်ငန်းခွင်ဝင်တော့လဲ ပထမဆုံး ထိတွေ့လုပ်ကိုင်ခွင့်ရတဲ့အလုပ်က marketing အလုပ်။ အလုပ်ခွင်ထဲမှာပင် ချစ်သူရသည်။ ချစ်သူက ကိုယ်အထက်မြန်မာပြည် marketing တစ်လထွက်နေချိန် နောက်တစ်ယောက်တွဲသွားသည်။

မိမိပြန်ရောက်တော့ သူငယ်ချင်းတွေက ဆီးကြိုပြီးအကျိုးအကြောင်းပြောပြကြသည်။ လက်ထဲမှာကိုင်ပြီး သောက်နေတဲ့ အချိုရည်ပင်ဆက်လက်မမျိုချနိုင်အောင် လည်ချောင်းထဲမှာ တစ်ဆို့ပြီးအသည်းကွဲတဲ့ ဝေဒနာကို ခံစားခဲ့ရသည်။ ဒါကြောင့်ပဲ အချစ်နဲ့ပက်သက်ပြီး ဒုက္ခကြုံနေကြသူတွေကို မိမိကိုယ်တိုင်လဲ ကိုယ်ချင်းစာသည်။

ဗေဒင်ပညာဖြင့် အသက်မွေးရပ်တည်တဲ့အခါမှာတော့ အချစ်ရေးသောကကြုံနေရသူတွေနဲ့ နေစဉ်လိုလို တွေ့ရမြင်ရလေသည်။ ချစ်ခင်နှစ်သက်သူနဲ့ ကွေကွင်းရခြင်း၊ မချစ်မနှစ်သက်သူနဲ့ ပေါင်းဖက်ရခြင်းသည် ဒုက္ခပင် မဟုတ်ပါလား…။

ချစ်သူက အဆက်အသွယ်မလုပ်လို့၊ ချစ်သူက လမ်းခွဲသွားလို့၊ ချစ်သူက နောက်တစ်ယောက်တွဲသွားလို့၊ ချစ်သူက အတူတူနေပြီးမှ ရှောင်နေလို့ …စသည်ဖြင့် အချစ်ရေးရဲ့ ခေါင်းစဉ်အောက်က ပြဿ နာမျိုးစုံ မြင်ရကြားရ တွေရလေသည်။

ချစ်သူရည်းစားမထားခင် မိမိချစ်သူကဘယ်လိုလူလဲ ဘယ်လိုစိတ်ဓာတ်ရှိလဲဆိုတာ သိအောင်ကြိုးစားထား ပါ။ ချစ်သူဘဝမှာလဲ မိန်းကလေးတွေအနေနဲ့ ချစ်သူနဲ့စိတ်ကွယ်ရာမနေမိပါစေနဲ့။ အတူတူမနေလို့ ပြဿ နာရှာရင် လမ်းခွဲလိုက်ပါ။ အတိတ်ကံဆိုတာ ဘာတွေလုပ်ခဲ့တာလဲမြင်ရတာမဟုတ်ပါ။ ကိုယ့်ချစ်သူနဲ့ ကိုယ်နဲ့ကဖူးစာရေစက် ဘယ်လောက်ပါလဲ သိနိုင်သည်မဟုတ်ပါ။

ဖူးစာရေစက်နည်းလို့ လမ်းခွဲရပြီဆိုရင်တော့ဗေဒင်ယတြာမဆိုထားနှင့်။ မိုးပေါ်က သိကြားမင်းပင်ကူညီ နိုင်မည် မဟုတ်ဘူးဆိုတာသိထားပါ။ ဒါကြောင့် ကျွန်တော့်ဆီမှာဗေဒင်မေး ယတြာယူကြတဲ့သူတွေဆိုသိပါလိမ့် မယ်။ အဆင်ပြေနိုင် မပြေနိုင်စစ်ဆေးပြီးမှ လိုအပ်တဲ့ယတြာပြောပေးလေ့ရှိပါတယ်။ ဇာတာချင်းမကိုက်ညီဘဲ လက်တွဲကြတဲ့ စုံတွဲတွေ၊ အိမ်ထောင်ဘက်တွေဟာဆိုရင် စိတ်သဘောထားချင်း မတိုက်ဆိုင်ကြသလို ရေရှည် လက်တွဲဖို့ဆိုတာလဲ မဖြစ်နိုင်တဲ့ကိစ္စတစ်ခုပါ။

အချစ်ရေးဒုက္ခကြုံနေရသူတွေအတွက် ဗေဒင်မေးရ ယတြာခြေရတာကလဲ အဆင်ပြေမလားဆိုတဲ့ မျှော်လင့်ချက်ကိုယ်စီနဲ့ပေါ့။ ရိုးသားတဲ့ဗေဒင်ပညာရှင်နဲ့ ဆုံတွေ့ရရင် ကိစ္စမရှိပေမဲ့ ရိုက်စားဗေဒင်ဆရာနဲ့တွေ့ရင် အပူပေါ်အပူဆင့်ရပြန်ပါတယ်။ အပူစာစားနေရတဲ့ ဗေဒင်ဆရာတွေကလဲ စေတနာကြေး ဒါမှမဟုတ်သတ်မှတ် ဉာဏ်ပူဇော်ခသာယူသင့်သည် မဟုတ်ပါလား။ မျက်ဖြူဆိုက်လေ ဆရာကြိုက်လေအချိုးမျိုးနဲ့ ငွေယူနေမယ်ဆို ရင်

တော့ ပစ္စပ္ပုန်လဲမကောင်း သံသရာလဲကောင်းမှာမဟုတ်ဘူးဆိုတာ သိထားစေချင်ပါတယ်။

အချစ်ရေးအတွက် ကောက်ရိုးတစ်မျှှင်လို့ပဲဆိုဆို ဖူးစာရေစက်ကျန်နေကြသူတွေ သံယောဇဉ်လက်ကျန်ရှိကြသူတွေအတွက် ယတြာ လေးတစ်ခုပြောပေးပါ့မယ်။

ကဲ ယတြာကဏ္ဍလေးကို ပြောကြရအောင်ဗျာ။ အချစ်ရေးအဆင်မပြေတော့လို့ ချစ်သူကစိမ်းကားနေလို့ စသည်ဖြင့်ကြုံနေရပြီ ဆိုရင်တော့ ဒီယတြာလေးလုပ်စေချင်ပါတယ်။ ချစ်သူကမိမိကို အရင်လိုပြန်ချစ်လာနိုင်သလို မိမိအပေါ်သံယောဇဉ်လဲပိုလာပါလိမ့်မယ်။ ရာခိုင်နှုန်းတော်တော်များများ ပြန်အဆင်ပြေတာတွေ့ရပါတယ်။ အချစ်ရေးသောကကြံုနေသူတွေအတွက် ဒီယတြာလေးကအများကြီး အကူအညီပေးခဲ့ဖူးလေသည်။

ဒါကြောင့် နေလapp ကိုMember ဝင်ထားတဲ့ သူများနဲ့ ကျွန်တော့် page ကိုအားပေးနေကြတဲ့ ကျွန်တော့်ပရိတ်သတ်တွေကို အချစ်ရေးအတွက် ရင်အေးစေမဲ့ ယတြာလေးကိုတင်ပြလိုက်ရပါတယ်ဗျာ။

နေ့သားတစ်ဦးကို ဥပမာပေးပြီးအရင်ပြောကြရအောင်ဗျာ………….၊

မိမိကတနင်္လာသားဆိုပါစို့ ။ မိမိရဲ့အညွှန့်နေ့မှာ ဒီယတြာကို စီရင်ရမှာပါ။ အညွှန်နေ့ဆိုတာက မွေးနံကစရေ တွက်ရင် ၂ခုမြောက်နေ့နံကိုဆိုလိုတာပါ။ ဒါကြောင့် တနင်္လာရဲ့အညွှန့်နေ့က အင်္ဂါပါ။ နောက်ပြီးတော့ တနလ်ာသားရဲ့ ခြောက်ခုမြောက်နေနံပန်းတွေကိုရှာရမှာပါ။ တနင်္လာကနေစတင်ရေတွက်ရင် ခြောက်ခုမြောက်က စနေပါ။ ဒါကြောင့် စနေနံပန်းတွေကို စဉ်းစားကြည့်မယ်ဆိုရင် နှင်းဆီးပန်း၊ ဒေါနပန်း၊ ဒန်းပန်းစတာတွေရှိပါလိမ့် မယ်။ ဒီနေရာမှာ ကိုယ့်ချစ်သူရဲ့မွေးနံပန်းလဲ လိုအပ်ပါသေးတယ်။

ကိုယ့်ချစ်သူက ကြာသပတေးသမီးဆိုရင်တော့ မေမြို့ပန်း ၊ပိန်းပန်း ပေါ့ဗျာ။ ဒီလောက်ထိနားလည်မယ်လို့ ထင်ပါတယ်။ ဒါဆိုရင်တော့ အစကပြန်ကောက်ရအောင်ဗျာ။ မိမိရဲ့အညွှန့်နေ့ဖြစ်တဲ့ အင်္ဂါနေ့မှာ နှင်းဆီပန်းလက်တ ဆုပ်ခန့် (အရေအတွက်မလို)နှင့် ချစ်သူရဲ့ မွေးနံပန်းဖြစ်တဲ့ မေမြို့ပန်းလက်တစ်ဆုပ်ခန့်ကို ရောပြီး အပ်ချည်နဲ့ အရင်းကနေ ချည်နှောင်လိုက်ပါ။

ထိုနောက်နီးစပ်ရာစေတီမှာ လှူဒါန်းပေးပါ။ မိမိရဲ့အညွှန့်နေ့ရောက်တိုင်း နီးစပ်ရာစေတီမှာ ပြုလုပ်ပေးပါ။ ဘုရားသွားလို့ အဆင်မပြေတဲ့သူများဆိုရင်လဲ အိမ်ကဘုရားမှာပန်းအိုးလှလှလေးတစ်လုံးနဲ့ ပူဇော်ထားပါ။ တစ်ပတ်တစ်ခါ အညွှန့်နေ့ရောက်တိုင်း ပန်းလဲပေးပေါ့ဗျာ။

ကိုယ်ကဘာသာခြားဖြစ်နေလို့ ဘုရားမှာပူဇော်ဖို့ အဆင်မပြေဘူးဆိုရင်တော့ မိမိရဲ့အိပ်ခန်းထဲပန်းအိုးလှလှ လေးတစ်လုံးထဲ မှာထိုဓာတ်ပန်းလေးတွေ ထည့်ပြီးပန်းအလှထိုးနိုင်ပါတယ်။

ဒီလောက်ဆို နားလည်သဘောပေါက်မယ်လို့ထင်ပါတယ်။ ယတြာနဲ့ပက်သက်ပြီး မရှင်းလို့နားမလည်သူများ အောက်က Send Message နှိပ်ပြီး မေးမြန်းနိုင်ပါတယ်ဗျာ။ အချစ်ရေးကြောင့် သောကကြုံနေကြသူများကို မိမိတတ်သိနားလည်သော ယတြာ အစွမ်းဖြင့် ၇ရက်သားသမီးရဲ့ရင်ကို ငြိမ်းအေးစေနိုင်မယ်ဆိုရင်ဖြင့်…

၇ရက်သားသမီးအပေါင်း ကောင်းသောလိုအင်ဆန္ဒတွေပြည့်ဝကြပါစေ။ ။

ငြိမ်းအေးလူ (ဗေဒင်သုတေသီ)

Viber Only(09775555695)

မတော်တဆ ထိခိုက်မှု (accident) ဖြစ်လွယ်သော အသက်အပိုင်းအခြားများ

By Nyein Aye Lu 0 Comments

ပေးထားတဲ့ ခေါင်းစီးကိုကြည့်ပြီးတော့ မလန့်သွားပါနဲ့ဗျာ။ ကြောက်လန့်သွားစေလိုတဲ့ ရည်ရွယ်ချက်မျိုး ဥပါဒါန်စွဲသွားလိုတဲ့ ဆန္ဒမျိုးမြူတစ်မှုံမျှမရှိဘူးဆိုတာ နားလည်စေချင်ပါတယ်။ မိမိတို့ဆင်ခြင်နိုင်ဖို့နဲ့ သတိကပ်နိုင် ဖို့တင်ပြရတာပါ။ အသက်မှာ Spare Parts မပါဘူးဆိုတဲ့ စကားကလူတိုင်းကြားဖူးနားဝ ရှိပါလိမ့်မယ်။ မှန်ပါတယ်။ မဖြစ်ခင်ကတော့ ပေါ့ပေါ့နေ ပေါ့ပေါ့စားကြပြီး အရေးကြုံမှ အမိတလို့မရနိုင်ပါဘူး။

ကျွန်တော်ကိုယ်တိုင်လဲ လုပ်ငန်းခွင် အန္တရာယ်ကင်းရှင်းရေးနဲ့ ပက်သက်တဲ့ သင်တန်းများတတ်ခဲ့ ဖူးပါ တယ်။သင်ကြားသူက accidentနဲ့ ပက်သက်တဲ့ video တွေကို projector နဲ့ဖွင့်ပြပြီး သင်ပြပေးလေ့ရှိပါတယ်။ videoတွေကနေတဆင့် အမှားတွေကို သင်ခန်းစာယူတတ်ဖို့ နဲ့ PPE ပြည့်စုံစွာ ဝတ်ဆင်ဖို့ ပြောပြတိုက်တွန်းလေ့ ရှိပါတယ်။ ကျွန်တော်လဲ ဒီသဘောပါပဲ ။ ကျွန်တော်တတ်သိထားတဲ့ ပညာလေးနဲ့ တတ်သိသလောက်ပြောပြပြီး ဆင်ခြင်နိုင်ဖို့နဲ့ ရှောင်တတ် ဆောင်တတ်စေလိုတဲ့စေတနာနဲ့ ပြောပြရခြင်းပါ။

Zero Accident ဖြစ်ဖို့ Safely Officerတွေလုပ်ဆောင်ကြသလို မတော်တဆထိခိုက်လွယ်တဲ့ အသက် အပိုင်းအခြားများမှာ ဘယ်လိုဗုဒ္ဓယတြာတွေနဲ့ထိန်းသွားမယ်ဆိုတာမျိုးလဲ ပြောပြပေးချင်ပါတယ်။ အလုပ်စုံ ဘဝစုံ ခဲ့တဲ့ ကျွန်တော်ကတော့ မတော်တဆထိခိုက်မှုတွေ ခဏခဏကြုံတွေ့ခဲ့ရဖူးတယ်။ ထိခိုက်ဒဏ်ရာရလို့ ကုသရပြီ ဆိုရင် ငွေကုန်လူပမ်းဖြစ်ရသလို မပြောကောင်း မဆိုကောင်းအသက်ဆုံးရှုံးကြရပြီဆိုရင်လဲကျန်ရစ်သူတွေအတွက် အစားထိုးမရတဲ့ ဆုံးရှုံးမှုပါပဲ။

သတ္ထုတူးဖော်ရေးအလုပ်မှာလုပ်ခဲ့တုန်းက”လူဆိုတာသေမျိုးပါပဲ…သေဖို့ကံပါလာရင်တားမရပါဘူး” ဆိုတဲ့ သူတွေလဲမြင်ဖူးပါတယ်။ ဖြစ်ချင်တော့ မကြာခင်က ထိုသူက ငှက်ဖျားရောဂါ ခံစားရလေသည်။ ဆေးခန်းသွားဖို့ ကျွန်တော့်ကိုခေါ်တော့ “ငှက်ဖျားတိုက်ဖျက်ရေး သွားပြီး ဆေးထိုးဆေးသောက်လုပ်မလို့လား …လုပ်မနေပါနဲ့ကွာ သေဖို့ကံပါလာရင်သေမှာပါပဲ”

ထိုသို့ပြောလိုက်တော့ ထိုသူမျက်နှာညှိုးသွားလေသည်။ သူပြောခဲ့စကားကိုလဲ ပြန်ရုတ်သိမ်းသွားသည်။ ကာကွယ်ခြင်း ကုသခြင်းဆိုတဲ့စကားလုံတွေ အကြောင်းမဲ့ပေါ်လာခြင်းမဟုတ်ပါဘူး။

ကဲဘယ်အသက်အပိုင်းအခြားတွေက မတော်တဆထိခိုက်မှုတွေဖြစ်တတ်လဲ……..?

တနင်္ဂနွေသားသမီးတွေကနေစပြောရအောင်ဗျာ။

တနဂၤေႏြ

တနင်္ဂနွေသားသမီးတွေ မတော်တဆထိခိုက်လွယ်သော အသက်အပိုင်းအခြားများကတော့

၄၊၅၊၁၂၊၁၃၊၂၀၊၂၁၊၂၈၊၂၉၊၃၆၊၃၇၊၄၄၊၄၅၊၅၂၊ ၅၃၊၆၀၊၆၁၊၆၈၊၆၉၊၇၆၊၇၇ စတဲ့အသက်အပိုင်းအခြားတွေပါပဲ။

တနလၤာ

တနင်္လာသားသမီးတွေ မတော်တဆထိခိုက်လွယ်တဲ့ အသက်အပိုင်းအခြားများကတော့ ၃၊၄၊၁၁၊၁၂၊၁၉၊၂၀၊၂၇၊၂၈၊၃၅၊၃၆၊၄၃၊၄၄၊၅၁၊၅၂၊၅၉၊၆၀၊၆၇၊၆၈၊၇၅၊၇၆စတဲ့ အသက်အပိုင်းအခြားတွေပါပဲ။

အဂၤါ

အင်္ဂါသားသမီးတွေ မတော်တဆထိခိုက်လွယ်တဲ့ အသက်အပိုင်းအခြားတွေကတော့ ၂၊၃၊၁၀၊၁၁၊၁၈၊၁၉၊၂၆၊၂၇၊၃၄၊၃၅၊၄၂၊၄၃၊၅၀၊၅၁၊၅၈၊၅၉၊၆၆၊၆၇၊၇၄၊၇၅ စတဲ့အသက်အပိုင်းအခြားတွေပါပဲ။

ဗုဒၶဟူး

ဗုဒ္ဓဟူးသားသမီးတွေ မတော်တဆထိခိုက်လွယ်တဲ့ အသက်အပိုင်းအခြားတွေကတော့ ၁၊၂၊၉၊၁၀၊၁၇၊၁၈၊ ၂၅၊၂၆၊၃၃၊၃၄၊၄၁၊၄၂၊၄၉၊၅၀၊၅၇၊၅၈၊၆၅၊၆၆၊၇၃၊၇၄ စတဲ့အသက်အပိုင်းအခြားတွေပါပဲ။

ရာဟု

ရာဟုသားသမီးတွေ မတော်တဆ ထိခိုက်လွယ်တဲ့ အသက်အပိုင်းအခြားတွေကတော့ ၆၊၇၊၁၄၊၁၅၊

၂၂၊၂၃၊၃၀၊၃၁၊၃၈၊၃၉၊၄၆၊၄၇၊၅၄၊၅၅၊ ၆၂၊၆၃၊၇၀၊၇၁ စတဲ့အသက်အပိုင်းအခြားတွေပါပဲ။

ၾကာသပေတး

ကြာသပတေး သားသမီးတွေ မတော်တဆထိခိုက်လွယ်တဲ့ အသက်အပိုင်းအခြားတွေကတော့ ၇၊ဂ၊၁၅၊၁၆၊၂၃၊၂၄၊၃၁၊၃၂၊၃၉၊၄၀၊၄၇၊၄၈၊၅၅၊၅၆၊၆၃၊၆၄၊၇၁၊၇၂ စတဲ့အသက်အပိုင်းအခြားတွေပါပဲ။

ေသာၾကာ

သောကြာသားသမီးတွေ မတော်တဆထိခိုက်လွယ်တဲ့ အသက်အပိုင်းအခြားတွေကတော့ ၅၊၆ ၊၁၃၊၁၄၊၂၁၊ ၂၂၊၂၉၊၃၀၊၃၇၊၃၈၊၄၅၊၄၆၊၅၃၊၅၄၊၆၁၊၆၂၊၆၉၊၇၀ စတဲ့အသက်အပိုင်းအခြားတွေပါပဲ။

စေန

စနေသားသမီးတွေ မတော်တဆထိခိုက်လွယ်တဲ့

အသက်အပိုင်းအခြားတွေကတော့ ၁၊၈၊၉၊၁၆၊၁၇၊

၂၄၊၂၅၊၃၂၊၃၃၊၄၀၊၄၁၊၄၈၊၄၉၊၅၆၊၅၇၊၆၄၊၆၅၊၇၂၊၇၃ စတဲ့ အသက်အပိုင်းအခြားတွေပါပဲ။

ဒီကာလတွေ မှာ သွားသတိလာသတိရှိရပါလိမ့်မယ်။ ယာဉ်ကားမောင်းရင်လဲ အန္တရာယ်ရှိအောင်မမောင်းနဲ့။ အန္တရာယ်ရှိတဲ့နေရာတွေ မသွားနဲ့။ အန္တရာယ်ဖြစ်စေမဲ့ ကိုယ်အမူအရာ၊ နှုတ်အမူအရာ၊ စိတ်အမူအရာတွေ လျော့သင့်ပါတယ်ဗျ။

ဒီလို ကာလတွေမှာတော့ ကျွန်တော်အကြိုက်ဆုံးက ဗုဒ္ဓဘာသာပီပီ ပဌာန်းရွတ်တာအကြိုက်ဆုံးပါပဲ။ တစ်နေ့တစ်ခေါက်ပဲဖြစ်ဖြစ် တစ်ပတ်ကို တစ်ခါလောက်ဖြစ်ဖြစ်ရွတ်ပေးစေချင်တာပါ။ အကောင်းဆုံး ဗုဒ္ဓယတြာပါ။

နောက်ထပ်ပြုလုပ်ပေးစေချင်တာက စျေးသွားပြီး သေအံ့ဆဲဆဲ အသတ်မခံရမှီငါးတွေ ဝယ်ပြီး လွှတ်ပေးစေချင်တာပါ။

အဆင်သင့်ရင် လုပ်စေချင်တာက မိမိဆွေမျိုးသားချင်းတွေထဲကပဲဖြစ်ဖြစ် သူငယ်ချင်းမိတ်ဆွေတွေထဲကဖြစ်ဖြစ် နေမကောင်းလို့ ဆေးရုံတတ်ရပြီဆိုရင်တော့ မိမိက တတ်နိုင်သ၍လူနာစောင့်သွားလုပ်ပေးစေချင်ပါတယ်။

နောက်ဆုံးလုပ်စေချင်တာက ကာယနဲ့ရင်းတဲ့ ကုသိုလ်တွေများများလုပ်ပါ။နားလည်အောင်ပြောရရင် ဘုရားတွေမှာ တံမြက်စည်းလှဲတာ ၊ သန့်ရှင်းရေးလုပ်တာ ၊ ရေညှိတွေခွာတာ ၊ လမ်းပြုပြင်တာ ၊ရေတွင်းရေကန်တွေဖော်တာ ၊ ဘုန်းကြီးကျောင်း ကုဋီတွေဆေးကြောတာ စတဲ့ ကာယနဲ့ရင်းနှီးပြီး လုပ်ရတဲ့ ဝေယျာဝစ္စကုသိုလ်မျိုးတွေများများ လုပ်ပေးပါလို့ မှာချင်ပါတယ်ဗျာ။

သိသလောက်တော့ မျှဝေခဲ့တာပါပဲ။ ဒီအသက်အပိုင်းခြားရောက်တိုင်း ထိခိုက်လွယ်တာမျိုးတော့ မဟုတ်ပါဘူး။ လူတစ်ဦးရဲ့မူလဇာတာနဲ့ သူပြုခဲ့တဲ့ အတိတ်ကံက အဓိကပါ။ အများဖတ်လို့ရအောင် ရေးရတာဆိုတော့ ယေဘုယျဆန်ဆန် ရေးမှလဲ အဆင်ပြေနိုင်မှာမို့ပါ။

၇ရက်သားသမီးအပေါင်း

ကောင်းသောလိုအင်ဆန္ဒတွေပြည့်ဝကြပါစေ။

ငြိမ်းအေးလူ (ဗေဒင်သုတေသီ)

Viber Only( 09775555695)

လူတွေ မအောင်မြင်ရတဲ့ အဓိကအချက်(၉)ချက်

By Nyein Aye Lu 0 Comments

နာမည်ကျော် သံမဏိစီးပွားရေးလုပ်ငန်းရှင်ကြီး Andrew Carnegie နဲ့ နာမည်ကျော်စာရေးဆရာ Napoleon Hill တို့ဟာ သန်းကြွယ်သူဌေးပေါင်း ၅၀၀ ကျော်ကို နှစ် ၂၀ ကြာသုတေသနပြုလုပ်ခဲ့ပြီး ၁၉၃၇ ခုနှစ်မှာ Think and Grow Rich ဆိုတဲ့စာအုပ်ကို ထုတ်ဝေခဲ့ပါတယ်။ (ဒီစာအုပ်ကို ဆရာကြီးရွှေဥဒေါင်းက “အကြံဉာဏ်ဖြင့်ကြီးပွားရေး” ဆိုပြီး ဘာသာပြန်ခဲ့ပါသေးတယ်။) ဒီစာအုပ်ထဲမှာပါတဲ့ လူတွေမချမ်းသာရတဲ့ အဓိကအကြောင်းအရင်းကြီး (၉) ချက်ကို Myanmar Online Entrepreneur – MOE ပရိတ်သတ်များအတွက် ဝေမျှပေးသွားမှာဖြစ်ပါတယ်။

======================

၁။ ရည်မှန်းချက် တိတိကျကျမရှိခြင်း

ရည်မှန်းချက် သတ်သတ်မှတ်မှတ်မရှိတဲ့ လူတစ်ယောက်အတွက် မျှော်လင့်ချက်ဆိုတာလည်း မရှိလာနိုင်ပါဘူး။ ကြွယ်ဝမှုကို လိုချင်တယ်ဆိုရင် ကိုယ်ငွေဘယ်လောက်စုချင်သလဲ၊ ငွေဘယ်လောက်လိုချင်သလဲဆိုတာကို တိတိကျကျရည်မှန်းချက်တစ်ခု သတ်မှတ်ထားပါ။ ပြီးရင် ရလာတဲ့ ပိုက်ဆံတွေကို အကျိုးရှိအောင် ဘယ်လိုအသုံးချမလဲ၊ ဘယ်လိုတိုးပွားအောင်လုပ်မလဲဆိုတာကို Plan တစ်ခု ရေးဆွဲထားပါ။ အောင်မြင်မှုဆိုတာ လွယ်လွယ်နဲ့ မရလာနိုင်ပါဘူး။ စိတ်ရှည်ရှည်နဲ့ မဆုတ်မနစ်ကြိုးစားမှသာ ရရှိနိုင်မှာပါ။ အကောင်းဆုံးကတော့ ရင်းနှီးမြှုပ်နှံမှုတစ်ခု စလုပ်ဖို့ပါပဲ။

======================

၂။ တတ်မြောက်ထားတဲ့ ပညာတွေကို အကျိုးရှိစွာ အသုံးမချခြင်း

ပညာဆိုတာ တက္ကသိုလ်မှာ သင်ယူခဲ့ရတဲ့ ပညာတွေ၊ ဘွဲ့တွေကိုပဲ ပြောတာမဟုတ်ပါဘူး။ ကိုယ်လေ့လာထားတဲ့ အသိပညာ၊ အတတ်ပညာတွေဟာ သေချာစုစည်းပြီး ဘဝမှာ ကောင်းစွာအသုံးမချတတ်ရင် အချည်းအနှီးပါပဲလို့ ဆိုပါတယ်။ ကုမ္ပဏီတွေက ဝန်ထမ်းတွေကို လစာတွေပေးထားပြီး အလုပ်ခန့်ထားတာဟာ သူတို့ပညာတွေတတ်လို့ပဲ မဟုတ်ပါဘူး။ အဲ့ဒီတတ်ထားတဲ့ပညာတွေကို ကုမ္ပဏီအတွက် အကျိုးရှိအောင် အသုံးချနိုင်ဖို့ အလုပ်ခန့်ထားတာဖြစ်ပါတယ်။

ဒါကြောင့် ဘွဲ့ရတာလောက်နဲ့ မရပ်လိုက်ပါနဲ့။ အမြဲတမ်း အသစ်အသစ်သောပညာတွေကို သင်ယူဖို့အလေးထားပါ။ ရတဲ့အချိန်မှာ စာဖတ်ဖို့၊ ကိုယ်ကျွမ်းကျင်ချင်တဲ့နယ်ပယ်နဲ့ပတ်သက်ပြီး လေ့လာဖို့တွေ လိုအပ်ပါတယ်။ အခုအချိန် နယ်ပယ်အသီးသီးမှာ အောင်မြင်နေသူအားလုံးနီးပါးဟာ အမြဲတမ်းသင်ယူလေ့လာသူတွေ၊ စာအလွန်ဖတ်သူတွေ ဖြစ်ကြတယ်ဆိုတာ လုံးဝမမေ့ပါနဲ့။

======================

၃။ စည်းကမ်းမရှိခြင်း

စည်းကမ်းဆိုတာ ကိုယ့်ကိုယ်ကို ထိန်းသိမ်းနိုင်ခြင်းက စတာပါ။ မကောင်းတဲ့အမူအကျင့်တွေကို ထိန်းချုပ်နိုင်ဖို့ အရေးကြီးပါတယ်။ အခြေအနေတွေ၊ ပြဿနာတွေကို မကိုင်တွယ် မထိန်းချုပ်နိုင်ခင် ကိုယ့်ကိုယ်ကို ထိန်းသိမ်းနိုင်ဖို့လိုပါတယ်။ ကိုယ့်ကိုယ်ကို အောင်နိုင်ခြင်းက အဓိကပါပဲ။

ချမ်းသာချင်တယ်ဆိုရင် အခြေခံစည်းမျဉ်းက “နည်းနည်းသုံး များများစု” ပဲဖြစ်ပါတယ်။ လွယ်လွယ်လေးလို့ ထင်ရပေမယ့် နည်းနည်းပဲသုံးဖို့ (အထူးသဖြင့် မလိုအပ်တဲ့နေရာတွေမှာ အလေအလွင့်မရှိစေဖို့) ဆိုတာ စည်းကမ်းလိုပါတယ်။ ပိုက်ဆံပိုစုမိဖို့၊ မလိုအပ်ပဲ သုံးနေမိတာတွေကို စည်းကမ်းရှိရှိနဲ့ ကိုယ့်ကိုယ်ကို ထိန်းကျောင်းဖို့ လိုအပ်ပါတယ်။

======================

၄။ ကိုယ့်ကျန်းမာရေးကို လစ်လျှူရှုခြင်း

ကျန်းမာရေးမကောင်းတဲ့သူဟာ အောင်မြင်ပျော်ရွှင်နိုင်မှာမဟုတ်ဘူးဆိုတာ ရာနှုန်းပြည့်သေချာနေပါတယ်။ သန်းကြွယ်သူဌေးအားလုံးလိုလိုဟာ အားကစားနဲ့ ကိုယ်လက်လှုပ်ရှားမှုလုပ်ဖို့အတွက် သီးသန့်အချိန်ပေးတတ်ကြတယ်ဆိုတာ တိုက်ဆိုင်မှုမဟုတ်ပါဘူး။ ကျန်းမာရေးကောင်းမှ တစ်ခြားသောအရာတွေကို ရယူနိုင်မယ်ဆိုတာ အောင်မြင်နေသူတွေအားလုံး သိထားကြလို့ပဲဖြစ်ပါတယ်။

======================

၅။ အချိန်ဆွဲခြင်း

အချိန်ဆွဲတာဟာ လူတွေအများဆုံး လုပ်တတ်တဲ့ အမှားဖြစ်ပါတယ်။ ကျွန်တော်တို့တတွေ အများစု မအောင်မြင်ရတဲ့ အဓိကအကြောင်းအရင်းကတော့ အချိန်မကျသေးဘူးဆိုပြီး မှန်ကန်တဲ့အချိန်ကို စောင့်ဆိုင်းနေကြလို့ပါပဲ။ စောင့်နေလို့ ဘာမှထူးခြားတာ ဖြစ်မလာပါဘူး။ လုပ်စရာရှိတာကို ကိုယ့်မှာရှိတာနဲ့ အရင်ဆုံးစတင်လိုက်ပါ။ လုပ်ရင်းလုပ်ရင်းနဲ့ အဆင်ပြေသွားပါလိမ့်မယ်။

======================

၆။ ဇွဲလုံ့လမရှိခြင်း

လူတွေတော်တော်များများဟာ အစပိုင်းမှာကောင်းပြီး ဟုတ်သလိုလိုနဲ့ နောက်ပိုင်း အဖျားရှူးသွားတတ်ကြပါတယ်။ ရှုံးနိမ့်မှုတစ်ခုနဲ့ ကြံုတွေ့လိုက်ရတာနဲ့ လက်လျှော့ချင်ကြပါတယ်။ လိုချင်တဲ့ပန်းတိုင်ကို မရောက်မချင်း လက်မလျှော့ပါနဲ့။ အောင်မြင်နေတဲ့သူတွေ အားလုံးဟာ ရှံုးနိမ့်မှုတွေကို ကြံုတွေ့ခဲ့ကြရပြီးတော့ အခက်အခဲတွေကို ဖြတ်ကျော်နိုင်ခဲ့ကြလို့ ဖြစ်ပါတယ်။

ဘယ်နှစ်ခါရှုံးရှံုး အရေးမကြီးပါဘူး။ တစ်ခါပဲ မှန်ကန်သွားဖို့ လိုအပ်ပါတယ်။ လူတိုင်းအမှားတွေ ကြံုတွေ့ကြရမှာ မလွဲမသွေပါပဲ။ အဲ့ဒီအမှားတွေထဲကနေ သင်ခန်းစာတွေ ရယူပြီး နောက်တစ်ခါ မှန်ကန်အောင် ကြိုးစားကြဖို့က အရေးအကြီးဆုံးပါပဲ။

======================

၇။ အဆိုးမြင်ခြင်း

အရာရာကို အကောင်းမမြင်တဲ့သူာ ဘယ်တော့မှ အောင်မြင်မှာ မဟုတ်ပါဘူး။ အောင်မြင်မှုက တစ်ယောက်တည်း ရယူလို့မဖြစ်ပါဘူး။ အခြားသူတွေနဲ့ ပူးပေါင်းဆောင်ရွက်မှသာ အောင်မြင်မှာဖြစ်ပါတယ်။ ဒါပေမယ့် အဆိုးမြင်စိတ်ရှိနေရင် လူတွေနဲ့ ပူးပေါင်းဆောင်ရွက်နိုင်မှာ မဟုတ်ပါဘူး။ အကောင်းမြင်တတ်ပြီးတော့ ပျော်ပျော်ရွှင်ရွှင်နေတတ်တဲ့လူတွေဟာ အလုပ်မှာ ကောင်းကောင်းလုပ်ဆောင်နိုင်ကြပြီးတော့ အောင်မြင်မှုကိုလည်း ပိုပြီးလွယ်လွယ်ကူကူ ရရှိနိုင်ကြပါတယ်။

======================

၈။ ဆုံးဖြတ်ချက်ကောင်းကောင်း မချတတ်ခြင်း

သန်းနဲ့ချီပြီးတော့ ချမ်းသာကြွယ်ဝတဲ့သူတွေကို လေ့လာကြည့်တဲ့အခါမှာ အကုန်လုံးနီးပါးဟာ ပြတ်ပြတ်သားသားနဲ့ မဆိုင်းမတွ ဆုံးဖြတ်ချက်ချတတ်တဲ့ အကျင့်ရှိတတ်ကြပါတယ်။ ပြောင်းပြန်ပြောရရင်တော့ မအောင်မြင်တဲ့သူတွေအားလုံးဟာ ဆုံးဖြတ်ချက်ချရာမှာ မပြတ်မသားနဲ့ အချိန်ဆွဲတတ်ကြပြီးတော့ ဆုံးဖြတ်ချက်ချပြီးရင်လည်း ခဏခဏပြန်ပြောင်းတတ်ကြပါတယ်။

======================

၉။ ကိုယ်မနှစ်သတ်တဲ့အလုပ်မှာ ဆက်လုပ်နေခြင်း

မကြိုက်မနှစ်သက်တဲ့ အလုပ်ကိုလုပ်နေတဲ့သူက ဘယ်တော့မှ အောင်မြင်မှာမဟုတ်ပါဘူး။ ကိုယ်တကယ် စိတ်ပါဝင်စားတဲ့အလုပ်တစ်ခုကို ရွေးချယ်ပြီး သေသေချာချာစိတ်နှစ်ပြီး အလုပ်လုပ်ဖို့ အရေးကြီးပါတယ်။ စိတ်မချမ်းသာပဲ စိတ်ဖိစီးမှုတွေပဲ အရမ်းပေးတဲ့အလုပ်မှာ သည်းခံပြီးတော့ မလုပ်ပါနဲ့။ ထွက်သင့်တဲ့အချိန်မှာ ထွက်လိုက်တာဟာ ကိုယ့်အတွက် အကျိုးရှိစေမှာဖြစ်ပါတယ်။

======================

အခုဆိုရင်တော့ Myanmar Online Entrepreneur – MOE ပရိတ်သတ်များလည်း လူတွေမအောင်မြင်ရတဲ့နောက်ကွယ်က အဓိကအကျဆုံး အကြောင်းအရင်းကြီး ၉ ချက်ကို သိရှိသွားပြီဖြစ်ပါတယ်။

အောင်မြင်မှုရရှိချင်ပါသလား? ဒါကတော့ လွယ်ပါတယ်။

အပေါ်မှာပြောပြခဲ့တဲ့ အချက်ကြီး ၉ ချက်ထဲက ကိုယ့်ဆီမှာ ဘယ်နှချက်လောက်များ ရှိနေသလဲဆိုတာ ကိုယ့်ကိုယ်ကို အပွင့်လင်းဆုံး ဝေဖန်ဆန်းစစ်ပါ။ ပြီးရင် တစ်ချက်ချင်းစီကို ကိုယ့်ဆီကဖယ်ထုတ်နိုင်အောင် အစီအစဉ်ချပြီး ကြိုးစားလုပ်ဆောင်ပါ။ အောင်မြင်မှုဆီကိုလျှောက်လှမ်းနိုင်တဲ့လမ်းပေါ်ကို အလိုလိုရောက်ရှိသွားပါလိမ့်မယ်။

======================

အခုဖော်ပြခဲ့တဲ့အကြောင်းအရာလေးက မိတ်ဆွေအတွက် အကျိုးရှိစေတယ်ဆိုရင် ဒီ Post လေးကို Like & Share လုပ်ပေးဖို့ မမေ့ပါနဲ့ခင်ဗျာ။

#MyanmarOnlineEntrepreneur

#MOE

Category: Uncategorized