ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ ပြာသိုလဆန်း(၁၂)ရက်၊ တနင်္လာနေ့ ဖြစ်ပါတယ်။
ခရစ်နှစ် ၂၀၂၃ခုနှစ်၊ဇန်နဝါရီလ(၂ )ရက်နေ့လဲ ဖြစ်ပါတယ်။
ဒီနေ့နံနက်(၅:၅၆)နာရီမှာ အရုဏ်တတ်ပါတယ်။ နေထွက်ချိန်နံနက်(၆:၄၄)နာရီဖြစ်ပြီး ၊ ညနေ(၅:၂၆)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အနောက်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အရှေ့အရပ် ဖြစ်ပါတယ်။ စန်းပွင့်ရာအရပ်က အရှေ့အရပ် ဖြစ်ပါတယ်။
လက်သမားမြေခံ ခွေး မြေခံဖြစ်၍ ပျက်စီးခြင်းကို ပေးတဲ့နေ့ဖြစ်တာကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်း တည်ဆောက်ခြင်းတွေ၊ အိမ်ခန်းဖွဲ့တာတွေ၊ မြေတူးဆွတာတွေကို အထူးရှောင်သင့်ပါတယ်။
ဒီနေ့ဟာတီထိမြေခံအရ ဗုဒ္ဓဟူးမြေခံတဲ့နေ့ဖြစ်ပါတယ်။ ဗုဒ္ဓဟူးမြေခံအရ ဉစ္စာပစ္စည်းများ အလွယ်တကူရရှိ ခြင်းနှင့် ချမ်းသာရတတ်ခြင်းအကျိုးကိုပေးတာကြောင့် ခိုင်ခန့်တဲ့ အဆောက်အဦးတွေ၊ ကျောင်းတွေ၊ အိမ်တွေ၊ လမ်း တံတားတွေ အထပ်အမြင့်အဆောက်အဦးတွေ ဆောက်လုပ်တာ၊ တိုင်ထူတာ၊ ပန္နက်ရိုက်တာတွေ အထူးကောင်း ပါတယ်။မြေခံကောင်းပေမဲ့ ရက်ယုတ်မာတို့ သမားညိုတို့နဲ့ တိုက်ဆိုင်နေတာမို့ အချိန်အခါကောင်းသေချာရွေးပြီးမှ သာလုပ်သင့်ပါတယ်။
ဒီနေ့ဟာ ရက်ယုတ်မာ၊ရက်ကန်း၊သမားညိုနေ့ ကျရောက်နေတာဖြစ်ပါတယ်။
ဒီနေ့ဟာ တီထိအရတော့ လဆန်းတီထိ(၁၁)လုံး ပျော်ရွှင်ခြင်းကို ပေးတဲ့နေ့ ဖြစ်ပါတယ်။နတ်ပူဇော်ခြင်းတွေ၊ ဥပုသ်သီလဆောက်တည်ခြင်းတွေ၊ဆေးခြယ်သခြင်း၊ပန်းချီဆွဲခြင်းများ အအေးအချိုရည် ဖြန့်ဖြူးခြင်းများ ဆောင်ရွက် လို့ ကောင်းပါတယ်။ ယုဂ်အားဖြင့် မနက်၁၁နာရီခွဲထိ သာဓျယုဂ် ဖြစ်ပြီး အလိုဆန္ဒပြည့်ဝသောယုဂ် ၊ထိုအချိန်ကျော်ပါကသိဒ္ဓယုဂ် ဖြစ်ပြီးကြံစည်သမျှပြီးမြောက်ခြင်း ကောင်းသောမှန်ကန်သောကိစ္စများအတွက် ကောင်းစေတယ်။ ဒီလိုနေ့ရက်မျိုးဟာ ဘေးအန္တရာယ်အပေါင်းမှကင်းဝေးရန် ကိစ္စများဆောင်ရွက်လို့ကောင်းပါတယ်။
ယနေ့တွင် ညနေ ၃နာရီခွဲထိ ဘရဏီနက္ခတ်ဖြစ်ပါတယ်။ဒီနက္ခတ်ဟာကြမ်းကြုတ်တဲ့သဘောရှိပါတယ်။ ရက်စက်တဲ့ ကိစ္စတွေ၊ပြိုင်ဆိုင်မှု၊လှုပ်ရှားမှာတွေ၊ဖျက်ဆီးတာတွေ၊ဖြိုဖျက်တာတွေ၊လှည့်စားတာတွေဆောင်ရွက်လို့ ကောင်း တယ်။ ယှဉ်ပြိုင်ခြင်း၊လက်နက်၊အဆိပ်၊ဓာတုဗေဒဆိုင်ရာကိစ္စများဆောင်ရွက်နိုင်ပါတယ်။ အောက်ငုံနက္ခတ် ဖြစ်တာမို့ ကလေးထမင်းခွံ့ခြင်းတွေ၊ ကျောက်မျက်ရတနာတူးဖော်တာတွေ၊ ရေနံ၊သဘာဝဓာတ်ငွေ့၊ဓာတ်သတ္တု တူးဖော်ရှာဖွေ ခြင်း နှင့် ရေတွင်းရေကန်အဝီစိတွင်းတူးဖော်ခြင်းများအတွက်ဆောင်ရွက်နိုင်ပါတယ်။
ယနေ့အတွက်ကောင်းသော အဘိဇိတိံသိယ နှင့်ဝိဒတြိ တိံသိယအချိန်ကာလတွေကတော့…မနက် ၂နာရီ၄၇မိနစ် ကနေ ၃နာရီ၄၈မိနစ်အတွင်း၊ ညနေ ၃နာရီခွဲမှ ညနေ ၄နာရီ ၂၃မိနစ်အတွင်းဖြစ်ပါတယ်။ဒီအချိန်ကာလအတွင်း က တော့ အရေးကြီး သောကိစ္စများ၊ဆုံးဖြတ်ချက်ချရသောကိစ္စများ၊မင်္ဂလာကိစ္စများ၊ကောင်းမွန်သောကိစ္စများ၊ ကိစ္စ တစ် ခုခုစတင်ခြင်းများ ဆောင်ရွက်နိုင်ပါတယ်။
သမားညိုရက်ဖြစ်တာကြောင့် အိမ်ပြောင်းရွှေ့တာ၊ အလုပ်ဆိုင် ပြောင်းတာ၊ အလုပ်ရုံးခန်းပြောင်းတာ မျိုးတွေရှောင် အပ်ပါတယ်။ပညာစပြီးသင်ယူလို့မကောင်းသေးပါဘူး။ ခိုင်ခန့်သော၊ရေရှည်တည်တံ့သော အဆောက်အဦးတွေကို စတင်ဆောက်လုပ်တာ ၊တိုင်ထူတာ၊ပန္နက်ရိုက်တာ၊ မျိုးတွေလုပ်မိရင် အဆုံးမသတ် ဘဲတစ်ပိုင်းတစ ဖြစ်လွယ်ပါတယ်။
ဒီနေ့ဟာ သူတစ်ပါးအပေါ် ယုံကြည်လွှဲအပ်ပြီး လုပ်ဆောင်သောကိစ္စမှန်သမျှကို ရှောင်ကြဉ်သင့်သော နေ့ရက် ဖြစ် နေ့ပါတယ်။ ယနေ့ ကာမမကြူးအပ်ပါ။ လူတို့ကို သတိနှင့် ဆက်ဆံဆောင်ရွက်ပါ။ ယုတ်မာသောစိတ်ဓါတ်ရှိသူ တို့သည် ဗီဇပေါ်လွင်ကာ ယုတ်ညံ့သော အမှုကိစ္စတို့ကို ပြုတတ်သည်။ လုပ်ငန်းသစ်များ စတင်လုပ်ကိုင်ရန် မသင့်ပါ။ ငွေပေးငွေယူကိစ္စများ သတိနှင့် ဆောင်ရွက်လုပ်ကိုင်ပါ။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ ညနေ(၂:၃၃)နာရီမှ ညနေ (၃:၂၄))နာရီအတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများကြုံလာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့မွေး ရင်သွေးငယ်များဟာ အဓိပတိဖွား၊ မိဿစန်း၊ ဓနုရာသီဖွားဖြစ်ပါသည်။ဒီနေ့မွေးသူများဟာ စိတ်ဆတ်ကြ သူတွေဖြစ်ပါတယ်။ဒေါသဖြစ်လွယ်ကြသလို ဒေါသပြေလွယ်တာမျိုးတွေလဲ ရှိပါတယ်။ စူးစမ်းလွန်း၊စပ်စုလွန်းတဲ့သူ တွေဖြစ်လာမှာမို့ မိဘတွေက စိတ်ရှည်ပေးနိုင်ဖို့လိုပါတယ်။ ငွေကံအားကောင်းကြသူတွေဖြစ်တာမို့ ငွေအတွက်စိတ် မညစ်ရသူတွေလဲဖြစ်ပါတယ်။ တစ်ခုတော့သတိထားရမယ်။ငွေတွေရှာလာပြီး စတင်ရင်းနှီးမြုပ်နှံမှုလုပ်မယ်ဆိုရင် တော့ သေချာစီစစ်တတ်ဖို့လိုပါတယ်။ နောက်ပြီး အစိုးရနဲ့ဆက်စပ်တဲ့ လုပ်ငန်းမျိုးတွေရှောင်စေချင်ပါတယ်။
ဒီနေ့အတွက် ရာဟုကာလအမှောင်ချိန်တွေကတော့ နံနက်(၇:၅၈) နာရီမှ နံနက်(၉:၂၂)နာရီအတွင်း ကျရောက်နေပါ တယ်။ ဝါရ အဆိပ်သင့်ချိန်ကတော့ည ၁၁နာရီ၂၃မိနစ်ကနေ၊ည ၁နာရီအထိဖြစ်ပါတယ်။ ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါတယ်။
ကံကောင်းသောနေ့သားများကတော့ တနင်္ဂနွေ၊ သောကြာသားသမီးများပဲဖြစ်ပါတယ်။
ကံညံ့သော နေ့သားများကတော့ အင်္ဂါ၊ ရာဟု၊ စနေသားသမီးများပဲ ဖြစ်ပါတယ်။
ကံသင့်သောနေ့သားများကတော့ တနင်္လာ၊ ကြာသပတေး၊ ဗုဒ္ဓဟူးသားသမီးများပဲ ဖြစ်ပါတယ်။
ဒီနေ့မှာ ဆင်စွယ်ရောင်၊ ကြေးနီရောင် များများပါသော အဝတ်အစား၊ အသုံးအဆောင်ပစ္စည်း တွေ ကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၆ ၊ ၂ ၊ ၈) ဂဏန်းတွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့သီးစုံဟင်းနဲ့ထမင်းစား သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ နို့ထမင်းဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လိုအင်ဆန္ဒတွေပြည့်ဝကြပါစေ။
ဆရာငြိမ်းအေးလူ(ဗေဒင်သုတေသီ)
09775555695
