ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ သီတင်းကျွတ်လဆန်း(၉)ရက်၊ တနင်္လာနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊အောက်တိုဘာလ(၃)ရက်နေ့လဲ ဖြစ်ပါတယ်။
ဒီနေ့နံနက်(၅း၂၃)နာရီမှာ အရုဏ်တတ်ပါတယ်။ နေထွက်ချိန်နံနက်(၆း၁၁)နာရီဖြစ်ပြီး ၊ ညနေ(၅း၅၉)နာရီမှာ နေဝင် ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အနောက်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အရှေ့အရပ် ဖြစ်ပါတယ်။ စန်းပွင့်ရာအရပ်ကအရှေ့အရပ် ဖြစ်ပါတယ်။
လက်သမားမြေခံအရဘီလူး မြေခံဖြစ်၍ သေကြေပျက်စီးရတတ်သောကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်း တည်ဆောက်ခြင်းတွေ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ဆောင်ရွက်ခြင်းကို အထူး ရှောင်သင့်ပါတယ်။
ဒီနေ့ဟာတီထိမြေခံအရ စနေမြေခံတဲ့နေ့ဖြစ်ပါတယ်။ စနေမြေခံအရ မီးဘေးနှင့်ပတ်သက်သော အပူသောကများ အထူးဂရုစိုက်သင့်ပါသည်။ မီးဘေးကြောင့် ပျက်စီးဆုံးရှုံးရခြင်းများ၊ စိတ်ပူးပင်သောကနှင့် ဆုံးရှုံးနစ်နာရခြင်းများ ရရီစေသောကြောင့် ခိုင်ခန့်သော အဆောက်အဦးတွေ၊ ကျောင်းတွေ၊ သိမ်တွေ၊ လမ်းတံတားတွေ၊ အထပ်မြင့် အဆောက်အဦးတွေ စတင်ဆောက်လုပ်တာ၊ တိုင်ထူတာ၊ ပန္နက်ရိုက်တာမျိုးတွေ အထူးရှောင့်သင့်ပါတယ်။
ဒီနေ့ဟာ တီထိအရတော့ ယနေ့ညနေ ၅နာရီခွဲထိကတော့ လဆန်းတီထိ ၈လုံးပဲရှိသေးပြီးတော့ အောင်မြင်မှုတွေ၊ စွမ်းအားသတ္တိတွေကိုပေးတဲ့ ဇယျတီထိကျ ရောက်တဲ့နေ့ရက်ပဲဖြစ်ပါတယ်။ အလုပ်နဲ့ပတ်သက်ပြီးတော့လဲ စိတ်ကူး ထားသမျှအဆင်ပြေတိုးတတ်မှုတွေလဲရှိ လာပါလိမ့်မယ်။ ဒီနေ့ဟာခေါင်းဆေး ခေါင်းလျှော်ခြင်းများဆောင်ရွက် ခြင်း ဖြင့် ကျန်းမာရေးကိုအားကောင်းစေဖို့ အထောက်အပံ့ပေးပါတယ်။ စိတ်တူ သဘောတူဖြစ်မဲ့ မိတ်ဆွေတွေနဲ့လဲ ကြုံရ တတ်ပါတယ်။ မိမိလိုချင်နေတဲ့ ငွေကြေး အထောက်အပံ့တွေကိုလဲ ရလာတတ်ပါတယ်။ ရပိုင်ခွင့်တွေရဲရဲပြန် တောင်း လို့ ကောင်းပါတယ်။ ဆေးစစ် ခြင်း၊ဆေးစားခြင်းများ ရောဂါရှာဖွေခြင်းများလဲ ဆောင်ရွက်လို့ကောင်းတဲ့ နေ့ရက်လဲ ဖြစ်ပါတယ်။ အခက်အခဲပြဿ နာများကိုရဲရဲရင်ဆိုင်ဖြေရှင်းလို့ကောင်းတဲ့နေ့ရက်ပါပဲ။
စတင်ဆောင်ရွက်လိုက်တဲ့ကိစ္စမှန်သမျှ အချိန်တော့ယူရပါလိမ့်မယ်။ တဖြည်းဖြည်းတော့အောင်မြင်သွားတတ်ပါ တယ်။ အလုပ်နဲ့ပတ်သက်ပြီးတော့လဲ ဇွဲရှိသူတွေအတွက်အလွန်မှအဆင်ပြေမဲ့နေ့ရက်ပါပဲ။ ဘဏ်စာရင်းဖွင့်ခြင်း ကိစ္စ တွေ၊ငွေကြေးစတင်စုဆောင်းခြင်းကိစ္စတွေလဲ ဒီနေ့မှာစတင်လို့အထူးကောင်းပါတယ်။ ငွေကြေးဝန်ဆောင် မှုနှင့်ပတ် သက်သောလုပ်ငန်းများ၊ငွေပေးငွေယူကိစ္စများအထူးအဆင်ပြေအောင်မြင်တတ်ပါတယ်။ထီဝါသနာပါသူများ လမ်းသွား ရင် တွေ့တဲ့ထီဆိုင်တစ်ခုမှာ ထီကံစမ်းလိုက်ပါ။
Mediaတစ်ခု၊tv channel တစ်ခုစတင်ပြီးတော့ ထုတ်လွှင်တာမျိုးတွေလဲ ဆောင်ရွက်နိုင်တဲ့နေ့ပါပဲ။ သတင်းနှင့် စာနယ်ဇင်းလုပ်ငန်းများ၊ စာအုပ်ထုတ်ဝေဖြန့်ချီရေးလုပ်ငန်းများ ဒီနေ့မှာ အဆင်ပြေအောင်မြင်တတ်ပါတယ်။
ဒီနေ့ဟာ လူ့ပြည်ပြဿဒါး ရသေ့ကျော်ရက်ကျရောက်နေတာဖြစ်ပါတယ်။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ည(၂၀◌း၃၅)နာရီမှ ည(၂၁း၂၇)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများ ကြုံလာ ရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွား တာမျိုး မရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
လူ့ပြည်ပြဿဒါးကျရောက်တဲ့နေ့ရက်ဖြစ်တာကြောင့် မင်္ဂလာကိစ္စတွေမှန်သမျှရှောင် သင့်ပါတယ်။ လက်ထပ်ခြင်း ၊ရုံးတတ်လက်မှတ်ထိုးခြင်း၊စေ့စပ်ခြင်း၊မင်္ဂလာစကားပြောခြင်းများလဲအထူးရှောင် သင့်ပါတယ်။အရေးကြီးတဲ့ ကိစ္စတွေ ကိုရှောင်သင့်ပါတယ်။
ဒီနေ့မွေး ရင်သွေးငယ်များဟာ အဓိပတိဖွား၊ ဓနုစန်း၊ ကန်ရာသီဖွားဖြစ်ပါသည်။စိတ်ကူးထားသမျှကို လက်တွေ့ မဖြစ်မနေအကောင်အထည်ဖော်တတ်ကြသူတွေဖြစ်ပါတယ်။ မာနကြီးပြီး တော်ရုံအဆင့်အတန်းမတူရင် ခွဲခြားဆက်ဆံတာကြောင့် အပေါင်းအသင်းနည်းပါတယ်။ ငွေကြေးလာဘ်ရလွယ်သူမို့ မကြာခဏထီပေါက်တာ၊ကံ စမ်းမဲပေါက်တာမျိုးတွေအထူးကြုံရတတ်ပါတယ်။ ကောင်းတဲ့အချက်က ပညာတက်လွယ်တယ်။လွယ်တာထက် ခက်တာကိုပိုကြိုက်တာမို့ ခက်ခဲနက်နဲပါတယ်ဆိုတဲ့ပညာတွေကိုပိုနှစ်သက်လေ့ရှိကြပါတယ်။ ပညာကိုစီးပွားနဲ့ ပေါင်းတတ်သူဖြစ်လာနိုင်တာမို့ ပညာတက်စီးပွားရေးသမားအဖြစ်ဘဝရပ်တည်နိုင်ကြပါလိမ့်မယ်။
ဒီနေ့အတွက် ရာဟုကာလအမှောင်ချိန်တွေကတော့ မနက်(၀၇◌း၂၆) နာရီမှ မနက်(၀၈း၅၅)နာရီအတွင်း ကျ ရောက်နေပါတယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာ တွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူး ကောင်းပါတယ်။
ကံကောင်းသောနေ့သားများ တနင်္လာ၊ အင်္ဂါ၊ ဗုဒ္ဓဟူး၊ ရာဟု၊ ကြာသပတေး၊ သောကြာ သားသမီးများပဲဖြစ်ပါတယ်။
ကံညံ့သော နေ့သား တနင်္ဂနွေ သားသမီးများပဲဖြစ်ပါတယ်။
ကံသင့်သောနေ့သားများ စနေ သားသမီးများပဲဖြစ်ပါတယ်။
ဒီနေ့မှာ အနက်ရောင် နှင့် ကြေးနီရောင် များများပါသော အဝတ်အစား၊ အသုံးအဆောင်ပစ္စည်းတွေကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ ၇ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၆၊ ၁)ဂဏန်း တွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့အမွှေးနံ့သာဆွတ်ဖျန်း သွားပါ။ ပိုမို အဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ထမင်းကြော် ဘုရားကပ်လှူပြီး လိုရာ ဆု တောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသောလိုအင် ဆန္ဒတွေပြည့်ဝကြပါစေ။
၇ရက်သားသမီးအတွက် တစ်နေ့တာဟောစာတမ်းအကျဉ်း
တနင်္ဂနွေ
စိတ်နှစ်ခွဖြစ်စရာများပါတယ်။ သူတစ်ပါးတွေဆီကအကူ အညီတောင်းတာမျိုးရှောင်ပါ။ အကူအညီမရဘဲစကားပဲ အဖတ်တင်ရ တတ်ပါတယ်။ အချစ်ရေးမှာချစ်သူကစည်း ကမ်းချက်တွေထုတ်တာများတာကြောင့် စိတ်ကုန်နေမိပါ လိမ့်မယ်။ စိတ်ပူပန်ကြောင့်ကြရတတ်တဲ့နေ့ရက်ပါပဲ။ စည်းကမ်းတင်းကျပ်မှု တွေအောက်မှာဖိအားတွေနဲ့လုပ်ကိုင် နေရတတ်တဲ့ နေ့ရက်ပါပဲ။ ဒါကြောင့် လက်ရှိလုပ်နေရ တဲ့အလုပ်များကနေ ထွက်ချင်စိတ်တွေပေါ်နေတတ်ပါတယ်။ အထက်လူကြီး မိဘတွေရဲ့ကျန်းမာရေးအားနည်းမှု တွေကိုလဲကြုံရတွေ့ရ တတ်ပါတယ်။ မထင်မှတ်ဘဲခရီးတို လေးတွေသွားနေရတတ်ပါတယ်။
တနင်္လာ
ကောင်းသောလိုအင်ဆန္ဒလေးတွေလက်တွေ့ပြည့်မြောက်လာပါ လိမ့်မယ်။ အလုပ်ခွင်အတွင်း မိမိကြောင့် အခက်အခဲ တွေအဆင်ပြေသွားတာကြောင့်နာမည်ကောင်းရတတ်ပါ တယ်။ချစ်သူရည်းစားများမိဘတွေကိုဖွင့်ပြောတိုင်ပင်ပြီး လက်ထပ်ဖို့ ကြိုးစားသင့်တဲ့နေ့ရက်ပါပဲ။အလုပ်သစ် လျှောက်ထားခြင်းများလဲ အဆင်ပြေပါလိမ့်မယ်။ စန်းအားကောင်း နေတတ်ပါတယ်။ ဒါကြောင့်ပဲလုပ်သလောက် အကူအညီပေးမဲ့သူတွေရှိတာကြောင့် အဘက်ဘက်ကအဆင်ပြေနေ တတ်ပါတယ် ။ ငွေရှာရလွယ်နေတာကြောင့် လိုချင်တာတွေကိုလဲဝယ်ယူရရှိနိုင်ပါလိမ့်မယ်။
အင်္ဂါ
အလုပ်တွေထပ်ချဲ့နိုင်ပါလိမ့်မယ်။ ဝန်ထမ်းများ အလုပ်ကြွေး တွေပြီးစီးအောင်လုပ်နိုင်မဲ့နေ့ရက်လဲဖြစ်ပါတယ်။ မိမိ အကျိုး ဆောင်ပေးလိုက်တာမျိုးကြောင့် အခြားသူတွေရဲ့ကိစ္စတော်တော်များများ အဆင်ပြေသွား တတ်တဲ့နေ့မျိုးပါပဲ။ မိမိအတွက်ခက်ခဲနေတဲ့ကိစ္စရပ်တွေကို အောင်မြင်စွာကျော် လွှားသွားနိုင်ပါလိမ့်မယ်။ ငွေကြေးနဲ့ ပတ်သက်ပြီးတော့လဲ ရှာရဖွေရလွယ်ကူပါလိမ့်မယ်။ ဆွေမျိုးသားချင်းတွေဆီ ကနေအကူအညီကောင်းတွေရလာ တတ်ပါတယ်။ အပန်းဖြေ ခရီးများ ထွက်သင့်တဲ့နေ့ပါပဲ။ အထူးသဖြင့် လေကောင်းလေ သန့် ရတဲ့နေရာမျိုးမှာအပန်းဖြေလိုက်စေချင်ပါတယ်။
ဗုဒ္ဓဟူး၊ရာဟု
သူတစ်ပါးရဲ့အလှူအတန်းကိစ္စများ၊ ရပ်ရေးရွာရေးကိစ္စများလဲ လိုက်ပါဆောင်ရွက်ပေးရတတ်ပါတယ်။ စပ်တူ အလုပ်များသေချာမှလုပ်သင့်တဲ့နေ့ရက်ပါပဲ။ ပညာရေးနဲ့ပတ်သက်ပြီးတော့လဲ အညံ့များနေတတ်ပါတယ်။ အလုပ်များ ကိစ္စများနေရတတ်ပါတယ်။ အလုပ်တွေချဲ့ထားသူ ဆိုပိုမို ပင်ပန်းရတတ်ပါတယ်။ မနိုင်ဝန်ထမ်းရသလိုဖြစ်ရ တတ်ပါ တယ် ။ငွေကြေးရင်းနှီးမြုပ်နှံမှုတွေမှားရတတ်ပါ တယ်။ ကြိုးစား သမျှအရာမထင်ဖြစ်ရတတ်ပါတယ်။ ရာဟုသားသမီး ကတော့ကျန်းမာရေးကိုပိုမိုဂရုစိုက်သင့်တဲ့နေ့ရက် လဲဖြစ်ပါတယ်။
ကြာသပတေး
ကံကြမ္မာကလဲမျက်နှာသာပေးသလို မိမိကိုယ်တိုင်ကလဲ ကြိုးစားမှု၊စိတ်ရှည်ဇွဲသန်မှုတွေရှိနေတတ်တာကြောင့် အဘက်ဘက် ကအဆင်ပြေပါလိမ့်မယ်။ သံသရာကလွတ် မြောက်ကြောင်းဖြစ်တဲ့ ဝိပဿနာတရားတွေကိုလဲ ပွားများ လို့အထူးကောင်း ပါတယ်။ ကျန်းမာရေးနဲ့ပတ်သက်ပြီး တော့လဲ ဝမ်းထဲမှာရှိတဲ့ရောဂါဝေဒနာတွေသက်သာခွင့်ရ တတ် ပါတယ်။ ဖြစ်ချင်တာတွေကိုဖြစ်အောင်လုပ်သွားနိုင် ပါလိမ့်မယ်။ အဆုံးမသတ်ဘဲ ပစ်ထားတဲ့အလုပ်မှန်သမျှ အဆင် ပြေ ပြီးဆုံးအောင် စွမ်းဆောင်နိုင်ပါလိမ့်မယ်။ မိမိစေတနာကောင်း၊စိတ်ထား ကောင်းနဲ့လုပ်ခဲ့တဲ့အကျိုးတွေကို ဒီနေ့မှာ ခံစားရပါလိမ့်မယ်။
သောကြာ
ကျန်းမာရေးနဲ့ပတ်သက်ပြီးတော့လဲ အနည်းငယ်ညံ့နေ တာကိုတွေ့ရပါတယ်။ သွေးအားနည်းတာမျိုးဖြစ်တတ်ပါတယ်။ အလုပ်တွေပင်ပန်းပေမဲ့ တိုးတတ်မှုတွေကိုတော့ အထင်အရှားမြင်ရပါလိမ့်မယ်။ မိသားစုကိစ္စတွေကို လျစ်လျူရှု ပြီးတော့ အလုပ်ကိစ္စနဲ့ပဲ အချိန်ကုန်နေရမဲ့ နေ့ရက်ပါ။ အလုပ်ခွင်မှာဖိအားတွေများတတ်ပါတယ်။ အစိုးရဝန်ထမ်း ဆိုရင် အထက်ကို ထုချေလွှာတင်ရမဲ့အကြောင်းတရား တွေလဲပေါ်လာတတ်ပါ တယ်။ စီစဉ်ထားတဲ့ခရီးစဉ် တွေပျက် ရတတ်ပါတယ်။ ချိန်းဆိုထားတဲ့ကိစ္စတွေအကြောင်း အမျိုးမျိုးကြောင့်လွဲရတတ် ပါတယ်။
စနေ
ချစ်သူကို မချုပ်ချယ်မိပါစေနဲ့ ၊မိမိကိုယ်စိတ်ကုန်သွားတတ် ပါတယ်။ ငွေကြေးသုံးစွဲမှုကျစ်လစ်ဖို့လဲလိုအပ်ပါတယ်။ မလိုအပ်တာတွေကြောင့်ငွေကုန်ကြေးကျများနေရတတ်ပါ တယ်။ အရက်သေစာအလွန်အကျူးသောက်တာတွေ၊ အပျော်ကနေ အပျက် ဘက်ရောက်သွားအောင်နေတာ မျိုးတွေ မလုပ်လိုက်ပါနဲ့။ လူငယ်များ စိတ်လေနေတတ်ပါ တယ်။ အခက်အခဲအသေး လေးတွေကိုရင်မဆိုင်နိုင်ဖြစ် ရတတ်ပါတယ်။ ဘာလုပ်လုပ် ဇွဲရှိမှစိတ်ရှည်မှအဆင်ပြေပါ လိမ့်မယ်။ ကျန်းမာရေး အတွက်အနည်းငယ်ညံ့နေ တတ်ပါတယ်။ကိုယ်ခံအားကောင်းအောင်နေ နိုင်မှအဆင်ပြေပါ လိမ့်မယ်။
ဆရာငြိမ်းအေးလူ(ဗေဒင်သုတေသီ)
09775555695
