loading

Category: Uncategorized

  • Home
  • Category: Uncategorized

13.September.2022တစ်နေ့တာလမ်းညွှန်ချက်၊ဆောင်ရန်ရှောင်ရန် သိစရာများနှင့် ၇ရက်သားသမီး ဟောစာတမ်း အကျဉ်း

ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ တော်သလင်းလဆုတ်(၄)ရက်၊ အင်္ဂါနေ့ ဖြစ်ပါတယ်။

ခရစ်နှစ် ၂၀၂၂ခုနှစ်၊စက်တင်ဘာလ(၁၃)ရက်နေ့လဲ ဖြစ်ပါတယ်။

ဒီနေ့နံနက်(၀၅း၅၃)နာရီမှာ အရုဏ်တတ်ပါတယ်။ နေထွက်ချိန်နံနက်(၀၆း၄၁)နာရီဖြစ်ပြီး ၊ ညနေ(၀၅း၂၉)နာရီမှာ နေဝင်ပါတယ်။

ဒီနေ့မှာ ဆောင်သင့်တဲ့လာဘ်နေအရပ်က အရှေ့တောင်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက်အမြောက်အရပ် ဖြစ်ပါတယ်။ စန်းပွင့်ရာအရပ်ကအရှေ့အရပ် ဖြစ်ပါတယ်။

လက်သမားမြေခံ အရနွားမြေခံဖြစ်ပါတယ်။ ဉစ္စာပစ္စည်းများ ရတတ်သော နေ့ဖြစ်သောကြောင့် ပျဉ်ထောင်အိမ်တွေ ဆောက်တာ၊ တဲတွေ၊ ဆိုင်ခန်း၊ လိုင်းခန်းတည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွ တာတွေ ဆောင်ရွက်လို့ အထူးကောင်းပါတယ်။

တီထိမြေခံ အရ နေ့လယ်၁၁နာရီခွဲကစလို့သောကြာမြေခံဖြစ်ပါတယ်။ သောကြာမြေခံအရ ဥစ္စာပစ္စည်းရရှိခြင်း၊ချစ်သူ၊ မိတ်ဆွေပေါများခြင်းအကျိုးကိုရရှိစေသောကြောင့် ခိုင်ခန့်တဲ့အဆောက်အဦးတွေ၊ကျောင်းတွေသိမ်တွေ၊ လမ်း တံတား တွေ၊ အထပ်မြင့်အဆောက်အဦးတွေစတင်ဆောက်လုပ်တာ တိုင်ထူတာပန္နက်ရိုက်တာမျိုးတွေအထူး ဆောင်ရွက်လို့ရပါတယ်။ သမားညိုရက်နဲ့တိုက်ဆိုင် နေ့တာမို့ မွန်းတည့် ၁၂နာရီမှ ညနေ ၃နာရီအတွင်းအချိန်အခါရွေး ပြီးဆောင်ရွက်ဖို့လိုပါတယ်။

ဒီနေ့ဟာ သမားညို ရက်ကျရောက်နေတာဖြစ်ပါတယ်။

ဒီနေ့ဟာ တီထိအရတော့  မနက် ၁၁နာရီခွဲထိ လဆုတ်တီထိ ၃လုံး၊ကျော်ရင် လဆုတ်တီထိ ၄လုံးရိတ္တတီထိကူး ပြောင်းပါလိမ့်မယ်။အဝတ်အစားနှင့်ပတ်သက်သောကိစ္စများ၊စာပေအနုပညာနှင့်ပတ်သက်သောအလုပ်များ၊အသင်းအဖွဲ့ဝင် ရောက်ခြင်းကိစ္စများဆောင်ရွက်လို့ကောင်းပါတယ်။ ခရီးကိစ္စများလဲဆောင်ရွက်လို့သင့်ပါတယ်။ ကုန်သွယ်စီးပွား များလဲ အထူးတိုးတတ်အောင်စွမ်းဆောင်နိုင်ပါလိမ့်မယ်။ ဆိုင်းဘုတ်လုပ်ငန်းများ၊ တံဆိပ်ရိုက်လုပ်ငန်းများ၊ ကြော်ငြာနှင့်ပက်သက်ပြီးဝန်ဆောင်မှုပေးတဲ့လုပ်ငန်းများအဆင်ပြေနိုင်တဲ့နေ့ရက်ပါပဲ။

            ကိုယ်ကလုပ်ငန်းရှင်ဆိုပါက ဝန်ထမ်းတွေနဲ့Meeting ထိုင်ပြီးတော့လုပ်ငန်းအတွက်လိုအပ်ချက်များကို ဆွေးနွေးခြင်းများ၊လုပ်ငန်းမကျွမ်းကျင်တဲ့သူတွေကိုဆိုင်ရာသင်တန်းတွေပေးခြင်းများပြုလုပ်နိုင်ပါတယ်။ ပရဟိတ အလုပ်များ၊ဥယျဉ်ခြံအလုပ်များအထူးအကျိုးပေးတာမျိုးလဲတွေ့ရပါတယ်။ ဒီလိုနေ့ရက်ဟာ ဓားလှံလက် နက်ထုတ် လုပ်တဲ့လုပ်ငန်းတွေ၊ခဲယမ်းမီးကျောက်နှင့် ဗျောက်အိုးထုတ်လုပ်တဲ့ အလုပ်တွေ၊အရက်နှင့်အဖျော် ယာမကာအလုပ် တွေ ပိုမိုအဆင်ပြေတတ်ပါတယ်။

လျှပ်စစ်နှင့်ပတ်သက်သောအလုပ်များအဆင်ပြေကောင်းမွန်တာအထူးတွေ့ရပါတယ်။အတိတ်ကံရဲ့ကောင်းကျိုးတွေကို ပြန်လည်ခံစား ရတဲ့နေ့ရက်ဖြစ်တာကြောင့် ထီကံစမ်းခြင်း၊ကုသိုလ်တွေနဲ့ မိမိကံကိုပိုမိုမြှင့်တင်ခြင်းများ အထူးဆောင်ရွက် နိုင်ပါတယ်။

သမားညိုရက်ဖြစ်တာကြောင့် အိမ်ပြောင်းရွှေ့တာ၊ အလုပ်ဆိုင် ပြောင်းတာ၊ အလုပ်ရုံးခန်းပြောင်းတာ မျိုးတွေ ရှောင် အပ်ပါတယ်။ပညာစပြီးသင်ယူလို့မကောင်းသေးပါဘူး။ ခိုင်ခန့်သော၊ရေရှည်တည်တံ့သော အဆောက်အဦး တွေကို စတင်ဆောက်လုပ်တာ၊တိုင်ထူတာ၊ပန္နက်ရိုက်တာ၊ မျိုးတွေလုပ်မိရင် အဆုံးမသတ် ဘဲတစ်ပိုင်းတစဖြစ် လွယ်ပါတယ်။

ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ည(၂၁း၅၄)နာရီမှ (၂၂း၄၆)နာရီအတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရ ဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများကြုံ လာ ရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။

သမားညိုရက်ဖြစ်တာကြောင့် အိမ်ပြောင်းရွှေ့တာ၊ အလုပ်ဆိုင် ပြောင်းတာ၊ အလုပ်ရုံးခန်းပြောင်းတာ မျိုးတွေရှောင် အပ်ပါတယ်။ပညာစပြီးသင်ယူလို့မကောင်းသေးပါဘူး။ ခိုင်ခန့်သော၊ရေရှည်တည်တံ့သော အဆောက်အဦးတွေကို စတင်ဆောက်လုပ်တာ ၊တိုင်ထူတာ၊ပန္နက်ရိုက်တာ၊ မျိုးတွေလုပ်မိရင် အဆုံးမသတ် ဘဲတစ်ပိုင်းတစ ဖြစ်လွယ်ပါတယ်။

ယနေ့မနက် ၉နာရီခွဲမှာ ၁၁နာရီခွဲအတွင်း အရာရာကိုသတိနဲ့ဆောင်ရွက်လုပ်ကိုင်သင့်ပါတယ်။ ဒီလိုနေ့မျိုးမှာတော့ ငွေကြေးနဲ့ပတ်သက်ပြီးပြောဆိုဆောင်ရွက်ရမဲ့ကိစ္စတွေအထူးရှောင်ပါ။ ပညာရှိစကား၊တရားစကားဆိုပေမဲ့ လူမိုက် ကြားရင်နားခါးတယ်ဆိုသလို မလိုအပ်ဘဲ ဘာသာရေးစကား၊အောင်မြင်ရေးစကား ချိန်ဆပြောကြပါ။ လက်ကား စီးပွားရေးများ မလိုအပ်တာတွေကို ဝယ်လှောင်မိတတ်တဲ့နေ့ရက်ပါပဲ။ စက်ကားနှင့် ယန္တရားမောင်းနှင်သူများ၊ ပြိုင်မောင်းကြတာ၊ စိတ်ဆိုးပြီး စက်ကိုင်ကြမ်းတာတွေသတိရှိပါ။ အန္တရာယ်ဖြစ်တတ်ပါတယ်။အွန်လိုင်းကနေ ဝယ်ယူထားသောပစ္စည်းများ သေချာစစ်ဆေးပြီးမှလက်ခံပါ။

ဒီနေ့မွေး ရင်သွေးငယ်များဟာ  ရာဇဖွား၊  မိန်စန်း၊ မနက် ၁၀နာရီခွဲကျော်ရင် စန်းက မိဿရာသီကူးပြောင်းသည်။ သိဟ်ရာသီဖွားဖြစ်ပါသည်။ဒီနေ့မွေးသူများဟာ အားငယ်စိတ်တွေ၊ဖြစ်ပါ့ဖြစ်ပါ့မလားဆိုတဲ့စိတ်တွေ ရှိနေတတ်သူပါ။ ဆင်းရဲနွမ်းပါးတဲ့ မိဘဆီမှာဝင်စားရင် သိမ်ငယ်စိတ်က ပိုများသွားတတ်ပါတယ်။ အများကအသိအမှတ်ပြုခံရတာမျိုး တွေအားနည်းပြီးတော့ မိမိကိုယ်စွမ်းကိုယ်စ ထုတ်ပြမှသာ လူအများအထင်ကြီးခြင်းကိုခံရပါလိမ့်မယ်။ သိမ်ငယ်စိတ်ကို ဖျောက်ပြီးကြိုးစားနိုင်သူတွေကတော့ အသက် ၂၈လောက်ကစပြီးသိသာထင်ရှားစွာအောင်မြင်မှုရတတ်ပါတယ်။ သတိပေးလိုတာက ဘဝတစ်လျှောက်လုံး အားနာစိတ်ရယ်၊ အဆင်ခြင်မဲ့ပေးကမ်းတာမျိုးရယ်ကို အထူးရှောင်ပါ။

ဒီနေ့အတွက်ရာဟုကာလအမှောင်ချိန်တွေကတော့ညနေ(၀၃း၀၅)နာရီမှ(၀၄း၃၇)နာရီအတွင်း ကျရောက်နေပါတယ်။ ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါတယ်။

ဒီနေ့မှာ ကံကောင်းသောနေ့သားများ အင်္ဂါ၊ ဗုဒ္ဓဟူး၊ ကြာသပတေး သားသမီးများပဲဖြစ်ပါတယ်။

ကံညံ့သော နေ့သားများကတော့ တနင်္လာ၊ သောကြာ သားသမီးများပဲဖြစ်ပါတယ်။

ကံသင့်သောနေ့သားများကတော့ တနင်္ဂနွေ၊ ရာဟု၊ စနေ သားသမီးများပဲဖြစ်ပါတယ်။

ဒီနေ့မှာ အညိုရောင် နှင့် အနီရောင်       များများပါသော အဝတ်အစားအသုံးအဆောင်ပစ္စည်းတွေကို အထူး အလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။  

ဒီနေ့မှာ၇ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့  (၅၊ ၇၊ ၉)ဂဏန်း တွေပဲ ဖြစ်ပါတယ်။

ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့လက်ဖက်သုပ်စားသွားပါ။ ပိုမိုအဆင် ပြေလွယ်ကူချောမွေ့ပါလိမ့်မယ်။

အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ စမူဆာ ဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လိုအင် ဆန္ဒတွေပြည့်ဝကြပါစေ။

၇ရက်သားသမီးအတွက် တစ်နေ့တာဟောစာတမ်းအကျဉ်း

တနင်္ဂနွေ

စိတ်ထဲဖြစ်ချင်တာတွေများနေတတ်ပါတယ်။ဟိုကလဲလုပ်ချင် ဒီဟာလဲလုပ်ချင်နဲ့စိတ်တွေဒွိဟဖြစ်နေတတ်ပါတယ်။ ကျန်းမာ ရေးနဲ့ပတ်သက်ပြီးအနည်းငယ်ပူပန်ရတတ်ပါတယ်။ ထိခိုက်ရှနာဆိုတာမျိုးလဲဖြစ်လွယ်တဲ့နေ့ရက်ပဲ ဖြစ်ပါ တယ်။အန္တရာယ်ရှိတဲ့လုပ်ငန်းခွင်အတွင်း လုပ်ကိုင်နေသူများ သတိထားလုပ်ကိုင်ဆောင်ရွက်စေချင်ပါတယ်။ အောက် လက်ငယ် သားတွေ မိမိဝန်ထမ်းတွေကိုထိန်းချုပ်ရခက်ခဲ နေတတ်ပါတယ်။ လုပ်ကိုင်ဆောင်ရွက်ရတဲ့ကိစ္စ တော်တော် များများ အဆင်ပြေဖို့အတွက် အဓိကတော့ စိတ်ရှည် ရပါလိမ့်မယ်။ ဆွေမျိုးသားချင်းတွေကြောင့် စိတ်ညစ်စိတ်ပျက်ရ တတ်ပါတယ်။

တနင်္လာ

အလုပ်ကံ၊စီးပွားကံတွေကောင်းနေပေမဲ့ လူမှုရေးနှင့် ပတ်သက် သောအရှုပ်အရှင်းတွေဖြစ်ရတတ်ပါတယ်။ သား သမီး တွေရဲ့ပြဿနာတွေကို ဖြေရှင်းပေးနေရတတ်ပါ တယ်။ဆွေမျိုးသားချင်းတွေကြောင့်စိတ်ညစ် စိတ်ပျက် ရတတ် ပါတယ်။အတူနေညီအကိုမောင်နှမတွေနဲ့ အဆင်မပြေ တာမျိုးဖြစ်လွယ်တာပါ။ ဉာဏ်ဝီရိယတွေစိုက်ထုတ် မှပဲအဆင် ပြေပါလိမ့်မယ်။ ကျန်းမာရေးနဲ့ပတ်သက်ပြီး အားနည်း ချက်တွေများတယ်။ စိတ်ထောင်းကိုယ် ကြေဆိုသလိုစိတ် ညစ် စိတ် ရှုပ်ရာကနေကျန်းမာရေးပါအားနည်းသွားတတ် ပါတယ်။စိတ်ကူးကောင်းတွေရပေမဲ့အကောင်အထည် ဖော်လို့ မသင့်တဲ့နေ့ ရက်ပါပဲ။

အင်္ဂါ

စိတ်ထဲလိုချင်နေတဲ့အရာတွေကိုရလာတတ်ပါတယ်။ဒီနေ့မှာအညီအမျှခွဲဝေယူရတဲ့ကိစ္စတွေအဆင်ပြေတတ် ပါတယ်။ ဒါကြောင့်အမွေကိစ္စတော်တော်များများဆောင်ရွက် လို့အဆင်ပြေပါလိမ့်မယ်။ လူအများအပေါ်ချင့်ချိန်ပြီးယုံပါ။ ကူညီတာ ကနည်း နည်း သူ့အတွက်အမြတ်ထုတ်သွား တာကများများဖြစ်ရတတ်ပါတယ်။ ငွေကံပိတ်နေသူများ ပြန်ပွင့် လာတတ်ပါတယ်။ အဆောင်လက်ဖွဲ့များစတင် ဆောင်လို့အထူးပဲသင့်တော်ပါတယ်။ ကျန်းမာရေးအနည်းငယ် ချူခြာ မည်။ ပညာရေးနဲ့ပတ် သက်ပြီး အားထည့် လို့အလွန်ကောင်းတဲ့နေ့ရက်ပါပဲ။ ကံအကောင်းအဆိုးမျှတဲ့နေ့ရက်လဲ ဖြစ် ပါတယ်။

ဗုဒ္ဓဟူး၊ရာဟု

အလုပ်တွေကိုကောင်းမွန်တိုးတတ်အောင်စွမ်းဆောင် နိုင်ပါလိမ့်မယ်။ စာမေးပွဲကိစ္စတွေ၊ ပညာရေးကိစ္စတွေမှာအား အကောင်းဆုံးအနေအထားတွေ့ရတယ်။ငွေစုဆောင်း ခြင်းတွေ၊ ရင်းနှီးမြုပ်နှံခြင်းတွေအထူးအားရဖို့ကောင်းတဲ့နေ့ ရက်ပါပဲ။ လုပ်သင့်တာတွေကိုပိုမိုကောင်းမွန်အောင်စွမ်း ဆောင်နိုင်ပါလိမ့်မယ်။ လူအများရဲ့အထင်ကြီးလေးစား ခြင်းကိုခံရတတ်ပါတယ်။ တရားရှုမှတ်ခြင်း၊သမထထိုင်ခြင်း ပရိပဋ္ဌာန်းရွတ်ခြင်းများအလေးပေးဆောင်ရွက် လို့ကောင်း ပါတယ်။ အခက်အခဲတွေမရှိဘဲ လုပ်တိုင်းဖြစ်မဲ့ နေ့ရက် ပါပဲ။ ကျန်းမာရေးအတွက်လဲစိတ်ချမ်းသာရပါလိမ့်မယ်။ မိမိလိုချင်တာတွေကို ရလာတတ်ပါတယ်။

ကြာသပတေး

မိမိဖြစ်ချင်တဲ့ကိစ္စတွေကိုကောင်းစွာအလေးထား ဆောင်ရွက်နိုင်ပါလိမ့်မယ်။ မိမိအခက်အခဲတွေကို ကူညီ ဖြေ ရှင်းပေးမဲ့ မိတ်ဆွေဆရာသမားတွေလဲ ရှိနေတတ်ပါ တယ်။ ကျန်းမာရေးနဲ့ပက်သက်ပြီးတော့လဲ အထူးကျန်းမာ လန်း ဆန်း နေတတ် ပါတယ်။ လာဘ်ရွှင်မယ်။စန်းပွင့်မယ် ။ဒါကြောင့်ဒီနေ့ဟာ လူတော်တော်များများရဲ့ချစ်ခင်ခြင်း ခံရနိုင် သလို ငွေရှာလို့လဲကောင်း ပါတယ်။ အိမ်ထောင်ရေး သာယာနိုင်သလို အချစ်ရေးအတွက်လဲ စိတ်ချမ်းသာရပါ လိမ့် မယ်။စုတ်လဲဝင်လာတတ်တဲ့အတွက် အိမ်ထောင် သည်ဆို ဆင်ခြင်နေထိုင်ဖို့ သင့်ပါတယ်။အမှတ်ရစေမဲ့ ခရီးမျိုးတွေ သွား ရတတ် ပါတယ်။

သောကြာ

ပျင်းတဲ့သူတွေအလွန်မှစိတ်ညစ်ရတတ်ပါတယ်။ မိမိအတွက် အလုပ်တွေတာဝန်တွေတာဝန်တွေများလာတတ်ပါ တယ်။ ကိုယ်ပိုင်အလုပ်များကတော့အလွန်မှအဆင်ပြေတိုး တတ်ပါတယ်။အရောင်းအဝယ်တွေအဆင်ပြေတိုး တတ် နိုင်ပါလိမ့်မယ်။ ငွေကြေးကတော့လိုအပ်နေသေးပါတယ်။ အလုပ်အတွက်ငွေထပ်ထည့်ချင်ပေမဲ့ ငွေတွေမြုပ်နေ တတ်ပါ တယ်။ အလုပ်ခွင်အ တွင်းစိတ်ကူးအယူအဆတွေ ကောင်းမွန်တာကြောင့် သူများထက်သာအောင်စွမ်း ဆောင်နိုင်ပါလိမ့်မယ်။ အလုပ်ကောင်းပေမဲ့ အသုံးများနေ တာကြောင့် အဖတ်မတင်ဖြစ်ရတတ်ပါတယ်။ အချစ်ရေးမှာ ချစ်သူရဲ့ အထင်လွဲခြင်းခံရတတ်ပါတယ်။

စနေ

အလုပ်တွေကိုကောင်းစွာတိုးတတ်အောင်စွမ်းဆောင်နိုင်ပါ လိမ့်မယ်။တစ်ပါးသူတွေနဲ့မျက်နှာမလွှဲဘဲသေချာဆောင် ရွက်ဖို့လိုပါတယ်။လူယုံတွေကြောင့်ဒုက္ခရောက်လွယ် လို့ပါပဲ။ စိတ်ပျက်အားလျော့နေလို့မရပါဘူး။ ချစ်ခြင်းတရား တွေရဲ့ လေးနက်မှုတွေကိုခံစားသိရှိပါလိမ့်မယ်။မိသားစု အတွင်း မပြေလည်စရာကိစ္စတွေရှိနေရင်တော့ ကောင်းစွာ ဖြေရှင်း နိုင်ပါလိမ့်မယ်။ အလုပ်တွေထင်တိုင်းမပေါက် တာ၊နှောင့်နှေးတာမျိုးတွေတော့ဖြစ်ရတတ်ပါတယ်။ ကျန်းမာ ရေး ကောင်းနေပေမဲ့ အနည်းလူနုန်းနေသလို ခံစားရ တတ်ပါတယ်။ ဝန်ထမ်းများ လက်ရှိအလုပ်ကနေ ပြောင်းဖို့ ရွှေ့ ဖို့စဉ်းစားနေမိတတ်ပါတယ်။

ဆရာငြိမ်းအေးလူ(ဗေဒင်သုတေသီ)

09775555695

ဒီနှစ်ထဲမှာ အချစ်ရေးပြေလည်မလား၊
ချစ်သူ နဲ့ အဆင်ပြေမလား၊ ရည်ရွယ်ထားတဲ့သူနဲ့ လက်ထပ်ဖြစ်မလား ချစ်သူအသစ်တွေ့ဦးမလား
ချစ်သူနဲ့ ကွဲမလားဆိုတာတွေ မသိချင်ဘူးလား
အဲဒီလိုနှလုံး သားရေးနဲ့ ပတ်သက်တဲ့ပြဿနာလေးတွေ ကြိုတင် သိချင်သူတွေအတွက် သက်ရောက်ဟောကိန်းလေးတွေကို ပြောပြပါ့မယ်။
တစ်ခုတော့ရှိတယ်ဗျ။ လက်ဆန်းဗေဒင်နားလည်တဲ့သူဆိုရင်တော့ကိုယ်ဘယ်ရောက်လဲသိပေမဲ့ ဗေဒင်နဲ့မရင်းနှီးရင်တော့ တွက်ပုံတွက်နည်းပြောပြပါ့မယ်။
ကိုယ့်ရဲ့အသက်နဲ့မွေးနံသိဖို့တော့ လိုမှာပါ။ ဒါတွေသိပြီးယင်တော့ သိချင်တာလေးတွေ
ကြိုတင်ပြီးသိနိုင်ပါပြီ၊ တစ်ခုပြောချင်တာက မိမိက ဒီနေ့အသက်၂၀ တင်းတင်းပြည့်ပြီ
ဆိုပါစို့ဗျာ ။ မနက်ဖြန်ဆို အသက် ၂၁ထဲရောက်ပြီလို့ဆိုနိုင်ပါတယ်။ အဲဒီတော့ အသက်၂၁နဲ့ တွက်ရမယ်ပေါ့ဗျ
ကဲ …. တွက်ကြည့်ရအောင် –
ပထမဦးစွာ သက်ရောက် ၈မျိုးကို အရင်သိရပါ့မယ်။ဒါမှလဲဘယ်သက်ရောက်မှဘာဖြစ်မယ်သိနိုင်ပါလိမ့်မယ်
၁။ တနင်္ဂနွေ သက်ရောက်
၂။ တနင်္လာ သက်ရောက်
၃။အင်္ဂါ သက်ရောက်
၄။ဗုဒ္ဓဟူး သက်ရောက်
၅။ စနေ သက်ရောက်
၆။ကြာသပတေး သက်ရောက်
၇။ရာဟု သက်ရောက်
၈။သောကြာ သက်ရောက်
ဒုတိယအနေနဲ့ကတော့ကိုယ့်ရဲ့အသက်ကိုသိထားပြီး ဖြစ်တဲ့အတိုင်း အဲဒီအသက်ကိုတည်ပြီး (၈) နဲ့ စားရမယ်။ရလာဒ်ကိုသုံးစရာမလိုဘူး။ အကြွင်းကိုပဲသုံးရမယ်။ တကယ်လို့ ၈နဲ့စားလို့ပြတ်ယင် ၈ကြွင်းတယ်လို့ပဲသတ်မှတ်ယူဆရမယ် မှတ်မိပြီနော်။
ကိုယ့်အသက်ကိုတည်ပြီး ၈နဲ့စားလို့ရတဲ့ အကြွင်းတန်ဖိုးအတိုင်း မိမိမွေးနံကစပြီး ရေတွက်သွားရမယ်။
ရေတွက်သွားရမယ့်အကွက်တွေ
ကိုတစ်ကွက်ပြီးတစ်ကွက်ရေတွက်ရာမှာနာရီလက်တံရစ်ပတ်တဲ့အတိုင်း
လက်ယာရစ်ရစ်ပတ်သွား
ရမယ်။
အကြွင်းအရေအတွက်စေ့သွားတဲ့နေ့ကို မှတ်ထားပြီး
သက်ရောက်ဟောကိန်းတွေ
အကြောင်းကိုဖတ်ကြည့်ရင် ဒီနှစ်ထဲမှာတွေ့ကြုံရမယ့် နှလုံးသား
ရေးရာ ကိစ္စလေးတွေကို သိရပါလိမ့်မယ်။
ဥပမာလေးတခုလောက်တွက်ကြည့်ရအောင်၊ အသက် ၂၀ – ရှိတဲ့ ကြာသပတေးသမီးအတွက်တွက်ကြည့်ရင် -၂၀- ကို ၈ – နဲ့စားယင် ၄ – ကြွင်းမယ်။ကြာသပတေးသမီးကို အောက်မှာဖော်ပြထားတဲ့ အဌလဂ်ဂြိုဟ်ခွင်ပုံအတိုင်း ကြာသပတေးကနေ နာရီလက်တံအတိုင်းစရေရမယ်။
ဒါဆို ၄- ကွက်မြောက်တဲ့အကွက်ဟာ တနင်္ဂနွေ မဟုတ်လား။
ဒါကြောင့် သူ့အတွက်က တနင်္ဂနွေသက်ရောက် ဟောကိန်းတွေကိုကြည့်ရ ပါလိမ့်မယ်။
အသက်၂၇ နှစ်ရှိတဲ့ အင်္ဂါသားသမီးဆို့ပါစို့
၂၇ကို ၈နဲ့စားတော့ ၃ကြွင်းတယ်။အကြွင်းအတိုင်း အင်္ဂါကနေ အောက်ပါပုံအတိုင်းနာရီလက်တံပုံစံ စတင်ရေတွက်တော့
အင်္ဂါက တစ် ၊ဗုဒ္ဓဟူးက နှစ် ၊ စနေက သုံးပါ။ အကြွင်းက ၃ဖြစ်တဲ့အတွက် စနေသက်ရောက်ထဲမှာပါ။ ဒါကြောင့်စနေသက်ရောက်
ဟောကိန်းလေးတွေဖတ်ကြည့်ပေါ့ဗျာ
ကဲသဘောပေါက်ပြီဆို ကိုယ့်ကိုယ်ကိုတွက် ချက်ပြီး ဟောကိန်းတွေသာ
ဖတ်ကြည့်ပေတော့။
၁။ တနင်္ဂနွေ သက်ရောက်
ဒီနှစ်ထဲမှာ အချစ်ရေးကံသိပ်မကောင်းပါဘူး၊ကိုယ်ကစွဲစွဲလမ်းလမ်းချစ်နေမယ့်သူကကိုယ့်အချစ်ကိုဂရုမစိုက်ဘူး၊ကိုယ့်ရဲ့
အကောင်းဆုံးလုပ်ရပ်တွေဟာသူ့အတွက်ပျော်ရွှင်စရာတခုလိုဖြစ်နေတက်ပါတယ်။
သူ့ကို ကိုယ်ကချစ်နေမှန်း စွဲလမ်းနေမှန်းလဲ သူသိတယ်။ ဒါပေမယ့် သူကကိုယ့်ကို ချစ်ကြည့်လို့မရပဲဖြစ်နေတယ်။ သူငယ်ချင်းအဖြစ် ခင်တာထက်မပိုနိုင်ဘူး။ကိုယ့်နဲ့သူ့အကြားမှာထူးခြားတဲ့သံယောဇဉ်ယှဉ်နွယ်မနေနိုင်ဘူး။
ဒါကလဲ အကြောင်းရှိပါတယ်။ကိုယ်ကစွဲလမ်း
နေတဲ့သူ့မှာက သံယောဇဉ်ထားရမယ့်ရှိပြီးသားဖြစ် နေလို့ပါ၊ ဒါမှမဟုတ်လဲစေ့စပ်ထားတဲ့လူ၊ လူကြီးချင်း
သဘောတူထားတဲ့လူ ရှိနေလို့ပါ။
ဒါပေမယ့်အားမလျော့ပါနှင့်၊မျှော်လင့်ခြင်း ဆိုတာ သံယောဇဉ်သမားတွေရဲ့ ကျင့်ဝတ်တစ်ခုပဲ မဟုတ်လား။
၂။ တနင်္လာ သက်ရောက်
ကိုယ့်ရဲ့ လုပ်ဆောင်မှုလေးတွေဟာ အလိုလိုနေယင်း နာမည်ကျော်ကြားနေတတ်တယ်၊ ဒါကြောင့် ဒီနှစ်ထဲမှာ စန်းပွင့်နေတဲ့အတွက် နှလုံးသားရေးရာနဲ့ ပတ်သက်ပြီး သောကကင်းဝေးရမယ်၊ ချစ်သူနဲ့အတူ တွဲတွဲသွားသွား ရှိတာကြောင့်သာယာကြည်နူးရမယ်။ ချစ်သူဟာ ကိုယ့်အလိုကိုလိုက်မယ်၊ ဒါပေမယ့်တစ်ခါ တစ်ခါစိတ်ကောက်တတ်တယ်၊အကြောင်းမရှိအကြောင်းရှာပြီးဖြစ်စေ၊အပြစ်မရှိအပြစ်ရှာပြီးဖြစ်စေ၊ စိတ်ကောက်တာမျိုးပေါ့။
သတိထားစရာတစ်ခုတော့ရှိပါတယ်၊ရေကန်နားမြစ်ကမ်းနံဘေးနားမှာတေ့ာ အတူသွားသွားပြီး မထိုင်ပါနဲ့၊ မမျှော်လင့်ပဲအန္တရာယ်တစ်ခုခုတွေ့ ကြုံရတတ်ပါတယ်၊ ချစ်သူကကိုယ့်ကို အဖိုးတန်လက်ဆောင်တွေပေးတတ်ပါတယ်။အမှတ်တရသိမ်းထားသင့်တဲ့လက်ဆောင်တွေမို့ အဲဒီအတွက်ဝမ်းသာကြည်နူးရပါမယ်၊ ဘာပဲပြောပြော တနင်္လာသက်ရောက်နှစ်ဟာနှလုံးသားရေးရာ ကံကောင်းတဲ့နှစ်ပါပဲ။
၃။အင်္ဂါ သက်ရောက်
ကိုယ့်ကိုမကြည်ဖြူတဲ့မိန်းကလေးတစ်ချို့ကြောင့်(ညီမတို့အတွက် ဆိုယင် ယောင်္ကျားလေးတစ်ယောက်ယောက်ကြောင့်) အချစ်သောကပွားရ တတ်ပါတယ်၊ ချစ်ခရီးရဲ့အနှောက်အယှက်တွေကို ဒီနှစ်ထဲမှာ ခဏခဏတွေ့ရမယ်၊ အဲဒီအနှောက် အယှက်တွေကြောင့် ချစ်သူကကိုယ့်ကို အပြစ်မြင် မယ်၊ အပြစ်ထင်မယ်။ ဖြေရှင်းလို့မရတဲ့ပြဿနာ တွေမို့ကိုယ်ကမှန်လျှင်မှန်ရက်သားနဲ့
ရေငုံနှုတ်ပိတ် ဖြစ်နေရတတ်တယ်။ ကိုယ့်ရဲ့တစ်ခြားပြဿနာတွေကလည်းချစ်သူအတွက် စိတ်မကြည်စရာတွေဖြစ်နေတက်တယ်၊ ဒီကြားထဲအ ခြေအနေအရပ်ရပ်က ချစ်သူရဲ့အလိုကို မဖြည့်စွမ်းနိုင်တာကြောင့်ပိုပြီးသောကပွားစရာလေးတွေဖြစ်လာရတယ်။ အဆုံးမှာတော့သူနဲ့ကိုယ်ဟာချစ် ခရီးကို အတူတွဲမလျှောက်နိုင်တော့ပဲ လမ်းခွဲရတတ် ပါတယ်။ ချစ်သူရဲ့အမုန်းဒဏ်ကြောင့် ချစ်ဝေနာလေး တွေခံစားရရှိနိုင်ပါတယ်။
ဗုဒ္ဓဟူး သက်ရောက်
ဒီနှစ်ထဲမှာချစ်ရမယ့်သူနဲ့တွေ့ကြုံနိုင်ပါတယ်၊ သူဟာကိုယ့်ရဲ့အရှေ့တောင်အရပ်ကဖြစ်ဖို့များပါတယ်။ ပြီးတော့ သူဟာကိုယ့်ကိုသာယာချမ်းမြေ့မှု ပေးစွမ်းနိုင်မယ့် သူလို့လဲ ယူဆနိုင်ပါတယ်၊အထူးသဖြင့်သူဟာအလှအပကြိုက်နှစ်သက်သူဖြစ်တတ်ပါတယ်၊ ဒါပေမယ့် စိတ်ကူးထက် လက်တွေ့ကို ကြိုက်နှစ် သက်သူဖြစ်တတ်ပါတယ်၊
ချစ်သူရှိပြီးသား သူတွေအဖို့တော့ ဘာမှထူး ထူးခြားခြား မရှိနိုင်ပါဘူး၊ သာယာချမ်းမြေ့တဲ့အချစ် သက်တမ်းကာလလေးပါ။ အဲတစ်ခုတော့ရှိပါတယ်၊ တစ်ချိန်ကချစ်ခဲ့ဖူးသူတစ်ယောက်ယောက်ရှိခဲ့ယင်တော့ သူရဲ့ စွမ်းဆောင်မှုကြောင့်သောကပွားရ တတ်ပါတယ်၊ လက်ရှိချစ်သူက သဘောထားကြီးလို့ တော်သေးတာပေါ့။
စနေ သက်ရောက်
မိန်းကလေးတွေနဲ့ အစေးမကပ်တဲ့နှစ်လို့
ဆိုယင်မှားမယ်မထင်ပါဘူး၊ တစ်နည်းအားဖြင့်အချစ်ကိုစိတ်မဝင်စားပဲဖြစ်နေတတ်ပါတယ်၊ အချစ်ကိုခုံမင် သာယာမိတဲ့စိတ်ထက်ငြီးငွေ့တဲ့စိတ်ကပိုများနေ တတ်ပါတယ်။ အချစ်နဲ့ပတ်သက်ပြီးစိတ်ကူးမယဉ် ချင်တော့တဲ့သဘောပါ။ ဒါပေမယ့် မိန်းကလေးတွေနဲ့ပတ်သက်တဲ့စိတ်အနှောင့်အယှက်ဖြစ်စရာကတော့ကြုံနေရဦးမှာပါ သူများတွေရဲ့နှလုံးသားကိစ္စတွေ၊ ပြဿနာကိစ္စတွေကြားမှာကိုယ်ကဓားစာခံဖြစ်ဖြစ်နေတတ်ပါတယ်။
ကိုယ်ကသံယောဇဉ်မကင်းနိုင်တဲ့သူတွေ ကြောင့်ပိုပြီး စိတ်ညစ်ရမယ်၊ ဒါတွေကြောင့်လည်း အချစ်နဲ့ပတ်သက်တဲ့ကိစ္စတွေကိုပိုပြီးစိတ်ကုန်လာတာပေါ့။
ကြာသပတေးသက်ရောက်
အချစ်နဲ့ပတ်သက်ပြီး ပျော်စရာအကောင်း ဆုံး ကာလပါ။ ချစ်သူနဲ့စိတ်သဘောထားခြင်းတိုက် ဆိုင်ပြီး အပူအပင်မရှိ သာယာကြည်နူးရမယ်၊ ချစ်သူ ဟာ ကိုယ့်အလိုကိုလိုက်မယ်၊ ကိုယ်လုပ်ဆောင်တဲ့ ကိစ္စတွေမှာပါဝင်ကုညီဆောင်ရွက်လေ့ရှိမယ်။ ချစ်သူထံကလဲ အဖိုးတန်လက်ဆောင်တွေရမယ်။
ချစ်သူမဖြစ်သေးယင်လဲ ကိုယ်ကစွဲလမ်းနေ သူရဲ့ခေါင်းညိတ်အဖြေစကားကို ကြားရမယ်၊ ချစ်သူ ဟာကိုယ့်အလိုဆန္ဒကို လိုက်လျောလွန်းတာကြောင့် သတိတရားတော့ရှိရမယ်၊ ချစ်သူအပေါ် စောင့်ထိန်း ရမယ့် သိက္ခာတရားကို စောင့်သိရမယ် မဟုတ်ရင် တော့ကျူးကျူးလွန်လွန်တွေဖြစ်ပြီး စိတ်ညစ်ရပါမယ်၊ ကိုယ်ကထိန်းသိမ်းတာတောင်မှတစ်ခြား မိန်းကလေး တွေရဲ့အဖျက်စကားကြောင့် ဒုက္ခရောက်ရှိတတ် ပါ တယ်။
ဒါတွေသိထားဆင်ခြင်ယင်တော့နှလုံးသားရေးရာနဲ့ပတ်သက်ပြီး ဘာမှစိတ်သောကပွားစရာမလိုပါဘူး။
ရာဟုသက်ရောက် ချစ်သူဟာကိုယ်အပေါ်ကိုမကောင်းမြင်နေလိမ့်မယ်၊ သံသယတွေဝင်နေတယ် ဆိုပါတော့၊ သူ့ဆီက မျှော်လင့်ချက် တစ်ခုခုကြောင့်ဟန်ဆောင်အချစ်နဲ့ ချစ်နေတယ်လို့ထင်နေတယ်လေ။ ဒီတော့ သူက နာကျင်နေလိမ့်မယ်။ ကိုယ်ကမဖြေရှင်းနိုင်တဲ့ ပြဿနာတွေ လုပ်ဆောင်တာကြောင့်ပဲဖြစ်စေ၊ သူက မကြိုက်တာတွေ ကျူးလွန်လို့ပဲဖြစ်စေ၊ တစ်ယောက် နဲ့တစ်ယောက်ကတောက်ကဆဖြစ်ပြီးမုန်းကြရတတ် ပါတယ်။
ကိုယ်ကိုယ်နှိုက်ကလည်းတခြားအဆင်မပြေစရာတွေ၊ စိတ်ညစ်စရာတွေကြုံနေရတာကြောင့် သူ့ရဲ့ ပြစ်တင်ပြောဆိုမှုကို မခံနိုင်ပဲအတိုက်အခံတွေဖြစ်လာ တတ်တယ်။ ဒီအတိုက်အခံတွေရဲ့ နောက်ဆုံး ရလဒ်ကတော့ သံယောဇဉ်ကြိုးလေးပြတ်တောက်သွားရခြင်းပါပဲ။
ချစ်သူဆီက အချစ်အဖြေကိုတောင်းခံငံ့လင့်
နေသူတွေအတွက်တော့ ဒီနှစ်ထဲမှာစိတ်ချမ်းသာရ မယ့်အဖြေ မရရှိနိုင်ဘူး၊ သူဟာကိုယ့်ရဲ့စကားတွေ ကို မယုံမကြည်ဖြစ်နေသေးတယ်။ ပြီးတော့ကိုယ့်ရဲ့ အားနည်းချက်တစ်ချို့ကြောင့် အထင်သေးပြီးချစ်ဖို့ မဝံ့မရဲဖြစ်နေတတ်ပါတယ်။
သောကြာသက်ရောက် ကိုယ်ချစ်နေတဲ့သူဆီကချစ်စကားအဖြေပေးရနိုင်သလိုညီမတို့အဖို့လဲကိုယ်စိတ်ဝင်စားနေတဲ့သူနဲ့ ခင်မင်ရင်းနှီးပြီးချစ်စကားပြောလာတာကိုကြားရမယ်။ တကယ်တော့ ဒီကာလဟာ ချစ်သူနှစ်ဦး အတွက် ပျော်စရာအကောင်းဆုံးသာယာချမ်းမြေ့ဖို့ အကောင်းဆုံးကာလပါ။ ချစ်နေပြီးသူတွေ။ လက် ထပ်ဖို့ တာစူနေကြသူတွေဆိုယင်တော့ ဒီနှစ်ထဲမှာ ထိမ်းမြားဖို့ အခြေအနေပေးတက်ပါတယ်။ ဘယ်လို အနှောင့်အယှက်မျိုးတွေပဲ ရှိနေနေ၊ လက်ထပ်ဖို့စီ စဉ်ထားယင် မလွဲမသွေအောင်မြင်မှာပါ။
ချစ်သူဘဝမှာ ပျော်ရွှင်ကြည်နူးရသလို တစ်ဘက် ကလည်း ရာထူးတက်နိုင်တယ်။ စာမေးပွဲတွေ အောင်နိုင်တယ်။ ဆောင်ရွက်ထားတဲ့ ကိစ္စတွေပြီး ပြတ်နိုင်တယ်။ ဒါ့ကြောင့် တစ်ခြားလူမှုရေးသောက၊ စီးပွားရေးသောကပညာရေးသောကတွေ ကင်းစင် နေတာကြောင့် အချစ်နဲ့ပတ်သက်ပြီးစိတ်ကူးသမျှ အကောင်အထည်ဖော်ပြီး ချစ်နိုင်ကြပါတယ်။
ဒါဆိုကျေနပ်စရာ ကောင်းပါပြီနော် ………။
Ref; Sayar Dagon

အိုသွေးပိုင်ရှင်များအကြောင်း

ဒီတစ်ခါ အိုသွေးပိုင်ရှင်များ အကြောင်း တင်ပြသွားမှာဖြစ်ပါတယ်…
အိုသွေးပိုင်ရှင်များကတော့
စရိုက်သဘာဝက ထူးခြားပါတယ်…
အိုသွေးပိုင်ရှင်များကတော့ အိမ်မှာတော့ ပြဿနာရှာတတ်ကြပေမယ့်
သူငယ်ချင်းတွေနဲ့ဆိုရင်တော့
သူငယ်ချင်းတွေကို ကြည့်ရှုစောင့်ရှောက်တတ်ပြီး လူတကာနဲ့ လိုက်လျောညီထွေအောင်
နေတတ်သူများဖြစ်ကြပါတယ်… အရာအားလုံးကို တက်တက်ကြွကြွနဲ့ ပါဝင်ဆောင်ရွက်တတ်သူများ
ဖြစ်ကြပါတယ်… အလုပ်အားလုံးကိုလည်း ကိုယ့်အလုပ်လို့ သတ်မှတ်ပြီး ကြိုးကြိုးစားစား
ဆောင်ရွက်တတ်ကြသူများ ဖြစ်ပါတယ်… လုပ်ငန်းခွင်ကို ရောက်ပြီဆိုရင်လည်း သူတပါးကို
စာနာထောက်ထားတတ်ကြပါသတဲ့… အနာဂတ်အတွက် ရည်မှန်းချက် တစ်ခု ရှိပြီဆိုရင်
တစိုက်မတ်မတ်နဲ့
လုပ်ကိုင်တတ်ပေမယ့် မျှော်လင့်ချက် မရှိဘူးလို့ ထင်မိပြီဆိုရင်တော့
အစွဲအလမ်း တစ်ခုမှမထားဘဲ
လက်လျှော့ပစ်တဲ့ အကျင့်လေးများလည်း ရှိပါတယ်တဲ့… အလုပ်တစ်ခုကို
လုပ်ကိုင်နိုင်စွမ်း မြင့်မားသလို
အခြေအနေ အလိုက် စိတ်စုစည်းမှုလည်း ကောင်းမွန်ပါသတဲ့… ရလဒ်ကိုဘဲ
ဦးစားပေးသူများလို့လည်း
ဆိုနိုင်ပါသတဲ့… အလုပ်တစ်ခုကို လုပ်တော့မယ်ဆိုရင် plan အရင်ချပြီးမှ
လုပ်ကိုင်လေ့လည်း ရှိပါသတဲ့…
ကိုယ့် စတိုင်လ်နဲ့ကို နေတတ်သူများဖြစ်သလို ကိုယ်ပိုင် အတွေးအခေါ်များကို
ပိုင်ဆိုင်သူများလည်း
ဖြစ်ပါတယ်… ဒီလို စရိုက်တွေကို ပိုင်ဆိုင်ထားသူတွေ ဖြစ်တာမို့
အနုပညာလောကကို ခြေချမယ်ဆိုရင်လည်း
အောင်မြင်နိုင်တဲ့သူများ ဖြစ်ပါတယ်တဲ့…. ဒါပေမယ့် ကိုယ်ရဲ့
အတွေးအမြင်ကသာ အမှန်ဖြစ်တယ်ဆိုတဲ့
ယုံကြည်မှု ပြင်းထန်ချင်းက တခြားသူများရဲ့ ယုံကြည်မှုကို လစ်လျှူရှုသလို
ဖြစ်နေတတ်ပါတယ်…
အပန်းဖြေတာတို့ ဝါသနာကို အကောင်အထည် ဖော်တာတို့ကိုတော့ သိပ်မနှစ်သက်လှပါဘူး…
အိုသွေးပိုင်ရှင်များက လက်တွေ့ကျကျ လုပ်ကိုင်ရတာကို နှစ်သက်ကြသူများလည်း
ျဖစ္ပါတယ္…
တခါတလေမှာတော့ Romantic ဆန်တာလေးတွေကိုလည်း ကြိုက်နှစ်သက်ကြပါတယ်တဲ့…
အိုသွေးပိုင်ရှင်များရဲ့ ထူးခြားချက်ကတော့ ကိုယ့်အတွက် အရေးကြီးတဲ့
အရာတွေအတွက် အများကြီး
သည်းခံတတ်ပေမယ့် ရေရှည်တော့ သည်းမခံနိုင်ပါဘူးတဲ့… လူတွေနဲ့ ဆက်ဆံတဲ့
အခါမှာ ယုံကြည်မှု ရှိရှိနဲ့
ဆက်ဆံတတ်ပြီး ကိုယ့်ထက် အားနည်းသူနဲ့ ဆက်ဆံတဲ့ အခါမှာတော့ နွေးနွေးထွေးထွေး သဘောထား
ကြီးကြီးနဲ့ ဆက်ဆံတတ် ကြပါသတဲ့… ပြိုင်ချင်တဲ့ စိတ်ဓာတ် ပြင်းထန်လို့
တခါတေလမွာ မလိုအပ္ဘဲ
စိတ်ဆင်းရဲရတာမျိုးလည်း ရှိပါတယ်… အိုသွေးပိုင်ရှင်များက တခါတလေမှာ စကားနည်းပြီး
အေးအေးဆေးဆေး တစ်ယောက်တည်း တွေးခေါ်နေရတာကို ကြိုက်နှစ်သက်ကြပါသတဲ့…
တစ်ယောက်ယောက်နဲ့ စိတ်ကသိကအောင့် ဖြစ်တဲ့ အခါတိုင်း စိတ်ထဲမှာ စုမထားဘဲ တဘက်သားကို
ပြတ်ပြတ်သားသား ပြောတတ်ပါသတဲ့… ဒါပေမယ့် အားလုံး ပြီးသွားတဲ့ အခါမှာတော့ ဒါတွေ ငါ
ဘယ်တုန်းက လုပ်ခဲ့လို့လဲ ဆိုတဲ့ ပုံစံမျိုး အားလုံးကို မေ့ပြီးနေနိုင်သူများပါ…
အိုသွေးပိုင်ရှင်များနဲ့ လိုက်ဖက်မယ့်သူ
အို-ေအ (၁၀၀%)
အိုသွေး ယောင်္ကျားလေးများရဲ့ လွတ်လွတ်လပ်လပ် နေတတ်တဲ့ သဘောနဲ့ အေသွေးပိုင်ရှင်
မိန်းကလေးများရဲ့ အလေးနက်ထားတတ်တဲ့ အကျင့်တွေကို ပေါင်းစပ်လိုက်ရင်တော့
သဘာ၀က်တဲ့ အတြဲကို
ဖြစ်စေပါတယ်။ အေသွေးပိုင်ရှင်မိန်းကလေးများကတော့ အိုသွေးပိုင်ရှင်
ယောင်္ကျားလေးများကို အိုအေစစ်လို
အေးမြစေချင်ကြပါတယ်တဲ့။ အမြဲတမ်း ကံကောင်းမှုကို ဖြစ်စေပါတယ်တဲ့။
မိတ်ဆွေအဆင့်ဆိုရင်တော့
အကျိုးရှိစေမယ့် စကားများကို ဖလှယ်ရင်းနဲ့ ခင်မင်မှုကို ပိုမို
ဖြစ်စေပါတယ်။ အချင်းချင်း
နောက်ပြောင်ပြောဆိုတဲ့ အခါမှာလည်း အပြန်အလှန် ဖလှယ်နိုင်တာကြောင့် လိုက်ဖက်ညီတဲ့
အတွဲလေးလည်း ဖြစ်နိုင်ပါတယ်တဲ့။
အို-ဘီ (၇၅%)
မိန်းကလေးဘက်က လိုက်ကပ်နေတတ်တဲ့ အခြေအနေမျိုးတွေ ရှိပါတယ်တဲ့။ အမြဲတမ်း
ဘီသွေးမိန်းကလေးများရဲ့ စိတ်အသွားအလာကိုလည်း
မခန့်မှန်းနိုင်လောက်အောင်ပါတဲ့။ စိတ်ကတော့
ကြင်ကြင်နာနာ ဆက်ဆံချင်ပေမယ့် လုပ်လိုက်တဲ့ အလုပ်တိုင်းကတော့
အဆင်မပြေတာချည်းပါပဲ။ ဒါပေမယ့်
မိန်းကလေးဘက်ကတော့ သင့်ကို ကောင်းကောင်း ဆုံးဖြတ်နိုင်စွမ်းရှိတဲ့
ယောင်္ကျားတစ်ယောက်လို့
ယုံကြည်နေတတ်ပါတယ်။ ဒီအချက်ကို သတိထားပြီး သူမကို ဆွဲဆောင်ပါတဲ့။ ဒီလိုသာ
လုပ်မယ်ဆိုရင်တော့
ပိုပြီးချစ်လာနိုင်ပါတယ်တဲ့။ အချင်းချင်း အလေးထားတာရော ကတိကိုတည်ချင်တဲ့
စိတ်ဓါတ်တွေအားလုံးကြောင့် အချင်းချင်း သစ္စာဖောက်တာမျိုး လုံးဝမရှိပါဘူး။ တကယ်တော့
အိုသွေးပိုင်ရှင်ယောင်္ကျားလေးများက ကလေးဆန်ပြီး ချွဲတတ်တဲ့
မိန်းကလေးမျိုးကို လိုလားသလို
အိုသွေးမိန်းကလေးများကလည်း ကြင်နာပြီး နွေးထွေးတဲ့ ယောင်္ကျားမျိုးကို
လိုလားပါတယ္တဲ့။
ဒီအချက်မှာတော့ နည်းနည်း အဆင်မသင့်တာမျိုးတော့ ရှိတတ်ပါတယ်။
အို-အို (၄၀%)
အချင်းချင်း အရမ်းကို လိုက်ဖက်ညီတယ်လို့ ထင်ရပါတယ်။ သာမန် ယောင်္ကျားလေးနဲ့
မိန်းကလေးကြားမှာ
မပြောနိုင်လောက်တဲ့ အကြောင်းတွေကိုတောင် ပြောနိုင်လောက်အောင်
ရင်းနှီးနိုင်ပါတယ်တဲ့။ အချင်းချင်း
ယောင်္ကျားမိန်းမရယ်လို့ မတွေးပဲ သူငယ်ချင်းအနေနဲ့ ဆက်ဆံတတ်ကြပါတယ်။
လမ်းမှာ သူတောင်းစားများ
တွေ့ရင် ဒီတိုင်းမသွားနိုင်ပါဘူး။ စိတ်ထားကောင်းတယ်လို့
ဆိုလိုလို့ရပါတယ်။ အိုသွေးအချင်းချင်း အားလုံး
အိုကေမှာပဲလို့ ထင်နိုင်ကြပေမယ့် တကယ်တော့ အဲဒီလို မဟုတ်ပါဘူး။
လိုက်ဖက်မှု ရာခိုင်နှုန်းက ၄၀%ပါ။
အို-ေအဘီ (၉၅%)
အချင်းချင်း သိပ်အဆင်မပြေဘူးလို့ ထင်ရတဲ့ အတွဲပါ။ တစ်ကိုယ်ကောင်းဆန်တတ်တဲ့
အကျင့်လေးတွေကြောင့် စိတ်အခန့်မသင့်တာလေးတွေ ရှိတတ်ပါတယ်။ ရန်ဖြစ်ရာကနေ
သံယောစဉ်တွယ်တတ်တဲ့ အတွဲတွေလည်း ရှိနိုင်ပါတယ်။ အချင်းချင်း လက်တွေ့ကျကျ စဉ်းစား
ကပ်သပ်နေတတ်တဲ့ အတွက် သူများတွေ အမြင်မှာတော့ နည်းနည်း စိတ်ပင်ပန်းနေရတတ်ပါတယ်။
ဒါပေမယ့် လိုက်ဖက်ညီမယ့် ရာခိုင်နှုန်းကတော့ ၉၅% ပါ။

အင်္ဂဝိဇ္ဇာ ကျမ်းရင်းလင်္ကာကြီး -၄၀ (ဆရာတော်ကြီး ခင်ကြီးဖျော်)

(၁) အင်္ဂဝိဇ္ဇာ နည်းကျယ်စွာကို၊သေချာမှတ်စွဲ ကောက်ယူခွဲသော်….
(၂) အိုင်ထဲမြရွှေငွေ ၊ ကြံပါလူ့အသွေ ၊ ဆင်ရန်သူနဲ့ဝေး ၊လေသဲကျွန်းဆောင်မြူး
ပျော်ကြူးဧလှည့်နိုင် သာလှိုင်ဆင်ကြလန်း ၊နန်းအောင်ရွှေမြို့သာ ။
(၃) လိုရာဂြိုဟ်ရင်းကပ် ၊ဓာတ်မှန်ကိုထုတ် ၊ မိတ်လည်းအုပ် ၊ဓာတ်ထုတ်မိတ်ကိုစီး၊မိတ်ကြီးဓာတ်ကိုမံ။
(၄) ငါးတန်မဆွ၊တိုင်မူလနှင့်၊သိရသက်သေ၊ထင်လေနိမိတ်၊ဟိတ် ၊လက္ခဏာ၊စဉ်ကာထားမှ။
(၅) သူရဇ္ဇနှင့် သောကြ ထက်အောက် ၊ခယားဇောက် ၊ကောက်ဘိဆပွတ်ကြံ မှတ်ရန်နည်းတဝ။
(၆) သူရဇ္ဖက စ၍စဉ်စီ ရှစ်ခါညီ ရှစ်လီဂြိုဟ်ပေါင်းပြ ရာသီဆယ့်နှစ်ဝ သင်္ချာယူ၍ဆ။
(၇) အောင်လံတေဇ၊သကျမှီအုံး ၊နန္ဒိသေနထုံး။
(၈) ဝိကလျာ၊ဝိဇ္ဖာနေယျ၊အညမည၊ခါနိစ္စ၊ ထိကြဓာတ်ပစ္စည်း။
(၉) အညမညံ ၊မဆက်ဆံ၊ပိတ္တံဝိဧက။
(၁၀) သူ့ကိုနိုင်လို ဆကိုခို လိုရာဆေးဖေါ်သုံး။
(၁၁) ထန်းအုန်းဂျုတ်ဇီး၊ ဝါမုံသီး၊ ဆေးကြီးသန္နိဌာ၊နိုင်ရာဓာတ်နှင့်သတ်။
(၁၂) တောင်သူအမှတ် လုပ်ရပ်ကိန်းချူ ၊ဓာတ်တူ နံတူ ၊ဆေးကိုယူ။
(၁၃) ကက်ကင်းသေရှင်သူ၊ ထက်အောက်ပြန်လှန်ကူ၊နံတူသတ်ကအသေရ။
(၁၄) နံလွဲကြမူ အရှင်ယူ ဟောသူမှီခိုရုံ။
(၁၅) ဂဠုန်ပုန်းခိုက်၊ပုတ်သင်မိုက်၊ကိုက်လေ ၂ ပါးသေ။
(၁၆) ခြင်္သေံ့ဟောက်ဟန် ဆင်ဝှေ့ပြန် ရုပ်နာမ်နှစ်ပါး ကံကတ္တားခြား၍ ထက်အောက်သာ။
(၁၇) ကတ္တားရှိရာ ကံမလာနှင့် နာမ်မှာထက်ပေ ရုပ်လယ်နေ၊မဇ္စျေကံဟုမှတ် ကတ္တားအောက်ဂြိုဟ်
ၿမဲမွတ္ဆို။
(၁၈) မိတ်လိုပြန်ရာ ၊ဥသာစိန်ပန်း၊ ဒန်းလှကိုရှာ ။
(၁၉) ခိုက်ရန်မှာကား ဓမ္မသောက အင်းဝရာဇာ မယှဉ်ရာတည်း။
(၂၀) ဓာတ်လာသဘော အန္တောဂဗ္ဘေ စရေဝံသေ။
(၂၁) ဦးဝေစံကူး ၊ ရေဗူးတောသူ၊ ရန်မူလည်းဆို၊ ဦးညိုခေမာ၊ သုတဝေရီ၊ရန်မှီမြဲရှောင်။
(၂၂) အောင်ပကုလား၊ ဆွေသားနောင်ရင်း၊ မိတ်သွင်းပြီးခါ၊ဆောင်သင့်ရာ၏။
(၂၃) ဆောင်ရာသင့်လျှင်၊သံယောဇဉ်ကိုမယှဉ်စေရာ။
(၂၄) မီးမှာကားမြေ၊ ရေနှင့်လေ၊ မိတ်ဆွေမစပ်၊ပိဋိကတ်။
(၂၅) မီးဓာတ်နှင့်လေ၊မြေနှင့်ရေ၊မိတ်ဆွေတော်ကြ၊သဟာယ။
(၂၆) လမ်းပြစဉ်သာ၊ရှောင်ကြဉ်ခွာ၊ဝေးစွာသူရဇ္ဇ။
(၂၇) သစ်ဆိမ့်ပန်းရ၊သူရဇ္ဇ၊ေနေထကောင်းကြွယ်ရန်။
(၂၈) ဝေးသူပင်ပြန်ရ၊နီးလွယ်အောင်ကြံဆ။
(၂၉) မင်းကုသကိုဆောင်မှကောင်းလင့်ရာ၊စေတိယကိုရှောင်မှ ကြောင်းသင့်စွာ။
(၃၀) အောက်မှာနင်းကြမ်း၊ထက်ဆောင်ပန်း၊ တခန်းယူမှီးကြ။
(၃၁) က-င ငါးမှာ၊စန္ဒြာ၊သီလာမြေဓာတ်ဖို၊ရှမ်းအငန်ဟုဆို။
(၃၂) စ-ည ဘောမ ၊ပ ဉ္စာစ၊လေမြေဓာတ်ဖိုရ၊တလိုင်း အခါးပ။
(၃၃) ဋ-န သောရီ ၊ဤဆယ်လီ၊မီးတောက်ဓာတ်မ၊ကုလားအချဉ်ရ။
(၃၄) ပ-မငါးခု၊ ဂြိုဟ် ဂုရု၊ပံသုမြေဓာတ်မ၊
မြန်မာအဆိမ့်ကျ။
(၃၅)ယ-ရ နှစ်ခု၊ရာဟုလေမုန်တိုင်း၊အရိုင်းဓာတ်မ၊ယိုးဒယားအဖန်ရ။
(၃၆) လ-၀ နှစ်ဦး ၊ဗုဒ္ဓဟူးဓာတ်ဖို၊ရေသီတာဟုဆို၊မျိုးကိုကတူး၊ရောနှောပူး။
(၃၇) သုံးဦး သ- ဟ- ဠ၊သောကြာရေငန်ပ၊ဓာတ်မသက်ကသည်း ကြိုက်လည်းချိုသာ။
(၃၈) အ-အာ သရ ရှစ်ဌာန၊သူရဇ္ဇ နေ့စွဲ၊ မီးခဲဓာတ်ဖို၊ဂျွန်းအစပ်ဟုဆို။
(၃၉) ဟောလိုကြပြန်၊ ဆေးပေးရန်၊လုပ်ရပ်အကြံ၊သိဒ္ဓိနှံ၊စစ်ထိုးခိုက်ရန်၊ရှုံးနိုင်တန်၊ယတြာရုပ်နာမ်
ကျိန်းခြေပြန်၊အင်းမူစီမံ၊ဂြိုဟ်လင့်ကြံ၍၊ဂဏန်းမှန်ပြ၊ကောက်ယူဆလော့။
(၄၀) အညမညံ စိတ်ဝေဖန် ဝိဇ္ဇာမယံ ဇော်ဂျီပျံ ရသေ့ရှင်မွန် လောကီစျာန် ခေမာအမတံ ပြည်နိဗ္ဗာန်
ရောက်လိမ့်ဧကန် မဂ်အလွန်ဖိုလ်မွန်ရလွယ်ကြိုး တိုး၍သာကြံကြစေလေကုန်။ ။
( ကျမ်းရင်းလင်္ကာကြီးပြီး၏)
အင်္ဂဝိဇ္ဇာဝါသနာရှင်များအတွက် ကျမ်းရင်း
လင်္ကာကြီး၄၀ ကိုတင်ပြလိုက်ပါတယ်။
ဖုန်းထဲမှာ မှတ်ထား ကျက်ထားလို့ရအောင်လို့ ပြောလာသူတွေအတွက်ပါ။ ။

မြန်မာလို ဘယ်ရက်မှာ မွေးပါသလဲ?

” ဆရာ လက်ဖက်ရည်ဆိုင်အစောကြီးရောက် နေပါလား”
လှည့်ကြည့်လိုက်တော့ လမ်းထဲကသူငယ်လေး။ လက်ဖက်ရည်ဆိုင်ထဲဝင်လာပြီး
ကိုယ်ကိုတွေ့တော့ လှမ်းနှုတ်ဆက်သည်။ကိုယ်ကလဲ တနင်္ဂနွေနားရက်ဆို လက်ဖက်ရည်ဆိုင်ထွက်ထိုင်တက်သည်။
” ဆရာ
ဆရာ့ ဝိုင်းမှာထိုင်မယ်နော် “
ကောင်လေးက ပြောပြောဆိုဆိုနှင့် ခုံဆွဲပြီးထိုင်သည်။
“ဆရာက black coffee တွေသောက်နေပါလား
ညကဘောလုံးပွဲ ကိုက်တယ်နဲ့တူတယ်”
” ဘောလုံးပွဲက ဝါသနာမပါ ပါဘူးကွာ
ခေါင်းကြည်လို့သောက်တာပါ။
တွေးရခေါ်ရတာဉာဏ်ထွက်အောင်လို့ပါ”
” သြော်”
ကောင်လေးဘယ်တုန်းထဲက မှာလိုက်သည်မသိ ။
စားပွဲထိုးလေးက ကော်ဖီခွက် ကိုကောင်လေး
ရှေ့လာချပေးသည်။ ကောင်လေးက ကော်ဖီကို ဇွန်းဖြင့်မွှေနေရင်း
” ဒါနဲ့စကားမစပ် ဆရာကိုမေးစရာတစ်ခုရှိလို့”
ကောင်လေးက စကားနိဒါန်းပျိုးသည်။
“ဘာမေးမှာလဲကွာ”
” ဆရာPageမှာ ဂဏန်းဗေဒင်အကြောင်းတင်ထားတာတွေ့တယ်
တော်တော်လေးလဲမှန်တယ်
အဲဒါက အင်္ဂလိပ်မွေးရက်ကိုတွက်ထားတာတွေ့ရတယ်ဆရာ
ကျွန်တော်စဉ်းစားမိတာက ကျွန်တော်တို့မြန်မာ မွေးရက် အဟောတွေရောမရှိဘူးလားလို့ပါ “
ကောင်လေးက သူသိချင်တာလေးကိုမေးသည်။
” ရှိတာပေါ့ကွာ ဒါပေမဲ့ရှားတယ်လို့ပြောရမှာပဲ”
“မြန်မာရက်ဖွားအဟောအတိုလေးတွေကိုတော့ ကျက်ထားဖူးတယ်ကွ
မြန်မာလ ဘယ်လမွေးမွေး လဆန်းဘယ်နှစ်ရက်ကို ဘယ်လိုဖြစ်တယ် လဆုတ်ဆိုဘယ်လို လပြည့်လကွယ်ဆိုဘယ်လို စသည်ဖြင့်ပေါ့ကွာ
ငါမှတ်ထားဖူးသလောက်ပြောရရင်တော့–
လဆန်း ၁ ရက်မှာမွေးဖွားပါက စရိုက်ကြမ်းတမ်းပြီး တဇွတ်ထိုး လုပ်တတ်ခြင်းတွေကို သတိထားရမယ်။
လဆန်း ၂ ရက်မှာမွေဖွားပါက ငယ်စဉ်အခါမှာ ဆင်းရဲဒုက္ခများတတ်ပြီး အသက်ကြီးမှ ချမ်းသာတတ်ပါတယ်။
လဆန်း ၃ ရက်မှာမွေးဖွားပါက ဘုန်းကြီး၊ ရဟန်း၊ ပညာရှိသူတော်စင်များ ဖြစ်လာတတ်ပါတယ်။
လဆန်း ၄ ရက်မှာမွေးဖွားပါက ပစ္စည်းဥစ္စာ ပေါကြွယ်ဝတတ်ပါတယ်။
လဆန်း ၅ ရက်မှာမွေဖွားပါက လိုတရသူ၊ ဘဝမှာ မပူပင်မကြောင့်ကြရသူတွေ ဖြစ်တတ်ပါတယ်။
လဆန်း ၆ ရက်မှာမွေးဖွားပါက ချမ်းသာသော သူဌေးသူကြွယ်တွေ ဖြစ်လာတတ်ပါတယ်။
လဆန်း ၇ ရက်မှာမွေးဖွားပါက စီးပွားဥစ္စာ စုဆောင်းမိသူ ဖြစ်မယ်။
လဆန်း ၈ ရက်မှာမွေးဖွားပါက အပြောကြမ်း၊ စရိုက်ကြမ်းတတ်တာကို သတိထားရပါမယ်။
လဆန်း ၉ ရက်မှာမွေးဖွားပါက စိတ်ဓာတ်ကျလွယ်တာကို သတိထားရပါမယ်။
လဆန်း ၁၀ ရက်မှာမွေးဖွားပါက ရှေ့မကြည့်၊ နောက်မကြည့် တဇွတ်ထိုးပြောတတ် လုပ်တတ်တာကို သတိထားရပါမယ်။
လဆန်း ၁၁ ရက်မှာမွေးဖွားပါက တီထွင်ကြံဆတတ်သူ၊အောင်မြင်ကျော်ကြားသူ ဖြစ်တတ်ပါတယ်။
လဆန်း ၁၂ ရက်မှာမွေဖွားပါက ဆုထူးဘွဲ့ထူးကြီးတွေရပြီး ထူးချွန်တတ်ပါတယ်။
လဆန်း ၁၃ ရက်မှာမွေးဖွားပါက ကား၊ ယာဉ်၊ရထားများနဲ့ ပြည့်စုံသူဖြစ်မယ်။
လဆန်း ၁၄ ရက်မှာမွေးဖွားပါက ကုန်သွယ်ရေး၊ စီးပွားရေးမှာ အထူးကျွမ်းကျင်သူဖြစ်မယ်။
လပြည့်နေ့မှာမွေးဖွားပါက ဘာမဆို ပေါ့ပေါ့ပါးပါး တွေးတတ်ကြံတတ် အပျင်းထူတတ်သူဖြစ်တတ်ပါတယ်။
လပြည့်ကျော် ၁ ရက်မှာမွေးဖွားပါက ပေါ့ပေါ့ဆဆ၊ နမော်နမဲ့ တွေးတတ်လုပ်တတ်သူဖြစ် တတ်ပါတယ်။ လက်ကြောမတင်းသူ ဖြစ်တတ်ပါတယ်။
လပြည့်ကျော် ၂ ရက်မှာမွေးဖွားပါက ဓနဥစ္စာ ပေါကြွယ်ဝတတ်ပါတယ်။
လပြည့်ကျော် ၃ ရက်မှာမွေးဖွားပါက နားအေးပါးအေး နေတတ်သူတွေ ဖြစ်မယ်။
လပြည့်ကျော် ၄ ရက်မှာမွေးဖွားပါက ပူပင်ကြောင့်ကြစရာတွေ များတတ်ပါတယ်။ ဘဝကကြမ်းတတ်တယ်။
လပြည့်ကျော် ၅ ရက်မှာမွေးဖွားပါက ဆရာကောင်း၊ အမှီကောင်းတွေတွေ့ပြီး ကံကောင်းတတ်တယ်။
လပြည့်ကျော် ၆ ရက်မှာမွေးဖွားပါက စိတ်နှလုံးအေးချမ်းပြီး သနားကြင်နာတတ်သူဖြစ်မယ်။
လပြည့်ကျော် ၇ ရက်မှာမွေးဖွားပါက ရသေ့ရဟန်း၊ ဘုန်းကြီး၊ ပညာရှိ၊ ဘာသာရေးသမား ဖြစ်တတ်တယ်။
လပြည့်ကျော် ၈ ရက်မှာမွေးဖွားပါက တစ်ရပ်တစ်ကျေးမှာသွားပြီး ကြီးပွားချမ်းသာတတ်တယ်။
ဘာသာရေးသမား ဖြစ်တတ်တယ်။
လပြည့်ကျော် ၉ ရက်မှာမွေးဖွားပါက ပင်ပန်းမယ့်ဇာတာ ပါလာသူဖြစ်တတ်။
လပြည့်ကျော် ၁၀ ရက်မှာမွေးဖွားပါက တရားမျှတမှုကို လိုလားပြီး တရားသူကြီး၊ ရှေ့နေ၊ သံတမန်တွေ ဖြစ်တတ်တယ်။
လပြည့်ကျော် ၁၁ ရက်မှာမွေးဖွားပါက ခရီးလှည့်လည်သွားလာခြင်းမှာ ဝါသနာထုံမယ်။
လပြည့်ကျော် ၁၂ ရက်မှာမွေးဖွားပါက စီးပွားဖြစ်လွယ်ပြီး သူဌေးဖြစ်ဖို့ကံပါလာသူဖြစ်တယ်။
လပြည့်ကျော် ၁၃ ရက်မှာမွေးဖွားပါက နာမည်ဂုဏ်သတင်း ထင်ပေါ်ကျော်ကြားသူတွေ ဖြစ်တတ်တယ်။
လပြည့်ကျော် ၁၄ ရက်မှာမွေးဖွားပါက အနုပညာ၊ အလှအပအရာတွေမှာ အောင်မြင်ကျော်ကြားတတ်တယ်။
လကွယ်နေ့မှာမွေးဖွားပါက အသန့်အပြန့် ကြိုက်ပြီး သပ်သပ်ရပ်ရပ် နေထိုင်ဝတ်စားတတ်ကာ အနုပညာမှာ အောင်မြင်တတ်ပါတယ် လို့
မွတ္ထားဖူးတာပဲ”
“ဆရာဟာက တိုတိုလေးတွေပဲအကျယ်မရှိဘူးလား”
“ဆရာသိသလောက်တော့ မြန်မာမွေးရက်ဟောကိန်းတွေကို အကျယ်ရေးထားတာ တွေ့ဖူးပါတယ်
ဆရာအရမ်းလေးစားအထင်ကြီးရတဲ့ ဒေါက်တာ ဒဂုန်ရဲ့ဖခင်ကြီး ပုဏ္ဏားတော် ဦးရာမရေးတဲ့ “လက်တွေ့ဘဝကံနှင့် လောကီပညာ
ဗေဒင်ဟောကိန်းကျမ်းကြီး”ထဲမှာအကျယ်တင်ပြထားတယ်
အဲဒီစာအုပ်က ဆရာလက်ထဲမှာ ရှိနေတာ
နှစ် ၂၀ နီးပါးတော့ရှိနေပြီပေါ့။
ရင်းနှီးတဲသူတွေကို ပေးဖတ်ခိုင်းကြည့်တာ
တော်တော်လေးမှန်တယ်လို့တော့ပြောကြတာပဲ”
” ဆရာအဲဒါဆိုရင် Online မှာတင်ပါလား
အားလုံးသိရတာပေါ့”
” တင်ဖို့အစီအစဉ်တော့ရှိပါတယ်
အားတဲ့အချိန်လေးနည်းနည်းစီ စာရိုက်ထားရမှာပေါ့ အချိန်ပြည့်က မအားတာကများနေတယ်လေ
စာရိုက်ပြီး post တင်ဖို့ အချိန်မနည်းလုနေရတယ်လေ”
“အဲဒါဆို အေးအေးဆေးဆေးမှရေးပေါ့ဆရာရယ် ကျွန်တော့်ကတော့
ဆရာ့ page မှာပဲ စောင့်ဖတ်တော့မယ်”
“ေအးပါကြာ
စကားပြောလို့တော့ကောင်းတယ်
ကဲအချိန်လဲ လင့်နေပြီ
ပြန်ကြရအောင်”
( မြန်မာမွေးရက်ဟောကိန်းတွေကို
အချိန်ရရင်ရသလို ရေးတင်သွားပါ့မည်
စောင့်ဖတ်ကြပါလို့ ပြောပါရစေ)
ငြိမ်းအေးလူ ဗေဒင်သုတေသီ

မြန်မာလဆန်း ၁ ရက်နေ့ မွေးဖွားသူများ အကြောင်း

မိမိသည် မြန်မာလဆန်းတစ်ရက်နေ့တွင်မွေးဖွားသူဖြစ်သည်ဆိုပါက မိမိမှာတည်ကြည်သောစိတ်နေသဘောထားရှိမည်။ရဲရင့်ပြတ်သား၍ လူကြီးပီသသောစိတ်ရှိသည်။တည်တံ့ခိုင်မြဲသောစိတ်ထားရှိသည်။ ပင်ကိုယ်ဗီဇကောင်းပါသည်။ ဦးနှောက်ဉာဏ်ကောင်းပြီး သင်္ခုတ္တရဉာဏ်ရှိသည်။
မိမိ၏အဆုံးအဖြတ်များသည်အမြဲတမ်း တိကျမှန်ကန်တတ်သည်။
မိမိသည်အမြဲတမ်းလွတ်လွတ်လပ်လပ်ကြံစည်၍ ဘဝကိုစိတ်တိုင်းကျ ဖန်တီးလိုစိတ်ရှိသည်။ မည်သည့်အလုပ်အကိုင်ကိုမဆို ရည်ရွယ်ချက်အပြည့်ဖြင့်လုပ်တတ်မည်။ မိမိဖြစ်စေလိုသောအကြောင်းအရာတစ်ခုကို မဖြစ်မနေလုပ်တတ်သော ဇွဲရှိမည်။မိမိကအမြဲတမ်း ဦးဆောင်ဦးရွက်၊ခေါင်းဆောင်များ ၊အကြီးအကဲများဖြစ်လွယ်သည်။ သူများကိုသြဇာပေးရသောသူဖြစ်နိုင်သည်။
လုပ်ငန်းခွင်တွင်ကျွမ်းကျင်ပါးနပ်တတ်သည်။မိမိသည်မည်သည့်ကိစ္စကိုမဆို
ထက်ထက်သန်သန်စလုပ်တတ်သေည်လဲ အဆုံးတွင်ပျင်းရိနေတတ်သည်။
မလုပ်ချင်ဖြစ်နေမည်။ ပေါ့ပေါ့ဆဆလုပ်နေတတ်မည်။မိမိသည်သူများကို လှိုက်လှိုက်လှဲလှဲမျက်နှာလို မျက်နှာရ မလုပ်တတ်ပါ။ မဖားတတ်ပါ။
မြှောက်ပင့်မပြောတတ်ပါ။ သို့သော်ကိုယ်ချင်းစာစိတ် ၊ညှာတာစိတ် ၊လိုက်လျောစိတ်အထူးရှိပါသည်။ အမြဲတမ်းသူများကိုအားပေးစကားပြောတတ်မည်။
စောင်မကူညီလိုစိတ်ရှိမည်။ မည်သူနှင့်မဆိုတရင်းတနှီး ပေါင်းသင်းဆက်ဆံတတ်ပါမည်။ ကူညီတတ်ပါမည်။ မိမိသည်အရာရာကိုစိတ်ပါဝင်စားမည်။
လေ့လာလိုက်စားတတ်မည်။ သို့သော် မိမိက မပိုင်နိုင်တတ်ပါ။ မကျွမ်းကျင်တတ်ပါ။တစ်ခုတည်းကို လေးလေးနက်နက်လိုက်စားမည်ဆိုရင် အထူးထိရောက်အောင်မြင်မည်။ မိမိကံဇာတာမှာအလုပ်နှစ်ခုကို တပြိုင်နက်လုပ်ရတတ်သည်။ စိတ်နှစ်ခွ ကိုယ်နှစ်ခွဖြစ်နေမည်။ မည်သည့်အရာကိုမဆိုဆုံးဖြတ်ရခက်နေတတ်မည်။
မိမိလုပ်သောအလုပ်တိုင်းသည် များသောအားဖြင့်အကျိုးရှိမည်။ ပင်ပန်းရကျိုးနပ်မည်။ သို့သော် လုပ်မည်လုပ်မည်နှင့် မလုပ်ဖြစ်တတ်ပါ။ လုပ်သောအခါ၌လဲလွယ်လင့်တကူအောင်မြင်မည်။ မိမိကအမြဲတမ်းအထက်တန်းကို မှန်းဆတတ်မည်။ လက်ရှိအခြေအနေမှ တတ်လမ်းကိုအမြဲရှာဖွေနေမည်။တစ်ခါတရံ မိမိထက်သာလွန်တဲ့သူကိုအားကျ၍သူတို့လို လုပ်ချင်တတ်မည်။
မိမိကသူတစ်ပါးကိုစေတနာနှင့်ပြောဆိုသော်လည်း ကျေးဇူးမသိကြပါ။ မိမိကိုဝင်ရှုပ်သည် ၊ဆရာလုပ်သည်ဟုအပြောခံရမည်။ ခက်သည်က မိမိမှာလဲ စေတနာအလျှောက်ဝင်ပြောမိတတ်သည်။
မိမိက လက်တွေ့သမားဖြစ်သည်။မိမိလုပ်ဆောင်ချက်များသည် မိမိကိုနာမည်ကျော်ကြားစေပါမည်။ မိမိဘဝတွင်အနည်းငယ် ပင်ပန်းရတတ်သည်။
ကိုယ်ထူးကိုယ်ချွန်ကြိုးစားရတတ်သည်။မိမိသည် မည်သည့်နေရာတွင်မဆိုလိမ္မာပါးနပ်စွာ နူးညံ့သိမ်မွေ့စွာ ပြောဆိုလုပ်ကိုင်တတ်ပါသည်။
မိမိတွင်မိတ်ကောင်းဆွေကောင်းများလိုအပ်ပါတယ်။ များသောအားဖြင့်မိမိအကျိုးကို လိုသလိုလိုနှင့် ချောက်တွန်းသူများနှင့်တွေ့ရတတ်ပါသည်။
မိမိသည်ငွေရေးကြေးရေးနဲ့ပက်သက်ပြီး စည်းမရှိ ကမ်းမရှိလုပ်တတ်ပါမည်။
မိမိတွင် မိမိကိုအကြံပေးမည့် ကူညီမစမည့်သူများရှိတတ်ပါသည်။
မိမိကလဲသူများကိုတတ်နိုင်သလောက်ကူညီစောင့်ရှောက်တတ်ပါမည်။
မိမိက စိတ်ကောင်းနှလုံးကောင်းရှိမည်။ စေတနာကောင်းမည်။ ဖော်ရွေမည်။
ရင်းရင်းနှီးနှီးနေတတ်မည်။ မိမိက ဖော်ရွေတတ်သော်လည်း မိမိ၏အသွင်အပြင်လှုပ်ရှားမှုတို့မှာ တစိမ်းဆန်နေတတ်မည်။
မသိသူများက မာနကြီးသည် စိတ်ကြီးသည်ဟု မိမိကို ထင်တတ်သည်။အမှန်မှာမိမိစိတ်ထဲကစေတနာသည် နှုတ်ဖျားကမဖော်ပြဘဲ လက်တွေ့လုပ်ပြတတ်ခြင်းဖြစ်ပါသည်။
( ပုဏ္ဏားတော် ဦးရာမ၏ လက်တွေ့ဘဝကံနှင့် လောကီပညာဟောကိန်းကျမ်းကြီးစာအုပ်မှ ကူးယူဖော်ပြသည်။)
ငြိမ်းအေးလူ (ဗေဒင်သုတေသီ)

မုန်းမုန်း ကွဲကွဲ ပြန်ချစ်တွဲအောင် ဓာတ်ဆင်မယ် ——————————————————–

ဒီယတြာနည်းကို နှစ်နံတွဲ ပီယဓာတ်ဆင်နည်း လို့ ခေါ်ပါတယ်။ ဒီယတြာကို ဘယ်လို ကိစ္စများ အတွက် ဆောင်ရွက်လို့ ရနိုင်သလဲဆိုရင်.
+ မိမိချစ်တဲ့သူက မိမိအပေါ် အမုန်းပွားနေရင်
+ လင်ကွဲမယားကွဲကိစ္စပြန်ပေါင်းချင်လျှင်…
+ မောင်နှမ သားအမိ စိတ်ဝမ်းကွဲနေလျှင်…
+ ဇနီးမောင်နှံ အချစ်ပျယ်နေလျှင်….
+ ဆရာတပည့်အထင်လွဲ၍ လမ်းကွဲစပြုနေလျှင်….
+ အောက်လက်ငယ်သားနှင့် အထက်လူကြီးအမြင်စောင်းနေလျှင်…
အဲဒီလို အခါတွေမှာဆိုရင်လည်း ဒီယတြာကို ဆောင်ရွက်လို့ ရပါတယ်။
အရေးကြီးတာလေးတွေ အရင်မှတ်ထားရမယ်။
+ ဒီယတြာကို မိတ်အချိန်အတွင်းမှာ တိတိကျကျ လုပ်ရမယ်။
+ မိမိရဲ့ ဆပွတ်နေ့သားက စိတ်ပါလက်ပါ ကူညီ လုပ်ဆောင်ပေးရမယ်။
+ (၂၁)-ရက်တိတိ မထိရ မကိုင်ရ ထားထားရမယ်။
+ (၂၁)ရက်ပြည့်ရင်တော့ ရေစီးနေသော ရေသန့်သန့်မှာ မျှောပစ်ရမယ်။
အရင်ဆုံး ယတြာကို ဆောင်ရွက်မယ့် လူက ကိုယ် ဘာနေ့သားလည်း။ ကိုယ့် အဆင်ပြေချင်တဲ့ လူက ဘာနေ့သားလည်း။ အဲဒီနှစ်ချက်ကို အဓိက ထားရမယ်။ အဲဒါကို ကျကျနန သိထားပြီးရင်တော့ အောက်မှာ ဖော်ပြထားတဲ့ ယတြာကို ကျကျနန တိတိကျကျ ဆောင်ရွက်မယ်ဆိုရင် ယတြာ ဆောင်ရွက်နေတဲ့ (၂၁)ရက်အတွင်းမှာတောင် ထူးခြားပါတယ်။ တစ်ယောက်နဲ့ တစ်ယောက် မုန်းနေရင် အမုန်းဓာတ်တွေ ပျက်ပျယ် သွားတယ်။ မေတ္တာဓာတ်တွေ ပြန်လည် စိမ့်ဝင်လာမယ်။ ပီယဓာတ်တွေ ပြန်ပြီး ပေါ်လာမယ်။ အမြင်မကြည်ရင် ပြန်ကြည်လာမယ်။
ဥပမာ တနင်္ဂနွေ သားသမီး တစ်ဦးဦးက အင်္ဂါသားသမီး တစ်ဦးနှင့် အဆင်ပြေချင်တယ်ဆိုရင် အုန်းညွန့် (၆) ညွန်နှင့် ဇော်စိမ်း(၈) ညွန့်ကို ပန်းအိုး အသစ်တစ်လုံးထဲမှာ ရောထိုးရမယ်။ ဓာတ်မိအောင် ဓာတ်ပုံ နှစ်ပုံကို ပန်းအိုးမှာ ကပ်ထားလို့ ရပါတယ်။ ဓာတ်ပုံကို အကြောင်းအမျိုးမျိုးကြောင့် ကပ်လို့အဆင်မပြေဘူးဆိုလဲမကပ်ပါနဲ့၊ ရပါတယ်။
အဲဒီပန်းအိုးကို အကူနေ့သား ဖြစ်သူက ကိုယ် သတ်မှတ်ထားတဲ့ နေရာကို တင်ပေးရုံပဲ။ အိမ်ရဲ့ခေါင်းရင်း မိမိအခန်းရဲ့ခေါင်းရင်းဘက်တစ်နေရာမှာ ခုံ မြင့်မြင့်လေး တစ်လုံးပေါ် တင်လည်း ရပါတယ်။ သူတင်နေတဲ့ အချိန်မှာ ကိုယ်က ထိုင်ပြီး ဆုတောင်းပေါ့။ အရေးကြီးတာက(၂၁)-ရက် တိတိ ထားရမယ်။ (၂၁)-ရက်အတွင် မထိရ မကိုင်ရဘူး။ ၂၁-ရက်ပြည့်ရင် ရေမျှောပစ်လိုက်ပါ။
အဲဒီတော့ အောက်မှာ (၇)ရက်သား သမီးများအားလုံးအတွက် ရေးပေးလိုက်ပါတယ်။ အတိအကျသာ လုပ်ဆောင်ပါ။ သေချာပေါက် အောင်မြင်စေပါတယ်။
တနင်္ဂနွေသားသမီးများအတွက်
တနင်္ဂနွေသားသမီးများ၏ ယတြာကို သောကြာသားသမီး တစ်ဦးဦးမှ ပြင်ဆင် ပြုလုပ်ပေးရမယ်။ ပန်းအိုးထိုးပေးပြီး အဲဒီ ပန်းအိုးကို သတ်မှတ် နေရာမှာ တင်ပေးတဲ့ အထိ သောကြာသားသမီးက လုပ်ပေးရမှာ ဖြစ်ပါတယ်။ အချိန်ကတော့ တနင်္ဂနွေနေ့ နေ့လည် (၁း၃၀) ကနေ (၃းဝဝ) အတွင်း လုပ်ရမှာ ဖြစ်ပါတယ်။ အောက်မှာ တနင်္ဂနွေ သားသမီးများ မိမိ အဆင်ပြေစေချင်တဲ့ လူနဲ့ ယတြာ ဆောင်ရွက်လို့ ရအောင် ပန်းတွေ ရေးပေးလိုက်ပါတယ်။
တနင်္ဂနွေ + တနင်္ဂနွေ (အုန်းညွန့် ၁၂-ညွန့်)
တနင်္ဂနွေ + တနင်္လာ (အုန်းညွန့် ၆- ညွန့် ၊ ကံကော် ၁၅-ညွန့်)
တနင်္ဂနွေ + အင်္ဂါ (အုန်းညွန့် ၆-ညွန့် ၊ ဇော်စိမ်း ၈-ညွန့်)
တနင်္ဂနွေ + ဗုဒ္ဓဟူး ( အုန်းညွန့် ၆-ညွန့် ၊ ရွက်လှ ၁၇-ညွန့်)
တနင်္ဂနွေ + ကြာသပတေး (အုန်းညွန့် ၆-ညွန့် ၊ မေမြို့ပန်း ၁၅-ပွင့်)
တနင်္ဂနွေ + သောကြာ (အုန်းညွန့် ၆-ညွန့် ၊ သပြေ ၂၁-ညွန့်)
တနင်္ဂနွေ + စနေ (အုန်းညွန့် ၆-ညွန့် ၊ နှင်းဆီ ၁၀ ပွင့်)
တနင်္လာသားသမီးများအတွက်
တနင်္လာသားသမီးများ၏ ယတြာကို စနေသားသမီး တစ်ဦးဦးမှ ပြင်ဆင် ပြုလုပ်ပေးရမယ်။ ပန်းအိုးထိုးပေးပြီး အဲဒီ ပန်းအိုးကို သတ်မှတ် နေရာမှာ တင်ပေးတဲ့ အထိ စနေသားသမီးက လုပ်ပေးရမှာ ဖြစ်ပါတယ်။ အချိန်ကတော့ တနင်္လာနေ့ နေ့လည် (၃းဝဝ) ကနေ (၄း၃၀) အတွင်း လုပ်ရမှာ ဖြစ်ပါတယ်။ အောက်မှာ တနင်္လာသားသမီးများ မိမိ အဆင်ပြေစေချင်တဲ့ လူနဲ့ ယတြာ ဆောင်ရွက်လို့ ရအောင် ပန်းတွေ ရေးပေးလိုက်ပါတယ်။
တနင်္လာ + တနင်္ဂနွေ (ကံကော် ၁၅-ညွန့် + အုန်းညွန့် ၁၂-ညွန့်)
တနင်္လာ + တနင်္လာ (ကံကော် ၃၀-ညွန်)
တနင်္လာ + အင်္ဂါ (ကံကော် ၁၅-ညွန့် ၊ ဇော်စိမ်း ၈-ညွန့်)
တနင်္လာ + ဗုဒ္ဓဟူး ( ကံကော် ၁၅-ညွန့် ၊ ရွက်လှ ၁၇-ညွန့်)
တနင်္လာ + ကြာသပတေး (ကံကော် ၁၅-ညွန့် ၊ မေမြို့ပန်း ၁၅-ပွင့်)
တနင်္လာ + သောကြာ (ကံကော် ၁၅-ညွန့် ၊ သပြေ ၂၁-ညွန့်)
တနင်္လာ + စနေ (ကံကော် ၁၅-ညွန့် ၊ နှင်းဆီ ၁၀ ပွင့်)
အင်္ဂါသားသမီးများအတွက်
အင်္ဂါသားသမီးများ၏ ယတြာကို တနင်္ဂနွေ သားသမီး တစ်ဦးဦးမှ ပြင်ဆင် ပြုလုပ်ပေးရမယ်။ ပန်းအိုးထိုးပေးပြီး အဲဒီ ပန်းအိုးကို သတ်မှတ် နေရာမှာ တင်ပေးတဲ့ အထိ တနင်္ဂနွေ သားသမီးက လုပ်ပေးရမှာ ဖြစ်ပါတယ်။ အချိန်ကတော့ အင်္ဂါနေ့ နံနက် (၉းဝဝ) ကနေ (၁၀း၃၀) အတွင်း လုပ်ရမှာ ဖြစ်ပါတယ်။ အောက်မှာ အင်္ဂါသားသမီးများ မိမိ အဆင်ပြေစေချင်တဲ့ လူနဲ့ ယတြာ ဆောင်ရွက်လို့ ရအောင် ပန်းတွေ ရေးပေးလိုက်ပါတယ်။
အင်္ဂါ + တနင်္ဂနွေ (ဇော်စိမ်း ၈-ညွန့် + အုန်းညွန့် ၁၂-ညွန့်)
အင်္ဂါ + တနင်္လာ (ဇော်စိမ်း ၈-ညွန့် ၊ ကံကော် ၃၀-ညွန့်)
အင်္ဂါ + အင်္ဂါ (ဇော်စိမ်း ၁၆-ညွန့်)
အင်္ဂါ + ဗုဒ္ဓဟူး ( ဇော်စိမ်း ၈-ညွန့် ၊ ရွက်လှ ၁၇-ညွန့်)
အင်္ဂါ + ကြာသပတေး (ဇော်စိမ်း ၈-ညွန့် ၊ မေမြို့ပန်း ၁၅-ပွင့်)
အင်္ဂါ + သောကြာ (ဇော်စိမ်း ၈-ညွန့် ၊ သပြေ ၂၁-ညွန့်)
အင်္ဂါ + စနေ (ဇော်စိမ်း ၈-ညွန့် ၊ နှင်းဆီ ၁၀ ပွင့်)
ဗုဒ္ဓဟူးသားသမီးများအတွက်
(ရာဟုသားသမီးများလဲ ဗုဒ္ဓဟူးတွင်အကြုံးဝင်ပါသည်)
ဗုဒ္ဓဟူးသားသမီးများ၏ ယတြာကို တနင်္လာ သားသမီး တစ်ဦးဦးမှ ပြင်ဆင် ပြုလုပ်ပေးရမယ်။ ပန်းအိုးထိုးပေးပြီး အဲဒီ ပန်းအိုးကို သတ်မှတ် နေရာမှာ တင်ပေးတဲ့ အထိ တနင်္လာ သားသမီးက လုပ်ပေးရမှာ ဖြစ်ပါတယ်။ အချိန်ကတော့ ဗုဒ္ဓဟူးနေ့ နံနက် (၇း၃၀) ကနေ (၉းဝဝ) အတွင်း လုပ်ရမှာ ဖြစ်ပါတယ်။ အောက်မှာ ဗုဒ္ဓဟူးသမီးများ မိမိ အဆင်ပြေစေချင်တဲ့ လူနဲ့ ယတြာ ဆောင်ရွက်လို့ ရအောင် ပန်းတွေ ရေးပေးလိုက်ပါတယ်။
ဗုဒ္ဓဟူး + တနင်္ဂနွေ (ရွက်လှ ၁၇-ညွန့်+ အုန်းညွန့် ၁၂-ညွန့်)
ဗုဒ္ဓဟူး + တနင်္လာ (ရွက်လှ ၁၇-ညွန့် ၊ ကံကော် ၃၀-ညွန့်)
ဗုဒ္ဓဟူး + အင်္ဂါ (ရွက်လှ ၁၇-ညွန့် ၊ ဇော်စိမ်း ၁၆-ညွန့်)
ဗုဒ္ဓဟူး + ဗုဒ္ဓဟူး (ရွက်လှ ၃၄-ညွန့်)
ဗုဒ္ဓဟူး + ကြာသပတေး (ရွက်လှ ၁၇-ညွန့် ၊ မေမြို့ပန်း ၁၅-ပွင့်)
ဗုဒ္ဓဟူး + သောကြာ (ရွက်လှ ၁၇-ညွန့် ၊ သပြေ ၂၁-ညွန့်)
ဗုဒ္ဓဟူး + စနေ (ရွက်လှ ၁၇-ညွန့် ၊ နှင်းဆီ ၁၀ ပွင့်)
ကြာသပတေးသားသမီးများအတွက်
ကြာသပတေး သားသမီးများ၏ ယတြာကို အင်္ဂါ သားသမီး တစ်ဦးဦးမှ ပြင်ဆင် ပြုလုပ်ပေးရမယ်။ ပန်းအိုးထိုးပေးပြီး အဲဒီပန်းအိုးကို သတ်မှတ် နေရာမှာ တင်ပေးတဲ့ အထိ အင်္ဂါ သားသမီးက လုပ်ပေးရမှာ ဖြစ်ပါတယ်။ အချိန်ကတော့ ကြာသပတေးနေ့ နံနက် (၉းဝဝ) ကနေ (၁၀း၃၀) အတွင်း လုပ်ရမှာ ဖြစ်ပါတယ်။ အောက်မှာ ကြာသပတေး သမီးများ မိမိ အဆင်ပြေစေချင်တဲ့ လူနဲ့ ယတြာ ဆောင်ရွက်လို့ ရအောင် ပန်းတွေ ရေးပေးလိုက်ပါတယ်။
ကြာသပတေး + တနင်္ဂနွေ (မေမြို့ပန်း ၁၅-ပွင့်+ အုန်းညွန့် ၁၂-ညွန့်)
ကြာသပတေး + တနင်္လာ (မေမြို့ပန်း ၁၅-ပွင် ၊ ကံကော် ၃၀-ညွန့်)
ကြာသပတေး + အင်္ဂါ (မေမြို့ပန်း ၁၅-ပွင့် ၊ ဇော်စိမ်း ၁၆-ညွန့်)
ကြာသပတေး + ဗုဒ္ဓဟူး (မေမြို့ပန်း ၁၅-ပွင် ၊ ရွက်လှ ၃၄-ညွန့်)
ကြာသပတေး + ကြာသပတေး (မေမြို့ပန်း ၃၀-ပွင့်)
ကြာသပတေး + သောကြာ (မေမြို့ပန်း ၁၅-ပွင့် ၊ သပြေ ၂၁-ညွန့်)
ကြာသပတေး + စနေ (မေမြို့ပန်း ၁၅-ပွင့် ၊ နှင်းဆီ ၁၀ ပွင့်)
သောကြာသားသမီးများအတွက်
သောကြာ သားသမီးများ၏ ယတြာကို ဗုဒ္ဓဟူး သားသမီး တစ်ဦးဦးမှ ပြင်ဆင် ပြုလုပ်ပေးရမယ်။ ပန်းအိုးထိုးပေးပြီး အဲဒီပန်းအိုးကို သတ်မှတ် နေရာမှာ တင်ပေးတဲ့ အထိ ဗုဒ္ဓဟူး သားသမီးက လုပ်ပေးရမှာ ဖြစ်ပါတယ်။ အချိန်ကတော့ သောကြာနေ့ နေ့လည် (၁း၃၀) ကနေ (၃းဝဝ) အတွင်း လုပ်ရမှာ ဖြစ်ပါတယ်။ အောက်မှာ သောကြာ သမီးများ မိမိ အဆင်ပြေစေချင်တဲ့ လူနဲ့ ယတြာ ဆောင်ရွက်လို့ ရအောင် ပန်းတွေ ရေးပေးလိုက်ပါတယ်။
သောကြာ + တနင်္ဂနွေ (သပြေ ၂၁-ညွန့် + အုန်းညွန့် ၁၂-ညွန့်)
သောကြာ + တနင်္လာ (သပြေ ၂၁-ညွန့် ၊ ကံကော် ၃၀-ညွန့်)
သောကြာ + အင်္ဂါ (သပြေ ၂၁-ညွန့် ၊ ဇော်စိမ်း ၁၆-ညွန့်)
သောကြာ + ဗုဒ္ဓဟူး (သပြေ ၂၁-ညွန့် ၊ ရွက်လှ ၃၄-ညွန့်)
သောကြာ + ကြာသပတေး (သပြေ ၂၁-ညွန့် + မေမြို့ပန်း ၁၅-ပွင့်)
သောကြာ + သောကြာ (သပြေ ၄၂ – ညွန့်)
သောကြာ + စနေ (သပြေ ၂၁-ညွန့် ၊ နှင်းဆီ ၁၀ ပွင့်)
စနေသားသမီးများအတွက်
စနေသားသမီးများ၏ ယတြာကို ကြာသပတေး သားသမီး တစ်ဦးဦးမှ ပြင်ဆင် ပြုလုပ်ပေးရမယ်။ ပန်းအိုးထိုးပေးပြီး အဲဒီပန်းအိုးကို သတ်မှတ် နေရာမှာ တင်ပေးတဲ့ အထိ ကြာသပတေး သားသမီးက လုပ်ပေးရမှာ ဖြစ်ပါတယ်။ အချိန်ကတော့ စနေနေ့ နေ့လည် (၁း၃၀) ကနေ (၃းဝဝ) အတွင်း လုပ်ရမှာ ဖြစ်ပါတယ်။ အောက်မှာ စနေ သမီးများ မိမိ အဆင်ပြေစေချင်တဲ့ လူနဲ့ ယတြာ ဆောင်ရွက်လို့ ရအောင် ပန်းတွေ ရေးပေးလိုက်ပါတယ်။
စနေ + တနင်္ဂနွေ (နှင်းဆီ ၁၀ ပွင့် + အုန်းညွန့် ၁၂-ညွန့်)
စနေ + တနင်္လာ (နှင်းဆီ ၁၀ ပွင့် ၊ ကံကော် ၃၀-ညွန့်)
စနေ + အင်္ဂါ (နှင်းဆီ ၁၀ ပွင့် ၊ ဇော်စိမ်း ၁၆-ညွန့်)
စနေ + ဗုဒ္ဓဟူး (နှင်းဆီ ၁၀ ပွင့် ၊ ရွက်လှ ၃၄-ညွန့်)
စနေ + ကြာသပတေး (နှင်းဆီ ၁၀ ပွင့် + မေမြို့ပန်း ၁၅-ပွင့်)
စနေ + သောကြာ (နှင်းဆီ ၁၀ ပွင့် ၊ သပြေ ၄၂ – ညွန့်)
စနေ + စနေ (နှင်းဆီ ၂၀ – ပွင့်)
မြန်မာရိုးရာဗေဒင်ပညာရပ်

ဥစ္စာဓနဖြိုးပြည့်ဝ ဒိဝါတပတိ စမတော်

ဒိဝါတပတိ အစချီသော ဂါထာတော်သည် အလွန်ငွေဝင်စေသော ဂါထာဖြစ်ကြောင်း၊ စီးပွားဥစ္စာ အလွန်တိုးတက်စေကြောင်း၊ ထီဆုကြီးများ မကြာမကြာ ပေါက်တတ်ကြောင်း၊ ဘေးဥပဒ် အန္တရာယ် အသွယ်သွယ် ကင်းဝေးစေကြောင်း၊ ကောင်းကျိုးချမ်းသာ ပြည့်ဖြိုးကာ ကျက်သရေ မင်္ဂလာအဖြာဖြာ တိုးတက်စေသော ဂါထာဖြစ် …
~~~~~~~~~~~~~~~~~~~~~~~~~~~~~~~~~~~~~~~~~
တစ်နေ့တွင် ကျွန်ုပ်သည် မြို့နီးချုပ်စပ်မှခရိုင် မြို့ကြီးတစ်မြို့ရှိ အထူးကု ဆေးခန်းကြီးတစ်ခုသို့ လူနာမေး သွားရောက်ခဲ့ပါသည်။ လူနာမေးဆိုသော်လည်း အမှန်တကယ်ဆိုရမူ မိတ်ဆွေတစ်ဦး၏ ဇနီး မီးဖွားသောကြောင့် သွားရောက် မေးမြန်းခြင်း ဖြစ်သည်။ ဆေးခန်းတွင် မီးနေသည်နှင့် ကလေးအား သာကြောင်းမာကြောင်းမေးမြန်း၊ အာလာပ သလ္လာပ ပြောဆိုအပြီး အချိန်အတော်ကြာတွင် ဇနီးမောင်နှံ နှစ်ဦး အား နှုတ်ဆက်ကာ ပြန်လာခဲ့ပါသည်။ မိတ်ဆွေဖြစ်သူက ဆေးခန်းမှ လိုက်ပါလာပြီး အနီးအနားရှိ လက်ဖက်ရည်ဆိုင် တစ်ဆိုင်တွင် ကျွန်ုပ်အား လက်ဖက်ရည် လိုက်ဧည့်ခံပါသည်။
လက်ဖက်ရည်သမားတစ်ဦးဖြစ်သော ကျွန်ုပ်သည်ဆိုင်တွင် ထိုင်လိုက်သည်နှင့် ထူးခြားမှုတစ်ခုကို ချက်ချင်း သတိပြုမိ လိုက်ပါသည်။ ထိုအချက်မှာ ဆိုင်တွင်ခုံစေ့သက်စေ့ လူပြည့်နေကာ အုန်းအုန်း ကျွက်ကျွက် စည်ကားနေခြင်းဖြစ်သည်။ လက်ဖက်ရည်ကို မြည်းကြည့်လိုက်သော်လည်း ပုံမှန်လက်ဖက်ရည် အရသာသာဖြစ်၍ ထူးထူးကဲကဲ မကောင်းပါ။ ဆိုင်အပြင်အဆင် အခင်းအကျင်းကို လေ့လာကြည့်လိုက် တော့လည်း ပုံမှန်ရိုးရိုးလေးသာ ဖြစ်၏။ ဘာမှဆွဲဆောင်မှုမရှိ။ သို့သော် လူအပြည့် ရောင်းအား ကောင်းလွန်း လှသည်။ ထို့ကြောင့် စာရေးဆရာ တစ်ဦး၏ ဗီဇအတိုင်း ဟိုကြည့်ဒီကြည့် လိုက်လံအကဲခတ်ကြည့် ရာ ခေါင်းရင်းဘက်မှ ပုံမှန်အနေအထားသာရှိသော ဘုရားဆောင်၏ ဘေးဘက်တွင် စမတစ်ခုကို အလွန်ကြီးမားသော အရွယ်အစား ဗီနိုင်းထုတ်ထားပြီး သစ်သားပေါင်ကွပ်ကာ တခမ်းတနား ချိတ်ဆွဲ ထားသည်ကို ထူးထူးခြားခြား တွေ့ရှိလိုက်ရပါသည်။
ထိုစမကို ကျွန်ုပ်သည် ကောင်းစွာသိပါသည်။ “သဗ္ဗဇယမင်္ဂလာ”ဂါထာအမည်ရသည့် “ဒိဝါတပတိ” အစချီဂါထာကို ရွှေပေါ်ကျွန်း ဆရာတော်ကြီး စမဆွဲ စီရင်ထားခြင်းဖြစ်ပါသည်။ ထိုဒိဝါတပတိ စမ အိတ်ဆောင် အရွယ်များစွာ အထပ်လိုက်ကို ကျွန်ုပ်အား ရွှေပေါ်ကျွန်း ဆရာတော်ကြီး၏ တပည့်ရင်းတစ်ဦးဖြစ်သော ကိုအောင်နိုင်သည် လာရောက် ပေးအပ်ထားကာ ကုန်းသတ္တဝါ အနည်းဆုံး ၃ လ ရှောင်သူများကိုသာ လက်ဆောင်ပေးရန် လာပေးထားခြင်းဖြစ်ပါသည်။ ကျွန်ုပ်သည် ချိတ်ဆွဲထားသော ဗီနိုင်းကားချပ်နှင့် ပတ်သက်၍ စူးစမ်းကြည့်သောသဘောဖြင့် ကောင်တာခုံနားသို့ မယောင်မလည် ထသွားကာ ဆိုင်ရှင်အား စကားစမြည်ဆိုရင်း မေးမြန်းကြည့်ပါသည်။
သူတို့မြို့သူမြို့သား အများစုမှာ တစ်မြို့လုံးလိုလို သာမညဆရာတော်ကြီးကိုသာ ကိုးကွယ်ကြပါကြောင်း၊ ရွှေပေါ်ကျွန်း ဆရာတော်ကြီးကို ကိုးကွယ်သူ မြို့သူမြို့သားမှာ အလွန်နည်းပါးပါကြောင်း၊ ထိုစမကို ကျိုက်လတ်မြို့မှ ရွှေပေါ်ကျွန်း ဆရာတော်ကြီး၏ တပည့်ရင်း အငြိမ်းစားကျောင်းဆရာကြီး တစ်ဦးထံမှ လက်ဆောင်ရရှိထား၍ ပုံကြီးချဲ့ ဗီနိုင်းထုတ်ကာ ယုံယုံကြည်ကြည်ဖြင့် ချိတ်ဆွဲထားပါကြောင်း၊ ယခင်က ချောက်ချီးချောက်ချက်သာ ရောင်းရသော သူ၏ လက်ဖက်ရည်ဆိုင်သည် ထိုစမပုံတော်ကြီးကို ချိတ်ဆွဲပြီးမှ ထူးထူးခြားခြား အံ့သြဖွယ်ရာ ကောင်းလောက်အောင်ပင် တရိပ်ရိပ်ရောင်းအား ကောင်းလာပြီး စီးပွား တိုးတက်လာပါကြောင်း ကျွန်ုပ်အား စိတ်ရှည်လက်ရှည် ရှင်းပြပါသည်။
ကျွန်ုပ်က ဒီစမပုံတော်ကြီး ချိတ်ဆွဲထားရုံနှင့်ပင် ရောင်းအားကောင်းပြီး စီးပွားတက်လာတာလားဟု သေချာဂန သိလို၍ ထပ်မံမေးရာ ဆိုင်ရှင်က “ချိတ်ထားရုံနဲ့တော့ ဘယ်ဟုတ်မလဲကွ ငါ့ညီရ။ အစ်ကိုက အဲဒီဒိဝါတပတိ အစချီဂါထာကို တစ်နေ့ကို ၁၀၈ လုံးပုတီးနဲ့တစ်ပတ်၊ တစ်ပတ်နေ့တိုင်းစိပ်တယ်။ ပြီးတော့မနက်စောစော ဆိုင်ဖွင့် ဖွင့်ချင်း အဲဒီစမပုံကြီးရှေ့မှာ ထိုင်ပြီးတော့ ဂါထာနဲ့ သက်စေ့ ၅၅ ခေါက်ရွတ်ဖတ် သိဒ္ဓိတင်တယ်။ ညဆိုင် သိမ်းပြီးရင်လည်း အဲဒီစမပုံကြီးရှေ့မှာ ထိုင်ပြီး ဂါထာနဲ့ သက်စေ့ ၅၅ ခေါက် ရွတ်ဖတ်သိဒ္ဓိ ထပ်တင်တယ်။ အဲဒါနေ့စဉ် မပျက်မကွက်လုပ်နေကျပဲ။ ခရီးသွားရင်တော့ မလုပ်ဖြစ်ဘူးပေါ့ကွာ။ ပုတီး တစ်ပတ်ကတော့ ဘယ်ရောက်ရောက် စိပ်ဖြစ်အောင် စိပ်ပါတယ်”ဟု ပြန်လည် ရှင်းပြခဲ့ပါသည်။
ဒိဝါတပတိ အစချီသော ဂါထာတော်သည် အလွန်ငွေဝင်စေသော ဂါထာဖြစ်ကြောင်း၊ စီးပွားဥစ္စာ အလွန်တိုးတက်စေကြောင်း၊ ထီဆုကြီးများ မကြာမကြာ ပေါက်တတ်ကြောင်း၊ ဘေးဥပဒ် အန္တရာယ် အသွယ်သွယ် ကင်းဝေးစေကြောင်း၊ ကောင်းကျိုးချမ်းသာ ပြည့်ဖြိုးကာ ကျက်သရေ မင်္ဂလာ အဖြာဖြာ တိုးတက်စေသော ဂါထာဖြစ်ကြောင်း၊ ဘာသာရေးမဂ္ဂဇင်း၊ ဂမ္ဘီရမဂ္ဂဇင်း၊ ဂျာနယ်တို့တွင် မကြာခဏဖော်ပြတတ်၊ တွေ့ရှိနေရတတ်၍ စာဖတ်သူများအနေဖြင့် ထိုဂါထာနှင့် အကျွမ်းတဝင်ဖြစ်နေကာ ဂါထာ၏အစွမ်း ကိုလည်းကောင်းစွာ သိနေကြမည် ဖြစ်သောကြောင့် ကျွန်ုပ်သည် အထူးတလည် မညွှန်းဆိုတော့ပါ။
ထိုဂါထာကို ဓမ္မပဒပါဠိတော် (၂၆)ဗြဟ္မဏဝဂ်၊ ပုဒ်ရေ ၃၈၇ တွင် ဖော်ပြထားပါသည်။ နိုင်ငံတော် ဗုဒ္ဓသာသနာ အဖွဲ့ကထုတ်ဝေသော ဓမ္မပဒပါဠိတော် မြန်မာပြန် စာအုပ်စာမျက်နှာ ၁၅၁ တွင်လည်း ဖော်ပြထားပါသည်။ ထိုဖော်ပြ ချက်တို့တွင် ဆုတောင်းစာဖြစ်သော နမက္ကာရာ နုဘာဝေန၊ သဗ္ဗေပူရေန္တု သင်္ကပ္ပါ ဟူသော အပိုဒ်မပါဝင်ပါ။ ထိုသို့မပါဝင်သော်လည်း ဆုတောင်းစာ ဖြစ်သောကြောင့် မိမိတို့ နှစ်သက်ပါက ရွတ်ဖတ်ပူဇော် ဆုတောင်းနိုင်ပါသည်။ ဆုတောင်းစာ မပါသည်ကိုလည်း ရွတ်ဖတ်ပူဇော်ခြင်းဖြင့်လည်း အကျိုးစီး ပွား ဖြစ်ထွန်းရမည်သာဖြစ်၍ ယုံကြည်သောသဒ္ဓါတရားသည်သာ ပဓာနကျသော အချက်ကြီးဖြစ်ပါသည်။
သံယုတ်္တနိကာယ် နိဒါနဝဂ္ဂ ဘိက္ခုသံယုတ် အဋ္ဌကထာတွင် သီဟိုဠ်ကျွန်း ဘာတိကမင်းလက်ထက်၌ ဘာတိကမင်း တောင်းပန်သဖြင့် ပညာရှိ အမတ်တစ်ယောက်သည် ထို “သဗ္ဗဇယမင်္ဂလာ” ဂါထာတော်ကို ရွတ်ဖတ်သရဇ္ဈာယ်ရာတွင် ရွတ်ဖတ်ဆဲခဏ၌ အသပြာတစ်ထောင် (၁၀၀၀) လက်တွင်းသို့ ရောက်လာခဲ့၊ ချီးမြှင့်ခံခဲ့ရသဖြင့် ငွေချက်ချင်း လက်ငင်းဝင်လာစေသော ဓာတ်သက်ရှိသောကြောင့် “ငွေဝင်ဂါထာ”ဟု ဆရာစဉ်ဆက် သတ်မှတ်ကာ လူသိများနေကြခြင်းဖြစ်ပါသည်။
ထိုအစွမ်းထက် လွန်းသောဂါထာတော်ကို ရွှေပေါ်ကျွန်း ဆရာတော်ကြီးက စမအဖြစ် စီရင်ကာ ဝေနေယျ ပရိသတ်များ အကျိုးများစေရန်၊ အဆောင်အရွက် ပြုနိုင်ရန် စီရင်ပေးထားခြင်းဖြစ်ပါသည်။ ထိုစမတွင် သံ၊ ဂုံ၊ ပ၊ မ၊ ယျ၊ ဘုရား ငါးဆူ။ ပု၊ ဒိ၊ အာ ဉာဏ်တော်သုံးပါး။ အရဟံ ဂုဏ်တော် မ လေး မ။ က,ပ,၀,ဓ၊ စ,ဓ,ဗ,၀ စမအက္ခရာများ၊ နဝင်းညွန့်များ၊ အဋ္ဌလဂ်အရပ် ထောင့်ရှစ်ထောင့်တို့ဖြင့် အပွင့်ပုံသဏ္ဌာန် ဖော်ကာ စီရင်ထားခြင်း ဖြစ်သောကြောင့် ဘက်စုံ၊ စွယ်စုံ အကျိုးပြု ပွင့်လန်းစေသော စမတော်ကြီး ဖြစ်ပါသည်။ ထို့ကြောင့် စာဖတ်သူတို့ အကျိုးထူးစေရန် ရွှေပေါ်ကျွန်းဆရာတော်ကြီး စီရင်ထားသော စမပုံတော်ကို ဖော်ပြပေး လိုက်ရပါသည်။
သဗ္ဗဇယ မင်္ဂလာဂါထာတော်
● ပါဌ်၊ အနက်
(၁) ဒိဝါ တပတိ အာဒိစ္စော၊
ရတ္တိ မာဘာတိ စန္ဒိမာ။
သန္နဒ္ဓေါ ခတ္တိယော တပတိ၊
စျာယီ တပတိ ဗြာဟ်္မဏော။ ။
(၂) အထ သဗၺ မေဟာ ရတၱႎ၊
ဗုဒ္ဓေါ တပတိ တေဇသာ။
တာဒိသံ တေဇ သမ္ပန္နံ၊
ဗုဒၶံ ၀ႏၵာမိ အာဒရံ။ ။
အာဒိစ္စော – ရောင်ခြည်တစ်ထောင် အလင်းဆောင်သော၊ ထွန်းပြောင်ရှိန်ဝင်း၊ ရှင်နေမင်းသည်၊ ဒိဝါ – နေ့အခါ၌၊ တပတိ – မိုက် မှောင်ပယ်ဖျောက်၊ ထွန်းလင်းတောက်ပ၏။ စန္ဒိမာ – သော်တာယုန်နန်း၊ လပြည့်စန်းသည်၊ ရတ္တိံ – ညဉ့်အခါ၌၊ ဘာတိ – ထွန်းလင်းကျက်သရေ၊ တောက်ပလေ၏။ ခတ္တိယော – ရေမြေပိုင်နင်း၊ ပြည့်ရှင်မင်းသည်၊ သန္နဒ္ဓေါ – ချပ်ဝတ်တန်ဆာ ဆင်ယင်သောအခါ၌၊ ဘာတိ – မင်းတို့ ကျက်သရေ ထွန်းလင်း တင့်တယ်တောက် ပလေ၏။ ဗြာဟ္မဏော – မကောင်းမှုကို၊ အပပြုပြီးသော၊ ရဟန္တာ ပုဂ္ဂိုလ်သည်၊ စျာယီ – စျာန်ဝင်စားသည်ရှိသော် (ဝါ) စျာန်ဝင်စားသောအခါ၌၊ တပတိ – ရဟန်းကျက်သရေ ထွန်းလင်း တင့်တယ် တောက်ပလေ၏။ အထ- ထိုမှ တစ်ပါး (ဝါ) ထိုနေမင်း၊ လမင်းအစရှိသည် တို့ထက်၊ ဗုဒ္ဓေါ – သစ္စာလေးရပ် တရားမြတ်ကို ဆတ်ဆတ်သိမြင် ဘုရားရှင် ကိုယ်တော်မြတ်ကြီးသည်၊ သဗ္ဗံ – အလုံးစုံသော၊ မဟောရတ္တိံ -နေ့၊ ညဥ့်တို့ပတ်လုံး၊ တေဇသာ – ပါရမီတော်ကြောင့် ဖြစ်သော တန်ခိုးတော်ဖြင့်၊ တပတိ – ဗုဒ္ဓကျက်သရေ ထွန်းလင်း တင့်တယ် တောက်ပ တော်မူ လေသတည်း။
တာဒိသံ – ထိုသို့ သဘောရှိတော်မူသော၊ တေဇသမ္ပန္နံ – နေ့၊ ညဉ့်မညှိုး၊ တောက်ပဖြိုးသည့် တန်ခိုးတော် နှင့်လည်း ပြည့်စုံတော်မူထသော၊ ဗုဒ္ဓံ – မြတ်စွာဘုရားကို၊ အဟံ-တပည့်တော်သည်၊ အာဒရံ – ကျိုးနွံမသွေ ရိုသေလှ စွာ၊ ၀န္ဒာမိ – သဒ္ဓါဖြိုးဖြိုး၊ လက်အုပ်မိုး၍ ရှိခိုးပါ၏ အရှင်မြတ်ဘုရား။ ။
ကောင်းမှုအကြောင်းပြုတောင်းဆုပြည့်ပါစေ။
(စမပုံတော်ကို မိတ္ထူကူးယူပြီး အိတ်ဆောင် အရွယ်အဆောင်အရွက်ပြုလျှင် ထိုပုံတော်ကို နှုတ်ခမ်းဝတွင်တေ့၍ ဂါထာကို မိမိ၏သက်စေ့ အခေါက်ရေ နေ့စဉ်ရွတ်ဖတ်ကာ သိဒ္ဓိတင်ပေးရပါ မည်)
– သုခစုစံ(ကျိုက်လတ်)

အိမ်ထောင်ကျမည့် နှစ်ကို ခန့်မှန်းတွက်ဆခြင်း

” ဟယ်လို .. ကိုစိုး
ငါ အေးမင်းပါ”
“အေးသိတယ် အေးမင်း ပြောလေ”
အေးမင်းကအိမ်နားမှာနေတဲ့သူငယ်ချင်း။
သူက ဗေဒင်ဝါသနာပါသည်။ ဆယ်တန်းဖြေပြီး ဗေဒင်နဲ့ပက်သက်ပြီး ဆရာတွေဆီ ချဉ်းကပ် ပညာသင် ၊ ထွက်သမျှဗေဒင်စာအုပ်တွေ အတူတူလေ့လာခဲ့ကြသည်။
ဆယ်တန်းအောင်စာရင်းထွက်တော့ သူက
နည်းပညာ တက္ကသိုလ်တတ်ပြီး အခုကုမ္ပဏီမှာ A.E တစ်ယောက်ဖြစ်နေပြီ။
ကျွန်တော်ကတော့ ဝိဇ္ဇာတွဲယူပြီးဗေဒင်ပညာနှင့် လက်ပွန်းတသီးရှိနေဆဲပင်။
” မင်းငါ့Site ထဲလာလည်တုန်းက ဗေဒင်ဟောသွားတာလေ
မင်းကဘယ်အသက်အပိုင်းအခြားမှာ အိမ်ထောင်ကျမယ်လို့ပြောသွားတာလေ
မင်း target ပေးထားတဲ့နှစ်မှာပဲ အိမ်ထောင်ကျကုန်တယ်ကွာ
အဲဒါ မင်းဘယ်လိုကြည့်လဲ သိချင်လို့ကွာ”
“တိုက္ဆိုင္သြားတာပါကြာ “
” မင်းငါ့ကို ပညာတွေ မလျှိုထားနဲ့နော်”
“မင်းလဲဗေဒင် တတ်တာပဲ အေးမင်းရာ “
” ငါက တတ်တယ်ဆိုပေမဲ့ ဗေဒင်ဘက် မလှည့်ဖြစ်တာကြာပြီလေကွာ
မင်းကအမြဲတွက်နေတဲ့သူလေကွာ “
“မင်းနားလည်အောင်ပြောပြရရင်တော့ ငါလဲလူတစ်ယောက် ဘယ်တော့အိမ် ထောင်ကျမလဲ မသိဘူးကွာ၊ ခန့်မှန်းပြီးပြောတာ”
“မင်းခန့်မှန်းတာက တော်တော်လေးနီးစပ်
တယ်ကွ မင်းဘယ်ပညာနဲ့ကြည့်လဲ”
“ဘယ်ပညာနဲ့ကြည့်လဲဆိုတော့
မင်းသိတဲ့အတိုင်းပဲ ငါ့တို့ကလက်ဆန်းဗေဒင်ပဲနားလည်တာလေ
လက်ဆန်းပညာနဲ့ပဲ ဆုံးဖြတ်တာ
လက်ရိုးနဲ့တော့ ဘယ်လိုဆုံးဖြတ်လဲမသိဘူး
နံပါတ် 1 အနေနဲ့ပထမဆုံး ဆန်းစစ်တာက လာမေးသူရဲ့လက္ခဏာကိုအရင်စစ်ဆေးတယ်။
သူ့လက်မှာ နှလုံးလမ်းကြောင်းဟာ စနေလက်ချောင်းအောက်ဆုံးအရစ်နဲ့ဘယ်လောက်ကွာဝေးလဲကြည့်တယ် ဝေးလေလေ အိမ်ထောင်ရေးနောက်ကျလေပါပဲ
” စနေလက်ချောင်းဆိုတာမင်းလက်ခလယ်ကိုပြောတာလား”
” ဟုတ်တယ်ကွ စနေဂြိုဟ်ခုံအပေါ် လက်ခလယ်ရဲ့ အောက်ဆုံးအရစ်ကနေစပြီး နှလုံးလမ်းကြောင်းကို
တိုင်းတာကြည့်လိုက်ကွာ
25mm အနည်းဆုံးကွာဝေးရင် အသက်၂၅နောက်ပိုင်းမှအိမ်ထောင်ကျတတ်တယ်ကွာ
အကြမ်းဖျင်ပေါ့ကွာ
နံပါတ်2အနေနဲ့ဒုတိယတစ်ချက်က အသက်လမ်းကြောင်းရဲ့အတွင်းဘက်ကနေတွက်လာတဲ့ သံယောဇဉ်လမ်းကြောင်းကို ဥပဒ်လမ်းကြောင်းကဖြတ်ပြီး အသက်လမ်းကြောင်းကို သွားထိတဲ့နှစ်က အိမ်ထောင်ကျမဲ့နှစ်ပဲကွ။
အသက်လမ်းကြောင်းကို အသက်ပိုင်းတဲ့နေရာမှာ ငါကတော့ စထွက်တဲ့နေရာကနေ
အသက်လမ်းကြောင်းဆုံးတဲ့ လက်ကောက်ဝတ်ထိကို အသက်ရ၀လို့မှတ်ပြီးဆုံးဖြတ်တယ်ကွာ”
” အသက်လမ်းကြောင်းအတွင်းဘက်အင်္ဂါဂြိုဟ်ခုံကနေ ထွက်လာတဲ့
ဥပဒ်လမ်းကြောင်းကိုပြောတာလား ကိုစိုး”
ေအးဟုတ္တယ္ကြ
အသက်လမ်းကြောင်းကတော့ ကြာသပတေးဂြိုဟ်ခုံ (လက်ညှိုးအောက်ဘက်)
ကနေစပြီး အသက် ၁နှစ် ၊ ၂နှစ်ဆိုပြီး စတွက်ရမှာပေါ့။
ပြီးတော့အသက်လမ်းကြောင်းကို ဥပဒ်လမ်းကြောင်းလာထိ တဲ့ အသက်အပိုင်းအခြားကို ခန့်မှန်းရမှာပေါ့”
“အေး သဘောပေါက်ပြီကွ”
” နောက်တစ်ခုကသုံးတန်ပေါ်နိစ်ပညာ မှာ (တိုင်ထိပ် တန်းပေါ်မိတ်မြင်သော် ဧကန်မုချစုတ်ကြီးရ ) လို့ညွှန်းထားတယ်
မိမိမိတ်နံတွေဟာတိုင်ထိပ်တွေ တန်းစီးတွေ
ရှိရင်အိမ်ထောင်ကျတတ်တယ်ကွ”
” အိမ်ထောင်မိတ် ဖြစ်တဲ့ (ဦးသာ၊စိန်ပန်း၊ဒါန်းလှ၊ကိုရှာ) ကိုပြောတာလား”
“အေး ဟုတ်တယ်
တနင်္ဂနွေသားသမီးများ ရောက်ဆဲအသက်ကိုတည် ၈ နဲ့စားရင် ၁ကြွင်းတဲ့နှစ်နဲ့ ၅ကြွင်းတဲ့နှစ်တွေမှာအိမ်ထောင်ကျတတ်တယ်
တနင်္လာဆိုရင် အသက်ကိုတည် ၈နဲ့စားရင် ၆ကြွင်းတဲ့နှစ်နဲ့ ၀ကြွင်းတဲ့နှစ်တွေက အိမ်ထောင်ကျတတ်တယ်
အင်္ဂါကျတော့ အသက်ကိုတည် ၈နဲ့စားရင် ၁ကြွင်းတဲ့နှစ် ၊၂ကြွင်းတဲ့နှစ် ၊၆ကြွင်းတဲ့နှစ်တွေက အိမ်ထောင်ကျတတ်တယ်
ဗုဒ္ဓဟူးသားသမီးတွေက အသက်ကိုတည် ၈နဲ့စားရင် ၀ကြွင်းတဲ့နှစ် ၊ ၁ကြွင်းတဲ့နှစ်၊ ၇ကြွင်းတဲ့နှစ်တွေမှာ အိမ်ထောင်ကျတတ်တယ်
ကြာသပတေးသားသမီးတွေက အသက်ကို၈နဲ့စားရင် ၁ကြွင်းတဲ့နှစ်၊ ၃ကြွင်းတဲ့နှစ်တွေမှာ အိမ်ထောင်ကျတတ်တယ်
သောကြာသားသမီးတွေက အသက်ကိုတည် ၈နဲ့စားရင် ၇ကြွင်းတဲ့နှစ်၊ ၆ကြွင်းတဲ့နှစ်တွေမှာ အိမ်ထောင်ကျတတ်တယ်
စနေသားသမီးတွေက အသက်ကို၈နဲ့စားရင် ၃ ကြွင်းတဲ့နှစ်၊ ၅ကြွင်းတဲ့နှစ်တွေမှာ အိမ်ထောင်ကျတတ်တယ်
ရာဟုသားသမီးတွေဟာအသက်ကိုတည် ၈နဲ့စားရင် ၁ကြွင်းတဲ့နှစ် ၊
၄ကြွင်းတဲ့နှစ်တွေမှာအိမ်ထောင်ကျတတ်တယ်”
“အဲဒါဆိုရင် မိတ်ဂြိုဟ်တွေ တိုင်ထိပ်တန်းပေါ်တဲ့နှစ်တွေပဲအိမ်ထောင်ကျမှာပေါ့”
” မင်းကလဲပုံသေတွေးပြန်ပြီယေဘုယျ ကျနိုင်တာကိုပြောတာကွွာ
မိတ်နံတွေက တန်းစီးတိုင်ထိပ်မရှိဘဲ ကျန်တဲ့(တိုင်ခြေ၊ တက္ခနိစ်၊ မန္ဒနိစ်၊ တန်းစီး၊ပြ)စတဲ့နေရာတွေမှာရှိပြီး ဆန်းကျင်ဂြိဟ်တွေကပ်ရင်လဲအိမ်ထောင်ကျတတ်တယ်ကွ ဝိသေသဟောကွက်တွေကအများကြီးလေ
အရွယ်ကိုလဲချိန်ဆဖို့ကလိုသေးတယ်လေ
အသက်၅၇ရောက်နေတဲ့အင်္ဂါသားတစ်ယောက်ကို တစ်ကြွင်းလို့ အိမ်ထောင်ကျမယ်လို့ပြောမယ်ဆိုရင် မင်းဖြစ်နိုင်မဖြစ်နိုင်စဉ်းစားရတော့မယ်လေ”
” အေး သဘောပေါက်ပြီကွာ “
” နောက်ပြီး ဆန်းဗေဒင်မှာ ခင်ပွန်းဂြိဟ်ကို
အင်္ဂါနံကောက်တယ်”
“အဲဒါကိုသိတယ်ကွ ဇနီးဂြိုဟ်ကိုကျတော့ သောကြာနံကောက်တာမဟုတ်လား”
“အေးဟုတ်တယ်ကွ အမျိုးသားတစ်ယောက်ရဲ့ ရောက်ဆဲသက်ရောက်မှာ သောကြာနံအဝင်မှာရှိပြီး
အဲဒီဂြိုဟ်က သက်ရှိဖြစ်ရင် အိမ်ထောင်ကျတတ်သလို ၊ မိန်းကလေးမှာလဲ အင်္ဂါနံအဝင်ဌာနမှာရှိပြီး သက်ရှိဖြစ်ရင်အိမ်ထောင်ကျတတ်တယ်ကွာ”
“သက်ရှိသက်မဲ့ခွဲတာတွေက မေ့ကုန်ပြီကွာ
မမှတ်မိတော့ဘူး”
“သက်ရှိသက်မဲ့အကြောင်းပြောရင်ဆုံးမှာမဟုတ်တော့ဘူး၊အခုလောက်အကြမ်းဖျင်းသိရင် ရတယ်မဟုတ်လား”
“ရပါတယ္ကြ
အဲဒါအပြင် ဘာတွေထပ်စစ်သေးလဲ”
” နောက်ဆုံးငါစဉ်းစားတာက မဟာဘုတ် ပညာကွ
ယေဘုယျအနေနဲ့က လူတစ်ယောက်ဟာ
ပုတိဖွား၊ ဘင်္ဂဖွားဆိုရင် ငယ်ငယ်ရွယ်ရွယ်နဲ့အိမ်ထောင်ကျလွယ်ပြီး အိမ်ထောင်နှစ်ဆက်ဖြစ်တတ်တယ်
အဲဒါကြောင့် ပုတိဖွား ဘင်္ဂဖွားတွေကို ငယ်ရွယ်ချိန်မှာ အိမ်ထောင်မပြုဖို့ အမြဲပြောဖြစ်တယ်
မရဏဖွား ၊သိုက်ဖွား တွေကတော့ အိမ်ထောင်ကျဖို့ခက်ခဲကြသလို အပျိုကြီး လူပျိုကြီးဖြစ်လွယ်ကြတယ်ကွ
အချို့ဆိုအရွယ်လွန်မှ အိမ်ထောင်ကျတတ်ကြတယ်
အထွန်းဖွား၊ ရာဇဖွား ၊ အဓိပတိဖွားတွေကတော့ အသက် ၂၆ ကနေ ၃၀ အတွင်းအိမ်ထောင်ကျတတ်တယ်”
” မဟာဘုတ်ပညာ ကိုနားလည်တယ်ကွ အဲလိုတော့အိမ်ထောင်ကျမဲ့နှစ် ကိုတွက်လို့ရတယ်ဆိုတာမသိဘူး”
အားလုံးဟာပုံသေမရှိဘူးကွ အရာရာပြောင်းလဲနေတာ ၊ ငါပြောခဲ့တာတွေအားလုံးက ယေဘုယျတွေကြီးပဲ။အတွေ့အကြုံနဲ့ စိတ်ဝင်စားမှုက အနီးစပ်ဆုံးပြောနိုင်မှာပဲလေ
သိဒ္ဓတ္ထမင်းသားမှာ တစ်နေ့ထဲတစ်ချိန်ထဲမွေးလာတဲ့ဖွားဖက်တော်တွေအများကြီးပဲ၊
သူတစ်ဦးထဲ ဘာလို့ဘုရားရှင်ဖြစ်လာလဲတွေးကြည့်လေ
မဟောသဓာ သတို့သားကလဲ တစ်ချိန်ထဲမွေးတဲ့ဖွားဖက်တော်တွေအများကြီးပဲ
ဘာလို့သူတစ်ယောက်ထဲ ပညာရှိဖြစ်လာရတာလဲ
လူတစ်ယောက်က ဘဝ ဘဝတွေကဘာတွေလုပ်ခဲ့ကြသလဲ မသိနိုင်သလို၊ လက်ရှိဘဝမှာ ဘယ်လောက်ထိ ကုသိုလ် အကုသိုလ်တွေလုပ်ထားပြီလဲ မသိနိုင်ဘူးလေ၊ အဲဒါကြောင့် ဆရာတွေက သီလအား
သမာဓိအား ပညာအားကြီးတဲ့သူတွေကို အဆိုးတွေဟောမယ်ဆို ထိန်းဟောသင့်တယ်
ဘာဖြစ်လို့လဲဆိုတော့ လွဲသွားတတ်တယ်တဲ့
သူလုပ်နေတဲ့ကုသိုလ်အကြောင်းတရားတွေက ဖြစ်လာမဲ့ ဆိုးကျိုးတွေကို ဘယ်လောက်မှေးမှိန်အောင် လုပ်ပြီးပြီလဲ ငါတို့မသိနိုင်ဘူးလေ”
” ဟုတ်တယ် သူငယ်ချင်း၊မင်းပြောတာကို ငါလက်ခံတယ် ငါလဲအမြဲတမ်း ဘုရားတရားတော့မမေ့ဘူး”
“ယံုပါတယ္ကြာ
ငါ့တို့ဖုန်းပြောတာလဲ ကြာသွားပြီ
ဖုန်းကပူပြီး နားတွေလဲပူလာပြီ
ဖုန်းချလိုက်တော့မယ်”
” အေး အေး သူငယ်ချင်း”
(အထက်ပါဆောင်းပါးသည် ဗေဒင်ပညာလုံးဝနားမလည်သူအဖို့ ဖတ်ရခက်နေပါလိမ့်မည်၊၊ ဗေဒင်အကြောင်း အနည်းငယ်မျှ နားလည်တဲ့သူတွေ၊ ဝါသနာပါသူတွေအတွက် အစတစ်ခုဆွဲထုတ်လို့ရအောင် တင်ပြထားခြင်းပါ။
ဒီ post ကိုဖတ်မိတဲ့ ဗေဒင်ပညာရှင်များအနေဖြင့် ကဲ့ရဲစရာ၊နှာခေါင့်ရှုံ့စရာများပါခဲ့ရင်ခွင့်လွှတ်စေချင်ပါတယ်။ ပညာရှင်များ နည်းပေးလမ်းညွှန်ပြမယ်ဆိုရင်လဲ တပည့်အဖြစ်ခံယူဖို့အသင့်ပါ ခင်ဗျာ)
ငြိမ်းအေးလူ(ဗေဒင်သုတေသီ)

ဘယ်ကိစ္စမဆို လျှင်မြန်စွာ အောင်မြင်စေသည့်ယတြာ

သီတင်းကျွတ်လပြည့်နေ့။ နေ့ထူးနေ့မြတ် အဘိဓမ္မာအခါတော်နေ့။
ခုနှစ်ရက်သားသမီးတွေအတွက် မည့်သည့်အစီအရင်တွေပေးရမည်နည်း။
စဉ်းစားမိတာတစ်ခုရှိတာက ဝါတွင်းသုံးလနတ်ပြည်တွင်မယ်တော်မိနတ်သားကိုအဘိဓမ္မာတရားဟောပြီး လူပြည့်ဆင်းလာမည့် ဘုရားရှင်ကို ဆီမီးထွန်းပြီးကုသိုလ်ယူပူဇော်ကြသည်။
အရမ်းကြည်နူးစရာကောင်းသည့် ဗုဒ္ဓဘာသာယဉ်ကျေးမှုအစဉ်အလာတစ်ခု။
အတိုင်းမသိကုသိုလ်တွေရကြသည်။
ယတြာပိုင်း အစီအရင်ပိုင်း အနေနှင့်ကဘုရားရှင်အား မီးထွန်းပြီးယပ်တော်သွင်း ကုသိုလ်ယူသည့်အစီအရင်တွေကို ပေးချင်သည်။
သီတင်းကျွတ်အခါသမယနှင့်လဲကိုက်ညီနေသည်။
အစီအရင်က လွယ်ကူသည်၊ ငွေမကုန် ။
ငွေကုန် ပိုက်ဆံကုန်တဲ့ အစီအရင်မှစွမ်းတယ်ထင်တဲ့သူတွေမလုပ်ကြပါနဲ့။
ယုံကြည်မှု၊ကြည်ညိုမှု၊ သဒါ္ဓတရားတွေနဲ့သာလုပ်စေချင်သည်။
ဘာတွေလုပ်ရမလဲဆိုရင်တော့ သောကြာအခါရောက်တိုင်း မှာဘုရားရှင်ကို
ဖယောင်းတိုင်ခုနှစ်တိုင်ဖြင့် အလင်းဖွင့် ပူဇော်ပါ။ ပြီးရင်တော့ ဘုရားရှစ်ခိုးမေတ္တာပို့အမျှဝေပါ။ နောက်ပြီးတော့ဘုရားရှင်ကို ယပ်တောင်အသစ်တစ်ချောင်းနဲ့ ဖယောင်းတိုင်မီးမသေအောင် ဖြည်းဖြည်းချင်းယပ်တော်သွင်းပူဇော်ပါ။ အနည်းဆုံး ၁၅ မိနစ်ခန့် ပြုလုပ်ပါ။ ယပ်တော်သွင်းနေချိန်မှာ မိမိဖြစ်ချင်တဲ့ဆန္ဒတွေဆုတောင်းပါ။
ဘာတွေဆုတောင်းလို့ရမလဲဆိုရင်တော့
လက်တလောဖြစ်နေတဲ့ကိစ္စတော်တော်များများကိုဆုတောင်းလို့ရပါတယ်။
*အလုပ်အကိုင်ရှာဖွေနေသူများ
*ငွေကြေးအခက်အခဲရှိနေသူများ
*အကြွေးလည်ပင်းခိုက်နေသူများ
*နိုင်ငံခြားအမြန်ထွက်လိုသူများ
*အိမ်ထောင်ရေးသောကရောက်နေသူများ
*အချစ်ရေးအဆင်မပြေသူများ
*အလုပ်အဆင်မပြေသူများ
*ဆိုင်ရောင်းအားကျနေသူများ
*အတိုက်အခိုက်များနေသူ
စသည့်စသည့် လတ်တလောဖြစ်နေတဲ့ ကိစ္စတိုင်းအတွက် ထိရောက်မြန်ဆန်စွာ အဆင်ပြေ စေပါတယ်။
ပညာသင်ကာလတုန်းက အခက်အခဲကြုံ တိုင်းလုပ်ဖြစ်သည့်အစီအရင်။ အရမ်းအောင်မြင်သည့် ပွဲတွေ့အစီအရင်ဖြစ်သည်။
ဘုရားရှင်အားဆီမီးပူဇော် ယပ်တော်သွင်းရမည့်အစီအရင်အတွက် ပြုလုပ်ရမည့်အချိန်သောကြာအခါတွေကိုတင်ပြလိုက်ပါတယ်။
တနဂၤေႏြေန႔
နံနက်/ ည ၇း၃၀မှ ၀၉းဝဝအတွင်း
တနင်္လာနေ့
နေ့လည် ၀၁း၃၀မှ ၀၃းဝဝ အတွင်း
အင်္ဂါနေ့
နံနက်/ည ၀၉းဝဝမှ ၁၀း၃၀အတွင်း
ဗုဒ္ဓဟူးနေ့
ညနေ ၀၃းဝဝမှ ၀၄း၃၀အတွင်း
ကြာသပတေးနေ့
နံနက်/ည ၁၀း၃၀မှ၁၂းဝဝအတွင်း
သောကြာနေ့
နံနက်/ည ၀၆းဝဝမှဝ၇း၃၀အတွင်း
စေနေန႔
နေ့လည် ၁၂းဝဝမှဝ၁း၃၀အတွင်း
အထက်ပါအချိန်တွေအတွင်းသာ အစီအရင်လုပ်ရပါမည်။ အိမ်တွင်းစီးပွားရေးသမားတွေအတွက် ကတော့ နေ့စဉ်မိမိအိမ်မှာ အထက်ပါအချိန်ဇယားအတိုင်း လုပ်ရမည်။၇ရက် ဒါမှမဟုတ် ၁၅ ရက်အတွင်းအတွင်းအခက်အခဲတွေပြေလည်သွားတာများသည်။
အပြင်မှာအလုပ်ထွက်လုပ်နေသူအတွက်က အထက်ပါအချိန်ဇယားထဲက မိမိအားတဲ့အချိန်တွေရွေးချယ်လုပ်ပါ။
အတုလဆရာတော်ဘုရားကြီး၏ အင်္ဂဝိဇ္ဇာကျမ်းရင်းလင်္ကာထဲမှာပါသည့်
“မီးဓာတ်နှင့်လေ ၊ ရေနှင့်မြေ မိတ်ဆွေတော်ကြသဟာရ” ဆိုတဲ့လင်္ကာထဲက အစီအရင်ပင်။
လျှင်မြန်စွာ အောင်မြင်သည့်ယတြာ။လျှင်မြန်စွာဓာတ်ထိသည့်အတွက် လျှပ်စစ်ယတြာလို့ အချင်းချင်းခေါ်ဆိုခဲ့ကြသည်။
ဘာမှကုန်ကျစရိတ်သိပ်မရှိ ဖယောင်းတိုင်နှင့် ယပ်တောင် တစ်ချောင်းသာလိုအပ်သည်။
ခုနှစ်ရက်သားသမီးအကုန်စီရင်လို့ရသည်။
သေကြာအခါတွေသာလုပ်ဖြစ်ဖို့လိုသည်။
ကိုယ်တိုင်လုပ်ကြည့်ပါ။ အကျိုးကျေးဇူးလက်တွေ့ခံစားရပါမည်ဟုပြောရင်း…..
ငြိမ်းအေးလူ (ဗေဒင်သုတေသီ)