” ဘာပဲ ပြောပြောပေါ့ ဆရာရယ် . .အစီအရင်ပေးတယ် ဆိုတိုင်းလည်း ကောင်းတာမဟုတ်ဘူး ဆိုတာ ကျွန်တော် အခု သဘောပေါက်လာပြီ . . .”
” အဲဒီလိုမျိုး လူတိုင်း သဘောပေါက်သင့်တာပေါ့ ဦးသန်းထွန်းအောင်ရယ် ၊ အဲသလို ပြောလို့ အဖြစ်အပျက်လေး တစ်ခုကို သွားသတိရတယ် ။ လင်မယား နှစ်ယောက် မတည့်လွန်လွန်း လို့ ဆိုပြီး သူတို့အစ်မတစ်ယောက်က ဗေဒင်သွားမေးတယ် ။ ဗေဒင်ဆရာက ဘာပေးလိုက်လဲ ဆိုတော့ ဖန်မီးအိမ် အခွံထဲမှာ သူတို့နှစ်ယောက်ရဲ့ အဝတ်အစားတွေ ထည့် ၊ တစ်နေရာရာမှာ ချိတ်ဆွဲထားဆိုပြီး ပြောလိုက်တယ် “
” ဖန်ပေါင်းချောင် ဆိုတဲ့ သဘောပေါ့ .. အင်း .. အင်း “
” အေးဗျာ .. အဲဒီလိုလား မသိပါဘူး ။ ကျွန်တော်တို့အမြင်ကတော့ ဖန်မီးအိမ်ပဲ ဖြစ်တယ်”
” ဟုတ်တယ်လေ .. ဖန်မီးအိမ်ပဲ ဥစ္စာ”
” အဲဒီ ဖန်မီးအိမ်ထဲ ထည့်ထားလို့လား မသိဘူး ။ ပြဿနာက အရင်က ထက် ပိုဆိုးကုန်တယ်။ ထုကြ ၊ နှက်ကြ၊ ရိုက်ကြတဲ့ အဆင့်အထိတွေ ဖြစ်ကုန်တယ်။ အပူထဲကို ထည့်တဲ့ပစ္စည်းဟာ အပူရှိန်ဟပ်မှာပဲ ဦးသန်းထွန်းအောင်”
” ဟုတ်တယ် ဆရာ ၊ ဟုတ်တယ် .. ဟုတ်တယ် “
” ပညတ်သွားရာ ဓတ်သက်ပါ ဆိုတဲ့ ရှေးပညာရှိကြီးတွေ စကား ဘယ်ပြေးမလဲဗျာ ။ မီးအိမ်ထဲ ထည့်မှတော့ မီးလိုပဲ ပူတော့မပေါ့ ။ ရေထဲ ထည့်တာမှ မဟုတ်ဘဲ ။ “
” ခုခေတ်ကတော့ ဆရာရယ် ၊ ပါးစပ်ထဲ တွေ့တာကို ဓာတ်သဘောလို့ယူနေပြီနဲ့တူပါရဲ့၊ ဆရာ ခုနက ပြောသလို “ပေါင်းချောင်” ဆိုရင် သူတို့ဘာယူမလဲ ၊ ချောင်ချောင်လည်လည် နဲ့ ပေါင်းသင်းရမယ်လို့များ ယူကြသလား မသိဘူးနော် “
” အမှန်က အသုံးတည့်အောင် အကြောင်းကို စဉ်းစားတတ်ဖို့ပဲ လိုပါတယ်ဗျာ ။ အကြောင်းကိုမှ မစဉ်းစားတတ်ရင် အကျိုးကို ဘယ်လို လုပ်ပြီး ရှာဖွေတွေ့ပါ့မလဲ ။ အဲဒါနဲ့ ပတ်သက်ပြီး ကျွန်တော် ရှာဖွေခဲ့တာကို ပြောပြမယ်။ အမှန်ကတော့ အာစရိယဝါဒရဲ့ ပညာရိပ်အောက်ကပဲ ရှာဖွေ သုတေသနပြုခဲ့ရတာပါ။ ကိုယ်က ကိုယ့်ဉာဏ်နဲ့ကိုယ်ထွင်ပြီး ရှာခဲ့တာ မဟုတ်ပါဘူး ။ ဘယ်လိုလဲဆိုတော့ အခုပြောနေတဲ့ ဓာတ်တူ နံတူ ပညာခန်း နဲ့ အကျုံး ဝင်နေလို့ ပဲ ဆိုပါတော့ ။ ကျွန်တော်ကတော့ မိတ်ဆွေတွေ တော်တော်များများကို သူတို့ရဲ့နာမည်အတိုင်းပဲ ဘုရားရှင်ကို ပူဇော်ခိုင်းတယ် “
” ဘယ်လို ဆရာ ၊ ရှင်းမလိုလိုနဲ့ရှုပ်သွားသလားလို့”
” ဒီလို ဒီလို . . . ကျွန်တော် လူတစ်ယောက်ကို ခင်ခဲ့ဖူးတယ်။ ဦးသန်းထွန်းအောင် သိတဲ့အတိုင်းပဲ ကျွန်တော်က သံယောဇဉ် သိပ်ထားတတ်တာ မဟုတ်ဘူး ။ ထားမိပြန်ရင် အဲဒီလူကို ဘယ်လို အောင်မြင်အောင် ဆွဲခေါ်ရမလဲ တွန်းတင်ရမလဲ ဆိုတာပဲ ကြည့်နေတာ ။
အဲ . . .အဲဒီလူကိုတော့ ခင်ခဲ့ဖူးပါတယ်။ သူ့ခမျာ ဘာလုပ်လုပ် သိပ် အပေါက်အလမ်း မတည့်ချင်ဘူး ။ လုပ်သမျှ ချော်လိုက် ၊ လွဲလိုက်၊ သူများ လိမ်လိုက် ၊ ကုန်လိုက်နဲ့ဘာမှ လုပ်လို့ မဖြစ်ဘူး ။ ဒါပေမယ့် သူ့ခမျာ ပျော်ပျော်ပဲ ၊ သနားဖို့သိပ်ကောင်းတယ် ။ စိတ်ကောင်း အရမ်းရှိတဲ့လူဗျ ။ သူ့နာမည်က ကိုအုန်းတင် တဲ့ ။ ကျွန်တော် သူ့ကို ဘာလုပ်ခိုင်းလဲဆိုတော့ အုန်းသီး လှလှတစ်လုံးကို ဘုရားပူဇော်ခိုင်းထားတယ် ။ အမြဲပေါ့ဗျာ ။ “
” အုန်းသီး နွမ်းရင်တော့ လဲပေါ့ “
” အင်း . . နွမ်းရင်တော့ လဲပေါ့ ။ နာမည်က အုန်းတင် ကိုး ။ အုန်း တင်ထားလိုက်တာပေါ့ “
” သြော် . . အုန်းတင် . . . ဟဲဟဲ . . လှတယ်ဆရာ “
” နောက်ပြီး . . . ကျွန်တော်က စဉ်းစားတယ်ဗျ ။ အုန်းတင်တယ်ဆိုတာ အထက်ဆောင်တဲ့ နိမိတ် ၊ အုန်းဆွဲ ချ တာမဟုတ်လို့ အုန်းတင်ရင် ကောင်းအောင် တင်ရမယ် ။ လဲပြုနေရင် ကောင်းတဲ့ နိမိတ် ဖြစ်ပေါ် မလာနိုင်တော့ဘူး ။ ဒါဖြင့် အုန်းကို မလဲအောင် ကြွက်မြီးက အစ လှလှပပ ထောင်နေအောင် ဘယ်လို လုပ်မလဲ စဉ်းစားလိုက်တော့ အုန်းသီးထောင်ဖို့ အုန်းတင်ရဲ့ နံတူ အင်တုံ ကို သွားတွေ့တော့တယ် ။ ဒါကြောင့် ဘုရားစင်ရှေ့ ဘေးနားလေးမှာ ခုံလေး တစ်လုံးနဲ့အင်တုံ အသစ်ကလေးပေါ်မှာ အုန်းတင်ထားခိုင်းလိုက်တော့တယ်။ “
” ဒါဟာ . . . ဓာတ်တူ နံတူ မဟုတ်သေးဘူး ဦးသန်းထွန်းအောင်ရဲ့ ။ နံတူပဲ ရှိသေးတယ်။ အင်တုံလေးနဲ့အုန်းသီးလှလှ နဲ့ အမြဲတမ်း လှပနေတော့တာပေါ့ဗျာ ။ အဲဒါပြီးတော့မှ သူ့ကို ခိုင်းလိုက်တယ် ။ခင်ဗျား ဟာ မနက်ရော ညရော ဖယောင်းတိုင် ထွန်းပြီး ဘုရားကို ပူဇော်ရမယ်။ မပြတ်ရဘူးလို့။ ဒါကတော့ မီးနဲ့ပူဇော်ခိုင်းလိုက်တာပေါ့ဗျာ ။ “
” ဘုရား မီးလုံးထွန်း ပူဇော်တာမျိုး မဟုတ်ဘူးပေါ့ “
” မဟုတ်ဘူး ၊ မီးထွန်းညှိပြီး ပူဇော်ခိုင်းတာ ၊ ဦးသန်းထွန်းအောင် စဉ်းစားကြည့်လိုက်လေ ၊ သူ့ နာမည်က အုန်းတင် မို့လား “
” ကျနော်ကတော့ အန္တော (၁-၀) ကို လှမ်းမြင်လိုက်တာပေါ့ ။ အဲဒါမှ နံတူလို့လည်း ပြောလို့ ရသလို ၊ ဓာတ်တူလို့လည်း ပြောလို့ရတယ် ။ ဒါကြောင့် အန္တောဆိုတဲ့မီးထွန်း ပူဇော်ခိုင်းလိုက်တာပေ့ါဗျာ ။ အန္တောဆိုတဲ့ သဘော သတ္တိကလည်း ဦးသန်းထွန်းအောင် မြင်တဲ့အတိုင်းပဲ ၊ တနင်္ဂနွေမြင်တိုင်း အန္တောလို့အော်နေလို့ပြည့်စုံတာ မဟုတ်ဘူး ၊ အန္တော ပြည့်စုံရာ ပြည့်စုံကြောင်းဖြစ်ဖို့ တနင်္ဂနွေရဲ့ ဓာတ်ဖက်ဖြစ်ရာ ဖြစ်ကြောင်း စနေက ရှိပေးရမယ်လေ ။ မီးခဲနဲ့မီးတောက်ရှိမှ အန္တော ဆိုတဲ့ ဓာတ်ဖက် ပြည့်စုံရာ ပြည့်စုံကြောင်း ဖြစ်တော့မပေါ့ ။ ဒါကြေင့် ဖယောင်းတိုင် ထွန်းပြီး ဘုရားရှင်ကို ပူဇော်ခိုင်းလိုက်တာပေါ့ ။ ဖယောင်းတိုင် ထွန်းပြီး ဘုရားရှင်ကို ပူဇော်ခိုင်းတယ် ဆိုတာကလည်း မပျင်းအောင် ပေါ့ဗျာ “
” သြော် . . . မပျင်းအောင်ပေါ့ ။ ဘယ်လို မပျင်းအောင်လဲ ဆိုတော့ ၊ ရိုးရိုး ဘုရား မီးလုံးနဲ့ဆိုရင် ခလုတ်ကလေး နှိပ်လိုက်ရင် ပြီးပြီ ။ ဘာမှ ဆက်မလုပ်ချင်တော့ဘး ။ အချိန်တန်ရင် မိုးချုပ်ရင် ဘုရားမီး ဖွင့်လိုက်ရင် ပြီးပြီ ။ တစ်ခါ တစ်ခါ လူကြုံနဲ့တောင် ဖွင့်ခိုင်းကြတယ်။ ” ဟေ့ . . ဘုရားမီး ဖွင့်လိုက်ပါဟေ့ ” ဆိုပြီး လူကြံုနဲ့ဖွင့်ခိုင်းကြတယ်။ ဒါပဲ ပြီးပြီ။ စကားပြော မပျက်ဘူး “
” အဲ . . အဲသလိုမျိုးတွေ အများကြီး ၊ ကျွန်တော်ကတော့အဲဒီလို ပျင်းတာ မကြိုက်လို့ ဘုရားရှင်ကို ဖယောင်းတို မီးထွန်းပြီး ပူဇော်ခိုင်းတာ များပါတယ်။ ခုန ကိုအုန်းတင်ကျတော့ အန္တောသဘော ဖြစ်တဲ့ မီးခဲ မီးတောက် ပါတယ်လေ။ မီးသီးထွန်း ပူဇော်တာမျိုးကတော့ အရောင်လင်းတာပဲ ရှိပါတယ် ။ ဖယောင်းတိုင် ထွန်း ပူဇော်ခိုင်းတာက ပိုပြီး ပြည့်စုံသွားမလားလို့”
” ဒီလို . . . ဆန္ဒ မပါတဲ့ကုသိုလ်စိတ်နဲ့လှူဖို့ တွေးနေတာကိုက ကောင်းသော စိတ်ကို အဖန်တစ်လဲလဲ ပွားထုံနေခြင်းလို ဖြစ်နေပြီနော် ဆရာ “
” နံတူ ပညာခန်း သင်ရတာ ဒိပြင်ဟာတော့ မသိဘူး ။ ခုပြောတဲ့ ကုသိုလ်စိတ် ပွားနေရတာကိုက မြတ်နေပြီ။ နံတူ စွန့်ထုတ်ရတာပဲ ဖြစ်ဖြစ် ၊ နံတူ တင်လှူရတာပဲ ဖြစ်ဖြစ် ကောင်းမှု ကုသိုလ်က ကောင်းမှုကုသိုလ်ပဲ ။ စိတ်ထားတတ်ရင် ပြောပါတယ် “
” ဟုတ်တယ် ဦးသန်းထွန်းအောင် ၊ ဒီပေါ်မှာ အာရုံစိုက်နေရတာနဲ့တင် အကုသိုလ်စိတ်က တော်ရုံ ဝင်မလာတော့ဘူး ။ ဒါကြောင့်များ ရှေး ပညာရှိကြီးတွေက ‘ ဓာတ်တူ နံတူ ဆေးဖက်ယူ ‘ လို့များ မိန့်ဆိုခဲ့ကြတာလား မသိပါဘူး ။ “
” ဓာတ်တူ နံတူ ဆေးဖက်ယူ ၊ နံတူသတ်က . . . “
” နေဦး ၊ ဆေးဖက်ပဲ ယူဦး ၊ နံတူသတ်တာကို စိတ်မဝင်စားလိုက်နဲ့ဦး ၊ အဲဒါက အကုသိုလ် များနိုင်တယ်။ “
” ခု ပြောခဲ့တဲ့ အထဲမှာ နံတူ စွန့်ထုတ်တာတွေ၊ နံတူကပ်တာတွေ ၊ နံတူ ဖြစ်တဲ့ ဘုရားစေတီ ပုထိုးများမှာ ကောင်းမှု ကုသိုလ်တွေ ဆက်ဆက်ပြုရတာမျိုးတွေကို ဦးသန်းထွန်းအောင် အတိုင်းအတာ တစ်ခုလောက် အထိတော့ နည်းနည်း သဘောပေါက်လောက်ရောပေါ့ . . “
” ပေါက်ရင် နံတူပညာခန်းမှာ အတွေး အခေါ် အယူအဆ မလွဲသင့်တာလေးတွေ နည်းနည်းပြောချင်တယ် ၊ ဥပမာ အနီးဆုံး ပြောရရင် စောင်ချမ်းသားကို ဇော်ဂျီ ဆေးကြိတ် တဲ့ ပုံထုပြီး စျေးခေါ် အဖြစ် ဆောင်ကြတဲ့ နံတူမျိုးပေါ့ ။ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . သီလ သမာဓိ နည်းပါးပြီး စီးပွားဖြစ်ချင်တဲ့ လောဘတစ်ခုတည်းကို ဦးတည်နေတဲ့ လူသားက ဆေးဝိဇ္ဖာကို ခိုင်းနိုင်ပါ့မလား ။ စျေးရောင်းခိုင်းနိုင်ပါ့မလား ဆိုတာလေးကိုပါပဲ ။ အဲဒါလေးတွေတော့ သတိထားသင့်မလားလို့။ “
” အင်း . . . ဟုတ်တယ်နော် ။ ဒါလေးတွေတော့ သိထားသင့်တယ် “
” ဒါကြောင့် နံတူပညာခန်းကို စဉ်းစားတော့မယ်ဆိုရင် စဉ်းစားစရာတွေက တစ်ပုံကြီးပဲ ။ နံတူကတော့ လွယ်တယ် ။ ရှောင်ဖို့ဆောင်ဖို့သာ ခက်တာ။ အခု ပြောသလိုပေါ့ဗျာ ။ စျေးခေါ် ဆိုရင် ဇော်ဂျီ ဆိုတဲ့ ” အင်္ဂါ တနင်္လာ ” တွဲ နံတွေ အကုန်လိုက်ရှာ လိုက်စု ၊ ပြီးရင် တစ်နေရာရာမှာ ထား ။ ဒီလိုပဲ ငွေဝင်ဖို့ဆိုရင် ငွေဝင်အောင် ခေါင်းလောင်း တို့၊ ကရွတ် တို့၊ ကလပ် တို့ ၊ ကောက်ရိုး တို့၊ ခြင်းလုံး တို့၊ ချိုလိမ်တို့၊ ကြောင်လျှာ တို့၊ ခရေ တို့၊ ခရု တို့၊ ကရား တို့ဆိုတာတွေ တနင်္လာနံ နဲ့ဗုဒ္ဓဟူး နံ တွဲတာတွေ အကုန်လိုက်ရှာ လိုက်စု ၊ ပြီးရင် တစ်နေရာရာမှာ ထား ။ “
” အဲဒါတွေ ဘာလုပ်ရမလဲ ဆရာ”
” လုပ်ကြည့်လေ ၊ ကြားဖူး ဖတ်ဖူး မှတ်ထားဖူးတာမျိုးတွေ၊ သူပြော လူပြောတွေကို လိုက်လုပ်ကြည့် ဖြစ်မလားလို့ တစ်ကယ်ရော ငွေဝင်မလားလို့၊ ” တနင်္လာ နဲ့ဗုဒ္ဓဟူး ” တွဲလျက်နံကို အဲဒီလို အထပ်ထပ် လုပ်လိုက်ရုံနဲ့ငွေဝင်ရမယ် ဆိုရင်တော့ဗျာ ။ ကျွန်တော် ဘာမှ လုပ်မနေတော့ဘူး။ ဘာမှလဲ ရွတ်ဖတ်မနေတော့ဘူး။ ဘယ်ကောင်းမှု ကုသိုလ်ကိုမှလဲ မလုပ်တော့ဘူး ။ ကလပ်ပေါ် ခေါင်းလောင်းတင်ပြီး ခရေ ခက်နဲ့ ရိုက်နေတော့မယ်။ နေ့ တိုင်းလုပ်ပါ့မယ်။ မပျက်စေရဘူး ။ ဘယ့်နှယ် ဖြစ်ပါ့မလား ။ “
” ငွေဝင်အောင် တစ်ဖက်ကလည်း သမ္မာအာဇီဝ ကျကျ ကြိုးစား ၊ ဇွဲတို့၊ လုံ့လတို့၊ ဝီရိယ တို့နဲ့ ကြိုးစားမှ ငွေဝင်ခြင်းဆိုတာ ဖြစ်လာနိုင်မှာပါ ဆရာရယ် ။ “
” ဟုတ်တာပေါ့ ၊ ဒီလို မကြိုးစားဘဲ ဘာလုပ်မှာလဲ ။ ခုပြောနေတာ “ငွေဝင်” ဆိုတဲ့ စကားလုံး နဲ့ နံတူ ရိုက်တာတွေကို ပြောနေတာနော် ။ ဒါဖြင့် ကောင်းပြီ ။ တကယ်စွမ်းပြီ ဆိုကြပါစို့ ။ အဲဒီလို အစီအရင်တွေ လုပ်ပြီး သူများဆီမှာ ပိုက်ဆံ သွားတောင်းလို့ ငွေဝင်တာမျိုးတော့ ကျွန်တော် မကြိုက်ဘူး ။ ဒါ မဖြစ်သင့်ဘူး ။”
” ဒါကြောင့် စီရင်ခြင်း ဆိုတဲ့ရှေ့မှာ “ရိုးသားစွာ” ဆိုတဲ့ စကားလုံးကို ကျွန်တော်က အမည်သညာ တပ်လိုက်ချင်ပါတယ် ဦးသန်းထွန်းအောင် ရယ် ။ မကောင်းဘူးလား “
” နံတူထားတယ် ဆိုတာကတော့တချို့ကောင်းတာတွေ အများကြီး ရှိပါတယ်။ ကျွန်တော်ဆို နာမည်တွေကိုပဲ ချောင်းနေတာ ။ နံတူ ဘယ်လို ထားပေးရမလဲဘဲ ကြည့်နေတာ ။ မိတ်ဆွေ တစ်ယောက်ရှိတယ်။ ဦးသန်းထွန်းအောင်လည် း သူ့ကို သိပါတယ်။ ကိုရွှေအုန်းတဲ့။”
” သူ့အိမ်ရှေ့မှာ တွေ့လား ကျွန်တော်ထားတာ ။ အုန်းသီးကို ရွှေရောင်သုတ်ပြီး အဲဒီ ရွှေအုန်းကို မြင့်တဲ့ နေရာလေး တစ်နေရာမှာ ဒီတိုင်း တင်ထားတာ “
” ဟုတ်ကဲ့ . . .ဆရာ သူ့ကို ရွှေမချခိုင်းဘူးနော် “
” ကျွန်တော်ကတော့ ဘုရားရှင်ကို ရွှေပြားကပ်လှူ ပူဇော်တာကလွဲရင် ကျန်တာ ရွှေချတာ သိပ်မကြိုက်ဘူး ။ အထူးသဖြင့် အဲဒီလို စီရင်တာမျိုးတွေမှာ ရွှေချတာ ပိုပြီး မသုံးချင်ဘူး ။ ဒါကြောင့်ရိုးရိုးပဲ ရွှေရောင် သုတ်ခိုင်းလိုက်တယ် ။ ကိုရွှေအုန်းနေတာ ချောင်ကြို ချောင်ကြားမှာနော် ။ ဒါပေမယ့် သူ့စာအုပ် အငှားဆိုင်ဟာ မိုးချုပ်တာနဲ့ ကြိတ်ကြိတ်တိုးနေတာ ဦးသန်းထွန်းအောင် မြင်တဲ့ အတိုင်းပဲ ။ လာတဲ့လူတိုင်းကလည်း အိမ်ဝရန်တာကို မော့ကြည့်လိုက်တာနဲ့တင် ရွှေအုန်းကြီးကွ။ လှလိုက်တာ ဆိုပြီး ပြောသွားကြတာ များတယ် ။ ရွှေအုန်းကြီး လှမနေဘူးလား “
” လှနေပါတယ် ။ ရွှေအုန်း လှနေပါတယ် ။ “
” လှခြင်းဟာ ဣဋ္ဌ ပဲလေ။ ကိုရွှေအုန်းကို အတိုင်းအတာ တစ်ခု အထိတော့ အကျိုးပေးပြီပေါ့ ။”
” မွေးနံကို လှအောင်ထားတဲ့ သဘောလည်း သက်ရောက်သွားသလို ပေါ့နော် ဆရာ ။ မွေးနံဆိုတာထက် ဟို . . နံတူ ကို လှအောင် ထားတဲ့ သဘောပေါ့ ။”
” အဲဒါက ပိုမှန်တယ် ။ နံတူကိ ုလှအောင် ထားတယ် ဆိုတာက ပိုမှန်မယ်။ အဲဒီလို နံတူကို လှအောင် ထားတာနဲ့ပတ်သက်ပြီး သတိရတာလေး တစ်ခု ပြောပြဦးမယ်။ အမျိုးသမီးတစ်ယောက် တွေ့ဖူးတယ် ။ ဒေါ်စံပယ်တဲ့ ။ သူ့အိမ်ရှေ့မှာ စင်တွေ ထိုးပြီး စံပယ်ပင်တွေ စိုက်ထားတာ အုံကြီးကို ဖြစ်နေတယ် ။ ပွင့်လိုက်ရင်လည်း လှမှလှ ၊ ဝေနေတာပဲ ။ ပတ်ဝန်းကျင် တစ်ခုလုံး မွှေးကြိုင်သင်း နေတာပဲ။ အဲဒီလို စံပယ်ပန်းတွေ ဝေနေတဲ့ ရာသီမျိုးဆိုရင် သူ့အိမ်က ဘုရားဆောင်တစ်ခုလုံး ဖွေးဖွေးလှုပ်အောင် ပူဇော်ထားတာဗျာ . . သင်းပျံ့နေတာပဲ ။ ဒေါ်စံပယ်ဟာ အိမ်ထောင်ရေး သောကလည်း မကြားမိဘူး ။ စီးပွားရေး ကြောင့်ကြတာလည်း မတွေ့မိဘူး ။ မချမ်းသာပေမယ့် ပြည့်စုံတယ် ။ သိပ်ပြီး ပူရပင်ရတာ မတွေ့ရဘူး ။ အဲဒီလိုမျိုးတွေ အများကြီး တွေ့ဖူးတယ် ။ဒါပေမယ့် ဒေါ်စံပယ်ရဲ့ အဖြစ်က ထင်ရှားတယ် ။ ကျွန်တော် သတိထားကြည့်ခဲ့မိတဲ့သူတွေ တော်တော်များများမှာ ဒေါ်စံပယ်ဟာ ထူးခြားတယ်။ သူ့လုပ်ရပ်က နံတူကို လှပဝေဆာတင့်တယ် အောင် စိုက်ထားရုံတင်မကဘူး ။ တင်လှူပူဇော်ခြင်း ဆိုတဲ့ ကုသိုလ်ကိုပါ ဆက်တာကိုး “
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
ဒါပေမယ့်နော် နံတူတိုင်း ကံမကူနိုင်ဘူး ။ အဲဒါကိုတော့ မမေ့လေနဲ့။ နံတူတိုင်း ဖြစ်စဉ် မတူနိုင်ဘူး ။ ကျောင်းဆရာကြီး ဦးဖိုးထွန်း ရှိသလို လူဆိုးကြီး ဦးဖိုးထွန်း လည်း ရှိတာပဲ။ တောပုန်းကြီး စံဖဲ ရှိသလို ဘုရား ဒါယကာကြီး ဦးစံဖဲ လည်း ရှိတာပဲ ။
ဦးသန်းထွန်းအောင်ကို တောက်လျှောက်ပြောလာခဲ့တာတွေက နံတူ ပညာခန်းတွေ ဖြစ်လို့ ဘာပဲ ဖြစ်ဖြစ် တွေးခေါ်မှုတွေ ရှိကို ရှိနေရမယ် ။ လူတစ်ယောက် ဟာ ဒုက္ခရောက်နေရင် အခက်အခဲဖြစ်နေရင် သူ့ရဲ့နံတူကို ဘယ်လိုလုပ်မှာလဲ ။ ဘာလုပ်မှာလဲ ။ စွန့်ထုတ်မှာလား ။ တင်လှူမှာလား ၊ အနိဋ္ဌ လုပ်မှာလား ။ ဣဋ္ဌ လုပ်မှာလား ။ အဲဒါ သိပ်အရေးကြီးတယ်နော ။ ကောင်းနေတဲ့ လူကို မကောင်းတာ သွားခိုင်းလိုက်ပြန်ရင် လည်း ဘဝတစ်ခုလုံး အပြောင်းအလဲ ဖြစ်သွားနိုင်တယ် “
” ဘယ်လို ကောင်းနေတဲ့ လူကို မကောင်းတာ ခိုင်းတာလဲ ဆရာ”
” ကျွန်တော်တို့ရပ်ကွက်နဲ့မနီးမဝေး ရပ်ကွက်တစ်ခုမှာ အမျိုးသမီးတစ်ယောက် ကို အဲသလို အစီအရင်မျိုး လုပ်ခိုင်းလို့ဒုက္ခရောက်သွားတာ သိပ်တောင် မကြာသေးဘူး . . . ပူပူနွေးနွေးကြီး ။ ပြောပြဦးမယ် . . ဂျုံကို အဲဒီအမျိုးသမီးရဲ့ပုံစံတူ အရုပ်လုပ် ၊ အဲဒီ အမျိုးသမီးရဲ့လက်သည်း ခြေသည်း ဆံပင်တွေကို နေရာတကျ ထည့် ၊ ပြီးတော့ သူ့ရဲ့ ဘုမ္မိ ကျတဲ့အရပ်မှာ သွားမြှုပ်ခိုင်းတယ် ။ ဘေးက လူတွေကို ငိုခိုင်း သတဲ့ “
” ဟို အမျိုးသမီး ခမျာ သူ့အိမ်နောက်ဖေးအဆင့် ကျိုးကျပြီး ခြေကလန့်သလို ဖြစ်သွားလို့ ခြေကျိုးပြီး ဆေးရုံရောက်သွားတယ် “
” တော်တော်ဆိုးတဲ့ လူတွေပဲ “
” မီးဖိုချောင် ဖြစ်စေ ၊ ရေကပြင် ဖြစ်စေ နဂိုမူလ ကတည်းက ဆွေးရင်လည်း ဆွေးနေပါလိမ့်မယ်။ နွမ်းပါးတဲ့ အုပ်စုမှာ ပါတော့ မကြာခဏလည်း မပြင်နိုင်တာလည်း ဖြစ်ချင်ဖြစ်မယ်။ ဒါမှ မဟုတ် တစ်နေရာတည်း ကွက်ပြီး သံပြုတ်တာတို့သစ်သား ဆွေးတာတို့၊ ကျိုးနေတာတို့ဖြစ်ချင်လည်း ဖြစ်နေမယ် ။ ဒါပေမယ့် အဲဒီလို အနိဋ္ဌ ယတြာလုပ်ပြီးမှ ဘာလို့ အဲဒီ အမျိုးသမီး ခြေလွတ် လက်လွတ် ပြုတ်ကျရသလဲ ။ ဘာလို့ ဆေးရုံရောက်သွားရသလဲ ။ ဒါ တွေးတောရတော့မယ့် အပိုင်း ရောက်လာပြီ “
” ဟုတ္ကဲ့ သူက ဘာလို ့အဲဒီ အနိ႒ ယၾတာကို ေခ်ရတာတဲ့လဲ ဆရာ”
” သူ သွားတဲ့လူဆီကို သွားတုန်းကတော့ထီပေါက်ချင်လို့ ငွေကံတွေ ပွင့်ချင်လို့တဲ့ဗျာ “
” ဟင် ၊ အဲဒီ အနိဋ္ဌ ယတြာနဲ့ဘာဆိုင်လဲ “
” သြော် . . .ဦးသန်းထွန်းအောင်နှယ် . . သိတယ်မို့လား . ကောင်းနေတာကို မကောင်းပြောမယ်။ မကောင်းပြောပြီးရင် လန့်သွားမှ ခိုင်းစရာရှိတာ ခိုင်းမယ် “
” သြော် သိပြီ သိပြီ ။ သဘောပေါက်သွားပြီ ဆရာ”
” အဲဒီလို လူမျိုးတွေနဲ့တွေ့လိုက်လို့ကတော့သွားပြီ။ အားကိုးတကြီးနဲ့သွားတဲ့ ကာယကံရှင်ခမျာ အကုသိုလ် အလုံးအရင်း ကို ငွေနဲ့ဝယ်ယူလိုက်ရသလိုပဲ ဖြစ်တော့မယ် သာမှတ် “
” ထီပေါက်ချင်တာနဲ့ပဲ ပြေးရတယ်လို့”
” လူတွေကလည်း ဗျာ ၊ သိတယ်မို့လား ။ ထွက်ပေါက်ပေါ့ဗျာ ။ ထီလေးများ ပေါက်မလား ဆိုပြီး အားကိုး တစ်ကြီးနဲ့ပြေး ၊ ဟိုရောက်တော့ … အင်း .. .အကုသိုလ်တွေ များနေတယ် ။ အဲဒီ အကုသိုလ်တွေ များနေလို့ငွေကံတွေ မဝင်နိုင်ဘဲ ပိတ်ဆို့နေရတာ ၊ အဲဒီ အကုသိုလ်တွေကို အရင် ရှင်းပစ်ရမယ် ။ ဘာညာဆိုပြီး ပြောရောဆိုပါတော့ ။ ကာယကံရှင်ကလည်း ထီက သိပ်ပေါက်ချင်တာကိုး ။ ထီသာ ကျိန်းသေ ပေါက်မယ်ဆိုလို့ကတော့အကုသိုလ် ရှင်းပစ်ရုံတင်မကဘူး ။ သူ့တစ်ကိုယ်လုံးပေါ်ပဲ တံမြက်စည်းပဲ လှည်းရ လှည်းရ ၊ ငြိမ်ခံနေမယ့် သဘော ရှိတယ် ။
ဒါမျိုးတွေပေါ့ ဦးသန်းထွန်းအောင်ရယ် ဣဋ္ဌနှစ်မှာ အနိဋ္ဌ လုပ်လိုက်မိရက်သား ဖြစ်သွားလေတော့ သွားတော့တာပေါ့ ။ ဒါဟာ နံတူကို စိရင်တိုင်း ကောင်းလား မကောင်းလား ဆိုတာကို ချင့်ချင့်ချိန်ချိန် သိနိုင်အောင်လို့ပြောပြတာ ။ ဒါကြောင့်မို့ လူတစ်ယောက်ဟာ အခက်အခဲဖြစ်နေရင် ဒုက္ခရောက်နေရင် သူ့ရဲ့ နံတူကို ဘယ်လို လုပ်မှာလဲ ။ ဘာလုပ်မှာလဲ ။ စွန့်ထုတ်မှာလား ။ တင်လှူမှာလား ။ အနိဋ္ဌ လုပ်မှာလား ၊ ဣဋ္ဌ လုပ်မှာလား သိပ်အရေးကြီးတယ် ။ ခု ပြောခဲ့တာကို လေ့လာကြည့် ။ ကောင်းနေတဲ့သူကို မကောင်းတာ သွားခိုင်းလိုက်လို့ကတော့ ထိပြီသာမှတ် ။ “
” ဟုတ်တယ်ဆရာ ဟုတ်တယ် ။ လူအတော်များများ လုပ်တတ်ကြတယ် “
” လုပ်တာပေါ့ ၊ သင်္ချိုင်းကုန်းမှာ နံတူလုပ်ပြီး သွားမြှုပ်တာတွေ၊ ဘုမ္မိအရပ်ဆိုတဲ့ နေရာမှာ နံတူလုပ်ပြီး သွားမြှုပ်တာတွေ အများကြီးပဲ ။ အဲဒီ အနိဋ္ဌ အလုပ်တွေကတော့ ကောင်းသွားတာတို့ဘာတို့သိပ်မကြားမိဘူး ။
ကျွန်တော် သိသလောက် ကျွန်တော့် ဉာဏ်လေးနဲ့ပြောရရင်တော့ ဒီလို ငိုယိုပြီး သချင်္ု ိင်းတို့၊ ဘုမ္မိတို့မှာ သွားမြှုပ်ခိုင်းတဲ့ လုပ်ရပ်တွေဟာ ကောင်းပါ့မလားလို့။ ဘာလို့လဲဆိုောတ့ ပလောင်သားကျူး တို့ဘာတို့မှာ ငိုယိုပြီး စီရင်ရတာတွေ ပါတယ်လေ။ ဒါတွေကျတော့ အကောင်းစီရင်တဲ့ အတတ်တွေမှ မဟုတ်ဘဲ “
” ဟုတ်ကဲ့ပါ ဆရာ ၊ တော်တော်ဆိုးတယ် ။ တော်တော်ကြမ်းတယ်လို့ကြားဖူးပါတယ် ။ အဲဒီ ပလောင်သားကျူး”
” အဲဒါတွေလည်း နံတူနဲ့စီရင်ထည့်လိုက်တာတွေပဲ ဦးသန်းထွန်းအောင် ရဲ့ ။ သူက ငိုယိုပြီး ဂါထာရွတ်တာပဲ ကွာတယ်။ ဒါကြောင့် လွယ်လွယ်ပြောလို့ရပေယ့် တော်တော်ကြီး သတိထားရမယ့် ပညာ ခန်း ဟာ ‘ဓာတ်တူ နံတူ’ ဆိုတဲ့ ပညာခန်း လို့ကျွန်တော် ပြောပြောနေတာပေါ့ “
ပြောတော့သာ လွယ်တာ ‘ ဓာတ်တူ နံတူ ဆေးဖက်ယူ နံတူသတ်က အသေရ ‘ ဆိုပြီးတော့သာ ပြောနေလို့လွယ်လွယ် သိကြရတာ ၊ ဘယ်ဓာတ်နဲ့ဘယ်ဓာတ်က တူလို့ဓာတ်တူတာ ၊ ဘယ်နံ နဲ့ဘယ်နံ နဲ့တူလို့နံတူတာ ဆိုတာကတော့ နည်းနည်း နက်သွားပြီး ဦးသန်းထွန်းအောင် “
” ပညာကတော့သူ့ဟာသူ ရှိနေတဲ့ ပညာပေါ့ ဦးသန်းထွန်းအောင်ရယ် ။ ဒီပညာနဲ့ မဟုတ်တာလုပ်ရင်တော့မဟုတ်တာဘဲ ဖြစ်သွားမှာပေါ့ ။ ဟုတ်တာလုပ်ရင် ဟုတ်တာဖြစ်မှာပေါ့ ။
ဆရာဦးမောင်မောင်သန်း (ရင်ကိုအေးမြစေသား) လက်တွေ့အင်္ဂဝိဇ္ဖာ မှ ကောက်နှုတ်ချက်များ
ဆရာဦးမောင်မောင်သန်းအား ဦးခိုက်ရှစ်ခိုးလျက်
ငြိမ်းအေးလူ ဗေဒင်သုတေသီ
