ယတြာများ Archives - Page 2 of 3

တက္ကသိုလ်ဝင်တန်း စာမေးပွဲဖြေကြမဲ့ ကျောင်းသားကျောင်းသူများအတွက်

စာမေးပွဲကြီးနီးလေပြီ။ဒီကာလအတွင်း နှစ်စကတည်းက ပုံမှန်ကြိုးစားလာကြသူတွေဆို စာတွေပြန်နွေးပြီး အိမ်ချိန်မှန် စားချိန်မှန်စွာနေထိုင်ရမဲ့ကာလပါပဲ။ စာမေးပွဲနီးလေ ဦးနှောက်ကြည်ပြီး ကျန်းမာလန်းဆန်းနေဖို့လိုပါတယ်။

မိသားစုဝင်တွေကလဲ အိမ်တွင်းရေးပြဿ နာတွေရှိရင်တောင် ကလေးရှေ့မှာ ပြောဆိုတာ ပြုမူတာမျိုးမလုပ်မိပါစေနဲ့ ။ ကလေးကိုစိတ်ညစ်စေမဲ့ အကြောင်းတရားတွေကို ရှောင်နိုင်ရင်အကောင်းဆုံးပါ။ မိဘတွေကလဲ သားသမီးတွေအပေါ်အရမ်း pressure ပေးတာမျိုး မလုပ်ပါနဲ့ ။ သူဘာသာကြိုးစားပါစေ ။ ကြောက်စိတ် စိုးရိမ်စိတ်နဲ့ ဆိုစာမေးပွဲခန်းထဲရောက်မှ ကျက်ထားတဲ့စာတွေ မေ့သွားတတ်တာကိုလဲနားလည်းထားဖို့ လိုပါတယ်။

ကျောင်းသားတွေအနေနဲ့လဲ ဘာသာရပ်တစ်ခုမဖြေနိုင်ရင် စိတ်လျော့လိုက်ပြီး နောက်ဘာသာမှာ

အားလျော့လိုက်တာမျိုးလဲ မဖြစ်ပါစေနဲ့။ ကြိုးစားပါ။ မဖြေနိုင်ကို ခေါင်းထဲမထည့်ပါနဲ့ ။နောက်ဖြေမဲ့ဘာသာကို စိတ်သစ်လူသစ်နဲ့ကြိုးစားစေချင်ပါတယ်။

ယတြာကဏ္ဍမပြောခင် ဒီယတြာတွေက စာမေးပွဲ အောင်မဲ့ ယတြာတွေမဟုတ်ဘူးဆိုတာသိထားပါ။ စာမေးပွဲအောင်ဖို့ အထောက်အပံ့ဖြစ်စေမဲ့ ယတြာတွေပါ။ နားလည်အောင်ပြောရရင် စာမေးပွဲ ဖြေခါနီးနဲ့ ဖြေနေစဉ်အတွင်း ကျန်းမာရေးကောင်းစေဖို့၊ မတော်တဆ ထိခိုက်မှုတွေ လျော့ပါးစေဖို့၊ စိတ်ကြည်ပြီး စာကျက်ရလွယ်စေဖို့ ၊ မည်သည့်ပယောဂအနှောက်အယှက်တွေကိုမှ မဝင်နိုင်ဖို့ ၊ ကျက်ထားတဲ့ စာနဲ့ မေးတဲ့ဟာနဲ့ တိုက်ဆိုင်စေဖို့ စတဲ့ စတဲ့ အချက်တွေကို အထောက်အပံ့ဖြစ်စေမှာပါ။

ယတြာ ကဏ္ဍပြောကြရအောင် …..

ပထမဦးစွာ ပညာအရာမှာဧဂဒဂ်ရတော်မူတဲ့ ရှင်သာရိပုတ္တရာ ကိုယ်တော်မြတ်ကြီးကို ရည်မှန်းပြီး ဆွမ်းကပ်လှူပေးပါ။ ဆွမ်းခဲဖွယ် ချိုချဉ် စုံစုံလင်လင်

နဲ့ စားပွဲဝိုင်းခင်ပြီးကပ်လှူပါ။ ကလေးငယ်ရဲ့ မွေးနေ့မှာလုပ်ပေးနိုင်ရင်အကောင်းဆုံးပါပဲ။

စာမေးပွဲခန်းထဲမှာ အသုံးပြုမဲ့ စာရေးကိရိယာတွေကိုအိမ်ကဘုရားဆောင်မှာ ပန်းကန်တစ်ချပ်ထဲထည့်ပြီး ဘုရားရှင်ကိုပူဇော်ထားလိုက်ပါ။

မိဘတွေအနေနဲ့ ပြုလုပ်ပေးရမှာက မနက်တကြိမ်

ညတစ်ကြိမ် ဘုရားရှစ်ခိုးပရိတ်ရွတ် မေတ္တာပို့တဲ့အခါတိုင်းမှာ ကလေးငယ်ရဲ့ (စာမေးပွဲဖြေမဲ့ ရက်များတွင် ဝတ်ဆင်မဲ့ )အဝတ်အစားလေးတွေကို ရင်ခွင်ထဲမှာထားပေးပါ။

နောက်တစ်ခု သူရဿ တီပုံတော်ကို မိမိတို့ စာကျက်ခန်းရဲ့ မြင့်မြတ်တဲ့နေရာမှာ ထားပါ။ ပန်းဆီမီး၊အမွှေးတိုင်ကပ်လှူပြီး အောက်ပါသူရဿ တီဂါထာတော်ကို စာကျက်ခါနီးတိုင်း ၉ခေါက်ရွတ်ဆိုပေးပါ။

ပိဋကတၱယ သမၸဳဏၰံ၊ သဗၺ သိဒၶိ သုခါ ဝဟံ။

ဇိဝှဂ္ဂေ မေ နိသီဒိတွာ၊ မံ ဓာရေတု သူရဿ တီ။

တကြိမ်လောက်ပဲ ဖြစ်ဖြစ် နီးစပ်ရာစေတီပုထိုးမှာ

ညလုံးပေါက်လျှပ်စစ်မီးပူဇော်တာမျိုး မိမိမွေးနေ့မှာပြုလုပ်ပေးပါ။

စာမေးပွဲဖြေဆိုတဲ့ နေ့တိုင်းမနက်စောစော အိမ်က

ဘုရားမှာ ဆီမီးသက်စေ့ပူဇော်ပေးပါ။

ဒီလောက်ဆို လုံလောက်ပါပြီ။

ကျောင်းသားကျောင်းသူများ ကျန်းမာချမ်းသာဘေးကင်းကွာပြီး ကောင်းစွာဖြေဆိုနိင်ကြပါစေဗျာ၊

၇ရက်သားသမီးအပေါင်း

ကောင်းသောလိုအင်ဆန္ဒတွေပြည့်ဝကြပါစေ။

ငြိမ်းအေးလူ (ဗေဒင်သုတေသီ)

Viber Only( 09775555695)

ငွေကြေးအကြပ်အတည်း ကြုံနေသူများအတွက် ယတြာလက်ဆောင်

By Nyein Aye Lu 0 Comments

       တပေါင်းလ…။ ရွက်ဟောင်းတွေကြွေ ရွက်သစ်တွေဝေပြီ။ ခြံရှေ့ ကြွေလွင့်နေတဲ့ ရွက်ခြောက်တွေကိုတံမြက်စည်းနဲ့ ညင်ညင်သာသာ လှည်းကျင်းနေမိသည်။ နံနက်စောစောဖြစ်တာကြောင့် လမ်းတစ်လျှောက်လူရှင်းနေသည်။ နံနက်ခင်းလေနုအေးနဲ့အတူ ကံ့ကော်ပန်းရနံ့တွေရမိသည်။ 

   “သြော် နွေဦးကံ့ကော်တွေတောင် ပွင့်နေပါလား”
ဟုစိတ်ထဲပြောနေမိသည်။

  “ဆရာလေး …ဘာတွေစဉ်းစားနေတာတုန်း “

တစ်လမ်းထဲနေတဲ့ ကိုကျော်ဆန်းရဲ့အမေးစကား..။

 “စဉ်းစားနေတာမဟုတ်ပါဘူးဗျာ…ကံ့ကော်ပန်းရနံ့လေးရလို့ ရှူရှိုက်နေတာပါ”

“ဟုတ်တယ်ဆရာလေး …ရှေ့လမ်းဆုံက ကံ့ကော်ပင်ကြီး ပွင့်နေတာလေ…ဆရာလေး တံမြက်စည်းလှည်းလို့ ပြီးပြီမဟုတ်လား …ကော်ဖီဆိုင်သွားရအောင်လေ..”

   “ဟုတ်ပါပြီဗျ..ခဏလေးစောင့်”

တံမြက်စည်းကို ခြံထဲထည့်လက်ဆေးပြီး ထွက်လာခဲ့သည်။  

 “ဆရာလေးရဲ့ကျေးဇူးတွေကတော့ ကျွန်တော့်အပေါ်များနေပြီဗျ..ဟိုနေကတောင် ဦးဂျမ်းတစ်ထည်လာကန်တော့ သေးတယ်..ဆရာလေးရန်ကုန်သွားတယ်ဆိုလို့ ပေးထားခဲ့တာ”

   “ရတယ်ဗျ အဲဒီပုဆိုးလေး …အကွက်လေးလဲလှတယ်”

  စကားတပြောပြောနဲ့လမ်းလျှောက်လာလိုက်တာ 
ကော်ဖီဆိုင်ကိုတောင်ရောက်လာခဲ့လေပြီ…။သောက်နေကျ အတိုင်း ပေါ့ဆိမ့်တစ်ခွက်နှင့် တိုရှည်တစ်ပွဲမှာလိုက်သည်။ ကိုကျော်ဆန်းက နန်းကြီးသုပ်မှာစားသည်။

  “ဘယ်လိုလဲ ကိုကျော်ဆန်း..အစစအရာရာအဆင်ပြေရဲ့လား…”

  “အဲဒါပဲပြောမလို့ ဆရာရေ…ဆရာလေးခိုင်းတာလုပ်ပြီးကတည်းက အလုပ်တွေကောင်း၊ငွေရွှင်ပြီး ၊
ရစရာရှိတဲ့ အကြွေးတွေလဲ ရတယ်ဗျ” 

အားရဝမ်းသာဖြင့် ကိုကျော်ဆန်းပြောရှာသည်။ 

“အစကတော့ သိပ်မယုံဘူးဆရာလေးရေ …ရက်နှစ်ဆယ်ကျော်လောက်ရောက်တော့ စပြီးထူးခြားတာပါပဲ…အခုကတော့ အမြဲတမ်းလုပ်ဖြစ်တယ်” 

ကိုကျော်ဆန်း လာတဲ့ နေ့ကို ပြန်အမှတ်ရမိသည်။

အုတ် သဲ ကျောက် ရောင်းဝယ်ရေးလုပ်ပြီး စီးပွားရှာသူတစ်ယောက်။ ရောင်းထားတဲ့ အုတ်သဲကျောက်ဖိုး ငွေတွေကမရ …သားအကြီးက accidentဖြစ်ပြီး လျှောကြေးပေးရ၊ အိမ်မှာရှိတဲ့ စက်ကားတွေကပျက်နဲ့ အတော်လေး ဒုက္ခတွေများပြီး ရောက်လာခဲ့သူ။ 

   ” ကဲ …ကိုကျော်ဆန်းရေ …ခင်ဗျားရဲ့ ဒုက္ခတွေကလဲများတယ်ဗျ….ဒီလိုလုပ်ဗျ…
ခင်ဗျားပုတီးတော့ စိပ်ရလိမ့်မယ်…”

“စိပ်ပါ့မယ်ဆရာလေး …နေ့တိုင်းမစိပ်ဖြစ်ပေမဲ့ တစ်ခါတစ်လေတော့ စိပ်ဖြစ်ပါတယ်..”

 အဲဒါဆို “အရဟံ  သိဒ္ဓိ ဘဂဝါ “လို့ ရွတ်ဆိုပြီး ပုတီးတစ်လုံးချ ဗျ။  ၁၀၈လုံးပုတီးနဲ့ တစ်နေ့ကို ကိုးပတ်စိပ်ဗျ။ စိပ်မယ်ဆိုရင်တော့ တစ်ထိုင်ထဲကိုးပတ်ရအောင်စိပ်ဗျ။ မနက် လေးပတ် စိပ်ပြီး ညငါးပတ်စိပ်မယ်ဆိုတာမျိုးတော့ မလုပ်နဲ့ပေါ့ဗျ.. စိပ်နေစဉ် အရဟံဂုဏ်တော်ရဲ့ အနက်အဓိပါ္ပယ်တွေ ဘဂဝါဂုဏ်တော်ရဲ့ အနက်အဓိပါ္ပယ်တွေကိုတော့ နှလုံးသွင်းဆင်ခြင်ပေါ့ဗျာ “

 ” သဘောပေါက်ပြီ…ဆရာလေး နေ့တိုင်းစိပ်မယ်ဗျ …ဒါနဲ့ ဘာထပ်လုပ်ဖို့ လိုသေးလဲ…”

” ဒါဆိုရပြီဗျ…မြန်မြန်အကျိုးထူးစေချင်ရင်တော့ အင်္ဂါနေ့၊ သောကြာနေ့၊စနေနေ့တွေမှာ …လမ်းဘေးခွေးတွေကို အာဟာရဒါန တစ်ခုခုကျွေးဗျ…အဆင်ပြေရာ လက်လှမ်းမီတဲ့ အစားအစာပေါ့လေ..မနက်ပိုင်းတော့ မကျွေးနဲ့ဗျ..ညနေပိုင်းပဲကျွေး ..ဒီလောက်တော့ လုပ်နိုင်မယ် ..မဟုတ်လား” 

 “လုပ်နိုင်ပါတယ်..ဆရာလေးရာ ဘာအပန်းကြီးတာမဟုတ်ဘူးလေ…” 

  “ဟုတ်ပါပြီဗျ…အခက်အခဲတွေ အဆင်ပြေပြီလို့သာ မှတ်လိုက်တော့ ကိုကျော်ဆန်းရေ….”

~~~~~~~~~~~~~~~~~~~~~~~~~~~~~~

 “ဆရာလေး..ဘာတွေစဉ်းစားနေတာတုန်းဗျ..ကော်ဖီတွေအေးကုန်မယ်..သောက်ဦးလေ…”

 “အေးဗျ…အတွေးလွန်သွားလို့…ကိုကျော်ဆန်းလာမေးတုန်းကအကြောင်းကို ပြန်တွေးမိနေတာ…
ထားပါတော့ …နေပူလာအုံးမယ်..သွားကြရအောင်
…”

နွေနေ့ရဲ့ အပူကို ထီးကိုယ်စီနဲ့ ငြိမ်းအေးစေနိုင်သလို..လူတွေရဲ့ ရင်ထဲအပူကို တတ်နိုင်သ၍ငြိမ်းအေးစေနိုင်မယ်ဆိုရင်ဖြင့်…

၇ရက်သားသမီးအပေါင်း 
      ကောင်းသောလိုအင်ဆန္ဒတွေပြည့်ဝကြပါစေ။

                       ငြိမ်းအေးလူ (ဗေဒင်သုတေသီ)

Viber Only( 09775555695)

မဟာဘုတ် အကြွင်းဖွားအသီးသီး၏ ဖြစ်ပွားတတ်သော ရောဂါလက္ခဏာများ

By Nyein Aye Lu 0 Comments

   မြန်မာ မွေးသက္ကရာဇ်ကို ၇နဲ့စားလိုက်ပါက ရလာတဲ့အကြွင်းတွေကို တွက်ချက်ပြီးဟောပေးထားတာမျိုးပါပဲ။ ယေဘုယျသဘောလောက်လို့ပဲ ဆိုရမှာပါ။ ဥပါဒါန်ကြီး စွဲနေဖို့ မလိုပါဘူး၊  ဘာဖြစ်လို့လဲဆို
တော့တစ်ဦးချင်းစီရဲ့ မွေးလ မွေးရက် မွေးချိန် အပြင် ..ပေးထားတဲ့ နာမည်တွေမတူညီတာကြောင့်အနုစိပ်ကွဲပြားမှုတွေ ရှိနေလို့ပါပဲ။

 တွက်နည်းလေး ဥပမာပြောပြရအောင်….

ကိုယ်က မြန်မာခုနှစ် ၁၃၅၃ခုနှစ်မှာမွေးဖွားလာသူဆိုပါစို့။
၁၃၅၃÷၇=၂ ကြွင်းပါတယ်ဗျ။ ဒါဆို ၂ကြွင်းအဟောကိုကြည့်ရုံပါပဲ။ နားလည်မယ်ထင်ပါတယ်။
ဖြစ်တတ်တာတွေ သိထားတော့ ရှောင်နိုင်အောင်လို့ စေတနာရှေ့ထားပြီးဟောပေးထားတာပါ။

၁ကြွင်း

      ၁ကြွင်းသမားတွေကတော့ ယေဘုယျအနေနဲ့သုံးသပ်ရရင်တော့ ကျန်းမာရေးအားကောင်း
သူတွေပါပဲ။မဖြစ်ရင်လဲ ဘာမှမဖြစ်ဘူးဖြစ်ပြီဆိုရင်လဲ အသည်းအသန်ဆိုတာမျိုးဖြစ်တတ်ပါတယ်။
ဖြစ်တတ်တဲ့ ရောဂါတွေကတော့ လေရောဂါ၊ ဝမ်းဗိုက်နဲ့ပက်သက်သောရောဂါများ၊ ဝမ်းကိုက်
ရောဂါ၊ လိပ်ခေါင်းရောဂါ၊ ပန်းနာရင်ကြပ်ရောဂါ၊အစာအိမ်ရောဂါ၊ အူအတတ်ပေါက်ခြင်း၊ ကျောက်
တည်ခြင်း၊ ကင်ဆာဖြစ်လွယ်သော အဖုအကြိတ်များ၊ အဆုတ်ရောင် အဆုတ်ပွလွယ်ခြင်း၊ လေဖြတ်တတ်ခြင်း၊အာရုံကြောနဲ့ပက်သက်သောရောဂါများ၊ချော်လဲခြင်း၊ခွေးကိုက်ခံရခြင်း ၊ခလုတ်တိုက်ခြင်းစတဲ့အသေးစားထိခိုက်မှုလေးတွေလဲဖြစ်တတ်ကြောင်းပါဗျာ၊

၂ကြွင်း

      ၂ကြွင်းဖွားတွေကို ယေဘုယျသုံးသပ်ရရင်တော့ ကျန်းမာရေးအားပျော့ကြသူတွေများပါတယ်။ တရှောင်ရှောင်ဖြစ်လွယ်သူတွေပါပဲ။အရေးအကြီးဆုံးကတော့ နှလုံးရောဂါတွေပါပဲ။
နှလုံးသွေးကြောကျဉ်းခြင်း ကျယ်ခြင်း၊ Heart attack ဖြစ်ခြင်း မျိုးတွေကြုံရတတ်ပါတယ်။ ဒီအကြွင်းဖွားတွေဟာအင်မတန်မှသတိမေ့လွယ်ပါတယ်။ သက်လတ်ပိုင်း သက်ကြီးပိုင်းတွေမှာ
အထူးမေ့လွယ်ကြသူတွေပါပဲ။အသည်းနဲ့ပက်သက်သောရောဂါများ ၊ ဦနှောက် အာရုံကြောနဲ့ပက်သက်သောရောဂါများ၊ ကင်ဆာရောဂါစတဲ့ ရောဂါဗေဒတွေပါပဲ။ နောက်ပြီးလက်နက်ခဲယမ်း
ထိမိခိုက်မိတာမျိုးလဲ အချို့သော ၂ကြွင်းဖွားတွေကြုံရတွေ့ရတတ်ပါတယ်။

၃ကြွင်း

     ၃ကြွင်းဖွားတွေဟာအထူးသဖြင့် ကျန်းမာရေးနဲ့ပက်သက်ရင်အထူးပဲ ဇီဇာကြောင်ကြသူတွေ
ပါပဲ။ သွားနှင့်ခံတွင်းပိုင်းဆိုင်ရာ ရောဂါများအထူးဂရုစိုက်အပ်ပါတယ်။ မိန်းကလေးများ ဓမ္မတာ
သွေးလေမမှန်ခြင်း၊ မီးယပ်သွေးဆုံးကိုင်ခြင်းများသတိထားပါ။ ခြေလက်ထိခိုက်လွယ်ပါတယ်။
ဒါကြောင့် accident ဆိုတာမျိုး မဖြစ်အောင်ဂရုစိုက်ပါ။အစားအသောက် အရမ်းရှောင်တာမျိုး
ကလဲ လိုအပ်တာအာဟာရ မရနိုင်တာမျိုးကို ဖြစ်စေပါတယ်။နောက်ပြီး မျက်စိထိခိုက်မိရင် 
တိမ်စွဲတတ်တဲ့အတွက် အထူးဂရုစိုက်ပါ။ အချို့ ၃ကြွင်းဖွားတွေဟာ လိင်ကိစ္စ ရှုပ်ထွေးတတ်ခြင်း
ကြောင့် လိင်နဲ့ပက်သက်သောရောဂါတွေ အထူးဂရုစိုက်ပါ။

၄ကြွင်း 

      ၄ကြွင်းဖွားတွေဟာ လူအတော်များများ မဖြစ်ဘူးတဲ့ ရောဂါမျိုးတွေဖြစ်လွယ်ပါတယ်။ သွေးနဲ့ပက်သက်သောရောဂါများ ၊အသည်းခြောက်ခြင်း ၊သွေးတိုးရောဂါ၊ သားအိမ်အားနည်းခြင်း၊ ကိုယ်ဝန်ပျက်လွယ်ခြင်း၊ သားအိမ်ခေါင်းကင်ဆာ၊ ဓမ္မတာမမှန်ခြင်း ၊အဖြူ ဆင်းခြင်းမျိုးတွေဖြစ်လွယ်ပါတယ်။ ရောဂါဟောင်း ဝေဒနာဟောင်းတွေ ခဏခဏပြန်ပေါ်တတ်ပါတယ်။ ဘယ်ရောဂါဖြစ်ဖြစ် အမြစ်ပြတ်အောင်ကုသပါ။ အရိုးပွခြင်းမျိုး အထူးသတိထားပါ။ နှာခေါင်းသွေးယိုခြင်းမျိုးလဲ ခဏခဏဖြစ်တတ်ပါတယ်။ ခေါင်းခဏခဏကိုက်ခြင်းနဲ့ ကြီးမားတဲ့ ခွဲစိပ်ရခြင်းမျိုးလဲ တွေ့ရကြုံရတတ်ပါတယ်။

၅ကြွင်း 

     ၅ကြွင်းဖွားတွေဟာ ငယ်ရွယ်စဉ်မှာ ကျန်းမာရေးကောင်းကြတာများပါတယ်။ အဲလို ငယ်ရွယ်စဉ်ကျန်းမာရေးကောင်းသူတွေဟာလဲ အသက်ကြီးပိုင်း
စုဖြစ်တတ်ပါတယ်။ သွေးတိုးရောဂါအထူးသတိထားပါ။ ခေါင်းခဏခဏကိုက်တာမျိုးလဲ ဖြစ်တတ်ပါတယ်။ မျက်စိအားနည်းတတ်တဲ့အတွက် သတိထားပါ။ ဆီးရောဂါ တွေဖြစ်ရတတ်ပါတယ်။ ကျောက်ကပ်လဲ အားနည်းကြသူတွေပါ။ သက်ကြီးပိုင်အဝလွန်ရောဂါမဖြစ်အောင်လဲ သတိထားဖို့လိုပါတယ်။ လိင်အင်္ဂါနဲ့ပက်သက်သော ရောဂါတွေဂရုစိုက်ပါ။ အရက်လုံးဝမသောက်ပါနဲ့ ။ အခြားအကြွင်းဖွားတွေအတွက်မသိသာပေမဲ့ ၅ကြွင်းဖွားတွေသာ အရက်သောက်မယ်ဆို သေချာပေါက် အသက်တိုပါတယ်။

၆ကြွင်း 

     ဒီအကြွင်းဖွား အများစုဟာ ကျန်းမာရေးက အိမ်မှာထိုင်နေရင်ရောဂါများရတတ်ပြီး သွားလာလှုပ်ရှားပြီး ခရီးများနေရင်တော့ ကျန်းမာရေးကောင်းနေတတ်သူပါပဲ။ အထူးသဖြင့် သွေးအားနည်းရောဂါများလဲ အဖြစ်များတတ်ပါတယ်။ ဆီးလမ်းကြောင်း ကျောက်တည်ခြင်း ၊သည်းခြေကျောက်တည်ခြင်းမျိုးတွေလဲ ဖြစ်ရတတ်သူပါပဲ။ အဆစ်အမြစ်ရောင်ရမ်းကိုက်ခဲခြင်း ၊ကိုယ်လက်ကိုက်ခဲခြင်းတွေလဲ ဖြစ်လွယ်တဲ့သူတွေပါ။ အစာမကြေတာ ရင်ပြည့်ရင်ကယ်ဖြစ်တာမျိုးလဲ ခဏခဏဖြစ်ရတတ်ပါတယ်။ ချောင်းဆိုးတာ အဆုတ်ပွတာမျိုးလဲ ဖြစ်ရတတ်သူတွေပါပဲ။ အူလမ်းကြောင်းနဲ့ ပက်သက်သောရောဂါမျိုးလဲ ဂရုစိုက်အပ်ပါတယ်ဗျ

၀ကြွင်း

  ၀ကြွင်းဖွားသူတွေဟာ မူလဇာတာအရ ကျန်းမာရေးအားနည်းသူတွေပါပဲ။ နည်းနည်းလေးအပင်ပန်းခံလိုက်တာနဲ့ ဖျားတတ်နာတတ်သူတွေများပါတယ်။
ကျန်းမာရေးကတော့ လေးဘက်နာရောဂါများ၊ လိပ်ခေါင်းရောဂါများ ဂရုစိုက်ဖို့ လိုပါတယ်။ ဝမ်းပျက်လွယ်သူတစ်ယောက်ပါပဲ။ ဆီးချို ၊သွေးချို ဖြစ်လွယ်ကြပါတယ်။ ရေဖျဉ်းစွဲခြင်း နှင့် ကင်ဆာရောဂါတွေလဲ ဖြစ်ပွားလွယ်ပါတယ်။ စက်ပစ္စည်းများနဲ့ ကိုင်တွယ်အသုံးပြုရသူများကလဲ ထိခိုက်လွယ်တဲ့ အကြွင်းဖွားတွေဖြစ်တာကြောင့် ဂရုစိုက်အပ်ပါတယ်။ သားအိမ်ကျခြင်း အူကျခြင်းမျိုးတွေ ဖြစ်လွယ်ပါတယ်။ အသည်းအဆီဖုံးခြင်း ၊နှလုံးအဆီဖုံးခြင်းမျိုး မဖြစ်အောင် လေ့ကျင့်ခန်းများများလုပ်ပေးကြပါ။ 

၇ရက်သားသမီးအပေါင်း 
       ကောင်းသောလိုအင်ဆန္ဒတွေပြည့်ဝကြပါစေ။

               ငြိမ်းအေးလူ (ဗေဒင်သုတေသီ)
              Viber Only( 09775555695 )

နိုင်ငံရပ်ခြား အမြန်သွားလိုသူများအတွက် ယတြာလက်ဆောင်

By Nyein Aye Lu 0 Comments

ကျွန်တော်ငယ်စဉ်ကာလ နိုင်ငံခြားသွားပြီးအလုပ်လုပ်တာဆိုလို့ နိုင်ငံခြားသင်္ဘောလိုက်တာ လောက်ပဲကြား ဖူး ခဲ့သည်။ နိုင်ငံခြားသွားတဲ့ ဦးလေးတစ်ယောက်ကို လေဆိပ်လိုက်ပို့တုန်းက ကိုယ်က ကလေးသာသာ။ အင်ဂျင်သံအကျယ်ကြီးကြားရတာကိုလန့်မိပေမဲ့ လေယာဉ်ပျံကြီးစီးပြီး နိုင်ငံခြားသွားချင်တာတော့ အမှန်ပင်။ နိုင်ငံခြားအတွေ့အကြုံကို အာပေါင်အာရင်းနဲ့ ပြောနေတဲ့ စကားဝိုင်းတွေကြား ငေးမောနားထောင်ခဲ့ရဖူးသည်။

“အဆောက်အဦးတွေက မိုးမြင့်အဆောက်အဦးတွေကွ။ အထပ်တွေက မရေတွက်နိုင်ဘူး။ မော့ကြည့်လိုက်မယ်ဆို ခေါင်းမှာဆောင်းထားတဲ့ ဦးထုပ်တောင်ကျွတ်ကျတယ်”

လူကြီးတွေရဲ့ပြောစကား….ကိုယ်အတွက်တော့ညဘက်ထည့်မက်ရတဲ့ အိပ်မက်တစ်ခုလို။

ဒီလိုနဲ့ အရွယ်ရောက်လာ….ဘွဲ့ရ… ….လုပ်ငန်းခွင်ဝင်နေချိန်မှ နိုင်ငံခြားလုပ်ငန်းတွေ အခွင့်အလမ်းပေါ်လာကြသည်။ ထိုင်း၊ မလေးရှား ၊ စင်ကာပူကစလို့ အာရှဥရောပ တခွင် မြန်မာတွေ လှည့်လည် လုပ်ကိုင်လာကြသည်။ တောရော မြို့ပါမကျန် နိုင်ငံခြားသွားပြီး အလုပ်လုပ်လာကြသည်။

ကိုယ်ကတော့ ပြည်တွင်းအလုပ်တွေပဲ တခုတ်တရလုပ်နေမိသည်။

အလုပ်တစ်ဖက်နဲ့ ဗေဒင်ပညာသင်ယူ တတ်မြောက်ထားမှန်း သိကြသူအချို့နိုင်ငံခြားသွားဖို့ အကူအညီလာတောင်းတဲ့အခါ မိမိအတွက် ကြီးလေးတဲ့ကိစ္စကြီးလိုသဘောထားပြီးတွက်ရချက်ရသည်။

ယတြာစီရင်ရသည်။

အမြန်အဆင်ပြေသွားသူတွေရှိသလို ကြန့်ကြာနေသူတွေလဲရှိခဲ့ဖူးသည်။

ဒီလိုနဲ့ ဗေဒင်ဟောသက်ကြာလာတဲ့အခါ ဘယ်ဇာတာတွေက နိုင်ငံခြားကံအကျိုးပေးတယ် ။ ဘယ်ဇာတာတွေကတော့ နိုင်ငံ ခြားကံအားနည်းတယ် ဆိုတာတွေက အစ ရိပ်မိလာခဲ့ သည်။ ဘယ်ယတြာက နိုင်ငံသွားဖို့အထိရောက်ဆုံးလဲဆိုတာကိုလဲ သုံးသပ်မိခဲ့ သည်။

နေ့သားတစ်ဦးချင်းဆီရဲ့အသက်အပိုင်းအခြားအလိုက်လဲ နိုင်ငံခြားကံ အားနည်းမှုတွေရှိနေကြပါသေးသည်။

ဒီနေရာကနေ ယေဘုယျသဘောလေးပြောပြပါ့မယ်။ အားလုံးနားလည်လွယ်ဖို့ဆိုတာက ယေဘုယျပြောမှပဲ အဆင်ပြေမှာမို့ပါ။

မိမိမြန်မာမွေးသက္ကရာဇ်ကို ၇နဲ့စားလိုက်လို့ ရလာတဲ့အကြွင်းက. ၃ကြွင်း/၆ကြွင်း ဖြစ်ခဲ့မယ် ဆိုရင်တော့

*နိုင်ငံခြားကံကောင်းခြင်း

*နိုင်ငံခြားမှ နှစ်ရှည်လများနေဖြစ်ခြင်း

* နိုင်ငံခြားမှာ နိုင်ငံသားခံယူ၍ ဘဝဆုံးပါးသည်အထိနေထိုင်ဖြစ်ခြင်း

*လူမျိုးမတူ ၊ ဘာသာမတူ ၊ ဇာတိမတူ ၊ နိုင်ငံခြားသားနဲ့လက်ထပ်ဖြစ်ခြင်း

*နိုင်ငံခြားဘာသာစကားကိုသင်ယူတတ်မြောက်လွယ်ကူခြင်း

စတဲ့ကံအကျိုးပေးလေးတွေ အနည်းနဲ့အများဆိုသလို ပါလာတတ်ပါတယ်။

နောက်တစ်ခုက မရဏဖွားဇာတာရှင်တွေဟာ နိုင်ငံခြားကံအခွင့်အရေးများသလို မရဏဖွားမဟုတ်ပေမဲ့ နာမည်အရင်းစာလုံးဟာ မရဏအိမ်မှာ စတင်မှည့်ခေါ်ထားကြတဲ့နာမည်ရှင်တွေကလဲ ထို့အတူပါပဲ။

“ငြိမ်းအေးလူရေ .. ငါကမရဏဖွားကွ… ၃ကြွင်း အခုထိ နိုင်ငံခြားနဲ့အဆက်အစပ်မရှိဘူးလို့ ပြောရင်လဲ ကျွန်တော်ခေါင်းညိတ်မှာပါပဲ…. ” နိုင်ငံခြားနဲ့ပက်သက်ဆက်ဆံလာသူတွေမှသာ ကြုံလာရမဲ့ ကံသဘောလေးတွေပါ။ ယေဘုယျအနေအထားလို့လဲ ကျွန်တော်စကား ခံထားပါတယ်။

ကဲ ဆက်ရအောင် နေ့သားတဦးချင်းစီရဲ့ နိုင်ငံခြားကံအားနည်းတဲ့

အသက်အပိုင်းအခြားတွေကို ပြောပြရရင်

တနဂၤေႏြ သားသမီး

အသက် ၂၀/၂၁/၂၈/၂၉/၃၆/၃၇

တနလၤာ သားသမီး

အသက် ၁၉/၂၀/၂၇/၂၈/၃၅/၃၆

အဂၤါ သားသမီး

အသက် ၁၈/၁၉/၂၆/၂၇/၃၄/၃၅

ဗုဒၶဟူး သားသမီး

အသက် ၂၅/၂၆/၃၃/၃၄

ၾကာသပေတး သားသမီး

အသက် ၂၃/၂၄/၃၁/၃၂

ေသာၾကာ သားသမီး

အသက် ၂၁/၂၂/၂၉/၃၀/၃၇/၃၈

စေန သားသမီး

အသက် ၂၄/၂၅/၃၂/၃၃

ရာဟု သားသမီး

အသက် ၂၂/၂၃/၃၀/၃၁/၃၈/၃၉

စတဲ့အသက်အပိုင်းအခြားတွေရောက်တဲ့အခါ

နိုင်ငံခြားသွားဖို့ကြန့်ကြာခြင်း

ငွေလိမ်ခံရခြင်း

နိုင်ငံခြားသွားရပြီး တိုင်းတပါးမှာ အဆင်မပြေဖြစ်ပြီးပြန်လာရခြင်း

ကျန်းမာရေး ဆေးစစ်ရာတွင် မအောင်ခြင်း

စတဲ့အချက်တွေကြုံရတတ်တဲ့ကာလပါ။ ဒါပေမဲ့ အသေးစိပ်သိချင်ရင်တော့ နီးစပ်ရာဆရာဆီမှာ ဇာတာစစ်ဆေးတာအကောင်းဆုံးပါပဲ။

ကျွန်တော်အနေနဲ့ ဗေဒင်တတ်တဲ့သူရော မတတ်တဲ့သူရော ဖတ်နိုင်ဖို့ ယေဘုယျသဘောတွေပဲ ရေးရတာကိုနားလည်ပေးစေချင်ပါတယ်။

ကဲယတြာကဏ္ဍလေးဆက်ကြရအောင် …ရေးတာလဲများနေပြီးဆိုတော့ ခပ်မြန်မြန်ပဲသွားလိုက်ရအောင်ဗျာ …

နိုင်ငံခြားအမြန်သွားရဖို့ဆိုတာသောကြာဂြိုဟ်၊ စနေဂြိုဟ်အားကောင်းဖို့လိုတယ်။ အပါဒါနကာရကအားကောင်းဖို့လိုပါတယ် (ဗေဒင်အခြေခံရှိသူတွေ အတွက် ရည်ရွယ်ပြီးပြောတာပါ)

ပထမဦးစွာ ၇ရက်သားသမီးတွေ နိုင်ငံခြားအမြန်သွားရဖို့ ခရီးကံကောင်းဖို့ တညီတညွှတ်ထဲလုပ်ရမဲ့ယတြာတွေက.

*ဆွံအနေသူ/ခန္ဓာကိုယ်အောက်ပိုင်းမကောင်းသူကို အာဟာရဒါနပြုပါ

*သမင်/သိုး တွေကို အစာကျွေးပါ

(အဆင်ပြေလွယ်ကူမှလုပ်ရန်)

*နီးစပ်ရာအဝေးပြေးကားဂိတ်ကိုသွားပြီး ခရီးသွားမဲ့ ရဟန်းသံဃာကို ခရီးစရိတ်တတ်နိုင်သလောက်လှူဒါန်းပါ။

*ဘုရားခြေတော်ရာ ကို ရွှေချပါ။

ဒါတွေက ၇ရက်သားသမီးတိုင်းပြုလုပ်ရမဲ့ယတြာတွေပါ။

နေ့သားတစ်ဦးချင်းစီရဲ့ ပြုလုပ်ရမဲ့ယတြာတွေကတော့

တနဂၤေႏြ

ကြာသာပတေးနံဘွဲ့အမည်ရှိသော ဘုရားတစ်ဆူဆူမှာ ပန်းပေါင်းစုံ ၅မျိုးကပ်လှူပါ။ ဘုရားတွင် အမှိုက်ကောက်၊ ပန်းဟောင်းစွန့် ၊ တံမြက်စည်းလှည်း ခြင်းများပြုလုပ်ပါ။

တစ်ပတ်တိတိအထက်ပါအတိုင်းကုသိုလ်ပြုပါ။ တစ်လမှာ နှစ်ကြိမ်လောက်ပြုလုပ်သင့်ပါသည်။

ကြာသပတေးနံဘွဲ့အမည်ဘုရားများ- ဗိုလ်တစ်ထောင်၊ မယ်လမုဘုရား၊မိုးကောင်းဘုရား၊မဟာဝိဇယဘုရား

တနလၤာ

ရာဟုနံဘွဲ့အမည်ရှိသော ဘုရားတစ်ဆူဆူမှာ

ရေသပ္ပယ်ခြင်း ၊ သောက်တော်ရေကပ်လှူခြင်း၊ ရွှေသင်္ကန်းကပ်ခြင်း စတဲ့ကုသိုလ်တွေပြုပါ။

ဘုရားတွင် အမှိုက်ကောက်၊ ပန်းဟောင်းစွန့် ၊ တံမြက်စည်းလှည်း ခြင်းများပြုလုပ်ပါ။

ရာဟုနံဘွဲ့အမည်ဘုရား -ရွှေတိဂုံ ဘုရား၊ရွှေဘုန်းပွင့် ဘုရား

အဂၤါ

သောကြာနံဘွဲ့အမည်ရှိသော ဘုရားတစ်ဆူဆူမှာ သစ်သီးခြောက်မျိုးကပ်လှူပူဇော်ပါ။ ဘုရားတွင် အမှိုက်ကောက်၊ ပန်းဟောင်းစွန့် ၊ တံမြက်စည်းလှည်း ခြင်းများပြုလုပ်ပါ။

သောကြာနံဘွဲအမည်ဘုရား – သိဒ္ဓိအောင်ဘုရား ၊ သီဟိုရှင်ဘုရား

ဗုဒၶဟူး

တနင်္ဂနွေနံဘွဲအမည်ရှိသော ဘုရားတစ်ဆူဆူမှာ အုန်းပန်း ၊ အုန်းညွှန့် ၊အုန်းထမင်း လှူဒါန်းပေးပါ။

တနင်္ဂနွေနံဘွဲ့အမည်ဘုရား- အောင်တော်မူဘုရား၊ အေးစေတီဘုရား ၊ဥက္ကလာပဘုရား

ၾကာသပေတး

အင်္ဂါနံဘွဲအမည်ရှိသော ဘုရားတစ်ဆူဆူမှာ ညလုံးပေါက်လျှပ်စစ်မီး လှူဒါန်းခြင်း၊ မီးလုံး၊မီးချောင်း ၊မီးကြိုးလှူဒါန်းခြင်းများပြုလုပ်ပေးပါ။

အဂါင်္နံဘွဲ့အမည်ဘုရား- ဆူးလေဘုရား၊ဇေယျာမုနိဘုရား ၊ဇိနမာန်အောင်ဘုရား ၊ စွယ်တော်ဘုရား

ေသာၾကာ

စနေနံဘွဲအမည်ရှိသော ဘုရားတစ်ဆူဆူမှာ ထီးဖြူလှူဒါန်းပါ။ ဂြိုဟ်တိုင်အသီးသီးမှာလှူဒါန်းပေးနိုင်ရင်

ပိုကောင်းပါတယ်။

စေနနံဘြဲ႕အမည္ဘုရား -တဝဂူဘုရား၊ ႏွီးဘုရား ၊နဂါးရံုဘုရား

စေန

တနင်္လာနံဘွဲ့အမည်ရှိသော ဘုရားတစ်ဆူဆူမှာ ခေါင်းလောင်းလေးတွေဝယ်လှူပါ။ ကျောက်ကျောကပ်လှူပါ။ကြံရည်ကပ်လှူပါ။

တနင်္လာနံဘွဲ့အမည်ဘုရား-ကျိုက္ကဆံဘုရား၊

ကမ္ဘာအေး ဘုရား၊ကျိုက်ခေါက် ဘုရား

ရာဟု

ဗုဒ္ဓဟူးနံဘွဲ့အမည်ရှိသော ဘုရားတစ်ဆူဆူမှာ

ရွှေသင်္ကန်းကပ်လှူခြင်း ၊ လက်ဖက်ရည်ကပ်လှူခြင်း၊ လိမ္မော်ရည် ကပ်လှူခြင်း များပြုလုပ်ပါ။

ဗုဒ္ဓဟူးနံဘွဲ့အမည်ဘုရား -ဝဋ်ကြွေးတော်ပြေဘုရား၊ လောကမာန်အောင်ဘုရား

ကဲ ဒီလောက်ဆို အားလုံးနားလည်ကြမယ်လို့ထင်ပါတယ်။ ကျွန်တော့်အနေနဲ့ အကောင်းဆုံးဆိုတဲ့ယတြာတွေကိုပဲရွေးထုတ်ပေးလေ့ရှိသလို လက်တွေ့အောင်မြင်တဲ့ယတြာကိုပဲ ဦးစားပေးရေးလေ့ ရှိတာကြောင့် နိုင်ငံရပ်ခြားအမြန်သွားချင်သူ

အဆင်ပြေကြမယ်လို့ယုံကြည်ပါတယ်။

မိမိနေထိုင်ရာဒေသမှာ အထက်ကပေးထားတဲ့ ဘုရားဘွဲ့တွေထဲ အချို့ဘုရားတွေမရှိတာမျိုးလဲ ပါကောင်းပါလိမ့်မယ်လို့ထင်ပါတယ်။ ဆိုကြပါစို့ ..”သောကြာနံဘွဲအမည်ရှိတဲ့ ဘုရားကတော့ ကျွန်တော်တို့ မြို့မှာမရှိဘူးဆိုခဲ့ရင် နီးစပ်ရာ တန်ခိုးကြီးဘုရားတစ်ဆူဆူရဲ့ သောကြာထောင့်မှာ ကုသိုလ်ပြု စီရင်လို့ရနိုင်ကြောင်း တင်ပြရင်း နိဂုံးချုပ်အပ်ပါတယ်။

၇ရက်သားသမီးအပေါင်း

ကောင်းသောလိုအင်ဆန္ဒတွေပြည့်ဝကြပါစေ။

ငြိမ်းအေးလူ (ဗေဒင်သုတေသီ)

Viber Only( 09775555695)

သိသင့် သိထိုက်သော အဆောင်ရတနာများအကြောင်း

By Nyein Aye Lu 0 Comments

     တစ်နေ့တွင် အားလပ်ရက်ဖြစ်တာကြောင့် စာအုပ်ဆိုင်တွေဘက်ကို ခြေဦးလှည့်ဖြစ်သည်။ ဆိုင်ထဲကောင်းရာနိုးနိုး စာအုပ်လေးတွေရွေးနေတုန်းမှာပဲ ဖုန်းဝင်လာသည်။ 

   ” ဟဲလို မဂၤလာပါ
              ကျွန်တော်ငြိမ်းအေးလူပါ”

   ” အေး ..ညီလေး …အကိုအောင်သန်းပါ “

    “ေျပာ….အကို”

  ” အကိုအခုရွှေဆိုင်တန်းဘက်ရောက်နေတယ်၊ အကိုလက်စွပ်လေးတစ်ကွင်းလောက် ဝယ်ချင်လို့။ ရှင်းရှင်းပြောရရင် စိန်လက်စွပ်လေးတစ်ကွင်းလောက် ဝယ်ချင်တာ…. ဒာဲဒါအကိုနဲ့သင့်တော်ရဲ့လာလို့……”

  ” သင့်တော်တယ်အကို…. ဟိုတစ်ခါအကိုဗေဒင်လာမေးကတည်းက စိန်ကိုအဆောင်အဖြစ်ဝတ်ဆင်သင့်တယ်လို့ ကျွန်တော်ပြောဖူးပါတယ်။ ရွှေနဲ့ပဲဖြစ်ဖြစ် ၊ ပလက်တီနမ်နဲ့ပဲဖြစ်ဖြစ်ကွင်းဝတ်လို့ရတယ်။ ညာဖက် လက်ခလယ်မှာ ဆင်မြန်း
ရမယ်လို့ ကျွန်တော်ပြောခဲ့ဖူးပါတယ်….”

  ” ငါ့ညီပြောတာအကို မှတ်မိပါတယ်၊ အချို့ကပြောကြတယ်၊ စိန်ကလူခိုက်တယ်ဆိုလို့ “

    “မဟုတ်ပါဘူးအကိုရာ …ကျွန်တော်တို့ ဗုဒ္ဓဘာသာမှာ စိန်ကိုအထွဋ်အမြတ်ထားကြတယ်လေ
 စေတီပုထိုးတွေမှာ စိန်ဖူးတော်ဆိုပြီး အလေးအမြတ်ထားကြတယ်မဟုတ်လား 
ဒါကြောင့်ပဲ စိန်ကိုဝတ်ဆင်တဲ့သူတွေဟာ သီလမြဲရင်အလွန်အကျိုးပေးပါတယ်…..အကိုကသီလရှိပြီးသားပဲ ..အမြဲတမ်းခါးဝတ်ပုဆိုးလိုမြဲအောင်ကြိုးစားပေါ့”

  “.    စိတ်ချပါ…ကွာ အကိုလဲသီလရှိအောင်နေပါတယ်  ဒါနဲ့စကားမစပ် စေတီတွေမှာစိန်ဖူးတော်ကို ဘာလိုအထွဋ်အမြတ်ထားတာလဲ…ငါ့ညီသိရင် ပြောပြပါလား…”
     “ကျွန်တော်သိသလောက်ပြောရရင်တော့ စိန်က ကာဗွန်ဒိုင်အောင်ဆိုက်ဒ်ကင်းတယ်။ သူရဲ့ hardness powerကလဲ အမြင့်ဆုံးရှိတယ်။ သူ့ကို ရွှံနွံထဲမှာပဲထားထား အညစ်အကြေးထဲမှာပဲထားထား သူရဲ့ဓာတုဗေဒ ဂုဏ်သတ္တိတွေကပြောင်းလဲသွားတာမျိုးမရှိဘူး…..  
  အဲလိုပဲဗုဒ္ဓဟောကြားခဲ့တဲ့ တရားတော်တွေကို
   ဆင်းရဲသားပဲကျင့်ကျင့်
   သူဌေးပဲကျင့်ကျင့်
   ဘုရင်ပဲကျင့်ကျင့်
   သူတောင်းစားပဲကျင့်ကျင့် ..ရရှိလာတဲ့ ဓမ္မချမ်းသာ၊ နိဗ္ဗာန်ချမ်းသာဟာလဲ ပြောင်းလဲခြင်းမရှိဘူး 
အဲဒါကြောင့်ပဲ ဓမ္မကို စိန်နဲ့ နှိုင်းယှဉ်ပြီး စေတီတွေမှာ စိန်ဖူးတော်အဖြစ်အထွဋ်အမြတ်ထားတယ်လို့ကြားဖူးတာပဲ..”

  “အခုလိုရှင်းပြတာ ကျေးဇူးပါပဲ…..ငါ့ညီရာ 
   အဲဒါဆို အကိုဝယ်လိုက်တော့မယ်….”

 ” ဝယ္သာ ဝယ္လိုက္ပါ အကို…..”

*************************************

   အဲဒီလိုမျိုး အဆောင်ကျောက်တွေနဲ့ ပက်သက်ပြီး တော့မေးမြန်ကြသူတွေ အပြင်မှာရော လိုင်းပေါ်မှာပါအရမ်းများကြပါတယ်။ အဆောင်ကျောက်မျက်ရတနာတွေနဲ့ ပက်သက်ပြီးရေးပေးဖို့ တိုက်တွန်းကြသူတွေလဲရှိကြပါတယ်။ 

     အဆောင်ကျောက်မျက်ရတနာတွေက လူသားတွေအပေါ် အကျိုးသက်ရောက်မှုတွေရှိစေတာ
တော့အမှန်ပါပဲ၊ အချို့က အထွန့်တက်ကြသည်။ မြေအောက်ကနေထွက်ပြီး လူသားတွေက တန်ဖိုးထားစရာလို့သတ်မှတ်လိုက်လို့ ရတနာဖြစ်လာတဲ့ သတ္ထုတွေက လူသားတွေရဲ့ အောင်မြင်မှု၊ ချမ်းသာမှု ၊ပျော်ရွှင်မှု ၊ကျန်းမာမှုတွေအတွက် အထောက်အပံ့တွေ၊ကောင်းကျိုးတွေ ဖြစ်စေပါ့မလားလို့ အမေးခံရဖူးပါတယ်။

     ဒီမှာတင်အဖြေကပါပြီးသားပါ။ လူတွေတန်ဖိုးထားစရာလို့သတ်မှတ်ထားခဲ့ကြတာဟာ ဘယ်အချိန်ဘယ်ကာလကတည်းကဆိုတာ 
မသိနိုင်အောင် ကြာမြင့်ခဲ့ပါပြီ။ ဒီရတနာတွေကို
လူတွေကမြတ်နိုးခဲ့ကြတာဟာ လူသားစဉ်ဆက်နှစ်ပရိစ္ဆေတရှိနေပါပြီ။ အဲဒီလိုမြတ်နိုး တန်ဖိုးထားကြတဲ့ ရတနာတွေကို မိမိရဲ့ ခန္ဓာကိုယ်မှာဆင်မြန်းထားပြီဆိုကတည်းကထိုရတနာရဲ့ဟိတ်တွေ မိမိဆီကို ဝင်လာတာမဆန်းပါဘူး။

    သဘာဝတရားကြီးက လွန်စွာဆန်းကြယ်သည်။ မိမိဉာဏ်တစ်ထွာတစ်မိုက်လောက်နှင့် ဉာဏ်မှီဖို့မလွယ်ပေ။မိမိဉာဏ်မမှီတာနဲ့ပဲ လက်မခံဘူးဆိုရင် အရမ်းရယ်စရာကောင်းနေမည်သာ။  
    နေ၊လ၊ရေ၊မြေ၊လေ၊သစ်ပင်တောတောင် စတဲ့သဘာဝအကြောင်းတရားတွေရှိလို့သာ သက်ရှိတွေရှင်သန်နိုင်သည် မဟုတ်လား။ ဒီသဘာဝတရားကြီးကမွေးဖွားပေးလိုက်တဲ့ မြေပေါ်မြေအောက် ရတနာတွေကလဲလူသားတွေအပေါ် သက်ရောက်မှုတွေရှိ သည်သာ။ ဒါကြောင့်ပဲသစ်ရွက်သစ်ဖုတွေဟာ လူသားတွေရဲ့  ဆေးဝါးဖြစ်လာခဲ့ကြသည်။ 

     သဘာဝတရားကြီးမှာ သူ့အာနိသင်နှင့်သူရှိကြသည်။ဒီလိုပဲကျောက်မျက်ရတနာတွေမှာ သူ့အမျိုးအစားအလိုက်အကျိုးအာနိသင်တွေရှိကြစမြဲပင်။ 
အနည်းငယ်ပြောပြရရင်….

ပတၱျမား

     ပတ္တမြားဟာ ရန်ကိုအောင်စေတဲ့နေရာမှာအထူး
ကောင်းတယ်။ရဲရင့်မှု ၊ ထက်မြက်မှု၊ စိတ်အားထက်သန်မှုတွေကိုလဲပေးစွမ်းတယ်။

ပုလဲ

    ပုလဲက မျက်နှာပွင့်တယ်။ စန်းပွင့်တယ်။ ငွေရွှင်တယ်။ငွေမြဲတယ်။လာဘ်လာဘကိုပေးစွမ်းတယ်။

စိန်

      စိန်ကတော့ ဘုန်းကံမြင့်မားစေပါတယ်။အောင်မြင်မှုတန်ခိုးသြဇာထက်မြက်မှုကို ပေးစွမ်းတယ်။

နီလာ

     နီလာကတော့ လုပ်ငန်းကိုတိုးတတ်စေတယ်။ အောင်မြင်စေတယ်။စီးပွားရေးကံကောင်းစေတယ်။ ရန်ငြိုးတွေပြေငြိမ်မှုကိုပေးစွမ်းပါတယ်။

သန္တာနီ 

      အချစ်ရေး၊အိမ်ထောင်ရေး ပျော်ရွှင်ချမ်းမြေ့စေတယ်အချစ်ရေးကံကောင်းစေတယ်။ ပီယဓာတ်ကိုပေးစွမ်းပါတယ်။

ဥႆ     ဖယား

   ဥဿ     ဖယားက ကံဆိုးခြင်းတွေလျော့ပါးသက်သာတယ် ဘဝအခြေခိုင်မာစေတယ်။ တည်ငြိမ်မှုကိုပေးစွမ်းတယ်။

ပယင်း

    ပယင်းကမှတ်ဉာဏ်ကိုကောင်းစေတယ်။ဒေါသကိုထိန်းချုပ်နိုင်တယ်။မေတ္တာတရား ခွင့်လွှတ်ခြင်းကိုပေးစွမ်းတယ်

ကြောင်

    ကြောင်ကျောက်က စွန့်စားမှုကိုဖြစ်ပေါ်စေတယ်။ ကံညံ့တာတွေပျောက်စေတယ်။ အနာဂတ်ကြိုတင်ခန့်မှန်းနိုင်မှုကိုပေးစွမ်းတယ်။

ျမ

  မြကတော့ ပေါများကြွယ်ဝစေတယ်။ မိသားစုရဲ့ပျော်ရွှင်မှုငြိမ်းချမ်းမှုကိုပေးစွမ်းတယ် 

ဂေါ်မုတ်

     ဂေါ်မုတ်က ကိုယ်ခံအားကိုကောင်းစေတယ်။ သန်မာခြင်းနဲ့ ခွန်အားကိုပေးစွမ်းတယ်။ 

မဟူရာ

     မဟူရာက သူများမပြုစားနိုင်ဘူး။ အတွေးအခေါ် ကောင်းစေတယ်။ ရန်အောင်ခြင်းကိုပေးစွမ်းတယ်။

  ဒါကတော့ ကျောက်မျက်ရတနာအချို့ရဲ့ အစွမ်းအာနိသင်ကိုအနည်းအကျဉ်းဖော်ပြတာပါ။ အဲဒီမှာ
ရွှေကတော့ ကျန်းမာခြင်း ၊ ယုံကြည်ခြင်း ၊ ရဲရင့်ခြင်းတွေကို ပေးစွမ်းသလို လူ အများနဲ့လဲသဟဇာတ  
ဖြစ်စေတဲ့ရတနာပါပဲ။

     တစ်ဦးတစ်ယောက်ဆီအတွက်သင့်တော်တဲ့ အဆောင်ကျောက်တွေကို ပြောရမယ်ဆိုရင် အယူအဆတွေကအရမ်းများတာတွေရတယ်။ နေ့သားအလိုက် ၊မဟာဘုတ်အကြွင်းအလိုက်၊ အင်္ဂဝိဇ္ဇာအလိုက် အဆောင်ကျောက်တွေ ကွဲပြားနေသေးပါတယ်။ ထိုနောက်ရာသီအလိုက် ၊ ဂဏန်းဗေဒင်အလိုက်လဲ ထပ်မံကွဲပြားမှုကရှိနေပါသေးတယ်။ အရှေ့တိုင်းနည်းအရရော အနောက်တိုင်းနည်းအရပါ မူတွေအမျိုးမျိုးကွဲနေပါသေးတယ်။ အဲဒီတော့ အဆောင်ကျောက်တွေအကြောင်းသာ အစုံရေးပြရမယ်ဆိုရင်  ခေါင်းအုံးအိပ်လို့ရမဲ့ အထူလောက်စာအုပ်တစ်အုပ် ဖြစ်လာနိုင်စရာရှိပါတယ်။

   အဲဒီတော့ ကျွန်တော်လက်ရှိအသုံးပြုနေပြီး ၇ရက်သားသမီးကို လက်ဆင့်ကမ်းနေတဲ့ အဆောင်ကျောက်မျက်ရတနာ ဆောင်နည်းကတော့  မိမိတို့မွေးတဲ့ အင်္ဂလိပ်မွေးရက်အရ  ဆောင်ရတဲ့ နည်းပါပဲ။ ဒီနည်းလေးကို လွန်ခဲ့သော ဆယ်စုနှစ်က ဆရာ
သက်နှင်းဆွေ(ပုပ္ပါး)ဆီကရခဲ့သည်။ 

  လက်တွေ့အသုံးပြုခဲ့တာကြာပြီ။ တကယ်လဲအစွမ်းထက်မြက်ပြီးအကျိုးထူးတာများစွာတွေ့ရသည်။ 
*************************************

မိမိဟာခရစ်နှစ်  မည်သည့်နှစ်၊မည်သည့်လတွင်မဆို
  ၁ရက်၊ ၁၀ရက်၊ ၁၉ရက်၊ ၂၈ရက်တွေမှာမွေးဖွားခဲ့တယ်ဆိုရင်တော့

           စိန်၊ပယင်းနှင့် အဝါရောင်ကျောက်တွေကို အဆောင်ကျောက်အဖြစ် ဘဝတစ်သက်စာ ရွေးချယ်ဆင်မြန်းနိုင်ပါတယ်၊၊

မိမိဟာခရစ်နှစ်  မည်သည့်နှစ်၊မည်သည့်လတွင် မဆို
၂ရက်၊ ၁၁ရက်၊ ၂၀ရက်၊ ၂၉ရက်တွေမှာမွေးဖွားခဲ့တယ်
ဆိုရင်တော့….
       ပုလဲ၊ကျောက်စိမ်းနှင့် အစိမ်းနုရောင်ကျောက်တွေကို  အဆောင်ကျောက်အဖြစ် ဘဝတစ်သက်စာ ရွေးချယ်
ဆင်မြန်းနိုင်ပါတယ်၊၊

မိမိဟာ ခရစ်နှစ်  မည်သည့်နှစ်၊ မည်သည့်လတွင် မဆို
၃ရက်၊ ၁၂ရက်၊ ၂၁ရက်၊ ၃၀ရက်တွေမှာမွေးဖွားခဲ့တယ်ဆိုရင်တော့….
           ငွေသားလက်စွပ်နှင့် ဂေါ်မုတ်ကျောက်တွေကို အဆောင်ကျောက်အဖြစ် ဘဝတစ်သက်စာ ရွေးချယ်ဆင်မြန်းနိုင်ပါတယ်၊၊

မိမိဟာ ခရစ်နှစ်  မည်သည့်နှစ်၊ မည်သည့်လတွင် မဆို
၄ရက်၊ ၁၃ရက်၊ ၂၂ရက်၊ ၃၁ရက်တွေမှာမွေးဖွားခဲ့တယ်ဆိုရင်တော့….
           ရွှေကိုတတ်သစ်စနေဝန်းပုံဖော်ပြီး လက်စွပ်ကွင်း ဝတ်ကာ  အဆောင်ရတနာအဖြစ် ဘဝတစ်သက်စာ ရွေးချယ်ဆင်မြန်းနိုင်ပါတယ်၊၊

မိမိဟာ ခရစ်နှစ်  မည်သည့်နှစ်၊ မည်သည့်လတွင် မဆို
၅ရက်၊ ၁၄ရက်၊ ၂၃ရက်တွေမှာမွေးဖွားခဲ့တယ်
ဆိုရင်တော့….
           စိန်၊ငွေနှင့် ပြဒါးလုံး ကျောက်တွေကို အဆောင်ကျောက်အဖြစ် ဘဝတစ်သက်စာ ရွေးချယ်ဆင်မြန်းနိုင်ပါတယ်၊၊

မိမိဟာ ခရစ်နှစ်  မည်သည့်နှစ်၊ မည်သည့်လတွင် မဆို
 ၆ရက်၊ ၁၅ရက်၊ ၂၄ရက်တွေမှာမွေးဖွားခဲ့တယ်
ဆိုရင်တော့….
           မြကျောက်နှင့် အပြာရောင်ကျောက်တွေကို အဆောင်ကျောက်အဖြစ် ဘဝတစ်သက်စာ ရွေးချယ်ဆင်မြန်းနိုင်ပါတယ်၊၊

မိမိဟာ ခရစ်နှစ်  မည်သည့်နှစ်၊ မည်သည့်လတွင် မဆို
၇ရက်၊ ၁၆ရက်၊ ၂၅ရက်တွေမှာမွေးဖွားခဲ့တယ်
ဆိုရင်တော့….
           ပုလဲ၊ကြောင်ကျောက်နှင့် အရောင် ဖျော့ သော ကျောက်တွေကို အဆောင်ကျောက်အဖြစ် ဘဝတစ်သက်စာ ရွေးချယ်ဆင်မြန်းနိုင်ပါတယ်၊၊

မိမိဟာ ခရစ်နှစ်  မည်သည့်နှစ်၊ မည်သည့်လတွင် မဆို
၈ရက်၊ ၁၇ရက်၊ ၂၆ရက်တွေမှာမွေးဖွားခဲ့တယ်
ဆိုရင်တော့….
           ပုလဲနက်၊ရေသံနှင့် မဟူရာကျောက်တွေကို အဆောင်ကျောက်အဖြစ် ဘဝတစ်သက်စာ ရွေးချယ်ဆင်မြန်းနိုင်ပါတယ်၊၊

မိမိဟာ ခရစ်နှစ်  မည်သည့်နှစ်၊ မည်သည့်လတွင် မဆို
   ၉ရက်၊ ၁၈ရက်၊ ၂၇ရက်တွေမှာမွေးဖွားခဲ့တယ်
ဆိုရင်တော့….
           ပတ္တမြားနှင့် အနီရောင်ကျောက်တွေကို အဆောင်ကျောက်အဖြစ် ဘဝတစ်သက်စာ ရွေးချယ်
ဆင်မြန်းနိုင်ပါတယ်၊၊

   မိမိကအဆောင်အဖြစ်နဲ့ ဝတ်ဆင်မဲ့ရတနာကို မဝတ်ဆင်ခင် ပထမဦးစွာ နွားနို့နဲ့ အရင်စိမ်လိုက်ပါ။ ပြီးရင် ရေသန့်နဲ့ ၂၁ကြိမ်တိတိ 
ဆေးကြောပါ။ 
  ရေဆေးပြီးတာနဲ့ အမွှေးနံ့သာ တစ်ခုနဲ့ ပက်ဖြန်းပါ။ မိမိကိုယ်တိုင်ကလဲ ရေမိုးချိုး ကိုယ်လက်သန့်စင်ပါ၊ ဘုရားမှာ ပန်းဆီမီးရေချမ်း ကပ်လှူပူဇော်ပါ။ဘုရားရှိခိုး ပရိတ်ပဋ္ဌာန်း ရွတ်ဆိုပြီးမှ ဝတ်ဆင်ပါ။ 
အဆောင်ကို လက်စွပ်အဖြစ်ဝတ်ဆင်မယ်ဆိုရင်တော့ ညာလက်မှာပဲ
ဝတ်သင့်ပါတယ်။ လက်ခလယ် (သို့)လက်သူကြွယ်မှာ ဝတ်ဆင်ပါ။

   ထူးထူးခြားခြားကံကောင်းခြင်း၊ လာဘ်ရွှင်ခြင်း၊ ဘေးရန်ကင်းခြင်း၊
 မျက်နှာပွင့်ခြင်း၊ ပြောစကားအောင်မြင်ခြင်း၊  မိသားစုအိမ်ထောင်ရေး ချမ်းမြေ့ခြင်း၊ သူတစ်ပါးဒုက္ခမပေးနိုင်ခြင်း  ငွေမြဲခြင်း ၊ကျန်းမာခြင်း၊
 စတဲ့ကောင်းကျိုးတွေရရှိစေပါတယ်။ ကျောက်မျက်ရတနာဟာ လှပရုံဆင်မြန်းထားဖို့မဟုတ်ဘဲ စနစ်တကျဆောင်ထားခြင်းဖြင့် ကောင်းကျိုးအနန္တတွေ ဖြစ်ပေါ်စေကြောင်း တင်ပြလိုက်ရပါတယ်ဗျာ

   ၇ရက်သားသမီးအပေါင်း 
       ကောင်းသောလိုအင်ဆန္ဒတွေပြည့်ဝကြပါစေ။

                ငြိမ်းအေးလူ (ဗေဒင်သုတေသီ)
                Viber Only( 09775555695)

မတော်တဆ ထိခိုက်မှု (accident) ဖြစ်လွယ်သော အသက်အပိုင်းအခြားများ

By Nyein Aye Lu 0 Comments

ပေးထားတဲ့ ခေါင်းစီးကိုကြည့်ပြီးတော့ မလန့်သွားပါနဲ့ဗျာ။ ကြောက်လန့်သွားစေလိုတဲ့ ရည်ရွယ်ချက်မျိုး ဥပါဒါန်စွဲသွားလိုတဲ့ ဆန္ဒမျိုးမြူတစ်မှုံမျှမရှိဘူးဆိုတာ နားလည်စေချင်ပါတယ်။ မိမိတို့ဆင်ခြင်နိုင်ဖို့နဲ့ သတိကပ်နိုင် ဖို့တင်ပြရတာပါ။ အသက်မှာ Spare Parts မပါဘူးဆိုတဲ့ စကားကလူတိုင်းကြားဖူးနားဝ ရှိပါလိမ့်မယ်။ မှန်ပါတယ်။ မဖြစ်ခင်ကတော့ ပေါ့ပေါ့နေ ပေါ့ပေါ့စားကြပြီး အရေးကြုံမှ အမိတလို့မရနိုင်ပါဘူး။

ကျွန်တော်ကိုယ်တိုင်လဲ လုပ်ငန်းခွင် အန္တရာယ်ကင်းရှင်းရေးနဲ့ ပက်သက်တဲ့ သင်တန်းများတတ်ခဲ့ ဖူးပါ တယ်။သင်ကြားသူက accidentနဲ့ ပက်သက်တဲ့ video တွေကို projector နဲ့ဖွင့်ပြပြီး သင်ပြပေးလေ့ရှိပါတယ်။ videoတွေကနေတဆင့် အမှားတွေကို သင်ခန်းစာယူတတ်ဖို့ နဲ့ PPE ပြည့်စုံစွာ ဝတ်ဆင်ဖို့ ပြောပြတိုက်တွန်းလေ့ ရှိပါတယ်။ ကျွန်တော်လဲ ဒီသဘောပါပဲ ။ ကျွန်တော်တတ်သိထားတဲ့ ပညာလေးနဲ့ တတ်သိသလောက်ပြောပြပြီး ဆင်ခြင်နိုင်ဖို့နဲ့ ရှောင်တတ် ဆောင်တတ်စေလိုတဲ့စေတနာနဲ့ ပြောပြရခြင်းပါ။

Zero Accident ဖြစ်ဖို့ Safely Officerတွေလုပ်ဆောင်ကြသလို မတော်တဆထိခိုက်လွယ်တဲ့ အသက် အပိုင်းအခြားများမှာ ဘယ်လိုဗုဒ္ဓယတြာတွေနဲ့ထိန်းသွားမယ်ဆိုတာမျိုးလဲ ပြောပြပေးချင်ပါတယ်။ အလုပ်စုံ ဘဝစုံ ခဲ့တဲ့ ကျွန်တော်ကတော့ မတော်တဆထိခိုက်မှုတွေ ခဏခဏကြုံတွေ့ခဲ့ရဖူးတယ်။ ထိခိုက်ဒဏ်ရာရလို့ ကုသရပြီ ဆိုရင် ငွေကုန်လူပမ်းဖြစ်ရသလို မပြောကောင်း မဆိုကောင်းအသက်ဆုံးရှုံးကြရပြီဆိုရင်လဲကျန်ရစ်သူတွေအတွက် အစားထိုးမရတဲ့ ဆုံးရှုံးမှုပါပဲ။

သတ္ထုတူးဖော်ရေးအလုပ်မှာလုပ်ခဲ့တုန်းက”လူဆိုတာသေမျိုးပါပဲ…သေဖို့ကံပါလာရင်တားမရပါဘူး” ဆိုတဲ့ သူတွေလဲမြင်ဖူးပါတယ်။ ဖြစ်ချင်တော့ မကြာခင်က ထိုသူက ငှက်ဖျားရောဂါ ခံစားရလေသည်။ ဆေးခန်းသွားဖို့ ကျွန်တော့်ကိုခေါ်တော့ “ငှက်ဖျားတိုက်ဖျက်ရေး သွားပြီး ဆေးထိုးဆေးသောက်လုပ်မလို့လား …လုပ်မနေပါနဲ့ကွာ သေဖို့ကံပါလာရင်သေမှာပါပဲ”

ထိုသို့ပြောလိုက်တော့ ထိုသူမျက်နှာညှိုးသွားလေသည်။ သူပြောခဲ့စကားကိုလဲ ပြန်ရုတ်သိမ်းသွားသည်။ ကာကွယ်ခြင်း ကုသခြင်းဆိုတဲ့စကားလုံတွေ အကြောင်းမဲ့ပေါ်လာခြင်းမဟုတ်ပါဘူး။

ကဲဘယ်အသက်အပိုင်းအခြားတွေက မတော်တဆထိခိုက်မှုတွေဖြစ်တတ်လဲ……..?

တနင်္ဂနွေသားသမီးတွေကနေစပြောရအောင်ဗျာ။

တနဂၤေႏြ

တနင်္ဂနွေသားသမီးတွေ မတော်တဆထိခိုက်လွယ်သော အသက်အပိုင်းအခြားများကတော့

၄၊၅၊၁၂၊၁၃၊၂၀၊၂၁၊၂၈၊၂၉၊၃၆၊၃၇၊၄၄၊၄၅၊၅၂၊ ၅၃၊၆၀၊၆၁၊၆၈၊၆၉၊၇၆၊၇၇ စတဲ့အသက်အပိုင်းအခြားတွေပါပဲ။

တနလၤာ

တနင်္လာသားသမီးတွေ မတော်တဆထိခိုက်လွယ်တဲ့ အသက်အပိုင်းအခြားများကတော့ ၃၊၄၊၁၁၊၁၂၊၁၉၊၂၀၊၂၇၊၂၈၊၃၅၊၃၆၊၄၃၊၄၄၊၅၁၊၅၂၊၅၉၊၆၀၊၆၇၊၆၈၊၇၅၊၇၆စတဲ့ အသက်အပိုင်းအခြားတွေပါပဲ။

အဂၤါ

အင်္ဂါသားသမီးတွေ မတော်တဆထိခိုက်လွယ်တဲ့ အသက်အပိုင်းအခြားတွေကတော့ ၂၊၃၊၁၀၊၁၁၊၁၈၊၁၉၊၂၆၊၂၇၊၃၄၊၃၅၊၄၂၊၄၃၊၅၀၊၅၁၊၅၈၊၅၉၊၆၆၊၆၇၊၇၄၊၇၅ စတဲ့အသက်အပိုင်းအခြားတွေပါပဲ။

ဗုဒၶဟူး

ဗုဒ္ဓဟူးသားသမီးတွေ မတော်တဆထိခိုက်လွယ်တဲ့ အသက်အပိုင်းအခြားတွေကတော့ ၁၊၂၊၉၊၁၀၊၁၇၊၁၈၊ ၂၅၊၂၆၊၃၃၊၃၄၊၄၁၊၄၂၊၄၉၊၅၀၊၅၇၊၅၈၊၆၅၊၆၆၊၇၃၊၇၄ စတဲ့အသက်အပိုင်းအခြားတွေပါပဲ။

ရာဟု

ရာဟုသားသမီးတွေ မတော်တဆ ထိခိုက်လွယ်တဲ့ အသက်အပိုင်းအခြားတွေကတော့ ၆၊၇၊၁၄၊၁၅၊

၂၂၊၂၃၊၃၀၊၃၁၊၃၈၊၃၉၊၄၆၊၄၇၊၅၄၊၅၅၊ ၆၂၊၆၃၊၇၀၊၇၁ စတဲ့အသက်အပိုင်းအခြားတွေပါပဲ။

ၾကာသပေတး

ကြာသပတေး သားသမီးတွေ မတော်တဆထိခိုက်လွယ်တဲ့ အသက်အပိုင်းအခြားတွေကတော့ ၇၊ဂ၊၁၅၊၁၆၊၂၃၊၂၄၊၃၁၊၃၂၊၃၉၊၄၀၊၄၇၊၄၈၊၅၅၊၅၆၊၆၃၊၆၄၊၇၁၊၇၂ စတဲ့အသက်အပိုင်းအခြားတွေပါပဲ။

ေသာၾကာ

သောကြာသားသမီးတွေ မတော်တဆထိခိုက်လွယ်တဲ့ အသက်အပိုင်းအခြားတွေကတော့ ၅၊၆ ၊၁၃၊၁၄၊၂၁၊ ၂၂၊၂၉၊၃၀၊၃၇၊၃၈၊၄၅၊၄၆၊၅၃၊၅၄၊၆၁၊၆၂၊၆၉၊၇၀ စတဲ့အသက်အပိုင်းအခြားတွေပါပဲ။

စေန

စနေသားသမီးတွေ မတော်တဆထိခိုက်လွယ်တဲ့

အသက်အပိုင်းအခြားတွေကတော့ ၁၊၈၊၉၊၁၆၊၁၇၊

၂၄၊၂၅၊၃၂၊၃၃၊၄၀၊၄၁၊၄၈၊၄၉၊၅၆၊၅၇၊၆၄၊၆၅၊၇၂၊၇၃ စတဲ့ အသက်အပိုင်းအခြားတွေပါပဲ။

ဒီကာလတွေ မှာ သွားသတိလာသတိရှိရပါလိမ့်မယ်။ ယာဉ်ကားမောင်းရင်လဲ အန္တရာယ်ရှိအောင်မမောင်းနဲ့။ အန္တရာယ်ရှိတဲ့နေရာတွေ မသွားနဲ့။ အန္တရာယ်ဖြစ်စေမဲ့ ကိုယ်အမူအရာ၊ နှုတ်အမူအရာ၊ စိတ်အမူအရာတွေ လျော့သင့်ပါတယ်ဗျ။

ဒီလို ကာလတွေမှာတော့ ကျွန်တော်အကြိုက်ဆုံးက ဗုဒ္ဓဘာသာပီပီ ပဌာန်းရွတ်တာအကြိုက်ဆုံးပါပဲ။ တစ်နေ့တစ်ခေါက်ပဲဖြစ်ဖြစ် တစ်ပတ်ကို တစ်ခါလောက်ဖြစ်ဖြစ်ရွတ်ပေးစေချင်တာပါ။ အကောင်းဆုံး ဗုဒ္ဓယတြာပါ။

နောက်ထပ်ပြုလုပ်ပေးစေချင်တာက စျေးသွားပြီး သေအံ့ဆဲဆဲ အသတ်မခံရမှီငါးတွေ ဝယ်ပြီး လွှတ်ပေးစေချင်တာပါ။

အဆင်သင့်ရင် လုပ်စေချင်တာက မိမိဆွေမျိုးသားချင်းတွေထဲကပဲဖြစ်ဖြစ် သူငယ်ချင်းမိတ်ဆွေတွေထဲကဖြစ်ဖြစ် နေမကောင်းလို့ ဆေးရုံတတ်ရပြီဆိုရင်တော့ မိမိက တတ်နိုင်သ၍လူနာစောင့်သွားလုပ်ပေးစေချင်ပါတယ်။

နောက်ဆုံးလုပ်စေချင်တာက ကာယနဲ့ရင်းတဲ့ ကုသိုလ်တွေများများလုပ်ပါ။နားလည်အောင်ပြောရရင် ဘုရားတွေမှာ တံမြက်စည်းလှဲတာ ၊ သန့်ရှင်းရေးလုပ်တာ ၊ ရေညှိတွေခွာတာ ၊ လမ်းပြုပြင်တာ ၊ရေတွင်းရေကန်တွေဖော်တာ ၊ ဘုန်းကြီးကျောင်း ကုဋီတွေဆေးကြောတာ စတဲ့ ကာယနဲ့ရင်းနှီးပြီး လုပ်ရတဲ့ ဝေယျာဝစ္စကုသိုလ်မျိုးတွေများများ လုပ်ပေးပါလို့ မှာချင်ပါတယ်ဗျာ။

သိသလောက်တော့ မျှဝေခဲ့တာပါပဲ။ ဒီအသက်အပိုင်းခြားရောက်တိုင်း ထိခိုက်လွယ်တာမျိုးတော့ မဟုတ်ပါဘူး။ လူတစ်ဦးရဲ့မူလဇာတာနဲ့ သူပြုခဲ့တဲ့ အတိတ်ကံက အဓိကပါ။ အများဖတ်လို့ရအောင် ရေးရတာဆိုတော့ ယေဘုယျဆန်ဆန် ရေးမှလဲ အဆင်ပြေနိုင်မှာမို့ပါ။

၇ရက်သားသမီးအပေါင်း

ကောင်းသောလိုအင်ဆန္ဒတွေပြည့်ဝကြပါစေ။

ငြိမ်းအေးလူ (ဗေဒင်သုတေသီ)

Viber Only( 09775555695)

အကြွေးကိစ္စများအတွက် ယတြာလက်ဆောင်

By Nyein Aye Lu 0 Comments

အကြွေးလို့ပြောလိုက်တာနဲ့ လူနှစ်မျိုးရှိတယ်ဆိုတာသိကြပါလိမ့်မယ်။ အကြွေးယူသူနဲ့ အကြွေးရှင်ပါ။ ကျွန်တော်ကတော့ အကြွေးဆိုတဲ့စကားလုံးကို နှုတ်ထဲမှာ ရေရွတ်မိတိုင်း စိတ်ထဲမှာထိန့်လန့်အားငယ်စိတ်မျိုးဝင်မိတာတော့အမှန်ပါပဲ။ ငယ်ရွယ်စဉ် အလယ်တန်းကျောင်းသားဘဝတွေမှာတော့ အကြွေးရှင်တွေ အိမ်ရှေ့လာပြီးတောင်းတိုင်း အားငယ် ခဲ့ရသည်။ အကြွေးတွေဝိုင်းပြီး အဆင်မပြေတဲ့ဘဝတွေကို အချိန်အတော်ကြာဖြတ်သန်းခဲ့ရသည်။

ငွေကြေးတတ် နိုင်တဲ့ အမျိုးအရင်းကြီးတွေဆီကတောင် ပိုက်ဆံချေးရင် နှစ်ဆယ်တိုးနဲ့ယူတာမြင်ရတွေ့ရသည်။ ဆွေမျိုးမဟုတ် ရွှေရှိမှအမျိုးလို့သတ်မှတ်ကြတဲ့ ရွှေမျိုးတွေကများသည်မဟုတ်လား။ လေးတန်းကျောင်းသား အရွယ်ကတည်းက အဝတ်အစားတွေ အိတ်ထဲထည့်အပေါင်ဆိုင်သွားပေါင်ရတဲ့ ဘဝကိုပြန်တွေးမိတိုင်း အားငယ်စိတ်တွေဝင်တုန်းပင်။ စုဗူးလေးနဲ့စုထားတဲ့ငွေလေးတွေဘယ်တော့မှမပြည့်၊ အမေက ဇာဂနာနဲ့ ညှပ်ပြီးယူယူသွားလေ့ရှိသည်။ အဆင် မပြေတဲ့ ဘ၀ ၊ အကြွေးတွေဝိုင်းနေတဲ့ဘဝကို ခံစားဖူးခဲ့တော့ အကြွေးနဲ့ပက်သက်ရင် အားစိုက်ပြီး သုတေသန လုပ်ဖြစ်ခဲ့သည်။

ကဲထားတော့ ….။ အခုပြောပြမဲ့ယတြာက အကြွေးယူသူရော အကြွေးရှင်ရော နှစ်ဦးစလုံးလုပ်လို့ရမဲ့ယတြာ ပါပဲ။ ဒါပေမဲ့အမြတ်ကြီးစားတဲ့ အကြွေးရှင်တွေအတွက် ဒီယတြာကစွမ်းမှာမဟုတ်သလို သူများအကြွေးယူပြီး မပေးချင်တဲ့သူတွေ အတွက်လဲဒီယတြာက ထိရောက်မှာမဟုတ်ပါဘူး။

ငွေလိမ်ခံရသူတွေ ၊ဆုမဲအလိမ်ခံရသူတေ၊ွ ယုံကြည်စွာအပ်နှံထားတဲ့ငွေတွေကိုအလွဲသုံးစားလုပ် ခံရသူတွေ၊ မိမိ လုပ်ငန်းမှငွေတွေကို အောက်လက်ငယ်သားတွေကလိမ်လည်ထွက်ပြေးခြင်းခံရသူတွေကတော့ ဒီယတြာကိုလုပ် လို့သင့်ပါတယ်။

ယတြာကဏ္ဍကိုစကြရအောင်။

ဒီယတြာကိုအင်္ဂဝိဇ္ဇာနည်းအတိုင်း သူ့ကိုနိုင်လို ဆကိုခိုတဲ့သဘောပါပဲ။ ထူးထူးခြားခြားအစွမ်းထက်တာတော့ လက်တွေ့လုပ်ကြည့်သူတွေသိပါလိမ့်မယ်။ တနင်္လာရဲ့ ဆပွတ်ဂြိုဟ်ဖြစ်တဲ့စနေဂြိုဟ်ကိုထောက်ပံ့ယတြာပြုပေးဖို့ ပါပဲ။ စနေဂြိုဟ်ရဲ့ သဘောသဘာဝတွေကိုတော့ ဒီနေရာမှာမပြောတော့ပါဘူး။ စာလေးမှာဆိုးလို့ပါ။

* ဒိန်ချဉ်တစ်ခွက် အိမ်ကဘုရားမှာ မကြာခဏကပ်လှူပေးပါ။

*အိမ်မှာ ဆွမ်းခံရဟန်းရှိတယ်ဆိုရင် ဆွမ်းဟင်း အဖြစ် ငါးခြောက်မီးဖုတ်လေးကိုလောင်းလှူပေးပါ။

*ရဟန်းသံဃာတွေကို ဖိနပ်လေးတွေ ဝယ်လှူပါ။

*နာတာရှည်ရောဂါသည်တွေကို တတ်နိုင်သ၍ ဆေးဝါးဓာတ်စာလှူဒါန်းပေးပါ။

*နီးစပ်ရာစေတီပုထိုးရဲ့ စနေထောင့်မှာ သန့်ရှင်းရေးလုပ်ပါ။ပန်းဟောင်းစွန့်ပါ။ ပန်းဆီမီးရေချမ်းကပ်လှူပြီး ဘုရားရှင်ရဲ့ဂုဏ်တော်တွေကို ရည်မှန်းပြီးရှစ်ခိုးပါ။ ထိုနောက်စနေဂြိုဟ်မင်းနှင့်တကွ စနေသားသမီးများကို မေတ္တာပို့အမျှဝေပါ။ မိမိအချိန်ရအားလပ်တဲ့နေ့တွေမှာလုပ်ပေးနိုင်ပါတယ်။

* ”ဒိဝါတပတိ” ဂါထာတော်ကို ၁၀၈လုံးပုတီးဖြင့် တစ်နေ့ တစ်ပါတ်စိပ်ပေးပါ။(တစ်လတိတိစိပ်ရမည်)

*နောက်ဆုံးတစ်ခုက မိမိရဲ့ အကြွေးသမားကို မေတ္တာများများပွားပါ။ (သူအဆင်ပြေမှ မိမိလဲအဆင်ပြေမှာ ဖြစ်တဲ့အတွက် သူချမ်းသာဖို့ အဆင်ပြေဖို့ ကျန်းမာဖို့ မေတ္တာပို့ပေးဖို့လဲလိုပါတယ်။)

ငွေကြေးကြပ်တည်းလို့ ကြွေးမဆပ်နိုင်သူတွေလဲ တဖြေးဖြေးနဲ့ဖဲ့ဆပ်သွားနိုင်ပါလိမ့်မယ်။ အကြွေးရှင်တွေကလဲ ရစရာရှိတဲ့သူတွေဆီက တဖြေးဖြေးနဲ့ပြန်ရပါလိမ့်မယ်။

အတိတ်ကမိမိပြုခဲ့တဲ့ အကြောင်းတရားတွေကြောင့်ဖြစ်လာတဲ့ဆိုးကျိုးတွေ မဟုတ်ဘူးဆိုရင် အဆင်ပြေတာများပါတယ်။ မိမိကပစ္စုပ္ပန်မှာ ဒါနနည်းတဲ့သူ ၊သူများပစ္စည်းခိုးတဲ့ သူ၊ ဣဿ မစ္ဆိ၇ိယများတဲ့သူ မဖြစ်ဖို့တော့လိုပါတယ်။ တတ်နိုင်ရင်တော့ ဘယ်သူပဲဖြစ်ဖြစ် အကြွေးကိစ္စ ကင်းအောင်နေနိုင်ရင်အကောင်းဆုံးပါပဲ။

၇ရက်သားသမီးအပေါင်း

ကောင်းသောလိုအင်ဆန္ဒတွေ ပြည့်ဝကြပါစေ၊၊

ငြိမ်းအေးလူ(ဗေဒင်သုတေသီ)

Viber Only(09775555695)

အိမ်ထောင်ဘက်နှင့် ရွေးချယ်မှု

By Nyein Aye Lu 0 Comments

အရင်အပတ်က အိမ်ထောင်ဘက်ဟာမိမိထက် အသက်ကြီးတာကောင်းလား ငယ်တာကောင်းလား ဆိုတဲ့ခေါင်းစဉ်နဲ့ပက်သက်ပြီး voting တစ်ခုလုပ်ခဲ့ပါသေးတယ်။ အားလုံးသတိထားမိမယ် ထင်ပါတယ်။ voting result အရတော့ အသက်ကြီးတဲ့အိမ်ထောင်ဘက်က ပိုကောင်းတယ် ဆိုတဲ့ ရာခိုင်နှုန်းကပို များပါတယ်။ လက်တွေ့ဘဝထဲမှာတော့ ဘယ်ဖွားဇာတာတွေက ဘယ်လိုအိမ်ထောင်ဘက်ကို ရွေးရမလဲ …ဆိုတာက တော့ စဉ်းစားစရာပါပဲ။

အိမ်ထောင်ဘက်ဆိုတာကတော့ မိမိနဲ့ဖူးစာရေစက်ပါသူပါပဲ။ ဖူးစာရေစက်နည်းရင် ခဏတာလေးနဲ့လမ်းခွဲ ခဲ့ရပြီး ဖူးစာရေစက်များရင်တော့ သေတပန်သက်တစ်ဆုံးလက်တွဲသွားရမှာပါပဲ။ ဗေဒင်ပညာအရတော့ တစ်ဦးတစ် ယောက်ချင်းစီရဲ့ ဇာတာအရတော့ အိမ်ထောင်ဘက်ကို ရွေးချယ်တတ်ဖို့ တတ်နိုင်သမျှ guide line ချပေးလို့ရတာ မျိုးရှိပါတယ်။ ဒါပေမဲ့ online ပေါ်မှာဖြစ်တာကြောင့် အများဖတ်လို့ရအောင် ရေးရတာမျိုးတွေတော့ ရှိပါတယ်။ ဗေဒင်ပညာနဲ့ပက်သက်ပြီး နက်နက်နဲနဲရေးဖို့ဆိုတာ အများနားမလည်ရင်အလကားပါပဲ။ ကဲထားတော့ ….။

အိမ်ထောင်ဘက်ရွေးချယ်မှုနဲ့ပက်သက်ပြီး အထောက်အကူဖြစ်စေဖို့ မိမိသိသလောက်လေး ဝေမျှလိုက်ပါ တယ်။ အဓိကတော့ မွေးတဲ့နှစ်သိဖို့လိုပါတယ်။ မြန်မာမွေးခုနှစ်ကို တည်ပြီး ၇နဲ့စားလိုက်ပါ။ ရလတဲ့အကြွင်းတွေ အလိုက် ဟောကိန်းလေးတွေ ဖတ်သွားကြည့်ရအောင်ဗျာ။ အားလုံးအတွက် စဉ်းစားစရာလေးရသွားမယ်ဆိုရင် ကျေနပ်ပါတယ်။

ဥပမာအနေနဲ့ ၁ကြွင်းတွေကိုတွက်ကြည့်ရအောင်ဗျာ။ ၁၃၈၀၊ ၁၃၇၃၊၁၃၆၆၊ ၁၃၅၉၊၁၃၅၂၊ ၁၃၄၅၊ ၁၃၃၈၊ ၁၃၃၁ စတဲ့ခုနှစ်တွေကို ၇နဲ့စားကြည့်ပါ။ ၁ကြွင်းနေတာကိုတွေ့ရပါလိမ့်မယ်။ ဒါကြောင့် ဒီခုနှစ်တွေမှာ မွေးဖွားကြတဲ့သူတွေကို ၁ကြွင်းဖွားတွေလိုပဲ ခေါ်ပါတယ်ဗျာ။နောက်အကြွင်းဖွားတွေကိုတော့ အသေးစိပ်မရေးပြ တော့ပါဘူး။ ကိုယ်ဘာသာတွက်ကြည့်ကြစေချင်ပါတယ်။

ကိုယ်ရဲ့ မြန်မာမွေးသက္ကရာဇ်လေးတွေကို ၇နဲ့စားပြီး အောက်က အဟောလေးတွေနဲ့ တိုက်ဆိုင် စစ်ဆေးကြည့်ပါ။အဟောလေးတွေကို ကြည့်ပြီး တွေးဆဆင်ခြင်နိုင်ဖို့ပါပဲ။

၁ကြွင်း

၁ကြွင်းဖွားတွေဟာ မိမိရဲ့အိမ်ထောင်ဖက်အပါ် ဂရုစိုက်လွန်းတဲ့သူပါပဲ။ အိမ်ထောင်ဘက်ရဲ့လိုအပ်ချက်တွေ ကိုလဲဖြည့်ဆည်းပေးချင်တဲ့သူတွေ များပါတယ်။ ဒါကြောင့်ပဲ အိမ်ထောင်ဘက်ရဲ့ အရိပ်အကဲကိုအမြဲကြည့်နေတတ် သူပါပဲ။ အိမ်ထောင်ဘက်အပေါ်အာရုံစိုက်လွန်းတော့ အမြင်မတော်တာတွေ့ရင် ပြောမိ အပြစ်တင်မိတတ်ပါတယ်။ အဝတ်အစားဝတ်တာ ၊ ဆံပင်ပုံစံကအစ ကောင်းမကောင်းပြောနေတတ်သူမျိုးပါပဲ။ ဒါကြောင့် ၁ကြွင်းဖွားတွေဟာ အိမ်ထောင်ဘက်ကိုရွေးချယ်တဲ့အခါ မိမိပြောစကားကို နာခံတတ်သူကို ရွေးမိဖို့လိုပါတယ်။ မိမိပြောနေတာကို စေ တနာနဲ့ပြောပါလားဆိုတာကို သိတဲ့သူဖြစ်ဖို့လိုပါတယ်။ ဒါကြောင့် အိမ်ထောင်ဘက်ဟာ ငယ်တာကြီးတာထက် ပြောဆိုဆုံးမလွယ်သူဖြစ်ရပါလိမ့်မယ်။ ဒါကြောင့် မိမိထက်ငယ်ရွယ်သူမျိုးကတော့ မိမိထက် ကြီးသူထက်စာရင် ပိုမို နာခံတတ်တဲ့သူဖြစ်မယ်လို့တော့ ခန့်မှန်းရတာပေါ့ဗျာ။

၂ကြွင်း

၂ကြွင်းဖွားတွေရဲ့နေထိုင်မှုပုံစုံကတော့ ရှင်းပါတယ်။ အိမ်ထောင်ဖက်ရဲ့ စိုးမိုးတာ ချုပ်ချယ်တာကိုမခံလိုကြ ပါဘူး။ မိမိစိတ်ထဲရှိသလိုနေတတ်တဲ့သူမျိုးပါပဲ။ မိမိကလဲ အိမ်ထောင်ဘက်အပေါ် မစိုးမိုးပါဘူး။ အိမ်ထောင်ဘက် ကိုလဲ မချုပ်ချယ်တတ်သူမျိုးပါ၊ ကိုယ်လဲစိတ်ချမ်းသာသလိုနေတယ်။ မင်းလဲလွတ်လွတ်လပ်လပ်နေဆိုတာမျိုးပါပဲ။ အရမ်းလွန်လာတာမျိုးမှပဲ ပြောတတ်ဆိုတတ်သူပါ။ ၂ကြွင်း ဖွားတွေဟာအိမ်ထောင်တစ်ခုတည်ဆောက်ပြီဆိုရင် တော့ မိန်းကလေးပဲဖြစ်ဖြစ် ယောကျာ်းလေးပဲ ဖြစ်ဖြစ် အိမ်ထောင်တစ်ခုကို မိမိကပဲဦးဆောင်ရတာပဲများပါတယ်။ ဒါကြောင့် အိမ်ထောင်ဘက်ရွေးချယ်ရာမှာတော့ မိမိနဲ့အသက်မတိမ်းမယိမ်းရှိသူကတော့ ပိုကောင်းတယ်လို့ ယေဘုယျ သုံးသပ်လို့ရပါတယ်။ ပွင့်ပွင့်လင်းလင်းနဲ့ဆက်ဆံလို့ရတဲ့သူမျိုးဆို အကောင်းဆုံးပါပဲ။

၃ကြွင်း

၃ကြွင်းဖွားတွေဟာ အခြားအကြွင်းဖွားတွေနဲ့ မတူတဲ့အချက်တွေများပါတယ်။ ၃ကြွင်းဖွားတွေဟာ အနည်း ငယ်ဇီဇာကြောင်တတ်သူတွေများပါတယ်။ ဒါကြောင့်ပဲ ၃ကြွင်းဖွားတွေနဲ့ အဆင်ပြေမဲ့အိမ်ထောင်ဘက်ကရှားပါ တယ်။ အစားအသောက်ကအစ အဝတ်အစားကအစ ဇီဇာကြောင်တတ်သူတွေပါ။ စကားအပြောအဆိုလဲ မတတ်ပါဘူး။ သူများနားဝင်အောင်မပြောတတ်ကြပါဘူး။ ၃ကြွင်းဖွားတွေကို ဘဝကြင်ဖော်အဖြစ်ရွေးချယ်မဲ့သူတွေ ကတော့ ခန္တီပါရမီ ဖြည့်တယ်လို့သဘောထားရမှာပါ။ အိမ်ထောင်ဘက်ကိုရွေးချယ်ရာမှာလဲ မိမိက အထင်ကြီး လေးစားတဲ့သူကိုပဲရွေးချယ်တတ်ပါတယ်။မိမိစိတ်မှာလေးစားမှုတွေရှိတဲ့သူကိုပဲ အိမ်ထောင်ဘက်အဖြစ်ရည်မှန်း ထားတတ်ပါတယ်။ ဒါကြောင့်ပဲ ၃ကြွင်းဖွားတွေဟာ မိမိထက်အသက် ငယ်သူထက် မိမိကိုသည်းခံနိုင်မဲ့ မိမိထက် အသက်အရွယ်ကြီးသူက ပိုသင့်တော်ပါတယ်။

၄ကြွင်း

လေးကြွင်းဖွားတော်တော်များများဟာ ငွေရှိမှ ရွှေရှိမှ ဂုဏ်ရှိတယ်ထင်ကြပါတယ်။ အားလုံးမဟုတ်ပေမဲ့ အများစုကတော့ အဲဒီစိတ်လေးအခြေခံရှိပါတယ်။ ဒါကြောင့်ပဲ ၄ကြွင်းဖွားတွေဟာမိမိအားကိုးရမဲ့သူမျိုးတွေပဲ ရွေး ချယ်တတ်ပါတယ်။ မိမိမှီခိုလို့ရမလား၊ နောက်ခံအင်အားတောင့်တင်းရဲ့လား၊ စီးပွားရေးရောရှိရဲ့လားဆိုတာကို ထည့်သွင်းစဉ်းစားတတ်သူပါပဲ။ ဖြတ်လမ်းနည်းနဲ့ ချမ်းသာချင်စိတ်လဲရှိကြပါတယ်။ နောက်ပြီး ၄ကြွင်းဖွားတွေဟာ စိတ်ဆင်းရဲတဲ့ဒဏ်ကိုမခံနိုင်ကြပါဘူး။ အိမ်ထောင်ရေးမှာ စိတ်ဆင်းရဲစရာများကြုံလာပြီဆို အိမ်ထောင်ရေးကို ဖြိုခွဲ ဖို့ဝန်မလေးတတ်ကြပါဘူး။ ဒါကြောင့်ပဲ ၄ကြွင်းဖွားတွေရဲ့ အိမ်ထောင်ဘက်ဟာ မိမိကိုစိတ်ချမ်းသာ အောင်ထားနိုင်တဲ့သူ ၊မိမိအနွံတာ ကိုခံနိုင်တဲ့သူဖြစ်ရပါလိမ့်မယ်။ အဲဒါကြောင့် တွေးကြည့်မယ်ဆိုရင် ၄ကြွင်းဖွား တွေဟာမိမိထက်အသက်ကြီးသူကိုရွေးချယ်တာပိုသင့်တော်ပါတယ်။

၅ကြွင်း

၅ကြွင်းဖွားတွေဟာ အမြဲတမ်း active ဖြစ်နေကြတဲ့သူတွေပါပဲ။ အမြဲတမ်းနိုးကြားထက်သန်နေတဲ့သူတွေ များပါတယ်။ ၅ကြွင်းဖွားတွေရဲ့အိမ်ထောင်ဖက်ဟာ ပျင်းရိလေးတွဲနေတဲ့သူ ဖြစ်လို့မရပါဘူး။ လန်းဆန်းတတ်ကြွပြီး ဝတ်တာစားတာကအစ ခေတ်မီနေဖို့လိုပါတယ်။ ၅ကြွင်းဖွားတွေဟာ မယူခင်ကတည်းက အိမ်ထောင်ဘက်ဟာ မိမိနဲ့ ဘယ်လောက်ထိကိုက်ညီမှုရှိသလဲ ဆိုတာကိုသေချာကြည့်ပြီးမှ လက်တွဲလေ့ရှိပါတယ်။ သေချာစဉ်းစားပြီးမှ အိမ်ထောင်ပြုကြတဲ့အတွက် အိမ်ထောင်ရေးသောကတော့ နည်းပါတယ်။ ၅ကြွင်းဖွားတွေဟာ အိမ်ထောင်ဘက်ကို မိမိလိုရာပုံသွင်းလို့မရရင် စိတ်ပျက်သွားတတ်ပါတယ်။ နောက်တစ်ချက်က အိမ်ထောင်ဘက်က လက်ထက်ပြီး မပြင်မဆင်နေတာမျိုး နဲ့ body မထိန်းဘဲပုံပျက်နေတာမျိုးဆိုရင်တော့ အိမ်ထောင်ရေးကို စိတ်ကုန်သွားတတ်ပါ တယ်။ မိမိထက်အသက်ကြီးသူထက် မိမိထက် အသက်ငယ်သူကို ၅ကြွင်းဖွားတွေအနေနဲ့ ဦးစားပေးရွေးသင့် ကြောင်းတင်ပြလိုက်ရပါတယ်ဗျာ။

၆ကြွင်း

၆ကြွင်း သမားတွေဟာအချစ်ရေးအိမ်ထောင်ရေးမှာတော့ ပေးဆပ်မှုသက်သက်အတွက် မွေးဖွားလာသူလို့ တောင်ဆိုရမလိုပါပဲ။ အိမ်ထောင်ရေးမှာလဲ အနစ်နာခံရ ၊သည်းခံရတာမျိုးတွေအမြဲရှိနေတတ်သူပါပဲ။ ဘာသာမတူ၊ လူမျိုးမတူ၊ စရိုက်မတူသူတွေနဲ့ လက်တွဲခွင့်ကြုံရတတ်ပါတယ်။ နိုင်ငံခြားသားနဲ့ လက်ထပ်ထားသူအများစုဟာ ၆ကြွင်းတွေဖြစ်နေတတ်ပါတယ်။ လိင်တူချင်း လက်ထပ်ထားသူအများစုကလဲ ၆ကြွင်းတွေဖြစ်နေတာ အံ့သြစရာ ပါ။ အကျင့်စရိုက်ဗီဇတွေ မတူကြတာကြောင့် အိမ်ထောင်ရေးကံခေသူများဟာ ခြောက်ကြွင်းဖွားတွေများနေပါ တယ်။ ဒါကြောင့်ပဲ ၆ကြွင်းဖွားတွေဟာ အိမ်ထောင်ဖက်ကို ရွေးချယ်တဲ့အခါမှာတော့ မိမိအပေါ်နားလည်မှုရှိတဲ့သူ မိမိကို စာနာတတ်သူမျိုးကို ရွေးချယ်ရပါလိမ့်မယ်။ ကံကြမ္မာအရ မိမိထက် ငယ်လွန်းသူ ကြီးလွန်းသူတွေနဲ့ ဖူးစာ ဆုံတတ်ပါတယ်။ ဒါပေမဲ့ မိမိနဲ့ အသက် မတိမ်းမယိမ်းရှိတဲ့သူ မိမိအကြောင်းကို သေချာစွာသိသူ မိမိကိုမြတ်နိုးတဲ့ သူမျိုးကိုရွေးချယ်သင့်ပါတယ်။

၀ကြင်း

၀ကြွင်းတွေက အချစ်ရေးမှာအသည်းကွဲရ ၊ခံစားရတာတွေများနေတတ်ပါတယ်။ ၀ကြွင်းဖွားတွေကို အကောင်းဆုံးအကြံပေးချင်တာက ကိုယ်ချစ်ထက် သူချစ်ကိုရှာစေချင်တာပါပဲ။ မိမိက အသည်းအသန်ချစ်တယ်… အရမ်းပဲမြတ်နိုးတန်ဖိုးထားမိတယ်ဆိုရင် ထိုချစ်သူနဲ့ မဆုံဆည်းရဘဲ လမ်းခွဲရတာမျိုးတွေဖြစ်လွယ်ပါတယ်။ တနင်္ဂနွေဂြိုဟ်ဟာ တနင်္လာအိမ်မှာရပ်တည်ထားမှုတွေကလဲ လက်မထပ်ဘဲ အတူနေဖို့ကမ်းလှမ်းခံရခြင်း၊ အငယ် အနှောင်းအဖြစ်နေဖို့ ကမ်းလှမ်းခံရခြင်းမျိုးတွေကြုံရတွေရတတ်ပါတယ်။ လက်ထပ်ဖို့စဉ်းစားထားပြီဆိုရင်တော့ အမိအဖတွေကိုလဲတိုင်ပင်သင့်တဲ့ဇာတာမျိုးပါပဲ။ မိဘသဘောတူကြည်ဖြူတဲ့သူမျိုးကိုရွေးတာကတော့ ပိုကောင်းတတ်လို့ပါပဲ။ အိမ်ထောင်ရေး အချစ်ကိစ္စတွေရှိရင် မိမိယုံကြည်ရသူတွေကို တိုင်ပင်ပါ။အကြံဉာဏ် တောင်းပါ။ ဘဝလက်တွဲဖော်ရွေးချယ်ရာမှာတော့ မိမိရဲ့နမော်နမဲ့နိုင်မှုကို စိတ်ရှည်သည်းခံနိုင်သူမျိုးနဲ့ အသက်ငယ် တာကြီးတာကို အလေးမထားဘဲတစ်ယောက်အကြောင်းတစ်ယောက် အတွင်းသိအဆင်းသိတဲ့ သူမျိုးကို စဉ်းစား သင့်ပါတယ်။

ယေဘုယျလောက်ပဲ ပြောပေးရတဲ့အတွက် အားရကျေနပ်မှုတွေတော့ မရှိပါဘူး။ အားလုံးဖတ်နိုင်အောင်လို့သာ ရေးပေးရတာမျိုးပါ။ အနုစိပ်အသေးစိပ်ကို တော့ ကိုယ်နဲ့နီးစပ်ရာဆရာဆီမှာ မေးပြီး အကြံဉာဏ်တောင်းစေချင်ပါတယ်။ အိမ်ထောင်ရေးဆိုတာလဲ ဘဝတစ်ခုမှာ အရေးပါတဲ့ အခန်းကဏ္ဍတစ်ခုအဖြစ် ရပ်တည်နေပါတယ်။ အထူးသဖြင့် မိန်းကလေးအတွက် အိမ်ထောင်ပြုမမှားစေချင်ပါဘူး။

တွေးဆဆင်ခြင် ဆုံးဖြတ်နိုင်ကြပါစေ…..။

၇ရက်သားသမီးအပေါင်း

ကောင်းသောလိုအင်ဆန္ဒတွေပြည့်ဝကြပါစေ။

ငြိမ်းအေးလူ (ဗေဒင်သုတေသီ)

Viber Only( 09775555695)

ကံညံ့တော့မယ်ဆိုတာ ဘယ်လိုသိနိုင်မလဲ?

By Nyein Aye Lu 0 Comments

ညအချိန်တွေ စာမရေးဖြစ်တာမျိုးနဲ့ လိုင်းပေါ်မှာ ဗေဒင်ဟောစရာ မကျန်တဲ့ နေ့မျိုးဆိုရင် ခပ်စောစော အိပ်ရာဝင်ဖြစ်ပါတယ်။ အဲလိုနေ့မျိုးဆို မနက်၄:၃၀လောက် အိပ်ရာနိုးနေတတ်ပါတယ်။

ဒီမနက်လဲ အိပ်ရာဝင်စောတာကြောင့် စောစောနိုးနေပြန်ပါပြီ။ ဒါကြောင့်ပဲ မျက်နှာသစ်ပြီး အိမ်နဲ့နီးတဲ့ ရွှေမောဓောဘုရားဆီ ခြေလျင်လျှောက်လာခဲ့မိတယ်။ အလုပ်ကလဲ အထိုင်များတဲ့ အလုပ်ဆိုတော့ ဝိတ်က သိသိသာသာတတ်နေတာပါ၊

ကျန်းမားရေးကောင်း ကုသိုလ်လဲရအောင် ဘုရားရင်ပြင်ပတ်ပြီး မေတ္တာသုတ်ပွားနေမိတယ်။ နံနက် ၆နာရီထိုးတော့ ယက္ခမယ်တော်နန်း အထက်ပစ္စယံမှာ ပုတီးစိပ်တရားမှတ်တယ်။ အမောလဲပြေ ၊ တိတ်ဆိတ်တော့ သမာဓိလဲ ရလွယ်တယ် မဟုတ်လား …ဒါကြောင့်ပဲ သူတော်ကောင်းတွေက ကာယဝိဝေက ဖြစ်တဲ့နေရာမှာ နေထိုင်ကြဟန်တူပါရဲ့။

တရားမှတ်ပြီး အနောက်ဖက်မုခ်လှေကားအတိုင်း ဆင်းလာခဲ့တယ်..။ ကိုယ်လက်လှုပ်ရှားမှုတွေကြောင့်ပဲလားတော့ မသိ…ဝမ်းကဟာလာသည်။ ဒါနဲ့ပဲ သုဒဿ နလမ်း(ယခင်စွန်ပလွန်ကန်လမ်း)က ဒေါ်တဆုပ်ဘိန်းမုန့် ၂ချပ်ဝယ်…. tango လက်ဖက်ရည်ဆိုင်မှာ လက်ဖက်ရည်နဲ့ ဘိန်းမုန့် ကို မနက်စာအဖြစ်စားဖြစ်လေသည်။

ဝါတွင်းသက်သတ်လွတ်စားတာကြောင့် အခြားဖွယ်ဖွယ်ရာရာ အစားအသောက်တွေလဲ မစားဖြစ်။ စားသောက်ပြီးလို့ ရေနွေးကြမ်းသောက်နေတုန်း ……

“ဟာ ဆရာငြိမ်း …စောစောစီးစီး ဆိုင်ထိုင်လို့ပါလား…”

တစ်ရပ်ကွက်ထဲနေတဲ့ …ကိုအောင်မင်း…

သူနဲ့က အသက်ချင်းသိပ်မကွာ…ပြောမနာ ဆိုမနာ

နေကြသူတွေ…

” လာထိုင်ကိုအောင်မင်း .. စောစောနိုးတာနဲ့ ဘုရားဖူးပြီး ထွက်လာခဲ့တာ…ဘာသောက်မလဲ”

“ပေါ့ဆိမ့်ပဲ သောက်မယ်ဆရာ.. “

စာပွဲးထိုးလေးက ပေါ့ဆိပ်တစ်ခွက်လာချပေးသည်။

“ဆရာငြိမ်း…ကိုမေးရအုံးမယ်ဗျ …ရင်ထဲမရှင်းတာလေးရှိလို့ ….

“ဗေဒင်မေးတာဆိုရင်တော့ မဖြေဘူးဗျာ …စောစောစီးစီး ခေါင်းမစားချင်သေးဘူးဗျ….”

ကိုအောင်မင်းက သောက်လက်စလက်ဖက်ရည်ကို ကပျာကယာ ချလိုက်ပြီး…

“ဗေဒင်မမေးပါဘူးဗျ… ပြောရရင် ဒီလိုဗျ …ဆရာငြိမ်းတို့က ဗေဒင်ဆရာဆိုတော့ ဘယ်နှစ်ကံညံ့မယ်…ဘယ်နှစ်ဆို ကံတွေကောင်းမယ်….ကံညံ့နေရင် ဘယ်လိုဆင်ခြင်နေထိုင်ရမလဲဆိုတာ သိတယ်ဗျာ … ကျွန်တော်တို့လို ဗေဒင် နားမလည်တဲ့သူတွေကျတော့ မသိဘူးလေ…. “

ပြောရင်းမောသွားဟန်ဖြင့် ရေနွေးငှဲ့သောက်နေပြန်သည်။

“အဲဒီတော့ ကိုအောင်မင်းဆိုလိုချင်တာက …”

“ဒီလိုဆရာရေ …ဗေဒင်မမေးကြည့်ဘဲ ကံညံ့တော့မယ်ဆိုတာကို ဘယ်လိုအချက်တွေအရ သိနိုင်မလဲဗျာ…နောက်တစ်ခု အဲလိုကံညံ့လာပြီဆို ကိုယ့်ဘာသာ လုပ်လို့ရမဲ့ ယတြာအစီအရင်မျိုးရောရှိလားဗျ”

သူမေးတဲ့ကိစ္စက ဗေဒင်ဆရာတွေ အလုပ်ပါးမဲ့ကိန်းဆိုက်နေသည်၊

“သြော် …ခင်ဗျားက ကျွန်တော်ဆီ ဉာဏ်ပူဇော်ခပေးပြီး ဗေဒင်မမေးချင်လို့ ..ဒီလိုမေးတာလား…”

“ဟား..ဟား…ဟား…မဟုတ်ပါဘူးဆရာရယ်…ဗေဒင်ဆရာဆီ မရောက်ဖြစ်တဲ့ နိုင်ငံရပ်ခြားရောက်နေသူတွေ…နယ်အစွန်အဖျားရောက်နေသူတွေ..ဆို ဆင်ခြင်လို့ရအောင်မေးကြည့်တာပါ”

“အေးဗျ …ဒီလိုဆိုတော့လဲ ပြောပေးရတာပါ..ကျွန်တော်သိသလောက်ပဲ ပြောပြမယ်ဗျ….လိုအပ်တာလဲ ရှိရင်ရှိမှာပေါ့လေ…”

“ရပါတယ်ဆရာငြိမ်း…သိသလောက်ပေါ့”

“နံပါတ်အစဉ်လိုက်ပြောပြမယ်ဗျ…

လူတစ်ယောက်ဟာ ကံညံ့တော့မယ်ဆိုရင်

၁။ အရင်ကထက်ပိုပြီး ဒေါသ၊ လောဘ၊မောဟပိုကြီးလာတတ်တယ်ဗျ…အရင်ကထက် ထစ်ခနဲရှိစိတ်တိုနေပြီဆို …သတိထားဗျ ..ကံညံ့တော့မယ်လို့ပြတာပဲ…

၂။မကောင်းတဲ့ကိစ္စရပ်တွေကို ကောင်းတယ်လို့မြင်လာတတ်တယ်…ဥပမာဗျ ..အရင်ကအရက်သိပ်မသောက်ဖြစ်ဘူးဆိုပါတော့…ကံညံ့တော့မယ်ဆို ..အကြောင်းပြချက်မရှိ အရက်ခဏခဏ သောက်ဖြစ်တာမျိုး… မကောင်းတဲ့ မိုက်တဲ့ သူငယ်ချင်းတွေကို သူငယ်ချင်းကောင်းလို့ ထင်လာတာမျိုးပေါ့

၃။ ဆိုဆုံးမတဲ့စကားတွေကို နာခံဖို့ ခက်ခဲလာတတ်တယ်…လူကြီးမိဘတွေက ဆုံးမရင်မနာခံဘဲ ထင်ရာလုပ်နေမိတတ်ပါတယ်။

၄။ အပျော်အပါးပိုမက်လာတယ်…အရင်ကအပျော်အပါးကို ကြုံမှလုပ်တတ်ပေမဲ့ ကံညံ့တော့မယ်ဆို အပျော်ဘက်ကို အချိန်ပိုပေးလာတတ်တယ်…

၅။ မွေးလရောက်ခါနီးတိုင်း အပြောင်းအလဲ တစ်စုံတစ်ရာကြုံ တယ်…ဆိုပါတော့ဗျ …လူမှုရေးပြဿ နာတတ်တာမျိုး ၊အစွပ်အစွဲခံရတာမျိုး ၊accident အသေးလေးဖြစ်တတ်တာမျိုးတွေ ကြုံရတတ်တယ်..

၆။ ဒါကတော့ ကြိုသတိပေးတာပါ…အိမ်မက်ထဲမှာ နိမိတ်ပြတာမျိုးနဲ့ လာပြီးဆောင်ရန်ဆောင်ရန် ပြောတာမျိုးပါ။ ဒါကတော့ ကုသိုလ်များသူနဲ့ ပဌာန်းဆက်ရှိသူတွေရဲ့ အကူအညီကြောင့် သိရတာပေါ့ဗျာ

ဒီလောက်ဆို ကံညံ့တော့မယ်ဆိုတာ ကြိုတင်သတိထားမိမယ်ထင်ပါတယ်..

“ကျေးဇူးပါဆရာငြိမ်းရယ် …ဒီလောက်ဆိုတော်တော်လေးပြည့်စုံပါပြီ…”

“အေးပါဗျာ ပြောလက်စနဲ့က ယတြာတွေပါ ပြောလိုက်ပါ့မယ်ဗျ ….ယတြာက သိပ်ခက်ခက်ခဲခဲတော့ မဟုတ်ပါဘူး…လူတိုင်းမှာ ကံသုံးပါဆိုတာကို ပြုမူကြတယ်.. ကာယကံ ဝစီကံနဲ့ မနောကံ…ပဲလေ…

ကောင်းတဲ့ ကာယကံအမှု ၊ကောင်းတဲ့ ဝစီကံအမှု နဲ့ ကောင်းတဲ့ မနောကံအမှုတွေကို ပြုရမယ်…

*ကံညံ့နေပြီဆို မေတ္တာနဲ့ယှဉ်တဲ့ စိတ်မျိုးနေထိုင်ရတယ်ဗျ…စိတ်ကောင်းမွေးရမယ်ပေါ့ဗျာ

*ဝစီကံအနေနဲ့ကတော့ ဝစီဒုစရိုက် ၄ပါးကိုရှောင်ပြီး ပရိတ်ပဌာန်းတွေနဲ့ ဘုရားရှင်ရဲ့ နှုတ်ခပတ်

တော်တွေကို ရွတ်ပွားနေသင့်တယ်။

*ကာယကံအနေနဲ့တော့ ဘုရားစေတီတွေမှာ တံမြက်စည်း လှဲတာ၊ ရေညှိတွေ ချွတ်တာ၊ ပန်းဟောင်းတွေစွန့် တာ …ဘုန်းကြီးကျောင်းတွေမှာ ဝေယျာဝစ္စလုပ်ပေးတာ …ကုဋီတွေကို ဆေးကြောပေးတာမျိုးတွေလုပ်သင့်တယ်….ပရဟိတအလုပ်နဲ့ လူမှုရေးအလုပ်တွေလဲ လုပ်သင့်တယ်ဗျ…..

ဒီအချက်တွေကို ဟန်ချက်ညီညီလုပ်ပေးမယ်ဆို ကံညံ့နေတဲ့ ဂြိုဟ်ဆိုး ဂြိုဟ်ညံ့တွေကနေ လျော့ပါးသက်သာခွင့်တွေရမယ်ပေါ့ဗျ….

ဒါတွေကတော့ ဗေဒင်ဆရာဆီလာစရာမလိုဘဲ မိမိတို့ ဘာသာပြုမူနေထိုင်လို့ရမဲ့ နည်းလမ်းတွေပါပဲ…

ဒီလောက်ဆို ကိုအောင်မင်း သဘောပေါက်မယ်နဲ့တူတယ်…”

“သဘောပေါက်ပါတယ်ဆရာ …ကျေးဇူးလဲတင်ပါတယ်…”

“ကဲ…နေလဲပူလာပြီ…ကိုအောင်မင်းရေ …ပြန်ကြရအောင်…”

“ဟုတ်ဆရာ …ပြန်မယ်လေ..လက်ဖက်ရည်ဖိုး ကျွန်တော်ရှင်းလိုက်ပါ့မယ်…”

“ကောင်းပါပြီဗျ”

လက်ဖက်ရည်ကနေ ထွက်လာခဲ့သည်။ စောသေးပေမဲ့ တော်သလင်းနေက ပူလွန်းသည်။ နေအပူကို အန်တုပြီး လူတွေလှုပ်ရှားသွားလာနေကြသည်…။

နေအပူထက် ရင်ထဲက အပူတွေက ပိုကြီးမယ်ဆိုတာ တွေးနေရင်း …

၇ရက်သားသမီးအပေါင်း

ကောင်းသောလိုအင်ဆန္ဒတွေပြည့်ဝကြပါစေ။

ငြိမ်းအေးလူ (ဗေဒင်သုတေသီ)

Viber Only- 09775555695

Hotline -09445555695

ဂဏန်းသမားများအားလုံးအတွက် အကျိုးပေးအရောင်နှင့် အဆောင်ရတနာများ

By Nyein Aye Lu 0 Comments

(1,10,19,28) ရက်မွေးသူများ (၁) ဂဏန်းဖွား တွေအတွက်
အကျိုးပေးအရောင်-ရွှေရောင်၊ အဝါရောင် ။
အကျိုးပေးကျောက်မျက်ရတနာ- စိန်၊ ပတ္တမြား၊ ပယင်း

(2,11,20,29) ရက်မွေးသူများ (၂) ဂဏန်းဖွားများအတွက်
အကျိုးပေးအရောင်-အစိမ်းရောင်
အကျိုးပေးကျောက်မြတ်ရတနာ-ကျောက်စိမ်း၊ ပုလဲ။

(3,12,21,30) ရက်မွေးသူများ (၃) ဂဏန်းဖွားများအတွက်
အကျိုးပေးအရောင်- အပြာရောင်၊ ခရမ်းရောင်
အကျိုးပေးကျောက်မြတ်ရတနာ- ကျောက်နီ၊ ဂေါ်မုတ်

(4,13,22,31) ရက်မွေးသူများ (၄) ဂဏန်းဖွားများအတွက်
အကျိုးပေးအရောင်- အညိုရောင်
အကျိုးပေးကျောက်မြတ်ရတနာ- နီလာ

(5,14,23) ရက်မွေးသူများ (၅) ဂဏန်းဖွားများအတွက်
အကျိုးပေးအရောင်- ရောယှက်ရောင်စုံ
အကျိုးပေးကျောက်မြတ်ရတနာ- စိန်၊ ငွေ

(6,15,24) ရက်မွေးသူများ (၆) ဂဏန်းဖွားများအတွက်
အကျိုးပေးအရောင်- အပြာရောင်
အကျိုးပေးကျောက်မြတ်ရတနာ- ပုလဲ၊ မြ

(7,16,25) ရက်မွေးသူများ (၇) ဂဏန်းဖွားများအတွက်
အကျိုးပေးအရောင်- အစိမ်း၊ အဖြူ ၊အဝါ၊အရောင်မှိုင်း
အကျိုးပေးကျောက်မြတ်ရတနာ- ကြောင်ကျောက်၊ပုလဲ။

(8,17,26) ရက်မွေးသူများ (၈) ဂဏန်းသမားများအတွက်
အကျိုးပေးအရောင်- အနက်၊ အပြာရောင်၊ ခရမ်းရောင်။
အကျိုးပေးကျောက်မြတ်ရတနာ- ပုလဲနက်၊ စိန်နက်၊ ကျောက်နက်။

(9,18,27) ရက်မွေးသူများ (၉) ဂဏန်းသမားများအတွက်
အကျိုးပေးအရောင်- အနီ၊ ကြက်သွေးရောင်။
အကျိုးပေးကျောက်မြတ်ရတနာ- ပတ္တမြား၊ သံ။

၇ရက်သားသမီးအပေါင်း
ကောင်းသောလိုအင်ဆန္ဒတွေပြည့်ဝကြပါစေ။

ငြိမ်းအေးလူ (ဗေဒင်သုတေသီ)
09775555695
09445555695

Category: ယတြာများ