ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ ပြာသိုလဆန်း(၃)ရက်၊ စနေနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊ဒီဇင်ဘာလ(၂၄)ရက်နေ့လဲ ဖြစ်ပါတယ်။
ဒီနေ့နံနက်(၅း၅၇)နာရီမှာ အရုဏ်တတ်ပါတယ်။ နေထွက်ချိန်နံနက်(၆း၄၅)နာရီဖြစ်ပြီး ၊ ညနေ(၅း၂၅)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အနောက်တောင်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အရှေ့မြောက်အရပ် ဖြစ်ပါတယ်။ စန်းပွင့်ရာအရပ်က အရှေ့အရပ် ဖြစ်ပါတယ်။
လက်သမားမြေခံ နွား မြေခံဖြစ်၍ ဉစ္စာပစ္စည်းများ ရတတ်သော နေ့ဖြစ်သောကြောင့် ပျဉ်ထောင်အိမ်တွေ ဆောက် တာ၊ တဲတွေ၊ ဆိုင်ခန်း၊ လိုင်းခန်းတည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွ တာတွေ ဆောင်ရွက်လို့ အထူးကောင်းပါတယ်။
တီထိမြေခံအရမွန်းလွဲ ၁နာရီအထိ ဗုဒ္ဓဟူးမြေခံဖြစ်ပါတယ်။ ဗုဒ္ဓဟူးမြေခံအရ ဉစ္စာပစ္စည်းများ အလွယ်တကူရရှိ ခြင်းနှင့် ချမ်းသာရတတ်ခြင်းအကျိုးကိုပေးတာကြောင့် ခိုင်ခန့်တဲ့ အဆောက်အဦးတွေ၊ ကျောင်းတွေ၊ အိမ်တွေ၊ လမ်း တံတားတွေ အထပ်အမြင့်အဆောက်အဦးတွေ ဆောက်လုပ်တာ၊ တိုင်ထူတာ၊ ပန္နက်ရိုက်တာတွေ အထူးကောင်း ပါတယ်။မွန်းလွဲတစ်နာရီကျောင်ရင်တော့ မဆောင်ရွက်သင့်တော့ပါဘူး။
ဒီနေ့ဟာ ရက်ရာဇာ ရက်ကျရောက်နေတာဖြစ်ပါတယ်။
ဒီနေ့ဟာ တီထိအရတော့ မွန်းလွဲ ၁နာရီအထိ လဆန်းတီထိ တစ်လုံးကျော်ရင်တော့ လဆန်းတီထိ ၂လုံးဖြစ်ပါလိမ့် မယ်။ ကောင်းမြတ်ခြင်း၊ပျော်ရွှင်ခြင်းတွေကိုပေးတဲ့ နန္ဒတီထိကျရောက် တဲ့နေ့ရက်ပဲဖြစ်ပါတယ်။ ဒီလိုနေ့မျိုး ဟာ ပျော်ရွှင်စရာ၊ကြည်နူးစရာတွေများတဲ့နေ့ရက်ပါပဲ။ အမည်ပေးခြင်း၊ဆိုင်း ဘုတ်တင်ခြင်း လုပ်ငန်းသစ်စတင်ခြင်း မျိုး တွေ အထူးဆောင်ရွက်နိုင်ပါတယ်
ပစ္စည်းဝယ်ယူလှောင်ခြင်း၊ရင်းနှီးမြုပ်နှံခြင်းတွေအထူးကောင်းပါတယ်။ အကြီးအကဲများထံ ဝင်ထွက်သွား လာတင်ပြ ခြင်းများအတွက်ကောင်းသောနေ့ရက်ဖြစ်ပါတယ်။ ကုန်သွယ်စီးပွားရေးအ၀၀ဆောင်ရွက်လို့ကောင်းပါ တယ်။ ငြိမ်း ချမ်းစွာလုပ်ကိုင်ရတဲ့ စီးပွားရေးတွေကတော့ အထူးကောင်းပါတယ်။ ပူပူလောင်လောင်လုပ်ကိုင်ရတဲ့ အလုပ်တွေကို ရှောင်ပါတယ်။ မွေ့ယာ၊ကုတင်၊အိမ်ထောင်ပရိဘောဂများဝယ်ယူခြင်းတွေ ဒီနေ့မှာအထူးကောင်းပါ တယ်။
သောကြာဂြိုဟ်စိုးမိုးနေတာကြောင့် ပွဲလမ်းသဘင်များကျင်းပခြင်း၊ ဖျော်ဖြေပွဲများကျင်းပခြင်း ပျော်ပွဲစားထွက်ခြင်း၊ အပျော်ခရီးသွားခြင်းမျိုးတွေအထူး ကောင်းပါတယ်။ မိမိအတွက်တကယ်လိုအပ်နေတဲ့ ငွေကြေးတွေအတွက် တစ်ဦး တစ်ယောက်ဆီမှာချေးငှားခြင်းများဆောင်ရွက်နိုင် တဲ့နေ့ရက်ပါပဲ။ မေတ္တာရေးကံ၊စန်းကံ ကောင်းနေတဲ့ နေ့ရက် ဖြစ်တာကြောင့် …ချစ်သူအားပိုးပန်းခြင်း၊ ချစ်စကားပြောခြင်းများဆောင်ရွက်လို့အထူးကောင် ပါတယ်။ စိတ်ကောက် နေတဲ့ချစ်သူကိုလဲ ဒီနေ့မှာပြန်လည်ချော့မော့နိုင်ပါလိမ့်မယ်။
ယနေ့သည် အလုံးစုံသော မင်္ဂလာကိစ္စများ ဆောင်ရွက်ရန် ရက်ကောင်း၊ ရက်မြက် ဖြစ်နေပါသည်။ ပညာ အတက်တို့ကို စတင်သင်ကြားရန်လည်း ကောင်းသည်။ အပြန်အလှန် ကတိသစ္စာပြုရန် ရက်ကောင်း ဖြစ်သည်။ ငွေရေးကြေးရေးကိစ္စများ ပြောဆိုရန် ရက်ကောင်းဖြစ်သည်။ နံနက်(၉း၀၀)နာရီမှ (၁၀း၃၀)နာရီကြား ဆောင်ရွက် သော ကိစ္စမှန်သမျှ သတိရှိရမည်။
ယနေ့ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ညနေ(၃း၁၃)နာရီမှ ညနေ(၄း၀၅)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာ များရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာ ခြင်း များကြုံလာ ရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ် သွားတာ မျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့မွေး ရင်သွေးငယ်များဟာ သိုက်ဖွား၊ ဓနုစန်း၊ ဓနုရာသီဖွားဖြစ်ပါသည်။ဒီနေ့မွေးသူများဟာအခက်အခဲတွေကို ရင်ဆိုင်ကျော်လွှားပြီးမှအောင်မြင်မှုကိုရလွယ်တဲ့ဇာတာရှင်ပဲဖြစ်ပါတယ်။ငွေကံအားကောင်းကြပြီး အချိုအချောင်ငွေ၊ အောက်ဆိုက်ငွေတွေကြောင့် ကြီးပွားရတတ်ပါတယ်။ ဘဝမှာလဲ ဥပသကာ မမည်သော အလုပ်တွေနဲ့ အကျိုးပေးကြ တာကို ထူးထူးခြားခြားတွေ့ရပါတယ်။ သားသမီးများတတ်တဲ့သူတွေဖြစ်ပေမဲ့ သားသမီးအကျိုးခံစားရဖို့အားနည်းတဲ့ သူတွေဖြစ်နေတာကိုတွေ့ရပါလိမ့်မယ်။ ကျန်းမာရေးကတော့အကောင်းများပါတယ်။ တော်ရုံဖျားတာနာတာသိပ်ဖြစ် လေ့မရှိသူတွေပါပဲ။ ဒီနေ့မွေးရင်သွေးငယ်တွေရဲ့ထူးခြားချက်က မွေးရပ်ကိုခွာပြီးတော့ အောင်မြင်နိုင်ကြသူတွေဖြစ် ပါတယ်။ မွေးရပ်မြေမှအဆင်မပြေတာမို့ တစ်ရွာမကောင်း၊သူကောင်းမဖြစ် စကားပုံလိုပဲ အိမ်နဲ့ဝေးလေကောင်းလေ ပါပဲ။
ဒီနေ့အတွက် ရာဟုကာလအမှောင်ချိန်တွေကတော့ နံနက်(၉း၁၈)နာရီမှ နံနက်(၁၀း၄၂)နာရီအတွင်း ကျရောက်နေ တာ ဖြစ်ပါတယ်။ ဒီအချိန်ကာလတွေအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာ တွေ၊ စာချုပ်ချုပ်ဆိုတာတွေ၊ ရင်သွေးငယ် ခွဲစိတ်မွေးဖွားတာကအစ ရှောင်နိုင်ရင် အထူးကောင်းပါတယ်။
ဒီနေ့မှာ ကံကောင်းသောနေ့သားများကတော့ တနင်္ဂနွေ၊ ကြာသပတေး သားသမီးများပဲ ဖြစ်ပါတယ်။
ကံညံ့သော နေ့သားများကတော့ တနင်္လာ၊ သောကြာ သားသမီးများပဲ ဖြစ်ပါတယ်။
ကံသင့်သောနေ့သားများကတော့ အင်္ဂါ၊ ဗုဒ္ဓဟူး၊ ရာဟု၊ စနေ သားသမီးများပဲ ဖြစ်ပါတယ်။
ဒီနေ့မှာ အနက်ရောင် နှင့် ကြေးနီရောင် များများပါသော အဝတ်အစား၊ အသုံးအဆောင်ပစ္စည်းများကို အထူးအလေးထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၆၊ ၁) ဂဏန်းများပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့အုန်းရည်(သို့)အုန်းသီးသွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ဒူးရင်းသီး ဘုရားကပ်လှူပြီး လိုရာဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသောလိုအင်ဆန္ဒတွေပြည့်ဝကြပါစေ။
