ဒီနေ့မွေး ရင်သွေးငယ်များဟာ သိုက်ဖွား၊ ဉတ္တရာဘဒြပိုဒ်နက္ခတ်နဲ့စန်းယှဉ်မွေးသူ၊ မိန်စန်း၊ ဓနုရာသီဖွားဖြစ်ပါသည်။ ယနေ့မွေးဖွားသူများသည် ကောင်းမွန်သည်ဖြစ်စေ ဆိုးသည်ဖြစ်စေ စကားလုံးများဖြင့် လူအများကို သိမ်းသွင်းနိုင် တာမျိုးတစ်ခုရှိသည်။ မိမိသည် အလွန်ပျော်စရာကောင်းပြီး ဉာဏ်ကောင်းနိုင်သော်လည်း တစ်ခါ တစ်ရံ တွင် လူဂွစာ မျိုးဖြစ်နေတတ်ပါတယ်။ မိမိသည် မိမိချစ်ရသူအား အထူးကြင်နာတတ်ပြီး ကူညီတတ်သူ ဖြစ်သည်။ မိမိသည် လေ့လာသင်ယူ ရတာကို နှစ်သက်ပြီး မိမိဘဝတစ်လျှောက်လုံး အသိပညာကို တိုးပွားစေမယ့် အတွေ့ အကြုံတွေကို အဆက်မပြတ် ရှာဖွေနေပါလိမ့်မယ်။ ပရောဂျက်များနှင့် အလုပ်များကို စိတ်ပါဝင်စားနေရန် စိတ်ပိုင်း ဆိုင်ရာ လှုံ့ဆော်မှုများစွာ လိုအပ်ပါသည်။ မိမိသည် လွန်စွာမှ စွယ်စုံရရှိသူလဲဖြစ်ပါတယ်။လိုက်လျောညီထွေရှိပြီး တစ်ခါတစ်ရံ တစ်ခုခုလုပ်ဖို့ကို ဖင်လေးနေပြီး လွယ်ကူတဲ့ကိစ္စကို အချိန်ဆွဲမိတာကြောင့် ခက်ခဲစေသည်။ အလုပ်တစ်ခုခုလုပ်ရာမှာလဲ လွယ်တာကို ကျော်ပြီးခက်ခဲတာကို ပင်ပန်းခံပြီးလုပ်ကြသူများလဲဖြစ်ပါတယ်။ အမိ အဘ ဒါမှမဟုတ် အကြီးအကဲတွေ ထံကနေ သေချာပေါက် အထောက်အပံ့ရခြင်း၊အမွေရခြင်းတွေ ကြုံရတတ်သူ လဲဖြစ်ပါတယ်။
နံပါတ် ၆ နဲ့ သောကြာဂြိုဟ်ကို အုပ်ချုပ်ပါတယ်။ သောကြာဂြိုဟ်နှင့် ဆိုင်သော အရည်အသွေးများကို ရနေပါလိမ့် မည်။ဒါကြောင့် အလှအပကိုခံစားတတ်ကြတယ်။ ဂီတကိုမြတ်နိုးတယ်။ ဘရန်းအကောင်းစားတွေကို ကြိုက်တယ်။ပျော် ရမဲ့ ကိစ္စဆို ရှေ့ဆုံးက ပါကြတဲ့ရင်သွေးငယ် တွေဖြစ် ပါတယ်။
အချစ်၊ မေတ္တာနှင့် အိမ့်ထောင်ရေးတို့၏ အခန်း ကဏ္ဍသည် ဒီဇာတာရှင်ဘဝအတွက် လွန်စွာ အရေးပါလှသည်။ မိန်းကလေးများ ဒီနေ့မွေးဖွားပါက အိမ်ထောင်ရေးအလွန်သတိပြုရမယ်။အိမ်ထောင်ရေးတို့ကြောင့် သင့်ဘဝ လမ်းကြောင်း၌ အပြောင်းအလဲများ ပေါ်ပေါက်လာပေသည်။ သင့်တွင်သာယာသောကိုယ်ရည်ကိုယ်သွေးရှိသည်။ ထက်မြက်တဲ့ မှတ်ဉာဏ်နဲ့ သင်ဟာ လောကီအပျော်အပါးတွေကို နှစ်သက်တယ်။ အသစ်အဆန်းများနှင့် နည်းပညာ အသစ်များကို စိတ်ဝင်စားသောကြောင့် သင်သည် အခြားသူများထက် သာလွန်နေသော်လည်း စိတ်ဓာတ်ကျခြင်း၊ ရှက်ရွံ့ခြင်းနှင့် အခြားသူများ၏အရေးကိစ္စများတွင် ဝင်ရောက်စွက်ဖက်ခြင်းအပေါ် စိတ်သဘောထားကို ထိန်းချုပ်ရန် လိုအပ် သည်။ခါးနာခြင်း၊ လည်ပင်းတောင့်တင်းခြင်း သို့မဟုတ် ခန္ဓာကိုယ်နာကျင်ခြင်းကဲ့သို့သော အသေးစား ကျန်းမာ ရေး ပြဿနာများသည် ရေရှည်ပြဿနာများဖြစ်လာနိုင်သည်။ ဖေဖေါ်ဝါရီ၊ မေလ၊ ဇူလိုင် နှင့် အောက်တိုဘာ လများသည် ထူးထူးခြားခြားမိမိဇာတာနဲ့ ဆက်စပ်နေတဲ့လတွေဖြစ်ပါတယ်။
ဉတ္တရာဘဒြပိုဒ်နက္ခတ်နဲ့စန်းယှဉ်မွေးတာကြောင့် မိမိက သစ္စာရှိမည်၊ သမာဓိရှိသည်၊ ရိုးသားသည်၊ မိမိကို နည်းနည်း ကောက်ကျစ်လျင် မိမိက သူများထက် ပိုမို၍ ကောက်ကျစ်တတ်မည်။ မိမိကို ငါးထောင်ဖိုးကောင်းလျင် မိမိက တစ်သောင်းဖိုး ပြန်ကောင်းတတ်ပါမည် မိမိစိတ်မှာ ပါးကိုက်လျင် နားကိုက်ရမှ ကျေနပ်တတ်မည်၊ မိမိက လက်စားချေ တတ်မည်၊ အညှိုးကြီးတတ်မည်၊ မိမိကလည်း သူများကို မစတတ်ပေ၊ မိမိကို စလျင်လည်း မခံတတ်ပါ၊ အမြဲတမ်း အားနည်းရာဖက်က ရပ်တည်နေတတ်မည်း သူများကို ဖော်လံဖားခြင်း မရှိတတ်ပါ၊ မျက်နှာလိုမျက်နှာရ မလုပ်တတ်ပါ။ မိမိအကျိုးအတွက် သူများကိုလည်း ခုတုံးမလုပ်တတ်ပါ၊ မိမိက တည်ကြည်ပါသည်။ အများအပေါ် ကောင်းမွန် ပါသည်။
မိမိမှာ ပညာဂြိုဟ်ကောင်းပါသည်၊ နည်းနည်းပြလျင် များများ တတ်မြောက်တတ်ပါမည်၊ မိမိမှာ ဦးနှောက် ဉာဏ်ကောင်း ပါမည်၊ ပညာတွင် မိမိသင်သလောက် တတ်မြောက်တတ်ပါမည်၊ မိမိမှာ ပညာကိုအထင်မကြီး တတ်ပါ၊ကျောင်း ဆရာအလုပ် တစ်သက်လုံး မလုပ်ရ၊ မိမိဘဝကံကို ရောင်းချထားသည်နှင့် တူနေပါမည်၊ မိမိမှာ စာမေးပွဲများကို ဆက်တိုက်အောင်မြင်ပါမည်၊ ပေါ့ပေါ့ပျင်းပျင်း အောင်မြင်ပါမည်၊ မိမိက ကြိုးစားပါ။
သင်၏ ညှိုဓါတ်ပါ သော ဥပတိရုပ်ကြောင့် အောင်အောင်မြင်မြင် ဖြစ်ဘတ်သည်။ လူအများနှင့် ဆက်ဆံရသော စီးပွားရေးနှင့် သက်မွေး လမ်းကြောင်းလုပ်ငန်းများတွင်အကျိုးပေးတတ်ပါသည်။ သမရိုးကျမဟုတ်သော တီထွင်ခြင်း များ နှင့် စာပေ၊ ဂီတ၊ အနုပညာတို့တွင်လည်းအောင်မြင်နိုင်ပေသည်။
ဘဝစောစောပိုင်း၌ မိသားစုအခြေအနေအရ၎င်း၊ ဆွေမျိုးသားချင်း တို့ကို ငဲ့ရသောကြောင့်၎င်း၊ ကျန်းမာရေးကြောင့် ၎င်း၊ ဘာကိုမျှ ပွင့်လင်းထင်ပေါ်အောင်မလုပ်နိုင်ဘဲရှိနေတတ်သည်။အသက်၂၇နောက်ပိုင်းတွင် ဖော်ပြပါအခက်အခဲ အတားအဆီးများကိုကျော် လွှား၍ ဆုံးဖြတ်ထားသည့် လုပ်ငန်းများကို လွတ်လပ်စွာ လုပ်နိုင် ပြီး အောင်မြင်သွားပါလိမ့် မည်။
ဒီလမှာ ၁၅ ရက်နှင့် ၂၄ ရက်ဖွားများကား ဤလအတွင်း “ခြောက်” ဂဏန်းရသူများထဲတွင် ပိုမိုကံကောင်းသူများ ဖြစ်ကြပါ သည်။ အများနည်းတူ ဘဝစောစောပိုင်း၌ အတားအဆီးများရှိ တတ်သော်လည်း အခက်အခဲဟူသမျှကို လျင်မြန်စွာကျော်ဖြတ် ေအာင်မြင်နိုင်သူများဖြစ်ပေသည်။
ဇန်နဝါရီလ ၆ ရက်နေ့ဖွားများကား မည်မျှပင် ဝင်ငွေကောင်း စေကာမူ၊ စုဆောင်းထားလိုသူများ မဟုတ်ကြပါ။ ၁၅ ရက်နှင့် ၂၄ ရက်ဖွားတို့မှာမူ သူတို့၏ငွေကြေး အခြေအနေကို ဖြည်းဖြည်း လေးလေးဖြင့် တောင့်တင်းအောင်ကြိုးပမ်း တတ်သူများဖြစ်ကြပါသည်။ ၎င်းတို့သည် အနာဂတ်အတွက် ကြိုတင်စုဆောင်းတတ်သူများ ဖြစ် ကြသောကြောင့် ချမ်းချမ်းသာသာ နေနိုင်ကြမည့်သူများဖြစ်၏။
ကျန်းမာရေးကတော့ ၆ ရက်၊ ၁၅ ရက်နှင့် ၂၄ ရက်ဖွားများ၏ ဘဝတလျှောက် လုံး ကျန်းကျန်းမာမာနေရသည့်အချိန် များတတ်ပေသည်။ မီးနှင့်ပတ် သက်သောအန္တရာယ်၊ မော်တော်ကားအန္တရာယ်တို့ကိုမူ သတိထားရ ပါလိမ့်မည်။
အရေးပါသောဂဏန်းမှာ “၆” နှင့် ၎င်းဂဏန်းကို ဖြစ်ပေါ်စေ သော ၆၊ ၁၅နှင့် ၂၄တို့ဖြစ်ကြသည်။ ထိုရက်များ၌ သင့်အတွက် အရေးကြီးသော ကိစ္စများကို ဆောင်ရွက်သင့်လှသည်
“လေးနှင့် ရှစ်ဂဏန်းကို ဖြစ်ပေါ်စေသော ၄၊ ၈၊ ၁၃၊ ၁၇၊၂၂၊ ၂၆ နှင့် ၃၁ ဂဏန်းများနှင့် ရက်များကို ရှောင်သင့်ပေ သည်။
သင်၏ ညှို့ဓါတ်စွမ်းအားတိုးတက် ထက်မြက်လာစေရန်နှင့် ပိုမို ( ကံကောင်းလာစေရန် သောကြာဂြိုဟ်၏ အရောင်များအမြဲတမ်း ဝတ်စားဆင်ယင် သုံးဆောင်သင့်သည်။၎င်းတို့မှာ အပြာ၊ခရမ်း အရောင်အသွေး အနုဆုံးမှ အရင့်ဆုံးအထိဖြစ်သည်။ သင့်ကို ကံကောင်းစေမည့်ရတနာများမှာ ‘ စိမ်းပြာနှင့် အပြာရောင်အသွေး ပါသော ကျောက်များဖြစ်ပေသည်။
ဒီနေ့မွေးရင်သွေးငယ်များအားလုံး ကျန်းမာချမ်းသာ၊အသက်ရှည်ပြီး၊ဥာဏ်ပညာနှင့်ပြည့်စုံသော သားသားမီးမီးများဖြစ် ကြပါစေ။မိဘကအားကိုးရသော၊တိုင်းပြည်က အားကိုးရသော ရတနာလေးတွေ ဖြစ်ပါစေလို့ ဆုမွန်ကောင်းတောင်း အပ်ပါတယ်။
#ဩဘာမိုး -ရင်သွေးအမည်ပေးသီးသန့်
09775555695
