ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ တပေါင်းလဆုတ်(၁၄)ရက်၊ တနင်္ဂနွေနေ့ ဖြစ်ပါတယ်။
ခရစ်နှစ် ၂၀၂၃ခုနှစ်၊မတ်လ(၁၉)ရက်နေ့လဲ ဖြစ်ပါတယ်။
ဒီနေ့နံနက်(၅:၁၈)နာရီမှာ အရုဏ်တတ်ပါတယ်။ နေထွက်ချိန်နံနက်(၆:၀၆)နာရီဖြစ်ပြီး ၊ ညနေ(၆:၀၄)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အရှေ့မြောက်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက် တောင်အရပ် ဖြစ်ပါတယ်။ စန်းပွင့်ရာအရပ်က အနောက်အရပ် ဖြစ်ပါတယ်။
ဒီနေ့ဟာတီထိမြေခံအရ နံနက်(၉း၀၇)နာရီအထိ ရာဟုမြေခံအဖြစ် ကျရောက်နေပြီး လွန်လျှင် စနေမြေခံအဖြစ်သို့ ပြောင်းလဲ ကျရောက်နေပါတယ်။ရာဟုမြေခံအရ ရန်အနှောက်အယှက်များပေါများခြင်း၊ ခိုက်ရန်ဖြစ်ခြင်း၊ အချုပ် အနှောင်ခံရတတ်ခြင်း စသောအကျိုးကို ရရှိစေသောကြောင့် ခိုင်ခန့်သော အဆောက်အဦးတွေ၊ ကျောင်းတွေ၊ သိမ် တွေ၊ လမ်းတံတားတွေ၊ အထပ်မြင့်အဆောက်အဦးတွေ စတင်ဆောက်လုပ် တာ၊ တိုင်ထူတာ၊ ပန္နက်ရိုက်တာမျိုးတွေ အထူးရှောင်သင့်ပါသည်။
စနေမြေခံအရ မီးဘေးနှင့်ပတ်သက်သော အပူသောကများ အထူးဂရုစိုက်သင့်ပါသည်။ မီးဘေးကြောင့် ပျက်စီးဆုံးရှုံး ရခြင်းများ၊ စိတ်ပူးပင်သောကနှင့် ဆုံးရှုံးနစ်နာရခြင်းများ ရရီစေသောကြောင့် ခိုင်ခန့်သော အဆောက်အဦးတွေ၊ ကျောင်းတွေ၊ သိမ်တွေ၊ လမ်းတံတားတွေ၊ အထပ်မြင့် အဆောက်အဦးတွေ စတင်ဆောက်လုပ်တာ၊ တိုင်ထူတာ၊ ပန္နက်ရိုက်တာမျိုးတွေ အထူးရှောင့်သင့်ပါတယ်။
ဒီနေ့ဟာ ရက်တံခွန်၊ ရက်ရာဇာ ကျရောက်နေတာ ဖြစ်ပါတယ်။
ဒီနေ့ဟာ တီထိအရတော့ နံနက်(၉း၀၇)နာရီအထိ လဆုတ်တီထိ(၁၂)လုံး ကောင်းကျိုးဖြစ်ထွန်းစေသောနေ့အဖြစ် ကျရောက် နေပြီး လွန်လျှင် လဆုတ်တီထိ(၁၃)လုံး အောင်မြင်ခြင်းကိုပေးတဲ့နေ့အဖြစ်သို့ ပြောင်းလဲကျရောက်နေ ပါတယ်။ ဒီနေ့မှာအချစ်ရေးနဲ့ပတ်သက်သောကိစ္စများအထူးဆောင်ရွက်နိုင်ပါတယ်။ ချစ်စကားပြောဖို့ ၊ခံစားချက် တွေဖွင့်ဟ လို့အလွန်ကောင်းတဲ့နေ့ရက်လဲဖြစ်ပါတယ်။အဆင်မပြေတဲ့ချစ်သူတွေအတွက် ပြန်လည် ညှိနှိုင်းလို့အလွန် ကောင်း ပါတယ်။ အလှူအတန်းကိစ္စတွေဖြစ်တဲ့ ရှင်ပြုခြင်း၊နားသခြင်း၊ပဉ္ဇင်းခံခြင်းများလဲ ဆောင်ရွက်နိုင်တဲ့နေ့ရက် ပါပဲ။
ဒီလိုနေ့ရက်တွေမှာတော့ အိမ်အလှဆင်တာတွေ၊ ဆေးသုတ်တာ တွေအိမ်သန့်ရှင်းရေးလုပ်တာတွေ၊ မိမိခန္ဓာကိုယ်ကို လှပအောာင်ပြုပြင်တာမျိုးတွေလဲ အထူးဆောင်ရွက်သင့်ပါ တယ်။ အဝတ်အစားသစ်ဝယ်ယူခြင်းတွေ၊ အလှကုန် ပစ္စည်းဝယ်ယူခြင်းမျိုးတွေလဲ အထူးဆောင်ရွက်နိုင်ပါတယ်။
ရေတွင်းရေကန်တူးခြင်း၊ အဝိစီတွင်းတူးခြင်းမျိုးတွေလဲ အထူးဆောင်ရွက်နိုင်ပါတယ်။အလုပ်သစ်လျှောက် ခြင်းတွေ၊အင်တာဗျူးဝင်ဖြေခြင်းတွေလဲ အထူးဆောင်ရွက်နိုင်ပါတယ်။ အာမခံလုပ်ငန်းများ အထူးဆောင်ရွက်လို့ အဆင်ပြေတတ်ပါတယ်။
ကားဝယ်ခြင်း၊ကားရောင်းခြင်း၊အလဲအထပ်လုပ်ခြင်းများဆောင်ရွက်နိုင်သလို စက်ပစ္စည်းအဟောင်းနေရာမှာ အသစ် ကိုစတင်အစားထိုးလည်ပတ်တာမျိုးလဲဆောင်ရွက်နိုင်ပါတယ်။ ထီဝါသနာပါသူများထီကံစမ်းလို့အလွန်မှ ကောင်းတဲ့ နေ့ရက်ပါပဲ။ 3/5/9 များများပါတဲ့ ထီလက်မှတ်ကိုရွေးချယ်ကံစမ်းလိုက်ပါဗျာ
ဒီနေ့ဟာရက်ရာဇာကျတဲ့နေ့ရက်ဖြစ်တာကြောင့်လောကီမင်္ဂလာကိစ္စတွေဖြစ်တဲ့လက်မှတ်ထိုးခြင်း၊ စေ့စပ် ခြင်း၊ မင်္ဂလာ စကားပြောခြင်းများအထူးဆောင်ရွက်နိုင်ပါတယ်။ကြီးကျယ်စွာမင်္ဂလာအခမ်းအနားကျင်းပခြင်းတွေကိုလဲ ဆောင်ရွက်နိုင်ပါလိမ့်မယ်။
ဒီနေ့ဟာရက်တံခွန်ရက်ကျရောက်တဲ့နေ့ရက်ဖြစ်တာကြောင့် ဒီနေ့မှာစတင်လိုက်တဲ့ စီးပွားရေး၊လူမှုရေး၊ ကျန်းမာရေး၊ ပညာရေးနှင့်အလုပ်ကိစ္စ ရေးရာအဖြာဖြာတွေမှာရေရှည်အောင်မြင်မှုတွေကိုရရှိပါလိမ့်မယ်။
ယနေ့အတွက်ကောင်းသော အဘိဇိတိံသိယနှင့်ဝိဒတြိ တိံသိယ အချိန်ကာလတွေကတော့ မနက်၄နာရီ ၁၄မိနစ်မှ မနက် ၄နာရီ၅၆မိနစ်ထိ၊ည၈နာရီ၁၃မိနစ်မှည၉နာရီ၃၇မိနစ်အတွင်းဖြစ်ပါတယ်။ ဒီအချိန် ကာလ အတွင်း ကတော့ အရေးကြီးသောကိစ္စများ၊ဆုံးဖြတ်ချက် ချရ သောကိစ္စများ၊ မင်္ဂလာကိစ္စများ၊ကောင်းမွန် သော ကိစ္စများ၊ ကိစ္စ တစ် ခုခု စတင်ခြင်းများ ဆောင်ရွက်နိုင်ပါတယ်။
ဒီနေ့ဟာ အိုးအိမ်တည်ဆောက်ခြင်းမပြုရပါ။ မီးလောင်ဆုံးရှုံးတတ်သည်။ မင်္ဂလာတရားနှင့် ပြည့်စုံသော ရက်ကောင်း၊ ရက်မြက် ဖြစ်သည်။ နံနက်(၆း၀၀)နာရီမှ (၈း၂၄)နာရီကြား၊ နေ့(၁း၁၂)နာရီမှ (၃း၃၆)နာရီကြားကာလများကို အခြေတည်၍ အလုပ်အကြံအစည်များ ဆောင်ရွက်အဆင်ပြေနိုင်မည်။
ဓနသိဒ္ဓိနက္ခတ်နဲ့တိုက်ဆိုင်နေတာမို့ ထီးတင်ခြင်း၊ အလံထူခြင်း၊ နတ်ကွန်းတည်ခြင်း၊ ရှင်ပြုနားသမင်္ဂလာပြုခြင်း ကောင်း၏။ ပညာစ၍သင်ခြင်း ကောင်း၏။ ထီးတော်တင်ခြင်း၊ အနေကဇာတင်ခြင်း၊ ကျောက်ဆစ်လုပ်ငန်း စတင် လုပ်ခြင်း၊ ကျောက်ရုပ်ထုခြင်း၊ သံထည်သွန်းခြင်း၊ ကြေးသွန်းလောင်းခြင်း၊ ကြော်ငြာလုပ်ငန်း၊ ဆိုင်းဘုတ်တင်ခြင်း၊ ပန်းချီပန်းပုလုပ်ငန်းလုပ်ခြင်း၊ လှေကားတင်ခြင်း၊ အိမ်တက်မင်္ဂလာလုပ်ခြင်း၊ အသီးဆွတ်ခူးခြင်း၊ လေကြောင်းခရီး သွားလာခြင်း၊ အုတ်တံတိုင်းကာခြင်း၊ ဝင်းခြံကာခြင်းကောင်း၏။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ နံနက်(၉:၃၄)နာရီမှ နံနက်(၁၀:၂၅)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများကြုံ လာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုးမရှိ ခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။ ဒါအပြင် ယနေ့ နံနက် ၁နာရီ၁၈မိနစ်ကနေည ၁၀နာရီ၅၃မိနစ်အထိ ဓနသိဒ္ဓိနက္ခတ်နဲ့ စန်းယှဉ်တာမို့ ထိုအချိန်အတွင်းလဲ မဟာ ဝေဒဗ္ဗ မန္တန်တော်ကြီး ရွတ်ဖတ်လို့ ရပါတယ်။
ဒီနေ့မွေး ရင်သွေးငယ်များဟာ မရဏဖွား၊ မကာရစန်း မွန်းလွဲ(၁၂)နာရီ (၁၆)မိနစ်လွန် စန်းကုမ်ရာသီသို့ ပြောင်း သည်။ဓနသိဒ္ဓိနက္ခတ်နဲ့စန်းယှဉ်မွေးသူ၊ မိန်ရာသီဖွားဖြစ်ပါသည်။ဒီနေ့မွေးသူများဟာ အခက် အခဲတွေသိပ်နည်းသူတွေ ဖြစ် တယ်။ အခက်အခဲကြုံလာဖို့ ရှိလာတိုင်း ကူညီပေးမဲ့သူတွေ၊ကာကွယ်ပေးမဲ့သူတွေ ရှေ့ ကနေမားမားမတ်မတ်ရပ်ပေးကြမဲ့သူတွေရှိလာစမြဲပါပဲ။ ကံကောင်းတာက ရပ်ဝေးနိုင်ငံခြားကံအားကောင်းကြသူ တွေဖြစ်ကြတယ်။ နိုင်ငံခြားမှာအခြေချလို့ရသည်အထိ နိုင်ငံ ခြား ကံ အထူးကောင်းကြတယ်။ နိုင်ငံခြားမှာပဲ ပညာသင် စီးပွားရှာလို့ကောင်းတဲ့သူတွေဖြစ်ပါတယ်။ ဘဝအတွက် အထောက်အပံ့ဖြစ်စေမဲ့ လူနည်းစုလောက်သာတက်နိုင်တဲ့ ကျောင်းတွေ၊သင်တန်းမျိုး၊စာသင်ဝိုင်းတွေကို သင်ယူတတ် ရောက်ခွင့်တွေအထူးရလာပါလိမ့်မယ်။
စိတ်ကူးကောင်းကြပေမဲ့ လက်တွေ့အကောင်အထည်ဖော်ဖို့ တွန့် ဆုတ်နေလေ့ရှိပါတယ်။ ငွေကြေးနဲ့ပတ်သက်ပြီး ရုတ်တရက်ငွေဝင်တာမျိုး၊ထီပေါက်တာမျိုးကြုံလွယ်တဲ့ဇာတာပါ။ ကံကောင်းတာက မိမိရှာသမျှပြဿနာတွေကို ဒိုင်ခံ ဖြေရှင်းပေးမဲ့ သူတွေရှိနေကြပါတယ်။ ဘဝမှာသက်လတ်ပိုင်း ကာလတွေမှာ ကောင်းသောအကူအညီတွေရ လာ ပြီး အောင်မြင်မှုအသီးအပွင့်တွေကိုခံစားရတတ်ပါတယ်။ ငယ်က တည်းကအလှူအတန်းဝါသနာပါသူတွေဟာ ကြီး ကျယ် တဲ့အောင်မြင်မှုတွေကိုရလာတတ်ပါတယ်။ ဒါနကိုလုံးဝမမေ့ သင့်တဲ့ဇာတာရှင်မျိုးတွေပဲဖြစ်ပါတယ်။
ဒီနေ့အတွက် ရာဟုကာလအမှောင်ချိန်တွေကတော့ ညနေ(၄:၄၅) နာရီမှ ညနေ(၆:၁၆)နာရီအတွင်း ကျရောက်နေပါ တယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ် ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါတယ်။
ကံကောင်းသောနေ့သားများကတော့ တနင်္ဂနွေ၊ ကြာသပတေး၊ စနေသားသမီးများပဲဖြစ်ပါတယ်။
ကံညံ့သော နေ့သားများကတော့ အင်္ဂါ၊ ရာဟုသားသမီးများပဲ ဖြစ်ပါတယ်။
ကံသင့်သောနေ့သားများကတော့ တနင်္လာ၊ ဗုဒ္ဓဟူး၊ သောကြာသားသမီးများပဲ ဖြစ်ပါတယ်။
ဒီနေ့မှာ အနီရောင် နှင့် ကြည်ပြာရောင် များများပါသော အဝတ်အစား၊ အသုံးအဆောင်ပစ္စည်း တွေ ကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၃၊ ၀၊ ၈) ဂဏန်းတွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ပေါင်မုန့်မီးကင်စား သွားပါ။ပိုမို အဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ အစိမ်းကြော်ဘုရားကပ်လှူပြီး လိုရာဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသောလိုအင်ဆန္ဒတွေပြည့်ဝကြပါစေ။
#၇ရက်သားသမီးအတွက် တစ်နေ့တာဟောစာတမ်းနှင့်တိုက်ရိုက်ဖုန်းခေါ်ဟောပြောခြင်းအကြောင်းအရာကိုဗေဒင်ချစ် ပရိသတ် များ အတွက် သတင်းစကားပါးခြင်း
နေ့စဥ် ၇ ရက်သားသမီးများအတွက် နေ့နံအလိုက် …
☯️တစ်နေ့တာကံကြမ္မာ အဆိုးအကောင်း…
☯️တစ်နေ့တာ စီးပွားရေးအလုပ်အကိုင်အခြေအနေ…
☯️တစ်နေ့တာ ကျန်းမာရေးဆိုင်ရာ သိစရာတွေ…
☯️တစ်နေ့တာ အချစ်ရေး ကံတရားများ…..
☯️တစ်နေ့တာ အိမ်ထောင်ရေး အဆိုး/အကောင်းများ…
☯️တစ်နေ့တာ ပညာရေး ရလဒ်အကြောင်းတွေ….
#ဒါအပြင်…
.????တစ်နေ့တာ အကျိုးပေးအရောင်များ
????တစ်နေ့တာ အကျိုးပေးဂဏန်းများ
????အရေးကြီးကိစ္စတွေဆောင်ရွက်ရမယ်ဆို ပြုဖွယ်အစီအရင်များ
????တစ်နေ့တာအညံ့အဆိုးတွေလျော့ပါးသက်သာစေမဲ့ကုသိုလ်ယတြာ စသည်ဖြင့်စုံစုံလင်လင်ကို …… နေ့စဉ် နား ဆင် နိုင်မယ့် အစီအစဉ်ဖြစ်ပါတယ်။
နေ့စဉ်ဗေဒင်ဟောစာတမ်းများကို နားဆင်လိုပါက …
ATOM ဆင်းကဒ်များဖြင့် (3049) ကို ဖုန်းခေါ်ဆိုပြီး နားဆင်နိုင်ပါတယ်…။ ( တစ်ပတ်လျှင် ၃၁၅ ကျပ်သာကျသင့် မှာဖြစ်ပါတယ်။)
ဒါအပြင်ဆရာငြိမ်းအေးလူနှင့်တိုက်ရိုက်????ဖုန်းခေါ်ဆိုပြီး ဗေဒင်မေးချင်တယ်ဆိုရင်…အပတ်စဥ် တနင်္လာနေ့၊အင်္ဂါနေ့၊ ဗုဒ္ဓဟူးနေ့ရောက်တိုင်း ညနေ (၆) နာရီကနေ (၈) နာရီအတွင်းဖုန်းနံပါတ် (7777) ကို Atomဖုန်းနံပါတ်များနှင့် ဖုန်းခေါ်ဆိုပြီး မေးမြန်းနိုင်ပါတယ် ခင်ဗျာ… ။ ( တစ်မိနစ်လျှင် ၅၂၅ ကျပ် ၊ ဉာဏ်ပူဇော်ခပါပြီး ကျသင့်ပါမယ်)
????????????အားပေးကြသူတစ်ယောက်ချင်းဆီတိုင်းကို ကျေးဇူးအထူးတင်ရှိပါတယ်။
????????ကောင်းသောလိုအင်ဆန္ဒတွေပြည့်ဝနိုင် ကြပါစေ။
✍️ငြိမ်းအေးလူ(ဗေဒင်သုတေသီ)
09775555695
