
ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ ပြာသိုလဆန်း(၁၁)ရက်၊ တနင်္ဂနွေနေ့ ဖြစ်ပါတယ်။
ခရစ်နှစ် ၂၀၂၃ခုနှစ်၊ဇန်နဝါရီလ(၁)ရက်နေ့လဲ ဖြစ်ပါတယ်။
ဒီနေ့နံနက်(၅:၅၆)နာရီမှာ အရုဏ်တတ်ပါတယ်။ နေထွက်ချိန်နံနက်(၆:၄၄)နာရီဖြစ်ပြီး ၊ ညနေ(၅:၂၆)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အရှေ့မြောက်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက်တောင်အရပ် ဖြစ်ပါတယ်။ စန်းပွင့်ရာအရပ်က အရှေ့အရပ် ဖြစ်ပါတယ်။
ဒီနေ့ဟာတီထိမြေခံအရ ကြာသပတေးမြေခံတဲ့နေ့ဖြစ်ပါတယ်။ ကြာသပတေးမြေခံအရ မိမိကြံစည်စိတ်ကူး ထားသော အရာမှန်သမျှ အချိန်မရွှေ့ဆိုင်းပဲ ချက်ချင်းလက်ငင်း အကောင်အထည်ဖေါ် ဆောင်ရွက်သင့်ချိန်ဖြစ်၍ ခိုင်ခန့်တဲ့ အဆောက်အဦးတွေ၊ကျောင်းတွေသိမ်တွေ၊ လမ်း တံတား တွေ၊ အထပ်မြင့်အဆောက်အဦးတွေ စတင် ဆောက်လုပ်တာ တိုင်ထူတာပန္နက်ရိုက်တာမျိုးတွေအထူး ဆောင်ရွက်လို့ရပါတယ်။ ဒါပေမဲ့ သမားညိုရက်နဲ့ တိုက်ဆိုင်နေ တာမို့ ရှောင်လိုက်တာကပိုကောင်းပါတယ်။
ဒီနေ့ဟာ တီထိအရတော့ လဆန်းတီထိ(၁၀)လုံး ပြည့်ဝခြင်းကိုပေးတဲ့နေ့ ဖြစ်ပါတယ်။ည ၈နာရီကျော်မှသာ တီထိ ၁၁လုံးကိုကူးပြောင်းပါတယ်။တည်ကြည်ခြင်းရှင်းသန့်ခြင်းတိုးပွားခြင်းကိုပေးတဲ့ ပုဏ္ဏာတီထိကျရောက်တဲ့နေ့ရက်ဖြစ် ပါတယ်။ ကဗျာစာပေရေးခြင်း၊အာဟာရဖြည့်သွင်းခြင်း၊ဓာတ်မြေဩဇာကျွေးခြင်းများဆောင်ရွက်နိုင်ပါတယ်။ မွန်းလွဲ ၁နာရီ ၄၅မိနစ်အထိက အာသာဝဏီနက္ခတ်ဖြစ်တာမို့ ဘုရားတည်၊အနေကဇာတင်ခြင်း၊ ကြော်ငြာခြင်း၊ကင်ပွန်းတပ် ခြင်းများ ဆောင်ရွက်နိုင်သလိုဆံရိတ်ဆံသ ၊အလှပြင်ခြင်းများ ရှင်ပြုနားသခြင်းများ၊ သစ်သီးခူးခြင်း၊ရိတ်သိမ်းခြင်းများ အရောင်းအဝယ်ကိစ္စများနှင့် ခရီးသွားလာခြင်းများကောင်းပါတယ်။
ယုဂ်အားဖြင့် မနက်၈နာရီခွဲထိ သီဝယုဂ်ဖြစ်ပြီး အမှုကိစ္စများ ပြီးစီးအောင်မြင်သောယုဂ်၊မနက် ၈နာရီကျော်ပါက သိဒ္ဓယုဂ် ဖြစ်ပြီး အလိုဆန္ဒပြည့်ဝသောယုဂ်ဖြစ်ပါတယ်။ဒီလိုနေ့ရက်မျိုးဟာ ဘုန်းကံကြီးမားဖို့ ဩဇာထက်မြက်ဖို့ ကိစ္စများဆောင်ရွက်လို့ကောင်းပါတယ်။ငွေကြေးအမြောက်အများ ရင်းနှီးမြုပ်နှံခြင်းကိုတော့ဒီနေ့မှာရှောင်အပ်ပါ တယ်။ဝယ်ယူထားသောပစ္စည်းများကို စနစ်တကျစစ်ဆေးပြီးမှသာ လက်ခံစေချင်ပါတယ်။ အလုပ်ရှာခြင်းနှင့် အလုပ် လျှောက်ခြင်းများဆောင်ရွက်နိုင်ပါတယ်။ အကြီးအကဲများနှင့်တွေ့ဆုံရန် ရက်ကောင်းဖြစ်ပါတယ်။
ယနေ့အတွက်ကောင်းသော အဘိဇိတိံသိယ နှင့်ဝိဒတြိ တိံသိယအချိန်ကာလတွေကတော့…မနက် ၂နာရီကနေ ၃နာရီအတွင်း၊ ညနေ ၂နာရီခွဲမှ ညနေ ၃နာရီ ၂၀မိနစ်အတွင်းဖြစ်ပါတယ်။ဒီအချိန်ကာလအတွင်းကတော့ အရေးကြီး သောကိစ္စများ၊ဆုံးဖြတ်ချက်ချရသောကိစ္စများ၊မင်္ဂလာကိစ္စများ၊ကောင်းမွန်သောကိစ္စများ၊ ကိစ္စတစ်ခုခုစတင်ခြင်းများ ဆောင်ရွက်နိုင်ပါတယ်။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ မွန်းလွဲ(၂:၄၄)နာရီမှ ညနေ(၃:၃၀) နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများကြုံ လာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုး မရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့မွေး ရင်သွေးငယ်များဟာ မရဏဖွား၊ မိဿစန်း၊ ဓနုရာသီဖွားဖြစ်ပါသည်။ဒီနေ့မွေးသူများဟာ ဖျတ်လတ်မှု ၊လျင်မြန်မှုတွေရှိကြသူတွေဖြစ်ပါတယ်။ဘာသာရေးကို လေးစားယုံကြည်ကြသူတွေဖြစ်ပါတယ်။အမိအဘစကားကို နားထောင်လွယ်ကြပါတယ်။ သတိထားရမှာက တစ်သက်လုံးလောင်းကစားနှင့် အောက်ဆိုက်အလုပ်တွေအကျိုးမ ပေးသူတွေဖြစ်ပါတယ်။ ကံကိုက မကောင်းတာလုပ်တာကို မကြိုက်တဲ့သဘောတွေ့ရတယ်။ တစ်ခုခုမကောင်းတာ လုပ်တာနဲ့ ဒုက္ခရောက်တတ်တဲ့ဇာတာမို့ မိဘတွေကိုယ်တိုင်က ကောင်းသောလမ်းကိုညွှန်ပေးပါ။ ဖြတ်လမ်းမကောင်း တဲ့ငွေရှာနည်းတွေကိုသင်မပေးဖို့အထူးလိုအပ်ပါတယ်။
ဒီနေ့အတွက်မကောင်းသောရာဟုကာလအမှောင်ချိန်တွေကတော့ ညနေ(၄:၂၀) နာရီမှ ညနေ(၅:၄၃)နာရီအတွင်း ကျရောက်နေပါတယ်။ဝါရ အဆိပ်သင့်ချိန်ကတော့ ညနေ ၆နာရီ ၃၅မိနစ်က ည ၈နာရီ၁၀မိနစ်အတွင်းဖြစ်ပါ တယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ် ချုပ်ဆို တာတွေ၊ ဒီကာလအတွင်းမှာ ရှောင်နိုင်ရင် အထူးကောင်းပါတယ်။
ကံကောင်းသောနေ့သားများကတော့ တနင်္လာ၊ ဗုဒ္ဓဟူး၊ ရာဟု၊ ကြာသပတေး၊ စနေသားသမီးများပဲဖြစ်ပါတယ်။
ကံညံ့သော နေ့သားများကတော့ အင်္ဂါသားသမီးများပဲ ဖြစ်ပါတယ်။
ကံသင့်သောနေ့သားများကတော့ တနင်္ဂနွေ၊ သောကြာသားသမီးများပဲ ဖြစ်ပါတယ်။
ဒီနေ့မှာ ပန်းရောင်၊ အစိမ်းရောင် များများပါသော အဝတ်အစား၊ အသုံးအဆောင်ပစ္စည်း တွေ ကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၉ ၊ ၁ ၊ ၃) ဂဏန်းတွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့အရှေ့အရပ်ကိုမျက်နှာမူ ပေါက်ပေါက် ၁ဆုပ်ကြဲပြီးမှသွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ရှမ်းထမင်းဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လိုအင်ဆန္ဒတွေပြည့်ဝကြပါစေ။
ဆရာငြိမ်းအေးလူ(ဗေဒင်သုတေသီ)
09775555695