
#တနင်္ဂနွေ
ဒီအပတ်အတွင်း အိမ်ပြောင်း၊နေရာပြောင်း၊ခရီးယာယီတွေကြုံရတတ်ပါတယ်။ အဝေးကအမိအဘအကြီး အကဲတွေလာလည်တာမျိုးလဲ ဒီအပတ်ထဲမှာကြုံနေရတတ်ပါတယ်။ ငွေကြေးအားကောင်းနေတတ်ပြီးတော့ အလှ အပနှင့်ဆိုင်သောလုပ်ငန်းများအထူးအကျိုးပေးပါတယ်။ဒီအပတ်ထဲ ခန္ဓာကိုယ်က ချွေးနံမထွက်ဘဲ အမြဲတမ်း အမွှေး နံ့သာလိမ်းခြယ်ထားခြင်းကလဲကံကောင်းမှုတွေပိုများစေပါလိမ့်မယ်။ ဝန်ထမ်းဖြစ်စေ၊လခစားဖြစ်စေငွေကြေး ထက် အလုပ်တိုးတတ်ဖို့ကိုသာ ဦးစားပေးအာရုံစိုက်ထားသင့်ပါတယ်။ ရတနာပစ္စည်းတွေအထွက်ပြနေတာမို့ ပွဲလမ်း သဘင်က အစ မလိုအပ်ရင်ရတနာပစ္စည်းတွေမဝတ်ဆင်တာပိုကောင်းပါတယ်။ ကျန်းမာရေးအားအနည်းဆုံးကာလ ထဲရောက်နေတာမို့ ကျန်းမာရေးယုတ်လျောစေမဲ့ကိစ္စမှန်သမျှ အလွန်အကျွံမလုပ်ဖို့သတိပေးချင်ပါတယ်။ ဆီမသန့် သောဆီကြော်မုန့်များနှင့် fast food တွေစားတာမျိုးဒီအပတ် မှာရှောင်နိုင်လေ ကောင်းလေပါပဲ။ စိတ်ရောလူပါ မနားမနေ လှုပ်ရှားအလုပ်များနိုင်တယ်။ ငွေကြေးအရ စွန့်စား မှု သိပ်များပြီးတော့ လောင်းကစားဆန်တဲ့ အလုပ်တွေ ပေါ်လာတတ်တယ်။ ဝင်ငွေကောင်းသလောက် သတိထားတဲ့ကြားက ဆုံးရှုံးမှုတချို့ ဖြစ်တတ်တယ်။ အချစ်ရေးကိစ္စ တွေမှာတော့ အဆင်ပြေစိတ်ချမ်းသာရပါလိမ်မယ်။ အိမ်ထောင်ရေးမှာလဲ အိမ်ထောင်ဘက်ရဲ့ကူညီဖေးမမှုတွေကို အထူးရရှိပါလိမ့်မယ်။
အကျိုးပေးဂဏန်း ၄၈၃
အထူးဟော ကျန်းမာရေးတော့ ဂရုစိုက်ပေးပါ။
ယတြာ သီးစုံဟင်းနဲ့ ရဟန်းသံဃာတွေကို ဆွမ်းလောင်းပါ…
#တနင်္လာ
ဒီတစ်ပတ်အတွင်း စိတ်ချမ်းသာစွာနဲ့ဖြတ်သန်းနိုင်ပါလိမ့်မယ်။ ရေကူးခြင်း၊ခရီးအပန်းဖြေသွားခြင်းတွေကို လဲဒီကာလအတွင်းဆောင်ရွက်ခြင်းဖြင့် ကံကြမ္မာမြင့်မားမှုကိုဖြစ်စေပါတယ်။ ငွေကြေးစတင်စုဆောင်းတာဖြစ်ဖြစ်၊ စတင်ပြီးငွေကြေးရင်းနှီးမြုပ်နှံတာဖြစ်ဖြစ်ဆောင်ရွက်လို့ကောင်းပါတယ်။မင်္ဂလာကိစ္စတွေ၊အလှူအတန်းကိစ္စတွေ မဖြစ်မနေသွားရမဲ့ခရီးကိစ္စတွေရှိရင် ဒီအပတ်ထဲဆောင်ရွက်လိုက်တာက အဆင်ပြေပါတယ်။ နှစ်ဦးစပ်အလုပ်တွေ အဆင်ပြေနိုင်သလို၊ရေထွက်ကုန်ပစ္စည်း၊ရေသန့်၊အချိုရည်၊ငါးလုပ်ငန်း၊အဖျော်ယမကာအလုပ်တွေကလဲ ဒီကာလ တွေမှာတော့ တိုးတတ်နိုင်ဖွယ်ရှိပါတယ်။ငွေအပိုကုန်ကျမှုနည်းနိုင်ပါတယ်။ ကျန်းမာရေးကတော့ အထူးသဖြင့် အရေပြားနဲ့ပတ်သက်သောရောဂါတွေသတိထားပါ။ မျက်နှာအလှပြင်ခြင်း၊ဆံပင်ပြုပြင်ခြင်းတွေကနေ အရေပြား ထိခိုက်မှု လေးတွေဖြစ်ရတတ်ပါတယ်။အလုပ်စီးပွားကိစ္စမှာ လုပ်နေကျ သွားနေကျ မဟုတ်တဲ့ လမ်းကြောင်းကို ရောက်လာ မယ်။ ပုံစံသစ်တွေနဲ့အတူ ကောင်းသောအပြောင်းအလဲတွေ ဖြစ်လာလိမ့်မယ်။။ အရင်က ဆုံးရှုံးမှုတွေ ရှိခဲ့ရင် ဒီအပတ်မှာ ပြန်ကာမိမယ်(လောင်းကစားအလုပ်ကို ပြောတာမဟုတ်ပါ)။ အလုပ်အကြွေးများနေခြင်းများ ကိုလဲ ပြေလည်အောင် ရှင်းလာနိုင်မယ်။ မိသားစု၊ အိမ်ထောင်ရေးတွေမှာ နားလည်မှု ပြန်ပြီး ရလာနိုင်သလို ချစ်သူ၊ စုံတွဲတွေကြားမှာလည်း မမျှော်လင့်ထားတဲ့ ပျော်ရွှင်မှုတွေ ၊စိတ်ချမ်းသာစရာတွေရလာတတ်ပါတယ်။
အကျိုးပေးဂဏန်း ၂၄၅
အထူးဟော ကံမြင့်မားနေမယ်။
ယတြာ ရွှေကြည်ဘုရားကပ်လှူပါ။
#အင်္ဂါ
တစ်ခုခုကိုစိတ်နှစ်ပြီး လုပ်ချင်တာရှိနေတယ်ဆိုရင်ဒီအပတ်ထဲလုပ်လိုက်ပါ။ အာရုံစိုက်ပြီး လုပ်ရတဲ့အလုပ် တွေ၊ စိတ်ပျံ့လွင့်ပါက လုပ်ဖို့မလွယ်တဲ့အလုပ်တွေရှိရင်ဒီကာလထဲလုပ်ကြည့်ပါ…အဆင်ပြေပါလိမ့်မယ်။ ကိုယ့် အလုပ်မှာဝန်ထမ်း၊အလုပ်သမားခန့်ချင်တာဖြစ်ဖြစ်၊ စက်မောင်း opreator တွေ၊ ကား Driver တွေခန့်အပ်ချင်တာ တွေဖြစ်ဖြစ် ဒီအပတ်ထဲ ရွေးချယ်ခန့်အပ်မယ်ဆို လူကောင်းရတတ်ပါတယ်။ ဝင်ငွေတိုးပွားလာနိုင်တဲ့ကာလဖြစ်တာ မို့ ပုံမှန်လခစားဝန်ထမ်းတွေဆိုရင်တောင် ဘောနပ်ရတာမျိုး၊ ဘောက်ဆူးသဘောငွေရတာမျိုးလေးတွေကအစကြုံရ လာဖွယ်ရှိနေပါတယ်။ အားနည်းချက်ကတော့ လေပွစာတွေလုံးဝမစားသင့်ပါဘူး။ သားသမီးတွေရဲ့ ကိစ္စတွေမှာ မိမိ တို့အုပ်ထိန်းမှုက လွတ်သွားသူတွေကို(အိမ်ထောင်ကျပြီးသွားတဲ့သားသမီးတွေကိုဆိုလိုသည်) ဝင်ရောက်စွက်ဖက် တာမျိုး တွေမလုပ်သင့်ပါဘူး။လုပ်ငန်းခွင်အတွင်း ပျော်ရွှင် ချမ်းမြေ့စရာတွေ ကြုံတွေ့ရတတ်တယ်။ လုပ်ငန်းမှာ မိမိလုပ်ကိုင်ချင်တဲ့ ပုံစံမျိုးပြောင်းလဲပြီး လုပ်ကိုင်ရတတ်တယ်။ အရင်ကာလက အဆင်မပြေမှုတွေ ဒီကာလထဲမှာ အနေအထားအသစ်တွေနဲ့ ပြန်ကောင်းလာဖို့ ရှိနေတယ်။ အချစ်ရေးကတော့ ချစ်သူချင်း ကူညီဖေးမမှု ရလာမယ်။ အရင်က ပြဿနာဟောင်းတွေ ဖြေရှင်းနိုင်မယ်။ အိမ်ထောင်ရေးမှာတော့စိတ်ရှုပ်စရာ တချို့ ရှိတတ်ပေမယ့် ပြောပလောက်အောင်ညံ့နေတာမတွေ့ရပါဘူး။
အကျိုးပေးဂဏန်း ၃၆၅
အထူးဟော စိတ်ပျော်ရွှင်ရမယ်။
ယတြာ သင်္ဘောသီးမှည့်(သို့)သင်္ဘောသီးသုပ်ဘုရားကပ်လှူပါ။
#ဗုဒ္ဓဟူး/ရာဟု
ငွေအကုန်ခံနိုင်ဖို့လိုပါတယ်။ဘာလို့လဲဆိုတော့ ဒီအပတ်ထဲမှာ အရာရာငွေခင်းပြီးလုပ်မှအဆင်ပြေတတ်ပါ တယ်။စီးပွားရေးကအစ အချိုအချောင်ရဖို့ မမြင်ပါဘူး။ အလွယ်လမ်းလိုက်သူတွေတော့ သတိထားရမဲ့ကာလပါပဲ။ အိမ်တွင်းရေးအပူရှိတတ်ပါတယ်။ မိမိတို့ မိသားစုထဲမှာ ဆိုးသွမ်းတဲ့သူကိုအကြောင်းပြုပြီးတော့ သောကအပူများရ တတ်ပါတယ်။သားသမီးတွေနဲ့ဆက်စပ်ပြီးတော့ ငွေထွက်စရာကိစ္စတွေပေါ်လာတတ်ပါတယ်။ဒီအပတ်မှာ စေ့စပ် ဆွေးနွေးခြင်း၊ကြားဝင်ဆောင်ရွက်ပေးခြင်း၊အကျိုးဆောင်ပေးခြင်းတွေကိုရှောင်နိုင်သမျှရှောင်လိုက်စေချင်ပါတယ်။ တတ်နိုင်သမျှ အေးအေးဆေးဆေးနဲ့သာ ဒီကာလကိုဖြတ်သန်းတာအကောင်းဆုံးပါပဲ။ပေါ်ပင်အလုပ်တွေ တော့ဒီကာ လ အတွင်းရှောင်စေချင်ပါတယ်။မိဘတွေကိုစိတ်ချမ်းသာအောင်ထားခြင်းကဒီအပတ်အတွင်းကံကောင်း စေဖို့ အထောက်အပံ့ဖြစ်စေပါလိမ့်မယ်။ဘယ်ကိစ္စမဆို အာရုံစူးစိုက်လို့မရ ဖြစ်နေတတ်တယ်။ အတွေးမှား အထင် မှားတွေကြောင့် လူမှုရေးမှာပါ ထိခိုက်လာပြီးမိတ်ဆွေရင်းတွေနဲ့တောင် မခေါ်နိုင်မပြောနိုင်ဖြစ်ရတတ်တယ်။ ကိုယ့် အချင်းချင်း အပြစ်မြင်ပေဖန်မိလို့ ရှင်းရတတ်တယ်။ အချစ်ရေးမှာ ပဋိပက္ခလေးတွေ ရှိနေတတ်ပေမယ့် ဆိုးရွားတဲ့ အနေအထားထိတော့မဖြစ်ပါ။ နားထားရတဲ့ အလုပ်တွေ ပြန်စရနိုင်တယ်။ကျန်းမာရေးပြဿနာလေးတွေပေါ်လာ တတ်ပါတယ်။ ရောဂါဟောင်းတွေကို ဖြစ်နေကြပါပဲဆိုပြီးမပေါ့လိုက်သင့်ပါဘူး…။
အကျိုးပေးဂဏန်း ၆၇၀
အထူးဟော အချောင်ရဖို့ လမ်းမရှိဘူးဗျ..။
ယတြာ သားသမီး၊အောက်လက်ငယ်သားတွေကို မုန့်ဖိုးပေးလိုက်ပါ။
#ကြာသပတေး
အလုပ်ပိုတွေများနေသလား ပြန်ချိန်ဆကြည့်ပါ။ မဆိုင်တဲ့ကိစ္စတွေကို လျှော့ချပြီးအရေးကြီးတာတွေကိုသာ ဒီအပတ်ဦးစားပေးပါ။ သတိထားရမှာက သူများအကြံတွေကိုနားထောင်သင့်ပေမဲ့ ယူမသုံးသင့်ဘူး။ တတ်သိနား လည်ထားတဲ့ကိစ္စတွေမှာတော့ သူတစ်ပါးကိုသင်ပေးလို့အထူးကောင်းပါတယ်။ ငွေကြေးနဲ့ပတ်သက်ပြီးတော့လဲ ကောင်းသောအကူအညီတွေရလာတတ်ပါတယ်။ ပညာပြန်သင်ပေးတဲ့ ဆရာတွေအနေနဲ့ ဒီတစ်ပတ်ထဲသင်တန်းစ တာမျိုးတွေ၊တပည့်လက်ခံတာမျိုးတွေဆောင်ရွက်နိုင်ပါတယ်။အများအတွက် အကျိုးများစေမဲ့ကိစ္စတွေကိုမျှဝေ တာမျိုးကတော့ ဒီအပတ်မှာကံကောင်းစေဖို့အထောက်အပံ့ဖြစ်စေပါလိမ့်မယ်။ ရေတွင်းတူးခြင်း၊ ရေစုပ်စက်၊ ရေမော်တာဝယ်ခြင်းတွေ၊ရေကန်တည်ဆောက်တာတွေ၊overhead Tank လုပ်တာမျိုးတွေ ဒီအပတ်မှာဆောင်ရွက် ခြင်းဖြင့် အဆင်ပြေပြေနဲ့လွယ်ကူချောမွေ့စေပါလိမ့်မယ်။အစီအစဉ်တကျ လုပ်ထားတာတွေက တလွဲတချော်တွေ ဖြစ်တတ်ပြီး ဖြစ်ပေါ်လာတဲ့အခြေအနေအရရုတ်တရက်ဆုံးဖြတ်ပြီးလုပ်ချလိုက်တဲ့ အလုပ်တွေက ကြံဖန်ပြီးတော့ အောင်မြင်သွားတတ်တယ်။ အကြံကောင်းတော့ တစ်ချက်ဆိုသလိုပေါ့။ရွေးစရာလမ်းနှစ်ခုပေါ်လာရင်လဲမိမိတို့က တစ်ခုဆိုတစ်ခု တိတိကျကျ ရွေးချယ် လုပ်တတ်ဖို့အရေးကြီးပါတယ်။ နှလုံးသားရေး၊အိမ်ထောင်ရေးတွေမှာ အကောင်းအဆိုး ယှဉ် နေမယ်။ယတိပြတ် ကောင်းမယ်..ဆိုးမယ် မပြောနိုင်ပါ။ ကျန်းမာရေးဂရုစိုက်ပေးပါ။
အကျိုးပေးဂဏန်း ၁၀၇
အထူးဟော အရေးကြီးတာကိုဦးစားပေးလုပ်ပါ..
ယတြာ ကြံရည်၊ကြံချောင်းလေးတွေ ဘုရားကပ်ပါ..။
#သောကြာ
ရန်သူတစ်ဖက်၊မိတ်ဆွေတစ်ဖက်တည်ရှိနေတဲ့ကာလပါပဲ။ မုန်းသူတွေကလဲ ကိုယ်ဒုက္ခရောက်ဖို့ကြံစည်မှာ ဖြစ်သလို ချစ်သူခင်သူတွေကလဲ မိမိအဆင်ပြေဖို့ ကိုယ်အားဥာဏ်အားနဲ့ကူညီကြပါလိမ့်မယ်။ အတွေးများနေတာ တွေ၊ လေထဲတိုက်အိမ်ဆောက်နေတာတွေလျှော့ချပြီး လက်တွေ့ကျကျဆောင်ရွက်မှသာ လုပ်ငန်းစီးပွားတိုးတတ်ပါ လိမ့်မယ်။ ပျင်းနေသူ၊ငိုင်နေသူတွေကျန်ခဲ့ပါလိမ့်မယ်။ နေပူတဲ့နေ့တွေမှာ မိမိအိပ်ယာခင်းတွေ၊ ခေါင်းအုံးစွပ်တွေ၊ ခြင်ထောင်တွေ ကိုလျှော်ပြီး မွှေးပျံ့နေအောင်ထားခြင်းဖြင့် ဒီအပတ်အတွင်းကံကောင်းခြင်းတွေကို ဖြစ်ပေါ်စေပါ လိမ့်မယ်။ကိုယ်ပိုင်စီးပွားရေးသမားတွေဆို မိမိဆိုင်ကို လှပအောင်သန့်ရှင်းရေးလုပ်ခြင်းတွေက အထူးကောင်းပါ တယ်။ငွေကံအားကောင်းနေပေမဲ့.. ကုန်စရာတွေလဲရှိနေတာကိုတွေ့ရပါတယ်။ လှုပ်ရှားသွားလာရမဲ့အလုပ်များ လုပ်ကိုင်နေသူတွေ ကြီးပွားတိုးတတ်ပါလိမ့်မယ်။ စကားများများပြောတာမျိုးကတော့ ဒီအပတ်မှာကောင်းတဲ့ကိစ္စ ပါပဲ။အတွေးသစ်အကြံသစ်တွေ ရလာတတ်တယ်။ မမျှော်လင့်တဲ့ ရှုထောင့်က ကြည့်ပြီးဆောင်ရွက်တာကပိုအဆင် ပြေတယ်။ လူအများကြားမှာ ကိုယ့်အစွမ်းအစကိုပြသနိုင်ဖို့လိုမယ်။ အများက လေးစား အားကျအောင် နေဖို့လဲ အထူး လိုအပ်ပါတယ်။ အိမ်ထောင်ရေးကံလဲ အားကောင်းလာမယ်။ မေတ္တာရေးမှာလည်း ပျော်ရွှင်ကြည်နူးစရာတွေ ကြုံရမယ်။ လူပျိုလူလွတ်တွေ စန်းပွင့်ပြီး ချစ်သူသစ်ရဖို့ ၊ချစ်ရသူကိုဖွင့်ပြောဖို့ အခွင့်အရေးရလာတတ်ပါတယ်။
အကျိုးပေးဂဏန်း ၁၆၈
အထူးဟော ရန်သူတွေကိုလျှော့မတွက်ပါနဲ့။
ယတြာ ငါးကင်နဲ့ ဆွမ်းပွဲပြင်ပြီး ဘုရားကပ်လှူပါ။
#စနေ
အခက်အခဲတွေရှိနေတတ်ပေမဲ့ မိမိကိုယ်တိုင် ဆင်ခြင်နေထိုင်မယ်ဆိုရင်တော့အညံ့နည်းပါတယ်။ ငွေကြေး နဲ့ပတ်သက်သော အကြပ်အတည်းလေးတွေကြုံလာရတတ်ပါတယ်။ ပါးပါးနပ်နပ် နေသူတွေကတော့ဒီအပတ်မှာ အဆင်ပြေပေမဲ့ ထုံအအနေတတ်သူတွေကတော့ ဒီအပတ်ထဲ လူလိမ်ခံရတတ်ပါတယ်။ ဒါကြောင့်မသိနားမလည်တဲ့ ကိစ္စတွေကိုတော့ တတ်နိုင်သမျှလုံးဝသာရှောင်စေချင်ပါတယ်။ အိမ်တွင်းရေး၊မိသားစုရေးကိစ္စတွေမှာတော့ အား နည်းချက်တော်တော်များများပါတယ်။ မိသားစုအတွင်းမတည့်သူတွေနဲ့ ရန်ဖြစ်သည်အထိ ပိုမိုဆိုးဝါးလာတတ်ပါ တယ်။ အမှုအခင်းဖြစ်လာနိုင်တဲ့ကိစ္စတွေကိုတော့ရှောင်ပါ။ ဝန်ထမ်းများအလုပ်များပေမဲ့ ဒီအပတ်ထဲအားစိုက်ပြီး စေတနာထားလုပ်ပေးမယ်ဆို လူကြီးတွေရဲ့ အသိအမှတ်ပြုခြင်းကိုရပါလိမ့်မယ်။ ဘယ်နယ်ပယ်ကသူဖြစ်ပါစေ..ပရ ဟိတဆန်ဆန် ကူညီပေးခြင်းက ဒီအပတ်အတွင်းကံကောင်းစေဖို့အထောက်အပံ့ဖြစ်စေပါလိမ့်မယ်။ တုံ့ဆိုင်းတွေဝေ စရာ တွေ မကြာခဏ ကြုံရမယ်။ အဲသလို ဆုံးဖြတ်ချက် မပြတ်သား တွေဝေနေလို့လည်း အခွင့်ကောင်းတွေ လက် လွှတ် ရတတ်ပါတယ်။လူပျို၊အပျိုတွေမှာတော့ မေတ္တာရေးကံ အားကောင်းလာနိုင်တယ်။ သူများစုံတွဲတွေကို အား ကျ ပြီးတော့ ချစ်သူရည်စားထားရင်ကောင်းမလားဆိုတဲ့အတွေးမျိုးဝင်လာတတ်ပါတယ်။ အိမ်ထောင်ရှင်တွေ က တော့ ကတောက်ကဆ ဖြစ်တာ များမယ်။ အလုပ်ကိစ္စမှာ ပြတ်သားဖို့ လိုမယ်။ ပြတ်သား ရဲရင့်လေ အောင် မြင်လေ ဖြစ်မယ်။ အဆင်မပြေလက်လျှော့ခဲ့တဲ့ အလုပ်တွေ ဒီကာလမှာ ပြန်လုပ်ရင် အောင်မြင်တတ်တယ်။
အကျိုးပေးဂဏန်း ၂၃၉
အထူးဟော ကံအားနည်းနေတယ်ဗျ
ယတြာ ကန်စွန်းဥပြုတ်ပြီး ဘုရားလှူပေးပါ
၇ရက်သားသမီးအပေါင်း ရန်သူမျိုးငါးပါးဘေးမှ ကင်းဝေးနိုင်ကြပါစေ
ဆရာငြိမ်းအေးလူ(ဗေဒင်သုတေသီ)
0977 5555 695