Tag: ဗေဒင်သုတေသီ

#တနင်္ဂနွေ

ဒီကာလအတွင်း မိမိကိုယ်တိုင်ကယုံကြည်မှုတွေရှိနေဖို့လိုအပ်ပါတယ်။အရင်ကထက်ပိုမိုကြိုးစားသင့်တဲ့ ကာလပါပဲ။ ကံကမိမိဘက်မှာရှိနေပါတယ်။ မိမိကသာလိမ္မာပါးနပ်စွာလုပ် ကိုင်ခြင်းဖြင့်အဆင်ပြေထွန်းပေါက်ပါ လိမ့်မယ်။ အလျင်စလိုမလုပ်ဖို့ မလောဖို့တော့ သတိထားရမဲ့ကာလပါပဲ။ အ လျင်လိုလေအနှေးဖြစ်လေပါပဲ။ စီးပွား ရေးထွန်းပေါက်ပါလိမ့်မယ်။ ကိုယ်ပိုင်စီးပွားရေးများမှ ကန်ထရိုက်များ၊ကိုယ် စားလှယ်များ၊အရောင်းအဝယ် သမား များအထူးပဲအဆင်ပြေလိမ့်မယ်။ အလုပ်အကိုင်နှင့် ပတ်သက်၍ အထက်လူကြီးများနှင့် မပြေမလည် ဖြစ်ကိန်း ရှိရာ ဂရုပြုပါ။ အခက်အခဲ ပြဿနာ ရှိသော အလုပ်တာ၀န်များ ကျရောက် လာလိမ့်မည်။ မိမိဘက်က တရားနည်းလမ်း တကျ ရင်ဆိုင်ခြင်းဖြင့် ပြေလည် အောင်မြင် တိုးတက်လိမ့်မည်။ ကျန်းမာရေးကတော့ကောင်းနေတာမျိုး တွေ့ရ ပါတယ်။ ကျန်းမာရေးဒေါင်ဒေါင်မြည်နေမဲ့ကာလပါပဲ။ အချစ် ရေးနဲ့ပတ်သက်ရင်လဲ စိတ်ကူးမျှော်လင့်ထားတဲ့ အတိုင်းဖြစ်ရတတ်ပါတယ်။ ချစ်သူနဲ့အမှတ်ရစရာအချိန်လေးတွေ ကိုဖန်တီးနိုင်မှာပါ။ အိမ်ထောင်ရေးကတော့ အဆိုးအကောင်းမရှိ ပုံမှန်ပါပဲ။ ပညာရေးနဲ့ပတ်သက်တဲ့ခရီးတွေ သွားရတတ်ပါတယ်။ဒါမှမဟုတ် အွန်လိုင်းကနေ ပညာရှာရတတ်ပါတယ်။

အကျိုးပေးဂဏန်း  ၅၆၄

အထူးဟော  ကံအားနည်းနေသည်.

ယတြာ    အလှကုန်ပစ္စည်းဗူးအဟောင်းတွေရှိရင်စွန့်ပစ်ပါ။

#တနင်္လာ

ဒီကာလအတွင်းကြံစည်သမျှအောင်မြင်မဲ့အချိန်ပါ။ကုန်သွယ်မှုလုပ်ငန်း၊ခရီးသွားလုပ်ငန်း၊ဘဏ်လုပ်ငန်းတွေ အထူးကောင်း ကျိုးပေးချိန်ပါ။ အနာဂတ်စီမံကိန်းချထားတဲ့ ကိစ္စများ လက်တွေ့အကောင်အထည်ဖော်နိုင်မဲ့အချိန် ပါပဲ။ အလုပ်အကိုင်တွေလဲ အရှိန်အဟုန်တွေနဲ့ တိုးတတ်နေပါတယ်။ အထက်လူကြီးရဲ့ချီးမြှောက်ခြင်းခံရတတ်ပါ တယ်။ ရာထူးတိုးခြင်း၊ နေရာကောင်းရခြင်း အလုပ်ရှာနေသူများ အလုပ်သစ်ရခြင်းမျိုးတွေကြုံရတတ်ပါတယ်။ ကျန်းမာရေး ကတော့ သွေးတိုးနိုင်တာကြောင့် တတ်စာတွေလျှော့စားပါ။ ပုံမှန်သွေးပေါင်ချိန်ပြီး သွေးညှိဆေးတွေ သောက်သင့် တဲ့ကာလပါပဲ။ စိတ်ချမ်းသာမှု အဆင်ပြေမှုတွေအထူးကြုံတွေ့ရတတ်တဲ့ကာလလဲ ဖြစ်ပါတယ်။ ငွေကြေးနဲ့ ပတ်သက်ပြီးတော့လဲလိုချင်သလောက်မရပေမဲ့ အတိုင်းအတာတစ်ခုထိရလာတတ်ပါတယ်။ စိတ်ဖိစီးမှု များ ကြားမှ အောင်မြင်စိတ်ချမ်းသာမှု ရမည်။ စီးပွားရေး ကံများ တိုး တက်လာမည်။ အရေပြားပေါ်တွင် Allergic ဖြစ်တတ်ရာ ညစ်ပတ်ရေထိခြင်း သတိထားပါ။ လူငယ်တွေ အချစ်ရေး ကံကောင်းနေပါတယ်။စန်းလဲပွင့်နေပါတယ်။ ချစ်သူသစ်ရည်းစားသစ်ဆိုတာမျိုးလဲ ရလွယ်ပါတယ်။ အိမ်ထောင်ရေး အိမ်တွင်းရေးလဲသာယာ ပျော်ရွှင်မှုတွေကြုံရ တတ်ပါ တယ်။  ပညာရေးအကောင်းဆုံးအချိန်ပါ။  ကြိုး စားသမျှအရာ ထင်ပါလိမ့်မယ်။

အကျိုးပေးဂဏန်း   ၆၇၉

အထူးဟော   ကျန်းမာရေးဂရုစိုက်ပေးပါ

ယတြာ   ၂၄ပစ္စည်းကို ၂၄ခေါက်ရွတ်ပွားပူဇော်ပါ။

#အင်္ဂါ

ဒီကာလဟာစိတ်ချမ်းသာစရာများပါလိမ့်မယ်။ဘဝအတွက်အခက်အခဲပြဿနာတွေ ဘယ်လောက်ပဲရှိပါစေ ဖြေရှင်းနိုင်မှာပါ။ စီးပွားရေးလဲ အကောင်းဆုံး အချိန်ပါပဲ။ စီးပွားဖြစ်မဲ့ကာလဆိုတော့ ကိုယ်လဲကြိုးစားဖို့လိုအပ် တာပေါ့ဗျ ။ ကူညီမဲ့မိတ်ဆွေတွေလဲ အနားမှာ ဝန်းရံနေပါလိမ့်မယ်။ ကိုယ်ပိုင်စီးပွားရေးသမားများ လုပ်ငန်းချဲ့ထွင် နိုင်မှာပါ။ ငွေကြေးတွေဝင်လာဖို့ရှိနေပါတယ်။ ကျန်းမာရေးနဲ့ပတ်သက်ပြီး အဆိုးအညံ့တော့ မရှိပါဘူး။ ဒါပေမဲ့ ခန္ဓာ ကိုယ်ပေါ် မနိုင်ဝန်မထမ်းမိပါစေနဲ့ ။ ဒဏ်ဖြစ်သွားတတ်တဲ့ကာလမို့ပါပဲ။  အခွင့်အလမ်းသစ်တွေ အလုပ်အကိုင်သစ် တွေရလာပါလိမ့်မယ်။ရလာတဲ့အခွင့်အရေးကိုဖမ်းဆုပ်နိုင်ဖို့ပဲ လိုအပ်ပါတယ်။ ရှယ်ယာအလုပ်များ ၊ ကိုယ်စား လှယ် အလုပ်များ၊လက်ကားအလုပ်များအထူးကောင်းနေချိန်ပါ။ကုန်မာဆိုင်များ၊ဆောက်လုပ်ရေးပစ္စည်းဆိုင်များ၊အုတ်၊သဲ၊ကျောက်အလုပ်များအဆင်ပြေပါလိမ့်မယ်။အချစ်ရေးကံကတော့အထူးညံ့နေတယ်။မိမိအပေါ် နားလည် မှုမရှိဘဲ တစ်ဖက် သတ်စွပ်စွဲချက်တွေနဲ့ပြဿနာ ရှာတတ် ပါတယ်။အိမ်ထောင်ရေးမှာတော့ အညံ့အဆိုး နည်း ပါတယ်။ နားလည်မှု ရှိရှိနဲ့ရှေ့ဆက်သွားနိုင်ပါလိမ့်မယ်။ ပညာ ရပ်တစ်ခု စတင်သင်ကြားဖို့ ရည်ရွယ်နေသူရှိရင် ဒီကာလ အတွင်း စတင် လိုက်ပါ၊

အကျိုးပေးဂဏန်း  ၁၃၀

အထူးဟော  ကံအင်အားကောင်းနေမယ်။

ယတြာ  မြေပဲယိုလေး ဘုရားကပ်လှူပေးပါ။

#ဗုဒ္ဓဟူး/ရာဟု

ဒီကာလအတွင်းလုပ်ချင်တာတွေ လုပ်ခွင့်ရမည်။ ဖြစ်ချင်တဲ့ဆန္ဒတွေအကောင်အထည်ဖော်နိုင်မည်။ လူမျိုး ခြား ဘာသာခြားတွေရဲ့အကူအညီတွေရမယ်။ ရပ်ဝေးက သတင်းကောင်းကြားရမည်။ မိမိကြောင့် သူများတွေ စိတ်ချမ်း မြေ့ရမယ်။ မိမိအကြံပေးမှုကြောင့် သူများတွေအဆင်ပြေမည်။ ကျန်းမာရေးကတော့ အားနည်းချက်ရှိပါ တယ်။ အဆိုးကြီးမဟုတ်ပေမဲ့ ဂရုစိုက်ဖို့လိုပါတယ်။ ရေချိုးမှားတာ၊အပူရှပ်တာမျိုးတွေအထူးဖြစ်တတ်ပါတယ်။ အတွေးအခေါ် မငြိမ်မသက် ဖြစ်နေမည်။ စက်ပစ္စည်း, မီးနှင့်ပတ်သက်သော စားသောက်ကုန် လုပ်ငန်းများ၌ အကျိုး ကျေးဇူး ရလာတဲ့အခွင့်အရေး ၊ ပေးလာတဲ့ အခွင့်ထူးကိုဖမ်းဆုပ်ဖို့မမေ့ပါနဲ့။ အလုပ်သစ်၊ဆိုင်သစ် စဖွင့်မည့်သူများ အခု ကာလ အတွင်းဖွင့်ပါ။ လုပ်ငန်းစီးပွားအထူးတိုးတတ်မည်။ အလုပ်ထဲတွင် ရာထူး တိုးခြင်းနာမည်ကောင်း ရခြင်းမျိုးကြုံရမည်။ ရာထူးတိုးစာမေးပွဲများ ၊အင်တာဗျူးစာမေးပွဲများဖြေဆို အောင် မြင် လိမ့်မည်။ ဆုံးမည်ထင် ထား သောအကြွေးများပြန်ရမဲ့ အချိန်ပါပဲ။ အချစ်ရေးကိစ္စများတွင် စိတ်ချမ်းမြေ့စရာ အတိဖြစ်လိမ့်မည်။ အိမ်ထောင်သည်များ အိမ်ထောင်ရေးဖောက်ပြန်ဖို့ အခွင့်အလမ်းပေါ်လာတတ်သည်။ မလုပ်ပါ နှင့်။ ပညာရေး ကံမညံ့ပေမဲ့ စာကိုစိတ်ဝင်စားမှု သိပ်မရှိ သ လို ဖြစ် နေမယ်။

အကျိုးပေးဂဏန်း  ၁၂၉

အထူးဟော  ကူညီမဲ့သူပေါများသည်

ယတြာ   အလင်းတိုင် ၇တိုင်အိမ်ကဘုရားမှာထွန်းညှိပူဇော်လိုက်ပါ။

#ကြာသပတေး

ဒီကာလအတွင်းမိမိရဲ့ ဆုံးဖြတ်ချက်ကိုဘယ်သူတားတား မပြင်ဘဲလုပ်မိတာမျိုးရှိရင် စဉ်းစားပါအုံး။ ဒုက္ခ များသွားနိုင်လို့ပါ။ စပ်တူရှယ်ယာလုပ်ဖို့ လာစပ်ရင်လက်မခံလိုက်ပါနဲ့ဗျာ။ စပ်တူစတင်လုပ်ဖို့ မကောင်းသေးတဲ့ အချိန်ပါပဲ။ ငွေကအဝင်ကြမ်း အထွက်ကြမ်းဖြစ်ရတတ်ပါတယ်။ ဝင်သလောက်လဲ ဆီလိုအပေါက်ရှာပြီး ပြန်ထွက် နေတတ်ပါတယ်။အလုပ်သစ်ရှာတာမျိုးတွေ၊ဆိုင်သစ်ဖွင့်တာ၊အလုပ်သစ်စတင်တာ၊အိမ်သစ်မှာစတင်နေထိုင်တာမျိုးတွေဆောင်ရွက်လို့အထူးကောင်းတဲ့ကာလပါပဲ။ ကျန်းမာရေးအညံ့ကြီးမဟုတ်ပေမဲ့ အသောက်အစားရှိ သူဆို အသောက် များပြီးကျန်းမာရေးထိခိုက်ပါလိမ့်မယ်။ အဆီအဆိမ့်များလဲ လျော့စားသင့်တဲ့ကာလပါပဲ။ အရမ်းရင်းနှီး တဲ့ မိတ်ဆွေတွေထဲက တစ်ဦးတစ်ယောက်ကျန်းမာရေးညံ့သွားလို့ လူနာသတင်းမေးရတာမျိုးလဲဖြစ် တတ်ပါတယ်။ အချစ်ရေးကံကတော့ အားနည်းနေရမဲ့ကာလပါဗျ။ ချစ်သူချင်းကြားစကားတွေကြောင့် ပြဿနာများ ရတတ်ပါ တယ်။ အဖျက်ဝင်တတ်တဲ့ကာလပါပဲ။ အိမ်ထောင်ရေးမှာတော့ အဆင်ပြေတာများပါလိမ့်မယ်။ စီးပွားရေး နဲ့ပတ်သက်ပြီး အိမ်ထောင်ဘက်ဆီက အကြံဉာဏ်ယူသင့်ပါတယ်။ ပညာရေးအထူးကောင်းတဲ့ကာလပါပဲ။

အကျိုးပေးဂဏန်း  ၂၉၅

အထူးဟော  ကံညံ့နေတာလေးတွေရောပါနေတတ်ပါတယ်။

ယတြာ   အရှေ့အရပ်ကိုမျက်နှာမူပြီး ၃၁ဘုံကိုမေတ္တာပို့ပါ။

#သောကြာ

        ဒီကာလအတွင်းလူငယ်များအပေါင်းအသင်းမှားတတ်ပါတယ်။ မကောင်းတဲ့သူတွေကိုအထင်ကြီးပြီးသူတို့ခိုင်း ရာလုပ်ပေးနေမိတတ်ပါတယ်။ရပ်ဝေးကနေအကူအညီတွေရတတ်သလိုသတင်းကောင်းတွေလဲကြားရတတ်ပါ တယ်။လူမျိုးခြား ဘာသာခြား တစိမ်းတွေရဲ့ အထောက်အပံ့တွေရလာတတ်ပါတယ်။ လက်စမသတ်ရသေး သော အလုပ်များ အပြီးမသတ်ရသး သောကိစ္စများ အဆုံးသတ်နိုင်ပါလိမ့်မယ်။ ငယ်ရွယ်သူများမိဘထံ လိုချင်တာပြော ထား ဖူးရင် ဒီကာလဝယ်ပေး တတ်ပါတယ်။ သစ္စာတရားလက်ကိုင်ထားခြင်းဖြင့်အောင်မြင်မှုတွေရ ယူနိုင်ပါလိမ့် မယ်။ အလုပ်နဲ့ပတ်သက်ပြီးရာထူးတိုးခြင်း နေရာကောင်းရခြင်းမျိုးကြုံရလိမ့်မယ်။ ကျန်းမာရေး အားနည်းသူတွေ နလန်ပြန်ထမဲ့အချိန်ပါပဲ။ နာတာရှည် ဖြစ်နေသူတွေတောင် ဆေးကောင်းဝါးကောင်းတွေ့သွား တတ်တဲ့အချိန်ပါပဲ။ အကောင်းအဆိုးဒွန်တွဲနေတဲ့ကာလတစ်ခုပါပဲ။မျှော်လင့်ထားတာတွေမဖြစ်ဘဲမမျှော်လင့်တာတွေဖြစ်တတ်တယ်။ခရီးယာယီတွေလဲ သွားရပေလိမ့်မည်။ ဆွေမျိုးအသိုင်းအဝိုင်းနဲ့သက်ဆိုင်သော လူမှုရေးကိစ္စတွေ လုပ်ပေးရလိမ့်မည်။ ချစ်သူက အခြားသူနဲ့ စွပ်စွဲပြောဆိုတာခံရလိမ့်မယ်။ အိမ်ထောင်ဘက်နဲ့ စကားတကျက်ကျက်များရလိမ့်မည်။ အလုပ်ထဲ၌ အထက်လူကြီးနဲ့စကားများပြီးအညှိုးထားခြင်းခံရလိမ့်မယ်။ မလိုအပ်တဲ့နေရာတွေမှာ ငွေအသုံးလျှော့ ပါ။ပညာရေးကတော့ ကြိုးစားဖို့သာလိုပါတယ်။ ကံကမိမိဘက်မှာပါ။

အကျိုးပေးဂဏန်း  ၃၄၆

အထူးဟော အကောင်းအဆိုးဒွန်တွဲနေမဲ့ကာလပါပဲ

ယတြာ     တတ်နိုင်သမျှ အသားကြီး၊ငါးကြီးစားတာမျိုး  ရှောင်ပါ။

#စနေ

ဒီကာလအတွင်း အလုပ်စီးပွားလဲ စတင်တိုးတတ်နေချိန်ဖြစ်တဲ့အတွက် အတိုက်အခိုက် အနှောက်အယှက် လေး လေးတွေရှိနေ တတ်ပါတယ်။ အနီးကပ်မိတ်ဆွေတွေထဲမှာ ကောင်းမလိုလိုနဲ့ မိမိကို ချောက်ချနေတဲ့သူတွေရှိ တဲ့အတွက်သတိ ထားပါ။ အလုပ် စီးပွားကြောင့်တော့ စိတ်ညစ်စရာ ပြဿနာဖြေရှင်းရတာတွေတော့ ရှိနေဆဲပါပဲ။ ကျန်းမာရေးလဲ သိပ်တော့မညံ့ပါဘူး။ဒါပေမဲ့ ခေါင်းကိုက်၊ ခေါင်းမူးခဏခဏဖြစ်ရတတ်ပါတယ်။ အပြောင်းအလဲ လုပ်ခြင်း အသစ်စတင်ခြင်းတွေ မလုပ်သင့်သေးပါဘူး။ ဘာကြောင့်ပဲ ဖြစ်ဖြစ်ငြိမ်နေ တာအကောင်းဆုံးပါပဲ ။ ငွေက ဝင်သလောက်ပြန်ထွက်နေပါလိမ့်မည်။ ငွေအဝင်ကြမ်းအထွက်ကြမ်းနေမဲ့ကာလပါပဲ။ မိမိဆီငွေများခဏလာ အပ်ပါ ကလက်မခံပါ နှင့်။လာဘ်ပိတ်တတ်ပါသည်။ ကျန်းမာရေးအထူးညံ့ဖျင်းမဲ့အချိန်ပါပဲ။ ရေချိုးမှားတတ် ၍ သတိထား ပါ။ ခေါင်းကိုက်ပါလိမ့်မယ်။ အိမ်တွင်းရေးသောကကြုံရမည်။ လင်မယားချင်းစကားများရတတ်ပါသည်။ အချစ်ရေး အဆင်ပြေကာမှ ကြားလူကြောင့်စိတ်ဝမ်းကွဲပါလိမ့်မည်။ အလုပ်များသလောက် အကျိုးရှိမဲ့အချိန်ပါပဲ။ အိမ်ထောင် ရေး မှာတော့ အဆင်ပြေပေမဲ့ ကြားစကားတွေကို တော့ မယုံမိဖို့လိုအပ်ပါတယ်။ ပညာရေးအပေါ် အာရုံ စိုက်လွန်း တာကြောင့် စိတ်ပင်ပန်းရတတ်ပါတယ်။

အကျိုးပေးဂဏန်း  ၄၅၇

အထူးဟော  မိမိအလုပ်တွေကိုစိတ်နှစ်ထားခြင်းဖြင့်ကံကောင်းစေပါလိမ့်မယ်။

ယတြာ       မိမိထက်နွမ်းပါးသူကို မီးဖိုချောင်ပစ္စည်းတွေနိုင်သလောက် လှူလိုက်ပါ။

၇ရက်သားသမီးအပေါင်း ရန်သူမျိုးငါးပါးဘေးမှ ကင်းဝေးနိုင်ကြပါစေ

                                                                                             ဆရာငြိမ်းအေးလူ(ဗေဒင်သုတေသီ)

                                                                                                            0977 5555 695                                                                                                             09 44 5555 695

ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ တန်ဆောင်မုန်းလဆန်း(၁၄)ရက်၊ တနင်္ဂနွေနေ့ ဖြစ်ပါတယ်။

ခရစ်နှစ် ၂၀၂၂ခုနှစ်၊နိုဝင်ဘာလ(၆)ရက်နေ့လဲ ဖြစ်ပါတယ်။

ဒီနေ့နံနက်(၅း၄၃)နာရီမှာ အရုဏ်တတ်ပါတယ်။ နေထွက်ချိန်နံနက်(၆း၃၁)နာရီဖြစ်ပြီး ၊ ညနေ(၅း၃၉)နာရီမှာ နေဝင်ပါတယ်။

ဒီနေ့မှာ ဆောင်သင့်တဲ့လာဘ်နေအရပ်က အရှေ့မြောက်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက်တောင်အရပ် ဖြစ်ပါတယ်။ စန်းပွင့်ရာအရပ်က မြောက်အရပ် ဖြစ်ပါတယ်။

လက်သမားမြေခံ ဂဠုန် မြေခံဖြစ်၍ ကြီးပွားချမ်းသာရတတ်သော နေ့ဖြစ်တာကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်း တည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ဆောင်ရွက်လို့ အထူးကောင်းပါတယ်။

ဒီနေ့ဟာတီထိမြေခံအရ  တနင်္လာမြေခံတဲ့နေ့ဖြစ်ပါတယ်။ တနင်္လာမြေခံ ဖြစ်တဲ့အတွက် ဒီနေ့မှာ လုပ်ကိုင် လိုက် သော လုပ်ငန်းများမှန်သမျှ အကျိုးအမြက်ကြီးကြီးမားမားရရှိကြွယ်ခြင်း၊ ချမ်းသာခြင်း၊ စည်းစိမ်ဉစ္စာ တိုးပွား ခြင်းများ အထူးပင်ရရှိစေနိုင်တာကြောင့် ခိုင်ခန့်တဲ့အဆောက်အဦးတွေ၊ကျောင်းတွေသိမ်တွေ၊ လမ်း တံတား တွေ၊ အထပ်မြင့်အဆောက်အဦးတွေ စတင် ဆောက်လုပ်တာ တိုင်ထူတာပန္နက်ရိုက်တာမျိုး တွေ အထူးဆောင်ရွက် သင့်ပါတယ်။ သမားညိုရက်မို့ ရှောင်သင့်ပေမဲ့ ဒီနေ့က အခြားတွဲယုဂ်တွေကောင်းတာမို့ဆောင်ရွက်လို့အဆင်ပြေပါ တယ်။

ဒီနေ့ဟာ ရက်ရာဇာ၊ သမားညို ရက်ကျရောက်နေတာဖြစ်ပါတယ်။

ဒီနေ့ဟာ တီထိအရတော့  လဆန်းတီထိ ၁၃လုံးဖြစ်ပြီးတော့ အောင်မြင်မှုတွေ၊ စွမ်းအားသတ္တိတွေကိုပေးတဲ့ ဇယျ တီ ထိကျရောက်တဲ့နေ့ရက်ပဲဖြစ်ပါတယ်။ဒီလိုနေ့ရက်မှာ ကျန်းမာရေးကတော့ အလွန်မှအဆင်ပြေကောင်းမွန် ပါ လိမ့် မယ်။ နေအိမ်ပြောင်း၊ရုံးခန်းပြောင်း၊အလုပ်ပြောင်းခြင်းများ၊နေရာပြောင်းခြင်းများဒီနေ့မှာဆောင်ရွက်လို့ ကောင်း ပါ တယ်။ ရင်းနှီးမြုပ်နှံခြင်းများဆောင်ရွက်လို့ကောင်းပါတယ်။ စွန့်စားလှုပ်ရှားရသောအလုပ်များ အကျိုး ပေး မည်။

သတ္ထုများ၊ရွှေနှင့်ရတနာပစ္စည်းစူးစမ်းရှာဖွေခြင်းများလဲစတင်နိုင်မဲ့နေ့ရက်ပါပဲ။ အောက်လက်ငယ်သားတွေကို အလုပ်နဲ့ပက်သက်ပြီးလက်တွဲခေါ်ယူခြင်း၊ အရွယ်ရောက်ပြီးတဲ့သားသမီးတွေကို မိမိအလုပ်နဲ့ပတ်သက်ပြီးရင်းနှီး အောင်ဆောင်ရွက်ပေးခြင်းများ ပြုလုပ်နိုင်ပါတယ်။

စာပေအနုပညာလုပ်ငန်းများ၊ စားသောက်ကုန်လုပ်ငန်းများ၊လျှပ်စစ်နှင့်ဆိုင်သောလုပ်ငန်းများ အထူးဆောင်ရွက် နိုင်မဲ့နေ့ရက်လဲဖြစ်ပါတယ်။ စစ်ရေးနဲ့ဆိုင်သောကိစ္စတွေဖြစ်တဲ့ စစ်သားစုဆောင်းခြင်း၊စစ်ရေးလေ့ကျင့်ခြင်း၊စစ် လက်နက်အသုံးပြုခြင်းများလဲ အထူးဆောင်ရွက်နိုင်ပါတယ်။

မိမိလုပ်ငန်းအတွက်လိုအပ်သောစက်ပစ္စည်းများကိုဝယ်ယူခြင်းတွေ၊ တပ်ဆင်ခြင်းတွေပြုလုပ်သင့်တဲ့နေ့ပါ။ မိမိရဲ့ စိတ်စွမ်းကြီးမားအောင်လို့ ပြုလုပ်နိုင်မဲ့နေ့ရက်ပါပဲ။ ဒါကြောင့်ပဲစိတ်လေ့ ကျင့်ခန်းများဖြစ်တဲ့ သမထ ဘာဝနာ ပွားများခြင်းတွေလဲ ဆောင်ရွက်လို့အထူးကောင်းပါတယ်။ နည်းပညာနဲ့ပတ် သက်ပြီးအားထည့်လုပ်ဆောင်လေ တိုးတတ်လေဖြစ်မဲ့နေ့ရက်ပါပဲ။ ဒီလိုနေ့ရက်မှာ လက်ထပ်ထိမ်းမြားခြင်း၊စေ့စပ်ခြင်း၊ မဂ်လာစကားပြောခြင်း၊စတာ တွေကိုအထူးဆောင်ရွက်နိုင်ပါ လိမ့်မယ်။

ကြော်ငြာနှင့်ပတ်သက်သောကိစ္စမှန်သမျှအထူးဆောင်ရွက်နိုင်ပါလိမ့်မယ်။ အိမ်ပြုပြင်ခြင်း၊အိမ်ခန်းဖွဲ့ခြင်းများလဲ အထူးဆောင်ရွက်လို့ကောင်းတဲ့နေ့ပါပဲ။ အလုပ်နဲ့ပတ်သက်ပြီးဝန်ထမ်းတွေကိုသင်တန်းပေးခြင်းများလဲအထူး ဆောင်ရွက်နိုင်ပါတယ်။ဒီလိုနေ့မျိုးမှာတော့အခက်အခဲတွေကိုကောင်းစွာဖြေရှင်းနိုင်ပါလိမ့်မယ်။အမှုအခင်းပြဿနာတွေရှိရင်တော့ပြေလည်အောင်ဖြေရှင်းနိုင်မဲ့နေ့ရက်လဲဖြစ်ပါတယ်။

သစ်ပင်မစိုက်အပ်ပါဘူး။ စိုက်ပျိုးမိရင် အကြောင်းတစ်ခုခု ကြောင့် ပြန်ပျက်စီးတာမျိုးတွေဖြစ်ရတတ်ပါတယ်။ မီးဘေအန္တရာယ်ကြုံရတတ်တဲ့အတွက် ၇ရက်သားသမီးများ သတိနဲ့ ဆောင်ရွက်ပါ။အပြင်သွားရင် breaker ချပြီး မှသွားလိုက်ပါ။

            ယနေ့တွင် လုပ်ကိုင်ဆောင်ရွက်သမျှ သတိမလွတ်သင့်ပါ။ ရောဂါရှာဖွေခြင်း၊ ဆေးဝါးကုသခြင်းများ ဆောင်ရွက်ရန် ရက်ကောင်းကျရောက်နေပါသည်။ လှောင်ကုန်များ ပြန်လည် ရောင်းချနိုင်သည်။

ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့(၁၈း၂၂)နာရီမှ (၁၉း၁၃)နာရီအတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများကြုံလာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။

ဒီနေ့ဟာရက်ရာဇာကျတဲ့နေ့ရက်ဖြစ်တာကြောင့်လောကီမင်္ဂလာကိစ္စတွေဖြစ်တဲ့လက်မှတ်ထိုးခြင်း၊ စေ့စပ် ခြင်း၊ မင်္ဂလာ  စကားပြောခြင်းများအထူးဆောင်ရွက်နိုင်ပါတယ်။ကြီးကျယ်စွာမင်္ဂလာအခမ်းအနားကျင်းပခြင်းတွေကိုလဲ ဆောင်ရွက်နိုင်ပါလိမ့်မယ်။

ဒီနေ့မွေး ရင်သွေးငယ်များဟာ  မရဏဖွား၊  မိန်စန်း၊  တူရာသီဖွားဖြစ်ပါသည်။ဒီနေ့မွေးရင်သွေးများဟာ အနစ်နာခံ တတ်ကြတယ်။ ပေးဆပ်လိုစိတ်ရှိတယ်။ တာဝန်ခံနိုင်သလို၊တာဝန်ယူချင်စိတ်ရှိတယ်။ ကြီးကျယ်တဲ့ ချမ်းသာလိုစိတ် မရှိဘဲ ဘဝကိုရောင့်ရဲစွာနဲ့ နေချင်ကြသူတွေဖြစ်ကြပါတယ်။ငွေကံအားကောင်းပေမဲ့ လိုအပ်သူတွေကို အမြဲကူညီတာ ကြောင့် လက်ထဲငွေမရှိဖြစ်တတ်ပါတယ်။ တစ်ခုသိထားရမှာက ဒီလိုဇာတာမျိုးက ဝန်ထမ်းဇာတာမျိုးဖြစ်တာမို့ ကိုယ်ပိုင်စီးပွားလုပ်မယ်ဆို လမ်းပြမဲ့သူ၊guidelines  ချပေးမဲ့သူတွေ လိုကို လိုအပ်ပါတယ်။

ဒီနေ့အတွက် ရာဟုကာလအမှောင်ချိန်တွေကတော့ ညနေ(၄း၀၇) နာရီမှ (၅း၃၃)နာရီအတွင်း ကျရောက်နေပါ တယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါ တယ်။

ကံကောင်းသောနေ့သားများကတော် အင်္ဂါ၊ သောကြာ၊ စနေ သားသမီးများပဲ ဖြစ်ပါတယ်။       

ကံညံ့သော နေ့သားများကတော့ ဗုဒ္ဓဟူး၊ ရာဟု သားသမီးများပဲ ဖြစ်ပါတယ်။

ကံသင့်သောနေ့သားများကတော့ တနင်္ဂနွေ၊ တနင်္လာ၊ ကြာသပတေး သားသမီးများပဲ ဖြစ်ပါတယ်။

ဒီနေ့မှာ အညိုရောင်၊ အနီရောင် နှင့် သွေးနီရောင် များများပါသော အဝတ်အစားအသုံးအဆောင်ပစ္စည်းများကို အထူးအလေးထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းများကို ရရှိခံစားနိုင်ပါလိမ့်မည်။  

ဒီနေ့မှာ (၇)ရက်သားသမီးများအားလုံးအတွက် အထူးအကျေိုးပေးမယ့် Lucky Number တွေကတော့ (၅၊ ၇၊ ၉) ဂဏန်းများပဲ ဖြစ်ပါတယ်။

ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ငါးမုန့်ကြော် သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။

အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ကောက်ညှင်းပေါင်း ဘုရားကပ်လှူပြီး လိုရာဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသောလိုအင်ဆန္ဒတွေပြည့်ဝကြပါစေ။

#၇ရက်သားသမီးအတွက် တစ်နေ့တာဟောစာတမ်းအကျယ်ကို နားဆင်လိုသောဗေဒင်ချစ်ပရိသတ်များ အတွက် သတင်းစကားပါးခြင်း

နေ့စဥ် ၇ ရက်သားသမီးများအတွက် နေ့နံအလိုက် …

☯️တစ်နေ့တာကံကြမ္မာ အဆိုးအကောင်း…

☯️တစ်နေ့တာ စီးပွားရေးအလုပ်အကိုင်အခြေအနေ…

☯️တစ်နေ့တာ ကျန်းမာရေးဆိုင်ရာ သိစရာတွေ…

☯️တစ်နေ့တာ အချစ်ရေး ကံတရားများ…..

☯️တစ်နေ့တာ အိမ်ထောင်ရေး အဆိုး/အကောင်းများ…

☯️တစ်နေ့တာ ပညာရေး ရလဒ်အကြောင်းတွေ….

#ဒါအပြင်…

.🧿တစ်နေ့တာ အကျိုးပေးအရောင်များ

🧿တစ်နေ့တာ အကျိုးပေးဂဏန်းများ

🧿အရေးကြီးကိစ္စတွေဆောင်ရွက်ရမယ်ဆို ပြုဖွယ်အစီအရင်များ

🧿တစ်နေ့တာအညံ့အဆိုးတွေလျော့ပါးသက်သာစေမဲ့ကုသိုလ်ယတြာ စသည်ဖြင့်စုံစုံလင်လင်ကို …… နေ့စဉ် နား ဆင် နိုင်မယ့် အစီအစဉ်ဖြစ်ပါတယ်။

နေ့စဉ်ဗေဒင်ဟောစာတမ်းများကို နားဆင်လိုပါက …

ATOM ဆင်းကဒ်များဖြင့် (3049) ကို ဖုန်းခေါ်ဆိုပြီး နားဆင်နိုင်ပါတယ်…။  ( တစ်ပတ်လျှင် ၃၁၅ ကျပ်သာကျသင့် မှာဖြစ်ပါတယ်။)

🙏🙏🙏အားပေးကြသူတစ်ယောက်ချင်းဆီတိုင်းကို ကျေးဇူးအထူးတင်ရှိပါတယ်။

👌👍ကောင်းသောလိုအင်ဆန္ဒတွေပြည့်ဝနိုင် ကြပါစေ။

   ✍️ငြိမ်းအေးလူ(ဗေဒင်သုတေသီ)