ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ နတ်တော်လဆုတ်(၉)ရက်၊ သောကြာနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊ဒီဇင်ဘာလ(၁၆)ရက်နေ့လဲ ဖြစ်ပါတယ်။
ဒီနေ့နံနက်(၅း၅၇)နာရီမှာ အရုဏ်တတ်ပါတယ်။ နေထွက်ချိန်နံနက်(၆း၄၅)နာရီဖြစ်ပြီး ၊ ညနေ(၅း၂၅)နာရီမှာ နေဝင် ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အရှေ့အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက်အရပ် ဖြစ်ပါတယ်။ စန်းပွင့်ရာအရပ်က အရှေ့နှင့်တောင်အရပ် ဖြစ်ပါတယ်။
လက်သမားမြေခံ ကတော့ ဗြဟ္မာ မြေခံဖြစ်၍ လာဘ်လာဘကိုပေးတဲ့နေ့ဖြစ်တာကြောင့် ပျဉ်ထောင်အိမ်တွေ၊ တဲတွေ၊ဆိုင်ခန်းလိုင်းခန်းတည်ဆောက်ခြင်းတွေ၊အိမ်ခန်းဖွဲ့တာတွေ အိမ်ပြင်တာတွေ၊မြေတူးဆွတာတွေ ဆောင်ရွက် လို့ကောင်းပါတယ်။
ဒီနေ့ဟာတီထိမြေခံအရ တနင်္လာမြေခံတဲ့နေ့ဖြစ်ပါတယ်။ တနင်္လာမြေခံ ဖြစ်တဲ့အတွက် ဒီနေ့မှာ လုပ်ကိုင် လိုက်သော လုပ်ငန်းများမှန်သမျှ အကျိုးအမြတ်ကြီးကြီးမားမားရရှိကြွယ်ခြင်း၊ ချမ်းသာခြင်း၊ စည်းစိမ်ဉစ္စာ တိုးပွား ခြင်းများ အထူးပင်ရရှိစေနိုင်တာကြောင့် ခိုင်ခန့်တဲ့အဆောက်အဦးတွေ၊ကျောင်းတွေသိမ်တွေ၊ လမ်း တံတား တွေ၊ အထပ် မြင့်အဆောက်အဦးတွေ စတင် ဆောက်လုပ်တာ တိုင်ထူတာပန္နက်ရိုက်တာမျိုး တွေ အထူးဆောင်ရွက် သင့်ပါတယ်။
ဒီနေ့ဟာ ရက်ရာဇာ၊ရက်တံခွန် ရက်ကျရောက်နေတာဖြစ်ပါတယ်။
ဒီနေ့ဟာ တီထိအရတော့ လဆုတ်တီထိ၈လုံး အောင်မြင်မှုတွေကိုပေးတဲ့ ဇယာတီထိ ကျရောက်တဲ့နေ့ရက်ပါပဲ။ ဒီနေ့ နေ့လယ် ၁း၃၀အတွင်းကနေ ၃း၀၀ကြားမတော်တဆထိခိုက်မှုအန္တရာယ်သတိရှိရပါ လိမ့်မယ်။ ကျန်းမာရေးနဲ့ပတ် သက်ပြီးတော့လဲ အလွန်မှအားရစရာကောင်းတဲ့နေ့ပါ။ ဆရာကောင်းသမားကောင်း နဲ့တွေ့ပြီး ဆေးတိုးသွားနိုင်တဲ့ နေ့ရက်လဲဖြစ်ပါတယ်။
ဒီလိုနေ့မျိုးမှာတော့ လူတော်တော်များများတွေဝေဒွိဟဖြစ်စရာတွေကြုံနေရတတ်ပါတယ်။ဒါကြောင့်ဒီလို နေ့ မှာ ရွေးချယ်စရာနှစ်မျိုးနှစ်ခွမျိုးကြုံရတတ်ပါတယ်။ ရေရှည်အတွက်ချင့်ချိန်ပြီးလုပ်ကိုင်လိုက်ပါ။ လူအတော်များ များ ရဲ့စိတ်ထဲမှာတော့ မကောင်းတဲ့စိတ်လေးတွေဒီနေ့မှာပေါ်ထွန်းနေတတ်ပါတယ်။ ဒါကြောင့် စကားအပြောအဆို ၊အနေ အထိုင်အမူအရာဆင်ခြင်တတ်ဖို့လဲလိုအပ်ပါတယ်။
ဒီနေ့ဟာမိမိလုပ်စရာရှိတာတွေကိုအာရုံစိုက်ထားလိုက်ပါ။ သူတစ်ပါးတွေရဲ့ကောင်းခြင်းဆိုးခြင်းတွေကို ဝေဖန်ပြောဆို တာမျိုးရှောင်လိုက်စေချင်ပါတယ်။ဒီနေ့ဟာဖက်ရှင်ဒီဇိုင်းနဲ့ပတ်သက်သောလုပ်ငန်းများတိုးတတ်မှုတွေရှိပါတယ်။ ဖက်ရှင်ရှိုးပွဲများလဲကျင်းပ နိုင်ပါလိမ့်မယ်။
ယနေ့တွင် မြေတူး၊ မြေဆွခြင်းများ မပြုလုပ်ရပါ။ မင်္ဂလာရေးရာ အဖြာဖြာဆောင်ရွက်ရန် ရက်ကောင်း ကျရောက်နေပါသည်။ အလုပ်ကိစ္စများဆောင်ရွက်ရန် အထူးကောင်းသည်။ နေရာသစ်၊ လုပ်ငန်းသစ်များ စတင် ဖွင့်လှစ်ရန် အခါကောင်း ကျရောက်နေပါသည်။ နံနက်(၆း၀၀)နာရီမှ (၈း၂၄)နာရီကြားကာလများတွင် စတင်ဆောင် ရွက်သော ကိစ္စတို့မှ ထူးခြားသော အကျိုးဆက်ကောင်းများ ရရှိမည်။
ယနေ့ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ညနေ(၃း၄၅)နာရီမှ ညနေ(၄း၃၆)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာ များရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာ ခြင်း များကြုံလာ ရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ် သွားတာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့ဟာရက်တံခွန်ရက်ကျရောက်တဲ့နေ့ရက်ဖြစ်တာကြောင့် ဒီနေ့မှာစတင်လိုက်တဲ့ စီးပွားရေး၊လူမှုရေး၊ ကျန်းမာရေး၊ ပညာရေးနှင့်အလုပ်ကိစ္စ ရေးရာအဖြာဖြာတွေမှာရေရှည်အောင်မြင်မှုတွေကိုရရှိပါလိမ့်မယ်။
ဒီနေ့မှာတနင်္ဂနွေဂြိုဟ်က ဓနုရာသီကိုကူးပြောင်းပါတယ်။ဓနုရာသီတနင်္ဂနွေဂြိုဟ်မှာတည်ဆဲကာလဖြစ်သော တစ်လ ဝန်းကျင်အတွင်း ဆန်ရေစပါး ပေါများမည်။ အိမ်၊ ခြံမြေ အရောင်းအဝယ်လုပ်မယ်ဆိုသတိကြီးကြီးထားပြီးလုပ်ရမယ်။ ဆေးဝါးကုသခြင်းများ ၊ခွဲစိပ်ခြင်း၊အတွင်းကလိစာများအစားထိုးကုသခြင်းများဆောင်ရွက်လို့အလွန်ကောင်းပါတယ်။ ကျောက်မျက်ရတနာများ အရောင်းအဝယ်ပြုပါက အခက်အခဲနည်းပြီးအမြတ်အစွန်းရှိမယ်။
ဒီနေ့မွေး ရင်သွေးငယ်များဟာ ပုတိဖွား၊ သိဟ်စန်း နံနက်(၁၁)နာရီ (၅၆)မိနစ်လွန် စန်းကန်ရာသီသို့ ပြောင်းသည်။ ဓနုရာသီဖွားဖြစ်ပါသည်။ ဒီနေ့မွေးသူများဟာ အခက်အခဲအတားအဆီးတွေကို ကျော်လွှားနိုင်ကြသူ တွေဖြစ်ပါ တယ်။ငွေကံ အားကောင်းကြပြီးတော့ ငွေလက်ထဲမပြတ်ကြသူတွေဖြစ်ပါတယ်။ အားနည်းချက်က မွေးချင်းညီအကို မောင် နှမတွေရဲ့ဒုက္ခ တွေကို ခါးစည်းခံကြရသူတွေဖြစ်ပါတယ်။ အိမ်ထောင်ရေးကံအားကောင်းကြသူတွေဖြစ်ပေမဲ့ ကျန်းမာရေးကတော့ အမြဲတမ်း သတိထားဖို့လိုအပ်တာကိုတွေ့ရပါတယ်။အသက် ၂၈ကနေ အသက်၄၂အတွင်း အအောင်မြင်ဆုံးကာလအပိုင်းအခြားဖြစ်ပါလိမ့်မယ်။
ဒီနေ့အတွက် ရာဟုကာလအမှောင်ချိန်တွေကတော့ နံနက်(၁၀း၃၈)နာရီမှ မွန်းလွဲ(၁၂း၀၁)နာရီအတွင်း ကျရောက် နေတာ ဖြစ်ပါတယ်။ ဒီအချိန်တွေအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ် ပြုတာတွေ၊ စာချုပ်ချုပ်ဆိုတာတွေ၊ ရင်သွေးငယ် ခွဲစိတ်မွေးဖွားတာကစပြီး ရှောင်နိုင်ရင် အထူးကောင်းပါတယ်။
ဒီနေ့မှာ ကံကောင်းသောနေ့သားများ တနင်္ဂနွေ၊ အင်္ဂါ၊ ဗုဒ္ဓဟူး၊ စနေ သားသမီးများပဲ ဖြစ်ပါတယ်။
ကံညံ့သော နေ့သားများကတော့ တနင်္လာ၊ ကြာသပတေး သားသမီးများပဲ ဖြစ်ပါတယ်။
ကံသင့်သောနေ့သားများကတော့ ရာဟု၊ သောကြာ သားသမီးများပဲ ဖြစ်ပါတယ်။
ဒီနေ့မှာ အစိမ်းရောင် နှင့် အနီရောင် များများပါသော အဝတ်အစား၊ အသုံးအဆောင်ပစ္စည်း များကို အထူး အလေးထားဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါ လိမ့်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၄၊ ၁) ဂဏန်းများပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ခရမ်းသီးဟင်းစား သွား ပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ပေါင်မုန့်နို့ဆမ်း ဘုရားကပ်လှူပြီး လိုရာဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသောလိုအင်ဆန္ဒတွေပြည့်ဝကြပါစေ။
#၇ရက်သားသမီးအတွက် တစ်နေ့တာဟောစာတမ်းအကျယ်ကို နားဆင်လိုသောဗေဒင်ချစ်ပရိသတ်များ အတွက် သတင်းစကားပါးခြင်း
နေ့စဥ် ၇ ရက်သားသမီးများအတွက် နေ့နံအလိုက် …
☯️တစ်နေ့တာကံကြမ္မာ အဆိုးအကောင်း…
☯️တစ်နေ့တာ စီးပွားရေးအလုပ်အကိုင်အခြေအနေ…
☯️တစ်နေ့တာ ကျန်းမာရေးဆိုင်ရာ သိစရာတွေ…
☯️တစ်နေ့တာ အချစ်ရေး ကံတရားများ…..
☯️တစ်နေ့တာ အိမ်ထောင်ရေး အဆိုး/အကောင်းများ…
☯️တစ်နေ့တာ ပညာရေး ရလဒ်အကြောင်းတွေ….
#ဒါအပြင်…
.🧿တစ်နေ့တာ အကျိုးပေးအရောင်များ
🧿တစ်နေ့တာ အကျိုးပေးဂဏန်းများ
🧿အရေးကြီးကိစ္စတွေဆောင်ရွက်ရမယ်ဆို ပြုဖွယ်အစီအရင်များ
🧿တစ်နေ့တာအညံ့အဆိုးတွေလျော့ပါးသက်သာစေမဲ့ကုသိုလ်ယတြာ စသည်ဖြင့်စုံစုံလင်လင်ကို …… နေ့စဉ် နား ဆင် နိုင်မယ့် အစီအစဉ်ဖြစ်ပါတယ်။
နေ့စဉ်ဗေဒင်ဟောစာတမ်းများကို နားဆင်လိုပါက …
ATOM ဆင်းကဒ်များဖြင့် (3049) ကို ဖုန်းခေါ်ဆိုပြီး နားဆင်နိုင်ပါတယ်…။ ( တစ်ပတ်လျှင် ၃၁၅ ကျပ်သာကျသင့် မှာဖြစ်ပါတယ်။)
🙏🙏🙏အားပေးကြသူတစ်ယောက်ချင်းဆီတိုင်းကို ကျေးဇူးအထူးတင်ရှိပါတယ်။
👌👍ကောင်းသောလိုအင်ဆန္ဒတွေပြည့်ဝနိုင် ကြပါစေ။
✍️ငြိမ်းအေးလူ(ဗေဒင်သုတေသီ)
09775555695
