ဒီနေ့မွေး ရင်သွေးငယ်များဟာ မရဏဖွား၊ စိတြနက္ခတ်နဲ့စန်းယှဉ်မွေးသူ၊ တူစန်း၊ မကာရရာသီဖွားဖြစ်ပါသည်။ ယနေ့မွေးဖွားသူများသည် အောင်မြင်မှုကို ဦးစားပေးတဲ့၊ ဆွဲဆောင်မှုရှိပြီး ပုဂ္ဂိုလ်ရေးအရ အစွမ်းထက်တဲ့ သူတစ်ယောက်ပါ။ မိမိထိန်းချုပ်မှု၊ မိမိကိုယ်ပိုင်လုပ်ငန်း သို့မဟုတ် မိမိကိုယ်တိုင်လုပ်ဆောင်နေ ချိန်တွင် မိမိသည် အကောင်းဆုံး လုပ်ဆောင်နိုင်သူဖြစ်ပါသည်။ သို့သော် မိမိသည် အခြားသူများနှင့် ပေါင်းသင်း ဆက်ဆံပြီး ထိုသို့ပြုလုပ်ရန် လိုအပ်သော အခါများတွင် မိမိ၏စိတ်မရှည်ခြင်းမှာ အခက်အခဲအချို့ကို ဖြစ်ပေါ်လာ စေပါသည်။
မိမိသည် ဘဝရပ်တည်ချက်နှင့် ဂုဏ်သိက္ခာကို အလွန်လေးစား တန်ဖိုးထားတက်ပြီး မည်သည့် ကိစ္စ ကိုမဆိုအပြီးအပြတ်လုပ်ကိုင်ဖြေရှင်းတတ် ပါသည်။လူချစ်လူခင်များတတ်သူဖြစ် ပြီးစကားပြောရင် တောင်ရောက် မြောက်ရောက်ဖြစ်နေတတ်သူလဲဖြစ်ပါတယ်။ နာမည်ပေးမှားရင်တော့ အချိန်ဆွဲသူ ဖြစ်တတ်ပြီး ဖင်လေးတတ် သူဖြစ်တယ်။ ကျန်းမာရေးကိုတော့ အသက် ၃၅ကျော်ရင်သတိထားရလိမ့်မယ်။ အစား အသောက်ဇီဇာကြောင် တတ် သူမို့ အစားအသောက်ရှားပါးတဲ့တောတောင်တွေထဲမှာ အလုပ်လုပ်ရတဲ့ ကိစ္စတွေကို မလုပ်တာအကောင်း ဆုံးပါပဲ။ မြို့ပြမှာနေတာအကောင်းဆုံးပါပဲ။ ငယ်ငယ်ကတည်းက ရေရှည်လုပ်ရမဲ့အလုပ်တွေကို တစိုက်မတ်မတ် လုပ်သွားပါ။ အဲလိုမှမလူပ်ရင် အရွယ်တစ်ခုရောက်တဲ့အခါမှာတော့ ဒုက္ခရောက်တတ်ပါတယ်။ ဝေလေ လေဖြစ် သွား နိုင်ပါတယ်။ အမိအဘတွေဆီက အမွေအနှစ်အပြည့်အဝရရှိသူလဲဖြစ်တတ်ပါတယ်။
သူတစ်ပါးက မလုပ်နိုင် လို့ မလုပ်ရဲလို့ လက်လျော့လိုက်တဲ့အလုပ်မျိုး၊ သူတစ်ပါးက အခွင့်ထူးမရလို့ ပစ်ခွါလိုက်တဲ့ အလုပ်မျိုးတွေကို လုပ်ခွင့်ရတဲ့အခါမျိုးမှာ မဟာအခွင့်အရေးထူးကြီး ရပြီလို့ ခံယူထားတဲ့ သူတွေပါ။ ဘယ်လောက် ခက်ခဲတဲ့ အလုပ်ဖြစ်စေ… နောက်မတွန့်၊ မကြောက်ရွံ့ဘဲလုပ် တတ်ကြတယ်။ အလုပ်လုပ် တဲ့နေရာမှာလည်း ဇွဲ ကောင်း တယ်။ လုံ့လဝီရိယ အပြည့်ရှိတယ်။ ဖြတ်ထိုးဉာဏ်၊ တွေးတောဉာဏ်၊ ဆင်ခြင်ဆုံးဖြတ်ဉာဏ်တွေ လည်း အလွန်ကောင်းပါတယ်။စိတ်ပိုင်းဆိုင်ရာတည်ဆောက်မှုတွင် ထက်သန်သူဖြစ်သဖြင့် ကြီး ကျယ်သောအကြံအစည် များကို ပြုနိုင်စွမ်းရှိသူ ဖြစ်သည်။ တပါးသူ၏ အတွေးအခေါ် အကြံအစည်ကို အယုံမလွယ်ဘဲ မိမိကိုယ်ပိုင်အမြင်ကို သာ အကောင်အထည် ပေါ် အောင်ဖော်သင့်ပါသည်။
တစ်ဦးတစ်ယောက် ကောင်းစားရေးထက် အများအတွက် ကောင်းစားရေးကို ပိုမိုအားသန်တတ်သူတွေဖြစ်တယ်။ ဖော်ပြပါအကြောင်းရင်းကြောင့် တသီးပုဂ္ဂလဆန်သောမုန်းတီးမှုမျိုးကို အကျိုးတရားအဖြစ်ရလာ တတ်ပါသည်။ ပုဂ္ဂိုလ်ရေးရန်သူများပေါ်ပေါက်တတ်သည်။ကောင်းတာလုပ်ပြီး အများအကျိုးကိုလုပ်လေ၊မနာလိုမုန်းတီးကြသူတွေ ရှိကြသလိုပေါ့ဗျာ။သင်ကိုယ်တိုင် ချမှတ်ထားသော အလုပ်များကို မနားမနေ လုပ်ကိုင် ဆောင်ရွက်တတ်သော အကျင့်ကြောင့် အာရုံ ကြောများ အရုပ်ကြိုးပြတ်သည့်နှယ် နွမ်းနယ်သည့် ဒဏ်ကို ခံရတတ် ပါသေးသည်။ အလုပ်မပြီး ရင် မအိပ်ဘူး။ နားချိန်လဲ မနားဘူးဆိုတဲ့ ဇွဲနပဲကြီးမှုတွေကို ကျန်းမာရေးလူမှုရေးတွေကို ထိခိုက်စေတာမို့သတိပြုပါ။
သူတစ်ပါးကိုအားမကိုးဘဲ ကိုယ့်ဒူးကိုယ်ချွန်ပြီး တိုးတက်အောင် ကြီးပွားအောင် လုပ်နိုင်စွမ်းရှိတဲ့ သူမျိုးဖြစ်ပါတယ်။ တစ်ခုတော့ရှိတယ်…။သူတစ်ပါးဆီမှာ အကူအညီတောင်းရမှာသေမလောက် ကြောက်တယ်ဆိုပေမယ့်… သူတစ်ပါးကို အကူအညီပေး နေရာမှာတော့ ထိပ်ဆုံးကပါဘဲ။ ဒါကြောင့် သဒ္ဓါတရား ကောင်းသူတွေလို့ လူတိုင်းက အသိအမှတ် ပြုကြပါတယ်။
အကြံအစည်များနှင့် ရည်မှန်းချက်များကို အကောင်အ ထည်ဖော်ရာတွင် များစွာသောငွေကြေးကို အသုံးပြု ရန် အားထုတ် သည့်အကျင့်လည်းရှိတတ်သည်။ငွေများများနဲ့ လုပ်ငန်းကို ပြီးပြည့်စုံအောင်စတင်အကောင် အထည် ဖော်ချင်တဲ့စိတ်မျိုးရှိသူဖြစ်ပါတယ်။ ဥပမာ ဈေးဆိုင်တစ်ဆိုင်ဖွင့်မယ်လို့စိတ်ကူးရင် မိမိရဲ့ စိတ်ကိုယ်က ဘာ မေးမေး ရှိတဲ့ဆိုင်မျိုးကို ဖွင့်ချင်ကြသူတွေဖြစ်ပါတယ်။မိမိဘဝအတွက် စီမံလျာထားချက်များကို လုပ်ကိုင် ဆောင်ရွက် ရာ ၌ အတော်အတန် စွန့်စွန့်စားစား လုပ်ရတတ် ပါသည်။ ငွေကိုအချောင်မရတတ်၊အချောင်လိုချင်လေ သူများ အလိမ်ခံ ရလေဆိုတဲ့ဇာတာမျိုးဖြစ်ပါတယ်။ ဘဝတွင် အောင် မြင်ရန် အလားအလာရှိနေပါသည်။ ဥာဏ်ဖြင့်ယှဉ်ပြီး ခံယူတတ် ပါစေ။ စိတ်ကြီးမဝင်မိပါစေနှင့်ဟူ၍ တိုက် တွန်းလိုပါသည်။
အလှူအတန်းလည်းရက်ရောတယ်။ ဘဝတစ်လျှောက်လုံးမှာ အလှူကြီး အတန်းကြီးတွေကို ကြိမ်ဖန်များစွာပြုလုပ် ရတတ်ပါတယ်။ အရာရာကိုခေါင်းဆောင် နိုင်တဲ့ အရည်အချင်းဟာ ကဘေးဘဝကစပြီး ဘဝတစ်လျောက်လုံး ပူးကပ် ပါလာလိမ့် မယ်။ နိုင်ငံရေးဗဟုသုတနဲ့ နိုင်ငံရေး စာပေတွေဟာလည်း ဘဝတစ်လျှောက်လုံးမှာ လက်ပွန်းတတီး ဖြစ် နေလိမ့်မယ်။
အလုပ်လုပ် ခြင်းနှင့် စိတ်ပိုင်းဆိုင်ရာ အပင်ပန်းခံခြင်းတို့ကို အဆက်မပြတ် လုပ် ကိုင်မိပါက ကျွန်းမာရေး ကျဆင်းနိုင်ပါသည်။သင်၏ အရံခွန်အားကို သတိဖြင့် ပျိုးထောင်မထား ပါက နှလုံး နှင့်ပတ်သက်ပြီး ချွတ်ယွင်းတတ် ပါသည်။ ကျန်းမာရေး ညံ့ဖျင်းလာ ခြင်းသည် သင့်အပြစ်သာဖြစ်ပါသည်။ ဒါကြောင် အလုပ်များလာလေ၊ ကျန်းမာရေး လိုက်စားဖို့၊gym ဆော့ဖို့အချိန်ပေးသင့်လေဖြစ်ပါတယ်။
မိမိတို့အတွက် အရေးပါသောဂဏန်းများမှာ “သုံး” နှင့် “၇” ဂဏန်းတို့ဖြစ်သည်။ ၎င်းတို့သည် ကြာသပတေးနှင့် စနေဂြိုဟ်တို့ကို အသီးသီးကိုယ်စားပြုနေကြပေသည်။ဒါကြောင့် ဆောင်ရွက်စရာ ကိစ္စများနှင့် အကြံအစည် တို့ကို ““သုံး”ဂဏန်းကို ဖြစ်ပေါ်စေသည့် ၃၊၁၂၊၂ ၁ နှင့် ၃ဝ ရက်များ တွင် လုပ်ဖြစ်အောင်လုပ်ကိုင်ဆောင်ရွက်သင့်သည်။
သင်၏ ညှို့ဓါတ်စွမ်းအားတိုးတက်စေရန်နှင့် ပိုမို ကံကောင်းစေ ရန် ဝတ်စားဆင်ယင်ရာတွင် ကြာသပတေးဓါတ် အရောင်များကို အသုံးပြုသင့်သည်။ ၎င်းတို့မှာ ခရမ်းရောင် အနုဆုံးမှ အရင့်ဆုံး အထိ ပါဝင်ပေသည်။မိမိအတွက် ကံကောင်းစေမည့် ရတနာများမှာ ခရမ်းရောင်အသွေးပါသော ခရမ်းစွဲကျောက်များ၊ ပုလဲနှင့်စိန်တို့ ဖြစ်ကြပေ သည်။ဘဝ တလျှောက်တွင် အရေးကြီးသော အသက်ပိုင်းတို့မှာ ၃၊၈၊၁၂၊၁၇၊၂၁၊၂၆၊၃ဝ၊ ၃၅၊ ၃၉၊ ၄၇၊ ၄၄၊ ၅၃၊ ၅၇၊ ၆၂၊ ၆၆၊၇၁၊၇၅ နှင့်၈ဝတို့ဖြစ်ကြပါသည်။
တစ်နှစ်တာအတွင်း မည်သည့်လတွင် ဖြစ်စေ၊ သုံးဂဏန်းကို ဖြစ် ပေါ်စေသော ၃၊၁၂၊၂၁ နှင့် ၃ဝ ရက်တို့၌ မွေးဖွား သူများသည် သင့်အတွက် အဆွဲဆောင်ဆုံးသောသူများဖြစ်ပေသည်။ ရှစ် ဂဏန်း ကိုဖြစ်ပေါ်စေသော ၈၊၁၇ နှင့် ၂၆ ရက် ဖွားတို့နှင့်လည်း နီးစပ်နိုင် ပါသည်။ သို့သော်ရှစ်ဂဏန်းဟာ “သုံး”ဂဏန်းသမားများလောက် သင့်အတွက် အကျိုး မပြုတတ်ကြချေ။
ဒီနေ့မွေးရင်သွေးငယ်များအားလုံး ကျန်းမာချမ်းသာ၊အသက်ရှည်ပြီး၊ဥာဏ်ပညာနှင့်ပြည့်စုံသော သားသားမီးမီးများဖြစ် ကြပါစေ။မိဘကအားကိုးရသော၊တိုင်းပြည်က အားကိုးရသော ရတနာလေးတွေ ဖြစ်ပါစေလို့ ဆုမွန်ကောင်းတောင်း အပ်ပါတယ်။
#ဩဘာမိုး -ရင်သွေးအမည်ပေးသီးသန့်
09775555695
