ဒီနေ့ဟာ မြန်မာသက္ကရာဇ် ၁၃၈၆ခုနှစ်၊ တပို့တွဲလဆန်း (၁၄)ရက်၊ အင်္ဂါနေ့ ဖြစ်ပါတယ်။
ခရစ်နှစ် ၂၀၂၅ခုနှစ်၊ ဖေဖော်ဝါရီလ(၁၁)ရက်နေ့လဲ ဖြစ်ပါတယ်။
ဒီနေ့နံနက်(၅း၄၀)နာရီမှာ အရုဏ်တက်ပါတယ်။ နေထွက်ချိန်နံနက်(၆း၂၈)နာရီဖြစ်ပြီး ၊ ညနေ(၅း၄၃)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အရှေ့တောင်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက်မြောက်အရပ် ဖြစ်ပါတယ်။ စန်းပွင့်ရာအရပ်က မြောက်အရပ် ဖြစ်ပါတယ်။
လက်သမားမြေခံ ကတော့ ဂဠုန် မြေခံဖြစ်၍ ကြီးပွားချမ်းသာရတတ်သော နေ့ဖြစ်တာကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်း တည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ဆောင်ရွက်လို့ အထူးကောင်းပါတယ်။
ဒီနေ့ဟာ ရက်ရာဇာ၊ သမားညိုကျရောက်နေတဲ့ နေ့ရက်ပဲဖြစ်ပါတယ်။
ဒီနေ့ဟာ တီထိအရတော့ လဆန်းတီထိ(၁၄)လုံးကျရောက်နေတာဖြစ်ပြီး ဖယ်ရှင်းခြင်းအတွက်သုံးရန် အထူးကောင်းတဲ့ နေ့ဖြစ်ပါတယ်။ ဒီနေ့မှာရက်ဝေးနဲ့ဆက်စပ်လုပ်ကိုင်ရသော အလုပ်များကောင်းပါတယ်။ အဝေးမှာချဲ့ထွင်ထားသော အလုပ် များမှ အောင်မြင်မှုတွေရတတ်ပါတယ်။ online shop များချောပို့လုပ်ငန်းများ အဆင်ပြေအောင်မြင်မှုတွေရ တတ်ပါ တယ်။
ဒီနေ့မှာပိုးသတ်ဆေးဖြန်းခြင်း၊ ခဲယမ်းလက်နက်ပြုလုပ်ခြင်း၊ မွေးမြူရေးလုပ်ခြင်းများအဆင်ပြေတတ်ပါ တယ်။အရက်ဆိုင်၊စားသောက်ဆိုင်နှင့် သားငါးရောင်းချခြင်းများလဲ အဆင်ပြေသွားတတ်ပါတယ်။ အရေးကြီးသော ဆုံးဖြတ်ချက်များ ချမှတ်အကောင်အထည်ဖော်နိုင်မဲ့နေ့မျိုးပါပဲ။ ရွှေငွေလက်ဝတ်ရတနာများဝယ်ယူခြင်း၊ စတင် ဆင်မြန်းခြင်းများလဲ ဆောင်ရွက်နိုင်ပါတယ်။
ခွဲစိပ်ကုသရမဲ့ရောဂါတွေရှိရင်တော့ ဒီနေ့မှာ ခွဲစိပ်ကုသလိုက်ပါကအဆင်ပြေအောင်မြင်မှုတွေရလာတတ်ပါတယ်။ မိမိရဲ့ကုန်ပစ္စည်းအသစ်များကို ပြည်တွင်းပြည်ပသို့စတင်ရောင်းချခြင်းများလဲ အလွန်ကောင်းပါတယ်။ ကုန်စည်ပြပွဲ၊ ကားပြပွဲ၊ အဝတ်ဒီဇိုင်းများအတွက် show ပွဲများ စတင်ဆောင်ရွက်နိုင်ပါတယ်။
စတော့ရှယ်ယာများရောင်းဝယ်ခြင်း၊ အာကစားပွဲများကျင်းပြခြင်း၊ အားကစားရုံများဖွင့်လှစ်ခြင်းများ ဒီနေ့ မှာလုပ်ဆောင်ခြင်းဖြင့် အဆင်ပြေအောင်မြင်တတ်ပါတယ်။ ရှောင်သင့်တာတွေကတော့ငွေကြေးကိစ္စတွေဖြစ်တဲ့ ငွေချေးခြင်း၊ ကြွေးယူခြင်း၊ စုမဲစုခြင်း၊ ကြားကနေအာမခံပေး ခြင်းများနှင့် ငွေပေးငွေယူကိစ္စများ၊ ဘဏ်ကိစ္စများ အခက်အခဲများတတ်ပါတယ်။အပျော်အပါးရှာခြင်း၊ အရက်အလွန်အကျွံသောက်ခြင်းများ စတဲ့သီလကျိုးပေါက် နိုင်တဲ့ ကိစ္စ တွေလုပ်မိရင်တော့ ပြဿနာတတ်ရတတ်ပါတယ်။
စက်ကားများ၊ လျှပ်စစ်ပစ္စည်းများကိုင်တွယ်အသုံးပြုရသူတွေက တော့ သတိထားပါ။အမှုမဲ့အမှတမဲ့မနေပါနဲ့။ ကား ကိုအရှိန်ပြင်းပြင်းမမောင်းပါနဲ့။အိမ်တတ်ခြင်း၊ ဆိုင်းဘုတ်တင်ခြင်း၊ ကလေးကင်းပွန်းတပ်ခြင်းများလဲ ရှောင်နိုင်ရင်ပို ကောင်းပါတယ်။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ နေ့လယ်(၁၁း၅၉)နာရီမှ နေ့လယ်(၁၂း၅၀)နာရီ အတွင်း ကျရောက်နေတာဖြစ်ပါတယ်။ ဒီအချိန်ကာလအတွင်း မဟာဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ် ရွှင်ဂါထာ၊ ငွေရဂါထာများရွတ်ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝ လာခြင်းများ ကြုံလာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ် သွားတာမျိုး မရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့မွေး ရင်သွေးငယ်များဟာ မရဏဖွား၊ ဖုသျှ နက္ခတ်နဲ့စန်းယှဉ်မွေးသူ၊ ကရကဋ်စန်း၊ မကာရရာသီဖွားဖြစ်ပါသည်။ ယနေ့မွေးဖွားသူများသည် အပျော်သဘောရှိပြီး စိတ်ပျော်အောင်နေတတ်သူဖြစ်ပါတယ်။ အရာရာကိုစိတ်က အလိုလိုသိတတ်ပြီး စွန့်စားခန်းတစ်ခုကို လုပ်ချင်လေ့ရှိတယ်။ မိမိရဲ့မိသားစုနဲ့ ကိုယ်ရေးကိုယ်တာဘဝအပေါ် မိမိရဲ့တွယ်တာမှုက အရမ်းခိုင်မာပြီး ကိုယ်ချစ်ရတဲ့သူကို ကာကွယ်ဖို့ ဘာမဆိုလုပ်လိမ့်မယ်။ စိတ်အားထက်သန်သူ တစ်ယောက်ဖြစ်သူ မိမိဟာ စကားစစ်ထိုးပွဲတွေ ရံဖန်ရံခါ လှုပ်လှုပ်ရှားရှားလုပ်ရတာကို နှစ်သက်တယ်။ မိမိရဲ့သဘော သဘာဝအရ ပြတ်ပြတ်သားသား ပြင်းထန်တဲ့ဘက်ကို ပါရှိလို့ ဖတ်ရတာခက်ပေမယ့် တစ်ခါတစ်ရံမှာ ထူးထူးခြားခြား အဖြစ်လည်း တွေ့နိုင်ပါတယ်။ ယေဘူယျအားဖြင့်၊ မိမိသည် လေးစားခံရပြီး မိမိမသိသေးသော လူများသည် အစပိုင်း တွင် မိမိအား ကြောက်ရွံ့နေပုံပေါ်ပြီး မိမိအတွင်းစိတ်ကိုသိသောအခါ ပျော်ပျော်နေတတ်သူ ဆိုတာ ခံစားမိသွား တတ်ပါတယ်။ မိမိသည် အတွေးအခေါ်အသစ်များကို စိတ်အားထက်သန်သော်လည်း မိမိနှစ်သက် မြတ်နိုးသော မိရိုး ဖလာတန်ဖိုးများကို အလွယ်တကူ မစွန့်လွှတ်နိုင်ပါ။ ကံဇာတာက အကောင်းအဆိုးဒွန်တွဲနေတဲ့ ဇာတာမျိုးတွေဖြစ်တာမို့ နာမည်ပေးမှန်ကန်ရင် ကောင်းသွားတတ်ပြီးတော့ နာမည်ပေးမှာရင် မှားသလောက် ဘဝလဲ နုံချာလွယ်တာကို တွေ့ရပါတယ်။ ငွေကြေးတန်ဖိုးကို မသိနားမလည်ဘဲ ပေး ကမ်းလှူဒါန်းလွန်းတာကြောင့် ကိုယ်တစ် ကယ် အသုံးလို တဲ့အခါမှာတော့ ဘိုင်ကျနေတတ်ပါတယ်။ ကျန်းမာရေး ဂရု စိုက်ဖို့လိုအပ်ပြီး နှလုံးနဲ့ အသည်းမှာ အားနည်းချက်ရှိ တာကိုတွေ့ရပါတယ်။
ဖုသျှ နက္ခတ်သည် ကုသိုလ်ကောင်းမှုတိုင်းအတွက် ကောင်းမွန်သည်။ ပေါ့ပါးပြီး လျင်မြန်သော နက္ခတ်ဖြစ်ပြီး အားကစား၊ ဇိမ်ခံပစ္စည်းများ၊ စက်မှုလုပ်ငန်းစတင်ခြင်း၊ ကျွမ်းကျင်လုပ်သား၊ ဆေးကုသခြင်း၊ ပညာရေးစတင်ခြင်း၊ ခရီးများစတင်ခြင်း၊ သူငယ်ချင်းများတွေ့ခြင်း၊ ဝယ်ခြင်း၊ ရောင်းခြင်း၊ ဝိညာဉ်ရေးလှုပ်ရှားမှုများ၊ အလှဆင်ခြင်း၊ အနုပညာလက်ရာများ လေ့ကျင့်ခန်းနှင့် ချေးငွေပေးခြင်း သို့မဟုတ် လက်ခံခြင်းအတွက် သင့်လျော်သည်။ ဤနက္ခတ်သည် အထက်သို့မျက်နှာမူသော နက္ခတ်ဖြစ်ပြီး အိမ်၊ ဗိမာန်၊ တံတိုင်း(ဥယျာဉ်)၊ အထပ်မြင့် အဆောက်အဦ၊ အဆောက်အအုံများနှင့် သက်ဆိုင်သော ဆောက်လုပ်ရေးလုပ်ငန်းများ၊ အလံလွှင့်တင်ခြင်း၊ နန်းတက်ခြင်း၊ ဆင်ဖြင့် ခရီးသွားခြင်း၊ ရွာဗိမာန်၊ ခံတပ်၊ လက်ထပ်ထိမ်းမြားခြင်း စသည့်အလုပ်များ ပြုလုပ်ရန်သင့်လျော်သည်။
အာယုသာန်ယုဂ် သည် အသက်ရှည်ခြင်းဟု အဓိပ္ပာယ်ရသည်။ ကောင်းသောကိစ္စများအတွက် ကောင်းသည်။ ဂရဇံကရိုဏ်းသည် မြေကြီးတွင် စိုက်ပျိုးခြင်း၊ မျိုးစေ့ချခြင်း၊ ကောင်းမွန်သည်။
ဒီနေ့အတွက် ရာဟုကာလအမှောင်ချိန်တွေကတော့ ညနေ(၀၃း၁၃)နာရီမှ ညနေ(၀၄း၃၉)နာရီအတွင်း ကျရောက်နေပါ တယ်။ဒီအချိန်ကာလ အတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ် ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါတယ်။
ကံကောင်းသောနေ့သားများကတော့ တနင်္ဂနွေ၊ သောကြာ၊ စနေသားသမီးများပဲဖြစ်ပါတယ်။
ကံညံ့သော နေ့သားများကတော့ တနင်္လာ၊ ကြာသပတေးသားသမီးများပဲ ဖြစ်ပါတယ်။
ကံသင့်သောနေ့သားများကတော့ အင်္ဂါ၊ ဗုဒ္ဓဟူး၊ ရာဟု၊ သားသမီးများပဲ ဖြစ်ပါတယ်။
ဒီနေ့မှာ အစိမ်းရောင် နှင့် အပြာနုရောင် များများပါသော အဝတ်အစား၊ အသုံးအဆောင်ပစ္စည်း တွေ ကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၄၊ ၅၊ ၇) ဂဏန်းတွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ နံနက်စောစော အိပ်ယာထ မျက်နှာသစ် ကိုယ်လက်သန့်စင်ပြီး အနောက်တောင်အရပ်သို့ မျက်နှာမူ၍ “သမ္မာသမ္ဗုဒ္ဓေါ” (၉)ခေါက် ရွတ်ဆို သွားပါ။ပိုမိုအဆင်ပြေ လွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ဖက်ထမင်း ဘုရားကပ်လှူပြီး လိုရာဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသောလိုအင်ဆန္ဒတွေပြည့်ဝကြပါစေ။
#၇ရက်သားသမီးအတွက်တစ်နေ့တာဟောစာတမ်းနှင့်တိုက်ရိုက်ဖုန်းခေါ်ဟောပြောခြင်းအကြောင်းအရာကိုဗေဒင်ချစ် ပရိသတ် များ အတွက် သတင်းစကားပါးခြင်း
နေ့စဥ် ၇ ရက်သားသမီးများအတွက် နေ့နံအလိုက် …
တစ်နေ့တာကံကြမ္မာ အဆိုးအကောင်း…
တစ်နေ့တာ စီးပွားရေးအလုပ်အကိုင်အခြေအနေ…
တစ်နေ့တာ ကျန်းမာရေးဆိုင်ရာ သိစရာတွေ…
တစ်နေ့တာ အချစ်ရေး ကံတရားများ…..
တစ်နေ့တာ အိမ်ထောင်ရေး အဆိုး/အကောင်းများ…
တစ်နေ့တာ ပညာရေး ရလဒ်အကြောင်းတွေ….
#ဒါအပြင်…
.
တစ်နေ့တာ အကျိုးပေးအရောင်များ
တစ်နေ့တာ အကျိုးပေးဂဏန်းများ
အရေးကြီးကိစ္စတွေဆောင်ရွက်ရမယ်ဆို ပြုဖွယ်အစီအရင်များ
တစ်နေ့တာအညံ့အဆိုးတွေလျော့ပါးသက်သာစေမဲ့ကုသိုလ်ယတြာ စသည်ဖြင့်စုံစုံလင်လင်ကို …… နေ့စဉ် နား ဆင် နိုင်မယ့် အစီအစဉ်ဖြစ်ပါတယ်။
နေ့စဉ်ဗေဒင်ဟောစာတမ်းများကို နားဆင်လိုပါက …
ATOM ဆင်းကဒ်များဖြင့် (3049) ကို ဖုန်းခေါ်ဆိုပြီး နားဆင်နိုင်ပါတယ်…။ ( တစ်ပတ်လျှင် ၃၁၅ ကျပ်သာကျသင့် မှာဖြစ်ပါတယ်။)
ဒါအပြင်ဆရာငြိမ်းအေးလူနှင့်တိုက်ရိုက်
ဖုန်းခေါ်ဆိုပြီး ဗေဒင်မေးချင်တယ်ဆိုရင်…အပတ်စဥ် တနင်္လာနေ့၊အင်္ဂါနေ့၊ ဗုဒ္ဓဟူးနေ့ရောက်တိုင်း ညနေ (၆) နာရီကနေ (၈) နာရီအတွင်းဖုန်းနံပါတ် (7777) ကို Atomဖုန်းနံပါတ်များနှင့် ဖုန်းခေါ်ဆိုပြီး မေးမြန်းနိုင်ပါတယ် ခင်ဗျာ… ။ ( တစ်မိနစ်လျှင် ၅၂၅ ကျပ် ၊ ဉာဏ်ပူဇော်ခပါပြီး ကျသင့်ပါမယ်)
အားပေးကြသူတစ်ယောက်ချင်းဆီတိုင်းကို ကျေးဇူးအထူးတင်ရှိပါတယ်။
ကောင်းသောလိုအင်ဆန္ဒတွေပြည့်ဝနိုင် ကြပါစေ။
ဆရာငြိမ်းအေးလူ(ဗေဒင်သုတေသီ)
09775555695
နျူမာန်(မိုးတား)-သင့်အတွက်နေ့စဉ်အကြံပေးဒိုင်ယာရီ
အောင်မဟာ-မင်္ဂလာအခါပေး နေ့စဉ် ဗေဒင်ဒိုင်ယာရီ
အောင်မှန်- အခါပေးဒိုင်ယာရီ
ရွှေမန်း -ဗေဒင်ဒိုင်ယာရီ
ခိုင်မင်္ဂလာ-အခါပဒေသာ ဒိုင်ယာရီ
ဆရာအောင်ဟိန်းအေး-ဝေဒမင်္ဂလာအခါပေး ဒိုင်ယာရီ
မြန်မာ နိုင်ငံဝေဒသုတေသနအဖွဲ့- မင်္ဂလာအခါပေးဗေဒင် ပြက္ခဒိန်
ပါရဂူဒေါက်တာ ဒေါ်ကြည်ကြည်စိန်-နက္ခဗေဒင်မင်္ဂလာအခါပေးဗေဒင် ပြက္ခဒိန်
ဆရာစိုးနိုင်-အင်းဝ မင်္ဂလာအခါပေး ပြက္ခဒိန်
သူရဇ္ဇ လစဉ်မဂ္ဂဇင်း
