ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ ပြာသိုလပြည့်ကျော်(၇)ရက်၊ ကြာသပတေးနေ့ ဖြစ်ပါတယ်။
ခရစ်နှစ် ၂၀၂၃ခုနှစ်၊ဇန်နဝါရီလ(၁၂)ရက်နေ့လဲ ဖြစ်ပါတယ်။
ဒီနေ့နံနက်(၅:၅၄)နာရီမှာ အရုဏ်တတ်ပါတယ်။ နေထွက်ချိန်နံနက်(၆:၄၂)နာရီဖြစ်ပြီး ၊ ညနေ(၅:၂၉)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က မြောက်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က တောင်အရပ် ဖြစ်ပါတယ်။ စန်းပွင့်ရာအရပ်က အရှေ့ နှင့် တောင်အရပ် ဖြစ်ပါတယ်။
ဒီနေ့ဟာတီထိမြေခံအရ ညနေ(၅း၃၉)နာရီအထိ ကြာသပတေးမြေခံကျရောက်နေပါ၍ လွန်လျှင် ဗုဒ္ဓဟူးမြေခံသို့ ပြောင်းလဲ ကျရောက်နေပါသည်။ ကြာသပတေးမြေခံအရ မိမိကြံစည်စိတ်ကူး ထားသော အရာမှန်သမျှ အချိန် မရွှေ့ဆိုင်းပဲ ချက်ချင်းလက်ငင်း အကောင်အထည်ဖေါ် ဆောင်ရွက်သင့်ချိန်ဖြစ်၍ ခိုင်ခန့်တဲ့ အဆောက် အဦးတွေ၊ ကျောင်းတွေသိမ်တွေ၊ လမ်း တံတား တွေ၊ အထပ်မြင့်အဆောက်အဦးတွေ စတင် ဆောက်လုပ် တာ တိုင်ထူတာပန္နက်ရိုက်တာမျိုးတွေအထူး ဆောင်ရွက်လို့ရပါတယ်။
ဒီနေ့ဟာ ရက်ရာဇာ၊ရက်တံခွန်ရက် ကျရောက်နေတာ ဖြစ်ပါတယ်။
ဒီနေ့ဟာ တီထိအရတော့ ညနေ(၅း၃၉)နာရီအထိ လဆုတ်တီထိ(၅)လုံး ပြည့်ဝခြင်းကိုပေးတဲ့နေ့ ကျရောက်နေပါ၍ လွန်လျှင် လဆုတ်တီထိ(၆)လုံး ပျော်ရွှင်ခြင်းကိုပေးတဲ့နေ့အဖြစ် ပြောင်းလဲကျရောက်နေပါသည်။ ချမ်းသာခြင်းကို ပေးတဲ့တီထိ ဖြစ်ပြီးတော့ ပညာသင်ခြင်း၊တပည့်လက်ခံခြင်း၊အာဟာရကျွေးခြင်း၊ အိုးအိမ်နှင့်ပတ်သက်သောအလုပ် အကိုင်များ၊တည်ငြိမ်သောအလုပ်ဖြစ်စေ၊လှုပ်ရှားတဲ့အလုပ်ဖြစ်စေ ဆောင်ရွက်လို့ကောင်းပါ တယ်။မည်သည့်အလုပ် မဆို ပြီးမြောက်ရန် ကောင်းသည်။ အဆိပ်များကို ဖယ်ရှားခြင်းနှင့် ခွဲစိတ်ကုသခြင်းအတွက် ကောင်းမွန်သည်။ အရေးကြီးသော စီးပွားရေးလုပ်ငန်းများ၊ ကောင်းသော နေ့ဖြစ်သည်။
ယနေ့အတွက်ကောင်းသော အဘိဇိတိံသိယ နှင့်ဝိဒတြိ တိံသိယအချိန်ကာလတွေကတော့…မနက် ၁၁နာရီ ၂၈မိနစ် ကနေ မွန်းလွဲ ၁၂နာရီ၂၁မိနစ်အတွင်းဖြစ်ပါတယ်။ ဒီအချိန် ကာလအတွင်းက တော့ အရေးကြီး သောကိစ္စများ၊ ဆုံး ဖြတ် ချက် ချရသောကိစ္စများ၊ မင်္ဂလာကိစ္စများ၊ကောင်းမွန်သောကိစ္စများ၊ ကိစ္စ တစ် ခုခု စတင်ခြင်းများ ဆောင်ရွက် နိုင် ပါ တယ်။
ဒီနေ့ဟာရက်ရာဇာကျတဲ့နေ့ရက်ဖြစ်တာကြောင့်လောကီမင်္ဂလာကိစ္စတွေဖြစ်တဲ့လက်မှတ်ထိုးခြင်း၊ စေ့စပ် ခြင်း၊ မင်္ဂလာ စကားပြောခြင်းများအထူးဆောင်ရွက်နိုင်ပါတယ်။ကြီးကျယ်စွာမင်္ဂလာအခမ်းအနားကျင်းပခြင်းတွေကိုလဲ ဆောင်ရွက်နိုင်ပါလိမ့်မယ်။
ဒီနေ့ဟာ ရာဇမင်းထံ ဝင်ထွက်သွားလာခြင်း မပြုသင့်သော နေ့ရက်ဖြစ်ပါတယ်။ ဒီနေ့နံနက်(၇း၂၀)နာရီမှ (၉း၄၅)နာရီအတွင်း အလုပ်ခန်းစတင်ဖွင့်လှစ်ခြင်း၊ ဆိုင်းဘုဒ်တင်ခြင်းတို့ကို ဆောင်ရွက်ရန် အခါကောင်း ကျရောက်နေပါတယ်။ ဆရာသမား အထက်လူကြီးများနှင့် သက်ဆိုင်သောနေ့လည်းဖြစ်သည်။ ရှိခိုးခြင်း၊ ပညာ၊ အသိပညာ၊ ဆည်းကပ်မှု၊ သားသမီးနှင့် ငွေကြေး၊ မင်္ဂလာဆောင်၊ လက်ဆောင်ပေးခြင်း၊ အလှူဒါနပြုခြင်း၊ ဝယ်ခြင်း၊ အရေးကြီးသောအရာများကို ဈေးဝယ်ခြင်း၊ ရောင်းခြင်း၊ ငွေရေးကြေးရေးစီစဉ်ခြင်းများဆောင်ရွက်နိုင်ပါတယ်။
ပြုဗ္ဗဘရဂုဏီ နက္ခတ်သည် ရက်စက်သော နက္ခတ်တာရာများဖြစ်ပြီး တိုက်ခိုက်ရန်၊ အတင်းအကြပ်၊ မကောင်းမှု၊ လှည့်ဖြားမှုနှင့် ပဋိပက္ခ၊ ပျက်စီးခြင်းများအတွက် သင့်လျော်သည်။ ဤနက္ခတ်သည် အောက်သို့မျက်နှာမူသော နက္ခတ်ဖြစ်ပြီး ရေတွင်းတူးခြင်း၊မိုင်းတူးခြင်း နှင့် စည်းစိမ်ဥစ္စာများ မြှုပ်နှံခြင်း ၊ စက်ရေတွင်း၊ မီးရထားလမ်းများ လှိုဏ်ဂူအတွင်း ဝင်ရောက်ခြင်း၊ နက္ခတ်ဗေဒင် ၊သင်္ချာဘာသာရပ်၊ ပန်းပုပညာ ၊ အနုပညာ၊ အရေးအသား ၊ ဝိဉာဉ် ၊သိပ္ပံ နှင့် သရဲ တစ္ဆေ ထိန်းချုပ်ခြင်း ၊သစ်သား စုဆောင်းခြင်း မန္တန်၊ ယန္တရားပေါင်နှံထားသော ပစ္စည်းများကို ပြန်ယူခြင်း စသည့်အလုပ်များ ပြုလုပ်ရန်သင့်လျော်သည်။
သောဘဂျယုဂ်သည် ကံကောင်းခြင်းဟု အပ္ပါယ်ရသည်။ တေထိလကရိုဏ်းဖြစ်၍ အိမ်နှင့်ပတ်သက်သော လှုပ်ရှား မှုများ ၊ အခွင့်အာဏာနှင့် အလှဆင်ခြင်းဆိုင်ရာကိစ္စများ ဆောင်ရွက်လို့ကောင်းပါတယ်။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ မွန်းလွဲ(၁:၅၃)နာရီမှ မွန်းလွဲ (၂:၄၅)နာရီအတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများကြုံလာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့မွေး ရင်သွေးငယ်များဟာ ဘင်္ဂဖွား၊ သိဟ်စန်း ည(၇)နာရီ (၂၄)မိနစ်လွန် စန်း ကန်ရာသီသို့ ပြောင်းသည်။ ဓနုရာသီဖွားဖြစ်ပါသည်။ဒီနေ့မွေးရင်သွေးငယ်များဟာ ပညာအရာမှာ အထွဋ်အထိပ်ရောက်ကြသူတွေဖြစ်ပါတယ်။ ဘွဲ့တစ်ခုမက ရကြသူတွေဖြစ်ပြီးတော့ ရေလုပ်ငန်း၊သင်္ဘာသား၊ ပညာပြန်ပြီးဖြန့်ဝေတဲ့ ဆရာအလုပ်များ၊ ခရီးသွား လုပ်ငန်းများ၊အကြံပေးခြင်းအလုပ်များနဲ့ အသက်မွေးရသူတွေဖြစ်ပါတယ်။ အားနည်းချက်ကကပ်စေးနည်းတတ်တာ ကြောင့် အောင်မြင်သင့်သလောက် မအောင်မြင်ကြသူတွေလဲဖြစ်ပါတယ်။ငွေကို ဘယ်လိုချွေတာရမလဲဆိုတာကို ကျွမ်းကျင်ပေမဲ့ ..ဘယ်လိုတိုးပွားအောင်လုပ်မလဲ ဆိုတဲ့အပိုင်းကျတော့ ရင်းနှီးမြုပ်နှံရာတွင်လက်တွန့်နေတာကြောင့် ထင်သလောက်မတိုးတတ်တာမျိုးမြင်ရပါတယ်။ အိမ်ထောင်ရေးမှာတော့ အထိုက်အလျောက်ကံကောင်းကြတဲ့သူ တွေဖြစ်ပေမဲ့ အရမ်းကြီးစိတ်တိုင်းကျတဲ့အိမ်ထောင်ဘက်ကိုတော့ ရဖို့ ခက်ခဲပါတယ်။
ဒီနေ့အတွက် ရာဟုကာလအမှောင်ချိန်တွေကတော့ မွန်းလွဲ(၁:၃၈) နာရီမှ ညနေ(၃:၀၂)နာရီအတွင်း ကျရောက်နေပါတယ်။ယနေ့အတွက် တီထိအဆိပ်သင့်ချိန်က ညနေ၃နာရီမှ ၅နာရီအတွင်းဖြစ်ပါတယ်။ ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါတယ်။
ကံကောင်းသောနေ့သားများကတော့ အင်္ဂါ၊ ကြာသပတေး၊ စနေသားသမီးများပဲဖြစ်ပါတယ်။
ကံညံ့သော နေ့သားများကတော့ တနင်္ဂနွေ၊ ရာဟုသားသမီးများပဲ ဖြစ်ပါတယ်။
ကံသင့်သောနေ့သားများကတော့ တနင်္လာ၊ ဗုဒူဟူး၊ သောကြာသားသမီးများပဲ ဖြစ်ပါတယ်။
ဒီနေ့မှာ အဝါရောင် နှင့် ငွေရောင် များများပါသော အဝတ်အစား၊ အသုံးအဆောင်ပစ္စည်း တွေ ကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၃ ၊ ၆ ၊ ၄) ဂဏန်းတွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ကံ့ကော်ညွှန့်ဆောင် သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ကောက်ညှင်းပေါင်းဘုရားကပ်လှူပြီး လိုရာဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသောလိုအင်ဆန္ဒတွေပြည့်ဝကြပါစေ။
#၇ရက်သားသမီးအတွက် တစ်နေ့တာဟောစာတမ်းအကျယ်ကို နားဆင်လိုသောဗေဒင်ချစ်ပရိသတ်များ အတွက် သတင်းစကားပါးခြင်း
နေ့စဥ် ၇ ရက်သားသမီးများအတွက် နေ့နံအလိုက် …
☯️တစ်နေ့တာကံကြမ္မာ အဆိုးအကောင်း…
☯️တစ်နေ့တာ စီးပွားရေးအလုပ်အကိုင်အခြေအနေ…
☯️တစ်နေ့တာ ကျန်းမာရေးဆိုင်ရာ သိစရာတွေ…
☯️တစ်နေ့တာ အချစ်ရေး ကံတရားများ…..
☯️တစ်နေ့တာ အိမ်ထောင်ရေး အဆိုး/အကောင်းများ…
☯️တစ်နေ့တာ ပညာရေး ရလဒ်အကြောင်းတွေ….
#ဒါအပြင်…
.🧿တစ်နေ့တာ အကျိုးပေးအရောင်များ
🧿တစ်နေ့တာ အကျိုးပေးဂဏန်းများ
🧿အရေးကြီးကိစ္စတွေဆောင်ရွက်ရမယ်ဆို ပြုဖွယ်အစီအရင်များ
🧿တစ်နေ့တာအညံ့အဆိုးတွေလျော့ပါးသက်သာစေမဲ့ကုသိုလ်ယတြာ စသည်ဖြင့်စုံစုံလင်လင်ကို …… နေ့စဉ် နား ဆင် နိုင်မယ့် အစီအစဉ်ဖြစ်ပါတယ်။
နေ့စဉ်ဗေဒင်ဟောစာတမ်းများကို နားဆင်လိုပါက …
ATOM ဆင်းကဒ်များဖြင့် (3049) ကို ဖုန်းခေါ်ဆိုပြီး နားဆင်နိုင်ပါတယ်…။ ( တစ်ပတ်လျှင် ၃၁၅ ကျပ်သာကျသင့် မှာဖြစ်ပါတယ်။)
🙏🙏🙏အားပေးကြသူတစ်ယောက်ချင်းဆီတိုင်းကို ကျေးဇူးအထူးတင်ရှိပါတယ်။
👌👍ကောင်းသောလိုအင်ဆန္ဒတွေပြည့်ဝနိုင် ကြပါစေ။
✍️ငြိမ်းအေးလူ(ဗေဒင်သုတေသီ)
09775555695
