
ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ နတ်တော်လဆုတ်(၂)ရက်၊ သောကြာနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊ဒီဇင်ဘာလ(၉)ရက်နေ့လဲ ဖြစ်ပါတယ်။
ဒီနေ့နံနက်(၅း၅၆)နာရီမှာ အရုဏ်တတ်ပါတယ်။ နေထွက်ချိန်နံနက်(၆း၄၄)နာရီဖြစ်ပြီး ၊ ညနေ(၅း၂၆)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အရှေ့အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက်အရပ် ဖြစ်ပါတယ်။ စန်းပွင့်ရာအရပ်က အနောက်အရပ် ဖြစ်ပါတယ်။
လက်သမားမြေခံ ကျား မြေခံဖြစ်၍ ပျက်စီးခြင်းကို ပေးတဲ့နေ့ဖြစ်တာကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်းတည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ဆောင်ရွက်ရန် အထူးရှောင်ကျဉ်သင့်တဲ့ နေ့ရက်ဖြစ်ပါတယ်။
တီထိမြေခံ မွန်းတည့် ၁၂နာရီထိ ကိတ်မြေခံဖြစ်တာကြောင့် ခိုင်ခန့်သောအဆောက်အဦးတွေ၊ ကျောင်းတွေ၊ သိမ်တွေ၊ လမ်းတံတားတွေ၊ အထပ်မြင့် အဆောက်အဦးတွေ စတင်ဆောက်လုပ်တာ၊ တိုင်ထူတာ၊ ပန္နက်ရိုက်တာမျိုးတွေ ဆောင်ရွက်လို့အထူးကောင်းပါတယ်။မွန်းတည့် ၁၂နာရီကျော်ရင်တော့ ရက်ယုတ်မာနဲ့ တိုက်ဆိုင်နေတာကြောင့်ရယ်၊ ရာဟုမြေခံကူးပြောင်းတာရယ်ကြောင့်အထက်ပါကိစ္စများ ဆောင်ရွက်လို့မသင့်ပါဘူး။
ဒီနေ့ဟာ ရက်ရာဇာ၊ ရက်ယုတ်မာ ရက်ကျရောက်နေတာဖြစ်ပါတယ်။
ဒီနေ့ဟာ တီထိအရတော့မွန်းတည့်ကာလထိ လဆုတ်တီထိ ၁လုံး၊မွန်းလွဲသွားပါကလဆုတ်တီထိ ၂လုံး ကျော်ကြား ခြင်း၊ငြိမ်းချမ်းခြင်းတွေကိုပေးတဲ့ ဘဒြာတီ ထိကျရောက်တဲ့နေ့ရက်ပဲဖြစ်ပါတယ်။ တစ်ဝက်တစ်ပျက်၊တစ်ပိုင်းတစနဲ့ ရပ်တန့်ထားသောအလုပ်များ ပြန်လည် လုပ်ကိုင်ခြင်းဖြင့် ထင်ရှားတဲ့ အကျိုးကျေးဇူးကိုရရှိပါလိမ့်မယ်။
လူအများစုအတိုက် အခိုက်လေးတွေကြုံရတတ်တယ်။ အဆင်မပြေနေသူဆိုမနာလိုပုပ်ခပ်သူတွေနဲ့အထူးကြုံရ တတ်ပါတယ်။ မိမိဦး တည်ချက်ကို မည်သည့်ကိစ္စနှင့် မယိုင်ပါစေနဲ့။အလွန်မှအဖျက်ဝင်တတ်ပါ။
သီလလုံအောင်နေပါ။ ဒုစရိုက်၁၀ပါးရှောင်သင့်တဲ့နေ့ရက်ပါပဲ။ကျောက်မျက်ရတနာသွေးခြင်း၊ ဖြတ်ခြင်း၊ အရောင်တင်ခြင်းများလဲအထူးဆောင်ရွက်လို့ကောင်းတာမျိုးတွေ့ရပါတယ်။ အသစ်တစ်ခုခုစတင်ဖန်တီးခြင်းတွေ ၊ စွန့်ဦးတီထွင်လုပ်ကိုင်ခြင်းမျိုးတွေ ဆောင်ရွက်လို့ကောင်းတဲ့နေ့ရက်ပါပဲ။ တစ်ဦးတစ်ယောက်ထဲလုပ်ကိုင်ရတဲ့ အလုပ်များဖြစ်တဲ့ ပန်းချီဆွဲခြင်း၊ပန်းပုထုခြင်း၊ စာရေးခြင်းစတဲ့အလုပ်များ စိတ်ကူးသစ်တွေနဲ့အတူး ဖန်တီးမှုအသစ် တွေလဲရရှိပါလိမ့်မယ်။
ယနေ့တွင် ပွဲလမ်းသဘင်များ ကျင်းပပါက လူယုတ်မာတို့၏ နှောက်ယှက် ဖျက်ဆီးမှု တို့ ကြုံတွေ့နိုင်ပါသည်။ နံနက်(၁၀း၃၀)နာရီမှ မွန်းတည့်(၁၂း၀၀)နာရီအတွင်း ပြဿနာများနှင့် ကြုံတွေ့ရနိုင်ပါသည်။
ယနေ့ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ညနေ(၄း၁၂)နာရီမှ ညနေ(၅း၀၄)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာ များရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာ ခြင်း များကြုံလာ ရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ် သွားတာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့မွေး ရင်သွေးငယ်များဟာ ပုတိဖွား၊ မေထုန်စန်း၊ ဗြိစ္ဆာရာသီဖွားဖြစ်ပါသည်။ဒီနေ့မွေးသူများဟာ အခက်အခဲတွေ ကိုအပျော်အဖြစ်ပြောင်းလဲနိုင်သူတွေဖြစ်ပါတယ်။ သတိထားရမှာက ငွေကြေးနဲ့ပတ်သက်ပြီး အသုံးအစွဲကြီး လက်လွယ်တာမို့ ငွေစုဆောင်းရခက်ခဲတတ်ပါတယ်။ မည်သည့်နယ်ပယ်မဆို ပြုပြင်ရသောအလုပ်တွေ၊ ထိန်းသိမ်း စောင့်ရှောက်ရသောအလုပ်တွေနဲ့အကျိုးပေးပါတယ်။ ဒါကြောင့် လူမျိုးခြား၊တစိမ်း၊ရပ်ဝေးနယ်ခြားတွေနဲ့ ပိုမိုအဆင် ပြေတတ်ပါတယ်။ ဒါနဲ့ဆန့်ကျင်ဘက်ဖြစ်သော သွေးသားရင်ခြာတွေနဲ့ ဆွေမျိုးသားချင်းတွေက မိမိတို့ကိုကောင်းစွာ ဒုက္ခပေးနိုင်တာကိုအထူးတွေ့ရပါတယ်။
ဒီနေ့အတွက် ရာဟုကာလအမှောင်ချိန်တွေကတော့ နံနက်(၁၀း၃၄)နာရီမှ နေ့လည် (၁၁း၅၈)နာရီအတွင်း ကျ ရောက်နေတာ ဖြစ်ပါတယ်။ ဒီအချိန်အတွင်းမှာ မင်္ဂလာအခါတော်ပေးတာတွေ၊ ငွေပေးငွေယူကိစ္စတွေ၊ ကတိ ကဝတ် ပြုတာတွေ၊ စာချုပ်ချုပ်ဆိုတာတွေ၊ ရင်သွေးငယ် ခွဲစိတ်မွေးဖွားတာက စပြီး ရှောင်နိုင်ရင် အထူးကောင်း ပါတယ်။
ဒီနေ့မှာ ကံကောင်းသောနေ့သားများကတော့ စနေ၊ အင်္ဂါ၊ ဗုဒ္ဓဟူး၊ ရာဟု သားသမီးများပဲ ဖြစ်ပါတယ်။
ကံညံ့သော နေ့သားများကတော့ တနင်္ဂနွေ၊ ကြာသပတေး သားသမီးများပဲ ဖြစ်ပါတယ်။
ကံသင့်သောနေ့သားများကတော့ တနင်္လာ၊ သောကြာ သားသမီးများပဲ ဖြစ်ပါတယ်။
ဒီနေ့မှာ အသားရောင်နှင့် အစိမ်းရောင် များများပါသော အဝတ်အစား၊ အသုံးအဆောင်ပစ္စည်းများကို အထူး အလေးထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းများကို ရရှိခံစားနိုင်ပါလိမ့်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၅၊ ၄) ဂဏန်းများပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ထန်းလျက် အနည်းငယ် စားသွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ အီကြာကွေး ဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်း သော လိုအင်ဆန္ဒတွေပြည့်ဝကြပါစေ။
#၇ရက်သားသမီးအတွက် တစ်နေ့တာဟောစာတမ်းအကျယ်ကို နားဆင်လိုသောဗေဒင်ချစ်ပရိသတ်များ အတွက် သတင်းစကားပါးခြင်း
နေ့စဥ် ၇ ရက်သားသမီးများအတွက် နေ့နံအလိုက် …
☯️တစ်နေ့တာကံကြမ္မာ အဆိုးအကောင်း…
☯️တစ်နေ့တာ စီးပွားရေးအလုပ်အကိုင်အခြေအနေ…
☯️တစ်နေ့တာ ကျန်းမာရေးဆိုင်ရာ သိစရာတွေ…
☯️တစ်နေ့တာ အချစ်ရေး ကံတရားများ…..
☯️တစ်နေ့တာ အိမ်ထောင်ရေး အဆိုး/အကောင်းများ…
☯️တစ်နေ့တာ ပညာရေး ရလဒ်အကြောင်းတွေ….
#ဒါအပြင်…
.🧿တစ်နေ့တာ အကျိုးပေးအရောင်များ
🧿တစ်နေ့တာ အကျိုးပေးဂဏန်းများ
🧿အရေးကြီးကိစ္စတွေဆောင်ရွက်ရမယ်ဆို ပြုဖွယ်အစီအရင်များ
🧿တစ်နေ့တာအညံ့အဆိုးတွေလျော့ပါးသက်သာစေမဲ့ကုသိုလ်ယတြာ စသည်ဖြင့်စုံစုံလင်လင်ကို …… နေ့စဉ် နား ဆင် နိုင်မယ့် အစီအစဉ်ဖြစ်ပါတယ်။
နေ့စဉ်ဗေဒင်ဟောစာတမ်းများကို နားဆင်လိုပါက …
ATOM ဆင်းကဒ်များဖြင့် (3049) ကို ဖုန်းခေါ်ဆိုပြီး နားဆင်နိုင်ပါတယ်…။ ( တစ်ပတ်လျှင် ၃၁၅ ကျပ်သာကျသင့် မှာဖြစ်ပါတယ်။)
🙏🙏🙏အားပေးကြသူတစ်ယောက်ချင်းဆီတိုင်းကို ကျေးဇူးအထူးတင်ရှိပါတယ်။
👌👍ကောင်းသောလိုအင်ဆန္ဒတွေပြည့်ဝနိုင် ကြပါစေ။
✍️ငြိမ်းအေးလူ(ဗေဒင်သုတေသီ)
09775555695