
ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ နတ်တော်လဆုတ်(၈)ရက်၊ ကြာသပတေးနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊ဒီဇင်ဘာလ(၁၅)ရက်နေ့လဲ ဖြစ်ပါတယ်။
ဒီနေ့နံနက်(၅း၅၇)နာရီမှာ အရုဏ်တတ်ပါတယ်။ နေထွက်ချိန်နံနက်(၆း၄၅)နာရီဖြစ်ပြီး ၊ ညနေ(၅း၂၆)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က မြောက်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က တောင်အရပ် ဖြစ်ပါတယ်။ စန်းပွင့်ရာအရပ်က အရှေ့အရပ် ဖြစ်ပါတယ်။
လက်သမားမြေခံ သိန္ဓောမြင်း မြေခံဖြစ်၍ ပစ္စည်းဉစ္စာတိုးပွားတတ်သော နေ့ဖြစ်သောကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်းတည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ဆောင်ရွက်လို့ အထူးကောင်းပါတယ်။
ဒီနေ့ဟာတီထိမြေခံအရ အင်္ဂါမြေခံတဲ့နေ့ဖြစ်ပါတယ်။ အင်္ဂါမြေခံအရ ကျန်းမာရေးနှင့်ပတ်သက်၍ အထူး ထိခိုက်နိုင်တဲ့နေ့ရက်ဖြစ်တာကြောင့် ခိုင်ခန့်တဲ့အဆောက်အဦးတွေ၊ကျောင်းတွေသိမ်တွေ၊ လမ်း တံတား တွေ၊ အထပ်မြင့်အဆောက်အဦးတွေ စတင် ဆောက်လုပ်တာ တိုင်ထူတာပန္နက်ရိုက်တာမျိုးတွေအထူးရှောင်သင့်ပါတယ်။
ဒီနေ့ဟာ နဂါးပြည်ပြဿဒါး၊ ဝါရမိတ္တုငယ်၊ ရက်ပုတ် ရက်ကျရောက်နေတာဖြစ်ပါတယ်။
ဒီနေ့ဟာ တီထိအရတော့ လဆုတ်တီထိ ၇လုံးပဲရှိသေးပြီးတော့ ကျော်ကြားခြင်းတွေကိုပေးတဲ့ ဘဒြာတီထိကျရောက်တဲ့ နေ့ရက်ပဲဖြစ်ပါတယ်။လူမှုဆက်ဆံရေးကိစ္စများတွင် သတိရှိပါ။ ယုတ်မာသောသူတွေရဲ့အနှောက်အယှက်ရှိပါတယ်။ လုပ်လက်စ စီးပွားရေးလုပ်ငန်းတွေလဲ ရှေ့တိုးဆောင်ရွက်နိုင်ပါလိမ့်မယ်။ ပေါ်ပေါက်လာတဲ့အမှုကိစ္စတွေကိုလဲ ရင်ဆိုင်ဖြေရှင်းနိုင်ပါလိမ့်မယ်။ အရေးကြီးသောကိစ္စများဆောင်ရွက်မည်ဆိုပါက မနက် ၈း၂၄မိနစ်ကနေ မနက်၁၀း၃၀အတွင်းဆောင်ရွက်လို့အကောင်းဆုံးပဲဖြစ်ပါတယ်။
မည်သည့်ပစ္စည်းမဆိုဒီနေ့မှာဝယ်ယူမယ်ဆိုပါက သေချာစစ်ဆေးပါ။ အပြစ်အနာအဆာတွေပါနေတတ်ပါတယ်။ အဟောင်း၊တစ်ပတ်ရစ်ဝယ်မယ်ဆိုရင်တော့ ပိုမိုဂရုစိုက်ပါ။ အချစ်ရေးနဲ့ပတ်သက်သောကိစ္စအ၀၀ဆောင်ရွက်လို့ ကောင်းတဲ့နေ့ရက်ပါပဲ။ ချစ်သူကိုဖွင့်ဟပြောတာမျိုးတွေဆောင်ရွက်နိုင်သလို ချစ်သူနဲ့လက်ထပ်ဖို့ မိဘတွေကိုဖွင့် ဟတိုင်ပင်တာမျိုးလဲဆောင်ရွက်သင့်တဲ့နေ့ရက်ပါပဲ။
ဆန်ရေစပါးစတင်စိုက်ပျိုးတာ၊မျိုးစေ့ကြဲတာမျိုးတွေလဲ ဒီနေ့မှာဆောင်ရွက်နိုင်ပါလိမ့်မယ်။ ရွှေနှင့်ကျောက် မျက်ရတနာလုပ်ငန်းများတိုးတတ်ပါလိမ့်မယ်။ လက်ဝတ်ရတနာများ ဝယ်ယူခြင်း၊စတင်ဆင်မြန်းခြင်းတွေပြုလုပ်လို့ ကောင်းတဲ့နေ့မျိုးပါပဲ။
ဒီလိုနေ့မျိုးမှာတော့အိမ်ပြောင်းနေရာပြောင်း၊အလုပ်ပြောင်းတာမျိုးတွေလဲ ဒီနေ့မှာဆောင်ရွက်လို့သင့်တော် ပါတယ်။ဒီလိုနေ့မျိုးဟာ လူတိုင်းစိတ်ကျဉ်းကြပ်စရာလေးတွေကြုံရတတ်ပါတယ်။ ဒါပေမဲ့ စိုးရိမ်စိတ်နဲ့လုပ်ရင်တော့ အဆင်မပြေတာတွေများတတ်ပါတယ်။ နားမလည်ရင် သိသူတတ်သူကို ဆရာတင်လိုက်ပါ။
ယနေ့တွင် ကုန်ပစ္စည်းသစ်များ စတင်ဖြန့်ချီနိုင်သည်။ ဒီလို့နေ့မျိုးတွင် ဘာသာရေးဆိုင်ရာ မြင့်မြတ်သော ကိစ္စများ ဆောင်ရွက်ရန် မသင့်ပါ။ မင်္ဂလာယူပြီးဆောင်ရွက်ရသောကိစ္စများ ရှောင်ကြဉ်ပါ။ ငွေကြေးအပေးအယူ ကိစ္စများတွင် သတိနှင့် ဆောင်ရွက်လုပ်ကိုင်ပါ။
ယနေ့ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ညနေ(၃း၄၈)နာရီမှ ညနေ(၄း၄၀)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာ များရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာ ခြင်း များကြုံလာ ရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ် သွားတာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့မွေး ရင်သွေးငယ်များဟာ ဘင်္ဂဖွား၊ သိဟ်စန်း၊ ဗြိစ္ဆာရာသီဖွားဖြစ်ပါသည်။ဒီနေ့မွေးသူများဟာ ဖယောင်းတွေ လိုပါပဲ။ပုံသွင်းရလွယ်ကြပါတယ်။ မိဘတွေကကိုယ်ကျင့်တရားကောင်းရင်လူကောင်းလေးတွေဖြစ်လာပြီး မိဘတွေစရိုက်ဆိုးရင်သူလဲဆိုးသွမ်းသွားပါလိမ့်မယ်။ အသင်အပြကောင်းမှအဆင်ပြေမဲ့ကလေးငယ်ပါပဲ။ မိဘတွေ ကသာ အတ္တမာနနည်းပြီး အများအကျိုးဆောင်ရွက်သူဆို ဒီနေ့မွေးကလေးငယ်ဟာလဲ သိပ်တော်တဲ့သူဖြစ်လာပါ လိမ့်မယ်။ ပညာရေးကံအားကောင်းကြသူတွေလဲဖြစ်သလို သင်ကြားရေးလုပ်ငန်း၊ရေလုပ်ငန်း၊သင်္ဘောသားစတဲ့ အလုပ်တွေနဲ့ အောင်မြင်ကြသူတွေအဖြစ်လဲတွေ့ရလေ့ရှိပါတယ်။
ဒီနေ့အတွက် ရာဟုကာလအမှောင်ချိန်တွေကတော့ မွန်းလွဲ(၁း၂၄)နာရီမှ မွန်းလွဲ(၂း၄၇)နာရီအတွင်း ကျရောက် နေတာ ဖြစ်ပါတယ်။ ဒီအချိန်အတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ် ချုပ်ဆိုတာတွေ၊ ရင်သွေးငယ် ခွဲစိတ်မွေးဖွားတာကစပြီး ရှောင်နိုင်ရင် အထူးကောင်းပါတယ်။
ဒီနေ့မှာ ကံကောင်းသောနေ့သားများကတော့ တနင်္ဂနွေ၊ တနင်္လာ၊ ကြာသပတေး သားသမီးများပဲ ဖြစ်ပါတယ်။
ကံညံ့သော နေ့သားများကတော့ စနေ၊ ရာဟု၊ ဗုဒ္ဓဟူး သားသမီးများပဲ ဖြစ်ပါတယ်။
ကံသင့်သောနေ့သားများကတော့ အင်္ဂါ၊ သောကြာ သားသမီးများပဲ ဖြစ်ပါတယ်။
ဒီနေ့မှာ အညိုရောင် နှင့် အဖြူရောင် များများပါသော အဝတ်အစား၊ အသုံးအဆောင်ပစ္စည်း များကို အထူးအလေးထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါ လိမ်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၉၊ ၁) ဂဏန်းများပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ကွတ်ကီး စား သွားပါ ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ဇီးဖြူသီးဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်း သောလိုအင်ဆန္ဒတွေပြည့်ဝကြပါစေ။
#၇ရက်သားသမီးအတွက် တစ်နေ့တာဟောစာတမ်းအကျယ်ကို နားဆင်လိုသောဗေဒင်ချစ်ပရိသတ်များ အတွက် သတင်းစကားပါးခြင်း
နေ့စဥ် ၇ ရက်သားသမီးများအတွက် နေ့နံအလိုက် …
☯️တစ်နေ့တာကံကြမ္မာ အဆိုးအကောင်း…
☯️တစ်နေ့တာ စီးပွားရေးအလုပ်အကိုင်အခြေအနေ…
☯️တစ်နေ့တာ ကျန်းမာရေးဆိုင်ရာ သိစရာတွေ…
☯️တစ်နေ့တာ အချစ်ရေး ကံတရားများ…..
☯️တစ်နေ့တာ အိမ်ထောင်ရေး အဆိုး/အကောင်းများ…
☯️တစ်နေ့တာ ပညာရေး ရလဒ်အကြောင်းတွေ….
#ဒါအပြင်…
.🧿တစ်နေ့တာ အကျိုးပေးအရောင်များ
🧿တစ်နေ့တာ အကျိုးပေးဂဏန်းများ
🧿အရေးကြီးကိစ္စတွေဆောင်ရွက်ရမယ်ဆို ပြုဖွယ်အစီအရင်များ
🧿တစ်နေ့တာအညံ့အဆိုးတွေလျော့ပါးသက်သာစေမဲ့ကုသိုလ်ယတြာ စသည်ဖြင့်စုံစုံလင်လင်ကို …… နေ့စဉ် နား ဆင် နိုင်မယ့် အစီအစဉ်ဖြစ်ပါတယ်။
နေ့စဉ်ဗေဒင်ဟောစာတမ်းများကို နားဆင်လိုပါက …
ATOM ဆင်းကဒ်များဖြင့် (3049) ကို ဖုန်းခေါ်ဆိုပြီး နားဆင်နိုင်ပါတယ်…။ ( တစ်ပတ်လျှင် ၃၁၅ ကျပ်သာကျသင့် မှာဖြစ်ပါတယ်။)
🙏🙏🙏အားပေးကြသူတစ်ယောက်ချင်းဆီတိုင်းကို ကျေးဇူးအထူးတင်ရှိပါတယ်။
👌👍ကောင်းသောလိုအင်ဆန္ဒတွေပြည့်ဝနိုင် ကြပါစေ။
✍️ငြိမ်းအေးလူ(ဗေဒင်သုတေသီ)
09775555695