ဒီနေ့ဟာ မြန်မာသက္ကရာဇ် ၁၃၈၆ခုနှစ်၊ တပို့တွဲလဆန်း (၃)ရက်၊ သောကြာနေ့ ဖြစ်ပါတယ်။
ခရစ်နှစ် ၂၀၂၅ခုနှစ်၊ ဇန်နဝါရီလ(၃၁)ရက်နေ့လဲ ဖြစ်ပါတယ်။
ဒီနေ့နံနက်(၅း၄၆)နာရီမှာ အရုဏ်တက်ပါတယ်။ နေထွက်ချိန်နံနက်(၆း၃၄)နာရီဖြစ်ပြီး ၊ ညနေ(၅း၃၇)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အရှေ့အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက်အရပ် ဖြစ်ပါတယ်။ စန်းပွင့်ရာအရပ်က အနောက်အရပ် ဖြစ်ပါတယ်။
လက်သမားမြေခံ ကတော့ နွား မြေခံဖြစ်၍ ဉစ္စာပစ္စည်းများ ရတတ်သော နေ့ဖြစ်သောကြောင့် ပျဉ်ထောင်အိမ်တွေ ဆောက်တာ၊ တဲတွေ၊ ဆိုင်ခန်း၊ လိုင်းခန်းတည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွ တာတွေ ဆောင်ရွက်လို့ အထူးကောင်းပါတယ်။
ဒီနေ့ဟာ သမားဖြူ၊ ဝါရမိတ္တုကြီး ကျရောက်နေတဲ့ နေ့ရက်ပဲဖြစ်ပါတယ်။
ဒီနေ့ဟာ တီထိအရတော့ လဆန်းတီထိ(၂)လုံး ကျရောက်နေတာဖြစ်ပြီး ကောင်းကျိုးဖြစ်ထွန်းစေခြင်းကိုပေးတဲ့နေ့ ဖြစ်နေပါတယ်။ တီထိ (၂)လုံး အနေဖြင့် ရွှေငွေ သတ္တု ကျောက်မျက်ရတနာများတူးဖော်ခြင်းများ၊အဝိစီတွင်းတူးခြင်း၊ ရေတွင်းရေကန်များတူးဖော်ခြင်းများ လဲဆောင်ရွက်လို့ကောင်းမွန်ပါလိမ့်မယ်။ဆည်မြောင်းတာတမံများစတင် တူးဖော် ခြင်းများလဲ ဆောင်ရွက်နိုင်ပါလိမ့် မယ်။ နံနက်(၆း၀၀)နာရီမှ (၈း၂၄)နာရီကြား၊ နေ့ခင်း(၁း၁၂)နာရီမှ ညနေ (၃း၃၆)နာရီ ကြား ကာလများတွင် အလုပ်အကြံအစည်၊ ရည်ရွယ်ချက်များ လက်တွေ့အကောင်အထည်ဖေါ်၍ ကောင်းသော အကျိုးကို ရရှိမည်။
ဖုန်းရောင်းဝယ်ခြင်း၊ဖုန်းအပိုပစ္စည်းများရောင်းဝယ်ခြင်း၊ စက်ပစ္စည်းများရောင်းဝယ်ခြင်းများလဲ အဆင်ပြေ နိုင်ပါတယ်။ လက်မှုပညာလုပ်ငန်းများ အိမ်အလှဆင်လုပ်ငန်းများလဲ အဆင်ပြေအောင်မြင်မှုတွေရလာတတ်ပါ တယ်။ ဒီနေ့ဟာခရီး သွားကောင်းမဲ့နေ့ရက်ပါပဲ။ ခရီးသွားပြီးစီးပွားရှာခြင်း၊ ဘုရားဖူးလုပ်ငန်းများ၊ကုန်သွယ်မှုလုပ် ငန်းများလဲကောင်းမွန်ပါ တယ်။
မေတ္တာရေးနဲ့ပက်သက်ပြီးကံကောင်းနေတာကြောင့်ချစ်သူအား ပိုးပန်းခြင်းမျိုး၊ ချစ်သူကမိမိကို စိတ်ညွှတ် လာ အောင်ဆောင်ရွက်ခြင်းမျိုး အထူးကောင်းပါတယ်။ အလှအပပြင်ဆင်ခြင်း၊ ပေါင်းတင်ခြင်း၊ အဝတ် အစား အသစ် များဝတ်ဆင်ခြင်း၊ ရတနာဆင်မြန်းခြင်းများ ဆောင်ရွက်ခြင်းများ ဆောင်ရွက်လို့ အထူးကောင်းပါတယ်။ ဆန်စပါး စိုက်ပျိုးခြင်းများ၊ ဥယျာဉ်ခြံလုပ်ငန်း၊လယ်ယာကိုင်းကျွန်းလုပ်ငန်းများလဲ အဆင်ပြေအောင်မြင်မှု တွေရလာ တတ် ပါတယ်။
ဘဒြာတီထိ ကျရောက်နေသောနေ့ဖြစ်သောကြောင့် အလုပ်သစ်တစ်ခုစတင်လုပ်ဆောင်ရန် အထူးကောင်းပါသည်။ အိမ်၊ စက်ရုံနှင့် အခြားအရာများ၏ အုတ်မြစ်ချရန် အထူးကောင်းမွန်ပါသည်။ မင်္ဂလာပွဲ၊ အလုပ်စလုပ်ခြင်း၊ တာဝန်တစ်ခုခုရဲ့အစ၊ လက်ဝတ်ရတနာတွေ ဝယ်ယူဝတ်ဆင်ဖို့အတွက် အဆင်ပြေစေပါသည်။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ မွန်းလွဲ(၁၂း၄၂)နာရီမှ မွန်းလွဲ(၁၃း၃၃)နာရီ အတွင်း ကျရောက်နေတာဖြစ်ပါတယ်။ ဒီအချိန်ကာလအတွင်း မဟာဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ် ရွှင်ဂါထာ၊ ငွေရဂါထာများရွတ်ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာ ခြင်းများ ကြုံလာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွား တာမျိုး မရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့မွေး ရင်သွေးငယ်များဟာ အထွန်းဖွား၊ ဓနသိဒ္ဓိနက္ခတ်နဲ့စန်းယှဉ်မွေးသူ၊ ကုမ်စန်း၊ မကာရရာသီဖွားဖြစ်ပါသည်။ ယနေ့မွေးဖွားသူများသည် အလွန်တရားမျှတပြီး စိတ်ဓါတ်ခိုင်မာ ပြတ််သားပြီး အလုပ်ကြိုးစားသူပါ။ အောင်မြင်မှု ဆိုတာ ငယ်ရွယ်စဉ်မှာ ဖြစ်ပေါ်လာတာမဟုတ်ပေမယ့် အစောပိုင်းမှာ အဆင်မပြေမှုတွေနဲ့ မိမိကိုယ်တိုင် လုပ်ဆောင်မှု ကနေ ဖြစ်ပေါ်လာတာပါ။ မိမိဟာ ခေါင်းဆောင်ကောင်းတစ်ယောက်ဖြစ်ပြီး အမြော်အမြင်ရှိသူပါ။ မိမိခြေဖဝါးကို မြေကြီးပေါ်တွင် ရပ်တည်ထားနေစဉ်ကာလတစ်လျှောက်၊ မိမိရှေ့တွင် မှန်သောအရာထက် ကျော်လွန် ကြည့်ရှုလို စိတ်ရှိ သည်။ မိမိအား လှည့်စားသောသူများနှင့် မိမိကြားတွင် ပြဿနာအချို့ရှိနိုင်သည်။ မိမိသည် လူ့သ ဘော သဘာဝကို နားလည်ရန် ထူးထူးခြားခြား ပြင်းထန်သော စွမ်းရည်ကို ပိုင်ဆိုင်ထားသည်။ မိမိရဲ့ဉာဏ်ရည် ဉာဏ် သွေးက ထက် မြက်တယ်။ အရေးကြီးသော ဆုံးဖြတ်ချက်တစ်ခုချရန် လိုအပ်သောအခါတွင် မိမိသည် အခြားသူများ ၏စကားကို နားထောင်ကာ အချက်အလက်ကို စီမံဆောင်ရွက်ပြီးနောက် မှန်ကန်တဲ့ဆုံးဖြတ်ချက်ကိုဆောင်ရွက်နိုင် ကြတဲ့ အမြော် အမြင်အလွန်ရှိသူဖြစ်ပါတယ်။အောင်မြင်တဲ့လုပ်ငန်းရှင်၊အောင်မြင်တဲ့ ပညာရှင်ဖြစ်တတ်ပါတယ်။ သတိ ထားရမှာက မိဘတွေ ကအလွန်ချမ်းသာပါက မိမိကိုယ်တိုင်က ထိုစည်းစိမ်ကိုယစ်မူးပြီး အစွမ်းအစ ထုတ်နိုင်ခွင့်တွေ လျော့ပါးသွား တတ်ပါ တယ်။ ဘဝမှာ ကောင်းပေ့ညွှန့်ပေ့ဆိုတဲ့ အသုံးအဆောင်ပစ္စည်းတွေကို သုံးခွင့်ရတဲ့သူတွေ အဖြစ်လဲ အတွေ့ရများပါ တယ်။နာမည်ကြီး ဘရန်းတွေကို ထိတွေ့ကိုင်တွယ်သုံးစွဲခွင့်ရတဲ့ အနည်းစုသော လူတွေထဲ မှာ ဒီလိုဇာတာမျိုးတွေလဲ ပါတတ်ပါတယ်။
ဓနသိဒ္ဓိနက္ခတ်ဖြစ်တာကြောင့် ဓနသိဒ္ဓ နက္ခတ်သည် ခရီးသွားခြင်း၊ သယ်ယူပို့ ဆောင်ခြင်း၊ ဥယျာဉ်ခြံမြေလုပ်ခြင်း၊ သူ့ငယ်ချင်းများ လည်ပတ်ခြင်း၊ ဈေးဝယ်ထွက်ခြင်း နှင့် ယာယီသဘောသဘာဝအရ မည်သည့်အရာအတွက်မဆို ယာယီ၊ လျင်မြန်စွာ ရွှေ့ပြောင်းနိုင် သော နက္ခတ်ဖြစ်သည်။
ဤနက္ခတ်သည် အထက်သို့မျက်နှာမူသော နက္ခတ်ဖြစ်ပြီး အိမ်၊ ဗိမာန်၊ တံတိုင်း(ဥယျာဉ်)၊ အထပ်မြင့် အဆောက်အဦ၊ အဆောက်အအုံများနှင့် သက်ဆိုင်သော ဆောက်လုပ်ရေးလုပ်ငန်းများ၊ အလံလွှင့် တင်ခြင်း၊ နန်းတက်ခြင်း၊ ဆင်ဖြင့် ခရီးသွားခြင်း၊ ရွာဗိမာန်၊ ခံတပ်၊ လက်ထပ်ထိမ်းမြားခြင်း စသည့်အလုပ်များ ပြုလုပ်ရန်သင့်လျော်သည်။
ဂြဟဇာ ပွင့်ရာအရပ်သည် အရှေ့တောင်အရပ်ဖြစ်သည်။ ဂြဟဇာ ပွင့်သောအရပ်ကို မျက်နှာမူ၍ အိမ်ဆောက်ခြင်း၊ ခေါင်းဆေးမင်္ဂလာပြုခြင်းကဲ့သို့သော ကောင်းမွန်သောကိစ္စရပ်များ ဆောင်ရွက်နိုင်ပါသည်။
ဝီရိယယုဂ် ကျရောက်နေသောနေ့ဖြစ်သောကြောင့် “နှစ်သိမ့်မှု”ဟူသောအဓိပ္ပာယ်ကို ကိုယ်စားပြုသည်။ ကောင်းသော ကိစ္စရပ်များအားလုံးအတွက် အထူးကောင်းပါသည်။
ကောလဝါကရိုဏ်း ကျရောက်နေသောနေ့ဖြစ်သောကြောင့် မင်္ဂလာဆောင်၊ သတို့သမီးရွေးချယ်၊ သူငယ်ချင်း၊ အချစ်ရေး၊ အလှဆင်ရန် ချစ်ကြည်ရင်းနှီးမှု၊ သဘောတူညီချက် (သို့မဟုတ်) ကာလရှည်ကြာ တည်မြဲနေမည့် အရာများကဲ့သို့သော ပုံသေလုပ်ထားသည့်အရာများအတွက် အထူးကောင်းမွန်ပါသည်။
ဒီနေ့အတွက် ရာဟုကာလအမှောင်ချိန်တွေကတော့ နံနက်(၁၀း၅၄)နာရီမှ မွန်းလွဲ(၁၂း၁၉)နာရီအတွင်း ကျရောက်နေပါ တယ်။ဒီအချိန်ကာလ အတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ် ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါတယ်။
ကံကောင်းသောနေ့သားများကတော့ တနင်္ဂနွေ၊ အင်္ဂါ၊ ဗုဒ္ဓဟူး၊ ရာဟု၊ စနေသားသမီးများပဲဖြစ်ပါတယ်။
ကံညံ့သော နေ့သားများကတော့ ကြာသပတေးသားသမီးများပဲ ဖြစ်ပါတယ်။
ကံသင့်သောနေ့သားများကတော့ တနင်္လာ၊ သောကြာသားသမီးများပဲ ဖြစ်ပါတယ်။
ဒီနေ့မှာ မီးခိုးရောင် နှင့် ရွှေအိုရောင် များများပါသော အဝတ်အစား၊ အသုံးအဆောင်ပစ္စည်း တွေ ကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၃၊ ၅၊ ၈) ဂဏန်းတွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ နံနက်စောစော အိပ်ယာထ မျက်နှာသစ် ကိုယ်လက်သန့်စင်ပြီး အရှေ့တောင်အရပ်သို့ မျက်နှာမူကာ “အရဟံဇိနော” (၉)ခေါက် ရွတ်ဆိုသွား ပါ။ပိုမိုအဆင်ပြေ လွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ဇီးဖျော်ရည် ဘုရားကပ်လှူပြီး လိုရာဆု တောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လိုအင်ဆန္ဒတွေပြည့်ဝကြပါစေ။
#၇ရက်သားသမီးအတွက်တစ်နေ့တာဟောစာတမ်းနှင့်တိုက်ရိုက်ဖုန်းခေါ်ဟောပြောခြင်းအကြောင်းအရာကိုဗေဒင်ချစ် ပရိသတ် များ အတွက် သတင်းစကားပါးခြင်း
နေ့စဥ် ၇ ရက်သားသမီးများအတွက် နေ့နံအလိုက် …
☯️တစ်နေ့တာကံကြမ္မာ အဆိုးအကောင်း…
☯️တစ်နေ့တာ စီးပွားရေးအလုပ်အကိုင်အခြေအနေ…
☯️တစ်နေ့တာ ကျန်းမာရေးဆိုင်ရာ သိစရာတွေ…
☯️တစ်နေ့တာ အချစ်ရေး ကံတရားများ…..
☯️တစ်နေ့တာ အိမ်ထောင်ရေး အဆိုး/အကောင်းများ…
☯️တစ်နေ့တာ ပညာရေး ရလဒ်အကြောင်းတွေ….
#ဒါအပြင်…
.🧿တစ်နေ့တာ အကျိုးပေးအရောင်များ
🧿တစ်နေ့တာ အကျိုးပေးဂဏန်းများ
🧿အရေးကြီးကိစ္စတွေဆောင်ရွက်ရမယ်ဆို ပြုဖွယ်အစီအရင်များ
🧿တစ်နေ့တာအညံ့အဆိုးတွေလျော့ပါးသက်သာစေမဲ့ကုသိုလ်ယတြာ စသည်ဖြင့်စုံစုံလင်လင်ကို …… နေ့စဉ် နား ဆင် နိုင်မယ့် အစီအစဉ်ဖြစ်ပါတယ်။
နေ့စဉ်ဗေဒင်ဟောစာတမ်းများကို နားဆင်လိုပါက …
ATOM ဆင်းကဒ်များဖြင့် (3049) ကို ဖုန်းခေါ်ဆိုပြီး နားဆင်နိုင်ပါတယ်…။ ( တစ်ပတ်လျှင် ၃၁၅ ကျပ်သာကျသင့် မှာဖြစ်ပါတယ်။)
ဒါအပြင်ဆရာငြိမ်းအေးလူနှင့်တိုက်ရိုက်📞ဖုန်းခေါ်ဆိုပြီး ဗေဒင်မေးချင်တယ်ဆိုရင်…အပတ်စဥ် တနင်္လာနေ့၊အင်္ဂါနေ့၊ ဗုဒ္ဓဟူးနေ့ရောက်တိုင်း ညနေ (၆) နာရီကနေ (၈) နာရီအတွင်းဖုန်းနံပါတ် (7777) ကို Atomဖုန်းနံပါတ်များနှင့် ဖုန်းခေါ်ဆိုပြီး မေးမြန်းနိုင်ပါတယ် ခင်ဗျာ… ။ ( တစ်မိနစ်လျှင် ၅၂၅ ကျပ် ၊ ဉာဏ်ပူဇော်ခပါပြီး ကျသင့်ပါမယ်)
🙏🙏🙏အားပေးကြသူတစ်ယောက်ချင်းဆီတိုင်းကို ကျေးဇူးအထူးတင်ရှိပါတယ်။
👌👍ကောင်းသောလိုအင်ဆန္ဒတွေပြည့်ဝနိုင် ကြပါစေ။
ဆရာငြိမ်းအေးလူ(ဗေဒင်သုတေသီ)
09775555695
နျူမာန်(မိုးတား)-သင့်အတွက်နေ့စဉ်အကြံပေးဒိုင်ယာရီ
အောင်မဟာ-မင်္ဂလာအခါပေး နေ့စဉ် ဗေဒင်ဒိုင်ယာရီ
အောင်မှန်- အခါပေးဒိုင်ယာရီ
ရွှေမန်း -ဗေဒင်ဒိုင်ယာရီ
ခိုင်မင်္ဂလာ-အခါပဒေသာ ဒိုင်ယာရီ
ဆရာအောင်ဟိန်းအေး-ဝေဒမင်္ဂလာအခါပေး ဒိုင်ယာရီ
မြန်မာ နိုင်ငံဝေဒသုတေသနအဖွဲ့- မင်္ဂလာအခါပေးဗေဒင် ပြက္ခဒိန်
ပါရဂူဒေါက်တာ ဒေါ်ကြည်ကြည်စိန်-နက္ခဗေဒင်မင်္ဂလာအခါပေးဗေဒင် ပြက္ခဒိန်
ဆရာစိုးနိုင်-အင်းဝ မင်္ဂလာအခါပေး ပြက္ခဒိန်
သူရဇ္ဇ လစဉ်မဂ္ဂဇင်း
