loading

17.September.2022တစ်နေ့တာလမ်းညွှန်ချက်၊ဆောင်ရန်ရှောင်ရန် သိစရာများနှင့် ၇ရက်သားသမီး ဟောစာတမ်း အကျဉ်း

  • Home
  • Blog
  • 17.September.2022တစ်နေ့တာလမ်းညွှန်ချက်၊ဆောင်ရန်ရှောင်ရန် သိစရာများနှင့် ၇ရက်သားသမီး ဟောစာတမ်း အကျဉ်း

ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ တော်သလင်းလဆုတ်(၈)ရက်၊ စနေနေ့ ဖြစ်ပါတယ်။

ခရစ်နှစ် ၂၀၂၂ခုနှစ်၊စက်တင်ဘာလ(၁၇)ရက်နေ့လဲ ဖြစ်ပါတယ်။

ဒီနေ့နံနက်(၅း၁၃)နာရီမှာ အရုဏ်တတ်ပါတယ်။ နေထွက်ချိန်နံနက်(၀၆း၀၁)နာရီဖြစ်ပြီး ၊ ညနေ(၀၆း၀၉)နာရီမှာ နေဝင်ပါတယ်။

ဒီနေ့မှာ ဆောင်သင့်တဲ့လာဘ်နေအရပ်က အနောက်တောင်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အရှေ့မြောက်အရပ် ဖြစ်ပါတယ်။ စန်းပွင့်ရာအရပ်ကတောင်အရပ် ဖြစ်ပါတယ်။

လက်သမားမြေခံ အရ သိန္ဓောမြင်း မြေခံဖြစ်၍ ပစ္စည်းဉစ္စာတိုးပွားတတ်သော နေ့ဖြစ်သောကြောင့် ပျဉ်ထောင်အိမ် တွေ၊ တဲတွေ၊ ဆိုင်ခန်း၊ လိုင်းခန်းတည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ဆောင်ရွက်လို့ အထူးကောင်းပါတယ်။

ဒီနေ့ဟာတီထိမြေခံအရ  အင်္ဂါမြေခံတဲ့နေ့ဖြစ်ပါတယ်။ အင်္ဂါမြေခံအရ ကျန်းမာရေးနှင့်ပတ်သက်၍ အထူး ထိခိုက် နိုင်တဲ့နေ့ရက်ဖြစ်တာကြောင့် ခိုင်ခန့်တဲ့အဆောက်အဦးတွေ၊ကျောင်းတွေသိမ်တွေ၊ လမ်း တံတား တွေ၊ အထပ်မြင့် အဆောက်အဦးတွေ စတင် ဆောက်လုပ်တာ တိုင်ထူတာပန္နက်ရိုက်တာမျိုးတွေအထူးရှောင်သင့်ပါတယ်။

ဒီနေ့ဟာ ရက်ရာဇာ၊ ရက်ယုတ်မာ၊ရက်ပုပ်၊ရသေ့ကျော်ရက်ကျရောက်နေတာဖြစ်ပါတယ်။

ဒီနေ့ဟာ တီထိအရတော့  မွန်းလွဲ ၃နာရီအထိလဆုတ်တီထိ ၇လုံး၊ကျော်ရင်လဆုတ်တီထိ ၈လုံးဖြစ်ပါတယ်။ ဒီလို နေ့ရက်တွေမှာ မိမိတို့အတွက် စပ်တူကိစ္စတွေ၊ရှယ်ယာကိစ္စတွေမှာ အငြင်းပွားဖွယ်ရာကြုံရတတ်ပါတယ်။ ရေလမ်း ခရီးတွေအဆင်မပြေဖြစ်တတ်ပါတယ်။ အပျော်လွန်ကြသူတွေအန္တရာယ်တွေ့နိုင်တဲ့နေရက်မျိုးပဲဖြစ်ပါတယ်။ လုပ် ငန်းရှင်များမိမိဝန်ထမ်းတွေရဲ့ကျန်းမာရေးညံ့တတ်ပါတယ်။ ခရီးတိုထက် ခရီးရှည်ကိစ္စများ လမ်းခရီးအဖုအထစ် များတဲ့နေ့ရက်မျိုးပဲဖြစ်ပါတယ်။

            ညှိနှိုင်းဆွေးနွေးရသောကိစ္စများမဆောင်ရွက်သင့်သေးပါ။ ဒီနေ့မှာ အလုပ်သစ်ရှာခြင်း၊မင်းအစိုးရဌာနဆိုင် ရာကိစ္စများအထူးဆောင်ရွက်လို့ကောင်းပါတယ်။ အမွေကိစ္စများ အကြီးအကဲတစ်ယောက်ယောက် ဝင်ရောက်ညှိနှိုင်း ပေး ခြင်းဖြင့် အဆင်ပြေသွားတတ်တဲ့နေ့ပါပဲ။ ပွဲစားအလုပ်များ၊အကျိုးဆောင်အလုပ်များ၊ ဆက် သွယ်ရေးအလုပ် များ အဆင်ပြေတဲ့နေ့ရက်ဖြစ်ပါတယ်။

ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ည(၂၁း၃၈)နာရီမှ (၂၂း၃၀)နာရီအတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာ များရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများ ကြုံလာရပါ လိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုးမရှိခြင်း၊ ငွေ လိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။

ဒီနေ့ဟာရက်ရာဇာကျတဲ့နေ့ရက်ဖြစ်တာကြောင့်လောကီမင်္ဂလာကိစ္စတွေဖြစ်တဲ့လက်မှတ်ထိုးခြင်း၊စေ့စပ်ခြင်း၊ မင်္ဂလာ  စကားပြောခြင်းများအထူးဆောင်ရွက်နိုင်ပါတယ်။ကြီးကျယ်စွာမင်္ဂလာအခမ်းအနားကျင်းပခြင်းတွေကိုလဲ ဆောင်ရွက် နိုင်ပါလိမ့်မယ်။

ဒီနေ့ဟာရသေ့ကျော်ရက်ဖြစ်ပေမဲ့ ရက်ပုပ်ကျတဲ့ရက် ဖြစ်တာကြောင့် ဒီနေ့မှာစတင်လိုက်တဲ့ကိစ္စတွေက လိုရင်း မရောက်ဘဲမပြီးမသတ်ဖြစ်ရတတ်ပါတယ်။  ရန်ဖြစ်လိုက်ပြီးဆိုရင်လဲကြီးမားတဲ့ အမှုအခင်းထိဖြစ်သွားနိုင်ပါတယ်။ ရန် ရှောင်သင့်တဲ့နေ့ပါပဲ။

ရက်ယုတ်မာကျရောက်တဲ့နေ့ဖြစ်တာကြောင့် အိမ်ဆောက် တာ၊တိုက်ဆောက် တာ၊ ဆိုင်ဆောက်တာ၊ ပန္နက်ရိုက် တာ၊ တိုင်ထူတာမျိုးတွေ မလုပ်သင့်ပါ။ လုပ်မိတယ် ဆိုရင်တော့ ရေမီးမင်းခိုးသူ၊အမွေခံသားဆိုးသမီးဆိုးဆိုတဲ့ ရန်သူမျိုး ငါးပါးကြောင့် ပြန်လည်ပျက်စီးရ တတ်ပါ တယ်။

ဒီနေ့မွေး ရင်သွေးငယ်များဟာ  သိုက်ဖွား၊  ပြိဿစန်း၊  ကန်ရာသီဖွားဖြစ်ပါသည်။ဒီနေ့မွေးသူများဟာအနည်းငယ်အတ္တ ကြီးကြသူတွေဖြစ်ပါတယ်။ လိုတာထက်ပိုပြီးတော့ ကြွားဝါတတ်တာကိုလဲတွေ့ရတယ်။ ကောင်းတဲ့အချက်က လောက ကြီးကိုဒေါင်ကျကျ ပြားကျကျ နေနိုင်ကြသူတွေဖြစ်ပါတယ်။ လူအထင်ကြီးအောင်ဟိတ်ဟန်ထုတ်တတ်ကြသူတွေဖြစ် ပါတယ်။ ငယ်ရွယ်စဉ်ကံခေတတ်ပေမဲ့ အသက် ၃၀ဝန်းကျင်ကစလို့ ကံမြင့်မားလာတတ်ပါတယ်။ ကံဆိုးတဲ့အချက်က မည်သည့်ဘာသာဝင်ဖြစ်ပါစေ..မိမိပိုင်ဆိုင်မှုတွေကို ဒါနပုံမှန်မလုပ်ရင် ဆေးဖိုးနဲ့ပြန်ကုန်သွားတတ်ပါတယ်။အလှူဒါန အားကောင်းလေ အချမ်းသာဆုံးဘဝကိုရလေပါပဲ။

ဒီနေ့အတွက် ရာဟုကာလအမှောင်ချိန်တွေကတော့ မနက်(၀၈း၅၇) နာရီမှ မနက်(၁၀◌း၂၈)နာရီအတွင်း ကျရောက် နေပါ တယ်။ ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်း ပါတယ်။

ကံကောင်းသောနေ့သားများ တနင်္လာ၊ ဗုဒ္ဓဟူး၊ ရာဟု၊ သောကြာ   သားသမီးတွေပဲဖြစ်ပါတယ်။

ကံညံ့သော နေ့သား အင်္ဂါ၊ စနေ ဖြစ်ပါတယ်။

ကံသင့်သောနေ့သားများ တနင်္ဂနွေ၊ ကြာသပတေး သားသမီးတွေပဲဖြစ်ပါတယ်။

ဒီနေ့မှာ လိမ္မော်ရောင် နှင့် ဖက်ဖူးရောင် များများပါသောအဝတ်အစားအသုံးအဆောင်ပစ္စည်းတွေကို အထူးအလေးထား ဝတ် ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။         

ဒီနေ့မှာ၇ရက်သားသမီးများအားလုံးအတွက် အထူးအကျိုးပေးမယ့်Lucky Number တွေကတော့(၄၊ ၈)ဂဏန်း တွေပဲ ဖြစ်ပါတယ်။

ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ပေါင်မုန့်အနည်းငယ်စား သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။

အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ဇီးသီး ဘုရားကပ်လှူပြီး လိုရာဆုတောင်း ပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသောလိုအင်ဆန္ဒ တွေပြည့်ဝကြပါစေ။

၇ရက်သားသမီးအတွက် တစ်နေ့တာဟောစာတမ်းအကျဉ်း

တနင်္ဂနွေ

မိမိသိချင်တာတွေကိုသိအောင်ဆောင်ရွက် နိုင်ပါလိမ့်မယ်။ ဒီလိုနေ့ရက်မှာတော့ အလုပ်အတွက် လိုအပ်နေတဲ့ သတင်းအချက် အလက်တွေစုဆောင်းနိုင်ပါလိမ့်မယ်။ကံအနေ အထားအရတော့ ဒီနေ့ကပင်ပန်းရတတ်ပါတယ်။ ကာယနဲ့လုပ်ကြသူတွေလဲ ကာယအားပိုမိုပင်ပန်းနိုင်သလို ဉာဏ်နနဲ့လုပ်ကိုင်ဆောင်ရွက်ရသူတွေလဲ ခေါင်းပူသည် အထိ လုပ်ကိုင်ရတတ်ပါတယ်။ အလုပ်နဲ့ပတ်သက်ပြီး ခရီး ပေါ်လာတာမျိုးတွေ၊ ရုံးခွဲတွေမှာယာယီ တာဝန်ထမ်းဆောင် ရတာမျိုးတွေဖြစ်ရတတ်ပါတယ်။ အိမ်၊ခြံနဲ့ဆက်နွယ် သောစာချုပ်ကိစ္စတော်တော်များများ လက်မှတ်ထိုးဆောင် ရွက် လို့ မသင့်တဲ့နေ့လဲဖြစ်ပါတယ်။

တနင်္လာ

ကံမြင့်မားနေတတ်ပါတယ်။  လုပ်ကိုင်ဆောင်ရွက်သမျှအခက် အခဲမရှိအဆင်ပြေချော့မွေ့နေတတ်ပါတယ်။သူတစ်ပါး ဆီကအ ကူအညီတွေကိုလဲကောင်းစွာရရှိနိုင်ပါတယ်။ ငွေပေး ငွေယူကိစ္စများ၊ ငွေကြေးချေးငှားခြင်းကိစ္စများလဲ ဒီနေ့ မှာ ဆောင်ရွက် လို့ကောင်းပါတယ်။ ပရိဟိတအလုပ်တွေ၊ အသင်းအဖွဲ့ပါတီတွေမှာ ခေါင်းဆောင်အဖြစ်ခန့် အပ်ခြင်း ခံရ တတ်ပါတယ်။ ငွေဖို့ရှိပေမဲ့ ကြန့်ကြာနေတဲ့ငွေတွေက တော့ဒီနေ့မှာပြန်ဝင်လာတတ်ပါတယ်။ ဝန်ထမ်းများ မိမိကြိုး စားမှုကိုအသိအမှတ်ပြုခံရမဲ့ နေ့ရက်ပါပဲ။ အချစ်ရေး၊ မေတ္တာရေးကိစ္စများကို အလေးပေးဆောင်ရွက်နိုင် ပါလိမ့်မယ်။

အင်္ဂါ

တလွဲတွေတွေးပြီး တလွဲတွေလုပ်နေမိတတ်ပါတယ်။ တစ်ဦး တစ်ယောက်ထဲချွန်ပြီးလုပ်ကိုင်ဆောင်ရွက်တာ မျိုး ကိုတော့ရှောင်လိုက်စေချင်ပါတယ်။ မိမိဖြစ်ချင်နေတဲ့ကိစ္စတော် တော်များများကိုတော့ဒီနေ့မှာ ဦးစားမလုပ်သင့်ပါဘူး။ လူမှုရေးပြဿနာတွေမှာတော့ ကိုယ်နဲ့တိုက်ရိုက်မသက်ဆိုင် ရင်မပါဝင်တာပိုကောင်းပါတယ်။ လူမုန်းများတတ်လို့ပါပဲ။ ကျန်းမာရေးအဆိုးကြီးမဟုတ်ပေမဲ့ အရေပြားယားယံ တာမျိုးတွေအလွန်မှဖြစ်တတ်ပါတယ်။ ဝလွန်းသူများ ချော်လဲ တတ် ပါတယ်။ မလုပ်ချင်သောအလုပ်များ၊ မကြားချင် သော စကားသံများနှင့် မတွေ့ချင်တဲ့သူများနဲ့ မြင်ရတွေ့ရ ကြား ရ တတ်ပါတယ်။

ဗုဒ္ဓဟူး၊ရာဟု

ရေရှည်လုပ်ကိုင်ဆောင်ရွက်သွားရမဲ့ကိစ္စတွေအတွက် ဒီနေ့မှစတင်လို့အလွန်ကောင်းပါတယ်။ ဆရာတစ်ဦးတစ် ယောက်ဆီမှာတပည့်ခံခြင်း၊ပညာယူခြင်းများအထူးဆောင်ရွက်လို့ကောင်းပါတယ်။ သူများဆွယ်လို့လိုက်လုပ်တဲ့ အလုပ်တွေက ဆိုးကျိုးကိုဖြစ်စေပါတယ်။ လူလိမ်ခံရ တတ်တဲ့အတွက် လောဘကြီးသူ၊ရိုးအသူတွေ အထူးသတိ ထားလိုက်ပါ။ သားဆုပန်တဲ့ကိစ္စများအထူးဆောင်ရွက် နိုင်ပါတယ်။ ကျန်းမာရေးကတော့ အရေးကြီးတဲ့အခန်း ကဏ္ဍ အနေနဲ့ ပါဝင်နေတာကိုတွေ့ရပါတယ်။ ဗိုက်အောက် ဗိုက်နာတတ် သူများဒီနေ့မှာပိုမိုသတိထားလိုက်စေချင်ပါတယ်။

ကြာသပတေး

မိမိလက်အောက်ကဝန်ထမ်းတွေကို ကောင်းစွာစီမံအုပ်ချုပ်နိုင်ပါ လိမ့်မယ်။ မိမိကိုချစ်ခင်လေးစားသူတွေများလာ တတ်ပါတယ်။ ဝန်ထမ်းသစ်ခန့်အပ်ခြင်းများ ကူဖော်လောင်ဖက် ရမဲ့သူတစ်ဦးကိုခေါ်ယူ အလုပ်ပေးခြင်းမျိုး ဒီနေ့မှာ လုပ် ဆောင်နိုင်ပါလိမ့်မယ်။ ကျန်းမာရေးနဲ့ပတ်သက်ပြီး ဆေးစား  ဆေးသောက်ခြင်း၊ သမားတော်နဲ့ပြသခြင်းမျိုး လုပ် ဆောင်သင့်ပါတယ်။ ဆေးအစွမ်းထက်နေတဲ့နေ့ရက်ဖြစ်တာ ကြောင့်အနာနဲ့ဆေးတွေ့ပြီးသက်သာသွားတတ်ပါတယ်။ အိုးအိမ်သစ်၊ဆိုင်ခန်းသစ်အတွက်စတင်ဆောက်လုပ်ခြင်း ပန္နက်ရိုက်ခြင်းများဆောင်ရွက်နိုင်ပါတယ်။

သောကြာ

အလုပ်အကိုင်နဲ့ပတ်သက်ပြီးတော့လဲ အထူးကောင်းမွန်မှန် ကန်တဲ့ လုပ်ဆောင်မှုမျိုးရှိဖို့လိုပါတယ်။ အချိန်ဆွဲ ပျင်း ရိနေတဲ့ အကျင့်ကိုအထူးပြင်လိုက်ပါ။  ပေါ့ပျက်ပျက်လုပ်တဲ့ သူများသေချာပေါက်ဒုက္ခရောက်ရတတ်ပါတယ်။ ကုန် လှောင်ခြင်းကိစ္စ တွေကိုလဲ အထူးပဲသတိရှိစေချင်ပါတယ်။ အတူနေညီအကိုမောင်နှမတွေနဲ့စကားများရ တတ်ပါ တယ်။ ငွေကြေးနဲ့ပတ်သက်ပြီး လက်လွန်ထားရင်ဆုံးပါး တတ်ပါတယ်။ ဈေးရောင်း၊ဈေးဝယ်လုပ်သူများ အရောင်း အဝယ်အေးပါလိမ့်မယ်။ ငွေကြေးနဲ့ပတ် သတ်ပြီးတော့လဲ ရင်းနှီးမြုပ်နှံတာတွေမလုပ်ပါနဲ့။ ကျန်းမာရေးအနည်း ငယ် အားနည်းနိုင်ပါတယ်။

စနေ

အလုပ်တွေကောင်းပေမဲ့ ငွေကြေးကိစ္စတွေမှာတော့ စကားအခြေအတင်ပြောပြီးမှပဲအဆင်ပြေတတ်ပါ တယ်။လုပ်ငန်း ခွင်အတွင်းလိုအပ်နေတဲ့ စက်ပစ္စည်းတွေကိုဝယ်ယူ ခြင်း၊အစားထိုးလဲလှယ်ခြင်းများလဲအထူးဆောင် ရွက်နိုင် ပါလိမ့်မယ်။ လျှိုဝှက်သင့်တဲ့ ကိစ္စတွေရှိရင်လဲလျှိုဝှက် ဆောင်ရွက်တာအကောင်းဆုံးပါပဲ။ တကယ်ကိုမိတ်ဆွေကောင်း တွေရဲ့ အကူအညီတွေရလာတတ်ပါတယ်။ စိတ်ထဲ လိုချင်တောင်းတနေတဲ့ ကိစ္စတွေလက်တွေ့ဖြစ်လာတတ်ပါတယ်။ လက်ဆောင် ကောင်းတွေရလွယ်ပါတယ်။ အနာဂတ်အတွက် target ထားကြိုးစားခြင်းများ ဒီနေ့မှာစတင်သင့်ပါ တယ်။

ဆရာငြိမ်းအေးလူ(ဗေဒင်သုတေသီ)

09775555695

Posted in Daily Consult

Leave a Reply

Your email address will not be published. Required fields are marked *