loading

19.September.2022တစ်နေ့တာလမ်းညွှန်ချက်၊ဆောင်ရန်ရှောင်ရန်သိစရာများနှင့် ၇ရက်သားသမီး ဟောစာတမ်း အကျဉ်း

  • Home
  • Blog
  • 19.September.2022တစ်နေ့တာလမ်းညွှန်ချက်၊ဆောင်ရန်ရှောင်ရန်သိစရာများနှင့် ၇ရက်သားသမီး ဟောစာတမ်း အကျဉ်း

ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ တော်သလင်းလဆုတ်(၁၀)ရက်၊ တနင်္လာနေ့ ဖြစ်ပါတယ်။

ခရစ်နှစ် ၂၀၂၂ခုနှစ်၊စက်တင်ဘာလ(၁၉)ရက်နေ့လဲ ဖြစ်ပါတယ်။

ဒီနေ့နံနက်(၀၅း၁၅)နာရီမှာ အရုဏ်တတ်ပါတယ်။ နေထွက်ချိန်နံနက်(၀၆း၀၃)နာရီဖြစ်ပြီး  ၊ ညနေ(၀၆း၀၈)နာရီမှာ နေဝင်ပါတယ်။

ဒီနေ့မှာ ဆောင်သင့်တဲ့လာဘ်နေအရပ်က အနောက်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အရှေ့အရပ် ဖြစ်ပါတယ်။ စန်းပွင့်ရာအရပ်ကအနောက်အရပ် ဖြစ်ပါတယ်။

လက်သမားမြေခံ အရဘီလူးမြေခံတဲ့နေ့ရက်ဖြစ်ပါတယ်။ ဘီလူး မြေခံဖြစ်၍ သေကြေပျက်စီးရတတ်သောကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်း တည်ဆောက်ခြင်းတွေ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ဆောင်ရွက်ခြင်းကို အထူးရှောင်သင့်ပါတယ်။

တီထိမြေခံ အရတနင်္ဂနွေမြေခံဖြစ်ပါတယ်။ တနင်္ဂနွေ မြေခံတဲ့နေ့ဖြစ်တာကြောင့် ဒီနေ့မှာ ဘာလုပ်လုပ် အထူး သတိ ထားလုပ်ကိုင်သင့်သော အချိန်ကာလမျို;ဖြစ်တာမို့ ခိုင်ခန့်တဲ့အဆောက်အဦး တွေ၊ကျောင်း တွေသိမ်တွေ၊ လမ်း တံတား တွေ၊ အထပ်မြင့်အဆောက်အဦးတွေ စတင် ဆောက်လုပ်တာ တိုင်ထူတာ ပန္နက်ရိုက်တာမျိုး တွေ အထူး ရှောင်သင့်ပါတယ်။

ဒီနေ့ဟာ တီထိအရတော့  ရက်စက်ကြမ်းကြုတ်ခြင်း သဘောကိုဆောင်တဲ့ ရိတ္တာ တီထိကျရောက်တဲ့နေ့ရက်ပါပဲ။ ဒီလိုနေ့မျိုးမှာ စိတ်ဓာတ်ကြံ့ခိုင်ဖို့လိုပါတယ်။ သူများစကားမှာလမ်းဆုံးနေမဲ့သူတွေအတွက် ကျဆုံးရတတ် ပါတယ်။ တိုက်ခိုက်မဲ့သူတွေ၊အပုပ်ချမဲ့သူတွေရဲ့ဒဏ်ကိုခံနိုင်ရည်ရှိဖို့လိုပါတယ်။ မိမိသာအတန် အသင့်နာမည်ရနေ သူတွေဆို ပိုမိုတိုက်ခိုက်တာခံရတတ်ပါတယ်။ အနိဌအလုပ်တွေဖြစ်တဲ့ ပိုးသတ်ဆေးဖြန်းတာ၊ အမဲလိုက်တာ၊ရန်သူကို ဖမ်းဆီး တာမျိုးတွေဆောက်ရွက်နိုင်ပါတယ်။ ဒါအပြင်အနာရောဂါကိုခွဲစိပ်ခြင်း၊လက်နက် အသုံးပြုခြင်းများအထူးပဲဆောင် ရွက်နိုင်ပါတယ်။ အဖျော်ယာမကနှင့်ပတ်သက်သောအလုပ်များ ရန်ကိုဒီထက် တိုးမလာအောင်လို့ထိပ်တိုက်ရင်ဆိုင် ဖြေရှင်းခြင်းများအထူးပဲဆောင်ရွက်နိုင်ပါတယ်။

အလုပ်တွင်ဖြစ်စေ၊အဖွဲ့အစည်းတွင်ဖြစ်စေမိမိရသင့်ရထိုက်သောရပိုင်ခွင့်တွေကိုရအောင်တောင်းဆိုလို့ အထူး ကောင်းတဲ့နေ့ရက်ပါပဲ။ရပ်ဝေးနဲ့ဆက်စပ်လုပ်ကိုင်ဆောင်ရွက်ရသောအလုပ်များ စတင်ဆောင်ရွက်ရန် အချိန်အခါ ကောင်းတဲ့နေ့ရက်ပါပဲ။

ဒီနေ့ဟာလုပ်ငန်းသစ်များစတင်အကောင်အထည်ဖော်လို့ရပါတယ်။လှောင်ကုန်များအရောင်းအဝယ်ပြန်လုပ်လို့ ကောင်း တဲ့နေ့ရက်ဖြစ်ပါတယ်။လက်မှုပစ္စည်းများရှေ့ဟောင်းပစ္စည်းများ အရောင်းအဝယ်ပြုလို့ ကောင်းပါတယ်။ ငွေချေးခြင်း၊တာဝန်ယူခြင်း၊တာဝန်ခံခြင်းများအထူးရှောင်ပါ။ည(၇◌း၃၀) မှ ည(၉း၀၀)အတွင်းအသွားအလာအထူး ဆင်ခြင်ပါ။

ဒီနေ့မွေး ရင်သွေးငယ်များဟာ  အဓိပတိဖွား၊  မေထုန်စန်း၊  ကန်ရာသီဖွားဖြစ်ပါသည်။ဒီနေ့မွေးရင်သွေးငယ်များဟာ စိတ်ကူးကောင်းတဲ့သူတွေဖြစ်ကြတယ်။ အတုခိုးလွယ်တယ်။ သူများလုပ်ပြ၊သင်ပြတာကို ခဏလောက်ကြည့်ရုံနဲ့တက် လွယ်ပါတယ်။ထူးထူးခြားခြားသက်လတ်ပိုင်းကာလတွေမှာအောင်မြင်နိုင်ကြသူတွေဖြစ်ပါတယ်။ငယ်ရွယ်စဉ်မှာတော့  ကောင်းသောအထောက်အပံ့တွေရလာတတ်ပြီးတော့ မိမိကြိုးစားမှုနဲ့ပေါင်းပြီးအအောင်မြင်ဆုံးဘဝကိုတည်ဆောက် နိုင်ပါတယ်။ သတိထားရမှာက ဘယ်တော့မှ အစိုးရဝန်ထမ်းမလုပ်သင့်တဲ့ဇာတာပါ။ ကိုယ်ပိုင်စီးပွားကိုယ်ပိုင်အလုပ် သာလုပ်ပါ။

ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ည(၂၁း၃၁)နာရီမှ (၂၂း၂၂)နာရီအတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာ များရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများကြုံလာရပါ လိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုးမရှိခြင်း၊ ငွေ လိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။

ဒီနေ့အတွက် ရာဟုကာလအမှောင်ချိန်တွေကတော့ မနက်(၀၇◌း၂၅) နာရီမှ (၀၈း၅၇)နာရီအတွင်း ကျရောက်နေပါ တယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ် ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါ တယ်။

ကံကောင်းသောနေ့သားများ တနင်္လာ၊ ဗုဒ္ဓဟူး၊ ရာဟု၊ ကြာသပတေး၊ သောကြာသားသမီးတွေပဲဖြစ်ပါတယ်။

ကံညံ့သော နေ့သား တနင်္ဂနွေ သားသမီးတွေပဲဖြစ်ပါတယ်။

ကံသင့်သောနေ့သားများ အင်္ဂါ၊ စနေ သားသမီးတွေပဲဖြစ်ပါတယ်။

ဒီနေ့မှာ အစိမ်းရောင် နှင့် မီးခိုးရောင်(သို့)ခဲရောင် များများပါသောအဝတ်အစားအသုံးအဆောင်ပစ္စည်းတွေကို အထူး အလေးထား ဝတ် ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။ 

ဒီနေ့မှာ၇ရက်သားသမီးများအားလုံးအတွက် အထူးအကျိုးပေးမယ့်Lucky Number တွေကတော့(၄၊ ၃) ဂဏန်း တွေပဲ ဖြစ်ပါတယ်။

ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့သီဟိုစေ့လှော် စားသွား ပါ။ပိုမိုအဆင် ပြေလွယ်ကူချောမွေ့ပါလိမ့်မယ်။

အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ခေါက်ဆွဲကြော် ဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသောလို အင်ဆန္ဒတွေပြည့်ဝကြပါစေ။

၇ရက်သားသမီးအတွက် တစ်နေ့တာဟောစာတမ်းအကျဉ်း

တနင်္ဂနွေ

လူမှုရေးအရှုပ်အရှင်းတွေကြုံရတတ်ပါတယ်။ ညီအကို မောင်နှမအချင်းချင်း မတည့်တာမျိုးဖြစ်ရတတ်ပါတယ်။ လုပ်ဖော်ကိုင်ဖက်အချင်းချင်းချောက်တွန်းတာမျိုးအထူး ကြုံရနိုင်ပါတယ်။ ကိုယ်ပိုင်စီးပွားများပိုမိုတိုးတတ်နေပါ လိမ့် မယ်။ ဝန်ထမ်းများ အချိန်ကုန်လို့ကုန်မှန်းမသိအောင်  တစ်နေကုန်အလုပ်တွေများနေတတ်ပါတယ်။ ရွှေရောင်းချမယ် ဆိုရင်တော့ ဒီနေ့မှာဆောင်ရွက်သင့်ပါတယ်။ အလှ အပအတွက်ငွေကုန်ရတတ်ပါတယ်။ ကျန်းမာရေးကတော့ ဒီနေ့ မှာအထူးသတိ ထားစေချင်ပါတယ်။ ပြင်ပရောဂါ တွေဝင်ရောက် လွယ်ပါတယ်။ကိုယ်ခံအားနည်း နေတတ်ပါ တယ်။

တနင်္လာ

အလုပ်နဲ့ပတ်သက်ပြီးတော့လဲ အထူးအဆင်ပြေပါလိမ့်မယ်။ အနုပညာနှင့်နွယ်သောအလုပ်များအထူးအဆင်ပြေပါ လိမ့်မယ်။ ဘာအသစ်ပဲလုပ်လုပ် ခံစားချက်တွေ၊စိတ်ကူးတွေ ကိုအဓိကဦးစားပေးလုပ်ပါ။ ငွေကံမြင့်မားနေတတ် ပါ တယ်။ ဒါပေမဲ့ အဖတ်မတင်ဖြစ်လွယ်တာကိုတော့ သိထားစေ ချင်ပါတယ်။  လူငယ်များ အချစ်ရေးကိစ္စတွေ အဆင် ပြေ တတ်ပါတယ်။ ဝေးကွာနေတဲ့ချစ်သူနဲ့ပြန်ဆုံရတတ်ပါတယ်။ အာကစားနဲ့ပတ်သက်ပြီးလဲ အချိန်ပေးလုပ် သင့် ပါ တယ်။ အိမ်တွင်းရေး သောကတွေကင်းပြီး စိတ်ချမ်းသာရမဲ့နေ့ ရက်ပါပဲ။ ကျန်းမာရေးကတော့ အထူးကောင်း ပါ လိမ့်မယ်။

အင်္ဂါ

ဆန့်ကျင်ဘက်လိင်များ၏အကူအညီရတတ်သည်။ မိတ်ဆွေများ နှင့်စိတ်ဝမ်းကွဲတတ်သည်။ မလိုအပ်တဲ့နေရာ တွေမှာ ငွေသုံးနေမိတတ်ပါတယ်။ ငွေလက်ထဲကိုင်ထား ရင် ကုန်စရာ တစ်ခုပြီး တစ်ခုပေါ်လာတတ်ပါတယ်။ ကျန်းမာရေး အတွက် သတိထားရမှာကတော့ ဒိတ်လွန်နေတဲ့ အစား အသောက်တွေကို သတိမထားဘဲစားမိရာက ရောဂါရ တတ်ပါတယ်။ မထင်မှတ်ဘဲခရီးသွားရတတ်ပါတယ်။ မသွား လိုတဲ့ခရီး တွေကိုသွားရတတ်ပါတယ်။ အလုပ်နဲ့ ပတ် သက် ပြီး မနိုင်ဝန်မထမ်းလိုက်ပါနဲ့။ မိမိငွေအင်အား၊ ဝန်ထမ်း အင်အားတွေ ကိုချိန်ဆပြီးမှတိုးချဲ့လုပ်ကိုင် စေချင် ပါတယ်။

ဗုဒ္ဓဟူး၊ရာဟု

အလုပ်နဲ့ပတ်သက်ပြီးတော့လဲအထူးကောင်းပါတယ်။အလုပ် တွေကောင်းပေ့မယ် အခြားလူမှုရေးကိစ္စလေးတွေကိုလဲ အချိန်ပေးနေရတတ်ပါတယ်။ လူငယ်များ မိဘတွေကြောင့် စိတ်ရှုပ်ရတတ်ပါတယ်။ မိဘသွန်သင်မှုကို ချုပ်ချယ် တယ် လို့ ထင်နေမိတတ်ပါတယ်။ ကျန်းမာရေးကောင်းပါတယ်။ တွဲမစားသင့်တဲ့အစားအသောက်မျိုးတွေ၊ ဒိတ်လွန်နေတဲ့ အစား အသောက်တွေကိုသတိမထားမိဘဲစားမိနေတတ် ပါတယ်။ လုပ်စရာကိစ္စတွေ တွေးတောစရာကိစ္စတွေ များနေ တတ် ပါတယ်။  အလုပ်နဲ့ပတ်သက်သော ခရီးမျိုးတွေ သွားရတတ်ပါတယ်။ လူငယ်များချစ်သူနဲ့အဆက်အသွယ် မရ တာ မျိုးတွေဖြစ်ရတတ်ပါတယ်။

ကြာသပတေး

ကံကြမ္မာကမိမိကိုမျက်နှာသာပေးပါလိမ့်မယ်။ ဘာသာရေးနဲ့ပတ်သက်သောကိစ္စတွေကိုလဲ အလေးပေးပြီးဆောင် ရွက် လို့ကောင်းပါတယ်။ အဓိဋ္ဌာန်ဝင်ခြင်းများ၊ တရားဆွေးနွေးခြင်းများ၊တရားနာခြင်းများအလွန်ဆောင်ရွက်လို့ ကောင်းတဲ့ နေ့ရက်ပဲဖြစ်ပါတယ်။ အလုပ်ကြီးကြီး မားမားတွေဖြစ်ပါစေ၊ပြဿနာအကြီးတွေ ဖြစ်ပါစေ ကောင်းစွာဖြေရှင်းနိုင်ပါ လိမ့် မယ်။ ကျန်းမာရေးအညံ့အဆိုးတွေ ကင်းနေပါလိမ့်မယ်။ နှစ်ရှည်စီမံကိန်းများအတွက် ဒီနေ့မှစတင်အကောင် အထည်ဖော်လို့အလွန် ကောင်းပါတယ်။ ဘာသာတရားတွေကိုမမေ့သူများ အထူးပဲကံမြင့်မား နေတာမျိုးတွေ့ရပါ လိမ့် မယ်။

သောကြာ

စိတ်ချမ်းသာရပျော်ရွှင်ရတတ်ပါတယ်။ ပျော်ပွဲစားခရီးမျိုးတွေလဲ သွားရတတ်ပါတယ်။ ချစ်ရသူနဲ့ပျော်စရာ အချိန် တွေကိုဖြတ်သန်းနိုင်ပါလိမ့်မယ်။ ကျန်းမာရေးကောင်းနေပါလိမ့် မယ်။ နာတာရှည်သူတွေတောင် မှနလန်ထူနိုင်မဲ့ နေ့ရက်ပါပဲ။ငွေကြေးနဲ့ပတ်သက်ပြီးတော့ရပိုင်ခွင့်တွေကို ရအောင်တောင်းဆိုလို့ကောင်းတဲ့နေ့ရက်ပါပဲ။ အိမ် အတွက် လိုအပ် ပရိဘောများအထူးဝယ်ယူလို့ကောင်း တဲ့နေ့ ရက်ပဲဖြစ်ပါ တယ်။ပျော်ပွဲရွှင်ပွဲကျင်းပခြင်း၊ ပါတီပွဲများကျင်း ပခြင်း တွေအထူးဆောင်ရွက်လို့ကောင်းတဲ့နေ့ရက် ပဲဖြစ်ပါတယ်။ အောက်လက်ငယ်သားတွေရဲ့ အကူအညီတွေ လဲရ လာတတ်ပါတယ်။

စနေ

အကြံအစည်စိတ်ကူးတွေပျက်ရတတ်ပါတယ်။ တွေးထား တာကတစ်မျိုးလက်တွေ့ဖြစ်နေတာကတစ်မျိုး ဆိုတာမျိုး ဖြစ်လွယ်ပါတယ်။ အလုပ်အကိုင်နဲ့ပတ်သက်ပြီး ကတိမ တည်တဲ့သူတွေကြောင့်အတော့်ကိုစိတ်ညစ်ရတတ်ပါတယ်။ လိုတာထက်ပိုပြီးတော့ ငွေကြေးရင်းနှီးမြုပ်နှံခြင်းတွေ ကိုမလုပ်သင့်ပါဘူး။ လူမျိုးခြားတွေ၊ဘာသာခြားတွေနဲ့ ဆက်ဆံ လုပ်ကိုင်ရသူတွေအဆင်မပြေဖြစ်လွယ်ပါတယ်။ အထူးသဖြင့်နိုင်ငံခြားကုမ္ပဏီတွေမှာလုပ်ကိုင်နေသူတွေ အတွက် တော့ အနည်းငယ်ပိုစိတ်ညစ်ရနိုင်ပါတယ်။ကျန်းမာ ရေးနဲ့ပတ်သက်ပြီး ခေါင်းကိုက်၊ခေါင်းမူးအလွန် ဖြစ်ရတတ် ပါ တယ်။

ဆရာငြိမ်းအေးလူ(ဗေဒင်သုတေသီ)

09775555695

Posted in Daily Consult

Leave a Reply

Your email address will not be published. Required fields are marked *