ဒီနေ့ဟာ မြန်မာသက္ကရာဇ် ၁၃၈၆ခုနှစ်၊ ပြာသိုလဆုတ် (၁၂)ရက်၊ စနေနေ့ ဖြစ်ပါတယ်။
ခရစ်နှစ် ၂၀၂၅ခုနှစ်၊ ဇန်နဝါရီလ(၂၅)ရက်နေ့လဲ ဖြစ်ပါတယ်။
ဒီနေ့နံနက်(၅း၄၈)နာရီမှာ အရုဏ်တက်ပါတယ်။ နေထွက်ချိန်နံနက်(၆း၃၆)နာရီဖြစ်ပြီး ၊ ညနေ(၅း၃၄)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အနောက်တောင်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အရှေ့မြောက်အရပ် ဖြစ်ပါတယ်။ စန်းပွင့်ရာအရပ်က မြောက်အရပ် ဖြစ်ပါတယ်။
လက်သမားမြေခံ ကတော့ သိကြား မြေခံဖြစ်၍ ချမ်းသာသုခကို ပေးတဲ့နေ့ ဖြစ်တာကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်း တည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ဆောင်ရွက်လို့ ကောင်းပါတယ်။
ဒီနေ့ဟာတီထိမြေခံအရ ကိတ်မြေခံတဲ့နေ့ဖြစ်ပါတယ်။ ကိတ်မြေခံအရ အလုံးစုံသော စည်းစိမ်ဉစ္စာ၊ ရတာနာတို့ကို အလွယ်တကူ ရရှိပိုင်ဆိုင်ခွင့်များ ရရှိစေသောကြောင့် ခိုင်ခန့်သောအဆောက်အဦးတွေ၊ ကျောင်းတွေ၊ သိမ်တွေ၊ လမ်းတံတားတွေ၊ အထပ်မြင့် အဆောက်အဦးတွေ စတင်ဆောက်လုပ်တာ၊ တိုင်ထူတာ၊ ပန္နက်ရိုက်တာမျိုးတွေ ဆောင်ရွက်လို့အထူးကောင်းပါတယ်။
ဒီနေ့ဟာ.ရက်ရာဇာ၊ ရက်ယုတ်မာ ကျရောက်နေတဲ့ နေ့ရက်ပဲဖြစ်ပါတယ်။
ဒီနေ့ဟာ တီထိအရတော့ လဆုတ်တီထိ(၁၁)လုံး ကျရောက်နေတာဖြစ်ပြီး ပျော်ရွှင်ခြင်းကိုပေးတဲ့နေ့အဖြစ် ကျရောက်နေပါတယ်။ တီထိ(၁၁)လုံးအနေဖြင့် ပျော်ရွှင်ခြင်း၊ ကောင်းမြတ်ခြင်း၊ ကြွယ်ဝခြင်းတွေကိုပေးတဲ့ နန္ဒတီထိကျ ရောက်တဲ့နေ့လဲဖြစ်ပါတယ်။ သောကြာဂြိုဟ်တွေစိုးမိုးနေတာကြောင့် အကအခုန်များ၊ သီဆိုခြင်းများ၊ပွဲလမ်းသဘင်၊ Entertainment နှင့် ပက်သက်သောအလုပ်ကိစ္စများ၊ ပန်းချီ၊ပန်းပုနှင့် ဥယျဉ်ခြံလုပ်ငန်းများလဲ အလွန်ပဲ အကျိုးပေး ကောင်းမွန်တဲ့ နေ့ရက် ပါပဲဗျ။ဥပုသ်သီလဆောက်တည်တာ၊မိသားစုနဲ့ အတူတူဘုရားဖူးတွက်တာစတဲ့အရေးကိစ္စ တွေလဲ ကြုံရ တတ်ပါတယ်။ ပျော်စရာကိုရရှိနိုင်တဲ့နေ့ရက်ဖြစ်တာကြောင့် မိမိချစ်ရသူတွေ၊ မိမိမိသားစုဆွေမျိုး သားချင်းတွေနဲ့ အတူပျော်စရာအချိန်လေးတွေကို ဖန်တီးလိုက်ပါဗျာ။
ဒီနေ့မှာ ငွေကြေးကိစ္စတွေဖြစ်တဲ့ ငွေပေးခြင်း၊ငွေယူခြင်း၊ ချေးငှားခြင်းများနှင့် အာမခံလုပ်ငန်းများ၊ ဘဏ် လုပ်ငန်းများဒီနေ့မှာအလွန်ပဲ ဆောင်ရွက်လို့ကောင်းပါတယ်။ စတော့ရှယ်ယာလုပ်ငန်းများ၊ကုမ္ပဏီအစုစပ်လုပ်ငန်း များနှင့် ဖက်စပ်ရှယ်ယာလုပ်ငန်းများလဲ အထူးကောင်း တဲ့နေ့တစ်နေ့ပါပဲ။
ဒီနေ့မှာ ယာဉ်ကားဝယ်ယူခြင်း၊ ရောင်းချခြင်းမျိုးလဲ ဆောင်ရွက်လို့ အဆင်ပြေပါတယ်။ ဆေးဝါးအမျိုးမျိုး၊ အလှကုန်ပစ္စည်းများ၊လူသုံးကုန်ပစ္စည်းများနှင့်အရည်နှင့်ဆိုင်သော စားသောက်ကုန် ပစ္စည်းများ ဝယ်ယူခြင်း၊ ရောင်းချခြင်း၊ ထုတ်လုပ်ဖြန့်ဖြူးခြင်းများ ဒီနေ့မှာဆောင်ရွက်လို့သင့်ပါတယ်။အချစ်ရေးကံ၊မေတ္တာရေးကံမြင့်မားနေ တာကြောင့်မိမိချစ်ရသူကို ချစ်ရေးဆိုတာ၊မိမိခံစားချက်တွေကိုရင်ဖွင့်တာ ၊ လက်ထပ်ခွင့်တောင်းတာမျိုးတွေအထူး ပဲဆောင်ရွက်သင့်ပါတယ်။
ယနေ့ ရာဇမင်းထံ ဝင်ထွက် သွားလာခြင်း မပြုရပါ။ အလုံးစုံသော ကောင်းကျိုး များ ပြီးစီးအောင်မြင်မည်။ ခရီးသွား၍ အကျိုးရှိမည်။ အခက်အခဲများ ဖြေရှင်းနိုင်မည်။ အရပ်ဝေးနှင့် ဆက်စပ်သော လုပ်ငန်းများ အကျိုးပေးမည်။ အလုပ်ရှာခြင်း၊ တိုင်းတပါးနှင့် တိုက်ရိုက်ဆက်စပ်လုပ်ကိုင်ရခြင်းများ အကျိုးပေး မည်။ ပြဿနာအလုံးစုံကို ဖြေရှင်း အောင် မြင်နိုင်ပါသည်။ နန္ဒာတီထိ ကျရောက်နေသောနေ့ဖြစ်သောကြောင့် “ချမ်းသာခြင်း”ဟူသော အဓိပ္ပာယ်ကို ကိုယ်စားပြုသည်။ အစားရှောင်ခြင်း၊ ရှိခိုးခြင်း၊ ကတိတော်များ ပြည့်စုံခြင်း၊ မင်္းလာဆောင်ခြင်း၊ ငြင်းခုံခြင်း၊ ရုပ်ပိုင်း ဆိုင်ရာလေ့ကျင့်ခန့်များ၊ ဆောက်လုပ်ရေး၊ ဘုရားဖူးခြင်း၊ ဝိဉာဉ်ရေးရာ၊ အားလပ်ရပ်များ၊ ပွဲတော်များ သစ္စာကတိများကို စောင့်ထိန်းခြင်း၊ အလှဆင်ခြင်း၊ ဆိုက်ရောက်ခြင်းနှင့် ထွက်ခွာခြင်း စသည်တို့အတွက် အထူးကောင်းမွန်ပါသည်။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ မွန်းလွဲ(၁၃း၀၅)နာရီမှ မွန်းလွဲ(၁၃း၅၇)နာရီ အတွင်း ကျရောက်နေတာဖြစ်ပါတယ်။ ဒီအချိန်ကာလအတွင်း မဟာဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ် ရွှင်ဂါထာ၊ ငွေရဂါထာများရွတ်ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာ ခြင်းများ ကြုံလာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွား တာမျိုး မရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့မွေး ရင်သွေးငယ်များဟာ ဘင်္ဂဖွား၊ အနုရာဓနက္ခတ်နဲ့စန်းယှဉ်မွေးသူ၊ ဗြိစ္ဆာစန်း၊ မကာရရာသီဖွားဖြစ်ပါသည်။ ယနေ့မွေးဖွားသူများသည် ချစ်စရာကောင်းပြီး စိတ်ကူးယဉ်ဆန်တဲ့ ကိုယ်ရည်ကိုယ်သွေးနှစ်ခုရှိတဲ့ လူတစ်ယောက်ပါ။ တစ်ခါတစ်ရံ အလွန်အကျွံစိတ်ကိုလွှတ်ထားသူဖြစ်ပြီး အခြားအချိန်များတွင် သတိကြီးစွာထားခြင်း ဖြင့် မိမိ၏ ဆန့်ကျင်ဘက်သဘောသဘာဝသည် အခြားသူများကို စိတ်အနှောင့်အယှက်ဖြစ်စေတတ်သည်။ သို့သော်လည်း ခြုံငုံကြည့်လျှင် မိမိတွင် ကိုယ်ပိုင်စွမ်းရည်များစွာ ပိုင်ဆိုင်ထားပြီး အခြားသူများကို ကောင်းစွာထောက်ပံ့ နိုင်သူဖြစ် ပါတယ်။မိမိတွင် ပုံမှန်မဟုတ်သော ဉာဏ်ရည်နှင့် လူ့သဘောသဘာဝကို ထိုးထွင်းသိမြင်နိုင်စွမ်းရှိသည်။ သို့သော် အလိမ္မာသုံးရန် ကြိုးပမ်းရာတွင် မိမိသည် အမြဲမအောင်မြင်ပါ။ မိမိရဲ့ အဆင်ခြင်မရှိလွန်ကဲမှုတွေကို တားဆီးဖို့ နှစ်ပေါင်းများစွာ အချိန်ကုန်ခံပြီး မိမိရဲ့သဘောသဘာဝကို လိုက်လျောညီထွေဖြစ်တတ်ပေမယ့် မိမိသည် အမြဲမထိန်း ချုပ်နိုင်ပဲ အလွယ်တကူ ပြိုလဲသွားတတ်ပါတယ်။ပုံမှန်မဟုတ်သော ဉာဏ်ရည်ကို ပိုင်ဆိုင်ထားပြီး မိမိ၏ပန်းတိုင်များကို ဦးတည် လျှောက်လှမ်းရာတွင် မိမိသည် အလွန်ခေါင်းမာသူဖြစ်သည်။ မိမိသည် အခြားသူများအပေါ် အလွန်မျှတ သောစိတ် ရှိသူတစ်ဦးဖြစ်သည်။ ခေါင်း ဆောင်ကောင်းဖြစ်မယ်။ လူအများကိုကောင်းစွာထိန်းချုပ်နိုင်တဲ့သူဖြစ် တတ်ပါတယ်။ လုပ်ငန်းပိုင်းမှာစိတ်ချရ တာ ကြောင့်် မိဘလက်ငုတ်ကိုဆက်လက်လုပ်ကိုင်ရသူဖြစ်စေ၊ ကုမ္ပဏီတွေမှာ အာဏာကုန်လွှဲအပ်ခံရသူဖြစ်စေ ဘဝ မှာကြုံ ရတတ်ပါတယ်။ ကိုယ်ပိုင်စီးပွားရေးလုပ်တဲ့အခါမှာတော့ လက်လီထက် လက်ကားအလုပ်တွေက ပိုမိုအကျိုး ပေးပါတယ်။
အနုရာဓနက္ခတ်အချိန်များတွင် ထီထိုးခြင်း၊ မေတ္တာ ရေးစကား ပြောဆိုခြင်း၊ အလှပြင်ခြင်း၊ လက်ဝတ် ရတနာ ဝတ် ဆင်ခြင်း၊ ယာဉ်၊ စက်ပစ္စည်း ရောင်းဝယ်ခြင်း၊ ဆိုင်ကယ်၊ ဆိုက်ကား၊ စက်ဘီး၊ ကားအရောင်း အဝယ်ပြုလုပ်ခြင်း၊ ခြံမြေ အိမ်ရာအရောင်း အဝယ် လုပ်ခြင်း၊ ခရီးသွားလာခြင်း၊ မိတ်ဆုံပွဲ၊ ပါတီပွဲ၊ စာပေလုပ်ငန်း၊ စာပေဖြန့်ချိခြင်း ကောင်း၏။
ဂြဟဇာ ပွင့်ရာအရပ်သည် အနောက်မြောက်အရပ်ဖြစ်သည်။ ဂြဟဇာ ပွင့်သောအရပ်ကို မျက်နှာမူ၍ အိမ်ဆောက်ခြင်း၊ ခေါင်းဆေးမင်္ဂလာပြုခြင်းကဲ့သို့သော ကောင်းမွန်သောကိစ္စရပ်များကို လုပ်ကိုင်ဆောင်ရွက်နိုင်ပါသည်။
ဓူဝယုဂ် ကျရောက်နေသောနေ့ဖြစ်သောကြောင့် “တည်မြဲခြင်း” ဟူသောအဓိပ္ပာယ်ကို ကိုယ်စားပြုသည်။ ကောင်းမွန် သော ကိစ္စရပ်များအားလုံး လုပ်ကိုင်ဆောင်ရွက်ရန် အထူးကောင်းမွန်ပါသည်။
ဗဗကရိုဏ်း ကျရောက်နေသောနေ့ဖြစ်သောကြောင့် ဂါထာ၊ တိုက်ခိုက်မှု၊ ကျန်းမာရေးနှင့် စွမ်းအားတိုးတက်စေခြင်း၊ လိင်ပိုင်းဆိုင်ရာ (သို့မဟုတ်) ဖန်တီးမှုစွမ်းအင်ကို ကိုယ်စားပြုသည်။ ဤကရိုဏ်းသည် လမ်းပန်းဆက်သွယ်ရေးနှင့် မျိုးစေ့ကြဲခြင်းကဲ့သို့သော ရွေ့လျားမှုဆိုင်ရာ ကောင်းသောကိစ္စရပ်များအားလုံးအတွက် အထူးကောင်းမွန်ပါသည်။
ဒီနေ့အတွက် ရာဟုကာလအမှောင်ချိန်တွေကတော့ နံနက်(၀၉း၂၈)နာရီမှ နံနက်(၁၀း၅၃)နာရီအတွင်း ကျရောက်နေပါ တယ်။ဒီအချိန်ကာလ အတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ် ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါတယ်။
ကံကောင်းသောနေ့သားများကတော့ တနင်္ဂနွေ၊ ဗုဒ္ဓဟူး၊ ရာဟု၊ ကြာသပတေးသားသမီးများပဲဖြစ်ပါတယ်။
ကံညံ့သော နေ့သားများကတော့ တနင်္လာ သားသမီးများပဲ ဖြစ်ပါတယ်။
ကံသင့်သောနေ့သားများကတော့ အင်္ဂါ၊ သောကြာ၊ စနေသားသမီးများပဲ ဖြစ်ပါတယ်။
ဒီနေ့မှာ အနက်ရောင် နှင့် စိမ်းပြာရောင် များများပါသော အဝတ်အစား၊ အသုံးအဆောင်ပစ္စည်း တွေ ကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၄၊ ၁၊ ၅) ဂဏန်းတွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ နံနက်စောစော အိပ်ယာထ မျက်နှာသစ် ကိုယ်လက်သန့်စင်ပြီး တောင်အရပ်သို့ မျက်နှာမူကာ “လောကဝိဒူ” (၉)ခေါက် ရွတ်ဆိုသွားပါ။ ပိုမိုအဆင်ပြေ လွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ တို့ဟူးကြော် ဘုရားကပ်လှူပြီး လိုရာဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသောလိုအင်ဆန္ဒတွေပြည့်ဝကြပါစေ။
#၇ရက်သားသမီးအတွက်တစ်နေ့တာဟောစာတမ်းနှင့်တိုက်ရိုက်ဖုန်းခေါ်ဟောပြောခြင်းအကြောင်းအရာကိုဗေဒင်ချစ် ပရိသတ် များ အတွက် သတင်းစကားပါးခြင်း
နေ့စဥ် ၇ ရက်သားသမီးများအတွက် နေ့နံအလိုက် …
☯️တစ်နေ့တာကံကြမ္မာ အဆိုးအကောင်း…
☯️တစ်နေ့တာ စီးပွားရေးအလုပ်အကိုင်အခြေအနေ…
☯️တစ်နေ့တာ ကျန်းမာရေးဆိုင်ရာ သိစရာတွေ…
☯️တစ်နေ့တာ အချစ်ရေး ကံတရားများ…..
☯️တစ်နေ့တာ အိမ်ထောင်ရေး အဆိုး/အကောင်းများ…
☯️တစ်နေ့တာ ပညာရေး ရလဒ်အကြောင်းတွေ….
#ဒါအပြင်…
.🧿တစ်နေ့တာ အကျိုးပေးအရောင်များ
🧿တစ်နေ့တာ အကျိုးပေးဂဏန်းများ
🧿အရေးကြီးကိစ္စတွေဆောင်ရွက်ရမယ်ဆို ပြုဖွယ်အစီအရင်များ
🧿တစ်နေ့တာအညံ့အဆိုးတွေလျော့ပါးသက်သာစေမဲ့ကုသိုလ်ယတြာ စသည်ဖြင့်စုံစုံလင်လင်ကို …… နေ့စဉ် နား ဆင် နိုင်မယ့် အစီအစဉ်ဖြစ်ပါတယ်။
နေ့စဉ်ဗေဒင်ဟောစာတမ်းများကို နားဆင်လိုပါက …
ATOM ဆင်းကဒ်များဖြင့် (3049) ကို ဖုန်းခေါ်ဆိုပြီး နားဆင်နိုင်ပါတယ်…။ ( တစ်ပတ်လျှင် ၃၁၅ ကျပ်သာကျသင့် မှာဖြစ်ပါတယ်။)
ဒါအပြင်ဆရာငြိမ်းအေးလူနှင့်တိုက်ရိုက်📞ဖုန်းခေါ်ဆိုပြီး ဗေဒင်မေးချင်တယ်ဆိုရင်…အပတ်စဥ် တနင်္လာနေ့၊အင်္ဂါနေ့၊ ဗုဒ္ဓဟူးနေ့ရောက်တိုင်း ညနေ (၆) နာရီကနေ (၈) နာရီအတွင်းဖုန်းနံပါတ် (7777) ကို Atomဖုန်းနံပါတ်များနှင့် ဖုန်းခေါ်ဆိုပြီး မေးမြန်းနိုင်ပါတယ် ခင်ဗျာ… ။ ( တစ်မိနစ်လျှင် ၅၂၅ ကျပ် ၊ ဉာဏ်ပူဇော်ခပါပြီး ကျသင့်ပါမယ်)
🙏🙏🙏အားပေးကြသူတစ်ယောက်ချင်းဆီတိုင်းကို ကျေးဇူးအထူးတင်ရှိပါတယ်။
👌👍ကောင်းသောလိုအင်ဆန္ဒတွေပြည့်ဝနိုင် ကြပါစေ။
ဆရာငြိမ်းအေးလူ(ဗေဒင်သုတေသီ)
09775555695
နျူမာန်(မိုးတား)-သင့်အတွက်နေ့စဉ်အကြံပေးဒိုင်ယာရီ
အောင်မဟာ-မင်္ဂလာအခါပေး နေ့စဉ် ဗေဒင်ဒိုင်ယာရီ
အောင်မှန်- အခါပေးဒိုင်ယာရီ
ရွှေမန်း -ဗေဒင်ဒိုင်ယာရီ
ခိုင်မင်္ဂလာ-အခါပဒေသာ ဒိုင်ယာရီ
ဆရာအောင်ဟိန်းအေး-ဝေဒမင်္ဂလာအခါပေး ဒိုင်ယာရီ
မြန်မာ နိုင်ငံဝေဒသုတေသနအဖွဲ့- မင်္ဂလာအခါပေးဗေဒင် ပြက္ခဒိန်
ပါရဂူဒေါက်တာ ဒေါ်ကြည်ကြည်စိန်-နက္ခဗေဒင်မင်္ဂလာအခါပေးဗေဒင် ပြက္ခဒိန်
ဆရာစိုးနိုင်-အင်းဝ မင်္ဂလာအခါပေး ပြက္ခဒိန်
သူရဇ္ဇ လစဉ်မဂ္ဂဇင်း