ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ သီတင်းကျွတ်လကွယ်နေ့ရက်၊ တနင်္ဂနွေနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊အောက်တိုဘာလ(၂၃)ရက်နေ့လဲ ဖြစ်ပါတယ်။
ဒီနေ့နံနက်(၅း၃၆)နာရီမှာ အရုဏ်တတ်ပါတယ်။ နေထွက်ချိန်နံနက်(၆း၂၄)နာရီဖြစ်ပြီး ၊ ညနေ(၅း၃၇)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အရှေ့မြောက်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက်တောင်အရပ် ဖြစ်ပါတယ်။ စန်းပွင့်ရာအရပ်က တောင်အရပ် ဖြစ်ပါတယ်။
ဒီနေ့ဟာတီထိမြေခံအရ စနေမြေခံတဲ့နေ့ဖြစ်ပါတယ်။ စနေမြေခံအရ မီးဘေးနှင့်ပတ်သက်သော အပူသောကများ အထူးဂရုစိုက်သင့်ပါသည်။ မီးဘေးကြောင့် ပျက်စီးဆုံးရှုံးရခြင်းများ၊ စိတ်ပူးပင်သောကနှင့် ဆုံးရှုံးနစ်နာရခြင်းများ ရရီစေသောကြောင့် ခိုင်ခန့်သော အဆောက်အဦးတွေ၊ ကျောင်းတွေ၊ သိမ်တွေ၊ လမ်းတံတားတွေ၊ အထပ်မြင့် အဆောက်အဦးတွေ စတင်ဆောက်လုပ်တာ၊ တိုင်ထူတာ၊ ပန္နက်ရိုက်တာမျိုးတွေ အထူးရှောင့်သင့်ပါတယ်။
ဒီနေ့ဟာ တီထိအရတော့ ည၇နာရီအထိက အောင်မြင်ခြင်းတွေ စွမ်းအားတွေကိုပေးတဲ့ ဇယျတီထိ ကျရောက်တဲ့နေ့ရက်ပဲဖြစ်ပါတယ်။ ဒီလိုနေ့ရက်မှာတော့ ကုန်ပစ္စည်းအသစ်များစတင်ဖြန်ချီနိုင်သည်။ အများသိစေ လိုတဲ့သတင်းစကားကိုဖြစ်စေ စတင်ဖြန့်ချီလို့အထူးကောင်းပါတယ်။ရပ်တန့်ထားတဲ့လုပ်ငန်းများကိုလဲပြန်လည်စ တင်သင့်ပါတယ်။ နံနက် ၇◌း၃၀ မှ ၉း၀၀ကြား။ နေ့ ၁း၃၀မှ ၃း၀၀ကြားကာလများတွင် ပေါ်ပေါက်လာတဲ့ အခွင့်အရေးကို လက်တွေ့အသုံးချပြီးအောင်မြင်မှုတွေကိုဖြစ်စေပါတယ်။
ကုန်ပစ္စည်းသိုလှောင်ခြင်းတွေ၊ ငွေကြေးချေးငှားခြင်းတွေကိုလဲ အထူးဆောင်ရွက်နိုင်ပါတယ်။ဖုန်းနှင့်ဆက်စပ် ပစ္စည်းလုပ်ငန်းများအထူးကောင်းပါတယ်။မိမိအာမခံထားချင်တဲ့အရာတွေကိုစတင်အာမခံထားလို့အလွန်မှကောာင်းတဲ့နေ့ရက်ပဲဖြစ်ပါတယ်။ကောက်ပဲသီးနှံတွေကို ရိတ်သိမ်းခြင်းတွေ၊ လှောင်ထားခြင်းတွေ၊ အထူးကောင်းပါတယ်။
ဆိုင်သစ်စဖွင့်တာ၊ဆိုင်းဘုတ်သစ်တင်တာ၊ အလုပ်သစ်စလုပ်တာ၊ အိမ်အသစ်မှာ စတင်နေထိုင်တာ၊ အိမ်၊ကျောင်း တွေကိုစတင်ဆောက်လုပ်တာ၊ကုမ္ပဏီအသစ်၊ဈေးအသစ်စတင်ဖွင့် လှစ်တာမျိုးတွေအထူး ကောင်းပါတယ်။
နိုင်ငံခြားဘာသာစကားတစ်ခုခုကို စတင်သင်ကြားခြင်းမျိုးဒီနေ့မှာစတင်ခြင်းဖြင့် ဆုံးခန်းတိုင်အောင်တတ်မြောက်ပါ လိမ့်မယ်။ မိဘဘိုးဘွား အကြီးအကဲတွေကို အထူးဂါရဝပြုတာ၊ကန်တော့တာမျိုးတွေလဲ အထူးပဲဆောင်ရွက်စေ ချင်ပါတယ်။
ကြော်ငြာလုပ်ငန်းများအတွက် ဆောင်ရွက်ရန်အထူးကောင်းပါတယ်။ Online ကနေကြော်ငြာတာပဲဖြစ်ဖြစ်၊ media ကနေကြော်ငြာတာပဲဖြစ်ဖြစ် ဆောင်ရွက်လို့အထူးကောင်းပါတယ်။ ဒီနေ့မှာမြေသန့်မင်္ဂလာပြုလုပ်ခြင်းတွေ၊ အုတ်မြစ်ချခြင်း၊တိုင်ထူခြင်းတွေကိုအထူးဆောင်ရွက်နိုင်ပါတယ်။ ဘုရားနေကဇာတင်ခြင်း၊ အိမ်တတ်ပြုလုပ်ခြင်း တွေကိုလဲ ဒီနေ့မှာအထူးဆောင်ရွက်လို့သင့်ပါတယ်။
ဒီနေ့ဟာ ဒီနေ့ဟာ ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့(၁၉း၁၇)နာရီမှ (၂၀း၀၈)နာရီအတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများကြုံလာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့မွေး ရင်သွေးငယ်များဟာ မရဏဖွား၊ ကန်စန်း၊ တူရာသီဖွားဖြစ်ပါသည်။ဒီနေ့မွေးသူများအများနဲ့ပတ် သက်ဆက်နွယ်သောအလုပ်များ၊လူအများနဲ့ဆက်ဆံလုပ်ကိုင်ရသောအလုပ်များနဲ့အကျိုးပေးတယ်။ နိုင်ငံရပ်ခြားက နေဘွဲ့ထူးဆုထူးရမဲ့ကံဇာတာရှိနိုင်တာလဲတွေ့ရတယ်။ နိုင်ငံခြားဘာသာစကားကျွမ်းကျင်လွန်းတာမျိုးတွေလဲ ဒီလိုဇာတာမျိုးမှာတွေ့ရလေ့ရှိတယ်။ ကျန်းမာရေးကတော့ အအေးပတ်လွယ်တဲ့သူဖြစ်တာကိုတွေ့ရပါတယ်။ ရေလမ်းခရီးလဲသတိထားသင့်တဲ့ဖွားဇာတာမျိုးဖြစ်ပါတယ်။ အင်အားကြီးသူတစ်ဦးဦးရဲ့အထောက်အပံ့တွေကိုလဲ ရလွယ်တာမျိုးတွေဖြစ်တတ်ပါတယ်။ဒါကြောင့်ဘဝအခက်အခဲကြုံလာတိုင်း အကူအညီပေးမဲ့နောက်ခံဘက်ဂရောင်းကြီးကြီးရှိနေတတ်ပါတယ်။
ဒီနေ့အတွက် ရာဟုကာလအမှောင်ချိန်တွေကတော့ ညနေ(၄း၁၂) နာရီမှ ညနေ(၅း၃၉)နာရီအတွင်း ကျရောက်နေ ပါတယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်း ပါတယ်။
ကံကောင်းသောနေ့သားများကတော့ အင်္ဂါ၊ ဗုဒ္ဓဟူး၊ ရာဟု၊ စနေ သားသမီးများပဲဖြစ်ပါတယ်။
ကံညံ့သော နေ့သားများကတော့ တနင်္ဂနွေ၊ သောကြာ သားသမီးများပဲ ဖြစ်ပါတယ်။
ကံသင့်သောနေ့သားများကတော့ တနင်္လာ၊ ကြာသပတေး သားသမီးများပဲ ဖြစ်ပါတယ်။
ဒီနေ့မှာ အပြာရောင်တောက်တောက် နှင့် အစိမ်းရောင်ရင့်ရင့်များများပါသော အဝတ်အစား၊ အသုံးအဆောင် ပစ္စည်း တွေ ကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစား နိုင်ပါလိမ့်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၁၊ ၂) ဂဏန်းတွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ကြက်ကြော်စား သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ဧလမုန့် ဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လိုအင်ဆန္ဒတွေပြည့်ဝကြပါစေ။
၇ရက်သားသမီးအတွက် တစ်နေ့တာဟောစာတမ်းအကျဉ်း
တနင်္ဂနွေ
မီးပင်လယ်ကိုဖြတ်ကူးရတဲ့နေ့ရက်လို့တင်စားချင်ပါတယ်။ ရုန်းကန်နေမှအဆင်ပြေမဲ့သဘောပါ။ ပျင်းနေသူတွေ အတွက် နေရာမရှိပါဘူး။ ဘဝပုစ္ဆာများလဲအဖြေညှိရပါလိမ့် မယ်။ဘဝခရီးအတွက် တိကျပြတ်သားသော ဆုံးဖြတ် ချက်များရရန် ခက်ခဲနေပါလိမ့်မယ်။လုပ်ငန်းခွင်အတွင်း အမျက်ထွက်စရာကိစ္စများလဲပေါ်လာတတ်ပါတယ်။ သတိနဲ့ ယှဉ်ပြီးဒေါသကို ထိန်းသိမ်းလိုက်ပါ။ လူမျိုးခြား၊တစိမ်း တွေနဲ့ဆက်စပ်လုပ်ကိုင်ရသူများ အမှားအယွင်းနည်းအောင် လုပ်ပါ။ပြဿနာဟောင်း၊ရန်ကြွေးဟောင်းတွေပြန်ပေါ် လာတတ်ပါတယ်။ ကျန်းမာရေးမှာတော့အညံ့အဆိုးနည်း နေ တတ်ပါတယ်။
တနင်္လာ
နိုးနိုးကြားကြားဖြင့် ဘဝခရီးကိုချီတတ်သင့်တဲ့နေ့ရက်လဲဖြစ် ပါတယ်။ ပြတ်ပြတ်သားသား လုပ်ဆောင်မှသာ အောင်မြင်ပါလိမ့်မယ်။ အားနာတတ်သူတွေကတော့ ကောင်း ကောင်းကြီးဒုက္ခရောက်ရတတ်ပါတယ်။ ဆင်ခြင်တုံ တရား ရှိပါစေ။ စေတနာကောင်း စိတ်ကောင်းနဲ့ လုပ်ကိုင်ပေး သူတွေကတော့ ဒီနေ့မှာစေတနာရောင်ပြန်ဟပ်ပါ လိမ့်မယ်။ ဝင်ငွေကောင်းလာပါလိမ့်မယ်။ လုပ်ငန်းခွင်မှာလဲ နှစ်ထပ်ကွမ်းအောင်မြင်မှုတွေကိုရရှိပါလိမ့်မယ်။ လူ အနည်းငယ်ပင်ပန်းမှုတွေ ကိုတော့ ကြုံရတတ်ပါတယ်။ စိတ်ဖိ ဆီးမှုကိုလျှော့ချလိုက်ပါ။ ကျန်းမာရေးကတော့ စိတ်ချမ်းသာ အောင်နေလေကျန်းမာလေပါပဲ။
အင်္ဂါ
ဘာနယ်ပယ်မှာမဆို ယှဉ်ပြိုင်အနိုင်ရသောနေ့ရက်ဖြစ် ပါလိမ့်မယ်။တီထွင်ဆန်းသစ်အောင်ကြိုးစားနိုင်မှုကြောင့် နာမည်ဂုဏ် သတင်းကြီးပါလိမ့်မယ်။ သိက္ခာရှိသူတွေက တော့အသိုင်းအဝိုင်းနယ်ပယ်ကိုချဲ့ထွင်နိုင်ပါလိမ့်မယ်။ ကံကောင်းခြင်းတွေ ကြောင့်ပဲ မိမိကိုအဆင်ပြေမှုလမ်း ကြောင်းကိုတွန်းပို့ပါလိမ့်မယ်။ ပျင်းရိမှု၊တွေဝေမှု၊ချီတုံချတုံ ဖြစ်နေ မှုတွေကို ကောင်းစွာလျှော့ချနိုင်ပါလိမ့်မယ်။ အပျော်အပါးကိစ္စတွေကို မလုပ်ဘဲ နေရင်ကံပိုမိုကောင်း တတ်ပါတယ်။သီလရှိအောင်နေပါ။ဒါနတရားတွေနဲ့ ကောင်းစွာရှင်သန်ပါ။ ကျန်းမာရေးကတော့ အရက်နှင့်ဆေးလိပ် တတ်နိုင်သမျှရှောင်လိုက်ပါ။
ဗုဒ္ဓဟူး၊ရာဟု
စိတ်ချမ်းသာစရာတွေများပါလိမ့်မယ်။ ရည်မှန်းချက်များကို ကောင်းစွာစူးစူးစိုက်စိုက် လုပ်ဆောင်နေသောနေ့ရက် တစ်ခုဖြစ်ပါလိမ့်မယ်။ အကြံကောင်းတစ်ချက်ကြောင့်အောင် မြင်ကြီးပွားသွားနိုင်ပါလိမ့်မယ်။ပခုံးချင်း ယှဉ်လာသူ တွေကို ကောင်းစွာအနိုင်ရပါလိမ့်မယ်။ အပြောနှင့်အလုပ်ညီမျှ အောင်နေတဲ့အတွက် လုပ်ဖော်ကိုင်ဖက်တွေ၊ မိသား စုတွေရဲ့ ယုံကြည်လေးစားခြင်းကိုခံယူပါလိမ့်မယ်။ စိတ်ကူးစိတ် ကူးစိတ်သန်းအချို့ကိုလက်တွေ့အကောင် အထည် ဖော်ခွင့် ရရှိပါလိမ့်မယ်။ အချစ်ရေးအထူးကောင်းမည်။ ချစ်သူနဲ့ ပြန်ပြေလည်မည်။ ကျန်းမာရေးကတော့ အိပ်ရေး ၀၀ အိပ်တာက ကျန်းမာဖို့အထောက်အကူပြုပါ။
ကြာသပတေး
စိတ်ပင်ပန်းစရာ၊လူပင်ပန်းစရာလေးတွေကြုံနေရတတ် ပါတယ်။ခရီးသွားလာရာမှာအနှောက်အယှက် ကြုံရတတ် ပါ တယ်။ ရွှေငွေ၊လက်ဝတ်ရတနာများဝယ်ယူလို့ကောင်းတဲ့ နေ့ရက်လဲဖြစ်ပါတယ်။အသောက်အစားများပြီးတော့ ကျန်းမာရေးညံ့သွားတဲ့ အတွက်ဆင်ခြင်ပါလို့မှာချင်ပါတယ်။ ပညာသင်ကြားနေသူများ ပညာရေးအတွက် အဆက် အသွယ် ကောင်းတွေ ရလာတတ် ပါတယ်။ လုပ်ငန်းရှင်များ မိမိ အလုပ်ရဲ့ဖွဲ့စည်းပုံကိုပြန်လည်တည်ဆောက်ယူရပါ လိမ့်မယ်။ ငွေကံကတော့ကောင်း နေချိန်ဖြစ်တာကြောင့် ငွေ အဝင်များနေတတ်ပါတယ်။ ဘာသာရေးကိစ္စ၊အလှူ ကိစ္စ တွေလဲကြုံရတတ်ပါတယ်။
သောကြာ
အလုပ်ကိစ္စများအဆင်ပြေသော်လည်း မိသား စု၊ညီအကိုမောင်နှတွေနဲ့ ပြဿနာကြုံရတတ်ပါတယ်။ထီကံစမ်းသင့် သော နေ့ရက်ဖြစ်ပြီး ခရီးကိစ္စကြောင့်ဒေသသစ် ၊နေရာသစ်ရောက်နေရင် ထီထိုးဖြစ်အောင်ထိုးလိုက်ပါ။ စီးပွား ရေးကိစ္စ များတွင်မိမိစကားအောင်တတ်ပါတယ်။ အိမ် ခြံမြေ ဝယ်ခြင်းရောင်းခြင်းတွေအထူးကောင်းပါ လိမ့် မယ်။အိမ်ထောင်ရှင်များ ငွေကြေးကိစ္စများနဲ့ပတ်သက်ပြီးလင် မယားချင်းစိတ်ဝမ်းကွဲရတတ်ပါတယ်။ ဆုံးဖြတ်ချက် တစ်ခု ချမယ် ဆိုရင်တော့ အမိအဖ လူကြီးတွေကိုတိုင်ပင်ပြီးလုပ် တာပိုကောင်းပါတယ်။ ကျန်းမာရေးအညံ့ အဆိုး ကင်းမည်။ ချစ်သူအတွက်ပူပန်ရတတ်ပါတယ်။
စနေ
ကြားလိုသောသတင်းစကားကြားရတတ်ပါတယ်။အပြောင်းအလဲများကြားကနေဘဝတိုးတတ်မှုလမ်းကိုတွေ့ရ မည်။ မိမိ ကိုယ်တိုင်က ဒီနေ့မှာ လျှို့ဝှက်ဆန်းကြယ်တဲ့ ကိစ္စတွေကို အလွန်စိတ်ဝင်စားနေတတ်ပါတယ်။ မီးခဲပြာဖုံး ဖြစ်နေတဲ့ မိမိရဲ့အစွမ်းအစတွေကိုထုတ်ဖော်ခွင့်ရမဲ့နေ့လဲ ဖြစ်ပါတယ်။အတိတ်ကကြိုးစားခဲ့တဲ့ ကိစ္စတွေကဒီနေ့မှာ အခွင့်အလမ်း အဖြစ်မိမိဆီရောက်လာတတ်ပါတယ်။ အလုပ်နဲ့ပတ်သက်ပြီးတော့လဲကောင်းစွာ တိုးတတ်မှုတွေမြင် ရပါလိမ့်မယ်။ ကျန်းမာရေး ကတော့အညံ့အဆိုးတွေကို ကောင်းစွာမောင်းထုတ်နိုင်ပါလိမ့်မယ်။ အနာနဲ့ဆေးတွေ့ ပြီး ကျန်းမာသွားပါလိမ့်မယ်။
ဆရာငြိမ်းအေးလူ(ဗေဒင်သုတေသီ)
09775555695
