ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ တော်သလင်းလဆုတ်(၁၄)ရက်၊ သောကြာနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊စက်တင်ဘာလ(၂၃)ရက်နေ့လဲ ဖြစ်ပါတယ်။
ဒီနေ့နံနက်(၅း၁၇)နာရီမှာ အရုဏ်တတ်ပါတယ်။ နေထွက်ချိန်နံနက်(၀၆း၀၅)နာရီဖြစ်ပြီး ၊ ညနေ(၀၆း၀၅)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အရှေ့အရပ် ဖြစ်ပါတယ်။ ရှောင်သင့်တဲ့ နတ်နေအရပ်က နောက်အရပ် ဖြစ်ပါတယ်။ စန်းပွင့်ရာအရပ်ကအရှေ့အရပ် ဖြစ်ပါတယ်။
လက်သမားမြေခံအရ ဗြဟ္မာမြေခံဖြစ်ပါတယ်။ ဗြဟ္မာ မြေခံဖြစ်၍ လာဘ်လာဘကိုပေးတဲ့နေ့ဖြစ်တာကြောင့် ပျဉ် ထောင် အိမ်တွေ၊ တဲတွေ၊ဆိုင်ခန်းလိုင်းခန်းတည်ဆောက်ခြင်းတွေ၊အိမ်ခန်းဖွဲ့တာတွေ အိမ်ပြင်တာတွေ၊မြေတူးဆွ တာ တွေ ဆောင်ရွက် လို့ကောင်းပါတယ်။
တီထိမြေခံအရ စနေမြေခံဖြစ်ပါတယ်။ စနေမြေခံအရ မီးဘေးနှင့်ပတ်သက်သော အပူသောကများ အထူးဂရုစိုက် သင့်ပါ သည်။ မီးဘေးကြောင့် ပျက်စီးဆုံးရှုံးရခြင်းများ၊ စိတ်ပူးပင်သောကနှင့် ဆုံးရှုံးနစ်နာရခြင်းများ ရရီစေသော ကြောင့် ခိုင်ခန့်သော အဆောက်အဦးတွေ၊ ကျောင်းတွေ၊ သိမ်တွေ၊ လမ်းတံတားတွေ၊ အထပ်မြင့် အဆောက်အဦးတွေ စတင်ဆောက်လုပ်တာ၊ တိုင်ထူတာ၊ ပန္နက်ရိုက်တာမျိုးတွေ အထူးရှောင့်သင့်ပါတယ်။
ဒီနေ့ဟာ နဂါးပြည်ပြဿဒါး ရက်ကျရောက်နေတာဖြစ်ပါတယ်။
ဒီနေ့ဟာ တီထိအရတော့ အောင်မြင်ခြင်း၊ လုပ်ကိုင်ဆောင်ရွက်နိုင်တဲ့ စွမ်းအား တွေပေးတဲ့ ဇယျာတီထိကျ ရောက်တဲ့ နေ့ရက် ပဲဖြစ်ပါတယ်။ဒီနေ့ဟာ ဆေးဝါးဖော်စပ်ခြင်း၊ ထုတ်လုပ်ခြင်းတွေကို ဦးစားပေးဆောင်ရွက် သင့်ပါ တယ်။ ကျန်းမာရေးနဲ့ပက်သက်ပြီး ဆေးစစ်၊ဆေးကု၊ရောဂါရှာဖွေခြင်းများဒီနေ့မှာ ဆောင်ရွက်လို့အထူးကောင်းပါ တယ်။ အလုပ်စီးပွားတွေနဲ့ပတ်သက်ပြီး team workရှိတဲ့အလုပ်တွေက ပိုမိုအောင် မြင်နိုင်ပါတယ်။ တစ်ဦးတစ်ယောက် ထက် အဖွဲ့အစည်း၊ဂရုရှိတဲ့အလုပ်မျိုးတွေပိုမိုအဆင်ပြေတတ်တဲ့နေ့ရက်ပါပဲ။
အတိုက်အခိုက်ရှိမှတိုးတတ်တယ်..ဆိုတာဒီနေ့ကိုပြောတာပါ။ လုပ်ငန်းတူတွေရဲ့ တိုက်ခိုက်မှုကနေတဆင့် အကြံ ကောင်း၊ စိတ်ကူးကောင်းတွေရလာတတ်ပါတယ်။ မိမိရဲ့ကိုယ်စွမ်းကိုယ်စကို ထုတ်သုံးပြီးတော့လဲ အောင်မြင် အောင် စွမ်း ဆောင်နိုင်ပါလိမ့်မယ်။ မိမိရဲ့ငုပ်လျှို့နေတဲ့အစွမ်းအစတွေကိုထုတ်သုံးသင့်ပါတယ်။
အလုပ်အကိုင်ပြပွဲများပြသခြင်းတွေ၊ ပညာရေးနဲ့ပတ်သက်တဲ့ဟောပြောပွဲများဟောပြောခြင်းတွေ ပညာရေး နဲ့ပတ်သက်သောကိစ္စအ၀၀ဆောင်ရွက်ခြင်းတွေအထူးကောင်းပါတယ်။ လေကြောင်းခရီးသွားလာလှုပ်ရှားခြင်းတွေ အထူးဆောင်ရွက်လို့ကောင်းပါတယ်။ ဒီနေ့အတွက် ခရီးကိစ္စများဆောင်ရွက်လို့အလွန်ကောင်းပါတယ်။ ကုန်ကူး ခြင်း၊ကုန်သွယ်ခြင်း၊များ ဆောင်ရွက်နိုင်သလိုအပျော်ခရီး များ၊ဘုရားဖူးခရီးများလဲ သွားလို့ကောင်း တဲ့နေ့ပါပဲ။ကြော်ငြာ ဆိုင်းဘုတ်များ၊ကြော်ငြာတဲ့ BILL BOARDများထောင်ခြင်းမျိုးဒီနေ့မှာစတင်နိုင်ပါတယ်။
စာပေအနုပညာနှင့်ပတ်သက်သောကိစ္စအ၀၀ ဆောင်ရွက်နိုင်ပါလိမ့်မယ်။ စာရေးခြင်း၊ကဗျာစပ်ခြင်း၊ စာအုပ်ထုတ် ဝေခြင်းများလုပ်ဆောင်နိုင်တဲ့နေ့မျိုးပါ။စားသောက်ကုန်လုပ်ငန်းများ၊စက်ယန္တရားနှင့်ပတ်သက်သောအလုပ်များပိုမိုတိုးတတ်ပါတယ်။ကုန်ပစ္စည်းများသိုလှောင်ခြင်းများလဲအထူးသင့်လျော်ပါတယ်။
စစ်လက်နက်ဝယ်ယူခြင်းများ၊စစ်ရေးလေ့ကျင့်ခြင်းများဆောင်ရွက်နိုင်တဲ့နေ့ပါ။ ဝန်ထမ်းတွေကိုလုပ်ငန်းခွင်ပိုမို ကျွမ်းကျင်အောင်သင်တန်းပေးခြင်းများလဲပြုလုပ်နိုင်ပါတယ်။
ရှောင်သင့်တာတွေကတော့ဒီနေ့မှာ ကျင်းနက်နက်တူးခြင်းတွေသတိထားဆောင်ရွက်ပါ။ ရတနာပစ္စည်းနှင့် သတ္ထုတူးဖော်ခြင်းတွေအထူးရှောင်ပါ။ ဒီနေ့ဟာမြေပြိုခြင်း၊မြေပိခြင်း၊ တောင်ပြိုခြင်းတွေအထူးဖြစ်ရတတ်ပါတယ်။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ည(၂၁း၁၅)နာရီမှ (၂၂း၀၆)နာရီအတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရ ဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများကြုံလာ ရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
နဂါးပြည်ပြဿဒါးကျရောက်နေတဲ့နေ့ရက်ဖြစ်တာကြောင့်အိမ်၊ခြံမြေ၊တိုက်တာ၊ဆိုင်ခန်း၊အလုပ်ခန်းများ ရောင်းချ ခြင်း၊ ဝယ်ယူခြင်းမျိုးတွေရှောင်လိုက်စေချင်ပါတယ်။အရောင်းအဝယ်ကိစ္စတွေနဲ့ပတ်သက်ပြီးတော့ စာချုပ်ချူပ်ဆိုမယ်ဆို ရင်တော့ ဒီနေ့မှာ ပိုင်ဆိုင်တဲ့စာရွက်စာ တမ်းတွေက အစစ်လား၊အတုလားသေချာစစ်ဆေး ပြီးမှ ဆောင်ရွက် လိုက်ပါ။
ဒီနေ့မွေး ရင်သွေးငယ်များဟာ ပုတိဖွား၊ သိဟ်စန်း၊ ကန်ရာသီဖွားဖြစ်ပါသည်။ဒီနေ့မွေးသူများဟာ မီးစတစ်ဖက် ရေမှုတ်တစ်ဖက်ရှိကြသူတွေဖြစ်ပါတယ်။ အေးချမ်းစွာနေပြီဆိုရင်လွန်စွာမှသည်းခံတတ်ပြီးတော့ မိမိကိုအဘက်ဘက် ကဒုက္ခပေးလာရင်လဲ ကလဲ့စားပြန်ချေရမှကျေနပ်သူတွေဖြစ်ပါတယ်။ မိမိရဲ့အစွမ်းအစတွေကိုထုတ်နှုတ်ပြီးတော့ မိမိ ဘဝကိုအကောင်းဆုံးတည်ဆောက်နိုင်ဖို့လိုပါတယ်။ အဘက်ဘက်က တော်ပေမဲ့ အံဝင်ခွင်ကျအသုံးမချတတ်တာက မိမိတို့ရဲ့အားနည်းချက်ဖြစ်ကြောင်းပါဗျ။
ဒီနေ့အတွက် ရာဟုကာလအမှောင်ချိန်တွေကတော့ နံနက်(၁၀◌း၂၇) နာရီမှ နံနက်(၁၁း၅၈)နာရီအတွင်း ကျရောက် နေပါ တယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ် ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်း ပါ တယ်။
ကံကောင်းသောနေ့သားများ ကတော့ တနင်္ဂနွေ၊ ကြာသပတေး၊ စနေ သားသမီးများပဲဖြစ်ပါတယ်။
ကံညံ့သော နေ့သားများကတော့ တနင်္လာ၊ ဗုဒ္ဓဟူး သားသမီးများပဲဖြစ်ပါတယ်။
ကံသင့်သောနေ့သားများကတော့ အင်္ဂါ၊ ရာဟု၊ သောကြာ သားသမီးများပဲဖြစ်ပါတယ်။
ဒီနေ့မှာ နီညိုရောင်၊အနက်ရောင်များများပါသောအဝတ်အစားအသုံးအဆောင်ပစ္စည်းတွေကို အထူး အလေးထား ဝတ် ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ၇ရက်သားသမီးများအားလုံးအတွက် အထူးအကျိုးပေးမယ့်Lucky Number တွေကတော့(၇၊၀၊၃) ဂဏန်း တွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့steel ပစ္စည်းတစ်ခုခု ဆောင် သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ သခွားမွှေး ဘုရားကပ်လှူပြီး လိုရာ ဆုတောင်း ပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လိုအင်ဆန္ဒတွေပြည့်ဝကြပါစေ။
၇ရက်သားသမီးအတွက် တစ်နေ့တာဟောစာတမ်းအကျဉ်း
တနင်္ဂနွေ
အဘက်ဘက်ကအဆင်ပြေတိုးတတ်မှုတွေရှိပါလိမ့်မယ်။ ကျန်းမာရေးနဲ့ပတ်သက်ပြီးတော့လဲ အထူးအညံ့နည်းပါးပါး လိမ့်မယ်။ ငွေအထူးဝင်လာတတ်ပါတယ်။ ရစရာရှိတာ တွေတော်တော်များများကို ပြန်လည်ရရှိလာနိုင်မဲ့နေ့ရက်ပါပဲ။ ပျော်ပျော်ရွှင်ရွှင် နေတတ်သူတွေ၊ အပြုံးလေးနဲ့ နေ တတ်ပြောတတ်သူတွေပိုမိုအဆင်ပြေတတ်ပါတယ်။ စပ်တူအလုပ် များ၊ရှယ်ယာအလုပ်များ ကောင်းမည်။ ငွေကြေး နဲ့ပတ်သက်ပြီးငွေကြေးဝန်ဆောင်မှုလုပ်ငန်းများ အဘက်ဘက်က တိုးတတ်လာပါလိမ့်မယ်။ ပညာရှာလို့အလွန် ကောင်းပါတယ်။ ပညာအသစ်သင်ယူခြင်းမျိုးလဲ ဆောင်ရွက်နိုင်ပါတယ်။
တနင်္လာ
အခွင့်အရေးတွေနှစ်မျိုးနှစ်ခွဆိုတာမျိုးတွေကြုံနေရ တတ်ပါတယ်။ ကျန်းမာရေးနဲ့ပတ်သက်သောကိစ္စများလဲ အထူး အညံ့ များနေတတ်ပါတယ်။ ဗိုက်အောက်ဗိုက်နာ တာမျိုး၊ အစာ မကြေရင်ပြည့်ရင်ကယ်ဖြစ်တာမျိုးတွေ အထူးသတိ ထားရပါလိမ့်မယ်။ မိမိလိုချင်တဲ့သတင်းအချက် အလက် တွေစုဆောင်းနိုင်ပါလိမ့််မယ်။ ဆက်သွယ်ရေးအလုပ်များ၊ စကားနဲ့ရင်းနှီးပြောဆို လုပ်ကိုင်ရတဲ့အလုပ် များ၊ပိုမိုတိုးတတ်အောင်မြင်ပါလိမ့်မယ်။ငွေကြေးနဲ့ပက်သက်ပြီးတော့လဲ ဝင်ငွေကောင်းမဲ့နေ့ပါပဲ။ ခရီးသွားလုပ်ကိုင် ဆောင်ရွက်ရတဲ့အလုပ်စီးပွားရေးတွေပိုမိုကောင်းမွန်ပြည့်ဝတတ်ပါတယ်
အင်္ဂါ
လူမှုရေးပြဿနာလေးတွေအထူးကြုံရတတ်ပါတယ်။အလုပ် ခွင်ထဲမှာ စောင်းမြောင်းပြောသူတွေရှိနေတတ်ပါတယ်။ ဆတ်ဆတ်ထိမခံတဲ့သူတွေဆိုရင်တော့ ရန်ပြဿနာဖြစ် တဲ့ထိဖြစ်ရပါလိမ့်မယ်။ တတ်နိုင်သမျှကိုယ့်ကိစ္စပဲ ကိုယ် စဉ်းစားပါ။ ဘယ်သူဘာပြောပြောမေတ္တာနဲ့သာတုန့်ပြန်ပြော ကြားလိုက်ပါ။ အလုပ်နဲ့ပတ်သက်သော အကြံအစည်သစ် တွေရှိခဲ့ရင်တော့ အကောင်အထည်မဖော်ပါနဲ့လို့ တိုက် တွန်းလိုက်ရပါတယ်ဗျာ။ အစိုးရဌာနဆိုင်ရာတွေနဲ့ ဝင်ထွက် လုပ်ကိုင် ဆောင်ရွက်ရတဲ့ အလုပ်တွေမှာတော့ အနည်း ငယ်ကြန့်ကြာမှုလေးတွေရှိနေတတ်ပါတယ်။ အအေးမိပြီး ခေါင်းကိုက်ခေါင်းမူးဖြစ်ရတတ်ပါတယ်။
ဗုဒ္ဓဟူး၊ရာဟု
အနုပညာနဲ့ပတ်သက်သော ဖန်တီးမှုအသစ်တွေ ဆောင်ရွက်သွား နိုင်ပါလိမ့်မယ်။ အနုပညာလုပ်ငန်းများ အထူး အလုပ် ကောင်းမဲ့နေ့ရက်လဲဖြစ်ပါတယ်။စိတ်ကြိုက်ဖန်းတီးခွင့်တွေရ လာပါလိမ့်မယ်။ လူငယ်တွေဆိုလဲ မိမိလုပ်ချင် တာတွေကို မိဘစကားကိုဆန့်ကျင်ပြီးလုပ်နေမိတတ်ပါတယ်။ ကုန်သည်များဆိုရင်တော့ ကုန်ရောင်း၊ ကုန်ဝယ် သတိထားပါ။ ပစ္စည်းလှောင်မယ်ဆိုရင်လဲ ရောင်းမစွံတဲ့ပစ္စည်းတွေ ကိုလှောင်မိတတ်ပါတယ်။ရပ်ဝေးရောက်တဲ့ မိသား စု ဝင်တွေလဲ ပြန်ရောက်လာ တတ်ပါတယ်။ စီးပွားရေးမှာလဲ လမ်းဟောင်းမလိုက်ဘဲ လမ်းသစ်ထွင်ပြီး လုပ်မှပဲ အဆင်ပြေမှုတွေရလာ တတ်ပါ တယ်။
ကြာသပတေး
အလုပ်တွေကိုလဲကောင်းစွာတိုးတတ်လာပါလိမ့်မယ်။ အောက်လက်ငယ်သားတွေကို လဲကောင်းစွာအုပ်ချုပ်နိုင် ပါလိမ့် မယ်။ မိမိဝယ်ချင်တဲ့ လျှပ်စစ်ပစ္စည်းများအထူးဝယ် လို့ကောင်းပါတယ်။ကျန်းမာရေးနဲ့ပတ်သက်ပြီး ကာကွယ်ခြင်းများ၊ ကုသခြင်းများဆောင်ရွက်လို့ကောင်းပါတယ်။ အလုပ်သစ်၊စီးပွားသစ်၊ဆိုင်သစ်များ စလို့ကောင်းတဲ့နေ့ရက်ပါပဲ။ ရစရာရှိတဲ့ ငွေကြေးတွေတောင်းခံလို့ကောင်းပါ တယ်။ မိတ်ဆွေကောင်း၊ သူငယ်ချင်းကောင်းတွေဆီက များစွာ အထောက် အပံ့ ရပါလိမ့်မယ်။ အဆင်မပြေ အထင်လွဲနေတဲ့အချစ်ရေးတွေကို ပြေလည်အောင်ဆောင် ရွက်နိုင်ပါ လိမ့်မယ်။
သောကြာ
အလုပ်အကိုင်နဲ့ပတ်သက်ပြီးမိမိယူဆချက်တွေကခက်ခဲတဲ့လမ်း ကြောင်းကိုရွေးချယ်မိတတ်ပါတယ်။ လွယ်တာ ကို ကျော် ခွပြီး ခက်ခဲတာကိုလုပ်မိတတ်ပါတယ်။ သူတစ်ပါးဆီက အကောင်းဆုံးဆိုတဲ့အကြံဉာဏ် တွေကိုလဲရ တတ် ပါတယ်။ မိမိလူကြီးဖျားနာ တာကြောင့် အထက်လူကြီးတာဝန် တွေကိုယာယီထမ်းဆောင်နေရတတ်ပါတယ်။ ဒါကြောင့်မိမိအတွက်စိတ်ပန်းလူပန်း ရတတ်ပါတယ်။ အိမ်ပြောင်းရွှေ ခြင်းတွေကိုဒီနေ့မှာမလုပ်သင့်ပါဘူး။ ကျန်းမာ ရေးအနေနဲ့ ခေါင်းမကြည်တာမျိုးအလွန်ဖြစ်ရ တတ်ပါတယ်။ အလုပ်နဲ့ ပက်သက်ပြီး နယ်သွားရတာ၊ သူများအလုပ် တာဝန်ခဏယာယီထမ်းဆောင်ပေးရတာမျိုးတွေကြုံရတတ်ပါတယ်။
စနေ
အလုပ်အကိုင်နဲ့ပတ်သက်ပြီးတော့လဲ အလွန်မှအားရကျေနပ် စရာကောင်းပါတယ်။ ဘယ်နယ်မှာမဆို မြေစမ်းခရမ်းပျို အနေနဲ့ စတင်လိုက်မယ်ဆိုရင်ကြီးကျယ်စွာအောင်မြင်ရ တတ်ပါတယ်။ လူယုံတွေရဲ့စကားကိုမယုံသင့်ပါ။ သူများ တိုက်တွန်းလို့လုပ်ကိုင် ဆောင်ရွက်လိုက်တဲ့ကိစ္စမှန်သမျှ အဆင်မပြေနိုင်ဘူးဆိုတာတော့သိထားစေချင်ပါတယ်။ သား သမီး အတွက်ပူပန်ရတာ၊ ကြောင့််ကြရတာမျိုးတွေလဲ ဖြစ်ရတတ်ပါတယ်။ လူမှုရေးကိစ္စကြောင့် ငွေထွက်ရတတ်ပါ တယ်။ ပညာရပ်အသစ်များ စတင်သင်ယူရပါလိမ့်မယ်။ online ကနေပညာတွေရတတ်တဲ့ နေ့ရက်လဲဖြစ်ပါတယ်။
ဆရာငြိမ်းအေးလူ(ဗေဒင်သုတေသီ)
09775555695
