Nyein Aye Lu – Page 82 – Sayar Nyein Aye Lu

ဗေဒင် Pageနဲ့ သင့်တော်တဲ့ ဆောင်းပါးလေးတစ်ပုဒ် shareလိုက်ပါတယ်ဗျ ဗေဒင်ပညာ ဘာလဲ?

ယနေ့အဖို့ ဗေဒင်ပညာအပေါ်တွင် လူအများစု အမြင်လွဲမှားနေမှုကို ရှင်းပြလိုပါသည်။ ဗေဒင်ပညာသည် လူ့ယဉ်ကျေးမှု မပေါ်ပေါက်ခင်ကတည်းက (ပုံစံအမျိုးမျိုးဖြင့်) ရှိနေခဲ့သည် ပညာတစ်ခုဖြစ်သည်။ ကမ္ဘာပေါ်တွင် ကိုးကွယ်နေကြသည့် ဘာသာတရားအားလုံးထက် စော၍ ပေါ်ပေါက်ခဲ့ခြင်းလည်း ဖြစ်သည်။ ယနေ့ ကွန်ပျူတာ သိပ္ပံခေတ်၊ နည်းပညာခေတ်သို့ ရောက်သည့်တိုင်အောင် ဗေဒင်ပညာကို ကမ္ဘာ့လူဦးရေ သန်းပေါင်းများစွာက ယုံကြည်လျှက် ရှိနေသေး ပေသည်။

.
မိမိသည် ဗေဒင်ပညာကို ယုံကြည်ပါသည်ဟု ပွင့်ပွင့်လင်းလင်း ဝန်ခံသူ ရှိသလို ဗေဒင်ကိုယုံလျှင် ရှက်စရာတစ်ခုဟု ယူဆပြီး ပွင့်ပွင့်လင်းလင်း ဝန်မခံသော ယုံကြည်သူများလည်း ရှိပေသည်။ သုတေသန စစ်တမ်းများအရ ပွင့်ပွင့်လင်းလင်း ဝန်မခံသော ယုံကြည်သူဦးရေက ပို၍ များပြားသည် ဟု သိရသည်။

.

ဗေဒင်ပညာကို မယုံကြည်သော သူများကိုပင် လေ့လာကြည့်လျှင် (၂)မျိုး(၂)စား တွေ့ရတတ်သည်။ ပထမ တစ်မျိုးမှာ မွေးဖွားလာသည်မှ သေဆုံးချိန်အထိ လုံးဝ ယုံကြည်မှု မရှိသူများဖြစ်သည်။ ဗေဒင်ပညာနှင့် လားလားမှ မသက်ဆိုင်သူများ ဖြစ်ကြသည်။ မည်သည့် ဘဝလောကဓံမျိုးကို ရင်ဆိုင်ရသည်ဖြစ်စေ ဗေဒင်ပညာကို အားကိုးမရှာတတ်သော လူမျိုး ဖြစ်သည်။ (အရေအတွက် အလွန်နည်းလွန်းလှသည်)

ဒုတိယ တစ်မျိုးမှာ ဗေဒင် “အခြေအနေ ၊ အချိန်အခါ အလျှောက်” ယုံကြည်ကြ သူများဖြစ်သည်။ မိမိတွင် အစစ အရာရာ အဆင်ပြေနေပြီး ပန်းခင်းသော လမ်းကို လျှောက်လမ်းနေရသော အချိန်မျိုးတွင် ဗေဒင်ပညာကို မယုံကြည်ချေ။ မိမိ မယုံကြည်ကြောင်းကိုလည်း လူသိရှင်ကြား ထုတ်ဖော် ပြောဆို တတ်ကြသည်။ အချို့သော ယုံကြည်သူများကိုပင် ကဲ့ရဲ့ လှောင်ပြောင် တတ်ကြသေးသည်။ သို့သော် ထိုသူသည် ရုတ်တရက် ထင်မှတ်မထားသော ဘဝလောကဓံကြီးတစ်ခု ကျရောက်လာပြီး စီးပွားပျက်သွားခြင်း ၊ အိမ်ထောင်ပျက်သွားခြင်း (သို့) သေလောက်သော ရောဂါကြီးတစ်ခု စွဲကပ် ခံရခြင်းမျိုးနှင့် ကြုံတွေ့လာရချိန်တွင်မူ ဗေဒင်ပညာကို (ဒုတိယ ဘုရားသခင်သဖွယ်) ယုံကြည်ကိုးစား လာတတ်ကြသော လူစားမျိုးလည်း ရှိပေသေးသည်။ (အရေအတွက် ပိုများသည်)

.
ဗေဒင်ပညာကို ဘာကြောင့် ယုံကြည်ကြသလဲ?

.လူတွေ ဘာကြောင့် ဗေဒင်ပညာကို ယုံကြည်ကြသလဲ? ။ ဘာကြောင့် ဗေဒင်ပညာကို အားကိုးကြသလဲ ဟူသည့် အချက်ကို ဆန်းစစ်ကြည့်ကြ ပါစို့။ လူတွေ ဘာကြောင့် ဗေဒင်ကို ယုံကြည်ကြပါသလဲ?။

.

လွန်ခဲ့သော နှစ် (၂)သန်းကျော် “ကျောက်ခေတ်” ကာလမှသည် ယနေ့ခေတ် (ကွန်ပျူတာ သိပ္ပံခေတ်) တိုင်အောင် လူသားများ၏ မြင့်မားသော အသိဉာဏ်ပညာဖြင့် မဖြေရှင်းနိုင်သော ပြဿနာကြီး တစ်ခု တည်ရှိနေပေသည်။ ထိုပြဿနာ မှာ “အနာဂါတ်” ပြဿနာပင် ဖြစ်လေသည်။ လူသားသည် ထက်မြက်သော သိပ္ပံပညာဖြင့် – ကမ္ဘာလောကကြီး တစ်ခုလုံး၏ လျှို့ဝှက်ချက်များကို  တစ်ခုပြီးတစ်ခု ရှာဖွေဖေါ်ထုတ် နိုင်ခဲ့သော်လည်း “လူတစ်ယောက်၏ အနာဂါတ်” ကို သိပ္ပံပညာဖြင့် ဖော်ထုတ်နိုင်စွမ်းမှာမူ ယနေ့တိုင် ချို့တဲ့အားနည်းလျှက် ရှိပေသေးသည်။

.

ယနေ့ခေတ် အစွမ်းထက်လှသော သိပ္ပံပညာဖြင့် သဘာဝဘေးအန္တရာယ် အချို့ကို ကြိုတင်ခန့်မှန်းလာနိုင်ကြပြီ။ လူတစ်ယောက်တွင် မည်သည့် ရောဂါများ ဖြစ်ပွားလာနိုင်ချေ ရှိသည် ခန့်မှန်းလာနိုင်ကြပြီ။ သို့သော် သိပ္ပံပညာသည် လူတစ်ယောက် မနက်ဖြန် ဘာဖြစ်မည် ဆိုသည်ကိုမူ မပြောနိုင်ကြသေးချေ။ မနက်ဖြန်သည် မနေ့ကကဲ့သို့ ပုံမှန်အတိုင်းလည်း ဖြစ်နိုင်သည်။ သို့မဟုတ် အပြောင်းအလဲကြီး တစ်ခုလည်း ဖြစ်သွားနိုင်သည်။ ကျန်းမာရေး၊ စီးပွားရေး ၊ လူမှုရေး အိမ်ထောင်ရေးများ အကြီးအကျယ် ပြောင်းလဲမှု ဖြစ်နိုင်သည်။ နောက်ဆုံး မနက်ဖြန်တွင် သင် (အကောင်းပကတိမှ) ကွယ်လွန်သွားနိုင်သည်။ သို့သော် သင်လည်း မသိ။ မည်သည့် သိပ္ပံပညာ ကမှလည်း မသိ။

.

ခက်သည်က လူသား အားလုံးနီးပါးလောက် ကိုယ့်အနာဂါတ်ကို ကိုယ်သိလိုကြသည်။ ကိုယ့်ဘဝမှာ ဘယ်အဆင့် အတန်းနဲ့ နေရမလဲ။ ချမ်းသာမှာလား၊ ဆင်းရဲမှာလား။ တန်ခိုးသြဇာကြီးသူ ဖြစ်မလား ၊ သာမန်လူဘဲ ဖြစ်မလား။  ဘာအလုပ် လုပ်ရမလဲ။ နာမည်ကျော်ကြား မှာလား။ ကိုယ်နဲ့ အိမ်ထောင်ကျမယ့် ဖူးစာရှင်က ဘယ်သူလဲ။ အိမ်ထောင်ရေး ကံကောင်း မှာလား။ အိမ်ထောင် ဘယ်နှစ်ဆက် ကျမလဲ။ ကိုယ့်မှာ ဘာရောဂါတွေဖြစ်နိုင်လဲ။ အသက်ရှည်မှာလား ။ နောက်နှစ်မှာ ကံကောင်းမလား . . . စသည့် စသည့် အနာဂါတ်မေးခွန်း တစ်သောင်းခြောက်ထောင်သည် လူသားတိုင်း၏ ရင်ထဲတွင် အမြဲလို ရှိနေတတ် ကြပေသည်။

.

ထိုမေးခွန်းများကို (အနီးစပ်ဆုံး) ဖြေရှင်းပေးနိုင်သည့် ပညာရပ်ကား ဗေဒင်ပညာပင် ဖြစ်လေသည်။ သို့သော် ဗေဒင်ပညာ သည် ခြောက်ပစ်ကင်း သဲလဲစင် ကား မဟုတ်ချေ။ လူတိုင်း၏ အနာဂါတ်ကို အမြဲတစေ ဖြေရှင်းပေးနိုင်သည်ကား မဟုတ်။ ဆရာဝန်တစ်ယောက်သည် လူနာတစ်ယောက်ကို ရောဂါနာမည် အတပ်မှားပြီး ဆေးကုမိသကဲ့သို့ ဗေဒင်ပညာ၏ အနာဂါတ် ဆိုင်ရာ ဟောကြားချက်များသည်လည်း လွဲမှားသည့်အခါ လွဲမှားပေမည်။ အချို့ကိစ္စများတွင် တက်တက်စင် အောင် လွဲမှားသည်လည်း ရှိပေသည်။

.

သို့သော် “အနူတော၊ လူချော” ဆိုသည့် စကားလိုပင် လူသားတို့၏ “အနာဂါတ်” ကို တိတိကျကျ ခန့်မှန်းနိုင်သည့် “သိပ္ပံပညာ” ဟူ၍ မပေါ်ပေါက်သေးသမျှ ကာလပတ်လုံး “ဗေဒင်ပညာ” သည် လူသားအားလုံး၏ ယုံကြည်ရာ/ အားကိုးရာတစ်ခု ဖြစ်မြဲ ဖြစ်နေဦးမည်သာတည်း။

ထိုသို့ ဗေဒင်ပညာသည် လူသားတို့၏ အနာဂါတ်ကို တစ်စိတ်တစ်ပိုင်း ဖြေရှင်းပေးနိုင်သည်မှာ မှန်သော်လည်း “လုံးဝ ဥဿုံ” ဆိုသည့် အဆင့်ရှိသည့် ပညာရပ် တစ်ခုမဟုတ်သည်ကို ဗေဒင်ယုံကြည်သူများ နားလည် သဘောပေါက် သင့်ပေသည်။ ဗေဒင်ပညာရှင်များဘက်ကမှလည်း လူတိုင်း၏ အနာဂါတ်ကို “ဗွီဒီယို” ကြည့်နေရသည့်အလား ကွင်းကွင်း ကွက်ကွက် ဖော်ပြပေးနိုင်သည် ဟူသော လှိမ့်လုံးကြွားလုံးများဖြင့် လိမ်ညာလှည့်ဖျားနေမှု များကို မလုပ်သင့် မလုပ်အပ်ပါချေ။ အခြားသူများအား ဗွီဒီယိုမပြမှီ မိမိအနာဂါတ်ကို အရင် ဗီဒိယို ပြကြည့်ပါဦးဟု ပြောလိုက်ချင်ပါသည်။

.

အကြင် ဆရာတစ်ဦးသည် – မနက်ဖြန်(သို့) နောက်နှစ်တွင် မိမိကိုယ်တိုင် ဘာဖြစ်မည်ကို (တပ်အပ်)မသိဘဲနှင့် အခြားသူများ၏ အနာဂါတ်ကို “အပိုင်သိသည်” ဆိုသည်မှာ ဖြစ်နိုင်/မဖြစ်နိုင် မိမိအသိဉာဏ်ဖြင့်သာ စဉ်းစားကြည့် ကြပါကုန်။ အကြမ်းဖျဉ်း/ခပ်ရေးရေးတော့ သိပါသည်ဆိုလျှင် ရိုးသားဖြောင့်မတ်ရာ ရောက်ပေမည်။

.
ဘုရားမႀကိဳက္တဲ့ ထိုပညာ

.
ဗေဒင်ပညာကို ဗုဒ္ဓဘုရားရှင် အပါအဝင် ၊ ကမ္ဘာ့ ဘာသာတရားကြီးများကို တည်ထောင်ခဲ့သူ အားလုံးက မကြိုက်ပါ။ ဘာသာတရားအားလုံးလိုလိုပင် ဗေဒင်ပညာကို ဆန့်ကျင်ကြသည်။ တားမြစ်ကြသည်။ သို့သော် မည်သည့် အကြောင်းကြောင့် တားမြစ်သည်ကို မစူးစမ်းဘဲ “ဘုရားမကြိုက်၊ ငါမကြိုက်” ဟူသည့်ထုံးကို နှလုံးမူပြီး ဗေဒင်ပညာကို ဆန့်ကျင် နေကြသူအား စကားအနည်းငယ် ပြောလိုပါသည်။

.

ဗုဒ္ဓဘာသာကိုပင် မူတည်ပြီး ပြောပြပါမည်။ “ဂင်္ဂါဝါဠု သဲစုမက” ပွင့်ခဲ့ပြီးသော ဘုရားအဆူဆူမှန်သမျှသည် “အနာဂတံသ” တည်းဟူသော ဉာဏ်တော်ကြီးကို အပြီးတိုင် ရရှိပြီးသည့် ပုဂ္ဂိုလ်ထူးကြီးများသာ ဖြစ်ကြပေသည်။ ဘုရားရှင်တို့ မည်သည် သတ္တဝါအားလုံး၏ အနာဂါတ်ကိုသော်၎င်း ၊ မိမိကိုယ်တော်တိုင်၏ အနာဂါတ်ကိုသော်၎င်း အကြွင်းမဲ့ သိမြင်ထား ခဲ့ကြပြီးလေပြီ။ သိသည်မှ တစ်ဘဝ နှစ်ဘဝမျှသာ မဟုတ်။ ဘဝပေါင်း အသချေင်္ ၊ အသချင်္ာ ထိအောင် သိတော် မူကြပေသည်။

.

ထို့ကြောင့်ပင် “ဒီပင်္ကရာဘုရားရှင်”သည် “သုမေဓာ” ရှင်ရသေ့အား ယခုကာလမှ နောင် “လေးသချေင်္နှင့် ကမ္ဘာတစ်သိန်း” မြောက်လျှင် “ဘဒ္ဒကမ္ဘာ”၌ “ဂေါတမ” အမည်ဖြင့် ဘုရားဖြစ်လတ္တံဟု ဗျာဒိတ်ပေးခဲ့ခြင်း ဖြစ်သည် မဟုတ်လော။ ထို “ဂေါတမ” ဘုရားရှင်သည်ပင် သာသနာတော်သို့ ဝင်ရောက်လာသော “ဒေဝဒတ်” အား “တစ်ချိန်တွင် ငါဘုရား၏ အသက်ကို လုပ်ကြံမည့်သူ” ဟု ကြိုတင်ပြောဆို ခဲ့သည် မဟုတ်လော။  ပရိနိဗ္ဗာန် ပြုရမည့် အချိန်ကိုလည်း ကြိုတင်မိန့်ကြားခဲ့သည် မဟုတ်လော။ စုန္ဒ၏ ဝက်ပျိုသားကို မစားမီကပင် ဤဝက်ပျိုသားကို စားပြီးလျှင် ငါ,ဘုရားရှင်သည် ဝမ်းတော်လား၍ ပရိနိဗ္ဗာန်ပြုရမည့်အကြောင်းကို ညီတော်အာနန္ဒာအား  ကြိုတင် မိန့်ကြားခဲ့သည် မဟုတ်လော။

.

မဟာဗုဒ္ဓဝင်ကို လေ့လာကြည့်လျှင် ထိုသို့ မြတ်ဗုဒ္ဓသည် အခါအားလျှော်စွာ “အနာဂတံသ” ဉာဏ်တော်ကြီးဖြင့် ကြိုတင် ဟောပြောခဲ့မှုကို အများအပြား တွေ့ရမည် ဖြစ်ပေသည်။ ထိုသို့ အနာဂါတ်ကို ကိုယ်တော်တိုင်လည်း သိမြင် ၊ အခြားသူများအားလည်း အခါအားလျှော်စွာ ပြောကြားခဲ့ပါလျှက်နှင့် “ဗေဒင်ပညာ” အပါအဝင် “အနာဂါတ်ကို ဟောပြော သည့် ပညာရပ်များ” ကို ဘုရား မကြိုက်ခဲ့သည်မှာ ဘာကြောင့်ပါလဲ?

.

“ပုထုဇဉ်များအတွက် အကျိုးမရှိခြင်း/မသင့်မြတ်ခြင်းကြောင့် ဖြစ်ပါသည်”

ဘုရားရှင် အဆူဆူတို့သည် အနာဂါတ်ကို သိမြင်ကြသူများ ဖြစ်ကြသော်လည်း အနာဂါတ် ဟောကိန်းထုတ်ခြင်းကို  အားမပေးခဲ့ခြင်းမှာ ပုထုဇဉ်များ၏ အကြောင်းကို ကောင်းစွာ သိရှိထားသောကြောင့် ဖြစ်ပါသည်။ ပုထုဇဉ်တို့မည်သည် လောကဓံ အဆိုးတရားများအား “လုံးဝ ခံနိုင်ရည်မရှိကြောင်း” ကို ဘုရားရှင်တို့ သိမြင်ကြခြင်းကြောင့် ဖြစ်ပါသည်။ ပုထုဇဉ်လူသားများသည် အရိယာများနှင့် လုံးဝ မနှိုင်းယှဉ်နိုင်ပါ။ လောကဓံကို ခံနိုင်ရည် မရှိကြပါ။ အကောင်း လောကဓံကိုသာ ကြုံချင်ပါသည်။ အဆိုး လောကဓံကို လားလားမျှ မကြံုဆုံလိုပါ။ အဆိုးကို အိပ်မက်ပင် မမက်လိုပါ။ အဆိုးကို ရှောင်၍ အကောင်းကိုသာ ကွက်ပြီး ရယူပိုင်ဆိုင်လိုသည်။

.

ဗေဒင်ဆရာထံတွင် ဗေဒင်မေးကြသည်မှာလည်း ကံကြမ္မာအကောင်းကို ဟောကြား စေလိုခြင်းကြောင့် မေးမြန်းကြ ခြင်းသာ ဖြစ်ပေသည်။ နာမည်ကျော် ဗေဒင်ဆရာကြီး တစ်ဦး ပြောကြားခဲ့သလို “ဗေဒင်ဆရာဆီမှာ ဗေဒင်မေးကြ သူများဟာ – ကျွန်တော်/ကျွန်မ ဘယ်တော့ ချမ်းသာမလဲ၊ ထီပေါက်မလဲ ၊ ရာထူး တက်မလဲ ၊ အိမ်ခြံကား ဝယ်နိုင်မလဲ ၊ အိမ်ထောင်ကျ မလဲ” စသည်ဖြင့်သာ မေးမြန်းကြလေ့ရှိပြီး . . . . ကျွန်တော်/ကျွန်မ ဘယ်တော့ မွဲမလဲ ၊ ဘယ်တော့ အလုပ်ပြုတ်မလဲ ၊ ဘယ်တော့ အိမ်ထောင်ကွဲမလဲ ၊ ဘယ်တော့ ထောင်ကျမလဲ ၊ ဘယ်တော့ ဆေးရုံတက်ရမလဲ ၊ ဘယ်တော့ သေမလဲ” ဟု လုံးဝမေးမြန်းလေ့ မရှိကြောင်း “ရယ်စရာ တစ်ခုအနေဖြင့်” ပြောခဲ့ဘူးသည်။ ပုထုဇဉ်တို့၏ စရိုက်ဖြစ်ပေသတည်း။

.

အရိယာတို့မှာမူ အနာဂါတ်သည် ကောင်းလည်း မထူးခြား/ဆိုးလည်း မထူးခြား တော့ပြီ။ ကောင်းစရာ ရှိလျှင်လည်း စံစားလိုစိတ် မရှိကြတော့ပြီ။ ဆိုးစရာ ရှှိလျှင်လည်း မတုန်လှုပ်တော့ပြီ။ “မိမိစိုက်ပျိုးခဲ့သမျှကို မိမိပြန်လည် ရိတ်သိမ်းရသည့်” “ဓမ္မဥပဒေ” ကို အကြွင်းမဲ့ ခံယူပြီးကြသူများဖြစ်၍ အရိယာတို့အတွက် အနာဂါတ် ဆိုသည်မှာ ပြဿနာတစ်ခု မဟုတ်တော့ပြီ။

.

ပုထုဇဉ်လူသားများမှာမူ ထိုသို့သော ခံယူချက်မျိုး မထားနိုင်သေးပါ။ အဆိုးလောကဓံအကြောင်းကို ကြားလိုက်ရသည် နှင့်ပင် တုန်လှုပ်ကြချေပြီ။ ထိတ်လန့်ကြချေပြီ။ ထိုကဲ့သို့သော ပုထုဇဉ်တို့၏ စိတ်ထားမျိုးဖြင့် အနာဂါတ်ကို ကြိုသိခြင်းမှာ အကျိုးထက် အပြစ်ဖြစ်ဖို့သာ ရှိသောကြောင့် ဘုရားရှင် တို့သည် အမျှော်အမြင်ကြီးစွာဖြင့် တားမြစ်ကြခြင်းသာ ဖြစ်ကြပေသည်။ ပညာရပ်သည် နိမ့်ကျသောကြောင့်၎င်း ၊ ညံ့ဖျင်းသောကြောင့်၎င်း ၊ အောက်တန်းကျ သောကြောင့်၎င်း အလျှဉ်း မဟုတ်ချေ။ ဘုရားရှင်တို့သည်ပင်လျှင် သတ္တဝါတို့ ကျွတ်တမ်းဝင်ရေးနှင့် ပက်သတ်လာလျှင် “အနာဂါတ်ကိုသော်၎င်း  ၊ အတိတ်ကိုသော်၎င်း” အခါအားလျှော်စွာ ဟောပြောညွှန်ပြရသည် မဟုတ်တုံလော။

.
အသံုးခ်ပညာရပ္တစ္ခု ျဖစ္ႏိုင္သေလာ?

.

ကျွန်ုပ်၏ ယုံကြည်ချက်အရ ဆိုရလျှင် – ဘုရားအဆူဆူတို့၏ “ဆုံးမသြဝါဒ” စကားတို့သည် လုံးဝ မှန်ကန် သင့်မြတ်ပါ၏။ မိမိတို့၏ အနာဂါတ်ကို သိအောင် မကြိုးပမ်းတော့ခြင်း သည်သာ အကောင်းဆုံးဖြစ်သည်ဟု အမှန်ပင် ယုံကြည်ပါ၏။ သို့သော် ပုထုဇဉ် ဆိုသည်မှာကား ပုထုဇဉ်သာလျှင် ဖြစ်ပေသည်။ “မရတာကိုမှ လိုချင်သည်” “မဖြစ်နိုင်တာကိုမှ တမ်းတသည်” “ဖုံးကွယ်ထားသည့်အရာကိုမှ မြင်ချင်သည်” “ပိတ်ပင်ထားသည့်အရာကိုမှ ကျူးလွန်လိုသည်” “မကောင်းပါဘူး ဆိုသည်ကိုမှ မြီးစမ်းကြည့်ချင်သည်” “မသိချင်ပါနှင့်ဟု တားဆီးထားသည့် အရာကိုမှ သိလိုသည်” ၊ ပုထုဇဉ် အမိုက်အမဲတို့၏ သဘာဝ ဖြစ်ပေသတည်း။

ထို့ကြောင့် (ကျွန်ုပ်အပါအဝင်) လူများစုသည် မည်သည့်ဘုရား မကြိုက်သည်ဖြစ်စေ “မိမိ၏ အနာဂါတ်” ကို သိလိုစိတ် ပြင်းပြမြဲ ပြင်းပြနေကြမည်သာပင်။

.

တကယ်တော့ ဗေဒင်ပညာကို လက်တွေ့ အသုံးချပညာအဖြစ် အသုံးချတတ်လျှင် ချလို့ရပါသည်။ ဗေဒင်ပညာ ဟူသည်မှာ “မိုးလေဝဿ နှင့် ဇလဗေဒ” ပညာရပ်နှင့် အလားသဏ္ဍန် တူပါသည်။ မနက်ဖြန် မိုးရွာရန် ရာနှုန်း (၈၀)% ရှိသည်ဟု ဆိုလျှင် သင် ဘာလုပ်မည်နည်း။ မိုးမရွာအောင် ဂါထာ မန္တယားများ ရွတ်ဖတ်မည်လော။ သို့မဟုတ် “မိုးနတ်မင်း” ကြီးထံ မိုးမရွာပါစေနှင့်ဟု ဒူးထောက် ဆုတောင်းမည်လော။

အကောင်းဆုံး/လက်တွေ့အကျဆုံးမှာ ထီး/မိုးကာ များ ဆောင်ယူသွားခြင်းဖြစ်သည်။ ထီးပါလျှင် မိုးစို သက်သာမည်။ ထီးမယူလျှင် မိုးမိမည်။ သို့သော် ရာနှုန်း(၈၀)% ဆိုပြီး မရွာသည့် အခါလည်း ရှိသည်။ နေရာကွက်ပြီး ရွာသည်လည်း ရှိသည်။ သို့သော် ထီးယူသွားခြင်းက မမှားနိုင်ပါ။

.

ထို့အတူ ဗေဒင်ပညာအရ ရှေ့နှစ်တွင် သင့် ကျန်းမာရေး အခြေအနေကို ဆိုးရွားဖွယ် ရှိသည်ကို ကြိုတင်သိရလျှင် – သင်သည် အစားအသောက်၊ အနေအထိုင် များကို ဆင်ခြင်နိုင်လိမ့်မည်။ ကျန်းမာရေးကို ပိုမိုဂရုစိုက်လာနိုင်သည်။ ကျန်းမာရေး စစ်ဆေးမှုများကို ကြိုကြိုတင်တင် ပြုလုပ်နိုင်သည်။ ကိုယ်နှင့် မတည့်သည့် အစားအစာများကို ရှောင်ဖို့ အခွင့်အလမ်းပိုရလာမည်။ ဘာသာတရားကို ပိုလုပ်ဖြစ်လာနိုင်သည်။ ကုသိုလ် ပွားများပြီး အကုသိုလ် များမည့် ကိစ္စများကို ရှောင်ကျဉ်လာနိုင်ပေသည်။

.

ကံကောင်းလျှင် ကံကြမ္မာ ကွက်ကျားမိုး ဖြစ်သွားသောကြောင့် သင်လွတ်သွားနိုင်သည်။ သို့မဟုတ် ကျန်းမာရေး အကာအကွယ် (ထီး/မိုးကာများ) ကြိုတင် ဆောင်ထားသောကြောင့် ကံကြမ္မာမိုး ရွှဲနစ်နေမည့် ရန်မှ လျော့ပါး သွားနိုင်သည်။

ထို့ကြောင့် “အသုံးချဗေဒင်ပညာ” ဆိုသည်မှာ ကံကြမ္မာမိုးကို မရွာအောင် တားဆီးသော ပညာမဟုတ်။ တကယ် ရွာမည့်မိုးကို မည်သူမျှ မတားဆီးနိုင်ပါ။ ဖြစ်ရမည်မှာ ဗေဒင်ပညာဖြင့် ကံကြမ္မာမိုးရွာမည့် အချိန်ကို (အကြမ်းဖျဉ်း) သိအောင်အားထုတ်ပြီး ထီး/မိုးကာ တို့ဖြင့် အကာအကွယ်ပြုရန် အားထုတ်သည့် ပညာသာ ဖြစ်သင့်ပေသည်။

.

ထိုသို့ အကာအကွယ် ယူထားပါလျှက်နှင့် နေရာကွက်ပြီး မိုးသက်မုန်တိုင်း ကြီးခြင်းမျိုးနှင့် ရုတ်တရက်ကြုံဆုံရခြင်းလည်း ရှိနိုင်သည်။ ထီး/မိုးကာ ယူဆောင်သွားပြီး အကာအကွယ် ပြုပါလျှက် မိုးအကြီးအကျယ် ရွှဲရွှဲစိုသွားခြင်းမျိုးလည်း ရှိလိမ့်မည်။

ထိုနည်းတူ ဗေဒင်ပညာဖြင့် အနာဂါတ်ကို ခန့်မှန်းထားပြီး အဆိုးကို ကာကွယ်ရန် ကြိုးစားအားထုတ်သည့်ကြားမှ ကံကြမ္မာဆိုးကို ရှောင်မလွတ်နိုင်သည်လည်း ရှိနိုင်သည်။ ဤသည်မှာ သင်၏ ရှောင်လွှဲ၍ မရသော အတိတ်ကံ ကြောင့် ဖြစ်ပေသည်။ ထိုသို့ ကြုံလာလျှင်မူ ထိုကံကြမ္မာအတိုင်း လက်သင့်ခံ လိုက်ရုံမှတစ်ပါး အခြားမရှိပြီ။

.

ဤသည်မှာ ဗေဒင်ပညာကို မစွန့်လွှတ်နိုင်သော လူသားတစ်ဦးဖြစ်သည့် (ကျွန်ုပ်၏) ခံယူချက် ၊ သဘောတရားမျှသာ ဖြစ်လေသည်။ သင်နှစ်သက်ပါက လိုက်နာနိုင်သည်။ မနှစ်သက်ပါက ဘုရားစကားအတိုင်း ဤပညာရပ်များကို မျက်ကွယ် ပြုလိုက်ရုံသာ ရှိသည်။ မည်သည့် ရွေးချယ်မှုကိုမှ တိုက်တွန်းမည် မဟုတ်ပါ။ သို့ရာတွင် သင့်အနေဖြင့် အနာဂါတ်ကို ကြိုတင်သိရှိလိုလျှင် အနာဂါတ်တွင် အရာအားလုံးသည် “အကောင်းချည်းသာ” ဖြစ်လိမ့်မည်ဟု မျှော်လင့်ချက်မျိုး မထားစေလိုပါ။ ထို့ပြင် – လုံးဝ ပြုပြင်၍ မရနိုင်သည့် ကံကြမ္မာ(အဆိုး)များနှင့် ကြုံလာလျှင် “ယောနိသော မနသီကာရ” တရားဖြင့် နှလုံးသွင်းတတ်အောင် ပြင်ဆင်ထားနိုင်သူ တစ်ဦးဖြစ်အောင် ကျင့်ရပေဦးမည်။

နောက်ဆုံး ပြောကြားလိုသည့်အချက်မှာ “ဗေဒင်ပညာသည် လူတို့၏ အနာဂါတ်ကို ခန့်မှန်းပြောကြားနိုင်သည့် ပညာဖြစ်သော်လည်း အနာဂါတ်လမ်းကြောင်း ကို ဖန်တီးပြုပြင်ပေးနိုင်သည့် ပညာရပ်ကား” (လုံးဝ, လုံးဝ) မဟုတ်ပါချေ။ ကံကို ခန့်မှန်းသည့် ပညာသာလျှင် ဖြစ်ပြီး ကံကို ပြုပြင်ပေးနိုင်သည့်ပညာ မဟုတ်ကြောင်း ပါခင်ဗျား။ သင့်အနေဖြင့် ဗေဒင်ပညာကို – ကံကြမ္မာကို ပြင်ဆင်ပေးနိုင်သည့် ပညာရပ်ကြီးတစ်ခုဟု ယုံကြည်မှု လွဲမှားနေပါက ဗေဒင်ပညာကို ခုတုံးလုပ်၍ ငွေရှာနေကြသော (ရိုက်စားခွင်ဖန်) ဆရာများ၏ ညွှတ်ကွင်းသို့ အနှေးနှင့်အမြန် သက်ဆင်းရမည် ဖြစ်ကြောင်းပါ ခင်ဗျား။

ဒေါက်တာတင်ဗိုလ်ဗိုလ် (ကွန်ပျူ-ဗေဒသုခုမ)

အီဂျစ်ခေတ်မှလောကီအဆောင်များ

By Nyein Aye Lu 0 Comments

  လွန်ခဲ့တဲ့ ၂ရက်လောက်က Gods of Egyptဆိုတဲ့ရုပ်ရှင်ကားကိုကြည့်လိုက်ရတော့ အဲဒီခေတ်က စပီး ယနေ.ကာလတိုင် အသုံးပြုနေကြတဲ့ လောကီအဆောင်လက်ဖွဲ.တွေအကြောင်းရေးချင်စိတ်
ပေါ်လာမိခဲ့တယ်။ အဆောင်တွေ အကြောင်းမရေးခင်မှာ ရုပ်ရှင်ဇာတ်လမ်းအကျဉ်းကိုပြောပြမှ အားလုံးနားလည်မှာပါ။ ကိုယ်တိုင်လဲအခွေဝယ်ကြည့်ကြပါ။ကျွန်တော်ကတော့လိုရင်းကိုပဲနားလည်အောင်ရေးမှာပါ။
 ဇာတ္လမ္းအက်ဥ္းက အီဂ်စ္ျပည္စတင္တည္ေထာင္ခ်ိန္ကအီဂ်စ္နတ္ဘုရားမ်ားက ဘုရင္အျဖစ္နဲ့လူသားမ်ား ကိုအုပ္ခ်ဳပ္ခဲ့ပါတယ္။(RA)ရားလ္လို.ေခၚတဲ့
နေနတ်ဘုရားရဲ.သားတော်၂ပါးဖြစ်တဲ့ (Osiris)အိုဆီးရစ်စ်နဲ.(Seth) ဆက်သ်ဆိုတဲ့ညီနောင်နတ်ဘုရား ၂ဦးဟာ အကိုဖြစ်သူအိုဆီးရစ်စ်ကဘုရင်အဖြစ်နဲ.
(သမ္မတဆိုပါတော့ဗျာ) တိုင်းပြည် ရဲ.စည်ပင်ရေး၊အုပ်ချုပ်ရေးအပိုင်းကိုတာဝန်ယူပြီးတော့။ညီဖြစ်တဲ့ဆက်သ်က စစ်သေနာပတိချုပ်(စစ်ဦးစီးချုပ်ပေါ့ဗျာ) အဖြစ်တိုင်းပြည်လုံခြုံရေးကာကွယ်ရေးအပိုင်းကိုတာဝန်ယူပါတယ်။
 ဘုရင်အိုဆီးရစ်စ်က သူ.ရဲ.သားတော်(Horus)ဟောရပ်စ်ကို ဘုရင့်နေရာဆက်ခံမယ့်အိမ်ရှေ.မင်းအဖြစ်တင် မြှောက်တဲ့ပွဲကို ညီတော်ဆက်သ်ကရောက်လာပြီးအကို ကိုသတ်ခါ၊တူဖြစ်သူဟောရပ်စ်နဲ.တိုက်ခိုက်ပြီး
အနိုင်ယူကာ အီဂျစ် ထီးနန်းကိုသိမ်းပိုက်ခဲ့ပါတယ်။အဲဒီတိုက်ပွဲမှာ ဟောရပ်စ်ဟာဦးရီးတော်ဆက်သ်ကိုရှုံးနိမ်.ပြီးမျက်စိ၂လုံးဖောက်ထုတ်ခံရပြီး အကျဉ်းချခံခဲ့ရပါတယ်။သူတို့၂ဦးရဲ.တိုက်ပွဲဟာ အီဂျစ်ခေတ်ရဲ.အပြင်းထန်ဆုံးတိုက်ပွဲလို.သမိုင်းကဆိုပါတယ်။နောက်ပိုင်း မှာတော့ဟောရပ်စ်ကသူ.မျက်လုံးတွေပြန်ရ၊
နန်းကိုပြန်သိမ်း ဘာညာဘာညာပေါ့ဗျာ။ကျွန်တော်အဓိကရေးချင်တာက အဲဒီ နတ်ဘုရားဟောရပ်စ်ရဲ.မျက်လုံးတွေအကြောင်းပါပဲ။
 (Eyes of Horus)ဟောရပ်စ်မျက်လုံးကို အဆောင်လက်ဖွဲ.အဖြစ်နဲ. လောကီပညာရှင်များဟာအီဂျစ်ခေတ်မှ ယခုကာလတိုင်အသုံးပြုခဲ့ကြပါတယ်။ကံကောင်းစေရန်၊လာဘ်လာဘပွင့်စေရန်၊အကာအကွယ်အဖြစ်လည်း
အသုံးပြုပါ တယ်။

ဟောရပ်စ်မျက်လုံးတို.၏အစွမ်း

 ဟောရပ်စ်မျက်လုံးပုံများကို အဆောင်အဖြစ်ဆောင်ယူခြင်းဖြင့် ရှင်သန်မှုအသစ်၊သွေးသစ်လောင်းခြင်း၊အင်အား ပြည့်စုံခြင်း အခက်အခဲအားလုံးကိုကျော်လွှားနိုင်ခြင်း ကံမြင့်မားခြင်း အလိုပြည့်စုံခြင်းများဖြစ်ပေါ်စေတယ်လို.ဆိုပါတယ်။

 ညာဘက်မျက်လုံးပုံကိုဆောင်ယူခြင်းဖြင့် ဖြစ်လာမည့်ကိစ္စရပ်များကိုကြိုတင်ခန်.မှန်းနိုင်ခြင်း၊မိမိ၏ ဆုံးဖြတ်မှုများ မှန်ကန်ခြင်း စသည်တို.ကိုဖြစ်ပေါ်စေနိုင်ပါတယ်။

 ဘယ်ဘက်မျက်လုံးပုံကို ဆောင်ခြင်းဖြင့် မမြင်မတွေ.နိုင်သောဘေးရန်အန္တရာယ်များကို ကာကွယ်နိုင်စွမ်းရှိ သည်။ဆိုးသောဖြစ်ရပ်များကိုရှောင်ရှားနိုင်စွမ်းရှိသည်။

နေ.သားအလိုက်ဆောင်ယူရမည့်အချိန်များကိုဖော်ပြလိုက်ပါတယ် လူသားအားလုံးအောင်မြင်ပျော်ရွှင်သောဘဝကိုပိုင်ဆိုင် နိုင်ပါစေလို.ဆုတောင်းမေတ္တာပို.သလိုက်ပါတယ်ခင်ဗျာ။

ညာဘက်မျက်လုံးအတွက်

နေ.သား စတင်ဆောင်ယူရမည့်ကာလ

တနင်္ဂနွေ မွေးနေ.မနက်(၈း၂၄ မှ ၁ဝး၄၈)ကြား

တနင်္လာ မွေးနေ.မနက်(၆းဝဝ မှ ၈း၂၄)ကြား

အင်္ဂါ မွေးနေ.မနက်(၈း၂၄ မှ ၁ဝး၄၈)ကြား

ဗုဒ္ဓဟူး မွေးနေ.မနက်(၁ဝး၄၈ မှ ၁း၁၂)ကြား

ရာဟု မွေးနေ.မနက်(၁ဝး၄၈ မှ ၁း၁၂)ကြား

ကြာသပတေး မွေးနေ.မနက်(၆းဝဝ မှ ၈း၂၄)ကြား 

သောကြာ မွေးနေ.နေ.လည်(၁း၁၂ မှ ၃း၃၆)ကြား

စနေ မွေးနေ.နေ.လည်(၃း၃၆ မှညနေ ၆းဝဝ)ကြား

ညာဘက်မျက်လုံးကိုထိုကာလအချိန်မှာစတင်ဆောင်ယူခြင်းဖြင့် လာဘ်လာဘပွင့်လန်းခြင်း၊ဝင်ငွေတိုးပွားခြင်းများဖြစ်ပေါ် နိုင်ပါတယ်။စျေးဆိုင်ပိုင်ရှင်များ ငွေသိမ်းအံဆွဲ ထဲထည့်ဆောင်ပါရောင်းအားတက်လာပါလိမ့်မယ်။ကုန်သည် ဝန်ထမ်းများက ပိုက်ဆံအိတ်တွင်းထည့်၍ဆောင်ထားနိုင်ပါတယ်။

ဘယ်ဘက်မျက်လုံးပုံကို

နေ.သား စတင်ဆောင်ယူရမည့်ကာလ

တနင်္ဂနွေ မွေးနေ.မနက်( ၆းဝဝ မှ ၈း၂၄)ကြား

တနင်္လာ မွေးနေ.ည(၁၀း၄၈ မှ ၁း၁၂)ကြား

အင်္ဂါ မွေးနေ.မနက်(၈း၂၄ မှ ၁ဝး၄၈)ကြား

ဗုဒ္ဓဟူး မွေးနေ.မနက်(၆းဝဝ မှ ၈း၂၄)ကြား

ရာဟု မွေးနေ.နေ.လည်(၁း၁၂ မှ ၃း၃၆)ကြား

ကြာသပတေး မွေးနေ.မနက်(၆းဝဝ မှ ၈း၂၄)ကြား 

သောကြာ မွေးနေ.ည(၈း၂၄ မှ ၁ဝး၄၈)ကြား

စနေ မွေးနေ.မနက်(၆းဝဝ မှ  ၈း၂၄)ကြား

ဘယ်ဘက်မျက်လုံးပုံကိုဆောင်ခြင်းဖြင့် အိမ်တွင်းရေး လူမှုရေး စီးပွားရေး များတွင်အညံ့အဆိုးများကင်းစင်ခြင်း၊ ကျန်းမာရေးကောင်းမွန်ခြင်းများဖြစ်ပေါ်စေပါတယ်။မျက်စိ၂လုံးစလုံးကိုဆောင်လို.ရသလို ၁လုံးခြင်းစီလည်းဆောင် လို.ရပါတယ်လို. တင်ပြလိုက်ပါတယ်။

မှတ်ချက်။ ။ဆရာစံဇာဏီဘို၏ လောကီအမှတ်သင်္ကေတများ ကိုမှီငြမ်းရေးသားပါသည်။

ပံု(၁)ကညာဘက္မ်က္လံုးပံု

ပုံ(၂)ကဘယ်ဘက်မျက်လုံးပုံ ဖြစ်ပါတယ်။

                                                Credit.H2H

နှစ်သစ်ကူးအတွေး

By Nyein Aye Lu 0 Comments

     သင်္ကြန်ကာလ…အများဆုံးကြားရတဲ့စကားက “စိတ်သစ်လူသစ်” ဆိုတဲ့စကားပါ။ 
အင်တာဗျူးတွေမှာလဲကြားရ၊
စာတွေမှာလဲဖတ်ရတာပေါ့  
“စိတ်သစ် လူသစ်နဲ့နှစ်သစ်ကို
ကြိုဆိုရအောင် “
ဆိုတာတွေ
“စိတ်သစ်လူသစ်နဲံ့ နှစ်သစ်ကစပြီးဖြတ်သန်းမယ်”
ဆိုတာတွေ   
“အဟောင်းတွေကိုစွန့်ပြီး စိတ်သစ်လူသစ်နဲ့ နှစ်သစ်မှာနေမယ်”စသည်ဖြင့်ပေါ့လေ……။

  စိတ္သစ္လူသစ္…..တဲ့။
စဉ်းစားကြည့်တယ်…စိတ်သစ်လူသစ်ဆိုတဲ့စကားကို။
စိတ်အသစ်ဆိုတော့ စိတ်အဟောင်းတွေ ပစ်ပယ်ရမယ်ပေါ့။ စိတ်အဟောင်းဆိုတာအတိတ်ဟောင်းပဲ။အတိတ်ကလုပ်ခဲ့တာတွေမေ့ရမှာလားမသိဘူး …အတိတ်ဆိုတာကြာရင်သမိုင်းဖြစ်တော့တာပဲ
     သမိုင်းတွေမမေ့ချင်ဘူး။အတိတ်ကိုပြန်ငဲ့ကြည့်ရင်နောင်တရစရာတစ်ခုမှတွေ့ရဘူး။အတိတ်ကိုမေ့ဖျောက်ရလောက်အောင်လဲ မယုတ်မာခဲ့ဘူးလေ။ 
အဲဒါကြောင့်  စိတ်အသစ်နဲ့မနေချင်ဘူး       
     စိတ်အဟောင်းလေးနဲ့ပဲနေပါရစေ….

    လူအသစ္ဆိုတာကေရာ…..
     ခန္ဓာကိုယ်မှာ ဟောင်းနေတာတွေကိုအသစ်လဲရမှာကိုဆိုလိုတာလားမသိဘူး။
ကိုယ်ကပိန်းတော့ သိပ်လဲမတွေးတတ်ဘူးလေ…

ကားတစ်စီးးဆို အင်ဂျင်အလုံးလိုက်လဲ ၊ဂီယာဘောက်အလုံးလိုက်လဲလို့ ရမယ်လေ ။
လူကတော့ SPARE PARTS ကလဲမရှိဘူးလေ၊

လက်ဟောင်းနေလို့ လဲမရ ။ 
ခြေထောက်ဟောင်းနေလို့ လဲမရ။
လူကတော့ အသစ်လဲလို့မရတာသေချာတယ်လေ

နှစ်သစ်ကလဲမကြာခင်ဟောင်းသွားပြန်ရော…

*****************************************

 စိတ်အဟောင်းလေးနဲ့ပဲ အကုသိုလ်တွေလျော့အောင်ကုသိုလ်တွေတိုးပွားအောင်လုပ်ရတော့မှာပဲလေ

ကိုယ်ကလဲငယ်ငယ်ကတည်းက အကုသိုလ်စိတ်သိပ်အားကြီးတဲ့သူလေ ။အထူးသဖြင့် ဣဿ မစ္ဆိရိယ အရမ်းများတာ။ ငယ်ငယ်ကတည်းက သူများ ကိုယ့်ထက်အမှတ်များရင် အဆင့်သာရင် လုံးဝမနာလိုဘူး။အဲဒီလူကိုကြည့်လို့ကိုမရဘူး။
     သူများချမ်းသာရင်လဲ  အိမ်ထဲပဲမီးတုတ်ပစ်ထည့်ချင်သလို ၊ စပါးကျီကိုပဲမီးသွားရှို့ချင်သလိုကိုဖြစ်နေတာ။
ကံကောင်းတာက စာဖတ်ဝါသနာပါတော့ တွေ့တဲ့စာအုပ်ဖတ်တာလေ….အဲဒါ ဘုရားရှင်ကို သိကြားမင်းလျှောက်တဲ့စကားလေး သွားတွေ့တယ်…
“ဘယ်အရာတွေက ကမ႓ာကြီးမငြိမ်းချမ်းစေတာလဲ” လို့သိကြားမင်းကမေးတော့ 
ဘုရားရှင်က  ဣဿ ၊မစ္ဆိရိယဆိုတဲ့ မနာလိုခြင်း ဝန်တိုခြင်းနှစ်ပါးကကြောင့် ကမ႓ာကြီးမငြိမ်းချမ်းတာ ၊စစ်တွေဖြစ်နေရတာ” လို့ ဘုရားရှင်က ပြန်ဖြေပါတယ်။

   ဣဿ၊မစ္ဆိရိယကြောင့် ဘဝများစွာ ငရဲကျပြီး အန္တိမ ဘဝ ရဟန္တာဖြစ်နေတာတောင်မှ နိဗ္ဗာန်စံဝင်ခါနီးမှ ဆွမ်းတစ်နပ်သာ ဝလင်အောင်စားသွားရတဲ့ ရဟန်းတစ်ပါးအကြောင်းတွေဖတ်ရတော့ 
ဣဿ ၊မစ္ဆိရိယနှစ်ပါးကို တတ်နိုင်သလောက် အသိတရား လက်ကိုင်ထားပြီးလျော့ချခဲ့ရတယ်။ ဆရာသမားတွေက မုဒိတာတရားလက်ကိုင်ထားဖို့ ဆုံးမတော့  သူများအဆင်ပြေချမ်းသာတာကို ဝမ်းသာဖို့ဆိုတဲ့မုဒိတာတရားဟာ တော်တော်မလွယ်ဘူးဆိုတာသိရတော့တယ်။
  အဲဒီကစပြီးအမြဲတမ်းအကုသိုလ်စေသသိတ်တွေဖြစ်ရင်
  ချရေးပြီး ဆင်ခြင်၊ အကုသိုလ် တွေရင်ထဲမမွေးတော့ဘူးလို့ သစ္စာပြုမိတယ်။ အခုလိုနှစ်သစ်ရောက်တိုင်းလဲမိမိ လုပ်ခဲ့အကုသိုလ်စိတ်အဟောင်းတွေဆေးကြောပြီး စိတ်အသစ်နဲ့ ကုသိုလ်အသစ်တွေတိုးပွားအောင်
ကုသိုလ်တရား ကိန်းပြီး အကုသိုလ်တရား လျော့ပါးအောင်လုပ်ရတာပဲလေ၊၊ ကိုယ်လုပ်မိတာတွေပြောတာနော် ။ 
      အခုလဲနှစ်သစ်မှာ စိတ်သစ်နဲ့နေမယ်ဆိုတဲ့သူတွေ ကုသိုလ်စိတ်အသစ်တွေက အကုသိုလ်စိတ်အဟောင်းတွေနေရာမှာ အစားထိုးကြပါ။  
   အဲလိုလေးဆင်ခြင်ပြီးနှစ်သစ်ကိုကြိုကြပါ။ ကြာလာရင် ဝိတိက္ကမ ကိလေသာတွေပယ်သတ်နိုင်ပါလိမ့်မယ်။ 
ပရိယုဋ္ဌာန ကိလေသာတွေကိုတော်ရုံ အာရုံတွေနဲ့တွေ့ရင်
မဖြစ်ပေါ်တော့ဘူးပေါ့။
    အနုသယ ကိလေသာကတော့ မဖြုတ်နိုင်သေးဘူးပေါ့ဗျ။

******************************************
    လူသစ်ဆိုတာကို  စဉ်းစားရအောင်…..
လူဆိုတာက ေမြးရာကႀကီးလာ ႀကီးရာကအို အိုရာကနာ 
နာရာကသေ ဆိုတာမျိုးက ဓမ္မတာပဲလေ
လူသစ်ဆိုတာ မွေးကင်းစကလေးကိုခေါ်မှပဲ ရမယ်ထင်တယ်။

တစ်ခုစဉ်းစားရမှာက ကိုယ့်ပယောဂကြောင့် ခန္ဓာကိုယ်ကြီး မြန်မြန်မပျက်စီးဖို့ကြိုးရမှာလေ။
ခန္ဓာကိုယ်ကြီးကိုတတ်နိုင်သလောက်သစ်နေအောင်ထားရမယ်ပေါ့
နားရႈပ္သြားလားမသိဘူး၊၊

ဥပမာ 
ဆိုင်ကယ်စီးရင် Halmetဆောင်းမယ်
ကားစီးရင် ခါးပတ်ပတ်ရမယ်ပေါ့။
အန္တရာယ်ရှိတဲ့လုပ်ငန်းခွင်တွေဆို P.P.E ဝတ်ဆင်ပေါ့ဗျ။

     ခန္ဓာကိုယ်ကို ဒုက္ခပေးမဲ့ ကွမ်း၊ဆေးလိပ် ၊အရက်၊
မူးယစ်ဆေးဝါး  မသုံးဘူးပေါ့ဗျ။ မိန်းမလိုက်စားဘူးဗျ

အဲဒါဆိုရင် ခန္ဓာကိုယ်ကြီးကအတိုင်းအတာတစ်ခုထိ သစ်နေတာပဲလေ ။ ခန္ဓာကိုယ်ကြီးကို သက်ညှာရာမရောက်ဘူးလား။ အဲဒါမှခန္ဓာကိုယ်ကြီးက တတ်နိုင်သလောက်သစ်နေမှာပါ။ ရိုရိုသေသေကိုင်တွယ်တဲ့ပစ္စည်း ရေရှည်ခံသလိုပေါ့ဗျ။

စိတ်သစ်လူသစ်ကို ကျွန်တော်ကတော့ အဲလိုတွေးတာပဲ

အကုသိုလ်စိတ်ဖြစ်နေတဲ့ စိတ်အဟောင်းကို ကုသိုလ်စိတ်အသစ်နဲ့လဲမယ်ဗျ

မိမိကြောင့်ပျက်စီးနေတဲ့ခန္ဓာကိုယ်ကိုမိမိအသိတရားနဲ့ထိန်းမယ်ဗျ
ခန္ဓာကိုယ်ဆိုတာ တစ်ခါပဲအသုံးပြုပြီးလွှတ်ပစ်တဲ့ တစ်ခါသုံးဘောပင်မှမဟုတ်တာ။ မသေခင်အချိန်ထိ တစ်သက်လုံးရိုရိုသေသေ ခိုင်းရမဲ့ခန္ဓာကြီးလေ….

   အဲဒီတော့  ….စဉ်းစားပေါ့ဗျ

ဘယ်လိုစိတ်သစ်လူသစ်နဲ့  နှစ်သစ်ကိုဖြတ်သန်းမလဲဆိုတာ …….။     ။

                   ငြိမ်းအေးလူ(ဗေဒင်သုတေသီ)

” အကုသိုလ်အလုပ် မလုပ်စေချင် “

By Nyein Aye Lu 0 Comments

 ဗေဒင်ပညာရပ်ကို လေ့လာလိုက်စားနေသူတစ်ယောက်
ဗေဒင်ပညာနဲ့ရပ်တည်နေသူတစ်ယောက်အနေနဲ့ ယတြာစီရင်ပေးရတဲ့အပိုင်းနဲ့က မလွတ်ကင်းတာမျိုးရှိပါသည်။ ဗေဒင်နဲ့ယတြာဆိုတာကလဲခွဲခြားလို့မရ၊အမြဲပူးတွဲပါနေသည်သာ…
    အဲဒီမှာပြောစရာတွေရှိလာပါပြီ။ကျွန်တော်အနေနဲ့ယတြာနဲ့ပက်သက်ပြီးအကုသိုလ်ကင်းအောင်ပေးလေ့ရှိပါသည်။

   *မွေးမြူရေးအတွက် အခါမပေးပါ။ ယတြာမပေးပါ။
   *အရက်ဆိုင် စားသောက်ဆိုင်တွေအား လူဝင်အောင်     ဓာတ်ဆင်မပေးပါ
   *ပစ္စည်းပျောက် မဟောပါ
   *ကာမပိုင် မယားကြီးရှိရဲ့နဲ့ အငယ်အနှောင်းကိစ္စအတွက် ဓာတ်မဆင်ပါ
   *လင်ကြီးရှိရဲ့သားနဲ့လင်ငယ်နဲ့ပျော်ချင်သူတွေကို ယတြာမပေးပါ
   *အိမ်ထောင်သည်ကိုမြူဆွယ်လို့ရအောင် ဓာတ်မဆင်ပါ
   *KTV ၊မာဆတ်၊စင်တင်စားသောက်ဆိုင်တွေ လူဝင်အောင်လုပ်မပေးပါ။ 
   *၁လုံး ၊၂လုံး၊၃လုံးအပြင် လောင်းကစားအလုပ်များ ဒိုင်များ ရောင်းအားတတ်အောင်ယတြာမပေးပါ။
   *   မယားငယ်က မယားကြီး ဒုက္ခရောက်အောင်မျိုး ၊
 မယားကြီးက မယားငယ်ဒုက္ခရောက်အောင်ဆိုတာမျိုး
လုပ်ပေးမည်မဟုတ်ပါ။
  အထက်များ အကြောင်းကိစ္စများအပြင် မည်သည့်အကုသိုလ်အလုပ်ကိုမှ ယတြာမပေးပါဘူး။

   ခေတ်က ပျက်လာလေလေ အကုသိုလ်အလုပ်တွေကို လူတွေက နှစ်သက်ကြလေပဲလားမသိ ။
  ကျွန်တော့်သူငယ်ချင်း ၊မိတ်ဆွေတွေထဲမှာပင် အကုသိုလ်အလုပ်တွေအများကြီးလုပ်နေသူတွေရှိနေကြသည်။
  သူငယ်ချင်းတစ်ယောက်ဆို သူလုပ်ခဲ့တဲ့ ကုမ္ပဏီကနေ
အောက်ဆိုက်တွေအများကြီးရသည်။နှစ်နဲ့ချီပြီးလုပ်ခဲ့သည်
အလုပ်က နဲနဲကြပ်လာတော့ ထွက်လိုက်သည်။
လက်ထဲမှာတော့ သိန်းပေါင်းရာချီပိုက်လျက်ပေါ့။
   ရထားတဲ့အရင်းအနှီးငွေလေးကို အကုသိုလ်အလုပ်မှာပဲထပ်လုပ်သည်။ liquid store ဆိုင်ဖွင့်သည်။
စိတ်မကောင်း။ ပညာတတ်ဘွဲ့ရတတ်ယောက်အနေနဲ့ ဗုဒ္ဓဘာသာဝင်တစ်ယောက်အနေနဲ့ အကောင်းအဆိုးတော့ ခွဲခြားတတ်မည်သာ။ ဒါပေမဲ့ ငွေရလွယ်သောအလုပ်ဆိုပြီးလုပ်သည်။
     ဘုရားရှင် ဟောထားတဲ့ အကုသိုလ်အလုပ် ၊ဥပသကာမမည်တဲ့အလုပ်တွေလုပ်နေကြသည်။ကုသိုလ်အရှိန်ကုန်သွားရင်အကျနာမယ်ဆိုတာကို သိစေချင်သည်။

  ရောင်းအားကောင်းဖို့ သူငယ်ချင်းဆိုတဲ့စိတ်နဲ့လုပ်ပေးချင်ပေမဲ့ လျစ်လျူရှုခဲ့ရသည်။ 
အမြင်မှန်ရပြီးအကုသိုလ်အလုပ်တွေဆက်မလုပ်ဖို့ပဲဆုတောင်းရမည်သာ။

******************************************
နောက်ပြီးမာဆတ်ထောင်ထားတဲ့သူငယ်ချင်းတစ်ယောက်နှင့်စကားအခြေအတင်ဖြစ်ဖူးသည်။ သူကပြောသည်။

“နှိပ်ပေးတဲ့ကောင်မလေးတွေကို လစာပေးထားတယ်။ နေစရာစီစဉ်ပေးတယ်။Section ဝင်ရင် ရာခိုင်နှုန်းလိုက်ပေးထားတယ်။ သူတို့လဲအဆင်ပြေ ငါလဲဆင်ပြေနေတာပဲလေ”

ူ့သူ့ဘက်က နေ သူလုပ်တာမှန်သည်ထင်နေသည်။

“အဲဒါဆိုငါပြောမယ်သူငယ်ချင်း ၊မင်းအလုပ်က တရားဝင်အနှိပ်ခန်းမဟုတ်ဘူးလေ၊ညဉ့်နက်ရင် နှိပ်တာအပြင် အဆင့်ကျော်တာမျိုးရှိနေတာ မင်းရောငါရောအသိပဲလေ
    တစ်ခုပဲပြောမယ်ကွာ မင်းအခု သမီးလေးတစ်ယောက်မွေးထားတယ်။ နောက်ထပ်မင်းမိန်းမကို သမီးလေးကိုးယောက်ထပ်မွေးခိုင်းကွာ ၊အရွယ်ရောက်ရင် အနှိပ်ပညာသင်ခိုင်းပြီး မင်းမာဆတ်မှာပဲပြန်ခိုင်းလိုက်လေ 
မင်းအတွက်ပိုကျန်တာပေါ့”

  “ဘာကွ”ဆိုပြီး ကျွန်တော့်ကို ထထိုးမလိုပြင်သည်။ ဘေးကသူငယ်ချင်းတွေဝိုင်းဆွဲကြလို့သာ။ 

“အဲဒါပဲသူငယ်ချင်း ငါပြောတာ စကားလုံးလေးတွေပဲရှိသေးတာ ၊တကယ်လက်တွေ့မဟုတ်သေးဘူး။
အခုမင်းဆီမှာလုပ်နေတဲ့မိန်းကလေးတွေကို မင်းရဲ့သမီးတွေလိုသဘောထားပြီးကြည့်ပါ။ 
    ကိုယ်ချင်းစာတရားသာ လက်ကိုင်ထားသူငယ်ချင်း ။
မင်းအမြင်မှန်တွေ့လိမ့်မယ်”

    ထိုသူငယ်ချင်းကို အမုန်းခံပြောရကျိုးနပ်သွားသည်။ ထိုအလုပ်ကို ဆက်မလုပ်ဖြစ်တော့။ 

မိမိသားသမီးကိုတော့ အရက်သမားမဖြစ်စေချင်၊
ကိုယ်ကျတော့ အရက်ရောင်းသည်။ 

ကိုယ့်သားသမီးကိုတော့ ဆေးသမားမဖြစ်စေချင် ၊
ကိုယ်ကျတော့ မူးယစ်ဆေးဝါးရောင်းသည်။

ကိုယ့်သမီးကျတော့ ရည်းစားပွေမှာကြောင့်သည်။
ကိုယ်ကျတော့ မယားငယ်နှင့်     ဆိုတာမျိုး အမြဲတွေ့နေရသည်။ 

   မိမိလုပ်နေတဲ့အလုပ်တွေကို 
ရေရှည်စဉ်းစားပါ။ဘုရားကြိုက်ရဲ့လား၊
တရားမ်ွတမႈေရာ ရွိရဲ႕လား
မိမိ ၊မိသားစု၊ပတ်ဝန်းကျင်မှာ နှားခေါင်းရှုပ်စရာ ဖြစ်နေလား……

သီလရဲ့ အခြေခံက ကိုယ်ချင်းစာတရားပါပဲ။ ကိုယ်ချင်းစာတရားလက်ကိုင်ထားပြီး နေကြဖို့တော့လိုအပ်နေတာ
အမှန်ပင်။    ။

တစ်စုံတစ်ခုကိုတော့ သင်ကျွမ်းကျင်အောင်လုပ်ပါ။ သင်ကျွမ်းကျင်တဲ့အရာကိုတော့ ဘယ်တော့မှ အလကားလုပ်မပေးပါနဲ့။ တစ်ခါတစ်ရံမှ ကိုယ်ကျွမ်းကျင်ပြီး ကိုယ့်အတွက် မခက်ခဲ့တဲ့ကိစ္စကို တစ်ခုကို ကူညီလုပ်ပေးတဲ့အတွက် တန်ဖိုး မထားတက်သူများနဲ့ တွေ့ရတက်ပါတယ်။

    ထိုအချိန်မှာ joker ပြောတဲ့ စကားလေးကို သတိရဖို့ 

ရှဲပေးလိုက်ပါတယ်။ “ကိုယ့်ပညာတန်ဖိုး ထားတဲ့သူများနဲ့ တွေ့ပါစေ”

နှုတ်ခမ်းကပြောသော သင့်အကြောင်း

By Nyein Aye Lu 0 Comments

  အင်္ဂါရုပ်ဖတ်တဲ့ ပညာရပ်တွေထဲမှာ 
နှုတ်ခမ်းကိုကြည့်ပြီး ထိုသူ၏စရိုက်သဘာဝ၊ ကံကြမ္မာကို ခန့်မှန်းရသော ပညာရပ်တွေရှိသည်။ 
နှုတ်ခမ်းက ထွက်လာတဲ့စကားလုံးတွေရဲ့ အတိမ်အနက်၊တည်ကြည်မှုကို သိရှိဖို့ နှုတ်ခမ်းအဟောတွေကိုသိထားသင့်သည်။
  မိမိနှုတ်ခမ်းကိုကြည့်ပြီး ဆင်ခြင်နိုင်သလို၊ မိမိနဲ့ နီးစပ်သူတွေရဲ့နှုတ်ခမ်းကိုလေ့လာပြီး ပေါင်းသင်းဆက်ဆံရေးအပိုင်းမှာ ချင့်ချိန်နိုင်ရန်တင်ပြလိုက်ပါသည်။

နှုတ်ခမ်းထူ၍ ညီနေက-

စကားပြောနည်းတတ်သည်။ ရိုးသားဖြောင့် မတ်၍
 သြဇာအာဏာ ကြီးမားတတ်သည်။ ကျော် ဇောထင်ရှားသူ၊ စီးပွားဥစ္စာ ငွေကြေးကြွယ်ဝသူ ဖြစ် တတ်ပါသည်။

နှုတ်ခမ်းထူ၍ အထက်သို့လန်က –

အပျော်အပါးဝါသနာပါပြီး စကားပြောမတည်သူ ဖြစ်တတ်သည်။ ဒေါသ၊ မောဟ ကြီးသူဖြစ်တတ် ပြီး သြဇာအာဏာမရှိသူ ဖြစ်တတ်သည်။

နှုတ်ခမ်းထူ၍ အောက်သို့တွဲကျနေက-

အစားအသောက်ကို လွန်စွာမက်မောတတ် သည်။ 
ရက်စက်ကြမ်းတမ်းစွာ ဆောင်ရွက်လုပ်ကိုင် ပြောဆိုတတ်ပြီး သြဇာအာဏာ မရှိသူဖြစ်တတ်သည်။ ခန္ဓာ ကိုယ် အပင်ပန်းခံနိုင်ပြီး တစ်ဇွတ်ထိုးလုပ်ကိုင်ဆောင် ရွက်တတ်သူ ဖြစ်တတ်သည်။

နှုတ်ခမ်းပါး၍ ညီနေက –

ဉာဏ်ရည် ဉာဏ်သွေးကောင်းပြီး ထူးချွန် ထက်မြက်သူ ဖြစ်တတ်သည်။ လူချစ်လူခင်ပေါများ ပြီး ပညာတတ်လူတန်းစား ဖြစ်တတ်သည်။ ဘုန်း တန်ခိုးကြီး၍ သြဇာအာဏာကြီးမားသူ၊ ကျော်ဇော ထင်ရှားသူ ဖြစ်တတ်ပါသည်။ချစ်ဖွယ်သောစကားကိုဆိုတတ်သည်။

နှုတ်ခမ်းပါး၍ အထက်သို့လန်နေက-

စကားအလွန်များတတ်ပြီး ကြွားဝါပြောဆို တတ်သူ ဖြစ်တတ်သည်။ ရန်လိုတတ်သည်။ ဝီရိယ နည်းပါးတတ်ပြီး ထိတ်လန့်ကြောက်ရွံ့နေတတ်သူ ဖြစ်တတ်သည်။

နှုတ်ခမ်းပါး၍ အောက်သို့တွဲကျနေပါက –

စကားအမှန်မပြောတတ်ဘဲ ကုန်းချောစကား ပြောတတ်သည်။ အစားအသောက် လွန်စွာမက်မော တတ်သည်။ ရန်လို၊ ရန်ပြုတတ်ပြီး၊ ငွေကြေးဥစ္စာ မမြဲတတ်ပါ။

အပေါ်နှုတ်ခမ်းထူပြီး အောက်နှုတ်ခမ်းပါးနေပါက-

လောကီစိတ်ကုန်နေတတ်သည်။ နောင်တရစရာတွေလုပ်မိတတ်သည်။ ပရဟိတဝါသနာပါသည်။ အလှူ အတန်းရက်ရောသည်။ တစ်ပါးသူအပေါ် ကူညီ
ီချင်စိတ်အပြည့်ရှိသည်။လိုအပ်မှစကားပြောသည်။

အပေါ်နှုတ်ခမ်းပါးပြီး အောက်နှုတ်ခမ်းထူနေပါက-

 မနာလိုစိတ်များသည်။ သူများကိုယ့်ထက်သာသွားမည်ကိုမလိုလားသူဖြစ်မည်။တစ်ခုခုစွဲလမ်းပါက ဖြတ်ရခက်သည်။ စိတ်မြန်လက်မြန်လုပ်တတ်သည်။ 
အရှုံးကိုရင်ဆိုင်နိုင်သည်။  စကားပြောရာတွင် မိမိအတွက်တစ်ကွက်ချန်ပြီးပြောတတ်သည်။

                                  ငြိမ်းအေးလူ(ဗေဒင်သုတေသီ)

သင့်နဖူးက ပြောတဲ့ သင့်အကြောင်း =================== ===================

By Nyein Aye Lu 0 Comments

၁။ နဖူး ကျဉ်းမြောင်းသူတွေဟာ စိတ်ထိခိုက်ခံစားလွယ်ပြီး တသီးတခြား နေတတ်သူတွေ ဖြစ်ပါတယ်။ သူတို့က ဆုံးဖြတ်ချက်တွေကို နှလုံးသားနဲ့ ချမှတ်တတ်ပါတယ်။

၂။ အခုလို ပုံစံ နဖူးရှိသူတွေက စိတ်ကူးဉာဏ်ကောင်းမွန်ပြီး တီထွင်ဖန်တီးမှု အားကောင်းကာ လူတွေကို ဆွဲဆောင်နိုင်သူပါ။

၃။ ဒီလို နဖူးပုံစံ ရှိသူတွေဟာ ခေါင်းမာတတ်သူတွေ ဖြစ်ပါတယ်။ သူတို့ရဲ့ ပြောဆိုလုပ်ကိုင်မှုတွက သူတို့ကိုယ်တိုင် သတိမပြုမိဘဲ တခါတရံမှာ လူတွေကို ထိခိုက်နာကျင်စေပါတယ်။

၄။ ကျယ်ဝန်းတဲ့ နဖူး ပိုင်ဆိုင်သူတွေက နှစ်လိုဖွယ်ရာကောင်းပါတယ်။ သူတို့ဟာ စွမ်းရည်မြင့်မားပြီး လျင်မြန်စွာ သင်ယူတတ်မြောက်နိုင်စွမ်း ရှိပါတယ်။

၅။ လေးထောင့်ဆန်ဆန် ဖြောင့်တန်းနေတဲ့ နဖူး ရှိသူတွေက ပွင့်လင်းပြီး ဘဝခရီးမှာ ရှေ့ကိုသာ လျှောက်လှမ်းလိုသူတွေပါ။ သူတို့ဟာ လုံ့လဝီရိယရှိပြီး အလုပ်ကိစ္စနဲ့ ပုဂ္ဂိုလ်ရေးကိစ္စတွေမှာ အပေးအယူ လုပ်လေ့မရှိသူမျိုး ဖြစ်ပါတယ်။

၆။ အခုလို နဖူး ပုံစံရှိသူတွေက ပျော်ပျော်နေတတ်ပြီး အားလုံးရဲ့ အာရုံစိုက်မှု ခံချင်သူတွေပါ။

၇။ တောင်ပုံသဏ္ဍန် နဖူးကို ပိုင်ဆိုင်သူတွေက နူးညံ့သိမ်မွေ့ပြီး ကြင်နာတတ်သူတွေပါ။ သူတို့ဟာ ကိုယ့်ကိုယ်ကိုယ် ယုံကြည်မှုရှိပြီး ပတ်ဝန်းကျင် လူမှုအသိုင်းအဝိုင်းမှာ ဝင်ဆံ့လိုသူတွေ ဖြစ်ပါတယ်။

============

သောကကင်းစေ…..ချမ်းသာစေ

ဗေဒင် Pageနဲ့ သင့်တော်တဲ့ ဆောင်းပါးလေးတစ်ပုဒ် shareလိုက်ပါတယ်ဗျ ဗေဒင်ပညာ ဘာလဲ?

အီဂျစ်ခေတ်မှလောကီအဆောင်များ

(၁၂)ရာသီခွင် ဟာသ

နှစ်သစ်ကူးအတွေး

” အကုသိုလ်အလုပ် မလုပ်စေချင် “

” ချမ်းသာ၊ကျန်းမာ ဘေးကင်းကွာ”

တန်ဖိုး

နှုတ်ခမ်းကပြောသော သင့်အကြောင်း

သင့်နဖူးက ပြောတဲ့ သင့်အကြောင်း =================== ===================

Author: Nyein Aye Lu