ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ သီတင်းကျွတ်လဆန်း(၁)ရက်၊ တနင်္ဂနွေနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊စက်တင်ဘာလ(၂၅)ရက်နေ့လဲ ဖြစ်ပါတယ်။
ဒီနေ့နံနက်(၀၅း၁၈)နာရီမှာ အရုဏ်တတ်ပါတယ်။ နေထွက်ချိန်နံနက်(၀၆း၀၆)နာရီဖြစ်ပြီး ၊ ညနေ(၀၆း၀၄)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အရှေ့မြောက်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက်တောင်အရပ် ဖြစ်ပါတယ်။ စန်းပွင့်ရာအရပ်ကအရှေ့အရပ် ဖြစ်ပါတယ်။
လက်သမားမြေခံအရ နတ်မြေခံဖြစ်ပါတယ်။ နတ်မြေခံဖြစ်ပါ၍ ဘေးသင့်တတ်သဖြင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်း တည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ မြေတူးဆွတာတွေ လုပ်ကိုင် ဆောင်ရွက်ခြင်းငှာ မသင့်သေးပါ။
တီထိမြေခံအရ ကြာသပတေးမြေခံဖြစ်ပါတယ်။ ကြာသပတေးမြေခံအရ မိမိကြံစည်စိတ်ကူး ထားသော အရာမှန်သမျှ အချိန်မရွှေ့ဆိုင်းပဲချက်ချင်းလက်ငင်း အကောင်အထည်ဖေါ် ဆောင်ရွက်သင့်ချိန်ဖြစ်၍ခိုင်ခန့်တဲ့ အဆောက် အဦး တွေ၊ ကျောင်းတွေသိမ်တွေ၊ လမ်း တံတား တွေ၊ အထပ်မြင့်အဆောက်အဦးတွေ စတင် ဆောက်လုပ်တာ တိုင်ထူတာ ပန္နက်ရိုက်တာမျိုးတွေအထူး ဆောင်ရွက်လို့ရပါတယ်။
ဒီနေ့ဟာ ဝါရမိတ္တုကြီး၊ သိကြားပြည်ပြဿဒါး၊ သမားဖြူ၊ ရက်ပုတ် ရက်ကျရောက်နေတာဖြစ်ပါတယ်။
ဒီနေ့ဟာ တီထိအရတော့ လကွယ်တီထိဖြစ်ပြီးတော့ အေးချမ်းမှု၊ပျော်ရွှင်မှုတွေကိုပေးတဲ့ ပုဏ္ဏတီထိကျ ရောက်တဲ့ နေ့ရက်ပဲဖြစ်ပါတယ်။ရန်ပြဿနာများဖြေရှင်းရန် ရက်ကောင်းပါတယ်။ ရပိုင်ခွင့်များလဲပြန်လည်တောင်းခံ နိုင်ပါ လိမ့် မယ်။ငွေကြေးအမြောက်အများ ရင်းနှီးမြုပ်နှံမယ်ဆိုရင်သတိထားဆောင်ရွက်ပါ။
ကန်ရာသီသို့ သောကြာဂြိုဟ် ကူးပြောင်းပါတယ်။ကန်ရာသီမှာသောကြာဂြိုဟ်တည်ဆဲတွင် ဆန်စပါး ကောက်ပဲသီး နှံပျက်စီးလွယ်ပါတယ်။ အခုကစလို့ ၂၈ရက်အတွင်း မရိတ်မခြွေရသေးတဲ့ အသီးအနှံတွေကိုဂရုစိုက်ပေးပါ။ လဆန်း ၁ရက်နေ့ကတနင်္ဂနွေနေ့နဲ့တိုက်ဆိုင်နေတာမို့အုန်းညွှန့် အုန်းပန်း၊အုန်းရည် အင်ကြင်းပန်း၊အုန်းထမင်းစတာတွေကို လှူဒါန်းပြီး လိုရာဆုတောင်းပါ။
ဒီနေ့မှာကတိပျက်တဲ့သူတွေနဲ့အထူးကြုံရတတ်ပါတယ်။ ဒါကြောင့် မည်သည့်ကိုမှအလုံးစုံစိတ်ချယုံကြည်ထားခြင်း မျိုးမလုပ်သင့်ပါဘူး။ ကြာသပတေးဂြိုဟ်စိုးမိုးနေတဲ့နေ့ရက်ဖြစ်တာကြောင့် နိုင်ငံတကာကိုပညာရေးအတွက် လျှောက်ထားခြင်း၊ စတင် ဆောင်ရွက်တာမျိုးတွေအထူးကောင်းပါတယ်။မည်သည့်ခရီးမဆို သွားလို့အလွန် ကောင်း တဲ့ နေ့ရက်ပါပဲ။ အလုပ်ကိစ္စနဲ့ပတ်သက်သောခရီးများသွားနိုင်သလို မိမိရဲ့ ကိုယ်ရေးကိုယ်တာ ကိစ္စတွေနဲ့ပက်သက် ပြီးတော့လဲ ခရီးသွားလို့အလွန်ကောင်းပါတယ်။အလွန်ပဲအဆင်ပြေ တတ်ပါတယ်။
အဗြဟ္မာစရိယသီလကို ဆောက်တည်ခြင်းဖြင့် ကံကောင်းခြင်းတွေကိုရရှိတတ်ပါတယ်။ အရောင်းထိုင်းနေတဲ့ ပစ္စည်း၊ မူလလက်ဟောင်းပစ္စည်းများအရောင်း သွက်ပါလိမ့်မယ်။ အလှကုန်ပစ္စည်းများစတင်၍ဈေးကွက် ထဲ ကိုဖြန့်ချီခြင်း တွေဆောင်ရွက်လို့ကောင်းပါတယ်။
အထည်ချုပ်လုပ်ငန်းတွေ၊ စက်ကားပြုပြင်ထိန်းသိမ်းရေးလုပ်ငန်းတွေ၊ရွှေနှင့်ရတနာပစ္စည်းရောင်းချခြင်း လုပ်ငန်းတွေ အဆင်ပြေတိုးတတ်မဲ့နေ့ရက်လဲဖြစ်ပါတယ်။ခံစားချက်နှင့်လုပ်ရသော အတွေးအခေါ်ဦးစားပေးလုပ်ရ သောအလုပ်များပိုမိုအဆင်ပြေတတ်ပါတယ်။ကုန်ပစ္စည်းဝယ်ယူသိုလှောင်ခြင်းများလဲဆောင်ရွက်နိုင်ပါတယ်။ ထီဝါသနာပါသူများလဲ ထီကံစမ်း သင့်တဲ့ နေ့ရက် ပါ။ ၃ဂဏန်း၊၄ဂဏန်း၊ဝဂဏန်းပါတဲ့ ထီလက်မှတ်ကို ရွေးချယ် ကံစမ်းလိုက်ပါ။
လမ်းပြုပြင်၊တံတားပြုပြင်ခြင်းများဆောင်ရွက်နိုင်ပါတယ်။မိမိလိုချင်တဲ့တန်ဖိုးကြီးတဲ့အသုံးအဆောင်ပစ္စည်း တွေကိုဝယ်ယူစုဆောင်းနိုင်ပါလိမ့်မယ်။ကိုယ်ပိုင်စီးပွားပဲဖြစ်ဖြစ်လခစားဝန်ထမ်းအလုပ်ပဲဖြစ်ဖြစ် အလုပ်နဲ့ ပတ်သက် ပြီးအဆင်ပြေချောမွေ့တာများပါတယ်။
ယနေ့ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့အချိန်ကာလကတော့ည(၂၁း၀၇)နာရီမှ (၂၁း၅၉)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရ ဂါထာ များရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများ ကြုံ လာ ရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုး မရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဝါရမိတ္တုကြီးကျရောက်တဲ့နေ့ဖြစ်တာကြောင့် မင်္ဂလာယူ ပြီးလုပ်ရမဲ့ကိစ္စတွေအားလုံးရှောင်သင့်ပါတယ်။ လက်ထပ် ထိမ်းမြားခြင်း၊စေ့စပ်ခြင်းများ၊ရုံးတတ်လက်မှတ်ထိုးခြင်း၊ မင်္ဂလာစကားပြောခြင်းများလဲ ရှောင်သင့်ပါ တယ်။
ရှောင်သင့်တာတွေကတော့ သိကြားပြည်ပြဿဒါးဖြစ်တာကြောင့် လောကုတ္တရာ မင်္ဂလာနဲ့ပက်သက်သော ရှင်ပြု ခြင်း၊ နားသခြင်း၊ ပဉ္ဇှင်းခံခြင်း၊ ဘုရားထီးတင်ခြင်း၊ စတဲ့ကိစ္စတွေတတ်နိုင်သလောက် ရှောင်သင့်ပါတယ်။ စာရွက် စာတမ်း လက်မှတ်ထိုးခြင်းများ၊ ကတိကဝတ်ပြုခြင်းများတွင်အမှားအယွင်းတွေရှိတတ်ပါတယ်။ ဘယ်သူပဲ ကျန်းမာ ရေး အညံ့ ကြုံပါက နာတာရှည်ဖြစ်သွားတတ်ပါတယ်။
ဒီနေ့ဟာသမားဖြူရက်ဖြစ်တာကြောင့် အရောင်းအဝယ်ကိစ္စတွေမှာ ရောင်းမှာဝယ်မှားဖြစ်တတ်တယ်။ လူလိမ်ခံရ တတ်ပါတယ်။ဘဝအတွက်အရေးကြီးတဲ့အလုပ်များ၊ဆုံးဖြတ်ချက်များကိုဒီနေ့မှာလုပ်ဆောင်ချမှတ်လို့မကောင်းပါ ဘူး။
ရက်ပုပ်ကျတဲ့ရက် ဖြစ်တာကြောင့် ဒီနေ့မှာစတင်လိုက်တဲ့ကိစ္စတွေက လိုရင်းမရောက်ဘဲ မပြီးမသတ်ဖြစ် ရတတ်ပါ တယ်။ ရန်ဖြစ်လိုက်ပြီးဆိုရင်လဲကြီးမားတဲ့ အမှုအခင်းထိဖြစ်သွားနိုင်ပါတယ်။ ရန်ရှောင်သင့်တဲ့နေ့ပါပဲ။
ဒီနေ့မွေး ရင်သွေးငယ်များဟာ မရဏဖွား၊ သိဟ်စန်း၊မွန်းလွဲတစ်နာရီ ၁၅မိနစ်ကျော်ရင် စန်းက ကန်ရာသီကူး ပြောင်း သည်။ ကန်ရာသီဖွားဖြစ်ပါသည်။ဒီနေ့မွေးသူများဟာ အခက် အခဲတွေသိပ်နည်းသူတွေဖြစ်တယ်။ အခက်အခဲကြုံ လာဖို့ရှိလာတိုင်း ကူညီပေးမဲ့သူတွေ၊ကာကွယ်ပေးမဲ့သူတွေ ရှေ့ ကနေမားမားမတ်မတ်ရပ်ပေးကြမဲ့သူ တွေရှိလာစမြဲ ပါပဲ။ ကံကောင်းတာက ရပ်ဝေးနိုင်ငံခြားကံအားကောင်းကြသူ တွေဖြစ်ကြတယ်။ နိုင်ငံခြားမှာအခြေချလို့ရသည်အထိ နိုင်ငံခြားကံအထူးကောင်းကြတယ်။ နိုင်ငံခြားမှာပဲ ပညာသင် စီးပွားရှာလို့ကောင်းတဲ့သူတွေဖြစ်ပါတယ်။ ဘဝအတွက် အထောက်အပံ့ဖြစ်စေမဲ့ လူနည်းစုလောက်သာတက်နိုင်တဲ့ ကျောင်းတွေ၊သင်တန်းမျိုး၊စာသင်ဝိုင်းတွေကို သင်ယူတတ် ရောက် ခွင့်တွေအထူးရလာပါလိမ့်မယ်။
ဒီနေ့အတွက် ရာဟုကာလအမှောင်ချိန်တွေကတော့ ညနေ(၄း၃၀) နာရီမှ ညနေ(၀၆း၀၀)နာရီအတွင်း ကျရောက်နေ ပါ တယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ် ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်း ပါတယ်။
ကံကောင်းသောနေ့သားများကတော့ တနင်္လာ၊ ကြာသပတေး၊ သောကြာ သားသမီးများဖြစ်ပါတယ်။
ကံညံ့သော နေ့သား ကတော့ အင်္ဂါ၊ စနေ သားသမီးများဖြစ်ပါတယ်။
ကံသင့်သောနေ့သားများ ကတော့ တနင်္ဂနွေ၊ ဗုဒ္ဓဟူး၊ ရာဟု သားသမီးများဖြစ်ပါတယ်။
ဒီနေ့မှာ ခရမ်းရောင်၊ကာကီရောင် များများပါသောအဝတ်အစားအသုံးအဆောင်ပစ္စည်းတွေကို အထူး အလေးထား ဝတ် ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ၇ရက်သားသမီးများအားလုံးအတွက် အထူးအကျိုးပေးမယ့်Lucky Number တွေကတော့(၅၊ ၆)ဂဏန်း တွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့မြင်းခွာရွက်သုပ်စား သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ရဲယိုသီး ဘုရားကပ်လှူပြီး လိုရာ ဆုတောင်း ပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသောလို အင်ဆန္ဒတွေပြည့်ဝကြပါစေ။
၇ရက်သားသမီးအတွက် တစ်နေ့တာဟောစာတမ်းအကျဉ်း
တနင်္ဂနွေ
အထက်လူကြီးနဲ့ဆက်ဆံရေးအဆင်မပြေတတ်ပါ။ ဌာန ဆိုင်ရာနဲ့ ဆက်စပ်လုပ်ကိုင်သမျှစာရွက် စာတမ်း မပြည့်စုံ မှုကြောင့် အဆင်မပြေဖြစ်ရတတ်ပါတယ်။ ရွှေနှင့်ရတနာ ပစ္စည်းရောင်းဝယ်ခြင်းများ အဆင်မပြေဖြစ်လွယ်ပါတယ်။ ရောင်းလိုတဲ့ စက်တွေရှိရင် ဒီနေ့ရက်မှာရောင်းထွက်သွား ရတတ်ပါတယ်။ သားသမီးတွေရဲ့လို အင်ဆန္ဒတွေကို ဖြည့် ဆည်း ပေးနိုင်ပါလိမ့်မယ်။ ကျန်းမာရေးကိုတော့ ဒီနေ့ရက်မှာဂရုစိုက်ပါ။ လေချုပ်၊ဝမ်းချုပ်ဖြစ်ရတတ်ပါတယ်။ လူမှု ရေး ပြဿနာ တွေထဲ ကြား ဝင်မပါမိစေနဲ့။ လမ်းသစ် ထွင်ကြိုးစားထားသူများဒီနေ့မှာ အောင်မြင်မှု အသီးအပွင့် တွေကို စတင်ခံစား ရနိုင်ပါတယ်။
တနင်္လာ
ရလိုမှုတစ်ခုအတွက် ထိုက်တန်တဲ့အချိန်တစ်ခုပေးရပါ လိမ့်မယ်။ စိတ်ရှည်မှအဆင်ပြေနိုင်တဲ့ကာလပါပဲ။ ဒါမိမိယုံ ကြည် လေး စားရသူပဲဆိုပြီး ငွေကြေးချေးငှားတာမျိုးကို ချင့်ချိန်ပါ။ ရင်းနှီးသူတွေကပဲ မိမိကိုလိမ်သွားတတ်တဲ့နေ့ရက် ပါပဲ။ ဘာသာရေးနဲ့ပတ်သက်တဲ့ ဘုရားဖူးခရီးများ သွားရခြင်းတွေ၊ ကိုးကွယ်စရာပစ္စည်းများ လက်ဆောင်ရခြင်းတွေ ကြုံရတတ်ပါတယ်။ ပညာရေးနဲ့ပတ်သက်သော ကိစ္စအ၀၀အဆင်ပြေပါလိမ့်မယ်။ အတွေးဟောင်းစိတ်ကူးဟောင်း တွေကို ဘေးဖယ်ပြီးလက်ရှိအနေ အထားနဲ့ ကိုက်ညီတဲ့အကြံအစည်တွေကိုအကောင်အထည်ဖော်လိုက်ပါ။
အင်္ဂါ
တွေးတောကြံစည်လုပ်ကိုင်သမျှတွေကတော့ လက်တွေ့ အကောင်အထည်ဖော်လို့မကောင်းသေးပါဘူး။ စိတ်မရှည် စရာ၊ ဒေါသဖြစ်စရာကြုံနေရတတ်ပါတယ်။ ရန်၊ပြဿနာ ၊ အမှုအခင်းတွေတိုက်ရိုက်ကြုံရတတ်ပါတယ်။ ကျန်းမာရေး ကတော့ မတော်တဆထိခိုက်မိတာ မျိုးတွေ၊ ချော်လဲ တာမျိုးတွေ ၊အလေး အပင်မပြီး ခါးနာသွားတာမျိုးတွေကို သတိ ထားရပါလိမ့်မယ်။ ငွေကြေးချေးငှားခြင်း မပြုသင့် ပါဘူး။ရထားတဲ့ငွေကြေးတွေကိုလဲ မဆုံးရှုံးအောင်ထိန်းသိမ်း တတ် ဖို့ လိုပါတယ်။ လူမျိုးခြားတွေနဲ့ စပ်တူလုပ်ကိုင် ထားတဲ့အလုပ် တွေ ထင်သလောက်အဆင်မပြေတဲ့ နေ့မျိုး ဖြစ် တတ်ပါတယ်။
ဗုဒ္ဓဟူး၊ရာဟု
ကောင်းသောလိုအင်ဆန္ဒတွေ ပြည့်ဝလာတတ်ပါတယ်။ ကျန်း မာရေးနဲ့ပတ်သက်ပြီးတော့လဲ အကောင်းဆုံးရလဒ် တွေကို ရရှိလာပါလိမ့်မယ်။မိမိဖြစ်ချင်တာတွေကိုဖြစ်အောင်လဲ လုပ်ဆောင်သွားနိုင်ပါလိမ့်မယ်။ မိမိမသိ တာတွေကို စီနီယာတွေကို မေးမြန်းအကြံတောင်းလို့ကောင်းတဲ့နေ့ ရက်ပါ ပဲ။ လူချစ်လူခင်များနေတာကြောင့်လဲ လူအများရဲ့ အကူအညီကိုရရှိပါလိမ့်မယ်။ ခရီးများရလိမ့်မယ်။ အဆင်ပြေ ကောင်းမွန်တဲ့ ခရီးတွေပဲဖြစ်ပါလိမ့်မယ်။ အချစ်ရေးနဲ့ ပတ်သက်ပြီး အမှတ်တရတွေ ကျန်ခဲ့မဲ့နေ့ရက်လဲဖြစ်ပါတယ်။ ငွေကြေးချေးငှားမိရင်တော့ ဆုံးဖို့အလားအလာ များနေ တဲ့နေ့ရက်ပါပဲ။
ကြာသပတေး
ခရီးတိုပဲဖြစ်ဖြစ်၊ခရီးရှည်ပဲဖြစ်ဖြစ် ခရီးကိစ္စမှန်သမျှစတင်လို့ အလွန်ကောင်းပါတယ်။ သူတစ်ပါးတွေရဲ့အကူအညီတွေ ကိုမရဘဲ ကိုယ်ဒူးကိုယ်ချွန်ကြိုးစားရမည်။ ကုန်သွယ်စီး ပွားများ၊အရောင်းအဝယ်အလုပ်များအဆင်ပြေတတ်ပါတယ်။ ငွေကြေးကတော့ အကြွေးတွေကျပြီး ထပ်ရင်းနှီးဖို့ ငွေပြတ်သွားတတ်ပါတယ်။ အလုပ်တွေမှာတော့ ဖိအားကြီးကြီးတွေ ခံရတတ်ပါတယ်။ ဘာကိစ္စဖြစ်ဖြစ် မိမိအရည် အချင်းနဲ့ အောင်မြင်စွာကျော်ဖြတ်နိုင်ပါလိမ့်မယ်။ စိတ်ကူးအယူအဆ တွေ ကောင်းနေတတ်ပါတယ်။ မိမိကြို တင်ပြင်ဆင်ထားတဲ့ အတိုင်းဖြစ်လာတတ်ပါတယ်။ အချစ်ရေးအတွက်စိတ် ညစ်ရတတ်ပါတယ်။
သောကြာ
အလုပ်နဲ့ပတ်သက်ပြီးတော့လဲ စိတ်ကူထားတာလေး တွေအကောင်အထည်ဖော်နိုင်ပါလိမ့်မယ်။ သမာသမတ်ကျကျနဲ့ အရာရာကိုစိတ်ကောင်းစေတနာကောင်းနဲ့လုပ် သူတွေအလွန်မှပဲအဆင်ပြေမဲ့နေ့ရက်ပါပဲ။ တရားရှုမှတ်ခြင်း အဓိ ဌာန်ဝင်ခြင်းများကိုအထူးပဲဆောင်ရွက်နိုင်ပါတယ်။ ပညာရှာခြင်း၊ပညာယူခြင်းများအထူးဆောင်ရွက်နိုင်ပါ တယ်။ အရင် ကတည်းက လုပ်ငန်းလည်ပတ်မှုအရှိန်ရနေတဲ့ အလုပ်များ ဒီနေ့မှာနှစ်ဆတိုးတတ်ပါလိမ့်မယ်။ ကျန်းမာရေးမှာ တော့ အနည်းငယ် ညံ့ဖျင်းနေတာလေးတွေတွေ့ရ ပါတယ်။အရမ်းငန်တဲ့ စပ်တဲ့အစားအသောက်တွေကို တတ်နိုင် သလောက်လျှော့ပါ။
စနေ
စိတ်ကူးထားတာလေးတွေကို လက်တွေ့အကောင်အထည် ဖော်ဖို့ခက်ခဲ ပါတယ်။ မိမိကိုယ်တိုင်ကလဲ အလုပ် အပေါ် အာရုံမစိုက်မစိုက်နိုင်ဘဲဖြစ်ရတတ်ပါတယ်။ စိတ်ပျံ့လွင့် တာများနေတဲ့နေ့ဖြစ်တာကြောင့် တရားရှုမှတ်သင့်ပါတယ်။ ကျန်းမာရေးလဲအားနည်းသွားတတ်ပါတယ်။ အဓိက တော့ သူများဆီကအဖျားကူးတာမျိုး တွေအလွန်မှဖြစ် ရတတ် ပါတယ်။ လက်ဝယ်ရှိတဲ့ စက်ပစ္စည်းတွေခြူခြာနေ တတ်တာကြောင့် အလုပ်မတွင်သလိုဖြစ်ရတတ်ပါတယ်။ အောက် လက် ငယ်သား တွေကို ခိုင်းစေရာမှာတော့ အဆင်မပြေတာလေးတွေရှိတာကြောင့်ကိုယ်တိုင်ပဲ လုပ်ကိုင် နေရတတ် ပါတယ်။
ဆရာငြိမ်းအေးလူ(ဗေဒင်သုတေသီ)
09775555695
